رواية غرام العاشق الفصل الثاني عشر 12 بقلم ميرو أحمد

ايهاب لف وجه: ارقدي من شدك

انا: ايهاب امشي لدارك نبي نرقد ومن امتي انت ترقد هنا

ايهاب لف وجه ابتسم:  من اليوم

انا ????????: ايهااااااب اطلع بلا سماطه

ايهاب جبدني من ايدي طحت عليه وايده تلعب بخصلات شعري وايبحت في عيوني ????: زلام اتعودي عليا ياحلوه لانه كل شي بيتغير 

انا ????  قلبي قريب طاح كيف قريبه منه ❤️ توترت منه قربه خفت قلبي يفضحني

انا حاولت انفك روحي منه: ايهاب اطلقني  

ايهاب ضحك وكتفني مسك ايديا ولفهم ورايا: ههههه اهدي مش دايرلك شي ????   

انا وجهي احمر ????: ايهاب مش وقتك ره بعد عني مش رايقتلك ???? 

ايهاب ????: باهي شن بنديرلك ماتبيش اتسامحيني

انا تجمعو دموعي في عيوني ????: مش امسامحتك ولا ح انسامحك لو ادير في الحراكات هذي عشان انا قتلك انحبك انحب انقولك انا نكرهك وزدت كرهتك اكثر لانك اناني ما ايهمك الا نفسك تبي تستغلني وتاخد حاجتك وتمشي عشان قتلك انحبك تبيني انرد عادي امعاك وانت كل الي ادير فيه عشان شهوتك ورغبتك بس انا مانهمك اكثر ما اتهمك مصلحتك ???? بري امشي لي بتبدلني بيها ???????? 

ايهاب انصدم من كلامي وجعه ????لانه غرام ماتعرفش كيف مهمه عنده ???? 

ايهاب رخا ايديني ونزلني وطلع من غير ما يتكلم بحرف ???? 

انا بعد طلع ايهاب غميت وجهي في المخده ونبكي ????????????

ليش ايصير امعايا هكي وجعتني روحي ليش يلعب بمشاعري وهوا مايبادلني بمشاعر ويبي يتزوج عليا اخرا ليش توا بس غليت عليه بعد قتله انحبك يبي يستغلني  مستحيل ننساه ليله زواجنا بعد مشالها حتي لو كنا مجبورين بس توجع بعد راجلك من اول ليله امعاك مشا لحبيبته وخلاك ابروحك حتي لو كان مش طايقك ولا ايحبك بس هوا مش امدايرلك قيمه ولا اهميه ولا قدر فحياته ما ايهمه مشاعرك وتسمعي فيه يتكلم امعاها ويتغزل فيها وايجي قدامك من غير ما ايفكر في مشاعرك ايقولك انا حددت عرسي يوم كدا وكدا واتشوفيه كيف مشغول ايوتي في شقته الي بيتزوج فيها مش داير احساس لمرته ممكن تنكسر من كل كلمه ايقول فيها

واخرها تطلعي حامل وانتي عارفه مصير هل الزواج مش حيكمل مانبيش انعيش امعا هو مرته عندي انموت ولا انشوفه امع غيري نبي نبعد عنه مانبيش انشوفه اكرهته ياناس ???????????????? بس مانقدرش نبعد توا لانه لو عرفو العيله بتصير مشكله مطره نسكت ونكمدها فقلبي لين هو يتزوج وانا نمشي لهلي لانه عارفه المشاكل الي بتصير بعد هل الزواج

????????????

.

.

.

.

.

.

ايهاب بعد طلع من الدار قعمز في الصاله ايدخن واحد وراء التاني رقيله من كلام غرام في نفس الوقت عارف كمية الوجع الي امسببه ليها ???? مهما قالت و دارت عندها حق لاني فعلا اناني فكرت بروحي ما فكرت فيها ولا فكرت انها انسانه اتحس وعندها قلب وانا جرحتها من اول ما خشت لحياتي ???? بس لو عطتني فرصه نبي انعوضها عن كل شي ????

.

.

.

.

.

انا سمعت صوت رساله في تليفون رفعت راسي شفت تليفون ايهاب ضاوي “الشاشه والعه ????” مديت يدي ورفعته  كانت الرساله من “دنيتي ” ليش تتصل وتبعت بعد انا انكون جنب تليفون ???? عليك حظ عندك ياحقيره  ????????  

فتحت الرساله من فوق  

“رهف” حبيبي ماتنسا بكرا نبي انشوفك في مول &% الساعه 5 ماطولش حياتي والله رايفت عليك “

انا مسحت دموع بغل ونقرا فيها ????: الحقير ايدير في مواعيد امع ست الحسن وايقولي سامحيني وايدحنس ???? انا الحق فيا الي امدايرتلك اهميه وربي اتشوف يا ايهاب طلعت امعصبه  القيته في الصاله

انا حذفت التليفون جنبه ايهاب استغرب فيا

ايهاب: كنك

انا بعصبيه: رد عليها ست الحسن قتلك بكرا الساعه 5 نتالقو في مول && ماتنساش حبيبي رايفت عليك ???? ولا فوقها قاعد اتقولي سامحيني ???? بنسامحك علي شنو بزبط وانت قاعد اترتب في موعيد غراميه وعرسك ولا انا كان شفتني وافقه علي واحد اتحرف يومي وتقلبه وانت ماشاءالله عايش حياتك تحسابها تركيا ولا باريس لا ياباتي مدام انا مرتك تحترمني زي ما انا محترمتك ولا انقولك بري امشيلها ماتهموني  

ايهاب برغم مش فاهم شي قعد يضحك عليها عرفها غايره ???????? 

انا قهرني هو يضحك ????: بالك قلت نكته انا مافيش شي ايضحك

ايهاب ????: واضح غايره منها

انا ????: ليش بنغار انتم الاتنين اخر همي ????

ايهاب ضحك ضحكة مستفزه ????: واضح اخر همك انا انشوف فيك قريب تنقزي تقتليني  ???? 

انا ????????: اتوهم في روحك بس 

ايهاب ضحك ????: يعني عادي بكرا نمشي انشوفها الحق حتي انا رايفتها  

انا ????????: من شد رجلك الطريق قدامك مشيه بلا رده امتى بنفتك منك

ايهاب قعد ايشوفلي دقيقه هوا عارف الكلام من وراء قلبي وعارفني مانبي يمشي

ايهاب:  بس انا مش ماشي قاعد علي قلبك مش ماشي علي خاطرك بس  

انا شفتله بنضره مستحيل ينساها ????????: لو صح عندي خاطر عندك ماكنت من اول يوم ليلة عرسنا مشيتلها وخليتني لو صح اتفكر فيا ماكنت درت هكي شن يفرق توا ???? الاتنين سواء درتها قبل تقدر اديرها توا معاش اتهمني  

 خليته وخشت لداري ????

ايهاب بعد خليته عرف من الصعب ايخليها اتسامحه رفع تليفونه وفتح الرساله قراها  حذف تليفونه جنبه  

تنهد بتعب ونزل راسه ورجع شعره للوراء بعصبيه وايفكر كيف ايحل مشكلة اللي كل ما اتزيد اتعقد اكثر ???? 

.

.

.

.

.

.

بالنسبه ليا قعدت نبكي لين رقدت ???????? 

.

.

.

.

.

ايهاب مارقدش طول الليل شادها دخان  

.

.

.

.

.

مصطفى قعد ايفكر في كلام ايهاب 

.

.

.

ريهام بعد رقدت هيثم توضت وصلت استخاره ودعت ورقدت 

تاني يوم  

ا ايهاب في الصبح طلع ورفع امعا ضرف فيه افلوس وطلع

درس علي بيت رهف دق الباب طلعله اب رهف سلم عليه وعطا الفلوس وقاله اي رهف اب رهف عزمه بس ايهاب رفض قاله عندي شغل مره تانيه ومشاء لشغله بعد كمل شغله مشا لي مصطفى في الشقه هدرز عليه و روح للبيت  

انا نضت حسيت روحي جعت لانه من امس مش واكله شي  

خشيت لمطبخ فتحت الثلاجه القيت عشاء امس الي جابه ايهاب كيف ماهو شكله حتي هوا ما تعشاء طلعته سخنته و حطيته  علي خشت ايهاب  

انا سكتت ما تكلمت قعدت ناكل ما بحتت فيه بكل

اما ايهاب جاء قعمز جنبي وقعد ياكل ماعبرني بكل  

انا كملت ونضت نغسل في ايدي  وناض ايهاب بعدي وطلعت لصاله القيتها ريحتها غامهه كلها دخان عالق فيها  نضفتها وبخرتها بعدها خشيت لمطبخ ضميته وكملت

خشيت لداري ورفعت تليفوني نتصل بي شروق رقمها مقفل  عاودت كم مره مقفل  انشغلت عليها لانه قيس قالي صايره بينهم مشكله  اوووف بعدها اتصلت بي ريهام وهدرزت عليها وقتلي الصبايا بيجو يوم الخميس عشان انجي  وسكرت منها  

 نعست رقدت مش عارفه ليش جايتني علي النوم اليومين هادو ولا انه معاش عندي طاقه لي اي شي  

اما ايهاب بعد الغذاء خش رقد لانه مش راقد طول اليل ????

وفات باقي اليوم من غير احداث ايهاب ماطلعش بكل  وانا افرحت انه ما مشاء ايشوفها ???? 

رهف زعلت لانه ايهاب بعتلها انه مايقدر ايشوفها حست كانه ايهاب بدا يهرب منها ويتباعد عنها مش زي قبل ???? كمل ليلها وهي تبكي مش قادره تتصل بيه ولا اتكلمه لانه عارفه بتعب روحها لانه مابيرد عليها وقلبها محروق وواتفكر في حياتها شن بيصير فيها بعد الزواج انه هو من توا بدا يتهرب منها بعد الزواج شنو ???????? 

.

.

.

.

.

تاني يوم مر عادي من غير احداث انا نتجاهل في ايهاب وما نتكلمش امعا وايهاب نفس الشي ساكت شبه يومه كله في البيت يطلع الصبح لشغله ايكمله وايروح ما يطلعش  

.

.

.

اما عند العيله طلعت ماما امع انس وخديت اضيافة الخميس  والنواقص لانه ريهام رفضت تمشي اما إيلاف بعد عرفت انس هو شايلهم قالت مش ماشيه والباقي العيله مافي شي جديد عليهم

عهود طول اليومين اتفكر هشام شن ليه علاقه بي حمادي وليش دار هكي وشن قصدا بيها وليش يبي ايفرقهم مادم هوا ازوج شن يبي فيها صح عرفت حمادي بريئ بس مازلت شايله منه ???? حتي لو مش في وعيه صورته امع البنت كيف قاعد امعاها مانستها لانها كل ما اتغمض اعيونها اتشوف صورتهم ???????? مهما دارت وكذبت علي روحها وحاولت اتكابر الا اصور منضرهم هدت حيلها ???????? كسرتها من داخل  ????

.

.

.

.

.

.

.

اليوم كان الخميس بيجو الصبايا و الرجاله عشان ايكملو في ريهام ???? 

انا من الصبح وتيت روحي شالني ايهاب   

طبعا جدي كان امدير عشاء وتينا كل شي  

امع المغرب جو الصبايا استقبالناهم والرجاله خشو المربوعه امع جدي والشباب

كانت جايه امه مرت خوه واخته وعمته  سلمنا عليهم وقعدنا نتعرفو عليهم  طلعت انشوف ريهام خشيت عليها في المطبخ ادير في القهوه ومتوتره  

انا:  كنك ريهام مش علي بعضك

ريهام ????: مانعرفش مش متريحه يا غرام حتي صليت استخاره مش مطمنه

انا ????: ياقلبي طبيعي عارفتك خايفه انتي زيدي صلي استخاره مره تانيه

ريهام ????: والله صليت 3 ايام وراء بعضهم ماتريحتش نحلم نفس الكبوس مانبي 

انا وجعتني اختي ????: حلم شنو  

ريهام:  نحلم بي نار كبيرا علي شكل دائره وانا قاعده في النص وبداية النار في كلب كبير اسود اعيونه ايخوفو ينبح انا نبكي و انوخر لوراء خايفه منه كل مانوخر الكلب ايقدم وينبح  لعند قربت من النار  وقفت ماقدرت انوخر روايا النار وقدامي الكلب نزلت علي ركبيا نبكي وامغمضه اعيوني  وصوت الكلب عالي فجاء اختفاء صوت الكلب رفعت راسي

شفت الكلب طايح و راسه مقطوع واقف فوقه راجل بس ماقدرتش انشوف وجه اول ما رفعت راسي انوض من الحمل 3 ايام نحلم نفس الحلم 

انا حضنتها ????: ان شاء الله خير حبيبتي

ريهام ????:  ان شاءالله

انا شفتلها كيف وجها حزين:  خلاص حبيبتي انتي توا اطلعي لي الناس ان شاء الله ربي ايجيب الي فيه الخير  

ريهام: كم وحده جت

انا: امه واخته ومرت اخوه وعمته

ريهام ????: ماعنديش نيه نطلع عميمه والبنات ماجو صح

انا: اي  

ريهام ????: اكيد واخدين علي خاطرهم ????????

انا قعدت انصب في القهوه: خلاص الي صار صار

ريهام: من وين طلعت قصة الزواج هذي ???? 

انا:  خلاص ريهام تاخرنا ع الناس هاك شيليها انتي  

انا بنشوف العشاء

ريهام مسكتتها السفره: باهي توا انجي انساعدك

انا:خليك جنبهم عيب توا ايجو البنات  

ريهام: اوووف متوتره

انا: خليك علي طبيعتك بس  

ريهام هزت راسها ???? وطلعت اضيف فيهم وقعمزت جنبهم قعدو يتعرفو عليها

انا جو البنات ايساعدو فيا وتينا اضيافة الرجاله وجاء ايهاب رفعها   

.

.

.

.

.

.

عند الرجاله في المربوعه كانو يحكو ع المهر ويتفقو  عليه

كان الموجدين عمر وبوه صلاح وعمامه الزوز وخوته والشباب طبعا مش كلهم ايهاب و أنس و إسلام  بس

صلاح: خلاص اتفقنا معناته الفاتحه السبوع الجاي زي ما اتفقنا قبل  

بابا: تمام البنت تبي وقت لانه الوقت قصير ماتقدرش اتلحق 

عمر: انا عمي حوشي كامل واتي ما ناقصني غير المراه مافيش داعي مافيش داعي اناجلو عادي ما اتكثر حاجات واجد الضروري بس الباقي تاخدو بعدين

ايهاب ساكت يشبح لجدي الي اعيونه ع الباب  كانه يستنا في حد

مصطفى درس سيارته وشاف السيارت اللي قدام البيت  نزل هوا امقرر قراره  فتح الباب وخش داخل  

هوا متجاه لي المربوعه جده القي هيثم يلعب قدام بيت جدي بسيارته

مصطفى ضبح عليه: هومي

هيثم شبح مصطفى افرح حذف العبه مشاله يجري  ويعيط عمو عمو 

مصطفى طبس شاله وباسه علي خده

مصطفى: شن ادير ابروحك

هيثم دار وجه زعلان ماتكلم

مصطفى ضحك: كنك قلبت وجهك

هيثم ☹️:زعلان منك

مصطفى: ليش  

هيثم بزعل: انت معاش اتهبني نمشي بيت جدو مالقيتك

مصطفى ضحك: علي هدي بس، ،، باسه علي خده،،، خلاص معاش امخليك توا نقعدو امعا بعضنا ديما

هيثم افرح: وعد

مصطفى رجع باسه:  وعد يا بابا

هيثم شبحله كانه مستغرب من الكلمه ???? 

مصطفى مسك ايده وباسها:  من اليوم اتقولي بابا مش عمو  

هيثم : عادي انقول بابا

مصطفى:  اي ياروحي من اليوم انا بوك مش عمك

هيثم افرح: هيييي يبدا عندي بابا ???? 

مصطفى ابتسم ايشوف في وجه هيثم كيف فرحان  

مصطفى: هيا انخشو لجدو

هيثم: لالا جدي قال في ناس جايه مانخش انا

مصطفى: طز فيهم مادخلنا فيهم  

هيثم:عيب

مصطفى ضحك: مش عيب تعال انلزوهم باهي نمشو ناكلو شكلاطه ????

هيثم ضحك: هيا بس خايف جدي يضربنا

مصطفى يمشي: هههه وراك جدك هدا الي يبيه ???? 

خش مصطفى وهيثم لي المربوعه

مصطفى مبتسم ????: السلام عليكم

الكل: وعليكم السلام

الحاج خليفه ابتسم :  تعال يا مصطفى سلم علي عمر خطيب ريهام

مصطفى نزل هيثم ومسك يده وشبح عمر بحقد ????: هنا كلمتين احني ماعندنا بنت لي الزواج وريهام بتكون مرتي انا ولا انسيت ياجدي كلامنا قبل شهر ولا كيف واشر علي عمر بيده ،،، وانت ياريت تاخد وجهك و الباب لانه ماعندنا بنت نعطوها ليك ولا تحلم تاخدها

والتفت مصطفى علي جدي  : ولا شنو ياجدي

الحاج خليفه نزل راسه ايحاول يخفي ضحكته لانه عارف متاكد انه مصطفى بيجي وايخرب كل شي  

صلاح: شن اتقول انت احني متفقين امع الحاج

مصطفى مبتسم بخبث: اهو الحاج قدامك اساله

عمر رقتله من مصطفى: يا جدي ممكن اتفهمنا

بابا: مصطفى شن الكلام الي تقول فيه

مصطفى: ياعمي انا طلبت ريهام من جدي من فتره وقتله ايكلمك شكله جدي نسا بس عادي توا نطلبها قدامك يا عمي انا نبي بنتك علي سنة الله ورسوله وانا نبي انربي ولد خويا احسن من الغريب وانا عارفك مش ح ترفضني  

بابا عارفه يكدب ???? شبح لعمي ولجدي بمعنى شن ايقول هدا قدم الناس  

اما ايهاب وانس امنزلين راسهم يضحكو

عم عمر: شن المهزله هدي كيف احني خطبنها قبل

الحاج خليفه تكلم:  سامحوني ياجماعه وامسحوها في وجهي مانقدرش نعطيكم البنت ولد عمها رايدها  

صلاح عصب: كيف ولد عمها رايدها مش هكي متفقين ياحاج نحساب عندك كلمه كيف ترخي بينا في لاخر

الحاج خليفه:  مارخيت بس ولد عمها يبيها وخو راجلها الاول وهوا يبي ولد خوه يتربا عنده ونصيبكم مش عندنا

وزاد النقاش تعلا ومصطفى ايهز في راسه ويضحك بشماته علي عمر ????

ايهاب: زيد اضحك ولعت النار

مصطفى ضحك: مش هم يبو هكي ???? 

انتهاء النقاش وطلعو رجاله برا

.

.

.

.

انس خش المطبخ

انا: شنو انحطو العشاء

انس ضحك:  اما عشاء قولي لي الصبايا يطلعو الرجاله ويستنو فيهم

انا: ليش مزال بدري

انس:  تي مصطفى خرب كل شي ماصار منه الخطبه

انا و إيلاف: ليش

انس: لانه مصطفى خطب ريهام ???????????? 

انا بصدمه: اتبصر ????

انس:  والله العظيم هي خش قلب كل شي ولز العرب

إيلاف: كيف صار

أنس:  بري كلمي الناس بس

وطلع  

انا التفت علي إيلاف مصدومه حتي هيا

إيلاف: وربي توقعتها اتصدقي

انا: غير اسكتي مش وقتك خلينا انشوفو الناس

طلعت انا وإيلاف القينا الصبايا يلبسو في عباياتهن قالبات واجهن وطلعن من غير ما يتكلمن

ماما: بسم الله العفو شن جاهن 

اجديده: بكلي من التليفون الي جاهم مرات صاير شي عندهم

إيلاف:  لا يا اجديده لانه اتصلو بيهم الرجاله قالولهم يطلعو

ماما:  ليش وانتي من خبرك

أنا: توا جانا انس كلمنا قال ماصار منها الخطبه لانه مصطفى خطب ريهام

الكل انصدم والصدمه الكبيره عند ريهام ???? 

.

.

.

.

.

.

.

عند الرجاله في المربوعه  بعد ما طلعو اهل عمر

بابا: شنو هي لعب اصغار هي عارفك تبي اتخرب الزواج عشان هيثم بس

عمي نصر الدين:يا عبدالقادر عارفك حامق من مصطفى كيف خش فجاء هكي وتكلم لكن مصطفى راجل ويعرف شن ايقول  

بابا:  صح ياباتي مصطفى حكالك علي ريهام من شهر انه يبها

مصطفى: كيف ياعمي مش امصدقني انا حكيت امع جدي من قبل ما اندير الحاذث قتله نبي نتزوج ريهام عشان انربي هيثم وايعش امعايا بس جدي شكله نساه، ،، ورفع حاجه لجدي

الحاج خليفه شبح ضحك عرفه بيقلب الطاوله عليه:  اي كلمني بس نحسابه كلام بس

مصطفى: كيف ياجدي كلام ????ماهو قتلك كل شي حتي كلمت باتي

عمي  نصر ضحك وشبح مصطفى  

بابا:وليش ياباتي اتحشمنا امع الناس من البدايه

الحاج خليفه:  ماصار شي قصه وانتهت عادي غير انا ماخديت كلام مصطفى عشان انشوف فيه طايش بعيني ????

مصطفى شد ضحكته

ايهاب: باهي توا شن الراي

عمي اب مصطفى ضحك: شنو ياخوي تعطينا بنتك

بابا: هو نلقا خير منكم

الحاج خليفه غمز لي مصطفى ????ودار بيده الحركه هدي ????بمعنى جبتك ودرت الي نيبه ???? 

مصطفى شبح لجده وفهمه لكن كان فرحان بي الي داره ???????? 

.

.

.

.

.

.

عندنا نحنا كنا مش مزال مش فاهمين شي  خشت عميمه وندى ونمارق فرحانات ايزغرتو ???? 

عميمه تزغرت واتبوس في ريهام: والله عرفت ولدي ما بيخليك تطلعي من بينا ???? 

ريهام انحرجت من عميمه بس في نفس الوقت الخوف الي كان في قلبها مشا  صح مش فرحانه بس الضيقه الي كانت حاسه بيها تلاشت ????

البنات قعدو ايسلمو ايباركو لي ريهام كلهم يضحو  وفرحانين لريهام اما ريهام في عالم ابروحها  

فات الوقت وحطينا العشاء الي ماصارش منه ????????

طبعا مصطفى بعد خرب كل شي وسمع موافقة بابا طلع هو هيثم  يضحكو ركبو في السياره ودرس ع الكافى وخدا اتنين اكريب وعصير وشكلاطه وقعد ياكل هو هيثم ويهدرز ❤️ 

.

.

.

.

.

.

.

.

.

انا خشيت علي ريهام القيتها امقعمزه ابروحها سرحانه

انا: في شنو اتفكري  

ريهام: بنعرف ليش مصطفى دار هكي  

انا ابتسمت: اكيد علي خاطر هيثم انتي تعرفيه كيف ايحبه حتي بعد جدي حكا يومها علي الزواج كيف عصب  

ريهام: ???? كيف بنعيش امعاها تحت سقف واحد هو ايكون اخ راجلي كيف مانقدرش صعب ياغرام

انا: عارفه صعبه واعره عليك وانتي ماعندكش خيار تاني مرات مصطفى حياتك امعا احسن من هيثم وعمر صدقيني  

ريهام: مانبي نظلمه هو يستحق يتزوج بنت وانا ارمله وهو اعزب بعدين عمري ماشفتله نضره غير خويا مانبي ايخرب حياته بس عشان هيثم

انا: انتي ماتفكريش ولا اتخممي بعدين انتي شن ناقصك مزلتي اصغيره ومصطفى اكبر منك فكري في هيثم ولدك ومستقبله وانتي عارفه مصطفى كيف ايحبه وايخاف عليه وحياته امع مصطفى واضحه من غير مانتكلم 

ريهام: عارفه ???? وانا شن الي امريحني الا عارفه هيثم بيعيش حياه سعيده بس ما نبيش نبني سعادة ولدي علي تعاسة مصطفى وانا عارفه ممكن مجبور ع الزواج مني علي خاطر ولد خوه

انا ????: باهي انتي ماتسبقي الاحداث احكي امع مصطفى وتفاهمو امع بعض  

ريهام ????: اتصدقي مانقدرش انحط عيني في عينه ???? 

انا: ليش  

ريهام ????: فوق من الجميل الي دايره امعايا من وقت جبت هيثم هوا واقف امعايا كل شي يستحقه هيثم ايجيب فيه بلا مانطلب منه غير مصروفه كل شهر ايجيب فيه ليا حتي من دبشه يشري فيه له انتي عارفه توا نبي انزيد الحمل عليه ويتزوجني  

انا: خلاص ياريهام والله مش حتلقي احسن من مصطفى  

قعدت انهدرز امع ريهام  ونقنع فيها

اتصل بيا ايهاب قالي هيا  طلعت روحت امعا  

اما داخل عند العيله ماما وعميمه واجديده فرحانه انه مصطفى بيتزوج ريهام والبنات ايهدرزو  

.

.

.

.

مصطفى لف و ادهور هوا هيثم بعدها روحو  

خش مصطفى لمطبخ جدي رافع هيثم راقد القي ندى وإيلاف في المطبخ

مصطفى: انتي ياشينه تعالي ارفعي الولد

إيلاف ضحكت: جاء روميو ???????? وين ع الاكشن اليوم

فتت حتي الهنود

مصطفي ????: غير تعالي شدي الولد راقد وضمي فمك

إيلاف رفعت هيثم منه:  باهي امتى العرس نبي نشري قفطاني انتم ناس ينخاف منكم كل يوم طالعين براي مرات انوضو الصبح التقولو العرس  

ندى ضحكت: صدقتي فيها

مصطفى ضرب إيلاف علي راسها ويضحك:  مش شورك 

إيلاف: خزي ياحقير ???? 

مصطفى: ارفعي الولد توا اينوض

إيلاف: باهي وانت نشفتني  

وخشت بي هيثم داخل

مصطفى: ندى

ندى:نعم

مصطفى: وتيلي ساكو اصغير وحطيلي فيه كم اغيار وجبتلك دبشي التاني عشان تغسليه

ندى: ليش مش تراضيت انت وبابا بعدين وانت اتبات انت

مصطفى: مش شورك ديري الي قتلك عليه

ندى: تمام توا انوتيه لك

مصطفى طلع وخش المربوعه القي جده ابروحه

الحاج خليفه: مرحبا مرحبا كنت انراجي فيك

مصطفى: نعم

الحاج خليفه: شنو الي درته امبدري وتكذب عليا انا طلبتها من جدي

مصطفى ضحك:  مش انت تبي هكي اهو درت زي ماتبي  

الحاج خليفه:  وتكذب عليا واطلعني قدام الناس كذاب  

مصطفى: ماهو كنت عارف بيصير الشي هذا ومتاكد منه لانك انت الي ضغطت عليا ???? ولا انسيت وانت درت هكي عشان انا انوافق بس انحب انقولك انا وافقت مش عشانك انت عشان هيثم بس  

الحاج خليفه ضحك:  اخر شي سمعت كلامي لو من البدايه وافقت زي ولد الطيب خير العار الي درته اليوم

مصطفى سكت

الحاج خليفه: مادم توا خطبتها امتى بدير العرس  

مصطفى:  مش داير عرس  

الحاج خليفه: ليش نبو نفروحو بيك

مصطفى: شن بيقولو عليا الناس فرحان بموتت خوه واخد مرته امدير عرس امطنطن  

الحاج خليفه: بس من حقك ادير عرس وتفرح

مصطفى:مافيش داعي

الحاج خليفه: توا نتفقو انا بوك وعمك انت ابدا صين الشقه الي فوقكم

مصطفى ????: كيف تبيني نسكن في شقة المرحوم واخرا واخد مرته

الحاج خليفه: وين بتسكن باهي  

مصطفى: بنبدا نبني في الارض اللي شريتها

الحاج خليفه: بس بياخد وقت البني يبلك نص سنه ولا سنه عشان تكمل

مصطفى ????: توا انجر شقه اما نسكن في شقة المرحوم لا

الحاج خليفه:  تمام امالا عندك شهر لم روحك واجر  

مصطفى وقف: تمام

الحاج خليفه: قعمز 

مصطفى: بنمشي

الحاج خليفه:  وين

مصطفى: عندي مشوار  

الحاج خليفه: اي صح اليومين هذين وين كنت 

مصطفى ????:عند ايهاب  

الحاج خليفه: متاكد

مصطفى: شن نكذب عليك قاعد في شقة ايهاب الي بتزوجه فيها ???? 

الحاج خليفه: رد بالك حد يعرف

مصطفى: اطمن

وطلع وخلا ابروحه

مصطفى خدا دبشه من ندى ورجع لشقة ايهاب لانه مزال واخد بخاطره من بوه الي ضربه ???? 

.

.

.

.

.

.

عندنا نحنا  بعد روحنا 

انا خشيت طول لي الدار نحيت والوشاح وعباتي وطلعت بيجامه وخشيت الحمام دوشت وطلعت قعدت انجفف في شعري علي المرايا

ايهاب وقف ع الباب واتكا عليه ايشوفلي

انا شبحتله من المرايا: كنك

ايهاب: لعند امتى بنقعدو هكي

انا ????: عادي يعني زي قبل  

ايهاب: بتقعدي 24 ساعه قالبه وجهك عليا عارف روحي غلطان واعتذرت منك

انا تجاهلته: بكرا عندي محاضره

ايهاب:  مش رافعك لين اتقولي سامحتك

انا  رقتلي منه????: يعني بالغصب انسامحك  

ايهاب ????: اي  

انا ????: ماترفعني بالناقص

ايهاب: ههههه لو سامحتيني شن بيصير فيك

انا: ايهاب ممكن تطلع

ايهاب ????: غرام شن تبي انديرلك عشان اتسامحيني ???? 

انا ????: للاسف مافيش شي ايديره ايهاب انا حياتي امعاك شبه تمت يعني مزل اقل من شهر بس انت تتزوج واانا ???? وانت بنطلقو   

ايهاب وقف عليا ومسك ايدي: غرام قتلك مانقدرش انطلقك

انا: وليش

ايهاب: لاني انحبك غرام  

انا ضحكت بهزوه ???? وسحبت ايدي منه: بالله بعد تطلع سكر وراك الباب

خشيت في السرير ورقدت نسمع فيه طلع وسكر الباب بالقوه

انا قعدت نبكي ???? نحسابه بعد مسك ايدي بيقولي عشانك بنلغي الزواج مش متزوجها ???? تمنيت انه قالي هكي كنت مستعده في الحضه هذي انسامحه بس هو قالي مش مطلقك لاني انحبك عذر اقبح من ذنبه لو ايحبني ره مستعد ايدير اي شي عشاني مش يبي يتزوج ???? 

.

.

.

.

.

تاني يوم الصبح ايهاب غير رايه ورفعني الكليه طول الطريق اينبه  فيا انه مايبي القطه تتعادو مره تانيه حطني في الكليه ومشاء لشغله

مر اسبوع  مافي احداث جديده حياتي انا وايهاب زي ماهيا مانحكو واجد الا في الحاجات العاديه  

مصطفى مزال قاعد في الشقه وكلمه عمي قاله روح بس مصطفى رفض ايجي كل يوم ايشوف في هيثم وايروح

والباقي كلهم زي ماهم مافيش جديد  

اليوم الصبح جت مكالمه لي اجديده انه بنت عمتها توفت وهي تسكن في منطقه تانيه  كلنا مشينا عزينا اجديده ???? 

تاني يوم طلعو كلهم عشان يمشو لي العزاء  جدي واجديده وبابا وماما وعمي اب ايهاب وعميمه وعمي ومرت عمي واسلام وسراج امعاهم هم الي ايسوقو

  قعدنا نحنا بس الشباب و جدي قبل ما يمشي قعد ايوصي في ايهاب عليا  اسقدو عيت جدي

واحني اطرينا نقعدو في بيت جدي   

كنا كلنا ملتمين في الصاله ناقص مصطفى بس

إيلاف: عليك اكساد بكل

رغد: مش غير

إيلاف: توا امجمعينا كلنا هنا عشان نشبحو اوجوه بعضنا

انس: شنو يعني مش عاجبك  

إيلاف: مانحكي امعاك انت

فهد ضحك: خاطري نفهم ليش اتعاركو ديما

إيلاف: اسال خوك

نمارق: باهي نحنا جعانين

ايهاب:المطبخ قدامك

نمارق ????: ماخطرناش انطيبو جيبو من المطعم

إيلاف: اي

ايهاب ????: والمطلوب توا

إيلاف: جيبلنا من المطعم عارفينك كريم اما الباقي كلهم بخلاء

 أنس:???????? ماتصدقش ره مصلحه بس بيفلسو بيك

ايهاب ضحك: حتي انا عارف 

إيلاف:  كنك تفتن انت غرام قولي راجلك ايجبلنا

انا شبحت في ايهاب وضحكت: مادخلني فيكم   

إيلاف: اكيد لو قلتي تبي اينوض ايجيبلنا 

ندى: ???????? والله جبيتها كان فيها مرته ره مشا

عهود: بدل ما تشحتن نوضن طيبن ????

ريهام: ماهو ايحبن الهزيبه هن

ايهاب: انجيبلكم بشرط

إيلاف : شنو

ايهاب ضحك: تمشي امعايا غرام انجيبلكم اما هكي لا

كلهم قعدو يضحكو ويتعايطو ???????? انا تخزرطت ???? قدام انس و فهد 

إيلاف: خودها ارفعها ???????????? 

انا: مش ماشيه  

ايهاب ضحك:  تقنعوها تمشي انجيبلكم غذاء وعشاء عليا ???? 

انس ????: اوووووه قويه يا احويج علي شن عابي

انا تحشمت 

نمارق: وراس غرام وافقي امشي والله اديري معروف فينا  ???????? هيا بالله عليك

إيلاف: سلم اوخيتي امشي امعا  

قعدو البنات يقنعو فيا ويترجو فيا نمشي ????

انا ضحكت عليهم  

ريهام:????????????  

ايهاب وقف يضحك: شن بتمشي

انا : اي الله غالب حتي انا جعانه ???? 

ايهاب ضحك

انس ????:خلاص ارفع مرتك جيبلنا غذاء امسقم غير ما طولش علينا بس ????

ايهاب ????: شحات ويشرط

انس ضحك: ماهو انبه فيك عشان ماتنساش وعقلك ايريح

ايهاب: ريح عمرك ????????

إيلاف ???????? 

طلعت انا وايهاب وخليناهم

انا: ليش تحرج فيا قدامهم 

ايهاب: عادي نبيك اتسايرني في الطريق  

انا: عادي كنت ارفع امعاك واحد من الشباب

ايهاب: وانا نبيك انتي شن اندير بالشباب

انا لفيت وجهي: شن بدير بيا ???? 

ايهاب ضحك ولع السياره: هكي بنتفرج عليك بس الهم امعايا

انا ???????? 

ايهاب: ههههه كنك

انا: شي

ايهاب :امتى امتحاناتك

انا: بعد اسبوع

ايهاب: اها بس شدي روحك

انا: والله خايفه من توا لانه الدكاتره ما ايبصروش وانا في محاضرات مش واخدتهن مش فاهمه

ايهاب: ماتخافيش انا امعاك توا الي مش فاهمتيه انفهمه ليك

انا ????: تمام

ايهاب: بعد ايروحو عيت جدي  انروحو ابدي اقري 

انا:به

طول الطريق انهدرزو  خدينا الغذاء  وروحنا

القينا حتي مصطفى قاعد امعاهم قعدنا انهدرزو وناكلو ❤️ 

.

.

.

.

.

.

مصطفى:……….

ريهام:…………

.

.

.

.

.

إيلاف ????:……. 

أنس ????: ما اتجنني ارتزعي هنا لين ايروح عمي عندي امعا كلام

إيلاف: ……..

.

.

.

).

.

.

انا: ………..

ايهاب ????:………..

يتبع ..