رواية ملاكي الفصل الثاني عشر 12 بقلم نيللي ياسر
 |
| رواية ملاكي الفصل الثاني عشر 12 بقلم نيللي ياسر |
رواية ملاكي الفصل الثاني عشر 12 بقلم نيللي ياسر
زينب بشهقه: مين….ج…جمال
جمال: الف سلامه عليكي
زينب بخوف: انت عايز ايه يا جمال
جمال بحقد: طب مش اسلم على ادهم باشا الاول
زينب: انت تعرف ادهم منين
جمال: ده ابن الغالي
( ادهم مسكه من ياقه قميصه واتكلم بصوت عالي)
ادهم: انت عايز ايه يا جمال…مش انت بعت ليا مراتك واظن انها مجبتش ليك اخبار تفيدك..جي انت تعرف الاخبار الجديدة عني…طيب أقولك انا الواد اللي انت باعته يراقبني وهو اللي قالك اني بايت في المستشفى…رجالتي موتوه وانا مستعد اموتك دلوقتي لو مقولتش انت عايز ايه
جمال: انا جي علشان قرايبي
ادهم وهو يبتعد عنه: قرايبك…قرايبك مين
جمال: بنت اخويا وجدتها
ادهم بصدمه: ايه!!…بنت اخوك
♥️♥️♥️♥️♥️♥️♥️عند حازم ♥️♥️♥️♥️♥️♥️♥️
( حازم خلص شغل هو واميره و بيتخانقو قدام العربيه بتاعت حازم)
حازم: يا بنت الناس أدخلي…ده انا هوصلك
اميره وهي تربع يدها: لا انت مش سهل..وممكن تخطفني
حازم بعصبية: انتي عبيطه اخطفك…. لايه هو انا سفاح
اميره بخبث: طب انت هتوصلني بس مش البيت
حازم برفع حاجب: اومال اوصلك فين
اميره بأبتسامه طفوليه: هتوصلني بيت كوكي
حازم: كوكي مين..صحبتك
اميره: لا ابوك
حازم: نعم يا روح امك
اميره: احترم نفسك
حازم: اميره بطلي عبط واركبي اوصلك بيتك
اميره: لا هتوديني بيت كوكي
حازم بغضب: واهلك مش هيسألو عليكي
اميره: انا قولتلهم اني هتأخر في الشغل النهارده
حازم:_____
اميره: يلا بقي..والنبي و النبي و النبي و النبي و النبي
حازم: خلاص يلا اركبي
اميره: هييييييه!!
حازم: هو انا واخد بنت أختي معايا
اميره وهي بتطلع من الشباك: بتقول حاجه
حازم: بقول دخلي دماغك علشان مكسرهاش
اميره: علشان تعرف انك سفاح اهو
حازم: تسمعي اغاني يا بت
اميره: اه عندك ايه
حازم: بصي انا معنديش حاجة رومانسيه..كل اللي عندي شعبي
اميره: ايوه انا أصلا مبسمعش غير شعبي
حازم: طيب تسمعي انتي معلمه ولا اندال اندال..ولا لغبطيطا
اميره: شغلنا انتي معلمه
( حازم شغل الاغنيه وبدأ يغني معاها بصوت عالي واميره بتضحك وتسقف وبتغني معاه وفرحانه أنها لقت حد فهمها)
حازم: انتي معلمه برنسيسه وبنت باشا دي بقلاوه لا جلاشه عملت علي قلبي الكماشه.. بوقها قد السمسمه انتي معلمه كل دقه رايحه جايه بتناديكي يا نور عينيا؛ انت بطل الجمهورية في الجمال متقسمه؛ انتي معلمه ايه اللي جرا ايه اللي حاصل انتي سايبتي المفاصل؛ عقلي قام غايب وفاصل أهدي شويه يا عمنا
اميره وهي بتسقف: قول يا شقلشه
حازم بيطبل علي الطابلوه وبيكمل غناء: اه يا ست الكل يا فل سانيوره وملكيش حل؛ انا قاطع ليكي مش هحل هسحرلك واعمل جن
مفطومه يا ناس شربات معموله بحلويات؛ بسكوته وغزل بنات لما بتظهر كله سكات؛ انتي جسمك ده مزيكا ماسحه الكل بالاستيكه تاخدي اسكار بيه في امريكا..ما تيجي نعيش بقي سننا انتي معلمه…
( وفجأة لجنه بتوقفهم)
الظابط: انتو عاملين فرح في العربيه
♥️♥️♥️♥️♥️♥️♥️عند ادهم♥️♥️♥️♥️♥️♥️♥️
جمال: ملاك بنت اخويا فين يا زينب
زينب بتوتر: ملاك اتجوزت وسافرت مع جوزها
جمال: وانا اهبل بقي علشان اصدق
ادهم: انت عايز ايه يا جمال
جمال: قولت عايز بنت اخويا
ادهم: بنت اخوك دي تنساها فاهم علشان لو اتكلمت في الموضوع ده تاني همسحك من علي وش الأرض فاهم
جمال بخوف: ماشي يا ادهم( وخرج من المستشفى)
ادهم: أحكي يا زينب
زينب: أحكي ايه ولا ايه
ادهم: جمال ده مش سهل وانا لازم افهم علشان احميكو
زينب تنهدت وبدأت تحكي: عزت الشامي يبقي اخو جمال الاسيوطي..متستغربش من اسم الاب المختلف لأن هما مش من نفس الاب أمهم كانت بتحب ابو عزت وكانت حياتهم كويسه بس ابو عزت جاله سرطان ومات ام عزت كانت حامل في عزت ابنها أهلها بعد موت ابو عزت جوزوها ابن عمها كانت لسه شابه جوزها مات وهي لسه متجوزه من قريب المهم اتجوزت ابن عمها اللي هو ابو جمال وخلفت عزت ابنها اللي كانت حامل فيه وبعد مده حملت من ابن عمها وجابت جمال بس جوزها مات بعد ما خلفت جمال بسنه واحده..قررت انها مش هتتجوز تاني وهتعيش علشان تربي أولادها وبس.. كان معاها عزت سنتين وجمال لسه مولود.. وكان معاها ورث من جوزها كانت فلوس كتير اوي ..بعد موت ابوها سابت الصعيد وعاشت في القاهره لأن الناس في الصعيد كانت شايفاها نحس وفقر..عاشت في القاهر واشترت بيت ومستواهم كان كويس .. بس هي كانت بتحب عزت اكتر من جمال لأن عزت من جوزها اللي كانت بتحبه بس مش معني كده أنها بتكره جمال.. الولاد كبرت وبقو شباب عزت كان في الجامعه و جمال برضو بس جمال كان صايع وملهوش في التعليم وخلص الجامعه بمعجزة … عزت كان بيحب بنتي من وهما في ثانوي.. ولما خلص جامعه طلب ايد بنتي وأبوها وافق واتجوزو… بس جمال كان غيران لأن أخوه خلص الجامعه بمجموع كويس واشتغل واتجوز..وهو لسه ..طلب من امه انو عايز يتجوز جارتهم بس أمه رفضت لانه كان صايع وقالتله هتعذبها معاك بس هو صمم..وأمه وافقت وقالت يمكن لما يتجوز يتصلح حاله.. وفعلاً راحو طلبو ايد البنت بس البنت رفضت وأبوها رفض .. ساعتها هو اضايق اوي لأن أخوه بقي عنده بنت اللي هي ملاك .. وهو حياته لسه واقفه..اتصاحب علي واحد وعملو شركه مع بعض وبقي معاه فلوس بس كان عايز ياخد حقه من البنت اللي زمان رفضته علشان مكنش معاه فلوس..تخيل عمل ايه…البنت كان ابوها مات وهي كانت بتصرف علي أمها..قالها تعالي اشغلك في الشركه بتاعتي والبنت فرحت جدا لأنها مكنتش لاقيه شغل… وفعلاً اشتغلت وفي يوم الشركه كلها روحت والبنت كانت مروحه بس هو اغتصبها في المكتب بتاعه…علشان ياخد حقه منها..وبعد مده البنت بقت حامل..راحت حكت كل حاجه لأمه..علشان امه ست طيبه..وأمه لما عرفت قالت لها أن ابنها غلطان وان هي هتخليه يصلح غلطته ويتجوزها… بس لما ام جمال طلبت منه يتجوزها رفض وقال إنه هيخليها تسقط الولد ده .. أمه ساعتها ضربته وقالتله أنها غضبانه عليه وأن من النهارده هو مش أبنها…هو سعتها مشي وراح ادي لناس فلوس علشان تسقط البنت غصب عنها.. وفعلاً الناس دي ضربت البنت لغايه لما سقطت وماتت…ايوه البنت مستحملتش وماتت .. أمه لما عرفت زعلت جدا وجالها جلطه وماتت.. هو بقي بيشرب ويسهر وبقي بيعمل حاجات كتير غلط بس مع ذالك أخوه عزت كان واقف جنبه وبيحاول يخليه يبطل إللي بيعمله ده بس هو كان بيرفض..لغايه لما صحبه طرده من الشركه صاحبه اللي هو ابوك…ساعتها هو مبقاش معاه فلوس وفي يوم راح لأخوه وهو سكران وطلب منه فلوس بس أخوه لما شاف حالته رفض يديله الفلوس..ساعتها ضرب عزت..علشان ياخد فلوس غصب عنه…بس اخوه ضربه بالقلم علشان يفوق ساعتها جمال حلف لا يموته…وبعد كده محدش عرف حاجه عن جمال..بعدها بفتره ملاك كان عندها 9 سنين روحت انا وأبوها وامها نصيف..ملاك كانت جمبي علي الشط وأبوها وامها في مركب جوه البحر وبعدها بشويه المركب غرقت وبنتي مكنتش بتعرف تعوم والمركب كانت جوه في الميه اوي علشان كده بنتي ماتت…بس لقو جثتها هي ملقوش جثه عزت…من ساعتها محدش سأل فيا انا أو ملاك .. عشت انا وملاك لوحدنا لأن جوزي كان مات … وانا متاكده ان هو اللي قتل بنتي..ويا عالم هو إللي قتل عزت ولا لا..وراجع دلوقتي ياخدها مني .. لا والف لا مش هسمحله أنه ياخد بنتي وبنت بنتي!!!
ادهم: ولا انا هسمحله..انا بس هدور علي حل
زينب بهدوء: انا عندي الحل
ادهم بأستغراب: ايه هو
زينب: تتجوز ملاك!!
♥️♥️♥️♥️♥️♥️♥️عند حازم♥️♥️♥️♥️♥️♥️♥️
حازم ببرود: اه عاملين فرح عندك مانع
الظابط: انزل يلا
حازم: انت تعرف انا مين
الظابط: هتكون مين يعني ابن رئيس الوزراء
حازم: اه بس السابق
الظابط بتوتر: طب هات بطاقتك
حازم: اتفضل
الظابط: انا أسف جدا يا حازم باشا
حازم: طب اسكت بقي وهات البطاقه
الظابط: اتفضل… وسع يا ابني للباشا
( بعد ما مشيو)
أميره: حلوه اوي اللقطه دي صدقك ازاي
حازم: علشان دي الحقيقه
اميره: انت هتهبل عليا انت اديتو بطاقه مزوره
حازم: مزوره!! … هو انتي متعرفيش أن أبويا رئيس الوزراء سابقاً
اميره: ايه…طب انا عايزه اروح
حازم: بت .. ده احنا خلاص وصلنا
اميره: لا اكيد بيتكو لبش
حازم: لا العماره اهي
اميره: ايه ده انتو بيتكو علي النيل
حازم: تقصدي عمارتنا علي النيل
اميره: هي العماره بتاعتكو
حازم: اه
اميره: طب يلا بقي ننزل
حازم: طيب انزلي استنيني عن باب العماره هركن العربيه
اميره: ماشي
( نزلت اميره وقفت عند باب العماره وفجأة شخص جي عليها)
الشخص: اميره
اميره برعب: ع….عما…عمار!! عاااااااااااا
يتبع..
لقراءة الفصل الثالث عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية المسمومة للكاتبة كوكي سامح
