Uncategorized

رواية أحببت مشاغبة الحلقة الثانية عشر 12 بقلم ناهد

 رواية أحببت مشاغبة الحلقة الثانية عشر 12 بقلم ناهد 

رواية أحببت مشاغبة الحلقة الثانية عشر 12 بقلم ناهد 

رواية أحببت مشاغبة الحلقة الثانية عشر 12 بقلم ناهد 

عزه :مين ياعلي 

اول لما شافت آسيل اتملت عنيها بالدموع وكانت هتجري عليها وتاخدها ف حضنها بس مسكت نفسها 

عزه لعلي:مين الي جاب البنت دي هنا يلا اطلعي امشي غوري من هنا اطلعي برااا 

بصت آسيل لعلي تستنجد بيه بصلها وراح ناحيت والدته وقال 

على بحزن:ماما ارجوكي كفايه كده هي موحشتكيش 

عزه :لاء موحشتنيش مش بنتي ولا اعرفها مش كفايه وبعدين كفايه ايه ولا ايه الشخص الي حبها وكان مستعد يعمل المستحيل عشانها اهو مرمي ف المستشفى بسببها وفقد بصره بسببها تعرف انا لما روحت اطمن عليه ف المستشفى والدته طردتني معاها حق عذراها انا لو منها مكنتش اكتفيت بالطرد بس امشي اطلعي براااا قولها ياعلى متجيش تاني هنا 

آسيل بعياط جامد لأمها :كفاياااا بقا ياماما وحياة النبي بقا كفايا حرام كل الي بيحصل ده غصب عني مش بإرادتي متبقيش انتي كمان قاسيه مش كفايا قسوة الدنيا دي هتبقى الدنيا وأمي انا مغلطش معملتش حاجه غلط ياماما والله صدقيني بنتك هى الي اتظلمت ف الموضوع ده كله ياماما 

لما ابقا متجوزه غصب ومجبره ابين اني سعيده ومبسوطه قدامكم وقدام عيلته يبقا مظلومه  لما ابقى قاعده معاهم ومغصوب عليا اني اضحك واخلي البيت مليان فرحه على حساب وجعي لما ابقا قاعده معاهم بضحك ولما اجي اقعد ف اوضتي لواحدي واعيط ضعف كل ضحكه ضحكتها معاهم يبقى انا المظلومه اتجبرت اقبل الجوازه دي واتجبرت اطرد مازن كل حاجه كانت غصب كنت بضحك معاهم وكإني حصلت على كل حاجه ف حياتي عيله كبيره وجوز يحبني واحبه عيله تعوضني عن غيابكم عشت الايام الي فاتت شايله هموم مش قدي حاسه اني مش قادره استحمل انا هنهار مع اي لحظه غلط ياماما شايله هم مازن ومرضه شايله ذنبه ف رقبتي مع اني ماليش ذنب هو السبب هو جاسر دخلوني مابينهم دخلوني حوار انا مش قده كفايا ياماما ارجوكي سامحيني اااااه كفايه قسوه ارجوكي مش هقدر استحمل اكتر من كده ….وبعدين خلاص انا ماشيه مش هوريكي وشي تاني سلام ياماما 

//////اول لما سمعت عزه ان بنتها هتمشي مقدرتش تقف ساكته جريت على بنتها وخدتها ف حضنها 

آسيل بعياط ووجع:ااااااااه ياماما وحشني حضنك قوي وحشتيني متسبنيش لواحدي تاني 

عزه بعياط:بس بس ياروح ماما انا معاكي انا اسفه ياحبيبتي اسفه ياضنايا سامحيني 

آسيل:وحشتيني قوي 

على وهو بيحاول يخفف من الموقف :ماخلاص ياجماعه هى قلبت نكد ليه كده ايه ده 

عزه وهى بتمسح دموعها :امشي ياد انتي من هنا 

علي:والله دلوقتي امشي ماشي خليكي فكراها ياست هانم 

…………..بعد نص ساعه 

آسيل :علي لازم اروح اشوف مازن 

عزه:مش هيسبوكي تدخوليله 

آسيل:متخفيش انا هتصرف يلا ياعلى ارجوك تعالى معايا 

على:هيعمل عمليه لعينه بكره 

عزه :آسيل هترجعوا لهنا مش هتروحي بيت المجرم التاني ده بيتك ده 

آسيل بتوتر:مش وقته ياماما الكلام ده 

على بعصبيه:لاء وقته ماما عندها حق انا هربي جاسر الكلب ده من اول وجديد ولازم يطلقك وملكيش رجوع هناك تاني 

آسيل وهى بتغير الموضوع:يلا هنتأخر على مازن 

******************************بعد نص ساعه وصلوا المستشفى 

ندى بصدمه:على 

على بتوتر:ندى عامله ايه 

بصت ندى لآسيل بغضب وقالت لعلي:آسيل جايه هنا تعمل ايه ياعلي مش كفايه الي عملته ف مازن عاوزه ايه تاني منه 

على :دي جايه تطمن على مازن ارجوكي سيبيها تدخله 

ندى :لاء مش هتدخل لايمكن تدخل هى السبب ف كل الي بيحصل ده 

آسيل بعياط :ارجوكي مره واحده بس ارجوكي 

على:خليها عليكي ياندى عشان خاطري 

بعد شويه سمحت ندى لآسيل انها تدخل لمازن دخلت لاقته قاعد على السرير ساكت بيبص للاشيئ وساكت اول لما شافته عيطت بصوت واطي 

مازن بحنان :كنت عارف انك هتيجي هترجعيلي من اول تاني آسيل لمازن ومازن لآسيل لسه بتحبيني صح 

آسيل بعياط بصوت واطي:انا 

مازن:حسيت بيكي وانتي داخله رغم انك معملتيش صوت دخلتي زي النسمه الرقيقه قلبي دق لما دخلتي زي اول دقه شافك فيها عرفت انه انتي 

اول مره شوفتك فيها كنتي ف الجامعه مع رنا صحبتك كنتي باين متعصبه كان شكلك حلو جدا كانت خدودك حمره زي الورده يااااااه لما ضحكتي حسيت اني طاير ضحكتك كإنها ردت فيا الروح من جديد بقيت بروح وراكي اي مكان تروحيه عرفت بتحبي ايه وبتكرهي ايه بتحبي تسمعي ايه الأماكن المفضله ليكي ادمنتك لدرجه اني بقيت نسخه مصغره منك ياآسيل حبيت كل حاجه حبتيها وكرهت برضوا الي كرهتيه بقيت انتي لما وافقتي على جوازنا كنت اول مره اكون سعيد بجد حسيت ان الدنيا مش سيعاني وكإني ملكت العالم كله بوجودك وفجأه اختفيتي اول لما روحتي مني قلبي اتقبض حسيت ان روحي بتطلع مني مكان قلبي ضلم بقا اسود بقيت جثه مستنيه الي يحن عليها ويدفنها  انا بحبك اوي متسيبنيش تاني 

اول لما خلص كلامه قعدت آسيل تعيط اكتر وبصوت عالي 

آسيل:اسفه سامحني مكنش لازم كل ده يحصل 

مازن:المهم انك هنا جنبي هحارب العالم كله عشانك انتي وبس هتبقى معايا مش كده 

مقدرتش آسيل تستنى اكتر من كده هربت منه اتمنت ف اللحظه دي أن الارض تتشق وتبلعها تختفى عن العالم كله جريت على عربيتها 

علي:آسييييل استنى 

طلع يجري وراها وركب العربيه وطلع 

آسيل:ارجوك مش وقت اسئله دلوقتي روحني 

على:حاضر 

آسيل:روحني بيت جاسر ياعلي 

على:آسيل انتي مجنونه لايمكن اوديكي هناك تاني 

آسيل:على ارجوك لو بتحبني وصلني هناك ارجوك 

على:هوصلك بس لازم اعرف ناويه علي ايه الاول

…………………

ندى:ليه يامازن كده كفايه الي هيا فيه بسببك انت وجاسر حرام عليك 

مازن بحقد وغل:مش كفايه آسيل ليا بتاعتي انا وبس ملك مازن الشرقاوي لواحده اطلعي سيبيني هنا لواحدي 

ندى :بس 

مازن بغضب:اطلعي برا ياندى برااااا 

…………….

جاسر بغضب لملك:ملك 

ملك:نعم ياجاسر 

جاسر:لما الهانم المحترمه توصل خليها تطلعلي على مكتبي فاهمه 

ملك بخوف :حا حاضر

يتبع..

لقراءة الحلقة الثالثة عشر : اضغط هنا

لقراءة باقي حلقات الرواية : اضغط هنا

نرشح لك أيضاً رواية رأيتك صدفة للكاتبة لارا.

اترك رداً على Unknown إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى