رواية لأجلك الفصل الأول 1 بقلم آلاء محمد

رواية لأجلك الجزء الأول

رواية لأجلك البارت الأول

رواية لأجلك الحلقة الأولى

_ أحمد بس علي فكره إحنا مش محتاجين لفلوسك!.
_هو انتي ممكن تركبي العربيه من سُكات!
_ بس انا مش بهزر علي فكره انا هقدر اصرف ع البيت و…
_ ابوكي بيموت اركبي .
” شدني من ايدي وقفل باب العربيه وانا بحاول استوعب ال قاله هو فعلا بابا ممكن ميرجعش لينا تاني ؟! هو ايه ال وصلناله دا ليه المشاكل كِترت علينا اوي كده والشخص ال كنت بقول لو اخر واحد في الدنيا مش هيساعدنا مفيش قدامنا غيره طلبت المساعده من كل الناس وماما طلبت المساعده من أقرب الناس ليها محدش عايز يساعدنا مفيش حل قدامنا غير احمد وإلا هنخسر بابا وللأبد! ”
_ ممكن توقف العربيه انا محتاجه اشرب قهوه دماغي هتتفرتك.
_ الاء حبيبتي احنا علي الصبح قهوه ايه دلوقتي ؟
بصيتله ب استهزاء_ هو انت عبيط… هيا القهوه ليها وقت معين يعني وقف ياعم وقف .
_ يالول ، يالول لسانك ال عايز قطعه دا ..
” انا نسيت الكلمه دي ، أو نسيت الدلع دا أحمد كان قريب مننا جدا انا كنت باخده مثلي الأعلي في كل حاجه كنت بحب وجوده لحد اما بِعد عننا فجأه شاف حياته ومستقبله بدأ يسافر واحنا منعرفش عنه أي شئ ، احمد اتسبب ليا في جرح كبير وجرح عميق كمان بس في بُعده عني وعننا بدأت أنساه ، اول ما عرف بمشاكل بابا وتعبه جه ومتأخرش ثانيه واحده بس ..بس انا بقيت كارهه وجوده انا مكنتش عيزاه يظهر في حياتنا من تاني…”
_ اجبلك باتيه بالطعم البرجر ال بتحبيه ؟
_ مش عايزه حاجه مِنك .
_ طب هجبلك 3 انا عارفك بتحبيه جدا ، وكمان كيس شيبسي .
_ يابني حد قالك اني جعانه، ممكن تخليني استمتع بالقهوه؟.
بصلي وابتسم بهدوء وشاور ب إيده جمب شفايفه _ طب امسحي القهوه ال جمب بوقك دي شكلك يضحك.!
” بصتله ببرود كده وخلصت قهوتي وركبت في الكنبه ال وراه وحطيت الهاند فري وهو معلقش علي ركوبي وراه وانا مش ناقصه مُناهده والله .. وصلنا المستشفي اخيرا وطلعنا اتطمنا علي بابا وماما كانت بتعيط كالعاده قعدنا معاه شويه وحاولنا نأكله وهو كان بيحاول يبين إنه كويس بابا علي قد التعب وألالم الهو فيه إلا إنه هو علطول بيحسسنا ال كل حاجه هتكون كويسه وبخير مع إن الواقع والحقيقه بتقول عكس كده خالص لكن هو علطول بيطمنا بالكلام!”
_ تعبتك معايا يا هندسه.
_ ولا تعب ولا حاجه يا عمي إن شاءالله تقوم بالسلامه .
……………………………………
_ آلاء ممكن دقيقه انا عايزك برا!
لقيته فتح الجاكيت بتاعه وطلع منه فلوس وحطها في ورقه وطب الورقه وادهاني، انا اتردتت كتير مش عارفه اخدها ولا لأ بس احنا محتجينها.. وانا .. وانا كمان محتاجه الفلوس دي محتاجه انزل دروس من تاني امتحنات ثانويه عامه علي ألابواب وانا بقالي تلت شهور مذاكرتش أي شئ ولا نزلت دروس بصتله كتير اوي قبل ما اخد الفلوس وفي الاخر مديت ايدي وخدتها ”
_ هو انتي هتعيطي ليه يالول.. مفيش بينا الكلام دا إنتي اختي الصغيره واهلك في مسؤليتي لحد ما باباكي يقف علي رجله من تاني..
_ علي فكره انا هخلص ثانويه عامه واشتغل وادهوملك .
ضِحك _ ياولا يـ جامد ، وانا مش عايز منك اي حاجه انا عايزك بس تتجدعني السنادي عشان تفرحي اهلك وتفرحيني بنجاحك .
_ اصدك انجح عشان فلوسك النت ادتهالي دي متقعش علي الارض صح!
مِسك ايدي وأتك عليها جامد وصوته عليَ_ آلاء انا مش قصدي كده انا بحاول بكل الطرق اني اضحك معاكي لكن انتي شكلك بومه وهتتعبي اهلي معاكِ ، انا مش عايز الفلوس دي .. وبعدين انا غلطان لأهلك تنجحي متنجحيش إن شاءلله تولعي ميهمنيش .
شديت ايدي منه وبرجلي دوست علي طرف الجزمه بتاعته جامد _ بقي كده يعني انا مهمكش ، ومين بقي ال يهمك!؟ ال معاك في الشغل ال بيحطوا full Mike AP وبيلبسوا المحزق والملزق صح!
_ رجلي ، رجلي يابنت المجنونه.
رفعت صُباعي في وشه ب ايدي الصغيره دي وجزيت علي سناني وانا بتكلم _ لِم نفسك يا احمد عشان انا جبت اخري منك .
بص في الطُرقه يمين وشمال وفجأه لقيته زقني علي الحيطه وشد خصله من شعري
_ دا الكتكوته الصغيره ، بقي ليها لسان اهو وبتخربش وبعدين أنتِ مالك ب البنات ال معايا مالك بيهم ، اوعي تقوليلي غيرانه.!
بلعت ريقي وبصتله بتحدي بحاول اداري غيرتي عليه “_ واغير منهم هما! واغير عليك انت مال لو كنت حِلو شويه كنت عملت ايه .؟
_ والله يعني انا مش حِلو؟
_ وشك زي البومه!
_ مال حبتيني ليه وعيطتي اول ماخطبت.
مقدرتش امسك نفسي اكتر من كده وعيني دمعت _ انت عرفت منين ، وعلي فكره انا محبتكش ولا حاجه انا لسه صغيره علي الكلام دا وال وصلك الكلام دا هو بيضحك عليك مش أكتر..
شد خصله شعري وقرب مني اكتر _ شاطره الله ينور عليكِ ، إنتي لسه صغيره علي الكلام دا ، وأول واخر مره تتكلمي معايا بألاسلوب دا انا مش صغير معاكِ
ماشي ياقطه.
_ هو انتو بتعملوا ايه!
بعد عني بسرعه وانا كان باين عليا التوتر وعيني كانت لسه مدمعه شيلت شنتطتي من علي الارض ولقيته بص لماما وبيضحك ب استهزاء _ مفيش يا طنط كان في شعرها لبانه بس كنت بشيلها.
ماما بشك_ واللبانه ايه ال جابها شعرك يا آلاء!؟
_ ها..
_ متحرجهاش بقي ياطنط بنتك إتلاقيها مش نضيفه بس مغسلتش شعرها كويس .
كورت ايدي وضربته في ضهره وانا ببصله بغيظ _ ماما انا ماشيه عشان هروح أرتب شويه حجات في البيت..
خدت نفسي ومشيت بهدوء وانا قلبي بينزف عشان حجات كتير اوي ، انا من ساعه ماتولدت وانا ايامي الحِلوه قليله.. والله قليله يتعدوا علي الصوابع مش عارفه امتي انا هفرح .. هفرح ومن قلبي كمان .. انا كنت فعلا بحب احمد ، بحبه اوي اوي يمكن انا بدأت اصلي القيام عشان ادعي بيه ويكون من نصيبي لحد ما هو خطب وانا كنت اول واحده اعرف إتصل بيا وقالي عايز اقابلك واقولك حاجه مُهمه جدا اتعشمت.. اتعشمت إنهو يقولي بحبك وقتها انا كنت لسه صغيره بس مش عارفه كنت عشمانه اني اسمع الكلمه دي قبلته في كافيه فعلا وهو كان باين عليه إلانبساط فعلا كان باين إنه بيحبها اوي وانا مقدرتش اعمل حاجه كنت بضحك زي العبيطه والهبله بس ومن يومها وانا كل يوم بدعي إن ربنا يشيله من قلبي كنت ألاول بدعي يكون ليا ومن نصيبي دلوقتي لأ بقي مِلك حد تاني ..، بدأت انساه وأشوف حياتي ودراستي ونزلت شُغل واتلهيت ودلوقتي ليه ظهر تاني ! ليه ظهر في حياتي من تاني!؟؟؟
_______”
_ رسميا الدكتوره آلاء مُحمد ، وانتهينا من الثانويه العامه وكاوبس الثانويه العامه بتقدر كويس وحققنا الحِلم اخيرا ياحبيبت ماما.
بضحك وفرحه مش سيعاني_ فاكره اما كنتي بتقوليلي اخِرك سياحه وفنادق؟
ضحكت_ انتي كنتي غبيه اوي بصراحه! ، اصبري اتصل ب احمد بقي افرحه.
قلبي دق بسرعه وخدت منها التيلفون _ لا يماما بلاش هو اتلاقي مشغول وكده .
_ مشغول ايه يبنت العبيطه ، دا هيفرحلك اوي .
خدت مني التيلفون وفتحت الإسبيكر وقلتله ، كان صوته باين في الفرحه يمكن كان فرحته اكتر من من اي ، انا شوفت فرحه الكل بابا واخواتي وماما ، بس كنت حاسه ال فرحته هو غير ، انا مشوفتهوش بس كان باين من صوته ، انا مشوفتش احمد من اخر مره اتكلمنا فيها بقالي 6 شهور مشوفتهوش اختفي من تاني بقي يتواصل مع أهلي بالتيلفونات بس وانا معرفش عنه أي شئ ..
قفل مع ماما واتفقوا انهما هيجهزولي مفأجاه حلوه علي يوم الخميس..
_ انا هلبس فستان اسود علي فكره النهارده ..
ماما بزعيق _ يابنتي اسود ايه دي مُناسبتك انتي يعني العيون كلها عليكِ البسي حاجه حلوه كده .
_ ماما متنسيش اني مليانه شويه وألاسود هيكون جميل ..
_ برحتك انا تعبت مُناهده معاكِ
” مسمعتش الكلام بصراحه ودخلت طلعت الفستان ال هلبسه كان طويل ورقيق ، طلعت السلسله بتاعتي ال عليها إسمي وتاريخ ميلادي ، عملت شعري بسرعه عشان هو كيرلي ! وحطيت ميكب خفيف ، بس حطيت روچ احمر .، كده مبقاش خفيف خالص ياعزيزي القارئي.
لبست شوذ احمر وشنطه صغيره لونها احمر ولبست أنسيال رقيق في أيدي وطلعت..
” كلهم فضلوا يمدحوني ب إعجاب ويهنوني بِمناسبه نجاحي.. إلا هو كان واقف بمنتهي البرود زي درفه الدولاب بظبط..
احمد _ نمشي ولا ايه؟
ماما _ اه يلا ، خلاص يا آلاء ولا ايه؟
بصتله ببرود ومشيت ادامهم_ انا جهزت خلاص .
احمد _ بقولك ايه ياطنط ماتجيبي آلاء جمبي وخليكي إنتي مع الحج وراه ؟ ، يعني هيا نجمه الليله وكده خليها تقعد ادام.
_ بس انا مش عايزه اقعد ادام .
بصيتله بتحدي ولقيته بيشاور ب ايدو ع وشه الهو ” والله ل اوريكِ”
_ خلاص سيبك منها يا احمد ، خليكي ادام عشان انا كمان أسند باباكي ورا عشان اخواتك ميدايقهوش..
بصلي ب إستفزاز وضحك وقال _ اركبي يالول ، وجمبي عشان منتأخرش .
” كنا ساكتين طول الطريق لحد ما استني كلهم بيتكلموا مع بعض في الكنبه ال وراه ، وشد مندلين ومال عليا براحه وهمس بصوت واطي _ مش شايفه ال الروچ دا أنتِ متقلاه اوڤر ، لو سمحتِ خففيه شويه.
رديت بنفس الهمس _ بس هو عجبني كده .
كور المنديل ورماه من الشباك وبنفس الهدوء _ اوكي ، برحتك خالص ..
نزلنا المكان ال المفروض فيه المفاجأه ، ولقيت كل صحابي والناس ال بحبهم ، لقيت المكان متزين بطريقه شيك وجميله اوي ، لقيت صورتي متعلقه وجمبها مجموعي ، بصتله بفرحه وإمتنان علي الهو عمله.. قعدنا مع بعض كتير وغنولي الناجح يرفع إيده وفجأه لقيته ساب كل الناس الموجوده وجه قعد جنبي.
_ مبسوطه؟!
_ جدا ، شكرا ليك يا احمد .
_ العفوا ، تيجي نتمشي شويه ؟.
ضحكت_ المفروض اقولك موافقه وكده صح؟
_ لو معندكيش مانع طبعا!.
_ احمد هو انا ممكن اسالك سؤال ؟
_ اممم
_ انت مجبتش ملك ليه معاك الحفله يعني هيا خطبتك وو..
_ بس انا فشكلت من 6 شهور يـ آلاء.