رواية مصائر مجهولة الفصل الثالث عشر 13 بقلم سما محمد
 |
| رواية مصائر مجهولة الفصل الثالث عشر 13 بقلم سما محمد |
رواية مصائر مجهولة الفصل الثالث عشر 13 بقلم سما محمد
فريدة فتحت المحفظة وطلعت البطاقة وبصت علي الاسم واتصدمت
قالت بصدمه:ايييه؟ازاي ده يحصل؟
زين بصلها وقالها:اية اللي حصل
فريدة:اقرأ الاسم كدة
زين :وريني
وقال بصوت عالي :فريد مصطفى …… المنشاوي
واتصدم قالها:ازاي؟
فريدة:مش عارفه يا زين
زين:طب استني هتأكد من حاجة
بص علي البطاقة تاني وقال: فريدة بصي علي البطاقة كدة هو ده تاريخ ميلادك صح؟
فريدة بصت وقالت:اه هو
زين:بصي أنا زيي زيك مش فاهم حاجه بس من البطاقة ده اخوكي التوأم
فريدة مسكت رأسها بتعب وقالت:انا راسي بتوجعني اوي حاسة نفسي دايخة
زين شالها وحطها في اوضة وقالها:اكيد هبطتي تاني استني هشوف دكتورة تشوفك
راح نده علي دكتورة ف جاله دكتور بيقوله:فين المدام اكشف عليها
زين بعصبية:اعتقد اني قولت عاوز دكتورة وكلامي صريح
الدكتور:احم يا دكتورة تعالي شوفي الحالة هنا
جت دكتورة وكشفت عليها ف قالت:هي عندها هبوط وسمعت أنها نقلت دم ف اكيد هتهبط ف حضرتك جبلها الحاجات دي وهتكون كويسه أن شاء الله
زين:ماشي
خد منها الورقة ونزل يجيب الطلبات اللي فيها
في بيت العيله:
الجد:الفجر خلاص هيأذن وهما لسة مش رجعوا لحد دلوقتي ومحدش بيرد علي تليفونه
مصطفى:انا هنزل ادور عليهم
علي:وانا كمان جاي معاك
الجد:استنوا
الجد رن عليهم تاني ف زين رد وقال:أيوة يا جدو
الجد:انتوا فين لحد دلوقتي؟
زين:وانا راكب العربية انا وفريدة ومروح واحد طلع قدامي مرة واحدة وخبطته واحنا حالياً في المستشفى بنشوف هيحصله اية وهنطمن عليه ونمشي
زين مرضيش يحكي عن باقي الموضوع
ف الجد اتنهد وقال:طيب انتوا كويسين؟
زين: الحمدلله كويسين يا جدو ساعة ولا حاجه وهنرجع أن شاء الله
الجد:طيب ترجعوا بالسلامه
الجد قفل معاه وحكي للعيله كل حاجة واتطمنوا
في السجن
ادخل بلاش قرف وزقه مرة واحدة
وقع توفيق في الأرض وبص لقي بلطجية حواليه
واحدة جاله وقال:طلع اللي في جيبك يا حلو
توفيق:انت مجنون انت فاكر بتكلم مين
_لا ده انت تشوف الجنان بجد بقي يلا يا رجالة
ونزلوا عليه ضرب
خشي يا محروسة
:جاية في اية انتي
جليلة بصتلها بقرف ومردتش
_ما تردي يا ست انتي
جليلة:انا ارد عليكي يا بيئه
_ناس بيئه؟
وعلت صوتها وقالت:الحقوا يا ستات الولية دي بتقول عننا بيئه هتسكتوا ولا اية
_مين دي اللي بيئه تعاليلي
وجابوا من شعرها
ممرض:المريض اللي في اوضة ٦ صحي
الدكتور راح وراه يشوف الحالة
زين راح وراه وفريدة قامت
زين بصلها:وقال اقعدي انتي تعبانة
فريدة:لا لا انا بقيت كويسة
دخلوا سوا
بصلهم كدة وقال:هو في اية؟
بص لفريدة وقال:وانتي شبهي كدة لية؟ ولا أنا بيتهيألي
زين بصله وقاله:انت اسم اية بالكامل؟
_هو انا عليا قواضي؟
زين:اسمك اية بس؟
_فريد مصطفى المنشاوي،تحب اقولك الرقم القومي؟
زين:طب أنت فين ابوك وامك
فريد بحزن:لا صراحة دي في علم الغيب انا لقيت واحدة غلبانة بتربيني وقالتلي أنها متعرفش اهلي فين بس كان في ست كدة بتيجي البيت وتجيب ورق كدة معاها وده اللي خلاني اعمل البطاقة ولما سألتها جبتي ورق بتاع اهلي منين وهما فين قالتلي انها كانت تعرفهم زمان وان الورق ده نسيوه لما نقلوا وبس كبرت واشتغلت وعيشت وفي كلية هندسة دلوقتي
فريدة عنيها دمعت وقالت:طب انت مش واخد بالك الشبه الكبير اللي بيننا
فريد:اه صراحة خدت بالي يخلق من الشبه اربعين بقي
زين بصله وقال:طب مش عاوز تعرف فين أهلك ؟
فريد: صراحة عادي لو عايشين هسلم عليهم مثلا وامشي وهكمل حياتي من غيرهم زي ما عيشت زمان
فريدة:يعني مش هتعيش معاهم؟
فريد:لا صراحة هما مفكروش يعرفوا ابنهم فين او حتي ليهم ابن ولا لا وصراحة أنا كمان مفكرتش ادور حتي
فريدة:طب افرض هما مش يعرفوا انك عايش مثلا
فريد:ينفع توضحي لأنكم عمالين تسألوا عن أهلي كتير
زين:ببساطة دي اختك فريدة وانا ابن عمك زين وابقي جوزها
فريد:ياعم بطل هزارك ده بقي هو عشان فريد وفريدة وشبه بعض اخوات
زين:طلعي بطاقتك
فريدة طلعت البطاقة
زين قاله:امسك اقرأ
فريد قال: فريدة مصطفى….المنشاوي
زين قاله:شوف تاريخ الميلاد
فريد قرأه واتخض وقالهم:يعني انتي اختي؟ وانا ليا عيله وأهل
فريدة بهزار:ياااه ده انت عندك قبيله مش أهل بس
فريد:هما كتير اوي كدة
فريدة ضحكت من قلبها:كتير اوي فعلا
فريد بإبتسامه:احكيلي عنهم
فريدة:بص بقي كبير العيله جدو وده حبيب قلوبنا كلنا والكل بيحبه واكيد هيحبك وتحبه
وهو خلف ٣ ولاد بابا وعمو علي ابو زين وعمو وليد
وعمو وليد خلف ملك وعلا
وماما اسمها شيرين ومرات عمو علي اسمها كريمة وعمو وليد طلق مراته عشان طلعت حرباية
فريد ضحك
بعد شوي ابتسم وقال :كلميني عن مامتك شوية
فريدة:اسمها مامتنا علي فكرة وانت اخويا
فريد ضحك وقال:مش عارف ليه خدتوا عليا بسرعة كدة
زين بصله وقال:علي فكرة أنا شكلي هغير منك جامد
فريد:لا ياعم مفيش غيرة تاني أساسا ده اخر مرة هتشوفوني فيها
زين:اخر مرة اية! انت هتيجي تعيش معانا ومع عيلتك
فريدة بتفكير في كلام فريد قالت:ثانية
فريد وزين :في اية؟
فريدة:هو أنت قولت إن كان في ست حابتلك ورق عن ماما وبابا
فريد:اه
فريدة:طب الست دي عاملة ازاي
فريد:عادي ست قمحاوية ملامحها كبيرة وشكلها يخوف اصلا
زين بتفكير طلع صورة من الموبايل وقاله:هي دي؟
فريد:اه هي
فريدة:ازاااي؟
يتبع…..
لقراءة الفصل الرابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد
