Uncategorized

رواية وعد سليم الحلقة الثالثة عشر 13 بقلم تيسير محمد

  رواية وعد سليم الحلقة الثالثة عشر 13 بقلم تيسير محمد 

 رواية وعد سليم الحلقة الثالثة عشر 13 بقلم تيسير محمد 

 رواية وعد سليم الحلقة الثالثة عشر 13 بقلم تيسير محمد 

بعد ماخلص الاجتماع.

سليم وهو بيقف :

تمام انا همشي كده.

يحيي :

طيب واحنا كمان جايين معاك يالا ي شروق.

شروق بتوهان :

اه ماشي يلا بينا.

سليم حس ان شروق فيها حاجه بص ليحيي وبعدين اتكلم :

هسبقكوا تحت.

وسابهم وخرج وشروق جايه تخرج بعديه يحيي مسكها من دراعها :

ايه ياحبيبتي مالك؟

شروق بابتسامه مخادعه :

لا ابدا انا كويسه اهوه.

-حسيتك في الاجتماع ده في حاجه.

-لالا ممكن اجهاد من الشغل مش اكتر.

يحيي حط ايديه الاتنين ع وشها وبحنان قال :

بصي ي قلبي لو في اي حاجه قوليلي مهما تكون ماتنسيش انك بقيتي مراتي يعني بقينا واحد اتفقنا.

شروق ببسمه صدق :

ربنا يخليك ليه.

-ويخليكي ليا ياعمري.

بصوا لبعض شويه بحب كده  وبعدين تنحنح:

احم احم طب يلا بينا من هنا عشان الشيطان ثالثنا .

– ههههههه يلا.

وهما ماشين

يحيي :

تصدقي البت وعد وحشتني.

-وانا كمان اوووي ،بفكر اخدها عندي يومين انتي ايه رايك.(وحط ايده علي كتفها)

-هههه وانا بقول كده بردو.

—————————-

يوسف ونور بيتماشوا مع بعض بليل

-ها ياستي وبعدين.

نور وهي بتمثل بايديها كده وبتحكي باندماج :

بس ياسيدي قومت مسكتها من شعرها ووقعتها ع الارض وهاتك ياضرب بص ماعتقتهاش.

-ههههههه يخرب عقلك.

نور بتفاخر :

مش قولتلك بعمل اكشن ماصدقتنيش.

-ههههههه خدت بالي

نادهته زي الاطفال وهي بتشاور :

يوسف يوسف يوسف يوسف،عايزه ايس كريم من المحل الي هناك ده.

-هههه عيونه حاضر،استني هروح اجيب واجي

اشطا.

مشي خطوتين.

ندهتله وهو لفلها وبردو بتشاور بايديها :

يوووووووسف،مانجا كتير وشكولاطه اكتر  وبتبظظظظ كده ها.

-بتبظ هههههههه حاضر ي ستي.

وراح يجبلها.

قعدت في مكان قريب مستنياه.

-الله ايه القمر الي قاعد ده.

-ممكن نعاكس يقمرايه.

قامت وقفت مره واحده بخوف .

——————————-

-هههههههههه ياخرابي عليكي ياوعد في كده فظييبعه.

قالها يحيي وهو قاعد مع وعد وسليم وشروف .

وعد بفخر :

تسلم ي برننس.

شروق بتمدح في صاحبتها :

لا مايغركش انها مزه كده لا دي توديك البحر وترجعك عطشان.

سليم بسخريه :

اهااا خدت بالي انها نصابه كبيره بس مش جديد عليها من وهي بيبي كده.

وعد بغضب خفيف :

ايه ي خفيف منك ليها له مش هبقي حديث القعده انا وبعدين هو احنا مش قاعدين عشان نحدد معاد فرح البهوات،ايه هتعملوه امتي؟

يحيي حط رجل ع رجل بفخر كده وحط دراعه علي ضهر المقعد الي قعده عليه شروق :

والله انا من رأيي يبقي بعد اسبوع ولا ايه ي شوشو.

وعد رفعت حاجب واحد :

طب ماتخليه بكره احسن ليه التاجيل.

يحيي وهو بيبص لشروق بهيام :

ياااااريت.

وعد وهي بتهوشه كده :

ياريت في عينك هو بعد شهر.

يحيي بصوت عالي :

نعم؟!شهر ايه يامو شهر انتي .

وعد رجعت بضهرها وقعده بارياحيه وحطت رجل علي رجل :

هو كده ولو كان عجبك.

-بأماره ايه يعني تحددي انتي.

ردت بثقه وهي ليه علي وضعها :

اختك واختها في مانع.

سليم بيبصله جامد :

ولاااا !! وعد يتقالها حاضر وبس .

يحيي بستسلام :

أمري لله.

سليم بص لعصام لقاه ساكت :

ساكت ليه يابابا،انت وطنط منال كده؟

عصام باحراج شويه :

احم ابدا في موضوع كده عايز اكلمكوا في.

سليم باهتمام :

اتفضل.

جاوب بتوتر :

بصراحه يعني …احم انا ومنال قررنا نتجوز.

الكل اتصدم …. ردوا بصوت واحد :

نعم؟؟!

——————————

نور قامت وبعلو صوتها :

بقولك ايه منك ليه اتكلوا ع الله لاما مش هيحصلكوا طيب.

-والله ياقمر اشك انك بتعملي حاجه غير الطيب.

ايد خبطت علي كتفه من ورا لف يشوف مين لقي بتاعه ايس كريم لزقه في وشه.

ده طبعا كان يوسف،هما كانوا اتنين.

اده للي لزق ف وشه الايس كريم بالبوكس.

والتاني كان هيضرب يوسف،بس هو ضربه بوكس بردو.

فجأه الاولاني اداله بالسكينه في دراعه.

نور وهي حطه اديها ع وشها بخضه:

يوسف.

يوسف بصلها وقال لنور :

اهدي مافيش حاجه.

وبعدين بص للواد الي عوره :

كده تعورني ترضيهالك يعني طب تعالي بقي.

وضربه وبعد ماحسوا انه هيغلبهم جريوا.

نور راحتله بعياط ومسكت دراعه :

اهدي اهدي دي تعويره صغننه.

نور بعياط وبتنقل عينه من ايده لوشه :

انا اسفه.

-يابت اسفه ايه اصل الي يجي ع المدام يبقي حكم ع نفسه بالاعدام.

ضحكت.

يوسف ضحك هو كمان :

ايوه كده اضحكي .

راح حط ايده علي كتفها ومشيوا.

يوسف بكوميديا وطريقه محمد رمضان :

حسيت نفسي الاسطوره ف نفسي كده.

نور واثر الدموع ف عنيها :

ههههههه اه اوي.

-شوفتي الشكولاطه الي بتبظ باظت خااالص.

ههههههههههه

كمل بكوميديا بردو :

ياتري هنلاقي عند الراجل تاني واحده بتبظظظ.

وضحكوا هما الاتنين وهما ماشيين.

——————————-

-ماردتوش يعني؟

قالها عصام للاربعه الي متنحين اودامه.

سليم بهدوء ومنطقيه :

والله يابابا مش هنقدر نقولكوا حاجه بس مش ملاحظ ان…..

عصام قاطعه :

كبار ع الجواز عارفين،بس يابني كل واحد فيكوا شاف حياته واحنا الي بنبقي قاعدين لوحدنا وشنا في وش الحطان.

منال بسرحان :

لما عصام عرض عليه رفضت،بس بعدها وافقت بعد مافكرت وبعد ماهو قالي وجهه نظره الدنيا تلاهي واحنا بنكبر،والوحده وحشه اينعم انتوا معانا ربنا يخليكوا بس بردوا هنقعد لوحدينا طب وعلي ايه نقعد احنا الاتنين مع بعض نخلي بالنا ع بعض نسلي وقتنا كده.

سليم حس انه ممكن لو رفض يظلم ابوه هما عندهم حق هز راسه باقتناع وموافقه.

شروق وقفت باعتراض :

بس انا بقي مش موافقه.

عصام بهدوء تفهم وضعها :

ليكي حق بس ليه لا يابنتي؟

شروق بغصب :

معقوله ياماما قدرتي تنسي بابا حبعمرك؟

لسه منال هترد ،سمعوا صوت يوسف :

احنا جينا في وقت غير ملائم ولا ايه؟

الكل اتلفتلوا هو ونور.

وعد بتخبط علي قلبها بخضه :

يالهووووي مال ايدك؟

يوسف بص لنور :

هههه ابدا كله بسبب الشكولاطه الي بتبظظظ.

وعد بتبص لنور بنظره مش مريحه :

بتبظ؟اممممم ايه الي حصل ي نوووور.

نور وهي بتقعد يوسف:

هنحكلكوا ع كل حاجه بس ثانيه هجيب علبه الاسعافات واعقم الجرح واجيلكوا وراحت تجيب العلبه وجت تعقمله الجرح.

سليم قام :

ممكن ياشروق كلمتين انا وانتي بره؟

شروق بصت ليحيي باستغراب فهزلها راسه بمعني موافق فخرجت معاه.

يوسف خض الكل :

اعااااا براحه ياماما انتي عايزه تبظيلي دمي ده مش شكولاطه ده.

—————————-

-يا سليم انا صعبان عليا انها نسيت بابا.

سليم بيحاول يقنعها :

بباكي مات وهي عايشه ،تفتكري ليه ماتجوزتش طول الفتره دي بعد مامات عشانك ،طب دلوقتي ليه فكرت عشان انتي هتتجوزي ….فكري فيها انتي كده حرام عليكي انا مش هقول عليكي انانيه بس دي حاجه غصب عنك ،خليها تعيش حياتها براحتها مامتك لسه صغيره مش كبيره ٤٣ سنه ،هتفضل قاعده باقي حياتها لوحدها خلتك تعيشي حياتك عيشيها حياتها.

وسابها ومشي بس هي وقفته :

استني انا داخله معاك.

——————————–

-هتتجوز اشطا انا موافق عادي علي راحتك ياحاج.

دخل سليم :

بعد شهر من دلوقتي فرح يحيي وشروق ويوسف ونور.

شروق:

وماما وعمو عصام.

تفاجأ الجميع بقرارها.

وعد بصت  لسليم وابتسمت له ابتسامه امتنان.

——————————-

-انا عايزه بكره خبرها وماتخافش هسهلك دخولك الشركه.

قفلت التليفون واتكلمت بغل :

اما وريتك مابقاش انا نورهان.

—————————

تاني يوم.

كان بيلبس علشان يبدأ يومه ، كان واقف اودام المرايه بيسرح شعره …. الباب خبط :

ادخل.

حس بصوت كعب جذمه حريمي.

بص علي مصدر الصوت ورفع عينه واحده واحده ببطىء لحد ماوصل لوش صاحبه الكعب :

وعد؟!

كانت واقفه بكامل اناقتها وبدله كلاسك مناسبه للعمل  وابتسامه ولهجه رسميه اتكلمت :

ايوه يافندم وعد.

سليم بصلها باعجاب ، بس اظهر استغرابه :

انتي لبسه كده ليه؟

رجعت لطريقتها تاني :

يالهوي انت نسيت ياسليم.

ساب الي في ايده وقرب خطوه منها وهي بعدت وقال بحب :

يالهوي انتي علي سليم دي.

ابتسمت ونزلت نظرها في الارض بخجل.

سليم لف بعينه حوليه بيتوه :

احم يارب رحمتك،المهم انا قدمتلك انتي ونور في كليه التجاره انتي هتبقي في تانيه وهي في اولي لان انتي كنتي دبلوم خمسه وهي ثانوي عام.

اطنطت بفرحه وفجأه حضنته من غير ماتحس :

شكرا ياسليم بجد شكرا ليك اوووي مش عارفه اقولك ايه ربنا يخليك ليا.

اما هو كان في عالم تاني فضل حضنها وفوقها بكلمته :

وحشتيني اوي ياوعدي.

فاقت وحست بنفسها ،مش عايزه تخرج من حضنه هو وطنها وامانها بس لازم تخرج،حس انها بتسحب نفسها ففاق وبعد هو كمان.

سليم اتكلم بهدوء :

تمام بما انك لابسه كلاسيك كده يبقي جايه الشعل صح؟

وعد بابتسامه واسعه :

اينعممم.

سليم :

تمام يلا بينا بقي نروح مع بعض.

وعد بخيره :

صحيح هو انت هتشغلني ايه؟

سليم تخطاها ومشي اودامها برسميه بلهجه رسميه جدا وامره :

سكرتيرتي ورايه بسرعه.

وعد في سرها :

بسم الله الرحمن الرحيم،ده بيتحول ولا ايه؟

-سامعك ويلا.

راحت جريت بطريقه كوميديه لبره الاوضه.

——————————-

في الفرع الخاص بيحيي.

كان واقف بره مكتبها وبيراقبها ومبسوط بكده كانت جميله اووووي ،جه بتاع البوفيه وحطلها العصير ومشي.

كانت لفه بالكرسي وضهرها للباب.

اتسحب ودخل من غير ماتحس ،مسك كوبايه العصير وشرب منها لفت لقته بيشرب من العصير اتخضت :

يالهوي خضتني انت بتعمل ايه.؟

نزل الكوبايه ع المكتب :

بشرب من العصير عشان لما تشربي منه ورايه تجري ورايه.

شروق وهي لسه قاعده وحطت رجل علي رجل وبتشاور بصوباعها :

نعم انا اجري وراك انت ليه؟

نزل لمستواها وبقي وشهم في وش بعض :

عشان انتي بتحبيني عشان باين كده في عيونك،علشان انتي مراتي وحبيبتي وانا بحبك وهفضل احبك (وغمزلها)

هي توترت وفضلوا يبصوا لبعض ،فجأه حست ان ملامح وشه بتتغير وهو بيتوجع بصمت.

شروق بقلق وهي بتقرب منه :

يحيي انت كويس؟

يحيي مسك بطنه :

مش عارف حاسس ان بطني بتتقطع.

قامت فجأه :

يالهووي طب طب تعالي اقعد هروح اجيبلك نعناع ولا حاجه.

حست ان نفسه بيروح وجسمه بيرخي وهو قعد بركبته ع الارض وهي قعدت معاه.

بتضربه علي وشه براحه عشان تفوقه :

يحيي يحيي قوم ياحبيبي في ايه؟

فجأه فقد وعيه علي كتفها.

-يحيييييييي.

—————————–

وعد راحت الشركه مع سليم ودخلت مكتبه،وهو قعد يفهمها نظام الشغل ايه.

دخل عليهم يوسف ونور.

سليم باستغراب :

اده ايه الي جابكوا؟

يوسف بحماس وهو رايحله وابتسامه عريضه :

عايزين نشتغل.

-طب انت ماشي نور ليه؟

قعدت اودام وعد :

عاتشي عايزه اشتغل واهي خبره ليا وانا بدرس.

سليم وهو قاعد بارياحيه وبيهز الكرسي وبيلعب بالقلم :

كنت عامل حساب اليوم الي تيجي تشتغل معايا فيه مكتبك جاهز.

وعد :

وياتري هتشتغلي ايه حضرتك؟

يوسف وهو وبيعدل بدلته بفخر :

سكرترتشي.

وعد بضحك عليه :

سكرترتشك؟ههههه هو ايه حوار السكرترات ده؟

سليم بيشاورلهم بالقلم :

امري لله علي مكاتبكوا وهبعت حد يفهمكوا الشغل.

يوسف :

تمام يلا نوري.

نور :

هتكلم مع وعد واجي وراك.

يوسف:

اوك.

يوسف خرج ولقي الي بتجري عليه وتحضنه :

جووووو وحشتني.

يوسف في سره :

يانهار مش فايت.

-والله !!

لفوا لمصدر الصوت لقاه نور الي اول مافتحت المكتب لقت المشهد ده اودامها ووعد وسليم راحوا وراها لما سمعوا صوتها.

——————————-

-ايه؟هو الي شرب العصير،ازاي ياغبي ازاي؟

كانت بتتكلم في الفون … استنت الطرف التاني يرد عليها :

ياهانم الموضوع جه فجأه.

بعصبيه ردت :

فجأه ايه اقفل دلوقتي اقفل.

طفت السجاره الي في ايديها بغل وبتهز رجليها بتوتر :

وبعدين لا انا لازم اروح اشوف ايه الي حصل.

وخدت شنطتها وخرجت.

——————————–

-والله انتي فاهمه الموضوع غلط.

نور واقفه مابتتكلمش.

تليفون وعد رن وهي ردت عليه :

الو.

يوسف بيحاول يوضحلها الصوره :

انتي واقفه مابتتكلميش ليه؟

وعد بخضه   صوتها خلت يوسف يوقف الي بيعمله ويبصلها هو ونور :

ايييييه يحيي …احنا جايين سلام.

كله بصلها.

سليم بخضه لفها ليه :

ماله يحيي؟

وعد بعياط :

في المستشفي لازم نرحله وراحت جري وسليم وراها .

نور قربت من الي واقفه مش فاهمه حاجه :

حظك ..فلتي المرادي بس حسابك عسير.

وسابتها ومشيت ويوسف بص علي سهي وبعدين مشي ورا نور.

———————————-

سليم ووعد جريوا ع شروق  بعياط اتكلمت :

يحيي ايه الي حصله؟

شروق بعياط :

وعد معرفش شرب العصير من هنا ووقع من هنا.

سليم وكانه عرف السبب :

عصير ايه؟

شروق كلمته من وسط دموعها :

عصير جوافه كنت طلباه والعامل جبهوله بس حظه هو الي شربه.

وعد حضنت شروق :

اهدي اهدي انشاء الله هيقوم بالسلامه ،انتي مالك بتترعشي كده ليه ؟.

شروق خرجت من حضنها :

مش عارفه اصله وقع علي كتفي وانا معرفتش اعمل ايه .

سليم بهدوء بيطمنهم :

اهدي ي شروق يحيي قوي هيعدي منها.

شروق بعياط :

يارب ي سليم يارب.

وعد بتطبطب علي كتفها :

اهدي كده ويلا روحي اغسلي وشك عشان لما يقوم مايلقكيش كده.

سمعت كلامها وراحت.

لفت لسليم ومن غير مقدمات دخلت في حضنه وقعدت تعيط جامد.

احتواها جامد وفضل يطبطب عليها :

هشش اهدي ي قلبي يحيي هيبقي بخير وكويس ،يعني انتي مشتيها عشان تعيطي؟

وعد بعياط :

اعمل ايه ي سلييييم ماحبتش اوترها اكتر بس اصلا انا مت اول ماسمعت الخبر.

ذكرها للموت خلاه يشدد من حضنه ليها وبنبره خوف :

بعد الشر عليكي ي حبيبتي اوعي تقولي كده تاني ي وعد ،قولي اي حاجه الا سيره الموت دي.

فضلت تعيط.

كان عاوز يخليها تطلع من الي هي فيه وبالرغم من قلبه الي واجعه ع صاحبه وابن عمه واخوه :

ده انا امي دعيالي انهارده حضنين في يوم واحد يافرج الله.

ضحكت وبعد كده خرجت من حضنه قام سحبها تاني لحضنه :

لا تعالي هنا هو انا بقول عشان تمشي ،دي اسعد لحظات حياتي دي.

ضحكت وخرجت بالعافيه بكسوف :

بس ياسليم والله انت فايق ورايق.

يوسف ونور كانوا مرقبنهم .

نور بسعاده لاختها :

ربنا يسعدهم يارب.

يوسف بيبصلها واتكلم بنبره رجاء :

ويسعدنا احنا كمان.

