رواية ليل الفصل الثالث عشر 13 بقلم ياسمين خالد
 |
| رواية ليل الفصل الثالث عشر 13 بقلم ياسمين خالد |
رواية ليل الفصل الثالث عشر 13 بقلم ياسمين خالد
“بيطلعوا الشقه ومؤمن كان باين عليه التعب والإرهاق مؤمن بيفتح باب الشقه بيبص هو وعائشه بصدمه وف نفس واحد.. إيه ده..
_” ليل بتخبط كتف مؤمن وبتغمزله ” إيه ده إيه مش إنت إللي متفق معايا نعمل العيد ميلاد الجميل ده لـ عائشه
= “مؤمن وعلامات الإندهاش علي وشه مزيج م بين الزعل انه نسي عيد ميلاد عائشه والفرحه إن ليل إفتكرت وكمان بتفهم البنت اني اتفقت معاها عشان نفرحها فاق من شرودهُ علي عائشه وهي بتشد الجاكيت.. بابي بابي انت اللي عملت المفاجأة دي انت ومامي!
=” بيوطي ” اه ياستي ايه رايك بقي فينا!
_”بتتنطط من فرحتها ” انتو احلي مامي وبابي ف الدنيا
ليل: طب عائشه كده بقي عندها كام!
“بتعد علي صوابعها ١ ٢ ٣ ٤ ٥ عائشه عندها ٥ وبقت كبيره هييييه..
= ليل بفرحه: ياروح قلبي إنتي
يلا بسرعه نلبس الدريس إللي جيبناه انا وبابا هديه لـ عائشه
_عائشه بـ إندهاش إيه ده جبتولي هديه يالهووي
=” بيضحكوا علي ريأكشنات وشها وهي مصدومه من الفرحه”..
_ مؤمن وهو بيضحك: طب يلا روحي إلبسي مع مامي وانا هروح أنادي أنس ومحمد وعمتو لميس وتيتا وجدو وطنط حور وطنط ساره
_عائشه بمشاكسه: بابي بطل رخي كتير وروح قولهم تعالوا عائشه عيد ميلادها جيه
= اولا اسمها رغي.. تاني حاجه لازمتها ايه بابي ده انتي بجحه
_ ايه بكحه دي يابابي
= بجحه بـ الـ” ج ” يعني بتشتمي وتقولي بابا
_”بتكرمش أنفها ” بص انا مش فاهمه منك حاكه اصلا
= اسمها حاجه يالمضه
_”بتتمايص وتمسك إيد ليل” يلا يامامي عشان نلبس الفستان وسيبي بابي بقي عشان زهقت
_” مؤمن بـ إندهاش” والله قعدتك مع أمك هي إللي ودتك ف داهيه وبقيتي لمضه زيها..
“ليل بعد م قربت توصل لـ غرفه النوم لفت ضهرها وقالتلها خليكي هنا ياعائشه ورجعتله ورفعت حاجبها..” نعم قصدك إيه يعني..!
= “بيحاوط وشها بـ إيدو” كنت عارف إنك هترجعي وكنت قاصد أنكشك عشان عندي فضول أعرف عملتي كل ده إزاي.. وازاي مفكرتنيش ب عيد ميلادها عشان حتي اساعدك من إمبارح!
= بتبص بطرف عينيها علي عائشه..
_ طب البنت واقفه مستنياني
= هو الموضوع يطول شرحه!
-..
= يلا يامامي وسيبك من بابي ده
_ طب خشي ياشوشو جوا الأوضه استني مامي جايالك
“بتقرب عليهم بغضب وبتعمل حركات تحذير بـ إيديها” إياك تقول شوشو دي تاني يابابي اوكيه!!!
=”بيضحكوا علي طريقتها”حاضر أنا اسف.. طب ادلعك أقولك إيه!
= قولي يـ عائشه بس
_ حاضر عائشه بس
= لا يابابي قولي عائشه بس بس
_مؤمن بمشاكسه” طب م انا بقولك عائشه بس بس
=”بتتعصب” يوووه يابابي قصدي عائشه ومتقولش كلمه بس
_ ااه يعني عايزاني أقولك عائشه من غير كلمه بعدها صح
= أيوه يابابي اخيييرا.. انت عامل زي رامي اللي ف الحضانه ميس جنه مره ضربت نفسها بالقلم عشان مكنش عارف يكتب أ يابابي
_ قصدك إني غبي!
= “بتضحك” لأ يابابي
“بيزغزها” انا هوريكي تعالي هنا تعالي
_ خلاص يابابي هعمل بيبي خلاص
=” مؤمن بيسيبها بتلقائيه”
_”عائشه بتضحك” ضحكت عليك يابابي
= عجبك بنتك بتضحك عليا وتطلعلي لسانها!
– عيب ياعائشه زي بابي بردو احترميه مره
= والله هيحصلي حاجه بسببك انتي وبنتك
_ لا ياحبيبي بعد الشر، خشي ياعائشه استنيني جوا هقول لبابي حاجه وجايه
= اوكييييه”بصوت لذيذ”
“بيضحكوا علي المُشاكسه بتاعتها”
_ والله ياليل حاسس إن الزمن بيعيد نفسهُ.. نفس المشاكسه واللماضه بتاعتك نفس حتي رسمه عيونك حتي ضحكتها.. لما بتضحك عيونها بتقفل زيك..وشعرها البني زيك نفس كُل حاجه عارفه لما بيحصل موقف قدامك وبتحسي إن الموقف ده فعلاً حصلك قبل كده أنا حاسس فعلا.. نفس السيناريو بيتعاد قصادي.. المهم بقي ياستي عملتي كل ده إزاي!
=اولا كده انا عارفه إنك مضغوط ف الشغل، وعارفه انك كل سنه بتعملها عيد ميلاد وعارفه ان اوقات كتير حاجات بتفوتني بلاقيك عملتها وبتقول إني شاركتك فيها رغم بكون ناسيه اصلا مش شرط مع عائشه مع العيله عمتا لو قصرت ف سؤال مع حد لو حد تعبان وسالت مره وانشغلت ف شغل البيت بلاقيك ف ضهري بتقول والله ليل سالت عليكي معايا وكانت هتتصل بس انشغلت بشغل البيت وهكذا كل الحاجات اللي من وجهه نظرك بسيطه بالنسبالي كبيره أوي اوي.. انا النهارده نزلت سيبت عائشه تلعب مع رودينا وانس ومحمد روحت لماما وحضرتلها كل حاجه وكمان جيبتلهم تورتايه صغيره كده هي وبابا لما عرفت انهم مش هيقدروا يجو نزلت جيبتها وطلعت وكمان ادوني فلوس اجيب بيها هديه لعائشه وصمموا إني اخد الفلوس.. بعدين عديت علي محل الحلويات تاني واشتريت تورتايه كبيره وبلالين وكمان بلونه كبيره رقم ٥ إتسحبت ع السلم براحه ع تكون مفاجاه لعائشه وطلعت حضرت كل حاجه بسرعه وعملت الديكور ده وحاولت أفضي مكان ف التلاجه وحطيت التورته والحلويات والبيبسي.. وبعدين بسرعه بقي حضرتلك المسقعه ولحسن حظي اول م المسقعه اتعملت نزلت جري لتحت ع اشوف عائشه ولاقيتك جيت بس كده، واه صح نسيت.. كنا ف مره ماشيين وعائشه شافت..
“بتقاطعهم صوت عائشه”
_هااااا مامي ده الفستان اللي مره شوفته وعجبني وقولتيلي حاضر هجيبهولك
=”ليل بتضحك وتبص لمؤمن” اهي قالتلك اللي كنت هقوله
“بيبوس راسها.. ربنا يباركلى فيكى”
= شكرا يابابي.. شكرا يامامي
“كل واحد بيبوسها من خَد”
ويخليكي لينا ياحبيبتي..
_هروح انادي بقي الجماعه عشان يطلعوا
= طب ايه رايك.. احطلك تاكل عقبال م اجهز انا وعائشه ونجهز السفره ونطلع الحاجه وبعدين تناديهم!
_ خلاص ماشي انا اصلا ميت من الجوع والله
= بعد الشر.. مش قولتلك تاكل وتشرب عصاير ع متهبطش كده
_والله عملت كده بس بردو جعان اوي
=” عائشه بمشاكسه”يالهوي يابابي انت عامل زي الثعلب المكار!
_انا غلطان اني بحكيلك حدوته مش هحكيلك تاني..
= لا يابابي بليز خلاص..
“ليل بتسيبهم يهزروا سوا وبتدخل تحضر لمؤمن عشان ياكل..بتجهزلوا الاكل وبتطلعهوله”
_ عائشه انتي جعانه تاكلي مع بابي قبل م تلبسي
= لا كلت عند تيتا
_ ماشي ياحبيبتي.. هاتي فستانك ويلا بينا
=حاضر
“مؤمن كان بياكل..لكن باله وتفكيروا كان مشغول بفرغلي..اول مره باله ينشغل بحاجه متخصهوش انه يعرفها مَرت عليه مواقف ف شغله كتير لكن كان بيتجنبها..يمكن عشان حاسس إن ف لغز كبير وإن حتي لو الجشع والطمع ف قلب إبنه ماجد واخواته ده يمنعهم انهم يوصلوا لـلي قتل ابوهم!! طب مين المستفاد ف قتل ابوهم غيرهم..اه مش بعيد يكونوا هُما خنجر الحقد والغل والله مابيجي غير من القريب..مين ليه مصلحه انه يقتله غير ولاده او اخواته عشان يخدوا ثروته دي كلها حتي لو كانوا من لحمه ودمه..بس محدش بيأذيك ويبُخ الثم ف وشك غير اقرب الاقربين هو اللي بيبقي عارف عنك كل حاجه بحكم قربه منك وهو اللي يقدر يطعنك بخنجر تِلم كمان عشان يشوفك وانت بتتوجع متموتش ع طول ف ضهرك ف الوقت المناسب..اتمني يكون ليا نصيب ف اني أحل لغز قضيه” فرغلي سعيد”
“بيكمل أكلهُ”
__________________
” علي الجانب الٱخر ف غرفه ليل وعائشه “
_________________
_مامي هو مروان ابن خالتو ساره هيجي!
= اه طبعا ياحبيبتي
_ هو انا اكبر من مروان ابن خالتو ومازن ابن طنط حور كام سنه يامامي.
_ اليوم اللي انا ولدتك فيه كانت ساره عرفت انها حامل ف مروان بشهرين وحور عرفت انها كانت لسه حامل يعني انتي ياستي اكبر من مروان بحوالي ٧ شهور ومازن ٩ شهور
_يعني ايه يامامي كتييييرررر قد البحر!
=لا مش كتيييير قد البحر حبه صغننين بس.. اتصدقي فكره انا ممكن والله اتصل ب حور وساره ينزلوا هما يحضروا الحاجه م عقبال احنا نجهز ايه رايك!
– اوكييييه
= والله حساكي هتقلبي روبوت من كتر مابتقوليها
_ ايه بتبتوبت ده يامامي
= بتبتوبت!! عائشه اسكتي ياحبيبتي
_ حاضر يامامي اتصلي بخالتو بسرعه
“ليل بتتصل ب ساره”
_ إيه يابنتي عامله ايه!
= الحمدلله، بت ياليل مفتحتيش ماسنجر!
= بت يااللي ناقصه ربايه.. لا ياختي مفتحتش
_ معلش والله كلمه بت لازقه كده لازقه.. اصل انا بعتلك عليه كل سنه وعائشه طيبه وبصراحه جيبتلها هديه انا وحور وكنت عاوزه انزل اديهالها بس قولت ابعتلك الاول يعني عشان محرجكيش انتي ومؤمن لتكونوا نسيتوا وهي تزعل فاهمه
= اصيله ياام رحاب والله انتي وهي، انا اصلا مجهزه كل حاجه بس انا بلَبس عائشه انتي انزلي وهاتي حور معاكي وحضروا بس الحاجات علي السفره
_ خلاص حاضر هي عندي اصلا هننزل وانتو إجهزوا
= ماشي، مؤمن برا هيفتحلكم وقبل م تخلصوا كده خليه ينزل ينادي خالتو وعمي ويوسف ولميس معتز والجماعه كلهم يعني من تحت..
_خلاص حاضر ماشي..
“بيقفلوا المكالمه وليل بتخرج لمؤمن عشان تعرفوا ان ساره وحور نازلين”
= خلاص ماشي ياحبيبتي وانا هحضر معاهم بس انتو اجهزوا..
_ حاضر
__________________
“ليل بتدخل تاني لعائشه وتبتدي تلبسها.. وتعملها تسريحه جديده فـِ شعرها.. كان الفستان بيبي بلوو كانت تشبه للاميره سندريلا وهي رايحه حفله الامير.. بصت علي نفسها ف المرايه وبتتغزل علي نفسها.. انا قمر اوي يامامي صح
_ اه ياحبيبتي ماشاء الله جميله اوي.. يلا عشان تلبسي الجزمه
= حاضر يامامي.. ايه ده صوت مروان ومازن صح يامامي!
_ اه ياحبيبتي م هما بيجهزوا الحاجه برا
= طب انا خلصت اخرك برا
_ إسمها اخرج بـ الـ” ج “، ولا استني هنخرج سوا..
= هتلبسي ايه يامامي!
_ هلبس الدريس ده ايه رايك!
= واااوو يامامي ده زي بتاعي!
_ بالظبط كده ايه رايك ف المفاجاه دي!
= كامده كدا
_ اسمها جامده جدااااا
_ مش مهم بقي يامامي.. طب يلا البسي وانا هغمض عيني
” ليل وهي بتضحك”: والله بكاشه..لا متغمضيش عينك..خدي اللاب توب اتفرجي ع كرتون لحد م أخلص
_ حاضر
________________
علي الجانب الأخر
حور وساره نزلوا يجهزوا الحاجه
_ساره بزعيق: يابني جننتني..يوسف فين يامؤمن يجي يشيل ابنه ده
_ عملك ايه بس!
= مش عارفه اتحرك منه ماسك ف رجلي
_”مروان بيعيط من صوتها العالي”..”مؤمن بيحاول يهديه..لا لا ياحبيبي..تعالي نمشي باي عند بابا يلا..
فين مازن ياحور!
_ نايم علي الكنبه اهو
= طب انا هاخد مروان وانزل انادي الجماعه لحد م تخلصوا…
= خلاص ماشي..
“بيبتدوا يجهزوا الاطباق والشوك ويجهزوا الجاتوه ف الاطباق ويحطوا التورته ف نص السفره ويحطوا كانز جمب كل طبق جاتوه..
_ ساره بمشاكسه..ماتخلصي ياليل ده انتي يوم خطوبتك كان ناقص تخرجيله بالبيچامه..
_ ليل من الاوضه: لما اطلعلك يامهزقه..
“مؤمن بينزل بيناديهم وكلهم بيطلعوا”..
ليل وعائشه بيفتحوا باب الاوضه براحه والكل عينه علي الباب مُنتظرين اللوك اللي هيظهروا بيه..
بيبتدوا يخرجوا هما الاتنين والكل بيبصلهم ب اندهاش علي الإطلاله إللي كانوا فيها..مؤمن بينه وبين نفسه وهو سرحان ف جمَال ليل وفستانها اللي يشبه لعائشه بالظبط..ليل طول عمرها نفسها ف بنت عشان يلبسوا كل حاجه سوا وجيه اليوم ده واتحقق كان بيبصلها ومبتسم وقرب عليها وباس راسها: زي القمر..
“بتبتسم وتبص ف الارض من الخجل”..
_ طب وانا يابابي..!
_ زي القمر ياحبيبتي زي مامي بالظبط..
= الكل بـ إندهاش: لا انتو الاتنين قمر مش عارفين نعاكس مامي ولا عائشه
= عائشه ببراءه” لا عاكسوا عائشه..عشان بابي بيضرب اي حد بيعاكس مامي
“الكل بيضحك علي تلقائيتها”..
_ انس بيقرب علي عائشه: شكلك حلو اوي ياعائشه..
كان وقتها سرحان ف عيونها..وف لون الدريس بيخرج من جيبوا سلسله عليها صورتها..
_”عائشه بتفرح بيها اوي” =شكرا ياانس..
_ العفو ياعائشه..كل سنه وانتي طيبه
= وانت طيب
ليل ومؤمن بصوت خافت: هل يعقل اللي احنا شايفينوا ده!!!
“ليل بتطلع السلسله اللي عليها صورتها من رقبتها..
___________
فلاش باك
______________
_مؤمن بيخرج سلسله من جيبوا ف عيد ميلاد ليل الخامس
_ كل سنه وانتي طيبه ياليل..
= وانت طيب يامؤمن
_ اوعي تقلعيها!
= حاضر
_____________
вacĸ
مؤمن بصوت خافت: الزمن بيعيد ذكرياته لينا من تاني..
_تفتكر..!
“بيبصوا علي نظره أنس لـ عائشه”
_ اه افتكر.????
“ليل بتبسم ومن جواها بتتمني ان يكون انس لعائشه.. الزمن مبقاش مضمون.. وانس اكيد هيحافظ عليها.. ليل رَبت أنس وبتعتبروا إبنها.. ابنها اللي شافته وحست معاه بالامومه من قبل ما تيجي عائشه.. ليل شافت ف انس مؤمن.. مؤمن اللي حبها من الطفوله والحب فضل يكبر معاه لحد م بقت ف بيته وجابت منه بنت حته منه ومنها..
________________
” إبتدوا يحتفلوا بالعيد ميلاد وانس كان واقف جمبها وهما بيغنولها “
“بينه وبين نفسه” انا عارف ان سني صغير ويمكن كمان يضحكوا عليا عشان بحب ف طفله لسه بس من يوم م عائشه اتولدت ويمكن كمان وهي لسه مجتش الدنيا وانا طلبت من خالتو ليل اني هتجوزها يمكن وقتها كنت صغير كمان مش مدرك الكلمه..بس مع مرور الوقت حسيت ان انس الصغير اللي كان زي اي طفل يشبط ف حاجه ويعوزها..الفكره كبرت معاه وبقي شبطان ومتعلق ب عائشه..يمكن كمان اللي معلقني بيها انها دايما بتنكشني وان انا وهي زي توم وجيري بس..القُط ميحبش إلا خَنَاقهُ ..هفضل متمسك بفكره ان عاوز اتجوز عائشه..مهما حصل ومهما الزمن اتغير ومهما مرت السنين ف هيغضل حب عائشه ف قلبي..قاطع شروده وهما بيقولوا اطفي الشمع مع عائشه ياأنس
_عائشه وهي بترفع حاجبها: ده عيد ميلادي انا اصلا انا هطفي لوحدي
= أنس بـ عِند: لا هطفي معاكي
_ لا انا لوحدي
= لا هطفيها معاكي ولا انا اطفيها وانتي لا.
“بتضربه ع كتفه بـ غِل إنتَ بارد ليه!
= طب علي فكره كتفي وجعني والله..
ليل: الشمع هيطفي لوحدوا وإنتو لسه بتتخانقوا
” بيطفوا الشمع سوا، مؤمن بعناد.. يارب نتجوز ياعائشه “
= “عائشه بتبصله بقرف” اصلا مش بحبك..
_ بتحبيني ياكذابه.
= بابي خلي انس يسكت
_”مؤمن بيغمز لانس” اسكت ياانس ياوحش
= علي فكره شوفتك وانت بتعمله بعينك
“بيضحكوا” ..
