رواية حور الرعد الفصل الثاني عشر 12 بقلم رؤى محمد

فى فيلا الزينى بالليل

رعد كان داخل و تعبان و فجاة جاله تليفون

رعد الو

…. : ……

رعد: انا جاى حالا

___________________________

فى المستشفى

مروة: يا لهوى انت مين

الشخص دة كتم بوق مروة و شممها مخدر بس هى حاولت تقاومه ما عرفتش لان المخدر سيطر عليها و اغمى عليها و الشخص شالها على كتفه و خرج من الشباك

___________________________

المجهول: خلصت

المتصل: …….

المجهول بعصبية: يا غبيي يااا غبى مش دى اللى عايزها يا حيوان الله يخربيتك

المتصل: ……

المجهول: تعالى على المخزن يا حيوان

المجهول قفل السكة و قال بعصبية: اااااههه مشغل شويية اغبييية

___________________________

عند رعد

رعد: الو

الممرضة: استاذ رعد البنت اللى كانت مع مدام حور مش موجودة

رعد: اكيد مشيت او دخلت الحمام

الممرضة: لا ما مشيتش

رعد وانتِ عرفتى منين

الممرضة: انا سالت الامن عليها و قالى انها ما خرجتش و كمان لقينا شنطتها واقعة جمب السرير

رعد: تمام انا جاى حالا

و قفل السكة و طلع من الفيلا بسرعة و ساق عربيته على المستشفى و رن على واحد صاحبه

رعد: الو يا معتصم بقولك تعالالى بسرعة على مستشفى (****)

معتصم: فى ايه يا رعد قلقتنى انت كويس

رعد: انا كويس بس مش وقته دلوقتى يا معتصم يلا بسرعة

معتصم: ماشى يا رعد جايلك سلام

رعد: سلام

و ساق لطريق المستشفى

___________________________

معتصم شخصية جديدة ظهرت معانا تانية عنده 26 سنة زميل رعد و ياسين فى الشغل

معتصم و هو بيلبس حس بقبضة فى قلبه و مسك ناحية قلبه

معتصم: اي دة فى ايه قلبى اتقبض فجاة استر يارب

و لبس و نزل ركب عربيته و راح على عنوان المستشفى

___________________________

عند رعد

دخل المستشفى بسرعة و طلع يجرى بسرعة يطمن على حور و لقاها كويسة بس لقى شنطة واقعة جمب سرير حور و استنتج انها شنطة مروة

فضل واقف برة الاوضة لغاية ما معتصم جه المستشفى و دخل سال على رعد و عرف انهى دور و طلعله

معتصم: رعد فى ايه قلقتنى

رعد: معتصم فى واحدة تبقى صاحبة مراتى و كانت جاية تزورها هنا فى المستشفى و البنت دى اسمها مروة

معتصم قال فى نفسه اول ما سمع اسم مروة: معقول تكون هى مروة لا لا لا استحالة

رعد: معتصمم

معتصم: ها

رعد: سرحان فى ايه… المهم علشان مفيش وقت البنت دى اكيد حصلها حاجة لان لاقيت شنطتها واقعة جمب السرير و الممرضة سالت الامن و قالت انها ما خرجتش دة يدل على انها ما خرجتش من المستشفى ولا من الاوضة حتى ف بسرعة عايزين نفرغ الكاميرات و نشوف اللى حصل

معتصم: تمام يلا ننزل نشوفها

رعد: انا كنت حاطط كاميرا فى اوضة حور يلا نشوفها

معتصم: طب مستنى ايه يلا بينا

و نزلوا معتصم و رعد و فتحوا كاميرا اوضة حور و كانوا مركزين و شافوا….

___________________________

المجهول: تعالى يا غبى

الشخص: و انا كنت هعرف منين يا باشا انت قولتلى البنت اللى هتبقى فى الاوضة و انا لاقيت اتنين ف الهانم دى كانت هتصوت و شممتها و خدتها معايا

المجهول: طب و الكاميرات

الشخص: ……

___________________________

عند رعد

كان رعد و معتصم مشغلين كاميرات المراقبة و شافوا شخص دخل اوضة حور من الشباك و كان ملثم و لابس قناع و كان بيتلفت فى الاوضة شاف الكاميرا و وقف على الكرسى و كان بيفك الكاميرا بس الكاميرا اتحركت من مكانها و ما اتفكتش و جت ناحية مروة و كانت فاقت لما حست بحركة فى الاوضة

معتصم فجاة وقف و قال: مروة لا لا لا مستحييييل لاااا

رعد: فى ايه يا معتصم اهدى انت تعرفها منين

معتصم : دى مروة حبيبتى يا رعد الا مروة لااا و الله لو حصلها حاجة انا هروح فيها يا رعد و مش هرحمهم و لو فيها موتى

رعد: اهدى بس ما تقلقش خلينا نشوف اللى حصل

معتصم ركز فى الكاميرا و الشخص كان بيشمم مروة و هى حاولت تفك نفسها و شنطتها وقعت منها و اغمى عليها و الشخص شالها و نزل من الشباك

معتصم: يا بن الكلب يا بن الكلب و الله ما هحله يا رعد

رعد: يا بنى اهدى خلينا نشوف مشى منين

فتح الكاميرات الخفية و شاف الشخص و هو نازل و حط مروة فى عرببة على الكنبة الخلفية و بيتحرك بالعربية

معتصم قال: وقف الفيديو بسرعة و كبر الصورة و كبرها و اخد نمر العربية

معتصم نزل بسرعة و ساب رعد و جرى على عربيته بسرعة و ركب و رعد نزل وراه و ركب عربيته و مشى ورا معتصم و راحوا على الجهاز

___________________________

فى المخزن

الشخص: انا بوظت الكاميرا اللى كانت فى الاوضة

المجهول: تمام

الشخص: طب هنعمل ايه دلوقتى فى البت دى

المجهول: اربطها لغاية ما نشوف هنعمل ايه فى عملتك الهباب

الشخص: انت تؤمر ياباشا

___________________________

معتصم وصل هو و رعد الجهاز و طلع بسرعة و عمل بحث عن نمر العربية و بعد 30 دقيقة وصلتله المعلومات

معتصم: العربية موجودة فى مكان صحراوى

رعد: طب بسرعة علشان نلحقهم الطريق طويل جدا

معتصم و رعد ركبوا العربية و مشيوا راحوا على المكان

___________________________

فى المخزن

مروة فاقت من المخدر و لقت نفسها مربوطة و حاولت تفك نفسها بس ما عرفتش

مروة: اااه انا فين

و فجاة باب الاوضة اللى كانت قاعدة فيه اتفتح و دخل شخص

مروة بصدمة: انت…

___________________________

فى شركة مازن

مازن نده على السكرتيرة

سهر بدلع: ايوة يا مسيو مازن حضرتك طلبتنى

مازن و هو قاعد على الكرسى و باصص لسقف و مش باصص لسهر: اه

سهر اتغاظت من تجاهله ليها: نعم كنت عايزنى فى ايه

مازن بحدة و زعيق: اتكلمى عدل بدل ما اعدلك

سهر بدموع مزيفة: انت بتزعقلى ليه عملتلك ايه انا كل دة عشان بحبك

مازن بصدمة و قام من على الكرسى بتاعه و راح ناحيتها و قال: عيدى اللى قولتيه تانى كدة

سهر بخبث و حطت ايدها على كتفه بدلع و قالت ان…

بس صوت فتحة الباب قاطعهم

…. : مااازن

مازن: ريم…

___________________________

فى المخزن

مروة: انت

المجهول: انت تعرفينى

مروة بتوتر: ها اا لا انا معرفكش و انا هعرفك منين

المجهول: متاكدة

مروة: ا ااه طبعا

المجهول: طب بصى من الاخر كدة انت هتشتغلى معايا و من غير نقاش

مروة بتفكير و بعدها قالت بخبث تمام موافقة بس انت اسمك ايه

المجهول بخبث: ههههههههه ما كنتش اعرف انك سهلة كدة…اسمى عمرو

مروة بدلع: حلو اسم عموورى اوى ههيهي

عمرو: يا لهوى على الضحكة

مروة: قولى عايز تعمل ايه و انا معاك بس بشرط

عمرو: قول شرطك يا جميل

مروة بخبث و دلع: ااه اييدى بتوجعنى اوى فكنى بقى من الكرسى دة

عمرو: بس كدة دة انت تؤمرى

مروة بدلع: هههيههي

عمرو: يااااااه

قرب على مروة و فكها من الكرسى

مروة قربت منه بدلع و قالتله: ها قول بقى كنت عايز ايه

عمرو: هكون عايز ايه اعمليلى كوباية شاى من ايدك الجميلة دى و جه يمسك ايدها قامت مروة بعدت ايدها بسرعة و توتر

مروة بتوتر: ها اا هقوم اعملك الشاى بس فين المكان دة احنا فى مخزن

عمرو: هتدخلى جوة على ايدك اليمين هتلاقى ترابيزة عليها الحاجة

مروة بدلع: ههيههى حاضر و دخلت

___________________________

فى الشركة

…. : مازن

مازن: ريم

ريم بدموع حاولت تداريها و قالت بصريخ وانهيار: ليه كدة كدبت عليا و قولتلى بحبك ليييه و انت طلعت بتضحك عليا رد علياا

مازن زق سهر بسرعة: ريم انت فاهمة غلط انا بح..

سهر قاطعته: انت ايه يا حبيبى مش انت قولت انك هتيجى تتقدملى علشان بتحبنى

مازن بعصبية و صوت عالى: انت تسكتى خاااالص يا زبالة و ضربها بالقلم على وشها

سهر بدموع مزيفة: كدة بتضربنى علشان بقول الحقيقة

ريم: هههه اديها قالت بنفسها

مازن: ريم ما تصدقيهاش دى كدابة هى اللى حاولت تقرب منى و انا كنت ببعدها

ريم: عاوز تقنعنى انها اللى قربت منك

سهر بدموع تماسيح: ماشى يا مازن بتتبلى عليا

مازن: اطلعى برة يا حيوانة اطلعى برررة

سهر خافت و طلعت بسرعة

مازن: اهدى يا ريم

ريم: ما انا هادية اهو شايفنى بشد فى شعرى

مازن: ريم انت كويسة

ريم: انت شايف ايه

مازن: انت بتحبينى يا ريم صح

ريم سكتت و ماردتش عليه و بصت الناحية التانية و دموعها نزلت

مازن: لاخر مرة بقولك يا ريم انت بتحبينى

ريم بدموع اتنهدت و قالت: لا يا مازن مش بحبك و لو بحبك ف انت زى انس مش اكتر عن اذنك

و جت تمشى مازن مسكها من دراعها و شدها ليه و وقعت فى حضنه و بص فى عينها لمدة طويلة و هى بصاله و عينها فيها دموع

مازن الدموع نزلت من عينه و هو باصصلها و شايف حبه فى عينها و مش راضية تقول و تعترف

مازن: ريم انا متاكد انك بتحبينى بس مش مجرد اخ

ريم سكتت و بصاله و الدموع نزلت من عينها

مازن خدها فى حضنه و طبطب عليها و هو دموعه نازلة

ريم بعدت عنه: اوعى يا مازن عن اذنك ما ينفعش اللى انت بتعمله

مازن بحزن بعد عنها و قالها: دة اخر حاجة عندك يا ريم يعنى انت مش مصدقانى

ريم بدموع: هههه هصدق ايه ما انا شوفت بعنيا و انت ماسك ايدها و هى قريبة منك

مازن: انت فاهمة غلط انا كن..

ريم: خلاص يا مازن ما حصلش حاجة

مازن قعد على كرسى المكتب بحزن و غمض عينه بوجع و قال: اخر كلام عندك

ريم بتنهيدة و دموع: ااه

مازن بحزن و هو مغمض عينه: خلاص يا ريم امشى مش هجبرك على حاجة

ريم فضلت باصة عليه بحزن و دموعها نازلة و قالت بوجع: عن اذنك

و خرجت تجرى من الشركة و هى بتعيط و ركبت تاكسى و روحت الفيلا و دخلت اوضتها و قعدت تعيط و تقول:

انا مصدقاك يا مازن مصدقاك يا حبيبى و الله بس لازم اصتنع حجة علشان لازم تنسانى و انا انساك انا مش ضامنة عمرى و مش عايزة اوجعك ولا اظلمك معايا اااااهه ياارب

الباب خبط

ريم بدموع و صوت مبحوح: ادخل

مليكة دخلت و قالت بصدمة: ريم مالك بتعيطى ليه و ايه اللى حصل

ريم بدموع و وجع: مفيش يا مليكة بس انا زهقانة شوية و خايفة من الامتحانات

مليكة: خلاص يا حبيبتى ولا يهمك فداكى مش مشكلة و تعيطى لكل دة ليه يعنى ما فداهية الامتحانات

ريم مسحت دموعها و قالت: انا هنزل اتمشى شوية على البحر

مليكة طبطبت عليها و قالتلها: روحى يا حبيبتى و خرجت من الاوضة

ريم دخلت خدت دش و صلت

___________________________

فى المخزن

مروة ندهت على عمرو

مروة: عموورى تعالى عشان فى حاجة حلوة ليك

عمرو من برة: حاجة حلوة اي دى

مروة: تعالى بس

عمرو: جايلك يا مزة

فى الوقت اللى عمرو داخل فيه كانت مروة ماسكة كرسى خشب فى ايدها و مجهزاه اول ما عمرو دخل نزلت بيه على دماغه و هو اغمى عليه و طلعت تجرى و الشخص اللى جابها وقف قدامها و قال:

الشخص على فين يا حلوة

فجاة الشخص دة وقع على الارض اثر ضربة حد

مروة بصدمة: استاذ معتصم….

___________________________

عند ريم

بعد ما صلت جهزت و نزلت راحت عند البحر و وقفت عنده و اخدت نفس عميق و دموعها نزلت

و قعدت على الشط و كانت بتعيط

و فجاة لقت حد بيمسح دموعها و بصت و قالت بصدمة

ريم بصدمة: مازن انت بتعمل ايه هنا و ايه عرفك مكانى….