كان هو واقف وراها وحط ايده ع كتفها في كلامه بس هي نطرتها ولفتله بغضب :

اياك تتكلم معايا ،انت خاين وغشاش.

يوسف :

خاين وغشاش ايه يانور،يعني لو عاوز اخونك هخونك في نفس المكان الي انتي فيه.

نور حطت ايديها في وسطها :

ياسلام ياخويا،طب ليه سبتها تحضنك بدل مانت مظلوم اوووي كده.

-والله الموضوع جه فجأه ماتوقعتش حضنها ده.

بنرفزه ردت عليه :

لا مايكولش معايا الكلام ده تلاقي الموضوع علي هواك روحلها بقي وشوف مين هيتجوزك.

مسكها وخلاها تبصله وكلمها بغضب :

نعم ي اختي بصي اي خلاف مابينا مالوش علاقه بجوازنا انا هتجوزك بالذوق بالعافيه هتجوزك،اعملي الي تعمليه هتجوزك.

نطرت ايده من عليها واتكلمك بصوت عالي :

ابقي شوف هتخليني اتجوزك ازاي.

وسابيته ومشيت راحت لوعد.

يوسف لنفسه وبتحدي :

ماشي ي نور اذا كنتي انتي مجنونه انا اجن من امك.

وراح لسليم.

———————————

شروق وهي راجعه من الحمام لقت في وشها علي الباشا حاولت تتجاهله بس هو اعترض طريقها :

ايه ي شوشو مافيش لاسلام ولا كلام كده.

شروق بابتسامه صفرا حاولت تتكلم برسميه :

ازي حضرتك ي فندم؟

علي بنظره مقززه وابتسامه فرحه :

كويس لما شوفتك.

شروق وهي بتستعد عشان تمشي :

يارب دايما عن اذنك.

وجايه تمشي مسك ايديها راحت نطرت ايده

شروق اتكلمت بزعيق :

هو في ايه؟

-مش ناويه تحني؟

باستغراب سألت :

احن ازاي؟

-انتي اول ماشفتك عجبتيني واوي وانا الحاجه الي بتعجبني بفضل وراها لحد مابخودها.

اتكلمت بنرفزه :

انا مش حاجه واياك تلمسني تاني وعلي الله اشوفك تتعرضلي تاني احسنلك.

وسابته ومشيت.

علي ببسمه خبيثه :

شرسه،عجبتيني اكتر وده خلي يبقي عندي دافع اكتر اني اجيبك.

وضحك ضحكه ماكره.

——————————–

وعد بقلق :

هو مافيش حد طلع ليه؟

سليم :

اهدي ياروحي اهدي خير انشاء الله؟

-سليم بيه؟

لف لمصدر الصوت اتفجأ من وجوده :

علي باشا ازيك ايه بتعمل ايه هنا؟

علي :

عرفت ان يحييي هنا قلبي عندك.

-ربنا يخليك.

وعد حاسه انها شافته قبل كده ،فضلت تدقق في وشه جامد نور لحظت.

نور:

مالك ياوعد؟

-انا حاسه اني شوفته ف حته قبل كده؟

سليم وعلي سمعوا كلام وعد.

سليم بصلها باهتمام :

انتي بتقولي حاجه؟

قربت منهم ووجههت كلامها لعلي :

هو احنا ماتقابلناش قبل كده؟

علي بعد مادقق فيها :

لا والله ماظنش.

وعد :

بس حاسه اني شفتك قبل كده.

علي:

انا لو شوفتك هفتكر انا مابنساش حاجه بس لو افتكرتي قوليلي.

وعد هزت راسها وهي بتفكر.

الدكتور طلع جريوا عليه واولهم شروق الي لسه راجعه من ساعة ماسبتهم وماخدتش بالها من علي.

شروق :

خير يادكتور؟

الدكتور:…………..

يتبع..
لقراءة الحلقة الرابعة عشر : اضغط هنا 
لقراءة باقي حلقات الرواية : اضغط هنا 

نرشح لك أيضاً رواية ليالي السهر في الجحيم للكاتبة مريم حسني.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى