رواية عشقت ميمونة الفصل الثاني عشر 12 بقلم هاجر محمد

*صرخت ميمونه وأمسكت في ظهر مالك وهي تتابع ضحكات كمال الساخره بعد أن اطلق تلك الرصاصه و:- إيه ياعروسه خفتي كده ليه.. ده أنا كنت بحيي بس

أمسك مالك بيد ميمونه وربت عليها ونظر إلي كمال و:- متشكرين كان نفسي أقولك عقبال ما أردها لك بس في حالتك إنت أولي إني أقولك ربنا يهديك.. وادخل ميمونه السياره ورحل تاركا نظرات كمال تفترسهم والشر يتطاير من عينيه اللعينه ورحل هو الاخر

*اقترب صهيب من حليمه و:- مبروك ياليمه

التفتت اليه حليمه بابتسامه متوتره و:- الله يبارك فيك ياحبيبي عقبالك

صهيب :- عقبالك.. دي من قلبك ياليمه

حليمه :- طبعآ من قلبي إنت عندك شك ولا إيه

عشقت ميمونه. هاجر محمد. حبيبة

صهيب :- لأ طبعاً.. بس لو من قلبك بجد يبقي إنتي دعائك مستجاب وفي عروسه عاوز أخطبها دلوقتي

ضحكت حليمه و:- دلوقتي !!! ودي مين سعيدة الحظ

نظر صهيب إلي عائلة سجود و:- سجود صاحبة ميمونه

وضعت حليمه يدها أسفل ذقنها بتصنع و:- سجود.. سجود مين.

صهيب بنفاذ صبر :- إيه ياطنط حليمه سجود.. سجووود اللي شوفتها الصبح عندكم

ضحكت حليمه ولكزته في صدره بخفه و:- عارفه ياواد ياصهيب…. عينك بتنقي كويس يازين ما اخترت

صهيب :- يعني هتجوزيها لي ياليمه

حليمه :- ياواد اصبر بس نرتاح من فرح مالك وميمونه وبعدين نجوزهالك

صهيب :- معاكي أسبوع وأكتر من كده مش هستني

حليمه :- قول يارب وربنا يصلحلك الحال ويجعلها من نصيبك

رفع صهيب يده ة:- ياااااارب

:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/

في سيارة مالك :-

تجلس ميمونه جواره بحيره تسأله عن وجهتهم :- مالك إحنا رايحين فين؟؟؟

مالك :- مفجأه!!

عشقت ميمونه. هاجر محمد. حبيبة

ميمونه بضيق :- بقي لنا ساعة ماشيين وإنت بتقولي مفاجأة

توقف مالك بالسياره و:- وصلنا خلاص يلا إنزلي… استني استني استني

ميمونه :- فيه إيه تاني؟؟

خرج مالك من السياره واستدار إلي الجهه الاخري وفتح الباب .. مد يده إليها و:- ملكة عرش قلبي تسمحيلي

مدت ميمونه يدها بابتسامه وخرجت.. شهقت بصوت مرتفع أثر حمل مالك لها فجأه و:- مالك. إنت بتعمل إيه إحنا في الشارع والفستان اترفع

مالك بهدوء :- ما تقلقيش ما فيش حد هيشوفك غيري

فتح مالك باب بيت فخم به حديقه صغيره مضاء بنور ذهبي براق وجذاب آثار انبهار ميمونه و:- الله يامالك إيه المكان ده حلو جدا نزلني نتفرج عليه

أكمل مالك طريقه و :- أتفرجي بعدين دلوقتي الوقت متأخر وفي حجات أهم.

ارتجفت ميمونه بين يديه وصمتت لاحظ مالك خوفها ولكنه إبتسم ودلف بها إلى داخل المنزل.. أغلق الباب بيده وأنزلها أرضاً

*أخفضت ميمونه رأسها أرضا فاقترب منها مالك ورفع رأسها إليه وساعدها في نزع النقاب وما إن رأي وجهها بلمسات التجميل البسيطه التي جعلتها أكثر جمالاً و:- تبارك الله أحسن الخالقين.. عارفه ياميمونه أنا حاسس إني قدام حوريه من الجنه دلوقتى بس عرفت إن ربنا عوضني بالجوهرة اللي كنت بغض بصري عن نساء العالم علشان لما تيجي اللحظه دي اروي عطشي من بحر عينيك

تلاشي خوف ميمونه ورفعت كفها وحاصرت وجهه يكفيها و:- أنا بقي حاسه إنك أكتر من اللي كنت استحقه

قبل مالك جبينها و:- تعالي بقي غيري لبسك علشان الحاجه المهمه اللي قولت لك عليها

توترت ميمونه مره أخري و:- ه هو م في لبس ليا هنا

مالك :- كل حاجتك هنا

ميمونه :- كل حاجتي هنا ليه؟؟؟

مالك :- علشان بيتك وده مكانها الطبيعي

ميمونه بعدم فهم :- بيتي. إزاي !!!!

حرك مالك راسه و:- اممممممم بيتك

ميمونه :- اشتريته… ليه يامالك إحنا متفقين إننا هنفضل مع ماما إنت لسه دافع كتير في المستشفى ومحتاج كل قرش علشان تقف على رجلك

. مالك :- هششش نهدي شويه إنتي مش أقل من إنك يكون عندك بيت يكون مملكتك الخاصه وكمان مش هيأثر كتير عليه بالتقسيط

عشقت ميمونه. هاجر محمد. حبيبة

ميمونه بغضب و:- يعني تجيب لي بيت من غير ما تقولي.. ومين قال إني ع

اسكتها مالك بوضع يده علي فمها و:- ينفع بلاش نبدأ بالخناق.. ولو اختياري مش عاجبك ابقي اختاري وشاوري علي اللي إنتي عاوزاه وأنا هجيبه ليكي بس علشان خاطري بلاش تكشري الليله دي

أمسكت ميمونه بيده و:- أنا ما يعجبنيش إختيارك انت لو هتختار قفص نفضل فيه هيكون بالنسبه لي جنه .. أنا بس ما كنتش عاوزاك تصرف وإنت لسه بادئ في المستشفى ومحتاج للفلوس دي

مالك :- كل فلوس الدنيا ما تساويش نظره في عينك كفايا بقي كلام… وأمسك بيدها متجها إلى الداخل لكنها أوقفته و:- مالك استني أنا

اقترب منها مالك مره أخري و:- ميمونه ما تخافيش أنا عمري ما هعمل حاجه تخوفك.. بس أنا عامل لك مفجأه ومتأكد انها هتعجبك..

صعدت ميمونه مع مالك إلى الغرفة فتوقفت من أثر المفاجأه بعدم تصديق ونظرت إلي مالك بدموع و:- إيه اللي أنا شايفاه ده بجد

مالك بسعاده :- أنا ما كنتش متخيل إنك هتفرحي بيها أوي كده

ميمونه بابتسامه مغلفه بالدموع :- مش فرحانه. بس أنا مش مصدقه بجد . إنت عارف أنا كنت بتكلم مع سجود إني نفسي في ركن صلاه في بيتي لما شوفته في بوست علي الفيس بوك كان حلو جدا وساعتها اتمنيت إنه يكون عندي

مالك :- أنا فرحان أوي لفرحتك.. يلا البسي حاجه غير الفستان. واتوضي علشان نصلي

قامت ميمونه وبدلت فستانها بمساعدة مالك وارتدت إسدالا للصلاه وأمها مالك عدة ركعات بصوت تهتز له القلوب والابدان وتدمع له العيون.. وبعد أن انتهيا من الصلاة جلس مالك وتربع أمام ميمونه وظل يسبح علي يدها وبعد فتره امسك بيد ميمونه واتجه بها ناحية الفراش وأجلسها أمامه و:- عايز أتكلم معاكي شويه علشان نرسم حياتنا وتكون خاصه بينا

هزت ميمونة رأسها ليتابع هو و:- أول حاجه حكم حياتنا مالهوش دعوه بالناس أي حاجه طالما ما تغضبش ربنا يبقي مالناش دعوه بحاجه تانيه

_مش عايز أي حد يتدخل في حياتنا سواء أمي أو أمك علشان المشاكل ما تكبرش

قضبت ميمونه حاجبيها بعبث وجذبت يدها منه و:- ماما هتكبر المشاكل بينا يامالك؟؟

امسك مالك بيدها مره أخري و:- أولا لما أكون ماسك إيدك ما تشديهاش مني مفهوم… ثانياً أنا قولت أمي وأمك يعني الاتنين توسعي تفكيرك شويه

ميمونه :- امممم ماشي كمل الوصايا العشر.

ابتسم مالك وتابع :- مش عايز في يوم حد يبات زعلان من التاني أبدا مهما كان السبب… مش عايز نكون روميو وجوليت ولا عنتر وعبله.. نفسي نحاول نعيش حياة محمد وعائشه.. علي وفاطمه أنا هكون ليكي أخ وأب وصديق والزوج والحبيب

ميمونه :- مالك عايزه أطلب منك طلب

مالك :- عيوني إنتي تؤمري

عشقت ميمونه. هاجر محمد. حبيبة

ميمونه بابتسامة :- ينفع إن شاء الله لما ربنا يكرمك والمستشفى تكبر ونروح نحج مع بعض.

مالك :- ربنا يسهل ان شاء الله كانت في تفكيري فعلا .. ينفع بقي ننام دلوقتى لأني هلكان علي الاخر العريس ده بيتعب جدا

ميمونه بسخريه :- الله يكون في عيونك .. اخرج أنا واسيبك علشان ترتاح.. وهمت أن تتحرك من جواره ولكنه جذبها من ذراعها فسقطتت فوقه و:- وأخر وصيه وأهم وصيه ممنوع منعا بتا تنامي بعيد عن قلبي أبدا مفهوم….. مش وقت سكوت مفهوم ولا افهمك بطريقتي.. وغمز لها ????

أبتسمت ميمونه ودفنت وجهها في عنقه بخجل و :- مفهوم حاضر

مالك :- أنا بقول نطفي النور علشان نعرف نتفاهم أكتر

وبدأت حياة مالك مع ميمونه بوصايا السعاده الأبديه التي غلفتها طاعة الرحمان وباركها رباط الحب الحلال الأبدي الذي سيصمد مهما حاول شياطين الجن والإنس التلاعب فيه والتفرفه لكن تبقي رعاية الله فوق كل شئ وعنايته المحافظه لهم

====================================

في صباح اليوم التالي استيقظ كمال علي رنين الهاتف الذي بات في انتظاره طوال الليل.. رد سريعاً و:- عايز أسمع أخبار سعيده علي الصبح

_للأسف ياكمال بيه مش هتسمع اللي إنت عاوزه

نهض كمال من مكانه بسرعه و:- يعني إيه الكلام ده

_والله ياباشا وقفنا الاجهزه زي ما حضرتك أمرت وبعد اقل من ساعه جه واحد وعمل فحص للاجهزه كلها وفضل يزعق في الموظفين وما عرفناش نعمل حاجه

كمال بغضب :- يعني إيه… يعني كل اللي خطت له راح في الأرض ماشي يامالك إنت أنا مش هسيبكم وياأنا يا إنتم وأغلق الهاتف ونهض من علي الفراش بدل ملابسه وتوجه إلي الخارج1

===================================

أمام احد العمارات الراقيه يقف صهيب متكأ علي حائط بضيق ينظر إلى ساعة يده بين الحين والآخر و:- هي معتكفه فوق دي ولا إيه مش هتنزل النهارده

أتي البواب الذي يراقبه منذ فتره بحيره من خلفه و:- خير يابيه في حاجه ؟؟؟

التفت اليه صهيب و:- ل لا أبدا بس مستني واحد صاحبي ساكن في العماره دي

رفع البواب حاجبيه بريبه و:- إسمه إيه صاحبك ده

صعيب بتلعثم :- إس إسمه إسمه

البواب :- إيه ما عرفش إسم صاحبك

بلل صهيب شفتيه و:- ل لأ ط طبعاً إزاي بس هو يع

قاطعهم صوت رجولي من أعلي و:- ده تبعي ياعم جلال خليه يطلع

رفع جلال نظره إلي ذلك الواقف في شرفة الطابق الثاني و:- أوامرك ياعثمان بيه.. مش تجول إنك جاي لعثمان بيه اتفضل ياولدي اتفضل

*صعد صهيب إلي الطابق الذي يقطن فيه عائلة عثمان الذي استقبله في غرفة الاستقبال وأمر بأحضار الضيافه وجلس معه لفتره دام فيها الصمت تحت مراقبة عثمان الدقيقه والمتفحصه لصهيب

قاطع عثمان هذا الصمت و:- خير يابش مهندس هتفضل ساكت كده كتير

ابتلع صهيب ريقه فهو لا يعرف ماذا يقول في الموقف المحرج الذي وضع نفسه فيه و:- ب بص يابش مهندس أنا عاوز اتجوز الانسه سجود بنت حضرتك

ضيق عثمان عينيه وضرب علي فخذه بقوه مما جعل صهيب ينتفض من مكانه و:- وده يخليك تقف تحت البيت تستني بنتي لما تنزل دي الأصول والأدب.

عشقت ميمونه. هاجر محمد. حبيبة

نفي صهيب سريعا وهي يشير بسبابته و:- لا لا والله أنا بس كنت عاوز أخد موافقه مبدئيه منها وأنا طلبتها من حضرتك مره

عثمان بحده :- ولما إنت عاوز تاخد موافقه مبدئيه منها أنا لازمتي إيه

صهيب بأسف :- أنا فعلاً غلطت بس كانت نيتي خير والله وأكيد هدخل البيت من بابه بس الطريقه كانت غلط وبكرر إعتذاري أتمني تقبله

تلاشي غضب عثمان تحت تأثير ملامح صهيب النادمه وهيئته الوقوره و:- بص يابني أنا من اول ما شوفتك ارتحت لك صحيح مفوت شويه بس شكلك راجل بجد بس إنت لسه بتدرس إزاي عايز تتجوز وأنا ما بحبش فترة الخطوبه اللي تطول

ازدادت ثقة صهيب في نفسه و:- أنا في أخر سنه في الجامعه وإن شاء الله أتخرج وأشتغل

عثمان :- يعني مبدأيا كده لو فرضنا إني وافقت هتقدم إيه لبنتي إيه اللي عندم تديه ليها

ابتسم صهيب وهو يتذكر كلام مالك حينما سأله نفس السوال قديما وطال صمته.. فابتسم عثمان علي ابتسامته و:- سؤالي خلاك تبتسم للدرجه دي

عشقت ميمونه. هاجر محمد. حبيبة

انتبه صهيب له و:- لأني سألت اخويا مالك قبل كده من زمان نفس السؤال إيه الحاجه اللي أقدمها وأنا واثق إنها ما تتردش وقيمه وقيمتها أغلي .. مالك ساعتها قالي القلب القلب لو قدمت له الحب الحلال ما يتردش وقيمته ما تقلش أبدا

ابتسم عثمان وريت علي كتفه و:- وأنا مش عايز اكتر من كده لبنتي راجل يحطها في قلبه

صهيب بسعاده :- يعني موافق

ضحك عثمان :- أنا ما قولتش كده.. الأصول إن اهلك يشرفونا و

قاطعه صهيب ونهض واقفا و:- أنا هروح اجيب ماما ومالك وطنط حليمه وآجي مسافة الطريق

عثمان :- أنا لسه بقول راجل يحطها في قلبه مش عيل

جلس صهيب مره أخري و:- يعني إيه مش حضرتك قولت موافق

عثمان :- مبدئيا لكن لسه الكلام النهائي مش ليه أنا هحدد لك ميعاد إن شاء الله الجمعه اللي قبل رمضان يعني زي النهارده كده إن شاء الله وربنا يعمل اللي فيه الخير

:٪:٪:٪::٪:٪:٪:٪:٪:٪:٪:٪:٪:٪:٪:٪:٪:٪::٪:٪:٪:٪:٪:٪:٪:٪:٪:٪:٪

عند ميمونه ومالك عاد مالك من صلاة الجمعه وصعد مباشرة إلي غرفة ميمونه ولكنه لم يجدها.. هبط مره أخري ووجدها واقفه في المطبخ تعد الطعام وهي تدندن بكلمات من الأغاني ظل يتابعها وهو متكأ علي حافة الباب بابتسامه .. بعد فتره التفتت ميمونه وفزعت من وقفته فشهقت بخضه و :- مالك.. خضتيني انت واقف كده من امتي

اقترب مالك وحاصرها من خصرها ة:- من ساعة ما الكروان كان بيغني

وضعت ميمونه يدها علي صدره بدلال و:- وعجبك صوته

قبل مالك وجنتها و:- أحلي صوت سمعته

ابتعدت ميمونه عنه و:- طيب يلا بقي علشان انا جهزت الغدا.. نتغدى ونمشي علي ماما علشان قلقانه عليها أوي وكمان إنت تروح تشوف المستشفي وبكره ان شاء الله تروح الشركه تطمن لأني مش مرتاحه لكمال خالص وحاسه إنه بيدبر لنا لمصيبه

عشقت ميمونه. هاجر محمد. حبيبة

جلس مالك علي طاولة الطعام و:- حرام عليكي ياميمونه النهاردة صبحيتنا وإنتي عاوزاني انزل المستشفي واروح الشركه طب استني اسبوع علي الاقل

وضعت ميمونه ملعقة ???? الطعام في فمه و:- ياحبيبي أنا إسبوع ما يكفنيش ولا عمر حتي بس ده مستقبلك وإنت لسه في بداية المشوار ولازم ما تضيعش وقت روح بسرعه وارجع خدني من عند ماما

أطعمها مالك هو الاخر و:- ماشي اللي تؤمري بيه

ميمونه :- ربنا ما يحرمني منك يلا بسرعه بقي

انتهوا من تناول الطعام وتجهز الإثنين للخروج..

:٪:٪:٪::٪:٪:٪:٪:٪:٪:٪:٪:٪:٪:٪:٪:٪:٪::٪:٪:٪:٪:٪:٪:٪:٪:٪:٪:٪

وصل مالك وميمونه أمام بيت حليمه ولم يكن أحد هناك .. غادروا ناحية بيت أمينه التي فتحت لهم الباب في الحال و:- حبايب قلبي صباحية مباركه ادخلوا ادخلوا

سلمت ميمونه عليها و:- هي ماما حليمه فين روحنا البيت وما رديتش

أمينه :- مش عارفه أنا ما شوفتهاش من إمبارح

ميمونه بقلق :- أومال مش بترد ليه. هاتي المفاتيح اللي هنا ياماما اروح أتطمن عليها بسرعه

عشقت ميمونه. هاجر محمد. حبيبة

إنتقل القلق إلي أمينه واحضرت المفتاح سريعاً وذهبوا إلي بيت حليمه صعدت ميمونه ركضا وهي تنادي عليها وما إن وصلت إلى غرفتها حتي وجدتها ممدده علي الفراش ممغمضة العينين جلست ميمونه جانبها وأمسكت بيدها و:- ماما إنتي نايمه وإحنا عمالين ننادي قومي ياليمه م…. صمتت ميمونه و:- ماما إنتي إيدك ساقعه كده ليه.. ماما قومي .. نظرت إلي مالك بخوف و:- مالك ماما مش بترد ليه

أمسك مالك بيد حليمه ليقيس نبضها اتسعت عينيه من الصدمه ونظر إلي ميمونه بخوف ولم يستطع أن ينبت بحرف

أمينه :- في إيه يامالك ساكت ليه يابني

ميمونه :- مالك ماما مالها…. رد عليه ساكت ليه

اغمض مالك عينيه يحبس دموعه التي أبت الخضوع له وسقطت علي وجهه و:- إن لله وإن إليه راجعون إن وإن إليه راجعون.. وسحب الغطاء علي وجهها

صرخت به ميمونه وهي تجذب الغطاء من يده بحده :- إيه اللي بتعمله ده ليه بتغطي وشها ماما كويسه هي بس زعلانه مني علشان نمت بعيد عنها.. بس خلاص مش هسيبها تاني ومش هبعد عنها. يلا ياماما قومي قومي بقي انت مش بتحبيني أعيط أبدا ولا ازعل .. أمسكت بيدها ووضعت الاخري تحت رأسها و:- يلا ياماما أنا هساعدك تقومي3

قاوم مالك دموعه وحاوط ميمونه بذراعها و:- ميمونه كده حرام استهدي بالله

أبعدته ميمونه عنها وصرخت في وجهه و:- إنت اللي بعدتني عنها أنا عمري ما بعدت عن ماما أبدا ياريتني ما تجوزتك ولا بعدت عنها إنت السبب يامالك إنت اللي خلتني ابعد عنها

مالك بحزن علي حالتها :- أنا آسف. بس كل نفس ذائقة الموت وادعي بالرحمه

ميمونه ببكاء هستيري :- ماما ماتتش هتقوم ماما مااااامااااا م م

ترنحت ميمونه وسقطت بين يدي مالك وهي تهلوس باسم أمها

يتبع…..