رواية بريق الحب الحلقة الثانية عشر 12 بقلم إيمان المهدي
 |
| رواية بريق الحب الحلقة الثانية عشر 12 بقلم إيمان المهدي |
رواية بريق الحب الحلقة الثانية عشر 12 بقلم إيمان المهدي
خرج جاسر بغضب من الغرفة
وترك بريق على الأرض تبكى بشدة دون صوت حتى لا يسمعها تضع يدها على جرح رأسها فهو يؤلمها
أنا عملت ايه وكان ايه ذنبى ان ابويا يعمل كدا فى جاسر وعيلته
ليه يا جاسر لو توقعت الأذيه من أي شخص يستحيل كنت اتوقع ان جاسر يأذينى حبيتك من وأنا طفله بس اتجوزتنى غصب
كنت أمانى وحمايتى دلوقتى بتتمنى موتى
انت عارف من واناطفله وبخاف من الضلمه وبترعب
منها عارف ان دايما ضعيفة وكنت بستقوى بيك
يمكن كنت طفله بس وقتها كنت صديقى الوحيد. كنت بتهتم بيت اكتر من أى حد
أنا وعدتك زمان ودلوقتي ان هبقى بريقك هغيرك
للأحسن هخليك تنسى انتقامك وترجع جاسر الشخص الحنين ال ميعرفش يأذى شخص
وتنكمش فى نفسها من الخوف مع ارتعاش جسدها من البرد
أنا محتاجلك ياجاسر
عند جاسر بيلوم نفسه
أنا ليه بعمل كدا هيا ذنبها ايه قدرت ازاي أأذى بريق
ذنبها ايه ف ال ابوها عمله دى كانت طفله صغيرة عمرها خمس سنوات من ساعت موت امها كان عمرها سنه
أنا ال اهتميت بيها من وقتها. لحد اليوم الشؤووم
وهروب ابوها بيها .
ااااه يصرخ بوجع
أنا مفكر ان بأذى بريق بس روحى وقلبى هما ال بيتحرقوا بنار الإنتقام ..
انتقامى من حياتى من روحى انتقامى من طفلتى الصغيرة بريقى الخاص
مرت ساعات وجاسر يلوم نفسه على مافعله لبريق
أنا هنزل اطمن عليه أكيد هتكون مرعوبه وكمان الجو برد أنا لازم انزل اشوفها
يدخل بهدوء الغرفة المظلمه لتصتدم رجله بجسدها
جاسر. بريق ويهز جسدها ولا يتلقى أي رد
جاسر بخضة بريق. انت فيكى ايه ردى عليا
يحملها خارج الغرفة تفاجى بالدم على وجهها فزع
بريق ردى عليا ارجوكى ادخلها غرفته
اراح جسدها على سريره يرى منظرها وجسدها النحيل يرتعش من البرد والدماء تملأ وجهها
يتصل بالدكتور ليأتى على الفور الووو فهمى محتاجلك ضرورى ف الفيلا
فهمى. ف ايه يا جاسر
جاسر فهمى مش وقته تعالا بسرعه
فهمى صديق جاسر وآدم من أيام الدراسة ويعرف مأساة جاسر بس من غير تفاصيل وبعدوا شويه
لان فهمى دخل كليه الطب. وآدم وجاسر دخلوا ادارة أعمال
فهمى مين دى ياجاسر
جاسر مش وقته اخلص شوفها الأول
فهمى أنا خيطت الجرح فى أعلى رأسها
ودى ادويه تيجى هتخدها وهتبقى كويسه وانا هبقى اطمن عليها مرة تانيه
جاسر. شكراً يا فهمى
فهمى. على ايه ياصاحبى. بس ياريت تفهمى مين دى وال عمل فيها كدا
جاسر. دى بريق
فهمى تقصد مين بريق نفسها بنت عمك
جاسر. أه هيا نفسها
فهمى. يبقى انت ال عملت فيها كدا. ازاى قدرت تأذيها
جاسر. فتحى ارجوك سيبنى دلوقتى. وبكرة الصبح تيجى تشوفها.
فتحى. ماشى ياجاسر. تصبح على خير
مشى فتحى وجاسر قعد بجوار بريق النائمه
..
أنا آسف يابريق سامحينى عارف ان ظلمتك انت ملكيش ذنب
تهتف بريق وهي نائمه … جاسر. أنا محتاجلك
ارجوك أنا خايفة متسبنيش لوحدى
جاسر آسف أنا السبب فى كل ال حصلك عارف أنك بتخافى من الضلمه ونيمتك فيه عارف أنك ضعيفة وبتمثلى القوة عليا سامحينى عارف أنك كنتى محتجالى وانا سيبتك مش سهل عليكى. خسارة ابوكى حتى لو كان عدوى بس هو ابوكى واتحرمتنى منه أنا آسف بريق
يحتضنها بشدة ويحاول تدفئتها ويغض معها فى نوم عميق
فى الصباح
يستيقظ جاسر وينظر لبريق النائمه فى أحضانه أنا عارف ان ظلمتك بس مش قادر أنسى انتقامى
فكرة الإنتقام مسيطرة عليا
وكمان مش قادر أستمر فى ال بعمله معاكى
تفيق بريق بهدوء لتتفاجئ بنفسها داخل احضان جاسر
لتبتعد عنه. .. وتتكلم بعصبيه أنا فين وايه ال جبنى هنا
ثم امسكت برأسها ااه راسى هو ايه ال حصل
جاسر. بريق اهدى من فضلك انتى تعبانه وكمان فيه جرح فى رأسك
بريق بضحكة استهزاء جرح فى راسي ، الجرح هنا ياجاسر وتشاور بإتجاه قلبها
جاسر. آسف
بريق. على ايه انت عملت ايه
انت حياتك ادمرت بسبب ابويا وحبيت تدمر حياتى فى المقابل يبقى خلاص خالصين ..
وتقوم بتعب من السرير لتخرج من الغرفة
جاسر انتى رايحة فين انت تعبانه ونزفتى دم كتير لازم ترتاحى
بريق. مينفعش يا جاسر بيه انت ناسى ان مفيش خدامين فى الفيلا غيرى
جاسر. بلاش جنان وتعالى ارتاحى
بريق ياريت بلاش انت ال بتعمله مع خدامه والكرم الزيادة
شويه وفطارك هيكون جاهز بعد اذنك
تخرج من الغرفة تتحرك بصعوبه لتتجه للمطبخ
أنا عارفة انه زعلان وخايف عليا. بس أنا هخليه يندم ويفكر ألف مرة قبل ما تهينى
أنا السبب أنا ال عملت فيها كدا
أنا ال قولتها أنتى خدامة
معقول اخليها خدامة ف بيتها وملكها زلتها وغصبتها
عليا استحقرت منها بنتقم منها على حاجة ملهاش ذنب فيها
هيا أكيد مش هتسامحنى طول ما أنا مش قادر أنسى انتقامى اللعين
أنا مش عارف انسى انها بنت الشخص ال قتل أهلى
بيلوم نفسه ويصرخ بإسمها ويكسر كل شئ الغرفه
بيلوم القدر الملعون ال من وسط كل البنات تبقى حبيبته هيا نفسها بنت عدوه
وبعد وقت
نزل جاسر للأسفل ويدخل المطبخ
جاسر بريق ارجوكى ممكن ترتاحى دلوقتى ولما تتحسنى ابقى اشتغلى براحتك
تنظر له بريق لترى يده تنزف. جاسر انتا ازاى حصلك دا ايدك بتنزف
جاسر خايفة عليا
بريق مش وقته الكلام دا المهم اوقف النزيف
ربطت على ايده ووقفت نظيف الجرح نتيجه تكسيرة زجاج غرفته
إتفضل فطارك جاهز على السفرة
يمسكها جاسر من يدها ممكن تسمعينى
بريق. مفيش حاجة ممكن اسمعها منك
جاسر. لأ فيه.لازم تفهمى ايه ال حصلى ووصلت لكدا ازاى
مكنش سهل علي طفل يشوف عمه وال بيعتبره في مقام ابوه بيتفق مع شخص على قتل أبوه
اتفق معاه يخدرهم ومش بس كدا لأ كمان يولع فى
الفيلا وهما جواها أنا سمعت كلامه كله ومقدرتش أعمل حاجة ولما عطيته ظهرى وجريت عشان اروح اقول لبابا
لقيت حد ضربنى على راسى فقدت الوعى وفوقت
لقيت نفسى فى اوضتى ال كلها دخان وبدأت النار
تاكل الستاير وكنت سامع أصوات أمى وابويا وأختى وهما بيستنجدوا بحد ينقذهم من الحريق
مكنش قدامى فرصه من النجاة لإن قوضتى كانت
بتتحرق وكنت قربت اتخنق فرصتى الوحيدة فى
النجاة هو أن ارمى بنفسى من شباك قوضتى وكنت
متأكد ان حاجة من الاتنين هتحصلى يا اما أحترق
داخل النار يا اما أنزل متكسر من وقعتى او إحتمال
تالت وهو موتى بسبب الوقعة انت متخيله قد ايه
الإختيار صعب على طفل عمر 12سنه
فقررت ارمى بنفسى من الدور التانى
كان كل عظامى متكسرة لا أقوى ومش قادر اتحرك
وقتها ابوكى جالى وهو شايلك وانتى نايمه
ناجى بضحكة شريرة أنا حرقت عيلتك كلها حرقت
آخويا ومراته وبنته وفاضل انتا اظن مش محتاج أنك
اعملك حاجة لإنك تقريبا ميت
كل الفلوس ال جدك كاتبها بإسمك واسم ابوك هتبقى من نصيبى أنا وبس
بعدها بشهور فوقت وانا ف المستشفى ومرت عليا أصعب أيام
ولما اتعافيت من كل الكسور حكيت كل حاجة للظابط
وان سمعت المكالمه والكلام ال قاله ناجى قبل هروبه
بس وقتها ناجى كان هرب بسبب ان شركته وقعت
وخسرت فى البورصة وكان واخد قروض من البنوك
بمبالغ كبيرة والديون حاسرته من كل اتجاه
وهرب عشان ميتسجنش
وطبعا اتنقلت أنا دار الأيتام عشان مليش حد يهتم بيا
من وقتها أقسمت ان انتقم من ناجى وكل ال يخصه
اتحولت لشخص كاره للكل وحاقد على الكل معنديش
ثقة فى حد ولا ليا صديق غير آدم ال يمكن كمان مش
بحكيله كل حاجة عملت كل شئ محرم وكأنى بنتقم
من الكل مش بنتقم من نفسي لحد ما خرجت من الدار
وفتحت شركتى بالفلوس ال ف البنك ال طبعا ناجى
مقدرش يحصل عليها بعد ما اتعرف ان انا لسه عايش
بدأت انجح فى شغلى واكبر بس كل دا مش قادر انسى انتقامى فى يوم وعشت ف جحيم. جوا الفيلا ال فيها اتحرقوا اهلى
عمرى ما حبيت نفسى وانا كدا
مفكرتش يوم أذى شخص
للأسف مش هقدر انسى أنك بنت ناجى وكل ما اشوفك مش بقدر اتحكم ف اعصابى
بريق. أنا آسفه على كل ال حصلك أنا عارفة ان صعب
كل ال عشته وصعب تنسى انتقامك بس لازم تفهم ان
ناجى مات بكل ال عمله وان كنت انصدمت ف عمك أنا
انصدمت ف أبويا
دلوقتى انت شايفنى السبيل الوحيد لتحقيق انتقامك
خلاص ان كنت هترتاح فأنا موافقة لان متأكدة من
جاسر ان يستحيل يأذى بريق ولازم نعدى المرحله دى مع بعض
جاسر يحتضن بريق بشدة
أنا محتاجلك اوووى متسبنيش وان أذيتك ارجوكى سامحينى
فى مكان آخر
مجهولان يتحدثان
المجهول 1 الخطة نجحت زي ما كنت عايز
المجهول2 أنا كنت متأكد ان جاسر هيعمل كدا
المجهول 1 طيب ايه ال ناوى تعمله تانى
المجهول 2. هنكمل خططنا ونقتل جاسر ف أقرب وقت
ياترى جاسر هيعرف فعلا ينسى انتقامه
ومين الشخص المجهول ال عايز يقتل جاسر وليه
جاسر انارايح الشركة
بريق. طيب والفطار
جاسر. مش جعان
بريق. لنفسها ولحد امتى ياجاسر هتفضل كدا مش
عارف عايز ايه أنا عارفة أنك متلغبط وف حيرة بين
انتقامك وحبك ليا
بس أكيد أنا مش هسيبك فى الحيرة دى كتير
فتحى. لو سمحتى يامدام
بريق بخضة. هاااا
فتحى أنا آسف يافندم
بريق ولا يهمك يافتحى أنا ال كنت سرحانه
فى حاجة عايز تقولها
فتحى. ااااه يافندم. دا جواب جه لحضرتك من البنك
بريق. بإستغراب جواب ايه وبنك ايه وهو ايه يخصنى
بالبنوك وتفتح بريق الجواب لتصدم ايه دا معقول
فتحى خير ياهانم
تنظر بريق لفتحى بإبتسامه كل شيء هيتغير من دلوقتى
فتحى أنا مش فاهم حاجة
بريق. بكرة الكل يفهم .. وبكرة ليه النهاردة وفورا
فتحى حضرلى العربية أنا هروح الشركة
فتحى.بإستغراب العربية
بريق مالك يا فتحى اااه العربيه واخلص على ما اغير لبسى
فى الشركة
جاسر الووو يا آدم تعالا عايزك فى مكتبى
دقائق وكان آدم عند جاسر
آدم خير ياجاسر
جاسر. أنا محتاج سكرتيرة بديله لبريق
تدخل بريق المكتب فجأة
بريق الشهاوى ملهاش بديل ياجاسر
جاسر بغضب انت ايه ال جابك هنا وبعدين ايه جاسر
دى ممكن الموظفين يسمعوكى
بريق. بتحدى هكون بعمل ايه يعنى جايه شغلى
وأظن مفهاش حاجة لما انادى جوزى بإسمه
جاسر انت بتتحدينى يابريق طيب أنا معنديش شغل
ليكى مستغنى عن خدماتك وثانيا ميشغلنيش ان
تقولى أنك مراتى أنا مش معترف بدا ولو قلت كدا
محدش هيصدقك
تضحك بريق بصوت عالى وبكل غرور
أولا خدماتك متلزمنيش لإنى أنا هنا صاحبة الشركة
جاسر نعم يا أختى !!! صاحبه الشركة ازاى يعنى يكونش موتينى وهتورثى
بريق. بضحكة انتصار أنا هورث فعلا بس مش انت أنا
ورثت جدى الشهاوى ولاانت ناسى ان جدى كتب كل
الملايين ال فى البنك بإسم احفاده الثلاثه جاسر
وهيام وبريق وطبعا إذا شخص فيهم اتوفى بتتقسم
التركه على الباقيين ودا بعد ما يتم 21سنه وانا طبعا
مكنش معروف أنا عايشه ولا لأوكمان مكنتش تميت
21سنه والنهاردة البنك بعت نسخة من الوصيه ال
طبعا ان قلتلهم ان هيام وبريق اموات فأخدت كل
حاجة لنفسك بس دلوقتى الوصيه اتغيرت وكل ما
تملكه ليا النصف فيه
فهمت يا جاسر
جاسر. يقعد على الكرسى بصدمه. معقول انت تورثى
معايا بنت الراجل ال قتل بابا وماما واختى تورث معايا
بريق. شوفت بقا اتأكدت ان يستحيل سلسالنا يتباعد
وهنفضل مربوطين ببعض عل طول
جاسر. مش هيحصل يابريق نجوم السما اقربلك من أنك تمتلكى شئ
وفجأة يدخل المحامى ومدير البنك
مدير البنك أنا آسف ياجاسر بيه بس بريق هانم تمتلك
نصف الشركة والفيلا والمزرعة وكل العقارات ال
تمتلكها وكمان ارصدة البنوك
جاسر. لا مش معقول دا مستحيل
المحامى. وفيه حاجة تانيه متعرفهاش
جاسر. خير تانى اشجينى
(كان الله فى عونك ياجاسر فى ال هتسمعه )????????
جدك كتب ف الوصيه فى حاله جوازك من بريق هانم
تؤول نصف ثروتك ليها ودا شرط جدك حاطه فى
الوصيه كضمان أنك بتحب حفيدته اكتر من المال
ومش هتسيبها لو قررت الجواز منها
ف شرط تانى
ف حالة طلاقك لبريق هانم فى أى وقت قبل مايمر خمس سنوات على جوازكم تؤول نصف الثروة الباقى لحضرتك لبريق هانم
جاسر كملت ……
يتبع..
لقراءة الحلقة الثالثة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية أحببت ظابطة للكاتبة شروق عبدالقوي.
