رواية الوقوع في الحب الحلقة الثانية عشر 12 بقلم هبوش
 |
| رواية الوقوع في الحب الحلقة الثانية عشر 12 بقلم هبوش |
رواية الوقوع في الحب الحلقة الثانية عشر 12 بقلم هبوش
وقاطعه تلفونه جاه شعار رسالة من نفس الرقم على طول اتصل لقاه مقفل وتاففف والحاج يشبحله باستغراب
خش ع الرسائل الواردة وفتح عليها يقراء بصدمة وعيونه توسعوا من اللي شافه كان مكتوب???? ????
اللي صار في جوري من تحت راسك بعد ماعرفت حقيقتك وشافت ابداع كاميرتك وصورك الخاصة يا سيد ادم…
ح سليمان/ خيرك شن في
ادم/ هاااا لا هذااا واحد انراسل فيه قاعد في المانيا… وصبى… نمشي نرقد بيش نوعى بكري تصبح على خير
ح سليمان/ وانت بخير
صفية/ طلعت من المطبخ… استنى اتعشى قبل
ادم/ لا مش جعان نبي ترقد
صفية/ اي خطرها يا ادم راهو نسيوا الشنطة في السيارة شوف يامن خوذ منه المفتاح تاخذها
ادم/ بملل… باهي
وطلع لغرفته وهو ايحاول يعرف صاحب الرقم عصب من الرسالة وحس بوجع الضمير على جوري وعرف سبب صدمتها ????
قعمز ع السرير حط راسه بين ايديه وغصة في قلبه كيف ح يرجع ثقة جورى وحب جوري له ???? وهو يعرف شن ح يكون ردت فعلها و العقاب اللي ينتضره بعد ماترجع لصحتها…
تذكر شن قالتله صفية نفخ وطلع
.
.
عند حنين بعد ماضربها سراج وداخت
طلع سراج يفتح في الباب وهو يمسح ع وجهه
اول مافتح دفاته امه من ع الباب وتعارك وتهزب وعلى طول خشوا على حنين ايشوفوا فاها
خوه وليد/ بعياط… سراااج شن درررت في البنت
سراج/ بلكلكة… عصبتني جيت ضربتهاااا
وليد/ بالله عليك صوتهااا واصل الشارع ياراجل شن شكله الضرب هذا????…
وقعد اينادي لامه وخلود برا الدار
وليد/ يااام كيف حالها حنين…
وهما داخل قامنها و حطوها ع السرير وقعدوا ايفيقوا فاها
وحنين اتن من الوجع في كل جسمها حتى بعد شممنها العطر ماوعيتش ????
طلعت امه مقهورة قعدت تضرب وتعارك فيه
امه/ الله لايسامحك البنت قريب قتلتها
شن دااارتلك بيش تضربها هكي… وقعدت تخبط ع رجليها… واااه علياااا اتحشمني مع خويااا يااافضيحتي شن بنقوله
سراج/ عصب… مااادخلنيش هي الللي اااستفزتني خلتني نضرربهااا
امه/ بعتب…هذااا مش ضرب هذا قتل خش شوفها كلها متورمة مش واعية بكل ياناري عليها حسبي اللة ونعم الوكيل فيك
وليد/ شده من قميقصه… اررتحت توااا ياااحيووان تحساب خالي ايخليها تمشي بالساهل
سراج/ فك ايديه… تي يضربوا في الحيط مرتي حر فاها نضربها ولا شن ماندير ماحد له دخل
امه/ شبحت لوليد و نفسها عالي… بالكي تعرف دكتور ايجي ايشوفها البنت دايخة ماتبش توعى
وليد/ حتى لو نعرف يام ضروري نرفعوها للمستشفى
سراج/ بانرفزة… لاااااا ماااتطلعش من الحوش خلوهاااا توااا تفيق بروحهااا
امه/ اتخبط… حسبي الله ونعم الوكيل على هالعملة كيف بنحط عيني في عين خوي
وليد/ دف سراج… هيا امشي قدامي خلينا نرفعوها للمستشفى
سراج/ عصب… قلت لااااا مش ح تمشي لمكان خلاااص اااطلعوااا منهاااا انتم مش شووركم
امه/ تضرب فيه ع صدره… مالا تبيهااا اااتموت ياقهري … وشبحت في وليد… هياااا ياوليد ساعدنا عليها…خشت شبحتها
وخلود كانت املبستها و ضامة الدار خش وليد يبي يرفعها
سراج/لحقهم… شن اتقولولهم في المستشفى لما يسالوكم
وليد/ طبس رفعها… ان شاءالله تقعد اكويسة وبعدين ساهل توا انتصرف…
وطلع ونزلوا امه واخته لبسوا عباياتهم ولحقوه لسيارة
في المستشفى شافتها دكتورة وقالت تفتح محضر بس وليد قاللها مشكلة عائلية ولما اتفيق حنين هي اللي اتقرر لو تبي اتبلغ
المهم عالجتها واطمنوا مافيش كسر و بعد ساعة قعدت اتفيق
عمتها/ حمدلله على سلامتك
حنين/ انا وين يااعمتي
عمتها/ قاعدة في المستشفى… وطبست عليها… تربحي ياحنونة ماتقولش ضربك سراج مانبوش فضائح والناس اتشمت فينا
حنين/ بصوت ضعيف وتاعب … شفتي شن داار يا عمتي كيف بنسكت عليه هذا مش طبيعي
عمتها/ معليش يابنتي امسحيها فيا توا انحاسبوه عليها بس انروحوا للحوش ويبوس راسك
حنين/ لا ياعمتي نبي انروح حوش هلي مستحيل نرجعله
عمتها/ تنهدت… لا حول ولاقوة الابالله…
خش وليد حمدلها وقاللها كلم بوها
وفعلا بعد وقت خش بوها ولما شافها زعل وياما عارك وحنين المسكينة حالتها بالويل عيونها لين خاشات وسواد من تحت من اثار الضرب والفم منفوخ وجرح ع شفة من تحت وهلبا اضرار في كل جسمها
خشت الدكتورة
دكتورة/ جت قربت منها…حمدلله على السلامه ياحنين
حنين/بتعب… الله يسلمك
وقفت الدكتورة وشبحت في بوها
دكتورة/ انا مضطرة نكتب تقرير بالاعتداء
و نبلغوا الشرطة
عمتها/????
بوها لحنين/ معليش يادكتورة هذه مشكلة عائلية مافيش داعي للشوشرة
حنين/????????
دكتورة/ بس هذه تعتبر جريمة الاخت كانت ح تموت لا قدر الله
بوها لحنين/ والحمدلله جت على هك واللي صار مش ح يتكرر ان شاءالله
دكتورة/ عقدت حاجبها… هذا اخر كلام عندك
بوها/ اي ان شاءالله
دكتورة/ شبحت لحنين… شنو ياحنين حتى انتي ماتبيش اتبلغي
حنين/ باصرار… لو بوي يوعدني مانرجعله مش ح نبلغ ربي ايحاسبه
بوها/ شبحلها… الموضوع هذا نحكوه في الحوش
حنين/ ببكاء… لااا من توا اتخليه ايطلقني
لو اتموتوني مش رجعتله … وقعدت تبكي
عمتها/ بقلق… شن بيقولوا عليكم الناس اطلقوا قبل حتى مايصكروا شهر متزوجين
حنين/ بوجع… مايهمنش شن ايقولوا اهم حاجة راحتي واني ياعمتي مش مرتاحة معه ????????
.
عندنا انا ويامن
زاد تقرب هلبا لدرجة انفاسه في وجهي غمضت عيوني بخوف وجسم يرتعش
يامن/ ???? اااحسن شنو؟
انا/يااامن ماتحلمش نق…
قاطعني قرب هلبا اااا تخيلته ايبوسني زدت ارتباك وسخنت
يامن/ نزل ع وذني… تؤ تؤ ماتخافش انتي مش من النوع اللي يعجبني… وخذا شعري في يده… عندي عشيقات على عدد شعرك اشارة مني ايجوا لعندي ????…
وخر من عليا ورجع للحمام يلبس
وانا واقفة كيف الصنم والقلب بوم بوم ????
طلع ايغني وقف ع الزيانة مشط شعره وحط عطر و خش لسرير رقد ع ضهره
انا/ ????… والشنطة
يامن/ فتح تلفونه… كذا اسكتي مش متعود ع الازعاج…وحط سمعات وقعد يتصفح
انا/ بغضب????… ياااربي على هاليوم الاسود ياريتني ولعت في روحي ????ولا جيت معه????…
معش عرفت شن اندير ولا وين نمشي قلت مافيش الا ننزل وخلاص خليها اتجي في وجه هو
فتحت الباب بنمشي و ادم كان واقف يبي ايدق انفزعنا نحن الزوز????
ادم/ تنحنح… ششنطتك نسيتوها هااتي المفتاح من يامن
انا/ ابتسمت مجاملة… اهو عندي كنت نازلة ناخذها…
ادم/ لا توا انجيبهالك …
انا/ اعطيته المفتاح… باهي صحيت…
ومشى وانا صكرت الباب والتفتت شبحتله وهو ولا على باله قاعد غاطس في تلفون نفخت???? وجيت قعمزت ع كرسي الزيانة نستنى مع دعوات وتمتمة لين دق الباب وصبيت فتحت
ادم/ دف الشنطة… اي خدمة
انا/ يسلموا تعبتك معاي
ادم/ ولو تصبحوا علي خير..
انا/ وانت من اهل الخير….
وصكرت الباب وشديت شنطة انجر فاها وجيت ع سرير وحطيتها عليه فتحتها وقعدت انشوفلها ونفكر انخليهم في الشنطه ولا نحطهم في الدولاب والصخرة اللي جنبي لا تحرك ولا قال كلمة ضربت ع رجله بيش ينتبهلي
انا/ هييي اانت
يامن/ نحى طرف سمعة… شنو
انا/ اشرت بيدي ع شنطة… حوايجي وين انحطهم اما دولاب ناخذ
يامن/ ????وعلاش اتحطيهم في دولاب خليهم في شنطة ولا ناوية تلصقي عندنا
انا/ عصبت????… تعرف انك واحد تافه ونافخ روحك ع الفاضي ويكون في معلوماتك انا مش ميتة عليك ولا يشرفني انكون مراتك ⚔️
يامن/ عض شفته… يعجبني فيك الثقة الزايدة…
ورجع حط سماعة ويشبح لتلفون
نفخت ومشيت فتحت صفة دولاب لقيت حوايجه مشيت لثاني وحتى هذا في حوايجه والاخير ????♀️ معش في حل الا انفضيه وناخذه لروحي جيت طلعت حوايجه ونحط في صفة الثانية
يامن/ رفع عينه شبحلي???? …هيييي شن اااللي اديري فيه رجعيهم
انا/ حطيت يدي ع خصري… و انا وين نحط حوايجي ااصبر لين انروح ورجعهم بعدين
يامن/ راهو نلقى حاجة ضايعة ياويلك
انا/ جيت خذيت حوايج من شنطة… وين ايضيعوا????اااوف…
وقعدت انظم في دولاب ويامن رجع لتلفون
بعد كملت خذيت الشنطة وحطيتها جنب الزيانة ونحيت عبايتي وخذيت بجامة سودة وفاها لايك بالابيض ومشيت للحمام
انا/ شبحت لوجهي ع مرايا… شن اديري ياوردة في هالمصيبة ????♀️كيف نرقد معه في نفس السرير ااااخخخخ ياربي????…
نحيت حوايجي ولبست بجامتي وتوضيت طلعت لبست ملايتي وجيت لعنده
انا/ احممم اكححح اكححح????… ونغزته في كتفه… ممكن دقيقة
يامن/ نحى السمعة وقعد يشبحلي بتركيز…شن تبي
انا/ نبي انصلي
يامن/ صلي من شادك
انا/ ???? وين الصلاية وين اتجاه القبلة
يامن/ لا مافيش صلاية صلي وخلاص
انا/ بملل… اايي باهي وكيف الاتجاه
يامن/????♂️ رفع كتفه… مانعرفش
انا/ بتعجب… كيف ماتعرفش! انت كيف اتصلي مالا ماتقوليش اتصلي الاوقات الخمسة في الجامع لان شكلك مش بتاع جوامع
يامن/بستهزا… ااننننننن امشي اسالي عمك الحاج يعطيك الاتجاه …
وجاء بيحط السماعة شديت يده
انا/ خلينا جديين وين الاتجاه نبي نصلي قبل مايفوت الوقت
يامن/ قلتلك مانعرفش شن نكذب علييك
انا/ وانت بعد اتصل… قاطعني
يامن/ مانصليش…
انا/ بصدمة… استغفرررر اللة كيف ماتصلش اللهم ثبت علينا العقل والدين
يامن/ بنرفزة… بالله الهيي في روحك مش ناقصك…
وحط السماعة وكمل تصفح
انا/ بغضب… هلبا هكي…
وخذيت تلفوني من شنطتي وخشيت ع القوقل نزلت تطبيق البوصلة واوقات الصلاة
بعد جهد عرفت الاتجاه و مشيت صليت
اما يامن كل شوية يرفع عينه يشبحلي وفي داخله حس بنغزة مش عارف شن
بعد كملت رفعت يدي ندعي وبعدين صبيت انحي في الملاية وانتبهت ليامن كان يشبحلي
انا/ جيت قعمزت ع طرف سرير…اعطيني السرير نبي نرقد
يامن/ طفى تلفونه… هذا سريري دوري وين ترقدي… ونزل رجليه وتسطح
انا/ بتعب… لوسمحت انت تعرف حوشكم وتلقى على شن ترقد هيا انزل نعسانة موت
يامن/ هههههه ضحكتيني… وخذا الورغان وتغطى… طفي معك الضي
انا/ عصبت… يااامن راهو مش طايقة روحي اعطيني نرقد بالله عليك
يامن/ السرير واسع لو مش عاجبك ارقدي ع الارضية
انا/ اوووف يااارب صبرني… ومشيت طفيت الضي وخشيت لسرير ورقد ع جنبي معطيته ضهري
انا/ قلبي يضرب… اللهم جعلنا من بين أيديهم سدا و من خلفهم سدا فاغشيناهم فهم لا يبصرون… ????
ومع كل حركة ليامن يجمد الدم في عروقي سحبت الورغان غطيت راسي بالكامل وقعدت شادة اعصابي
والباب ايدق بشوية مانسمعش فيه
يامن/ نوووضي افتحي الباب…
وانا ولا رد قاعدة متشنجة مد يده ع ضهري عيطت و قفزت من ع سرير
انا/ هاااااايييي شن قاااعد ااادير خليك بعيد علياااا مااتلمسنيش… قاطعني
يامن/ بعقدة حاجب… تي شن قاعدة اتخرفي ماحد جاء شورك الزح ااامشي يلا افتحي الباب ايدق
انا/ بكسفة… ااااه هووو الباب ايدق
يامن/ مالا شنو ماتسمعش ياولله حالة انتي…
ونزل ع مخدته
انا/ رجعت لمكاني… نووض انت افتح اني مادخلنيش نبي نرقد …
وخشيت تحت الورغان والباب زاد ايخبط
صفية/ ياامن خوذ السفرة خليتهالك ع الباب…و مشيت خطوتين بتمتمة…هذا واخذها غصب مافتحت الباب مالا لو راضي شن هههههه يعطيهالك…
متفكرة راقدين في العسل ????
يامن/ نزل من ع سرير… ان شاءالله ماتنوضي ????… ومشى فتح الباب مالقي حد شاف السفرة جنب الباب خذاها وخش
يامن/ جت في وقتها…
وحطها ع طاولة
.
انوصفلكم غرفة يامن
اول ماتخش من الباب ايجي امقابل الحمام وع اليمين مدخل الدار كبيرة فاها من بداية جلسة كرسين وطاولة في نص وشاشة و ع الجهة الثانية السرير امقابلها زيانة والدولاب نهاية الدار يعني غرفة يسرح فاها الخيل ????
قعمز ياكل وكان في السفرة العشاء قلاية كبدة وفطير وسلطة و سلة فاكهة وشوكلاتة وعصير ???? ويامن ياكل ويتلذذ وانا فاحت عليا القلاية وبطني قعدت اتقطع جوع ????
قعدت ندعي يعزم عليا وتقلبت يمين ويسار بالكي ايحس على روحه وهو ولا على باله قلت معش فاها خليني انخش الحمام توا ايتحشم ياكل وانا مايعزمني صبيت وجيت فدتت من قدامه وخشيت الحمام قعدت شوية وطلعت نمشي وعيني ع السفرة???? والغبي مافتح فمه الا ياكل ???? وصلت السرير قعمزت نشبحله بحقد وهو ياكل ايرص رص
انا/ بحسد…يعطيك السم ????…
و خذيت تلفوني انقلب فيه ????
يامن/ الحمدالله ايسلم ايديك ياصفصف… وصبى يغسل ايديه
يامن/ شبحلي… تبي تاكلي ولا انطلعها
انا/ عزقت تلفوني وبغضب… توااا بيش عزمت بعد ماحضرتك شبعت ????
يامن/ ببرود… ماهو انتي قلتي تبي ترقدي
انا/ بلعت… وماارقدتش ماقاعد تشبح فيا واعية
يامن/ بمللل…مالا ليش ماجيتي تعشيتي
انا/ ذوقين انت تعزم مانجيش بدون عزومة
يامن/ لا???? انا ماعنديش ذوق اهو خليتلك تعالي كولي…
ومشى للحمام
انا/ مبردك…
ونزلت بشويش لما خش الحمام جريت قعمزت ناكل بسرعة قبل مايطلع ????
يامن/ طالع اينشف في يده وجه… بشوية راهو اتغصي هههههههه
انا/ شبحتله بفم مليان… ننننننن????…
وبلعت وشربت عصير ورجعت ناكل معش دورته بعد تعشيت طلعت السفرة و خشيت غسلت ومشت نرقد بالاول كنت خايفة من يامن بس بعدين حسيت براحة وغطست في نوم عمييييق
.
………. ????????????????????????????????????????
الصبح في المستشفى
سامي/ يام ماقلنالك ممنوع زيارة
غالية/ دبرلي نبي انشوفها حتى خمس دقائق
سامي/ تنهد… توا انشوف دكتور عمران خليك توا انجي…
ومشى يسال عليه
و طلب منه اتخش غالية على جوري
وبعد الحاح وافق بس ماتحكيش معها هلبا
المهم خشت غالية عليها وكانت جوري واعية لما شافت امها فرحت وجت حضنتها ودموعها خط
جوري/بدموع… امي نا خايفة
غالية/ تمسحلها ع شعرها… كله امتحان من ربي والحمد لله العملية ناجحة
مافيش منها خوف
جوري/ وليش برا مش هنا ????
غالية/ غادي اضمن عشان العلاج بس
سلم بنتي خليك قوية…وقعدت تمسح ع شعرها وتقراء القران
جوري/ من بيمشي معاي؟
غالية/ ماا… خش الدكتور قاطعها
د عمران/ بالبسمة… شنو ياخالتي لقيتيها معاد ههههه
غالية/ الله غالب يادكتور
د عمران/ معليش… و شبح لجوري…
ان شاءالله معنوياتك عالية
جوري/ هزت راسه بحزن… اااي ان شاءالله ????
د عمران/ هيا ياخالتي انخلوا جوري ترتاح …
.
.
سامي/ واقف مع ادم… ها شن صار في التاشيرة
ادم/ الحمدلله كل حاجة تمام
سامي/ باهي الحمد لله…
ولفت نضره بوها لحنين طالع من غرفتها
ادم/ سامي مانبيش جوري تعرف بزواجنا وان اني اللي امسافر معها
سامي/ عقله مشوش وعيونه ع غرفة… ليش
ادم/ بربكة… هك احسن مرات اتخاف و اياثر عليها
سامي/ بعدم تركيز… تمام تمام
و ادم استغرب من سامي مش معه وهو ايكلم فيه ع السفر
مشى قعمز جنب العناية و اتصل على بلال في تونس يسال ع القضية الشباب
و سامي مشى لغرفة حنين تلاقى مع ممرضة طالعة
سامي/ لوسمحتي نسالك ع الحاج اللي طلع من هنا هذا واحد نعرفه خير من عنده مريض
ممرضة/ جاي لبنته ايزور فاها
سامي/ اهااا ان شاءالله خير…
وخلاها لين مشيت الممرضة وخش
سامي/ قعد يشبح بتركيز… حنين!…
التفتت شبحتله وغمضت عيونها بوجع وحسرة ????????
سامي/ يتقدم بخطوات سريعة… شن صاير معك!؟ من اللي ضاربك
حنين/ بصوت ضعيف… درررت حاادث ????
سامي/ بعقدت حاجب… هذه علامات ضرب ياحنين مش حادث قولي من دار فيك هك
حنين/ بوجع…بالله عليك يادكتور ماتسلنيش ماعندش جواااب
سامي/بضيق… اوكي مش ح نحرجك سلامتك ان شاءالله ????
حنين/بحزن… الله ايسلمك ????
قعد واقف يشبحلها وكان يلقى ياخذها في حضنه وهي منزلة راسها وفي خاطرها ترمي اهمومها وتبكي في حضنه????????
سامي/ انخليك ترتاحي رقم العيادة عندك ادوري اي مساعدة كلميني
حنين/ هزت راسها… شكرااا يا دكتور ????…
سامي/ عن اذنك وان شاءالله لاباس عليك
حنين/ تسلم بارك الله فيك…
شبحلها مطولا وطلع ????…
بعد مشى سامي انهارت ابكاء المسكينة وجع اللي صار معها وجع حب حياتها واقف قدامها ومش طايلته????
ساعة و طلعت روحت مع بوها وخوها للحوش واتصلوا على حوش عمتها ايجوا ايتفاهموا معهم
فات الوقت
وجت عمتها وسلفها وليد و سراج
بعد عتاب حاد من بو حنين لسراج
سراج/ انا اسف حقها عليا
بو حنين/ بغضب… بنتي ماعطيتها لك بيش تضربها وتهينها وهذا اول و اخر انذار لك اتمد ايدك ولا حتى اتزعلها غيرها ايكون فاها كلام ثاني
سراج/ هز راسه… تمام يا خالي اللي تبيها انا فاها
عمتها/ الله يلعن الشيطان ماعندنا في المشاكل ياخوي
بو حنين/ اسمعي يا بنت بوي وامي انا ماوفقت اترد الا عشان العيلة مانبوش اتصير حساسية بيناتنا ومن كلام الناس اللي ماترحم حد…
عمتها/ تنهدت… خلاص سراج عرف غلطته ومش ح يجراء يضربها و لا شنو ياسراج
سراج/ اكيد ياامي خلاص نادم راهو مش عارف كيف ضربتها
وليد/ شوف حنين ياخالي بيش انروحوا
بوحنين/ لا اليوم اتبات عندنا وغدوة ايجي ترفعها
سراج/ صبى… اوكي
عمتها/ خليها اتروح معانا تقعد عندي في الحوش لين ايطيب خاطرها…
طلعت حنين تمشي مستندة ع الحيط
حنين/ باصرار… لااااا مش راجعتله يا بوي لا اليوم ولا بعده انا نبي نطلق منه
عمتها/????
وليد وسراج/????
بوحنين/ بس يا بنتي مايصحش تطلقي الناس مش مخليا حد في حاله هيا سلم بنتي العني الشيطان واستهدي بالله روحى مع عمتك
حنين/ ببكاء وعياط … قسم بالله لو بتغصبني نرررررجع معه نقتل روووحي
و ذنبي في رقبتك ااانت ياابوي مش حد ثاااني????????
بوحنين/ وجعه الكلام… الله يهديك ليش تقولي هك يابنتي انا خايف عليك من كلام الناس و… قاطعاته بعياط
حنين/ لوووو خااايف عليااا حق طلقني منه …
وشبحت في سراج بغضب وثقة وتهديد
حنين/ ????… الاحسن لنااا اطلقني فاااهم ولا…
قاطعها بلكلكة
سراج/ ااانااا مش ح نغصبك خلاااص لو تبي طلاق ااامشي ااانتي طااالق
بوها وعمتها/????????
حنين/ ???? نستنى ورقتي من المحكمة…
وخشت دارها تبكي ????
صعب عليها الموقف مش هاين عليها تكسر بكلام وخاطر بوها بس كان القرار الطلاق الحل الصح لان تعرف كويس اللي صار مش ح تكون اخر مرة و ح يكرر تعذيبها وضربها لان بوضع سراج مش ح تعيش حياة زوجية طبيعية … ????
فات يومين الوضع على ماهو عليه علاقتنا انا ويامن تحدي و مكر
كسدت وانا محبوسة في الدار ويامن ينزل وايجي في الليل
نتصل على حنين وتلفونها مقفل انشغلت عليها ليش قافلته ليه يومين
اما في حوش خوي عزيز شاعلة ????⚔️
حرب العالمية الثالثة كل مايتلاقوا اينتفوا بعضهم وعزيز قريب يهبل عيط وهزب لين قال عييت
???? طبعا هذا القليل من الكثير اللي ح يعيشه في وسط زوز نسوان سوس نكاديات وكيف هالحيط ????♀️
و اني انتابع في اخبار الحرب من سيدرا
كل يوم نهدرز معها و تقعد تحكيلي بالتفصيل????
.
.
يوم الخميس
كانوا عيلة جوري اتودع فاها و ادم قاعد مع الدكتور برا في الاسعاف اللي بيرفعها للمطار
وصتها امها ادير بالها من صحتها ووووووو
وهذا كله ماتعرفش ادم هو اللي مسافر معها وان ادم زوجها
عشان ماتتعب نفسيتها كل مرة ايخش اثنين ايودعوها ويطلعوا
ويامن و صفية كانوا موجودين معهم
ساعة 11 ركبوا جوري في الاسعاف وكان سامي معها جنبها ويطمن فاها
اما ادم ماشي مع يامن في سيارته ومشيوا خلف الاسعاف
و غالية و ساجدة وصفية روحوا مع اسامة خطيب ساجدة وصلهم للحوش
خشوا غالية وصفية دمعتهم ع خدهم ويدعوا لجوري اتروح طيبة
و ساجدة وقفها اسامة جنب المدخل وشاد يدها يمسح عليها
اسامة/ يشبحلها بحنية…خلاص ياساجدة امسحي دموعك سادك ابكاء
ساجدة/ خايفة عليها يا اسامة مزالت صغيرة ????????…وزادت تبكي
اسامة/ اوووص ماتقطعش قلبي…
وحط يدها مسحلها دمعتها
و ساجدة تعجبت من حركته لان اسامة ولا مرة حسسها بحبه ومشاعره كان ديما جاف معها قعدت تشبحله!
اسامة/ بعد غدوة نبي انسافر لتونس نقعد مع بلال
ساجدة/ بخوف… قول الحق في حاجة نحن مانعرفوهاش
اسامة/ لا والله بس مانبيش انخلوه بروحه في اول جلسة
ساجدة/ تنهدت بضيق… وين كان امخبيلنا هذا كله ان شاءالله ايفوتوا على خير
اسامة/ ان شاءالله هيا توا خشي و خليك قوية… وقرصلها خدها
ساجدة/ قبل ماتسافر خليني انشوفك ????
