رواية عندما يعشق الظابط الحلقة الثالثة عشر 13 بقلم حسناء السيد

رواية عندما يعشق الظابط الحلقة الثالثة عشر 13 بقلم حسناء السيد

رواية عندما يعشق الظابط الحلقة الثالثة عشر 13 بقلم حسناء السيد

رواية عندما يعشق الظابط الحلقة الثالثة عشر 13 بقلم حسناء السيد

……أمان فتح الدولاب وبعدين دفتر مذكرات أماني وقع علي الأرض وأمان شاف كل اللي فيه وفجأه شاف أماني بتتحرك فأخد الدفتر وطلع الصالون وقعد يقرأ كل حاجة وشاف كل اللي أماني كاتباه وفضل يعيط ويقول: معقوله يا أماني انتي بتحبيني الحب ده كله وأنا مأخدتش بالي ،معقوله يعني الفترة دي كلها وانا معمي ومش شايف حبك ،وغبائي منعني اني اعترفلك بكل حاجة وفجأه كمل قراءة وشاف ان أماني كاتبه: بس انا مقدرش اقولك علي اي حاجة يا أمان مقدرش أخليك تتحمل مسؤولية حمايتي اكتر من كده مش هينفع تفضل شاغل بالك بيا وبعدين قلبه وجعه جدا وقال: يعني انتي يا أماني فاكره نفسك عبء عليا،للأسف انتي متعرفيش انك أغلي حاجة في حياتي أنا حاليا بقيت أعرفك كليا حتي تاريخ ميلادك عرفته أهو،كل سنه وانتي طيبة يا حبيبتي ،ده أول عيد ميلاد ليكي معايا بس أنا اتمني انه ميبقاش اخر عيد ميلاد ليكي معايا ،أنا عارف انك مش سامعاني بس أتمني انك تسمعي صوت قلبي في يوم ولو لمرة واحده حتي،أتمني تعرفي اني انا كمان بحبك اووي وأتمني انك تفضلي في حياتي يا أماني،مش عارف اقولك ازاي اني بحبك بس انا مش عايز اتعبك معايا ربنا يفرح قلبك بقا يا أماني علشان انا عارف انك تعبتي كتير والله ،انا نفسي اعوضك عن كل حاجة بس اتمني لو تديني فرصة واحده حتي ،خايف من اليوم اللي تعرفي فيه اني بحبك زي ما انتي بتحبيني علشان ساعتها هيكون القرار صعب عليكي لأنك علي الرغم من حبك ليا انتي فاكره انك عبء عليا وفضل يعيط وبعدين حضن دفتر المذكرات ونام دون أن يشعر….

تاني يوم الصبح الشمس طلعت  ونورها دخل من الشباك في عيون أمان وبعدين صحي من النوم وقال: ياربي انا ازاي نمت كده من غير ما احس ودلوقتي اماني لو شافت دفتر مذكراتها معايا هتحصل مشكلة انا لازم اروح احطه في الدولاب وبعدين فتح باب الأوضة بشويش وكانت أماني لسه نايمه وأمان حمد ربنا انها نايمه ودخل حط  الدفتر في الدولاب  وراح اخد شاور وطلع وكانت اماني لسه نايمه وبعدين راح قعد جنبها علي السرير وقال بصوت واطي : قد اي انتي بريئة وانتي نايمه معقوله يعني بعد شهر هتكون الأوضه فاضيه ومش هتكوني هنا ،انا اتعودت عليكي ونفسي اقولك بلاش تسيبيني وبعدين نزلت دمعه من عيونه علي وجه أماني وبعدين أماني صحت من النوم وقالت: أمان مالك في اي بتعيط لي

أمان: لأ مش بعيط دي عيوني بتدمع بس

أماني: انت قاعد جنبي هنا من امتي

أماني: لسه قاعد دلوقتي اهو علشان اصحيكي

أماني: متأكد انك مش بتعيط

أمان: أيوه متأكد يلا بقا قومي اتوضي وصلي وتعالي علشان تفطري

أماني: حاضر روح انت وانا جايه وراك

أمان: ماشي بس متتأخريش

أماني حاضر ..وبعدين أمان طلع من الأوضة وأماني قالت في نفسها: ياتري لي أمان كل شوية اشوف عيونه مليانه دموع كده ويقولي انه مش بيعيط،أنا متأكده انه زعلان من حاجة بس ياتري في اي ربنا يستر وراحت اتوضت وصلت وراحت تفطر….علي مائدة الإفطار… أمان قاعد سرحان ومش بياكل وبعدي أماني قالت: أمان مالك في اي انت سرحان في اي مش بتاكل لي

أمان: مفيش يابنتي والله انا باكل اهو

أماني: لأ أنا متأكده انك مضايق من حاجة وبعدين لاحظت ان العيلة بتبص عليهم ومستغربين فقالت: عن اذنكم يا جماعه انا شبعت،ياريت يا أمان لما تخلص فطارك تيجي الأوضة

أمان: حاضر ..وبعدين راحت قعدت في الأوضة وقالت: معقوله يكون أمان زعلان بسببي انا ،بس انا معملتش حاجة تزعله بس ياتري في اي …وانقطع حبل أفكارها بافتتاح الباب وكان أمان هو اللي فتحه وبعدين قال: خير يا أماني كنتي عايزه حاجة

أماني: اتفضل اقعد عايزه اتكلم معاك شوية

أمان: انا قعدت اهو قوليلي في اي بقا

أماني: انت اللي هتقول في اي مش انا

أمان: مش فاهم قصدك

أماني: انا عايزه اعرف انت بقالك كم يوم مش علي بعضك لي كل شوية الاقيك سرحان وعيونك مليانه دموع ولما أسألك بتتهرب مني كل شوية

أمان: انا قلتلك مفيش حاجة ياريت تقفلي الموضوع انا هقوم اروح الشغل

أماني: طيب ممكن طلب أخير

أمان: اتفضلي

أماني: بلاش تروح الشغل النهارده وقضي اليوم معايا علشان بعد شهر مش هنقدر نعيد اليوم ده تاني

أمان وهو قلبه بيوجعه: حاضر يا أماني مش هروح النهارده تحبي تعملي اي بقا في اليوم ده

أماني: عايزه أعمل كل حاجة انا بحبها في اليوم ده علشان مش عايزه انسي اليوم ده ابدا ،تعرف يا أمان أنا مش مصدقه احنا ازاي بقينا صحاب اووي كده وفي نفس الوقت حزينه علشان بعد كده مش هنبقي صحاب

أمان: واي اللي يمنع صداقتنا بعد كده يا أماني

أماني: ما هنبقي اتطلقنا خلاص

أمان: صدقيني هتفضلي أعز صديقه في حياتي يا أماني ،يلا بقا كفايه حزن وخلينا نفكر هنعمل اي

أماني: بتعرف تطبخ؟؟

أمان: لأ طبعا مش بعرف ولا حتي عايز اعرف خليني في شغلي بس

اماني: طيب تعالي معايا المطبخ بقا وهعلمك تطبخ أكله جميلة

أمان: لا لا خليني بعيد عن المطبخ انا

أماني: علشان خاطري تعالي معايا مش هنتأخر والله بعد ما تتعلم الاكله دي هنعمل حاجة علي مزاجك انت

أمان: خلاص بعد ما نتعلم الأكله دي هنروح نتغدي بره

أماني: موافقه بس يلا بينا بقا نروح المطبخ

أمان: يلا بينا …وبعدين راحوا المطبخ وقضوا وقت جميل مع بعض في المطبخ وضحكوا كتير وبعد ما خلصوا …أمان: شوفتي بقا يا اماني لما دخلت المطبخ كانت هدومي نظيفة ولما طلعت منظري  بقي وحش جدا

أماني فضلت تضحك كتير وقالت: علشان انت مش متعود تطبخ بس، وبعدين يلا بقا روح غير علشان نروح نتغدي

أمان: ماشي يلا بينا .. وراحوا غيروا وبعدين راحوا اتغدوا وفضلوا يتفسحوا ورجعوا البيت بالليل

أماني: بجد اليوم كان جميل جدا

أمان بحزن: ايوه فعلا كان جميل

أماني: هروح اغير هدومي علشان عايزه أنام

أمان: وانا كمان والله عايز انام هغير انا كمان وانام انتي روحي غيري في الحمام بقا

أماني: حاضر ..وبعدين اماني غيرت وطلعت من الحمام ولقت امان مغمض عيونه وقالت: انت نمت يا أمان ،أمان،يا امااااان وبعدين راحت قعدت عند الكنبه وقالت بصوت واطي: مكنتش اعرف ان نومك تقيل اووي كده،صدقني هتوحشني وكل حاجة فيك هتوحشني يا أمان،كان نفسي اقولك قد اي انا بحبك بس مقدرش اتعبك معايا أكتر من كده ..وبعدين راحت نامت ..بس أمان كان صاحي ولكنه غمض عيونه علشان مكنش قادر يسيطر علي مشاعره وكان هيعيط لو شاف أماني بس هو كده سمع كلام أماني كله وقال في نفسه: بس أنا مش هخليكي تضيعي مني يا أماني وانا هعترفلك بكل حاجة  ..وبعد مرور ٣ أسابيع في يوم عيد ميلاد أماني الساعه١٢ وكانت أماني نايمه وفجأة سمعت أصوات وقامت من النوم وكان أماني ماسك ورده وبيقول : هابي بيرث داي يا جميل ،هابي بيرث داي يا أماني ،عيد ميلاد سعيد يا منون وكل سنه وانتي طيبة ومبسوطه

أماني: وانت طيب يارب بس انت ازاي عرفت أن النهارده عيد ميلادي

أمان: هتعرفي في الوقت المناسب بس قومي معايا ..وأخدها وطلع الصالون وكانت العيلة كلها واقفه وعاملين حفلة صغيرة علشان عيد ميلاد أماني وكلهم قالولها كل سنه وانتي طيبة وأماني كانت مبسوطه جدا وبعدين سمعت أمان بيقول : انتبهوا يا عائلتي الجميلة عايز أقول حاجة مهمة وبعدين كلهم وقفوا يسمعوه وهو قال: النهارده يوم سعيد جدا لأنه اليوم اللي اتولدت فيه حبيبتي ،أيوه يا أماني انتي حبيبتي انا بحبك جدا وعارف ان كلكم  هتستغربوا من كلامي ده بس انا اول مره اعترف بحبي لأماني ،يا أماني أنا بحبك جدا بجد ونفسي أكمل حياتي معاكي ،تقبلي تبدأي حياتك معايا من الأول واوعدك هعوضك عن كل حاجة مريتي بيها بسببي ،تقبلي تتجوزيني يا أماني و…..

يتبع..

لقراءة الحلقة الرابعة عشر : اضغط هنا

لقراءة باقي حلقات الرواية : اضغط هنا