رواية المغامرة المجنونة الفصل الثالث عشر 13 بقلم حنين عادل
 |
| رواية المغامرة المجنونة الفصل الثالث عشر 13 بقلم حنين عادل |
رواية المغامرة المجنونة الفصل الثالث عشر 13 بقلم حنين عادل
هنا: ههههههه دي احلوت اوي ..
ريم: قصدك ايه يا هنا .
هنا : احمد سليم
ريم: ماله ..
هنا بفرحه: رجع مصر.
ريم: اه وهاتعملي ايه ..
هنا: قولي مش هاعمل ايه ..
ريم: ما تتسرعيش عشان ماتخسريش كل حاجه ..
هنا: ما قولتلك دي هتبقي اخر عمليه
ريم: متأكده.
هنا: ايوه بس عايزه ضربه تجيبه الارض عايزه انتقم منه عايزه اعذبه ده كان السبب في موت مريم ..
ريم: بس ده راجع من بره مصر لسه يعني اكيد مش عارفه مكان فلوسه فين او ممكن تبقي في بنوك بره ..
هنا : هتبان كل حاجه هتبان ..
……………………
جاسر: عايزكم تراقبوا كل تحركاتها مافيش هفوه تفوتكم
..تمام يا فندم
بيمشي العساكر ..
جاسر: صدقيني هاتترموا في السجن قريب ومش هاسيبكم عشان تعرفوا اني قوي وان حبي ما ضعفنيش واني اقدر ادوس علي قلبي او اخلعه من مكانه ..
………………………
هنا ماسكه تليفونها بتبعت رساله لجاسر ( احمد سليم مدير مستشفي ورجل اعمال اما بقي الميعاد هيبقي بكره بالليل شوفت انا كريمه ازاي ومش ببخل عليك بالمعلومان هههه)
ريم: بتعملي ايه يا هنا
هنا: ببعت ميعاد العمليه الجديده لجاسر
ريم: ليه يا هنا قلتلك ميه مره جاسر مش سهل ومستني اي فرصه ..
هنا: اهدي لو كان صعب اوي كده كان مسكني انا علطول سابقاه بخطوه وبعدين لازم احمد سليم يعرف عشان يغلط ويعرفني المكان زي اي واحد من التافهين التانيين .
ريم: ربنا يستر شكل العمليه دي هتجيب اخرنا .
هنا: قوي قلبك بس خلاص دي اخر عمليه وبعد كده توبه ..
ريم: وعد..
هنا: وعد…
……………………
في مكتب جاسر.
جاسر بيلبس الجاكت بتاعه وبيعمر مسدسه وعلي وشه الغموض ..
جاسر: جهز العساكر هنطلع علي فيلا احمد سليم
عسكري: تمام يا فندم
جهز العساكر وكانوا اكتر من كل مره
واتجهوا ل.فيلا احمد سليم ..
………………
في فيلا سليم..
في مكالمه تليفون
سليم: ازاي يعني وتسرقني انا ليه
..حرس برده دي ما حطتش حد في دماغها وسابته..
قفل التليفون…
سليم : بس انا غير كل اللي تعرفيهم ده انا احمد سليم..
بيجي صوت من وراه .
جاسر وبيمد ايده: الرائد جاسر وجتلنا معلومات اكيده ان مدام R هتسرقك النهارده بالليل واحنا جينا عشان حمايتك..
سليم: وماله تيجي انا كل فلوسي في البنك ومن طرق مشروعه انا ايه اللي هيخليني اخاف ؟؟!
جاسر بشك: متاكد.
سليم : طبعا .
جاسر: تمام بس لازم نحمي حضرتك برده ..
سليم: اعملوا اللي تشوفوه صح
………………….
في الليل ..
جاسر: عايزين نمسكها الليله خليكم مفتحين هيا ذكيه وشاطره بس ما يوقع الا الشاطر ومهما كان المجرم ذكي لازم هايقع.
كلهم في صوت واحد: تمام يا فندم
جاسر: يلا خدوا اماكنكم .
بيروح جاسر ل احمد سليم اللي كان قاعد هادي مش قلقان وده غريب علي واحد هيتسرق ..
جاسر: حضرتك قاعد عادي كده هادي ولا كان فيه حاجه ؟!!!
سليم: واقلق ليه طالما مافيش داعي للقلق واظن ان انا قلتلك ان مافيش حاجه في البيت وفلوسي كلها في البنك فاهتسرق ايه ريلاكس يا حضره الظابط
جاسر: تمام ..
بيمشي جاسر وهوا علي اتم استعداد انه يمسك هنا
………………
ريم: خلاص هتروحي
هنا: ماتقلقيش انتي ليه خايفه كده هيا اول مره؟!!
ريم: بس كنتي مش معروفه كنتي مجهوله انما انتي دلوقتي بتتحدي ظابط شرطه عنيد زي جاسر ..
هنا: ان كان عنيد انا اعند منه ..يلا سلام ادعيلي
ريم: ربنا يستر..
………………….
كانت واقفه بتقلب في خزنته واوضته ومعتقده ان ماحدش شايفها فجأه النور اتفتح وهيا ضهرها للي داخل .
جاسر: ارفعي ايدك لفوق ..وهوا ماسك مسدسه
طلعت تجري بعد ما اتضح ان الشيطان بيضحك عليها ومافيش فلوس فعلا او مخبيها في مكان تاني..
جاسر: اقفي وسلمي نفسك عشان ماضربش بالنار
فضلت تجري من غير ما ترد عليه ..
وهوا موجه المسدس ناحيتها ..غمض عينه فعلا قلبه ضعفه مش قادر يضغط علي الزناد بس قوي قلبه ووجه المسدس علي رجليها وضرب نار ..
مسكت رجليها من الوجع ماكانتش قادره بس قدرت واتحدت نفسها وركبت المتوسيكل ومشت
جاسر كان هيضغط مره تانيه علي الزناد ولكن في حاجه منعته ..
جمعت رجالته دلوقتي عنده دليل واضح ان هيا مدامR وعارف مكانها خد الرجاله وهوا مقتنع ان قصه مدام R انتهت خلاص اللي ضيع شهور في حلها اللي ادت لرئيسه في العمل الحق انه يقلل من حضره الرائد جاسر اللي عمره ما وقفت معاه قضيه ..
ركب عربيته وعلي وشه ابتسامه مزيفه بيثبت بيها لنفسه انه كسب معركه الحب دي مع ان معارك الحب مافيش فيها كسبان الكل فيها خسران..
وصل لمكانها وزق الباب ودخل بطريقه مخيفه كانه قاصد يخوفها…
هنا هيا وريم بياكلوا فشار وبيتفرجوا علي التلفزيون ..
جاسر باستغراب: انتم بتعملوا ايه ..
هنا بسخريه: ينفع كده يا بشمهندس تدخل علي بنتين لوحدهم بالليل بالطريقه الهمجيه دي طب افرد اخدين راحتنا ..
جاسر : انا جاي اقبض عليكي ..
هنا: ليه بقا ان شاء الله ..
جاسر: عشان انتي مدام R
هنا وقفت : وايه اللي يثبت ده ..
جاسر: اللي يثبت اني لسه ضاربك بالنار في رجلك ..
هنا: انا لا انت اكيد غلطان ..
جاسر : لا انا متأكد وريني رجلك .
هنا : اتفضل شووف.
جاسر وبيمسك رجليها: ازاي ده ازاي كده. .
هنا: اتأكدت؟!!
جاسر: يبقي كانت ريم اكيد
هنا: ريم ممكن تخلصي الموضوع ده لانها بو
خت اوي .
ريم: اللهم طولك يا روح .
قامت ريم وحطت الفيشار من ايدها ..وكشفت رجليها.
ريم: كده اتأكدت يا استلذ جاسر
جاسر بعصبيه: ازاي ازاي؟!!!
هنا: قولي انت يا استاذ جاسر ازاي تدخل علي بنتين في نص الليل من نفسك كده وبدون اذن نيابه يا بتاع القانون.
جاسر: لعبتيها حلوه بس صدقيني هتقعي ..وخرج متعصب هوا والعساكر ..
ريم وهنا قعدوا علي الكنبه وفجأه ضحكوا مع بعض..
ريم: اه يا بنت الجنيه دي مش دماغ دي قنبله ذريه ..
هنا: اومال يابنتي اللي بيبقي فاكر نفسه ذكي بيبقي اغبي الناس ..انا طالعه وجايه .
ريم: رايحه تتطمني عليه ..
هنا: اكيد مش ساعدنا ..
اخدت العلاج ومشيت ..
دخلت عليه ..كان بيتألم ..
هنا: انا اسفه اني اتاخرت .
عامر بألم: المهم سلامتك .
هنا: انا اسفه علي وجعك ده بس انت وافقت انك تساعدني وانت عارف انه خطر ..
عامر: هوا انا اشتكيت .
هنا بتفتح العلاج وبتديله ..
هنا: انا اسفه انا دخلتك في ده خلاص دي اول واخر مره ..
عامر: انا ارمي نفسي في النار عشانك
هنا : صدقني انا قلبي وجعني اوي عليك
عامر: طيب دي بدايه كويسه .
هنا: هوا ده وقته انت في ايه ولا ايه .
عامر: هوا في وقت احسن من ده انك خايفه عليا..
هنا: تصبح علي خير نام وارتاح بابتسامه .
عامر بحب: وانتي من اهله ..
……………………
في شقه جاسر..
جاسر بيكسر في كل حاجه : ازاي ده حصل مين تاني بيساعدها بتضحك عليك وخلتك عيل برياله..
يتبع …….
لقراءة الفصل الرابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية ظلام الرعد للكاتبة فاطمة عيد
بجد روايتك كلها جميله وممتعه وبجد تستحقي لقب كاتبه الجيل عن جداره احسنتي