لميس: استاذ معتز زلطه بما إن قرعتك منوره الدنيا والله ولو حد اتحرك من مكانه ممكن يتخبط ف روح بقرعتك نور النور
_ والله يالميس انتي مهزقه
= بتقول حاجه يامعتز يابتاع..
“بيحط ايدو علي بؤها” خلاص خلاص هفتح النور
“بيروح يفتح النور”
= والله نور الزلطه بتاعك كان أقوي يامعتز..
_ معتز بمشاكسه: هو الجو سخن ولا بيتهيألي ياجماعه.. اصل نار الغيره بتاعت لميس دَفت الجو.
_ لميس بغضب بعد م الكُل ضحك: وحشه وحشه والله وبعدين هغير عليك علي إيه يعني
_ علي سر جمالي واناقتي وحلاوتي وشقاوتي ودلالي وجمالي..
= معلش ف السؤال.. معلش ف ايه ف السؤال!! انت كنت بتوصف مين من شويه
_ اعوذ بالله من كلمه انا “بيعدل التيشرت بـ غرور وتكبُر”
=يمكن والله أصل نظري ضعف حبتين ف بقيت شايفه قدامي كل كلمه انت قولتها بمدح.. عكسها والله مشوفتش فيك حاجه تخليني احبك
_ ومع ذلك بتحبيني مش كده
= احرجتني يازلبطه قلبي..
ليل وهي بتضحك علي طريقتهم: علاقه حب مقذذه والله
_ طب يابتاعه مؤمن روميو..
= ماله مؤمن ياختي سكر اهو..
_ معتز: الحمدلله ياليل لميس سابتني ومسكت فيكي..
“بيضحكوا”
_________________
“ف البلكونه.. كانت عائشه لوحدها ماسكه سلسله أنس.. انس كان مراقب خطواتها وواقف بعيد شويه بيشوف هي هي هتقول ايه
_اصلا السلسله حلوه اوي وعليها صوره عائشه وهي ماسكه الورد، بس انس وحش ودايما بيزعلني..ويخليني اضربه..بس هو طيب بردو ياعائشه مش هو ضرب محمد لما فضل يطلعلك لسانه..بس انا كمان ضربت مروان ابن خالتو لما عض انس ف ايدو..يعني عائشه كمان طيبه
“انس بيقاطع حديث عائشه اللي داير بينها وبين نفسها”..
_هاتي البسهالك.
=”بتديهاله بـ استسلام”..خد بس اوعي تقطعها
_ حلوه ياعائشه
= مش هقولك عشان انت وحش ومش خليتني اطفي الشمع لوحدي
“بيلبسهلها”
_”بنبره إستعطاف” انا وحش ياعائشه!
= لا حلو خلاص
_ هتروحي الحضانه بكره
= اه
_ في حد بيزعلك
= لا بس الواد رامي ده وحش اوي وبياكل ساندوتشاتي وبيفضل يقولي “بتضخم صوتها وبتقلدوا” جعععان ياعائشه..بقول يامامي وبخاف منه لياكلني ف بطنه زي الثعلب المكار لما اكل اخوات الشاطر حسن ف بديلوا ولما بروح بقول لمامي انا جعانه أوي.
= انا هاجي معاكي وهضربهولك
_ لا الميس هتضربك..انا المره الكايه هقول للميس عليه
_ خلاص ماشي..بس اسمها المره الجايه ياعائشه اتفقنا ياحبيبتي
_ حاضر..
= يلا نطلع عشان ناكل تورته عائشه..
_ اوكييييه
_______________________
“الاحتفال بيخلص.”
“وكل واحد بيروح علي بيته”
“ف بيت معتز ولميس”
_ محمد ياحبيبي يلا عشان تنام
= حاضر ياماما..
_ لميس بـ بتفرك فـ إيديها وبتفضل تعدي قصاد معتز.
= ف ايه يابنتي رايحه جايه مالك
_ “بتقعد جمبه..وبتحط إيديها علي إيدو” عاوزاك تجاوبني بصراحه ماشي
= ماشي قولي..بس استني كده ايه الشياكه دي وليه حاطه روج مش فاهم ومسرحه شعرك كمان لا غريبه دي!
= قصدك اني كنت بقعدلك منكوشه!
= لا انتي عجباني ف اي حال.
_ طب لما انا عجباك! ايه اللي ناقص فيا عشان تبص لغيري!..يعني حتي لو حاجه انا مخدتش بالي منها مش الواجب عليك تكلمني براحه حتي لو مش عاوز تجيبهالي بطريقه مباشره عشان متزعلنيش تقولي مثلا حبيبتي شعرك كده شكله احلي من الصبح..هما اه الاتنين حلوين بس دلوقتي احلي البيچامه دي احلي من التانيه رغم انك اي حاجه بتحليها..النهارده شكلك حلو اوي عن امبارح..وقتها هعرف الفرق وهعرف إزاي أغير من نفسي..ليه إستسهلت ومشيت ف طريق الخيانه إللي اخرته وحشه وخراب بيوت..انت ممكن تشوفني تافهه وكل حاجه باخدها بضحك وهزار وتافهه..بس انا من جوايا ست عاقله وواحده غيري مكنتش هتقبل ترجعلك غير لما نفسيتها ترتاح..لكن انا مكسرتش بنفسك ولا رضيت أصغرك قدام اخواتي الرجاله وعادي قضينا اليوم ورجعت معاك..بس قلبي زعلان الخيانه دي مبتحسسش الست غير بحاجه واحده انها ناقصه..
= لا..انا اللي راجل ناقص واناني..استسهلت فعلا الطريق الوحش..انا عمري ماشوفتك ناقصه اه ممكن اشوفك عصبيه مجنونه حبتين يمكن خدتها علي محمل إنها هتصوني ف غيابي وانا هعك اعك وهفوق وهرجعلها..مكدبش عليك دي مش اول مره اخونك فيها اه مش اول مره ولاول مره مكنش خايف وصريح معاكي عشان انا من بعد القعده دي هقطع الصفحات القديمه دي خالص وهنبدا ف كشكول جديد خالص مفهوش غيرك..كنت بيني وبين نفسي بطلع مبرر واقول لميس مبتهتمش بحسها واحد صاحبي عايش معايا ف البيت لميس بتروح الشغل بترجع تعبانه بتنام مبتتكلمش معايا مع ان كل ده ليه حل لو جيت كلمتك وقولتلك انا تعبان حتي لو فيكي هموم الدنيا كلها هتسمعيني ومش هلاقي احن منك بس انا اللي غبي استسهلت.. وكمان البعد عن ربنا الشيطان بيخلي الواحد يمشي ف طريق مش عايزوا ولما بيفوق منه بيندم..انا اسف يالميس اوعدك كل اللي راح مش هيتكرر تاني..اوعدك ان اللي جاي خير كله وان مش هبص لغيرك تاني اصلا.
_”بتمسح دموعها وبتبسم وبتقول بمشاكسه وهو مين اصلا هيبصلك يااحمد ياشكل انت.
“بيضحك وبياخدها ف حضنه”
حقك عليا..
_ انا مش زعلانه خلاص وكل حاجه هتتصلح
=ان شاء الله خير ياحبيبتي.
_________________
علي الجانب الاخر ف بيت ليل ومؤمن..
__________________
“ف غرفه النوم”
_مالك ياحبيبي فيك ايه..حاسه بالك مشغول.. مش عارفه مالك!
= “بصوت خافت لما عائشه تنام..”
_ بابي مش هتحكيلي حدوته!
= لا النهارده هتقراي قران وتنامي وبكره هحكيلك حدوته حلوه اوي
_ بجد يابابي
= اه ياحبيبتي.
“بتبوس باباها ومامتها”..
تصبحوا علي خير
_ وانتي من اهل الخير ياحبيبتي
“بعد مرور عشر دقايق”
مؤمن بيتسحب براحه من جمب عائشه ويحط راسها علي المخده ويشيلها من حضنه.. “بينه وبين نفسه “حقك عليا والله اني شيلتك من حضني هجيلك تاني بس هكلم مامي.. بيقوم علي الطرف التاني اللي ف ليل وينام علي كتفها .. بتبتدي تمشي إيديها علي شعروا..
_ ها بقي مالك!
=” بيحكيلها تفاصيل اللي حصلت ف الفيلا ”
_ “ليل بخوف” اتقتل! اياك تروح الفيلا دي تاني انت فاهم
= ليل مش بقولك عشان تخافي او تخوفيني انا لاول مره هعارضك علي حاجه ومهما منعتيني هحاول أوصلها..
_ ليه الإصرار ده يامؤمن
= مش عارف ياليل والله..حاسس ان الراجل ده مظلوم انتي مشوفتيش صورته ف بالي إزاي ف وقار كده وشموخ..حاسس إنه من اهلي عاوز اجيب حقه..
= متدخلش نفسك ف متاهات مش خايف علي نفسك ياسيدي انا وبنتك خايفين عليك
_ متخافيش عليا
= ازاي مخافش عليك يامؤمن!
_ حاسس ان حد من قرايبه..ممكن يكون ابنه نفسه شكله شرير اصلا..مشوفتيش عم علي حارس الڤيلا بيترعب اول بس م سيرته تتجاب مش فاهم ف ايه
_ مؤمن لو مصمم ف انا هسيبك تخلص شغلك ف الفيلا ده بأسرع وقت وخلاص متحاولش تدور ع حاجه ولا ندخل نفسنا ف متاهات اتفقنا!
= سيبيها علي الله وادعيلي
ليل كانت عارفه ان مؤمن اللي ف دماغه بيعملوا قررت انها هتفضل تطمن عليه كل شويه بس متحاولش تبقي عنيفه ف نصيحتها معاه عشان ميخافش منها ويجي يحكيلها كل حاجه..فضلت تقرأله قران لحد م راح ف النوم.
___________________
علي الجانب الأخر..عند سهيله..
___________________
_ الجميل سهران ف ايه!
= بقرأ روايه ارض زيكولا،المهم انت ايه مصحيك بقي يااستاذ حسام!
_ مش جايلي نوم..
“بتقفل الكتاب وبتقلع نضاره القراءه”..طب ماما نامت!
= اه اديتها الدوا وسالتني عليكي قولتلها نامت..
_ لا يابني مكنتش اديتهولها دلوقتي فاضل نص ساعه
= مش هتفرق..المهم ترتاح وتنام.
_ ماشي المهم مالك متغير ليه!
= مش عارف، من ساعه ماخفيت وانا مش عايز اعمل حاجه تغضب ربنا تاني
_ سهيله ب صدمه: رجعت تشرب تاني ياحسام!!!!
= لا لا والله،بس عملت حاجه تانيه..
_ عملت ايه..قلقتني
= فاكره ندي صاحبه ساره..
_ اه مالها.!!!!
_……..
____________________
علي الجانب الاخر
_____________
مؤمن بيقرب من الاوضه بتاعت فرغلي سعيد..الجو كان مرعب الفيلا كانت هوس هوس الجو كان مُرعب أصوات مرعبه بتحاوط المكان اصوات انفاس مؤمن بتتسارع..بيتلفت حواليه بيلاقي شخص واقف جمب الخزنه ولابس اسود وماسك شمعه..مؤمن كان بيحاول يبعد لورا عند الباب اللي هيخرج منه..الباب اتقفل والراجل اللي ماسك الشمعه خطواته بتقرب علي مؤمن..
_ مؤمن حاول يتمالك اعصابه وبكل صرامه وقوه..انت مين وعاوز ايه..
= انا المجهول اللي بتدور عليه اللي قتل فرغلي سعيد..
_ مؤمن بصدمه..انت.. انت مين…!
“بيطفي الشمعه”
_ وبصوت شرير وبيحاوط رقبه مؤمن وبيدوس عليها بعنف..هبعتك لفرغلي سعيد وهو يقولك..
_ارجوك سيبني “بعدم القدره علي الكلام” ا ر جـ و ك…
يتبع..
لقراءة الفصل الرابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران
