رواية حب أعمى الحلقة الثالثة عشر 13 بقلم ندى شريف
 |
| رواية حب أعمى الحلقة الثالثة عشر 13 بقلم ندى شريف |
رواية حب أعمى الحلقة الثالثة عشر 13 بقلم ندى شريف
في المساء..
روز : روح يا اوس….و الصبح تبقى تيجي…انا هبقى معاها
اوس : لا لا انا هبقى موجود هنا….. انتي بس وصلي ماما للبيت
روز : اللي انت شايفه
ثم قالت لسناء..
روز : يلا يا طنط نروح….حضرتك تعبتي النهارده…و اوس هيبقى موجود متخافيش
سناء بتعب و بحزن : ماشي يا بنتي
فقامت روز بإسناد سناء..
سناء : تبقى كل شويه طمني عليها يا اوس
اوس : حاضر يا ماما
روز ل زين : انا هروح بقى
زين : تمام…تبقي اتصلي بيا لما توصلي
روز : حاضر
★★★★★★★★★★★★
بعد خمس أيام…
اوس كان نائم على كرسي جانب وعد و ممسك بيدها..
وعد قامت بتحريك يدها و لكنها وجدت يداً أخرى متشبسه بها…ثم قامت بفتح عيناها و قالت : اوس
اوس استيقظ و هو مُفاجأ : وعد ؟؟….انتي اتكلمتي؟؟
وعد بفرحه : اوس
اوس بسعاده غامره و هو يضع يده على وجهها : انتي كويسه؟؟؟…حاسه بوجع؟؟
وعد : طلاما شوفتك اكيد هبقى كويسه
اوس : وحشتيني
وعد : و انت كمان
اوس بسعاده : طب استني استني اتصل بيهم
ثم قام بالإتصال بسناء و زين…..و قام زين بالإتصال ب روز…
وعد : انا اسفه جدا عشان الفرح اتأجل….انا السبب
اوس : عادي يعني….يتفلق الفرح…اهم حاجه انتي….مفيش حاجه تهمني غيرك انتي
وعد : انا بحبك اوي
اوس : و انا كمان
★★★★★★★★★★★★★
منار بفرحه و هي ممسكه بهاتفه : يا ماما….شوفي كده…فستان الفرح ده احلى و لا التاني؟؟
كريمه : ده منفوش اوي…ف أوس كده مش هيعرف يقف جمبك….فخليكي في التاني احسن
منار بفرحه : تمام….هحجزه
كريمه : انا متأكده انك هتكوني قمر في اليوم ده
منار : بس يا رب ييجي اليوم ده…..هي وعد عامله ايه؟؟
كريمه : معرفش..بقالي كتير اوي مسألتش….و بعدين ده خامس يوم يعني….ف فرج ربنا قرب ييجي اهو
منار : طب ما تتصلي بيه كده
كريمه بضحك : من عينيا…..استني لما اتقمص الشخصيه
ثم اتصلت به…
كريمه بحزن : عامل ايه يا حبيبي؟؟….بقالك خمس أيام مبتجيش البيت….هو في حاجه حصلت؟؟
اوس : لا مفيش….انا هاجي قريب ان شاء الله
كريمه : هي وعد عامله ايه؟؟
اوس : الحمد لله كويسه….فاقت و اتكلمت معايا….تكلميها ؟؟
قامت كريمه بفتح الاسبيكر لتسمع منار…
كريمه : آه يا حبيبي….خليني اكلمها
وعد : الو
كريمه بسعاده مصطنعه : حبيبتي…الف سلامه….ان شاء الله اللي يكرهوكي ( يا رب ???????????? )
وعد : الله يسلم حضرتك
كريمه : تمام يا حبيبتي…انا مش هطول عليكي علشان انتي تعبانه….يلا باي
ثم قامت بغلق المكالمه…
منار : هو ده اللي فرج ربنا قريب؟؟…..دي زي القرده
كريمه بغضب : دي ماسكه فيه بإيديها و سنانها
★★★★★★★★★★★★
يوم الفرح..
اوس و هو يرقص مع وعد : تعرفي انك قمر النهارده
وعد و هي تضحك : تعرف انك چنتل اوي النهارده
و بعد الفرح و الكثير من الزغاريط و الرقص…ذهبوا إلى بيتهم…
و اول ما صعدوا إلى البيت..قامت منار بطرق الباب..
منار بإبتسامه : اتفضلوا العشا
اوس : شكرا
★★★★★★★★★★★
في الصباح الباكر..
منار جلست تطرق الباب..
وعد : في ايه؟؟
منار : يلا انزلي عشان تعملي الفطار معايا
وعد : الصبح بدري كده؟؟
منار : ايوه
وعد : تمام…جايه
ثم نزلت وعد و منار المطبخ…
و بدأت وعد تجهز الفطار و جلست منار تعطي لها الإرشادات..
منار : حطي طحينه على الفول اوس بيحبها اوي……زودي الملح في البيض اوس مبيحبهوش دلع….خلي الطعميه مقرمشه اوس مش بيحبها طريه….حطي معلقتين سكر في الشاي…و إلخ
و عندما انتهت من تجهيز الفطور…صعدت ل اوس..
وعد : اوس…يلا اصحى
اوس : ايه اللي مصحيكي بدري كده؟؟
وعد : منار خبطت و قالتلي اعمل الفطار
اوس : بس بدري برضو
وعد بضحك : عادي….. الصحيان بدري كله فوايد
اوس : تمام…يلا ننزل
على الطاوله الجميع كان يأكل..
منار : ايه رأيك في الأكل؟؟…وعد هي اللي عملاه
اوس : جميل….تسلم ايديها
منار : بس طبعا تحت اشرافي….ده لولايا مكانش الاكل هيبقى حلو كده
وعد بإبتسامه خفيفه : طبعا طبعا
★★★★★★★★★★★★
منار : انتي متكلمتيش ليه النهارده؟؟….انا كنت مستنياكي تنصفيني زي كل مره
كريمه : محمد الله يرحمه وصاني اني مليش دعوه بيهم نهائي و اني مجبرش اوس على حاجه ابدا….فأنا مهدلك الطريق اهو…الدور و الباقي عليكي
عندما بدأ اوس و وعد الذهاب للعمل..
وعد : انزل طيب….و انا هجيب المفاتيح و جايه
اوس : تمام
اوس كان ينتظر وعد…
منار : رايح الشغل؟؟
اوس : آه
منار : اومال وعد فين ؟؟
اوس : بتجيب المفاتيح و نازله
ثم سمعت منار باب شقة اوس يُغلق…
منار بخبث : اعدل الياقه بتاعتك
اوس بإستغراب : معدوله
منار بخبث : استنى
فقامت بتطويل نفسها ( شبت يعني???? ) و وضعت يداها الاثنين حول رقبته بحجه تعديل الياقه..
فنزلت وعد..
وعد بغضب : يلا عشان نتأخر و لا ايه ؟؟
منار : انا بس كنت بعدله الياقه
وعد لم ترد عليها و قالت : يلا يا اوس
و عندما ركبوا السياره معا..
وعد بغضب : احكي
اوس بإستغراب : احكي ايه؟؟
وعد بغضب : اللي حصل الصبح
اوس بقلق : طب اركني على اي جنب طيب لأحسن خايف من تهورك ده
فقامت وعد بما طلب اوس منها..
وعد : اتفضل…اديني ركنت
اوس : الياقه مكانتش معدوله فعدلتهالي…انا مش عارف انتي مأزمه الموضوع ليه
وعد : يعني انت شايف أن الموضوع تافه ….و انا اللي مدياه اكبر من حجمه صح؟؟
اوس بتوتر : انا قولت كده؟؟….انا مقولتش كده خالص
وعد بغضب : ماشي يا اوس
اوس : اهدي بس و سوقي براحه…انا غلطان اني جيبتلك عربيه جديده
★★★★★★★★★★★
بعد عام…
كريمه بفرحه : يا منار…..انتي يا بت
منار : ايه اللي حصل؟؟
كريمه بفرحه : جيلك حتة عريس….إنما لقطه….فلوس ايه…و شكل ايه…و لبس ايه….لا لا بجد يا بختك
منار بفرحه : انا عايزه اشوفه…شوقتيني اوي
كريمه : انا قولتله ييجي بكره…عشان نتعرف عليه و نحط شروطنا….الواد باين عليه انه شاريكي
منار بفرحه : يا رب يا ماما يتمم على خير
كريمه : ان شاء الله
اليوم التالي…
وعد : يلا يا منار البسي بسرعه..الراجل مستنيكي بره
منار : حاضر حاضر
ثم خرجوا…
كريمه : دي منار
أحمد و هو يسلم عليها : ازيك
منار بكسوف : الحمد لله
كريمه : و دي وعد مرات اوس
أحمد و هو يسلم عليها : اتشرفت
و لكنه كان يضغط على يدها بطريقه غريبه..فقامت بسحب يدها بسرعه و دخلت المطبخ لإحضار العصير
أحمد : انا بشتغل في الكويت…بس انا يعني نزلت عشان العروسه…..و اكيد لما نتجوز هنقعد انا و هي في الكويت هناك
كريمه : آه طبعا و ماله….انت بسم الله ماشاءالله يعني معاك فلوس و كده…بس اهلك فين؟؟
أحمد : متوفيين
كريمه : الله يرحمهم يا رب
أحمد : يا رب…..بصي هو انا موافق على اي حاجه انتوا هتقولوها ….ف يلا نقرأ الفاتحه
كريمه : يلا نقرأ الفاتحه
تفاجأ اوس من سهولة و سرعة انتهاء المواضيع دون أي مجادلات..
عندما ذهب العريس و وقفت منار و وعد بجانب بعضهما في المطبخ..
وعد : منار…عايزه اقولك على حاجه
منار : قولي
وعد : انتي حاسه ان احمد ده كويس؟؟
منار : آه….ده معاه فلوس ده غير أنه بيسافر
وعد : هي مش بتتقاس بالفلوس و لا بالسفر…انتي شايفه أن شخصيته كويسه؟؟
منار : ايوه عادي….في ايه؟؟
وعد : اصل و هو بيسلم عليا داس على أيدي جامد…و بعد كده روحت لاقيته بيضحكلي….فأنا مش شايفاه أنه احسن حد يعني
منار : بصي يا وعد…انا سيبتلك اوس اهو رغم انك اخدتيه مني….سيبيلي احمد بقى….سيبيني افرح على الأقل
وعد : انتي بتقولي ايه؟؟…انتي اكيد فهمتيني غلط
منار : غلط بقى و لا صح….انا هخليني في حالي و انتي تخليكي في حالك
★★★★★★★★★★★★★★
بعد أسبوع…
وعد بفرحه : انا حامل
سناء : ده بجد و لا هزار؟؟
وعد بفرحه : ده جد الجد
سناء بسعاده : مبروك يا يا حبيبتي….لو ولد سميه عمار على اسم جده
وعد : و لو بنت؟؟
سناء بضحك : لا خلي اوس بقى هو اللي يختار
وعد : بس انا هقعد عندك و لما يتصل قوليله تعبانه ..بصي قوليله اي حاجه…اهم حاجه ييجي و انا أفاجئه بقى
★★★★★★★★★★★★
اوس : منار حامل !!!!…ده ازاي يعني؟؟
كريمه : مش وقت دهشه هو….البت هتعمل في نفسها حاجه….اتصرف
اوس : اتصرف ازاي يعني؟؟
كريمه : اتجوزها….اتجوز منار يا اوس
★★★★★★★★★★★★★
بعد يوم..
وعد بقلق : هو متصلش ليه لحد دلوقتي…. المفروض كان يكلمني امبارح بليل عشان اتأخرت….ممكن يكون تعبان و لا حاجه….انا هروحله
سناء : تبقى طمنيني ها؟؟
وعد : تمام
عندما وصلت وعد…
أدخلت وعد المفتاح و لكن الباب لا يفتح…
ثم فتحت كريمه الباب..
كريمه : احسن برضوا أن انتي جيتي….امسكي شنطة هدومك اهي متوضبه من امبارح….و يا ريت مشوفكيش هنا تاني
يتبع..
لقراءة الحلقة الرابعة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية ظلام الرعد للكاتبة فاطمة عيد.
