روايات

رواية قلب النمر الفصل السادس 6 بقلم بنت الجمل

رواية قلب النمر الفصل السادس 6 بقلم بنت الجمل

رواية قلب النمر الجزء السادس

رواية قلب النمر البارت السادس

رواية قلب النمر الحلقة السادسة

تاني يوم الصبح فى بيت الشرقاوي
صحيت رهف وقعدت تفكر فى الحلم اللى بيروضها كل يوم
وبعدين قامت اغتسلت وصلت فرضها ولبست ولبسها كان عباره عن دريس ازرق فاتح شويه وحجاب ابيض وكوتشي ابيض ومحتش اي مساحيق تجميل وكانت زي الملاك
-فى غرفة نجمه
صحيت واغتسلت وصلت فرضها ولبست وكان لبسها عباره عن دريس كشمير وحجاب ابيض وكوتشي ابيض واكانت جميله جدا
ونزلت لقت الكل على الفطار
نجمه بمرح/صباحووو فل
الكل ضحك وقالو صباح الورد
قعدت على السفرة جمب رهف والاتنين بصو لى بعض وبعدين بصو لى احمد اللى كان بيبص عليهم برده وأشرف لاحظ كده وقال/هو في حاجه ولا ايه
احمد بتوتر/بابا بصراحه كده انا مسافر اسبانيا علشان فى صفقه مهمه جدا ولازم نجمه ورهف يبقوا معايا
اشرف/ليه

 

 

احمد/علشان في مستشفى هناك مشهورة جدا وهما طلبو أن نجمه ورهف يتعاقدو معاهم قلت يعني هما يشتغلو فيها وانا اشوف الصفقه واهو يغيروا جو برده
شريف/تمام ماشي بس خد بالك منهم
احمد وفرح أن أبوه وافق/دول اخواتي ومفيش حد هيخاف عليهم اكتر مني
شريف/انا عارف بس بأكد عليك
احمد/مش محتاج تأكد عليا لان انت عارف هما بنسبالى ايه
نجمه/مخلاص يا جدعان هو احنا حد يقدر يقرب مننا ده احنا الابطال فى الكراتيه طول العشر سنين اللى فاته
شريف/يبقى ربنا يستر وأحمد ميكلمنيش يقول دول اتخطفو
رهف بمرح/عيب عليك يا معلم
شريف بضحك/هو انا كده اخاف
ضحك الكل وبعدين شريف قام علشان يروح الشركه وبعد ما مشي جرس الباب رن وبما أن الخدم وخدين اجازه اليوم ده فا حور قامت تفتح وكان ادم هو اللى بره واتصدم لما شاف حور قدامه
ادم بصدمه/هو انتي
حور/انت بتعمل ايه هنا
ادم/أنا صاحب احمد الشرقاوي المقرب وانتي بتعملي ايه هنا
حور/انا بنت عم احمد وزي أخته بالظبط وده بيتي فا طبيعي اكون موجوده هنا
ادم/يا محاسن الصدف طيب ايه هفضل واقف كده
حور بترحاب/لا ابدا اتفضل ده ألبيت نور
ادم بعد ما دخل/منور ب أصحابه
احمد/ازيك يا صاحبي تعالى ادخل
ادم وراح سلم على احمد/ازيك يا ابو حميد وحشني يا راجل
وبعدين راح يسلم على رهف ونجمه
ادم/ازيك يا رهف ازيك يا نجمه
رهف ونجمه/الحمد لله ازيك انت يا آدم
ادم/الحمد لله……….طيب يلا علشان نظبط لى السفر
حور/هو انت هتسافر معاهم
ادم/أيوة
حور/بما أن يعني كلكم مسافرين هو انا مينفعش اجي معاكم
أحمد/لا علشان انتي وراكي امتحانات
حور/طيب بعد الامتحانات هنسافر نغير جو كلنا
احمد/ طبعا يا حبيبتي هو انا ليا غيرك يا سكرت البيت
رهف ونجمه/نعمممم
ادم/يلا يا ابني نمشي احسن كده هنتبلع والله
ضحك احمد واخد نجمه رهف ومشيو مع ادم

 

 

