رواية عشقها الأسد الفصل الثالث عشر 13 بقلم أسماء محمد

احمد بصدمه ، ايه في مستشفى ايه انا جاي حالا

اسد بخوف.، في ايه يا احمد 

احمد بقلق.، مش عارف مش عارف لازم نمشي دلوقتي ونروح المستشفى حالا يلا 

كلهم خرجوا وركبوا العربية وكلهم في عربيه واحده احمد بيسوق باقوي سرعه عنده 

ايمن .، احمد اجري اكتر 

اسد بخوف .، مين الي في المستشفى ومين اللي مات 

احمد بتوتر.، مش عارف انا لقتهم بيقولوا انتي احمد سليمان وقالوا إن اخر رقم اتصل بيك رقم يارا اختي وهي في المستشفى ومعاها وحده وفي عربيات ضربوا عليهم نار والاتنين في العنايه المركزه

معتز .، مين الاتنين يعني وحده يارا والتانيه مين والتالته فين 

احمد بزعيق .، معرفش يا معتز معرفش 

في خلال دقايق كانوا وصلوا المستشفى كلهم ونزلوا جري علي الاستقبال لدرجه انهم سابوا باب العربيه مفتوح 

اسد بلهفه .، لو سمحت في بنتين جم هنا من دقائق وتقريبا مضروبين بالرصاص 

الاستقبال.، اه يا فندم في غرفه العمليات رقم 12 علي طول الدور الثاني

اسد وهو بيجري هو والشباب .، شكرا 

الشباب مش مستنين الاسانسير وطلعوا علي السلم ووصلوا غرفه العمليات 

في العمليات عند ياسمين

الدكتور.، أخرج هات كيس دم بسرعه فصيله A سلبي 

الممرضه  خرجت جري تجيب كيس الدم 

الدكتور .، نازل ليا المشرط الدكتور خد المشرط وبيطلع الرصاص من ياسمين 

في العمليات عند يارا 

الدكتور .، بسرعه النزيف بيزيد هاتوا القطن 

الممرض بيناول القطن للدكتور وحاله يارا بتسوء اكتر من الاول وضربات القلب في النازل 

الممرضه بتبص علي جهاز القلب.، دكتور القلب بيقف 

الدكتور .، هاتي جهاز الصدمات بسرعه 

الممرضه بتجيب الجهاز 

والدكتور بيحاول يرجع نبض 

الدكتور ، دي واخده اكتر من خمس رصاصات ربنا يستر نحاول تاني 

الدكتور .، زودي الفولت مافيش استجابه للقلب حاول مره واتنين وتلاته مافيش استجابات

الدكتور بقطع الامل .، مافيش امل 

عند الشباب 

لما الممرضه خرجت الشباب جريوا عليها 

اسد .، ايه في ايه ومين جوه وحالتهم ايه 

الممرضه .، بعد اذنك سيبني دلوقتي علشان الحق المريضه قبل ما تموت بكيس الدم 

احمد .، طب هي مين طيب 

الممرضه .، حضرتك انا معرفش حاجه بعد اذنك و سابتهم ومشيت 

ايمن بغضب .، اعااااااااااااااا ليه كدا وفين والتالته 

كل واحد مش قادر يقف علي رجله 

الممرضه جابت كيس الدم ودخلت 

في العمليات عند ياسمين

الدكتور .، حالتها مستقره فاضل رصاصه 

الممرضه .، اتفضل يا دكتور 

الدكتور .، علقيه بدل الكيس الي خلص 

الدكتور بيطلع الرصاصه والممرضه بتعلق كيس الدم 

في البيت عند يارا

سناء بعياط .، قلبي واجعني اوي يا سليمان مش عارفه ليه خايفه ومخنوقه اوي 

سليمان بهزار .، طبعا ماهو علشان بنتك هتتجوز 

سناء .، طبعا انت فرحان علشان هتتجوز 

سليمان.، دي سنه الحياه يا حببتي يلا اجهزي علشان نروح نيجيب البنات من الكوافير ونعدي علي الشباب 

