Uncategorized

رواية أنت مرادي الفصل الثاني عشر 12 بقلم علا عبدالعظيم

 رواية أنت مرادي الفصل الثاني عشر 12 بقلم علا عبدالعظيم

رواية أنت مرادي الفصل الثاني عشر 12 بقلم علا عبدالعظيم

رواية أنت مرادي الفصل الثاني عشر 12 بقلم علا عبدالعظيم

و عند روز و اول ما خرجت من الامتحان تليفونها رن .
روز :, انا حليت كويس الحمدلله .
مصطفى :, طيب انتي فين ؟
روز : في الكافتيريا بتاعت الجامعة
مصطفى : طيب انا جاي اراجع معاكي
روز بفرحه : طيب انا مستنياك …
وفجأة وصلت لـ روز رساله .. فتحتها ، وقالت بصدمه : اي داااا ؟؟؟؟
مريم : إيهااب؟؟؟
إيهاب ببرود : مالك اتخضيتي كدا ليه؟ اي شوفتي عفريت !!
مريم بصت لهاجر بعدم فهم: احنا جينا هنا ليه يا هاجر ؟ كنتي تعرفي أنه هنا ؟؟
هاجر مش عارفه ترد لكن إيهاب رد : ايوه كانت تعرف . .
مريم بدموع : انا ماشيه ومش عاوزه اعرفك تاني
لكن قبل م تتحرك كان إيهاب كاتم نفسها بمنديل المخدر ..
عند مصطفى راح الكافتيريا لكن روز مش موجوده حاول يتصل عليها كتير ومكانتش بترد لكن بعد شويه وصله رساله من روز وكانت عباره عن صور لمصطفى مع بنت تانيه .
مصطفى : الصور دي وصلت ازاي ؟؟
روز :……
مصطفى : روز ردي عليا اكيد انتي فاهمه غلط…
قفلت روز تليفونها .
و في بيت ملك ..
عبير بقلق : مريم اتأخرت اوي .
ملك : اهدي يا ماما وانا هتصرف..
عبير : ازاي يعني معاكي رقم حد من صحابها ؟؟
ملك بتوتر : اه يا ماما هروح اكلمهم .
و في مكان تاني ..
عمر : اي يا ملك ، كله تمام متخافيش.
ملك بخوف :, هي فين يا عمر ؟
عمر : هي قدامي اهي متقلقيش .
ملك : طيب خلي بالك منها .
عمر بص لمريم بحب : دي في عيني .
ملك بإطمئنان : تمام سلام .
عمر : مع السلامه.
فضل عمر يبص لمريم و يسرح في ملامحها الجميله لحد ما بدأت تفتح عينها .
مريم بتوهان : انا فين !
عمر بإبتسامه : متخافيش ، انتي معايا .
مريم بتحاول تفهم: و هاجر و ايهاب ؟
عمر بغضب : متجبيش سيرتهم تاني .
مريم : طب ممكن تفهمني اي اللي حصل !
عمر : بصي يستي انا هتكلم ومتعلقيش على اي حاجه لحد ما اخلص ، اتفقنا ؟
مريم : اتفقنا .
عمر: انا من اول يوم شوفتك فيه وانا معجب بيكي وكان نفسي اتكلم معاكي واقولك دا لكن انتي من ساعة ما رجعتي البيت وانتي حزينه و انا كلمت ملك وعرفتها اني معجب بيكي ومستعد اعمل اي حاجه عشانك وقولتلها تقولك دا بس هي قالت إن الاحسن انا اللي اقولك و انك تنزلي النهارده الجامعه دي كانت فرصة متتعوضش ، ملك كلمتني واتفقت اني اجي اشوفك بس لقيتك ماشيه مع صاحبتك دي و روحتي مكان وكان فيه واحد افتكرت انك بتحبيه فضلت ابص عليكوا و كنت خلاص ماشي بس لقيتك بتحاولي تمشي والكلب دا منعك و خدرك مكنش ينفع اسكت نزلت ومسكنا في بعض ..وكمل بابتسامه : وكانت النتيجة ان انا اللي افوز بيكي .
مريم وهي بتقوم : اي الجو الهندي دا !
عمر بيضحك على لمضتها : دا اللي حصل وتقدري تسألي صحبتك .
مريم بغضب : بس متقولش صحبتي تاني .
عمربغمزه : سيبك من دا كله انتي مسمعتيش وانا بقولك معجب بيكي ؟
مريم بتحاول تتهرب من الإجابة : بص الموضوع محتاج تفكير وانا مبعرفش افكر وانا جعانه .
عمر بضحك : طب يلا يا اخر صبري نشوف اي مطعم قريب .
مريم بطفوله: يلا ..
و في مكتب مراد الباب بيخبط ..
مراد : ادخل ..
السكرتيرة : في واحده عاوزه حضرتك بره .
مراد مجاش في دماغه غير أنها ملك : دخليها بسرعه
وبعد شويه دخلت واحده المكتب ..
مراد بصدمه : داليدا ؟؟؟؟؟؟
عند فاطمه (زميلة روز )…..
مي : وسعت منك المرادي يا فاطمه .
فاطمه بحقد : قصدك اي ؟ قصدك اني كنت اسيبها تضحك عليه !
مي : انا وانتي عارفين أن روز طيبه وجدعه و أن هو اللي معجب بيها من الاول .
فاطمه بضحكة كلها شر : وخلاص محصلش نصيب .
مي بصتلها بقرف : انا مروحه .
فاطمه بخبث: مع السلامه يا حبيبتي .
خرجت مي من عند فاطمه وطلعت تليفونها من جيبها ..
مي : هاا سمعتي ؟
روز بدموع : سمعت يا مي سمعت.
مي : متزعليش نفسك و روحي كلميه و خدي معاد من اهلك و ربنا يكملكوا على خير .
روز : يارب يا حبيبتي.
لسه روز بتطلع تليفونها تتصل على مصطفى بس سمعت صوت عالي بينادي عليها .
روز : ايوه ايوه نازله اهو .
نزلت روز وكان قدامها بنت حلوه .. أيوه هي دي اللي كانت في الصوره مع مصطفى.
روز بجمود : نعم !
سلمى ضحكت : طب مش تقوليلي تشربي اي ؟ ولا اخويا طلع بيحب واحده بخيله !
روز بفرحه : اخوكي ؟ مصطفى اخوكي ؟؟
سلمي بإبتسامه : ايوه يا ستي اخويا اللي مبهدلاه معاكي دا ، بس بصراحه تستاهلي أنه يتبهدل عشانك .
روز إبتسمت بكسوف : اقعدي طيب تحبي تشربي اي ؟
سلمى : لا انا لازم اروح دلوقتي ، انا جيت بس اشوف سوء التفاهم دا واقولك أن الخميس الجاي مصطفى هيقابل بباكي .
روز بفرحه : ينور .. قصدي تنوروا .
سلمى بضحك : دا انتوا واقعين خالص …
‏يتبع…..
لقراءة الفصل الثالث عشر : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى