رواية يوميات مريم الفصل الأول 1 بقلم إيمان شلبي
رواية يوميات مريم الجزء الأول
رواية يوميات مريم البارت الأول
رواية يوميات مريم الحلقة الأولى
تعالي منشييه منشيه منشييه
احد الاشخاص وهو بيبصلها باستغراب : لا مؤاخذه هو انتي ست ولا راجل ولا ايه بالظبط !
مريم وهي بتبصله وبتعوج بوقها : لا ست بس بميه راجل مش زيك ياخيبه ياللي لسه بتاخد المصروف من الوالد والوالده
كل السواقين اللي واقفين : بوووووووم
أحدهم : اسطي مريم تضرب ولا تبالي
مريم وهي بتحي الجمهور : لا داعي للتصفيق
الولد بعصبيه : انتي بتقوليلي انا الكلام ده !
مريم وهي بتبص جمبها يمين وشمال وبتسال السواقين اللي واقفين بسخريه : هو في حد علي يميني !
الولد : لا
مريم وهي بتحط ايديها علي خدها بتفكير : في حد علي شمالي طيب ؟
مريم بتساؤل: في حمار قدامي طيب !
الكل في صوت واحد : اااه
الولد بعصبيه : ده انا هخرب بيتكوا النهارده ياشويه صيع
مريم بخوف : يامي يامي خوفت
الولد بغموض وهو بيمشي : تمام متبقيش تعيطي بعدين …
مريم بسخريه : نينينيني
مشي الولد وكل الموقف سكت وخافوا من نبره صوته التحذيريه حتي مريم …
مريم للسواقين وهي بتبلع ريقها: هو انا عكيت !
أحدهم وهو بيحك أنفه : اوي
مريم بخوف : ه هو ممكن يعمل ايه ؟
واحد منهم وهو بيتخيل : يسجنك
واحد تاني : لا لا متوصلش للسجن
مريم بلهفه وخوف : صح ا اصل انا معملتش حاجه
نفس الشخص : السجن مش هيشفي غليله منك
مريم بخوف : احيه اومال هيعمل ايه !
هو بتفكير : يعني مثلا ممكن يقتلك ؟
واحد تاني بتفكير أعمق : يشوه وشك الجميل ..
مريم بصراخ وخوف : بببببببسسسس كفايه الهي تتفضحوا
واحد منهم : اسطي مريم
مريم بشرود : ايه
الشخص اللي انتي هزقتيه
مريم بانتباه وخوف : ماله
ا احم ظابط
مريم : احيييييه
واحد منهم : انا من رأي تختفي النهارده خالص
مريم وهي بتبلع ريقها: اروح فين اجي منين انا مني لله لساني ده عايز يتقطع منه شبرين
وبعد تفكيييير عميق قررت مريم ترجع النهارده البيت ومتكملش الشغل …
روحت ولسه هتفتح الباب سمعت صوت من وراها ..
اقفي عنددددك
مريم وهي بتنط من مكانها بخوف : عااااااااا
الشخص ببرود : ايه يابطه اتخضيتي !
مريم بتوتر : ه هو انت
الشخص : اه انا ده انتي يومك اسود من قرن الخرروب
مريم وهي بتفكر ازاي تخرج نفسها من المصيبه ديه كانت بتفكر بصوت عالي …
اعمل ايه يارب اصوت والم عليه الناس !
الشخص وهو بيربع أيده بسخريه : توء شوفي غيرها مش نافعه ديه
مريم بتفكير : صح عندك حق ،اممممم طب اعمل ايه ابطحه بطوبه في دماغه اخليه يفقد الذاكره واطلع أجري ولا من شاف ولا من دري !
الشخص : توء برضو اهلي هيعملوا منك شاورما ده غير الظباط حبايبي هيعملوا معاكي الواجب
مريم بتفكير أعمق : طب اعمل ايه يااخ قولي !
الشخص بضحك : انتي هبله يابت ؟! وقعتي علي راسك وانتي صغيره
مريم ببللاهه : اه انت عرفت منين ،لا انت شكلك مكشوف عنك الحجاب …
الشخص باستغراب ودهشه من الجنان اللي هي فيه : لا ده انتي ربنا يعينك علي المهلبيه اللي في دماغك
مريم وهي بتشكره : حبيبي يابا الله يخليك يارب ،الا انت قولتلي اسمك ايه !
مروان
مريم : الله يخليك امروان باشا
مروان وهو بيبصلها بتعجب : انتي غريبه جدا
مريم : ايه ده معانا الاستاذ محمد رياض !
مروان باستغراب : ايه ؟
مريم وهي بتقلد محمد رياض : البنت ديه غريبه جدا
مروان وهو بيضرب كف علي التاني بيأس : لا ده انتي رايحه منك علي الآخر
مريم وهي بتنط من مكانها مره واحده : عاااا
مروان بفزع : ايه في ايه ؟؟
مريم بضحك : هههههه عليك واااحد
مروان بغضب وهو بيخرج مسدس من جيبه : عليا واحد
مريم جرت لما شافت المسدس بسرعه ومروان جري وراها ..
مريم بصراخ : عااااااااا الحقوووووونااااي ياختااااي يالهوووووي هيموتني ياناس
مروان وهو بيتنفس بعنف : اقفي يابنت الهبله مش هعملك حاجه اقفي ياببت …
مريم وهي بتقف وبتتنفس بصعوبه : قول وربنا
مروان : وربنا ،انا عايزك في مهمه خطيره جدا
مريم باستغراب : مهمه خطيره يامسيبتي ،عايز مني ايه ياحضره الظابط عايزني اتنكر في شخصيه رقاصه علي تقبض علي زعيم مافيا جامد جموده ومحدش يقدر عليه وفي الآخر احبه ويحبني واخليه يتوب ونجيب صبيان وبنات ونعيش في تبات ونبات وانت تطلع من المولد بلا حمص !
مروان : باااااس ايه جو الروايات الفكسان ده
مريم بفضول : اومال عايز مني ايه ياحضره الظابط
مروان : انتي مش هتتنكري في شخصيه رقاصه
مريم : اومال ايه رقاص !!!
مروان بعصبيه وضيق : يابنتي اسمعيني للآخر بقي
مريم : اشجيني!
مروان : انتي هتشتغلي معانا
مريم بتفكير : مخبره قصدك !
مروان : توء
مريم بتفكير تاني : ظابط معاكوا مثلا !
مروان : برضو لا
مريم بضيق : ما تخلصني
مروان ببرود : خدامه
مريم بتلقائية : الخدامه ديه تبقي الست الوالده ..
يتبع …
لقراءة الفصل التالي : اضغط هنا
لقراءة الرواية كاملة اضغط على : (رواية يوميات مريم)
تعليق واحد