***********بقلم بنت الجمل
عند سيف صحي من النوم اغتسل وصلي فرضه ولبس بدله رمادي بقميص ابيض وجزمه بيضه وحط من البرفيوم بتاعه ولبس ساعه لوركس ونزل لقت مامته واخته قاعدين على الفطار
روميساء بمرح/صباحووو فل يا معلم
بصلها سيف بزهول وقال/انتي جبتي الكلام ده منين
روميساء/يا عم انا كده من زمان انت اللى مش واخد بالك
سيف يصلها وسكت وبعدين راح لى مامته باس اديها وقال/صباح الخير يا امي
فاطمه/صباح الورد يا حبيبي
سيف قام رايح عند الباب/انا هامشي انا علشان عندي اجتماع مهم
فاطمه/طيب يا حبيبي ابقى أفطر
سيف/حاضر يا امي…….سلام
مشي سيف مع مازن
***********بقلم بنت الجمل
فى الاداره فى غرفة الاجتماعات
دخل سيف ومازن لقو ادم وأحمد واللواء قاعدين على طربيزة الاجتماعات وبنتين قاعدين بضهرهم
سيف ومازن/تمام يا فندم
اللواء بص عليهم/تعالو اقعدو
دخلو وقاعده وبعدين بصو على البنات قامو بصدمه وزهول
سيف ومازن بصدمه/هما دول
اللواء/أيوة
سيف/بس دول مجانين دول هيبوظو كل حاجه
رهف بردح/نعم يا حبيبي ليه أن شاء الله كنت شايفنا ماشين هبل فى الشوارع لاااااا يا حبيبي ده احنا ابطال مصر فى الكاراتيه طول العشر سنين اللى فاتو
سيف بص للواء وقال/شوفت يا فندم دى لو عملت كده قادم الناس هناك هنتقتل فى ثانيه
اللواء بيحاول ميضحكش/معلش يا سيف بس هما دول اللى هينفعو فى المهمه
سيف حس أن مفيش فايده من الكلام فا قعد وقال/تمام يا فندم اللى حضرتك تشوفه
مازن كان مضايق اوي ومرضاش يتكلم
رهف بحماس/طيب يلا اشرحو الخطه
سيف فى باله/طفله والله
رهف بصتله اوى وقالت/انا مش طفله
الكل بص عليها بزهول وسيف مبقاش مصدق نفسه
وبعدين شرحو الخطه
اللواء/هي دى كده الخطه وانتو المفروض تسافرو بعد اسبوع يعني المفروض تبدو تدريب من دلوقتي
الكل تمام يا فندم
وقامو يجهزو لى التدريب

 

 

***********بقلم بنت الجمل
فى شركه اشرف الشرقاوي داخل مكتبه
اشرف قاعد على مكتبه ومركز فى الورق اللى قدامه قاطعه صوت رنت الفون بتاعه اول ما بص على اسم المتصل رد علطول
اشرف/الو
المتصل/………
اشرف/متقلقش كل حاجه تمام
المتصل/…………..
اشرف بعصبيه/رهف دى بنتي وانا استحاله أقبل أن حد ياذيها
المتصل/…………
اشرف/لا اطمن استحاله حد يعرف حاجه غير بأمر منك
المتصل/………….
اشرف/كل حاجه زى ما اتفقنا سلام
*************بقلم بنت الجمل
فى مكان التدريب كانت واقفه رهف بتدرب بكل مهاره وسيف كان معدري رايح الحمام وشفها سرح فيها وقال فى باله/ازاي انتي مركزه وشاطرة فى التدريب كده وازاي فى نفس الوقت متهورة وهبله ولسانك طويل بس بجد انتي انسانه جميله اوى فضل سرحان فيها شويه وبعدين فاق وراح الحمام علشان يرجع يكمل تمرينه
عند نجمه واقفه زي رهف بالظبط وفى واحد باصص عليها بإعجاب كبير ومازن شافه والدم غلي فى عروقه واتعصب جامد وراح عليه مسكه من هدومه وفضل يضرب فيه والولد يصوت نجمه شافته وراحت عليه قعدت تهدي فى مازن وتحاول تبعده عن الولد لحد ما اخيرا بعد عنه
نجمه/فى ايه انت ليه ضربته كده
مازن بعصبيه/الاستاذ كان واقف وعيونه هتطلع عليكي
نجمه باستغراب/هو انت متعصب علشان هو بص عليا
مازن ولاحظ هو قال ايه وقال بتوتر/هو يعني مينفعش يبص على اي وحده كده علشان ده غلط وسبها ومشي بسرعه وهي مستغربه تصرفه ومش فاهمه في ايه
وعده اسبوع وهما على نفس الحال بيتمرنه وكلهم قربه من بعض وبقو أصحاب واتفقوا هيعملو ايه فى المهمه
وانهارده اليوم اللى هيسافرو فيه
وهما بيجهور وفى طريقهم للمطار
وصلو المطار وبيجهزو وكل واحد بيشوف الباسبور بتاعه وقف سيف وقال/انا نسيت الباسبور بتاعي
الكل ايه
رهف/طيب هتعمل ايه
سيف/اطلعوا انتو فى الطيارة دى وانا هاجي فى الطياره بتاعت بليل
ادم/ازاى احنا المفروض نروح سو
سيف/مش مشكله كده كده الاجتماع بكره وانا هاجي بليل مفيش فرق تمام مع السلامه وسابهم سيف واتجه لى الفيلا
بعد ما وصل سيف الفيلا ودخل

 

 

فاطمه باستغراب/امال انت جيت لى يا حبيبي مش المفروض مسافر
سيف/اصل نسيت الباسورد بتاعي جيت وهروح فى الطيارة اللى كمان ساعتين وهوصل بليل أن شاء الله
فاطمه/ماشي يا حبيبي ربنا معاك
سيف/حبيبتي يا امي ربنا يخليكي ليا
طله سيف غرفه جاب الباسبور ونزل جرس الفيلا رن راحت الداده تفتح صدمه حلت على الكل اول ما شافه مين اللى دخل
الكل صدمه وزهول/……….
************بقلم بنت الجمل
ياترى مين اللى دخل عليهم خلاهم يتصدمو كده
وليه السر اللى اشرف مخبيه هنعرف كل حاجه البارت الجاي أن شاء الله

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية قلب النمر)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى