رواية لا تترك يدي الفصل الرابع 4 بقلم سلسبيل أحمد
رواية لا تترك يدي الجزء الرابع
رواية لا تترك يدي البارت الرابع
رواية لا تترك يدي الحلقة الرابعة
– صباح الخير يا كسولة
= ياسين؟! هو انت ممشتش
– امشي واسيب القمر ده لمين بس؟
ابتسمت وانا روحي رجعتلي اول ما شوفت ابتسامتها:
= بجد كنت جمبي طول الليل؟
مسكت ايدها و بوستها:
طبعا وانا عندي كام جميلة
– انا مش عارفه اقولك اية ، هو احنا اتصالحنا؟
= يعني هو انا كدا كدا مبعرفش ازعل منك وعارف انك هتقرفيني اوردي فا يعني اه بس لينا قاعده هنتكلم فيها وهنقعدها هنقعدها ملكيش مهرب
– امته
= بعد ما تخفي ان شاء الله
– تفتكر هنجح
= وانتي من امته كنتي فشله؟
– لا انا فاشلة ومش هلحق الكليه
= لا لا في فرق بين لما تبقي فاشلة و لما تقعي الفشل ده يعني خلاص مفيش حلول وانتي مش عايزه تحاولي انما انتي اهو بتحاولي وهتخفي والكليه وقعتي فيها وهتقومي وتكملي برضو ولا اية؟
– اكيد!
= طيب اين الفشل ده انا لا اراه.
– انا بجد بشكرك انك جمبي ، انا عارفه اني غلط يا ياسين وخيبت ظنك فيا وكمان خونت ثقتك
طبطبت على ايدها:
جميلة الاحسن منتكلمش في اي حاجه وحشه صح ؟
– صح
الباب خبط فا سمحت بالدخول وانا فاكرها طنط فاطمه مامت جميلة واتفاجئت بتلت بنات شكلهم مقر*ف و شاب
– جميلة ازيك اول ما عرفنا جينا علطول حتي ادم كان قلقان عليكي اوي اوي
بصيت رديت عليهم بحده:
– انتوا مين؟؟؟؟؟؟
رد عليا الشاب ببجاحه:
احنا صحابها يا بابا انت الي مين
= صحابها؟؟ اهاا طب اطلعوا بره كلكوا حالا
– انت اتجننت ولا اية انت مين اصلا مين ده يا جميلة!
= كلامك معايا هنا يا عيل انت و ثانيه كمان وهطلبلكم البوليس واحنا في مستشفي يعني تحليل مخد*رات حلو يوديك ورا الشمس
اتخضوا كلهم لما فهموا اني عارف
– طيب يا جميلة سلام هنشوفك بعدين
مشيوا وهي حطت راسها بين ايدها فا قربت:
= انتي كويسة؟
– انا اسفة
= احنا قولنا كل ده فات خلاص
اتكلمت والدموع فعينيها:
– انا كنت بحبهم يا ياسين ومازلت
بصتلها بدهشه: نعم.؟
= ياسين انا محدش بيحبني مليش صحاب غيرهم
محدش فهمني زيهم
– جميلة بلاش جنان الله يخليكي دي صحبه قذ**رة شوفي وصلوكي لفين
= ياسين ممكن تقعد ، عشان خاطري
قعدت ومبصتلهاش:
= ياسين انا الى طلبت منهم ده وهما ساعدوني وجابولي حاجات انا محدش اجبرني
– جميلة انتي مش كدا
= لا للاسف وصلت لكده
– ازاي !!!!!!! انتي ! انتي تعملي كدا ليه
= معرفش ! قولتلك ان حياتي ناقصه واني دايما بدور على حاجه تكملها انا تايهه ولسه معرفش الصح اية انا مفروض اعمل اي
– مفروض تبعدي عنهم دول مش بيحبوكي دول سببوا ليكي ضرر محدش منعك الصحبه الى بجد هي الى تاخد بأيدك للجنه مش للنار يا جميلة الصح والغلط و الحلال والحرام قدامك وعرفاه انتي مش صغيره!
قومت بغضب ولمحت مامتها جايه فا اتحركت للباب
و وقفني صوتها الضعيف:
– هتسبني!
اتهدت بتعب وخت نفسي:
= لا يا جميلة مش هسيبك هرجع تاني علطول
– ياسين شكرا ياحبيبي عشان فضلت جمبها هي كويسة.؟
= ايوه لحد دلوقتي ، طنط لو اي حد شكله معجبكيش جالها اطرديه ولا اقولك كلميني
– حد زي مني
= اي حد ، انا قدامي تلت ساعات و هرجع تاني بس محتاج حاجات
– طيب يابني
___________________
– ياسين.؟!!!
= اسف اني جيت لحد بيتك يا مي ، بس مش معايا رقمك ولا اي حاجه.
– طيب اتفضل في اية؟ جميلة كويسه .؟
= اها انا محتاجك انتي
– انا!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لا تترك يدي)
