رواية الاتفـاق الحلقة الثامنة 8 بقلم ميشو محمد
 |
| رواية الاتفـاق الحلقة الثامنة 8 بقلم ميشو محمد |
رواية الاتفـاق الحلقة الثامنة 8 بقلم ميشو محمد
فهد فتح شنطته بعصبيه: لو نقدر مانخلي حد يقرب منك ماحدددد يمسسسك ماحدد يشوفك ماحددددد…وضرب الشنطه
فهد قعمز ع السرير وتنهد:اني نحبها ????ومن عيونها وكلامها نعرف انها تحبني لكن مانقدرشش ناخدها اني مانستاهلهاش هي تستاهل واحد رزين هادي ولد عيلة طيب مش اني الياتيم الى الناس كلها كرهاته مش عصبي مجنون مستهتر ومتشرد بوي ميت وامي كارهتني بدون سبب هي تستاهل واحد خير مني
فهد بعصبيه وقف: عارف روحي جرحتك ???? وهنتك بلفلوس ????اني نبيك تكرهيني ???? تي اني جاي هني كله ع شان نشوف خطيبها ونشوف حركاته ونامن علها تكون بخير معاه
لبس سروال اسود وتيشرت اسود سبيدرو اسود جاكيت جلد اسود مع عطر قوي وتحليقه ???????????? وطلع
تاني يوم ✨
رهف طول اليل راقده ???? فاقت اول وحده فيهم دارت دوش طويل سخون وطلعت جففت شعرها
رهف: الدموع والنديب وقلت الماكله عشانك انت خلاااص ياسر لعند هني اني مش رح نقتل روحي عشانك اني رح نخليك تموت قدامي ي دكتور فهد جلال منصور
لبسة سروال جينز اسود امزق وبلوزه بتصميم حلو لونها زرقه غامقه قصيرة مع مكياج خفيف ????????❤
ونزلت
عمتها:مشاالله ع رهوفه مشالله
رهف ????
وبعد تجهيز الغدي بعتو لغدي للكل جدها وعمامها لكن مافي حد كلم فهد
رهف:ماما ديريلي صحن لـ فهد عيب
عايده جهزتلها صحن: ابعتي يوسف ولا حد من الصغار
رهف خدت الصحن : حاظر.. ومن غير وشاح نزلت بلبستها لجنان ومقابله حوش فهد
رهف :يووسف تعالى
فهد لبس جاكيته سمع صوتها اتجه لشباك وقف ع الشباك شافها عطت لـ يوسف الصحن
رهف:وسيفه عطيه لـ فهد هدا باهي حبيبي
يوسف خداه: باه..ومشي
فهد رجع من الشباك مايبيهاش تشوفه: شن البس هدا التافه كيف تنزل هكي ????????
طق طق طق
فهد فتح الباب:اهلا وسيفه شجو
يوسف مدله الصحن: الحمدلله هدا غداك
فهد ركع لـ يوسف:يوسف نعطيك عشره جني مقابل حاجه ساهلا اديرها؟
يوسف سكت
فهد: امشي توا لـ خالتك رهف ودير……………(بعدين تعرفو????????)
فهد عطاه عشره جني:امشي دير لقتلك عليه وتعالى خود عشرة تاني
يوسف خدي العشرة:باه
رهف مقعمزه تتغدى
يوسف ف ايده حكه مشروب وصحن الغدي قرب ع رهف:رهوفه قالك فهد تغديت من المطعم صحيتي
رهف خدت الصحن:باه هاته الحق فيا مش فيه
يوسف ضغط ع حكه المشروب وتبزعت ع سروال رهف ????????
رهف:لاااا
رهف اتجهت للحمام(اكرمكم الله) بسرعه كان مشغول ????????
رهف قربت ع نصيب:نصيب من في الحمام
نصيب:ماما ادير ف دوش اطلعي للحمام البراني ولا انزلي لحمام حوش جدي
رهف: اوكي اني بنززل لحمام حوش جدي
رهف خشت غرفته خدت سروال ابيض متع نصيب ????????امزق من جيهت الركبه وفوقه تيشرت اسود فيه كتيبه انجليزيه دارتهم ف كيسة ونزلت خشت حوش جدها غيرت وعدلت مكياجه
فهد من وراى الستار شافها خش حوش جده
رهف طلعت ووقفت تشوف لحوش فهد لتواني قربت خطوات لحوش فهد
فهد يشوف فها من وراى الستار: زمررري حتى هدا امزق ????
فهد بعصبيه فتح الباب وطلع: اقلبي وجهك غيري البس ياتافه
رهف تراجعت للخلف خطوتين ببطى وهربت وركبت من الدروج تجري لكن مابكتش ✋
رهف:كرهتكـ ????
فهد واقف ف الجنان بعصبيه: التفااهه..وطلع
فايز كان برا مع الشباب وعمامه وجده والحوسه لـ برا
فهد قعمز جنب فايز: بنسالك من عيلة مني نسايب جابر
فايز: راجل تهاني عيلة… و راجل نصيب عيلة…..وراجل رهف عيلة الفردي
فهد : اهاا عيلة الفردي شن اسمه هو
فايز: اصيل صاحبي لنمم هو قال بعدين بيجي هو
فهد وقف : كان جي قولي نبي نشوفه
فايز: تمام وين ماشي؟
فهد: دوشه حني بندير دوره ف ليبيا الحبيبه وجايك ????????
فايز ????????
فهد ركب سيارته
بعد اذان المغرب
فايز: اسمعي نظمي امورك المهم تخليها تنزل ????
اسماء:تي باااه…وصكر الخط????
رهف لبسة قفطان اسود قصير فوق الركبه بشويه وكمامه طوال ومكياج ولابسه رموش اصطناعيه ????????????❤
اسماء: رهوفه نعطيك مفتاح حوشنا تجيبلي شنطتي متع القفطان هي تلقيها ف الممر لونها فضيه اشنطه صغيره بليييز
رهف: اوكي هاتي
اسماء عطتها المفتاح
رهف نزلت لم تاكدت من الجنان فاضي:يوسف تمشي معاي
يوسف:اي
رهف شدت ايده ونزلت وخشت خدت الشنطه وطلعت ????
اصيل:
رهف ضغطت ع ايد يوسف: اصيل شن دخلك انت هني وكيف خشيت
اصيل:نبي نشوفك
رهف: اطلع انت هبلللت يشوفونى
فايز واقف برا شاف فهد يقرب من باب الجنان بيخش فايز طلع هاتفه بسرعه
فايز: اصيل اطلع بسرعه ولد عمها بيخش لجنان
اصيل صكر الخط وقال ف روحه لو هربت رح يشوفها ولد عمها ورح ننفضح شدها من ايدها هي ويوسف وجبدهم وراى حوش فهد
فهد خش وصل لحوشه بيخش
يوسف هرب من اصيل يبكي شاف فهد
فهد تلفتت ابتسم لـ يوسف:خيرك صديقي؟
يوسف يبكي فكر انه رح يقتلها او رح يخطفها خاااف هلبااا شد ايد فهد: ف واحد شد خالتي تعالى
فهد وجها تغير:بسرعه وين
اصيل وراى رهف ومصكرلها فمها وقرب ع وذنها:اششش ماتخفيش مش داير شي
فهد ويوسف قربوو وشافو اصيل مصكر فم رهف ورهف تقاوم فيه
فهد بعصبيه الدم وصل لراسه:انت شن ادير هني وكيف خشيت
اصيل فكها شد ايدها: هادي خطيبتي
رهف نفضت ايدها من اصيل:كذاااب ي فهد اني كنت ف حوش عمي مع يوسف وهو جانى
فهد قرب بعصبيه: معنها انت السيد اصيل…وعطاه بوني
رهف دفت فهد: ياسر مهزله معادش تمسه (شافت اصيل) انت كويس؟ امشي بعدين نتصل بيك
اصيل طلع
فهد شاف يوسف: يوسف امشيى العب
يوسف مشي
رهف بتمشي شدها فهد من مرفقه وجبدها دخلها لحوشها وصكر الباب بعصبيه ووقفها ف زاوية ومحاصرها بيديه
فهد محاصر رهف بيديه: من امتى؟
رهف خافت من فهد وجها احمر وشريان باين ف جبينه من العصبيه: ش شنو
فهد محاصرها وزاد قرب وقام عيونه فها: المههزله هادي من امتى ؟
رهف خايفه ترجف: صدقني ماعنديش علم
فهد بعصبيه وزاد قرب: انتيي كيف تطلعي قدامه هكي علااااش
رهف كان لاااصق فيها نزلت عيونها:ك ك كنت م م مستعجله ونزلت وخديت معاي يوسف
فهد ضرب الباب بقوة وهو لا صق فها:لم نكلمك تشوفييييلي
رهف قامت عيونها فيه بسرعه من خوفها
فهد بعصبية وصوت واطي يشوف ف عيونها: تعرفي انك تهميني ولا؟
رهف ساكته وبجد خايفه كان لاصق فها
فهد بعصبيه: انييي طوووول اليوم ندور ف الشوارع نسأل ع اخلاق اصيل واسلوبه عشانك عشان مانقدرش نعطيك لشخص مايعرفش قيمتك (بصوت عصبيي وحاد وعالي)وانتي طالعه وبلمنظر القذر هدا معاااه وهو مقرب عليك ولمسك وشامم ريحتك وشاف تفصيل جسمك بلقذره للبستها
رهف دمعتها نزلت من الخوف
فهد بعصبيه: اسكتيييي (شد مرفقهابقوه) اسكتتتتتي ضميييي فممممك
رهف حطت ايدها ع فمها وكاتمه عبرتها وتشوفله
فهد بعصبيه ووجها احمر: انيييي راجع من اخر الدنيا عشانك عشان لم يشوفك يقول هادي مرت فلان وربي يحفظهم لبعض والكل يعز راجلك رجعت من شغلي وخدمتي عشانك وانتي شنوو (تغيرت نبرة صوته) تتساقطي معاه
رهف مسحت دموعها: انيييي ماكنتش نعرف ????????????
فهد ضرب الباب بقوووة بعصبية وصوت عالي: توا تتصلي ببوك قدااامي وتقوليله انك رافضه ولد ال???????? هدا
رهف بصوت يرجف: باه باه لكن هاتفي قعد فوق
فهد بعصبيه: اني لنحبك ومييييت ف الارض لتمشي علها مافكرتش حتى نتقرب منك ولا نمسك يجي واحد ???????? يمسك ويشوفك ويشمك و يقربك منه و يفكر انه….وسكت
رهف تبكي وخايفه وترجففف نزلت راسها وتبكي : اني مانعرفش
فهد بعصبيه قام وجها ليه وهو يشوف ف عيونها: ماعاش لينزلك دمعه يانبضي صدقيني وعشان دموعك وخوفك ومن الرجف لترجفي فيه رح يدفع تمن هو وليله صدقيني واني الفهد ومانكونش ولد امي كان مانربيشي عشان عيونك
رهف تبكي وقعده خايفه: نبي نطلع
فهد يشوف ف فمها انفها شعرها المفتوح عيونها :اول مره نشوفك من قريب ❤
رهف زادت رجفتها نزلت عيونها بخوف
فهد: عطرك
فهد: ملامحك
فهد: طولك
فهد: جسمك
فهد: شعرك
فهد: كلللل شي فيك انتي مش رح يكون لغيري وتفرجي توا وتعلمي لم حد يحط ايده ع حاجه ملكي تفرجي ع اصيل شن رح يصير فيه باهي
رهف توترة دفاته بسرعه وفتحت الباب وطلعت
رهف خش لحوشهم والكل يشوفلها اتجهت بسرعه لغرفتها زي المتكهربه ❤????
فهد طلع وقربع الباب وراى: فايز اصيل وين مجاش؟
فايز بااستغراب: روح توا علاش خيره
فهد مش مبين:لا شي غير نبي نشوفه كنت بس.. وركب سيارته
فهد وصل لحوش اصيل يطق طق ع باب الجنان ويقربع بقوه : اصيييييل اصصصصصيل
بو اصيل طلع بسرعه فتح: ياساتر شن صاير شن في
فهد بعصبيه:اصيل وين
بو اصيل:اهدى ولدي وقولي خيره
فهد بصوت عالي:اصصصصصصيللل
اصيل طلع: اسمع ياولد الناس القصه بسيطه
فهد: تعالى اصيل نتفاهمو ف السيارة
اصيل: اسمع اني فاهم عليك خش نتفاهمو ف المربوعه داخل
فهد: اي علاش لا لكن ف المربوعه بروحنى
اصيل:تمام
فهد واصيل خشو للمربوعه شاف اب اصيل:عمي بنتعبك ممكن قهوة
اب اصيل:حاظر.. وطلع
فهد ناض بسرعه وعصبيه شد اصيل من رقبة سوريته وووقفه وراى باب المربوعه: تعرف لم واحد يلمس حاجه ملكي شن يصير…شبك ايده ف ايد اصيل ولوهم بقوه
اصيل باااعلا صوت:ااااااااااااااه
فهد بعصبيه: انت شميت ريحتها صح وكنت حاضنها من الخلف ولمست فمها..ونزل يضرب ع وجها بكللل قوه
اب اصيل يدف ف الباب:شن ايدر افتتتتتح
فهد لوح اصيل ف المربوعه وفتح الباب: القهوة جهزت…خدي فنجان وقعمز فتح لـ اصيل فمها وصبله فنجان القهوة
فهد: هادي القهوة عشان تصحصح لم تفكر انك تقرب منها فكر حتى تفكير بس تفكير ندمررر ???????? فاهم ولا
اب اصيل:شن الالفاظ هادي تتحشمش
فهد: برا ???????? انت وولدك باه مزال ماشفتو شي احمدو ربي انه الدنيا ليل والا صدقني دمرته…وطلع
اصيل خدوه للمستشفى
ف المستشفى
اصيل ايده مجبسه ووجها ضمادات شاف بوه: اتصل بـ جابر
بواصيل اتصل بجابر وفتح المايك
جابر: الووو
اصيل بصوت تاعب: ياعمي جابر بنتك معادش تلزمني
جابر:شن صاير
اصيل: مافي شي خلاص مصارش من الخطبه …وصكر الخط
جابر استغرب وقف ف جيها بروحهه واتصل:ايووه بنتي
رهف:نعم بابا
جابر: شن في خيره اصيل ف حاجه
رهف: كيف بابا اني مانتواصلش معاه علاش خيره
جابر: توا اتصل بيا فسخ الخطبه بعدين نكلمك ..صكر الخط
رهف ابتسمت بفرح : همم ونزااح يخليلي هلغيور
وفاتت ليله ع رهف وفهد ????????????
الفجر
تررررن تررررن
رهف:الو
فهد: صلي ❤
رهف بتتكلم
فهد:وادعي اني نهدى لانه حسابك ماتمش
رهف بصوت واطي: تقدرش اديرلي شي
فهد تنهد بـ حب: ااااه بس
رهف ابتسمت: اتصلت بيا عشان تبيني نصلي ولا تبي تقولي حاجه
فهد: صلي وارقدي ياسر اليوم حفلة اختك بتمشي وعيونك منفوخات
رهف: هدا لتبي تقوله؟
فهد بعصبيه: اي هدا بس اقلبي وجهك…صكر الخط
رهف توضت وصلت ❤
فهد توضى وصلة❤
رهف رقدت
وفهد دار دوش فتح التلفزيون ونت
تالي يوم ✨ حفلة نصيب
الساعه 8
ترررررن تررررن
رهف تصكر ف الخط ع فهد تلاته مرات
الساعه 9.30
عايده: رهههف يابنت رهههف
نصيب: هادي نومها تقيل كان يحرارو فلسطين فوق راسها مستحيل تفيق…ومشت للمزين
رهف راقده
تررررن ترررن
فهد بعتلها( نوضي من الساعه تمانيه نتصل)
الساعه 11.30
تررررن ترررن
رهف صوت راقده : الوو
فهد: اني من التمانيه نتصل
رهف قعمزت تتكسل: نعسااانه ني ????????
فهد ابتسم: عرس اختك اليوم وراقده
رهف: باه وكان؟
فهد: ماتبيش تجهزي روحك
رهف:حسستني بنلبس حاجه كبيره تي هو كله قفطان
فهد بعصبيه: التبوديع مانحباش فاهما القفطان لبتلبسي امه طويل يوصلل للارض وكمامه طوال ومستور وواسع وصلت
رهف:اتصل بـ ايلي صعب قوله ع تصميمك بالك تبدا مصمم خيرك فهد كلهم نساوين
فهد: نقلته اني طووويل ومستور سمعتي
رهف: وين بنلقاه طويل ومستور استنى نبعتلك صورة القفطان مصوراته
فهد شاف الصورة قفطان قصير احمر منفوخ مصوراته ع السرير بعصبيه: تلبسي ال????????هدا كله ف الشارع
رهف ضحكت:هادي الموضة ياحاج
فهد: اقلبي وجهك جو عشرة دقايق ونكلمك
رهف فاقت غسلت وجها وفطرت وخشت غرفتها دارت مسكرة وروج وردي نزلت
طق طق طق
رهف قامت شعرها ف الكماشه وفتحت وعطت الباب بظهرها كانت مفكرتها تهاني : خشي
فهد خش وصكر الباب
رهف تلفتت: انت هبلت
فهد ف ايده كيسة: اسمعي ياصبية النمم هدا قفطان طويل مستور…وحدف الكيسه علها
رهف شدت الكيسه. من قالك بنلبس هدا غير الاحمر لشفته ف الصورة مستحي…قاطعها
فهد بعصبيه: نخش لدارك نمزق ???????? راه
رهف فتحت الكيسه طلعت قفطان طويل لونه ازرق غااامق يهبببل موديل طويل وفخم مرشوش
رهف تتكلم مصري: ايه الذوق ده ده ياجنن
فهد يتكلم مصري: بجدد قصدك انو عجبك؟
رهف:ااه ده حلوو اوي وحياة ربنا يجنن❤
فهد: حلو خلاص ملا البسي هدا يلا سلام
تررررن ترررن
رهف:الو ماما
عايده:فقتي باه طيب فيك اسمعي حني ف المزين نبعتلك بوك ياخدك؟
رهف:اي
عايده:باه يلا جهزي قفطانك وجهزي حاجاتك تو نكلمه
رهف توترة:ماما اسمعي صاحبتي بعتللي قفطانها قفطانها احلا من قفطاني باهي
عايده:من امتى نلبسو من الناس حني
رهف: يا ماما بللهي عليك
عايده:حسابك بعدين…وصكرت الخط
رهف:اسمع المرة هادي رح نرفضلك طلبك لكن بعد الحفلة بتاخد قفطانك راه
فهد: تمام بعدين نتفاهمو ..وطلع
رهف لبسة عبايتها وخدت معها كعب فخم اسود واكسسوار
طييييط طيييط
رهف نزلت لـ بوها وركبت
بعد العصر رجعت عايدة ورهف للحوش داروو دوره ع الحوش وقريب المغرب مشوو لصاله عايده ورهف نزلو من الدروج فهد طلع من حوشه بصدفه وجت عينه ف عينهم
عايده سلمت عليه: صحيت ع جيتك جيتك عزيزة
فهد ابتسم: نصيب زي اختي كيف مانجيش ربي يتمملها ع خير
رهف سلمت ع فهد: كيف الحال
فهد:الحمدلله
عايده: باه هي نستاذنوك حني بنمشو لصاله بكري قبلمايوصل حد
فهد:طريقكم بيضة
عايده ورهف مشوو رهف تلفتت لـ فهد وقامت العبايه فوق شويه وبينت القفطان متعه
فهد ابتسم ❤
بعد صلاة العشاء
نصيب طلعت من صالتها مع بسام وبدو يصورو ف السيارة
بسام شد ايدها: واخيررا ❤
رهف: ماما تعبت حتى ني خليني نروح
عايده:امشي مع تهاني ماتخليش اختك بروحها
رهف:باه..وطلعت ركبت مع تهاني ومشو مع نصيب
وعايده نضمت امورها ورجعت للحوش
رهف وتهاني شو مع نصيب وبعدين رجعو وصلو رهف لحوشهم
رهف اول ماخشت لجنان شافت شنطه قدام حوش فهد وهو داخل والباب مفتوح رهف بصدمه شافت الشنطه خشت لحوشه وقربعت الباب وراها
فهد طلع من غرفته يشوف من صكر الباب: انتي هبلتي شن ادير هني يشوفك معاي رهف امشي
رهف بنبرة باكيه: علااش الشنطه انت بترجع تاني
فهد: افهميني رهف هادي خدمتي واني دكتور مانقدرش نطول اكثر من هكي
رهف: واني؟
فهد: راجع بنضم اموري وراجع اني فكرتك ف حوشكم
رهف: فكرتني ف حوشي وقلت يلا خلي نهرب قبل ماتشوفني؟
فهد: رهههف افهمي اني قلت راجع
رهف: مانبيش نفهم شي انت مشرحتلي شي انت كنت هارب توصل بسلامه…فتحت الباب وطلعت
فهد: لو يشوفوني ننحرق قدامهم مافي حد رح يفهمني لو ننحرق قدامهم يقولولي محلاك وانت ادخن
رهف غيرت وحطت القفطان ف كيسه ووقفت ع الشباك شافته طالع وصكر الباب
فهد شافها ع الشباك
رهف خدت الكيسه متع القفطان حدفتها من الشباك ليه..وخشت
فهد مسكها وخدها ومشي
فهد ركب ومسي لشقته التاني نزل خدي وراقه وحاجاته
والساعه تمانيه طلعت طيارته
رهف ساعه 11 فاقت وفتحت نت ع طول
فهد وصل وخش للفندق وامتد ع السرير فتح نت ( رهف)
رهف تشوف ف الرسال ومتردش
فهد (رهفف يابنت)
فهد تعصب ( ماتبيش تردي؟ تمام نضمي امورك واهدي)
صكر نت
غير وطلع للمستشفى خدي ملفه وغراضه من المستشفى
دكتور احمد صاحب فهد: بنشتاقلك وايد يا فهد
فهد: صدقني يااحمد لو الموضوع مش ضروري مستحيل نرجع نشتغل ف ليبيا لكن مطططر
احمد: يلا الخيره فيما اختره الله ❤
فهد:ونعم بلله ❤ هي سلام…وطلع
ورجع للفندق فتح نت بعتلها ( رهوفه قعده زعلانه؟)
رهف بعتله (لا)
فهد اتصل ع الواتس:الو
رهف بصوت متوتر: الوو
فهد: خيره صوتك
رهف: مافي شي
فهد وقف: صوووتك واضح خيرك؟
رهف: فهد اصيل اتصل
فهد: اي كملي
رهف:هددني ومتعصب
فهد تعصب: انتي علاش تردي عليه اقنعيني علااااش
رهف: نبي نعرف علاش يتصل وطلعت حضرتك مكسرله ايده ياشاطر
فهد بعصبيه: رهففف انتي تعرفي شن دار
رهف بعصبيه: اي نعرف وانت تمشي تكسرله ايده انت تشري ف المشاكل شري
فهد: مره تانيه تو نحنيها باهي شن رايك تي انتي تستعبطي هدا جبدك وراى حوشي لو ماجيت اني كان صار شي اكبر من هكي
رهف: انت شن درتله كسرتله ايده بس؟
فهد بصوت واطي: انفه
رهف: انت كسرتله ايده وانفه بس تكلللم
فهد: مانعرفش اني مشفتاش لكن نعرف روحي كسرتله انفه وايده والباقي مانعرفش
رهف: بعد ايده وانفه ف باقي
فهد: شن هددك شن قال
رهف: هددني قالي معادش نبيك وانه ولد عمك ضربني وكل شي صار بسببي وهو كانت نيته بيضه وقالي انه عشاني ماحبش يرفع شكوه
فهد:كسرتله ايده لانه لمسك وكسرتله انفه لانه شمك يحمد ربي ماخليتاش بعين وحده وعفكرة هو مرفعش شكوه لانه الكل رح يوقفو معاي هو كان الغالط
رهف: باه وتوا
فهد: تبي حاجه
رهف: شي…
فهد: باه اقلبي وجهك..وصكر الخط
يتبع…
لقراءة الحلقة التاسعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية أدوار وهمية للكاتبة أروى طاهر المسلاتي