اسامة/ ابتسم… باهي ياستي بشرط خليني انشوف ضحكتك
ساجدة/ ???? شششن وااخذ!؟
اسامة/ بستفهام… شنووو
ساجدة/ بارتباك… اليوم انت مش طبيعي كلامك وحنيتك وا…قاطعها
اسامة/ شدها له لصقت فيه… شن قصدك انا مجنون
ساجدة/ حرارتها 40… لاااا قصدي مش متعودة اتكلمني هك…
وعضت شفتها مع ابتسامة
اسامة/ تؤتؤتؤ ليش توا بس انتي تعرفي بحركتك هذه شن درتي فيا
ساجدة/ قربب تموت وبخجل… اااسااامة اانتحشم راهووو
اسامة/ شبح لفوق وشدها تحت الدروج… يابنت راهو هبلتيني وقسم بالله شاد روحي بالسيف… وقرب لخدها باسها
ساجدة/ بلعت بخوف… صوووت ااامي تنادي نمشي انشوفها…
جت بتمشي تهرب جبدها ليه وشدها يد ع خصرها ويد خلف رقبتها وهوووب باسها بالقوة ع شفافها????????
????♀️ حالة عشق ولالا ????????????
وياناري وقف قلبها وجابلها الرعاش من حركته الجريئة عاد مش متعودة ع الرومنسية منه حتى بالتلفون ????
.
…….. ????????????????????????????????????????
فات النهار وصلوا ادم وجوري لالمانيا وخذوها بالاسعاف وكان في الاسعاف الدكتور اللي قاللهم عليه د عمران
اسمه د هيثم ???? نحكوا عليه وعلى موصفاته
هيثم دكتور جراحة متخرج من جامعة برلين في المانيا شاب موليد بنغازي عاد شورنا هذا ???? شرقاوي ياكبدي
موليد 88 طويل وجسم واقف شعره سواد ولحية سودة وعيون سود يعني من الاخير طرف يانعلي وعنده غمازة بعد يضحك اتزيد جماله جمال???? نعلي وخلاص شن نوصفلكم وشن نخلي ???? انا وقعت فيه وبنخليه هو بطل روايتي ههههههه
انبصر هي نرجعوا لهيثم هو عايش في المانيا من لما تخرج وشتغل هنا ويمشي زيارة ليبيا كل سنة مرة مع وفد اطباء ايديروا في عمليات قلب في مستشفى في طبرق المهم هيثم عزابي و قلبه مزال فاضي اللي تبي راهو مش مرهون????
ماعلينا خذوا جوري في الاسعاف وهيثم مع ممرض على راسها ايتابعوا في نبضها
اما ادم مع سواق من لقدام…
وصلوا المستشفى ودخلوها العناية لتجهيزها بعد يومين للعملية…
.
.
ثاني يوم
كنت انتقلب بتلفون وشوي خش اتصل من حنين
انا/ رديت بستعجال… ياااحيوانة ياتافها راقدة في العسل مالا لين قافلة تلفونك وماتسليش على صاحبتك ياخسارة العشرة يااخوانة يا…
قاطعتني
حنين/ وااااك عطك قطعة في اللسانك كنت ظلمتها نجوى مرت خوك مسكينة عندها الحق
انا/ مرض يرفعك انتي وياها
حنين/ خزي عليك ناقصني مرض
انا/ وينك ليش قافلة الزفت بتاعك
حنين/ بوجع… طلقت
انا/ شنووووو! طلقتي؟ امتى؟ وليش؟ وكيف؟
حنين/ بغصة… ضربني يا وردة قريب قتلني ????????
انا/ برعشة… الله يكسر ايديه علاش يضرب فيك الوسخ خزي والله ماراجل ايمد ايده عليك
حنين/ تنهدت بوجع… والله مادرتله حاجة هو اللي مريض وعصبي ااخ لو نحكيلك ????
انا/ بخوف… اااحكي
حنين/ ماينفعش نحكيلك ع تلفون تعالي الليلة باتي معاي
انا/ هههههههه انبات معك
حنين/ خيرك تضحكي ولا عشان عزيز مايخليكش عادي توا نكلمه ايتحشم مني
انا/ ضحكت… هو انا محكيتلكش
حنين/ بتعجب… لا
انا/ والله ماحكيتلكش
حنين/ خزي ياباردة احكي شن فيه
انا/ ترررررا انا تزوووجت ????
حنين/ كذااابة امتى
انا/ تنهدت بنفس طويل… من ثاني يوم اللي جيتني فيه قروا فاتحتي وخذاني كيف البقرة
حنين/ حشاك حبيبتي وشن جوكم
انا/ جو عدوك كل حد في حاله
حنين/ حي ماتقوليش مزل ماااا… قاطعتها
انا/ ااييه مزال واحسن مالا فكة منه
حنين/ بقلق… راهو يطلع حتى… وسكتت
انا/ بتعجب… يطلع شنو
حنين/ بحزم… اسمعي يا وردة انتي لازم تختبريه وتعرفي هو صاح وطبيعي ولا لا
انا/ بستغراب… صاح شنو شن تحكي
حنين/ ياغبية في شباب مش اافهمي فتحي مخك
انا/ قصدك ااااا
حنين/ ااي
انا/ وكيف نعرف
حنين/ البسي حاجة مغرية وخليه ايشوفك ويشوف مفاتنك لو قالك معش تلبسي هكي ومايقربش منك معنها فالصوا
انا/ ولو العكس
حنين/ ان شاءالله الف مبروك
انا/ بتذمر…. هااااا حلوة والله بيش ايقول دافشة عليه
حنين/ ماتقعدش احمارة وشوفي بس بين ديري عذر اتخلصي منه لو ما انتي تبي ????
انا/ حكيت راسي… هممممم باهي الليلة نختبره
حنين/ توا هو وين؟
انا/ واخذ وجه من الصبح مايروح الا في الليل
حنين/ نهارك الاحرف ????♀️…
هدرزنا و وعدتها انجيها في هاليومين وماحكتليش شن اللي صار بالضبط وبعد ساعة صكرت منها ونزلت تحت قعدت مع عمتي صفية هدرزنا عادي وساعدتها ع العشاء والمغرب روح الحاج خليته لين طلع دوش ونزل جيت قعمزت معه
انا/ ياعمي نبي نرجع للمزرعة خير من قعدة في الحوش
ح سليمان/ والله ياوردة يابنتي الود والغاية تمشي من غدوة انا عليك انتي ترتاحي كم يوم
انا/ لالا عادي نرتاح اكثر في الشغل
ح سليمان/ على راحتك شوفي يامن شن يقولك…خش يامن من برا
يامن/ خيره يامن …وجاء قعمز جنبي…مساء الخير
ح سليمان/ وردة تبي تمشي للمزرعة قلت تسالك لو ماعندك مانع تمشي غدوة
يامن/ شبحلي ع جنب… قصدك مزال تبي تشتغلي
انا/ باصرار… مالا شنو
ح سليمان/ ماتنيساش هي المديرة والمسؤولة ع المزرعة
يامن/ قرب بوشوشة… شن نوع السحر اللي دايرته للحاج
انا/ بتمتمة من بين سنوني…لو نسحر راه درتهالك انت اول واحد ????
يامن/ الحمدلله متحصن
انا/ بستهزاء…ريت هالشيخ انت تبي فتح اسلامي ويالا ????
ح سليمان/اححم شن توشوش انت وياها ها تخليها تمشي غدوة
يامن/ عدل قعميزته… بجوها مالياش علاقة المهم ماتقولش نقعد معها خلي خالها ايونسها…
وصبى مشى لفوق
انا/ خلاص من السبعة تلقاني جاهزة
ح سليمان/ ان شاءالله وانتي طيبة…
انا / عن اذنك انشوف عمتي…
ومشيت للمطبخ جهزنا العشاء و قعمزنا كلنا انتعشوا
واكيد تسالوا شن صار في معاذ والشباب حاليا مزالوا في السجن محفظ عليهم و المحامي وبلال واخ جهاد في تونس ايتابعوا في القضية وغدوة اول جلسة في المحكمة…
المهم بعد تعشينا غسلت الموعيين وطلعت لداري لقيت يامن ع tv قعمزت ع سرير نشوفله بحرص ونتذكر كلام حنين وقررت انفذ المخطط ونحط يامن في اختبار الرجولة ????????♀️
صبيت قلبت حوايجي بالكي نلقى لبسة ملفتة وطبعا ماعنديش ارواب وهك خذيت شورت معه الكت بتاعه كنت نلبس فيه تحت حوايجي وخذيت كريم معطر???? ومشيت من جنبه شبحتله بخبث وخشيت للحمام و يامن يشبحلي بستغراب ورجع ايتفرج
دوشت وتعطرت لبست الشورت والكت
انا/ نشبح للمرايا…وااااك هذا شنو لالا كيف نطلع قدامه بالمنضر هذا…
ورجعت تذكرت كلام حنين وقررت انتشجع ونطلع وصلت للباب خذيت نفس وفتحت الباب وطلعت…
يتبع..
لقراءة الحلقة الثالثة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية رقية للكاتبة هاجر محمود.
