رواية السند الفصل التاسع 9 بقلم نيرة محمد

الدكتور اللي بان علي وشو الصدمه والحزن واخيرا نطق ..

سليم انت للاسف عندك كانسر في المخ وده اللي الاشعه بتاكده بس باذن الله يكون حميد ونقدر نعمل حاجه

الكلام اللي اتقال بعد كلمه كانسر لين مسمعتوش الكلمه نزلت علي قلبها كسرته عقلها مش قادر يصدق بتكلم نفسها يعني سليم خلاص هيروح منها هيبعد عنها بعد ما اتاكدت من حبه في قلبها بس ازاي دي تتمني الموت قبل ماتشوف لحظه وجع ممكن يعيشها قدامها لقت نفسها بتمسك ايديه اللي جنبها وبتضغط عليها جامد كانها بتقويه وبتستقوي بيه بس لما رفعت عنيها ولقت نظرته ليها اللي كلها حزن وانكسار معدتش قادره تمنع دموعها ولا صوت شهاقتها اللي بدا يظهر ويذيد مافقتش من حاله الوجع والحزن الا اما الدكتور وجه كلامه ليها اما شاف حالتها

الدكتور بحزن ..ممكن يالين تهدي وتبطلي عياط سليم بطل وباذن الله هيرجعلك احسن من الاول بس ممكن اعرف العلاج اللي كنت بتاخده ده مين الحمار اللي كان بيوصفهولك وانا اقدم فيه شكوه دلوقتي حالا واوديه في ستين داهيه قالها بانفعال شديد

سليم باثبات كاذب ..انا مكنتش باخد اي علاج غير مهدا وده لما بيجيلي التشنجات يبقي علاج ايه اللي حضرتك تقصد عليه

الدكتور

الدكتور باسف وتوضيح…للاسف فيه كميه ادويه انت خدتها كانت بتلعب في جهازك العصبي وده اللي كان بيسبب الاضطرابات اللي كانت بتحصل بس العلاج ده وقف واتبدل بدواء في ماده مسرطنه وده اللي سبب الكانسر لانك بتاخده من فتره كبيره وده سبب التشنجات والصداع الشديد

وكمل

ممكن اعرف مين اللي عايز يدمرك بالطريقه دي انا مستعد اشهد معاكوا والتحاليل والاشعه هتثبت كل كلامي اقسم بالله يروح في داهيه

كل تفكير لين راح لهناء مفيش شيطانه غيرها ممكن تاذي وتدمر بني ادم وهي ولا يتهز ليها شعره كل تصرفاتها مع سليم بتدل علي كده بس الدكتور سالم ده دكتور العيله ازاي ممكن يخون القسم اللي اقسمه ازاي يدمر حياه انسان ملوش ذنب للدرجه دي معقول تكون رشته مثلا بس كل دي افتراضات مفيش دليل بس لو كانت هي اقسم بالله بحق كل لحظه وجع وحزن وتعب اتسببت فيهم لسليم لاكون مدوقاها من نفس الكاس ومش هرحمها

علي الناحيه التانيه كان سليم برضه بيفكر ان المستفاده الوحيده من اذيته هي هناء خاصه لما افتكر كوبايه العصير اللي كانت دايما تعملهوله وكانت تستغل ضعفه وحالته وتغصب عليه يشربها حتي لو مبيحبهاش بس بالجبروت والقوه ودي هي صفتها مش جديد عليها

الدكتور قاطع تفكيرهم وقال..

المهم دلوقتي احنا لازم نستعجل في العمليه عشان ناخد عينه ونعرف اذا كان الورم حميد ولا خبيث وباذن الله يكون حميد وتقوم احسن من الاول

وكمل …وبالنسبه للشيطان اللي خان شرف المهنه انا مستعد اشهد ان العلاج اللي وصفه فيها مدي مسرطنه علي المدي البعيد بتسبب كانسر وده اللي حصل في حالتك

لين بدموع مش بتقف …ليه حضرتك مصمم انه دكتور مش ممكن عدو ليه مثلا

الدكتور بتاكيد.. لان الادويه والماده اللي فيها محدش يعرف تركيبها غير دكتور دارس وفاهم وده شغله

وكمل ….وعلي اي حال المهم دلوقتي العمليه ثم العمليه لااااازم تتعمل خلال يومين فقط هاا جاهز ياسلييم

سليم بخنقه…ان شاء الله يادكتور وشكرا علي تعبك عن اذنك هنمشي

الدكتور ودعهم واداهم معاد بعد يومين منعا لاي مضاعفات لو اتاخروا

في العربيه سليم مش بيتكلم ابدا ولين بتبصله وهي بتعيط وحاطه ايديها علي بؤها عشان مطلعش صوت الطريق كان طويل وتقيل عليهم لكن اخير وصلوا عند الفيلا ونزلوا من العربيه وراحوا ناحيه الفيلا وسليم فتح ولين وراه بصوا حواليهم ملاقوش حد والجو فاضي طلعوا علي اوضتهم وقفلوا الباب

واخيرا سليم سمح لنفسه بالانهيار

سليم بانهيار وحزن ….يعني اييييه يعني انا عااايش في وسط شويه شياطين عايزين يدمروني مش كفايه خسرت امي واختي وقسوه ابويا عليا ومشيه ورا الشيطانه اللي اسمها هناء كمان حصلت لكده مفيش رحممممه

لين بدموع شديده وحزن عليه قربت منه ومسكت وشه بين ايديها وبصت اووي في عنيه اللي بدات الدموع تنزل منها بضعف وكسره …

سليييم انت قوي وقد كل ده وكل ده ابتلاء ولازم نصبر عليه وبالنسبه لهناء لو فعلا هي السبب اكيد ربنا مش هيسيبها واحنا كمان مش هنسيب حقنا بس الاول نفوق للعمليه عشان انا املي في ربنا كبييير قوي وربنا قال انا عند ظن عبدي بيه فاحسن الظن ومتقولش كلام حرام عشان ربنا مايحسبكش وبعديين انا جنبك ولا انا مش كفايا

سليم بضعف وحب …انتي يالين الحاجه الحلوه اللي عملتها عشان ربنا يرزقني بيك انا بحبك اووي

لين بحب ظهرفي عنيها …خلاص طالما كده يبقي تحط ايدك في ايدي وباذن الله تقوم من العمليه احسن من الاول اتفقنا

سليم بحب ..اتفقنا وكمل باحتياج .. ممكن تحضنيني

لين من غير تردد جرت علييه وحضنته اووووي كانها كانت محتاجه ده اكتر منه فضلوا شويه وبعد كده لين بعدت عنه بالراحه وقالتله ..

ممكن نغير هدومنا بقي عشان ننام لاني عايزاك ترتاح اوي اليومين دول قبل العمليه

وفعلا غيروا هدومهم واكلوا حاجه خفيفه وناموا بعدها علي طول

عدي اليومين بسرعه واللي حصل فيهم ان لين ماكنتش بتسيب سليم ابدا دايما جنبه وبتاكله وهو ينام وهي تسهر بس عشان تبصله وساعان تلمس حته حته في وشه عشان تحفظها وتشبع منها مع انها كانت ملامحه محفوره في قلبها من حبها فيه بس كانوا دايما مش بيحاولوا ينزلوا عشان ميشوفوش حد من اللي تحت حتي ابو سليم اهم حاجه شغله ونفسه ولا بيسال ولا حتي

لاحظ ان سليم معتش بيظهر كتير حتي الاكل بياكلوا في اوضتهم ومراد اللي مظهرش من اخر مواجهه مع لين

سليم ولين نازلين من الفيلا وراحوا ركبوا العربيه عشان يروحوا المستشفي ولسه سليم هيسوق لين وقفته

لين ..سليم انا نسيت موبايلي فوق في الاوضه هطلع اجيبه بسرعه وجايه عشان لو ماما كلمتني متقلقش

سليم ..ماشي بس متتاخريش

سبته وطلعت جري علي الاوضه عشان تجيب الموبايل لقيته علي السرير وطت تجيبه لقت اللي بيرزع باب الاوضه بعد مادخل وقفل بالمفتاح بصت بسرعه علي اللي جمد قلبها

لين بفزع ورعب …..انت …..

يتبع……