رواية خادمه البرق الفصل الرابع 4 بقلم آلاء محمد

رواية خادمه البرق الفصل الرابع 4 بقلم آلاء محمد

رواية خادمه البرق الجزء الرابع

رواية خادمه البرق البارت الرابع

رواية خادمه البرق الحلقة الرابعة

مشيت وراه وانا ساكته بفكر هو انا عملت ايه ياتري لكل ده طلعنا غرفته فتح الباب ودخل قعد علي الكرسي بتاعه الضخم اللي ف اخر الاوضه وانا ساكته كل ده مستنيه اشوف آخرتي هتبقي ايه
_مبسوطه من نفسك كده وانتي ف الرايحه والجايه هزار ومرقعه مع الرجاله
حسيت بإهانه هو مين علشان يحكم عليا مين هو علشان يتدخل ف حياتي مين ده علشان يشكك ف شرفي
=وانت مالك هي حاجه تخصك مين انت علشان تحكم عليا مين انت علشان تتدخل فللي ملكش فيه جيت انا قولتلك مالك مكروه من الناس ليه ليه جواك اسود ليه مبتحبش حد هاا جيت سالتك اتدخلت ف حياتك لا يبقي ملكش دعوه بحياتي فاهم
اول محسيت أنه جه علي كرامتي نسيت خوفي منه نسيت أنه ممكن يأذيني مشوفتش الا شرفي وكرامتي وبس
قام وقف وقرب مني وانا عامله نفسي قويه بقي وكده _انا عملك الاسود ف الدنيا دي
=بتحلم انا محدش يقدر عليا غير اللي خلقني لو مفكر اني زي الناس اللي قابلتهم ف حياتك تبقي غلطان انا مبياكلش معايا الغموض والسواد ده فاهم
ابتسم_مبقاش غير العيال اللي تهددنا كمان
=هتشوف العيله دي هتعمل فيك ايه
بصلي شويه كده ف عيني

أبعد وشك ياعم من عليا لحسن ادوب ف حلاوتك وجمالك ده
_وريني اخرك
=مليش اخر وسبته ومشيت انا حاسه ان انا دخلت نفسي ف حوار سيكاا
نزلت دخلت اوضتي علشان أنام وانا دماغي عماله تودي وتجيب خايفه يأذيني ف حد من اهلي انا مش خايفه علي نفسي قد ما خايفه عليهم يارب استرها
تاني يوم
-ضيييي الباشا عاوزك
=عاوز ايه ده كمان كل شويه عايزك عايزك هو مفيش غيري ولا ايه استغفر الله العظيم
-اعمل ايه يعني طلبك بالاسم
=ماشي يامريم تمام
طلعت وانا مش طايقه نفسي اكيد هينكد عليا كالعاده معندوش حاجه جديده ف حياته حفظته خلاص
_ادخل
دخلت=سمعت أن حضرتك طلبتني
مشلش وشه من الورق _ايوا لما قرأت ملفك عرفت انك كنتي شغاله سكرتيره
=اه يافندم
_ازاي شركه تقبل تشغلك وانتي أقل من ١٨
=كانت شركه صاحب والدي الله يرحمه فشغلني معاه ده غير اني شاطره وبفهم بسرعه كالعاده
بصلي وابتسم يالهوي علي الحلاوه دي مالها الدنيا بقت منوره ليه كده اه صح ده ابتسم
_سبتي الشغل ليه بقي
ملامح وشي اتغيرت للحزن=صاحب والدي توفي وابنه مسك معاه وكان شغال من الاخر شغل شمال ودي مش سكتي ولما واجهته طردني
ضحك_شغل شمال
ضحكت علي ضحكته=ايوا

هو ماله انهارده رايق ليه يا تري ناويلي علي ايه يابرق
_ايه رايك تشتغلي معايا ف الشركه وتبقي دراعي اليمين من بعد محمود
اتصدمت من عرضه مكنتش اتوقع الصراحه=وده من ايه ده انت امبارح كنت بتهددني وبتهيني كمان
_قصدك انتي اللي كنتي بتهدديني
=وات اڤر مش موضوعي دلوقتي
ضحك _تمام تمام
ردك ايه
=وشغلي هنا
_براحتك عايزه تكملي فيه معنديش مانع وطبعا المرتب هيختلف ده حاجه وده حاجه
=عرض مغري
_كل عروضي كده
=غرور
_ثقه قصدك
=وده من ايه عايزني معاك ف الشغل كمان مش كفايه هنا
_انا حر ده غير انك يجي منك دماغك حلوه ولسه قدامك العمر تتعلمي قولت اكسب ثواب فيكي
ضحكت =بتموت ف الثواب انت
_اوي اوي مقولكيش
=نفكر وارد عليك
_بكره بدايه الشغل الساعه ٧تكوني جاهزه اتفضلي علي شغلك

ايه الانفصام ده ياجدعان دماغي عملت ايرور عايز ايه مني الراجل ده شكله هيجنني بس ده ميمنعش أنه لذيذ وخفيف علي القلب مش زي ماهما بيقولوا لا فيه حاجه مميزه هو مميز اصلا
نزلت وانا مبسوطه هشتغل شغل حلو هعيش اهلي بطريقه كويسه هجيب كل اللي نفسي فيه يكاد يكون كنت طايره من الفرح ربنا يكملها علي خير مر اليوم وانا نفسي يجري علشان تتغير حياتي للاحسن ربنا كبير وجميل وبيرزق من حيس لا نحتسب
حكيت لمريم ومي اللي حصل والعرض بتاعه -انتي بتهزري
ضحكت=والله بتكلم جد
_ده عمره متكلم مع حد كلمتين علي بعض من ساعه مشتغلت هنا
=هو انا اي حد ولا ايه
-شكلك كده فعلا والراجل اتعلق من اول نظره
اتكسفت=بس بقي ده عايز يحطني ده نظره ورحمته مش اكتر وانا هوريه انا مين كويس اوي
_ايوه بقي يابت يا دودو وريهم الشجاعه
-اللي قااادره
بضحك=علي التحدي والمواجهة
_شكلك هتخدي علي قفاكي ف الاخر
=متقلقيش ده اللي هيحصل
قعدنا نضحك جمال وطيبين ربنا يكرمهم يارب

نمت وصحيا لبست وجهزت عملت شعري استريت لبست فورمل كان عندي من الشغل القديم حطيت ميكب خفيف كان شكلي مختلف
-الله الله علي الحلاوه
=دي حلاوتك ياروح قلبي
-حبيبتي
_ضييييييييييي
=ينهاري يلا قبل ما ياكلني ضحكنا ونزلت********

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية خادمه البرق)