رواية جنون حنين الجزء الثاني الفصل الرابع 4 بقلم نور محمد

رواية جنون حنين الجزء الثاني الجزء الرابع

رواية جنون حنين الجزء الثاني البارت الرابع

رواية جنون حنين الجزء الثاني الحلقة الرابعة

اماله له بهدووء لتذهب معه الي مكان اخر
عدي بخبث: هو فيه جمال كده في الدنيا ياجميله قلبي
جميله ووشها بقى احمر من كلامه: هاا
عدي غمز ليها وقرب اكتر واكتر من وشها علشان بيوسها بس فجئه لقى الي بيشيله لفوق من هدوومه
عند حنين فوق في الشقه
حنين بصوت عالي:انت يازفت ياهشام فين اللنشون ياض اكلته كله لوحدك
هشام وهو ليسا بياكل:الله مانتي عارفه اني بحبه مجبتيش ليه كتير ياحنون
حنين خرجت وبصت عليه بضيق:طيب ححضر ازاي ديلوقتي وبباك على وصول يازفت
هشام بتزمر:وانا مالي شوفي حد من اولادك الي بيلعبو تحت يجيب انا مش حتحكرك من هنا انا ليسا باكل
حنين:روح اللهي يخلص اللنشون كله من البلد وتفضل على كده يارب
هشام:طب فيه ام تدعي على ابنها كده ياخلق
حنين:ايوه فيه علشان انت…وقاطع كلامها صوت الباب بصت ونصدمه من الي شافته
حنين بصدمه:ياض يايوسف ماسك اخوك كده ليه
يوسف وهو ماسك عدي زي حرامي الغسيل:اسئليه هو ياحنون عمل ايه
عدي بضيق:ماخلاص ياكبير بقى وبلاش مسكت الحراميه دي بستيجي ياجدع بقى في الارض
هشام وهو بياكل بستمتاع وضحك:ههههههه والله عندك حق ياعدي شكلك عسل وانت متعلق كده استني اجيب فوني بس 😂
عدي بضيق من هشام:اللهي اشوفك متعلق مكاني ياهشام الكلب
حنين بصوت عالي:في ايه يايوسف فهمني الجذمه ده عمل ايه
يوسف بضيق:ده ياماما كان واقف مع بنت الجيران وكان عاوز بيو’سها واخوها مسكه لولا اني لحقته منه بصعوبه
حنين بصدمه:نهار ابوك اسود ياعدي الكلب
عدي بضحك:الله وانا اعمل ايه البنت اغرت’ني ياحنون وهي بطل الصراحه اوي
يوسف فضل يهز فيه ويقول:شايفه ياماما بيقول ايه الحيو’ان ده لو بابا سمعه حيفرمه والله
عدي بتعب:مخلاص ياكبير قفايا حيطلع في ايدك كده والله
حنين بيأس من ابنها:سيبه يايوسف انا حتصرف معاه بطريقتي
عدي بخوف:لا يايوسف بلاش دي ايدها طرشه ياجدع والله بلاش خدني معاك انت
سابه يوسف بقرف:احسن تستاهل علشان تحترم نفسك اهو كله ليكي ياكبيره
هشام بضحك:كده نقول الله يرحمك ياعدي من جنون حنين
عدي وهو بيجري من حنين:حنون استهدي بالله دي كانت لحظه شيطان وعدت والله ياقلبي
حنين بغضب:بقي عاوز تبو’س البنت قدام اخواها ياعبيط ياهبل
عدي بمرح:خلاص حخدها المره الجايه في بي’ر السل’م بس متزعليش
حنين بيأس وغضب:اه ياسا’فل يابن الجز’مه تعالي هنا بقولك
دخل مروان وهو تعبان على المشهد ده وعدي شاف بباه استخبى خلفه من حنين
عدي بخوف:سيد الناس وصل الحقني يامعلمي من مراتك المتوحشه دي
مروان بعدم فهم:في ايه ياحنين كل يوم ارجع على خناقه والا ايه
حنين وهي بتبص على عدي بشر:ماشي ياعدي بتتحمى مني في بباك ماشي حمسكك برضو
مروان بضيق:في ايه الي بيحصل هنا عاوز افهم
يوسف بخوف من مروان:مفيش يابابا عدي كسر الطبق بس من المطبخ وماما اتعصبت عليه
وغمز لحنين لان عارف مروان عصبي في الامور دي وهو بيخاف على اخواته اوي وفهمت حنين طبعا علطول
مروان:كل ده على طبق ياحنين خلاص ياحبيبتي حجبلك غيرك من عنيا
حنين بتمثيل الدموع:اصله من النيش يامروان وكده النيش حينقص وانا محتفظه بيه
قرب مروان منها بحب وعشق:خلاص ياقلبي حجبلك نيش كامل غيره بس متزعليش تمام
عدي بتصفير وغمزه:الله ياحنون ياجامد ثبتت الراجل بدمعه واحده بس
حنين مسكت الشبشب ورمته عليه:ابو فصلانك ياجدع غور ياض من وشي
ضحك يوسف وهشام على شكل عدي والشبشب نشن في وشه بالظبط:اصابه حره ياحنون واحد صفر لجنون حنين
حنين بفخر:شكرا شكرا ياحبايب قلبي
مروان بضحك عليهم:امال فين كتكوتي اميرتي الي هنا
خرجت سلمي من اوضتها وهي بتعدل النضاره بتاعتها:انا هنا يابابا
بص عليها مروان بحب:حبيبه قلب بابا الهاديه الي هنا
بص عليه يوسف وهشام وعدي الي ماسك نفسه بالعافيه من الضحك
عدي بهمس ليوسف:الهاديه يايوسف بتاعه سمورتي دي هههههههه
ضربه يوسف في كتفه:اسكت ياض ليسمعك يخربيتك
عدي بضيق:ماهو شغال يقول الهاديه في البيت والا انا اشيل الليله كلها لوحدي
كان يوسف حيرد بس قاطعه صوت هشام:حضرتي الاكل ياحنون انا جعان ياست انتي
بصت عليه حنين بصدمه:جعان ليسا ده انت مخلص طبق لوحدك من خمس دقايق بس يابني ايه قوه الهضم دي الي عندك
رفع هشام ايده في وشها:خمسه ياشيخه في عينك اتحسد ماتقول حاجه لمراتك ياعم بابا
ضحك مروان على شكل حنين وهي فاتحه بقها من كلام هشام:شوفت يامروان ابنك بيقول ايه في وشي
ضمها مروان قدامهم كلهم وقال:سيبك منهم دول غيرانين بس.. روحي اعملي الاكل لينا ياحياتي
حنين بحب:كلامك ده يامروان مرهم جروحي والله والي مصبرني على الخلفه دي انها منك ياقلبي
عدي بمشاكسه:الله ماتكمل رومانسيتك دي في اوضتك ياعم مروان راعي قلوب الشباب هنا ياجدع
ضحك الكل على كلام عدي وحنين دخلت تعمل اكل ليهم