سناء بضحك .، ههههه ماشي يا اخويا ساعه واجهز

سليمان. ،ساعه اممممم انا كده عرفت طيب لما 3ساعات تخلص نادي 

سناء.، بره يا بابا بره 

سليمان. ،ربنا علي الظالم والمفتري ههههه

في المستشفى

في العمليات عند يارا

الدكتور .، للاسف مافيش امل

الممرضه بطيبه .، نجرب تاني يا دكتور 

الدكتور .، طيب زودي الفولت 220

الممرضه .، طيب يا دكتور

الدكتور 1.2.3

مافيش اي استجابات 

الدكتور .، خلاص مافيش امل لا حول ولا قوه الا بالله

الممرضه غطت وش يارا بالملايه 

الدكتور خرج 

عند الشباب

احمد بعياط .، يارب يارب اختي يارب 

معتز .، هتبقي كويسه أن شاء الله 

اسد وايمن مش عارفين مين التانيه ولا التالته فين 

الدكتور خرج من عند يارا وعلي ملاحمه علامات الاسف والحزم

كلهم جريوا عليه 

اسد بلهفه .، خير يا دكتور 

الدكتور بأسف .، انا اسف البقاء لله

احمد .، انت اتجننت وبعدين عايزين نعرف هي مين انطق 

الدكتور .، ممكن تخشوا جوه تتعرفوا عليها 

ايمن .، طب والتانيه 

الدكتور.، مش عارف انا مسئول عن واحده ربنا معاكوا 

الكل بأعصاب سايبه دخلوا اوضه يارا

الممرضه كانت بتلم الحاجه وتخرج من الاوضه 

معتز .، حد يشيل الغطاء انا مش قادر امسك نفسي 

اسد بيحاول يستجمع نفسه .، انا هشيله 

اسد بيقرب أيده علشان يشيل الغطاء من علي وشها 

اسد بيشيل الغطا واول اما شالوا الكل في صدمه وفي نفس واحد وحتي اسد .، يارااااااااااا

في العمليات عند ياسمين

الممرضه .، دكتور القلب بيقف

الدكتور بسرعه.، هاتي جهاز الصدمات بسرعه

الدكتور بيحاول ينعش قلب ياسمين القلب في النازل 

الدكتور.، اخر مره لو القلب مش استجاب تبقي دخلت في غيبوبة لان اعراضها واضحه 

الدكتور بيحاول اخر مره 

القلب مافيش استجابات لجهاز الصدمات 

الدكتور .، خلاص مافيش امل دخلت في غيبوبة ربنا يصبر اهلها وقال للمرضه

الدكتور .، انقليها غرفه عاديه 

الممرضه .، تمام 

عند الشباب 

احمد واسد اول اما شافوا جثه يارا وقعوا علي الأرض من الصدمه 

ايمن بغضب وحزن .، يا ابن ******هو مين وليه بيعمل كده 

احمد قام تاني ولسه في حاله صدمه ومافيش دمعه واحده

احمد .، لالا يارا حببتي قومي يلا قومي وانا والله مش هرخم عليكي تاني ومش هرش عليكي مايه تاني قومي يا حببتي وبيهز فيها وبصوت عالي يارااااااااااا ردي عليا حرام عليكي ماتسبنيش كده يارا انا احمد طب قومي وانا اخليكي تقولي حمحم تاني يلا مش انتي كان نفسك في الاسم ده علشان تقوليه ليا يلا قومي وبدموع قومي يا قلب اخوكي طب اقولك علي حاجه انا عرفت انواع الميك اب كله قومي بقا 

اسد لسه في صدمه علي الأرض ومعتز وايمن بيعيطوا 

اسد فاق .، ي ي يارا ياسمين ريم ريم ريم فين ريم وقام خرج وايمن راح وراه ومعتز فضل مع احمد 

احمد . ،هي وحشه يا معتز وبيمسح دموعه وحشه اوي علشان سابتني انا مش هكلمها تاني ليه كدا ليييييييه وبيعيط 

معتز بيعيط وواخده في حضنه . ، وحد الله يا صاحبي وحد الله 

عند ياسمين 

اسد راح غرفه العمليات لقها فاضيه 

اسد وايمن في صوت واحد. ،هي فين 

وبعدين لقوا ممرضه 

ايمن .، لو سمحت الي كانت هنا فين

الممرضه بأسف .، دخلت غيبوبه ونقلنها من اوضه العمليات لغرفه رقم50

اسد وايمن جريوا علي رقم الاوضه 

اسد بيفتح الباب بخوف اوي وايد بتترعش 

ايمن .، استني هفتح انا 

اسد رجع لورا لانه اصلا مش قادر يمسك نفسه من موت يارا 

ايمن فتح الباب وهو مغمض عينيه ولما فتح الباب اصدم 

اسد شافوا واقف 

اسد بخوف .، ايه ابعد كده وبعد ايمن من علي الباب 

اول اما اسد دخل اصدم لما ياسمين علي السرير ومتوصله بالاجهزه 

اسد بص علي ايمن لاقه لسه واقف مكانه 

اسد .، ايمن فوق واحمد ربنا انها عايشه ايمن انا مراتي ماتت واختي معرفش هي فين 

ايمن فاق .، اسد ي ي ياسمين وراح عندها 

اسد .، انا هسيبك لوحدك 

اسد ساب ايمن وراح عند احمد 

في البيت 

سليمان بصدمه .، ايه ماتت وقام واقع علي الكرسي 

سناء .، يلا يا 

سناء .، ايه مالك في ايه

سليمان بيبص ليها وعينه فيها دموع .، ماتت

سناء بقلب خوف وضعيف .، مين الي ماتت

سليمان.، ي ي يارا 

سناء طبت ساكته علي الأرض 

سليمان جري عليها وخدها وداها علي المستشفى الي فيها يارا وياسمين

في المستشفى

اسد دخل الاوضه 

معتز .، مين الي هناك 

اسد .، ياسمين بس في غيبوبه اسد سابه وراح عند يارا جمب احمد من الناحيه التانيه

اسد بتوهان .، يارا تعرفي انا اول اما شوفتك حبيت فيكي كل حاجه جراتك قوتك بس كنت خايف عارفه من ايه وليه كنت خايف من اليوم ده خايف تروحي مني بس انتي عايشه مش ميته يلا قومي دا حتي النهارده الفرح ولا انتي خايفه قومي وريني فين قوتك 

احمد قاعد علي الأرض جمب السرير وسرحان لفقدان أخته 

معتز قرب من اسد 

معتز .، مينفعش كده حرام عليك سيبها 

اسد بعصبيه .، ابعد عني سامع ابعد هي عايشه عايشه والنهارده الفرح كمان ريم كويسه وياسمين كويسه بس هما عايزين يخوفونا بس 

سليمان.، ابعد عنها يا اسد انت محرم عليها دلوقتي

احمد فاق علي صوت أبوه 

وقام جري حضنه وبيعيط 

احمد .، بابا يارا اختي مشيت ليه بابا مش هي بتحبك وبتسمع كلامك والنبي قولها تقوم 

سليمان بدموع .، قضاء ربنا يا ابني قضاء ربنا

احمد .، هي ماما فين 

سليمان بحزن .، اول اما عرفت الخبر جالها سكته قلبيه بس الحمد لله الدكاتره لحقوها اومال ريم و ياسمين فين 

معتز .، ياسمين في غيبوبه وريم محدش يعرف عنها حاجه

في مكان ما مهجور هناك شخصان مربوطين علي الكرسي وعلي بقهم لزق طبي بس عينيهم مفتحه 

الشخص الأول .، اممممممم اممممممم 

الشخص التاني بعياط .، اممممممممم ..