Uncategorized

رواية بريق الحب الحلقة الثالثة عشر 13 بقلم إيمان المهدي

رواية بريق الحب الحلقة الثالثة عشر 13 بقلم إيمان المهدي 
رواية بريق الحب الحلقة الثالثة عشر 13 بقلم إيمان المهدي 

رواية بريق الحب الحلقة الثالثة عشر 13 بقلم إيمان المهدي 

جاسر  كملت يعنى أنا كدا بقيت على الحديدة  أكيد كداب
المحامى. للأسف الكلام كله مظبوط ومفهوش أي  خداع
جاسر يعنى ايه الكلام دا معناه ان غير ورثها هتاخد من نصف ورثى كمان عشان اتجوزتها
المحامى والباقى لو طلقتها قبل خمس سنوات
جاسر. ما خلصنا يا عم ارحمنى عايز تقولى ان هبقى شحات فهمت ويالا اتفضلوا برا
المحامى  بس فيه اوراق لازم نخلصها وتمضى عليها 
جاسر بعصبيه قلت اطلعوا برا دلوقتى وقت تانى  
و مستعجل عل ايه يا استاذ اخفى من وشى دلوقتى
يخرج الجميع فى خوف من نبرة جاسر ماعدا بريق
 التى ترتجف خلفه ولكنها تحاول ان تظهر خلاف هذا 
يتجه جاسر ناحيه بريق ويقترب منها وهي تبتعد
 للخلف وهو يقترب حتى التصقت بالحائط فحاوطها جاسر بيدهه 
جاسر. بقا انتى تاخدى كل ال حيلتى ف يوم وليلة وتسبينى شحات
بريق بخوف لأ لسه معاك ربع الثروة أنا أخدت تلت ارباع الثروة بس 
جاسر يضغط على اسنانه لاياشيخة بس 
انت بتتكلمى ولا كأنك واخدة منى ملايين ملهاش آخر
 وانا سيبتيلى شويه ملاليم بالنسبالهم
 لأ وكمان مش هتسبينى اتهنى بيهم  لو طلقتك قبل الوقت المحدد
 يعنى كمان هتفضلى فى وشى تذكرينى بخيبتى
????????????
بريق بضحكة. مستفزه مسمحلكش تقول جوازك منى خيبه
جاسر بغضب يخبط ايده ف الحائط والله لأوريكى النجوم ف عز الطهر يابريق
بريق ببرود ليه بس يا جاسر متخفش انا مش هحسسك أنك شغال عندى
جاسر يخبط على المكتب بقا أنا ابقى تحت طوعك انتى
بريق.تضع رجل على رجل  لو سمحت ياجاسر
 هتكسر المكتب بالشكل دا ولا عشان مش هتقعد عليه
 بعد كدا هتكلفنى مكتب جديد فاهدى كدا بدل ما
 تجيبه من الملاليم بتوعك اقصد من فلوسك
. (أنا لو من جاسر اموتك انت صراحة مستفزة)????????
جاسر   تمام يابريق حسابى معاكى مش هنا حسابى
 هيكون فى المكان المناسب ويخرج من المكتب
بريق. هو ايه قصده حسابك فى المكان المناسب 
معقول يكون قصده…..  لالالا مش معقول يقصد كدا
وتخرج من المكتب لتذهب للفيلا
تصل بريق الفيلا لتجد جاسر يقعد على الكرسى وينفخ
 فى السيجارة وعينه يملأها الشر
جاسر. انتى وصلتى ياست هانم 
بريق. جاسر هو فيه ايه مالك
جاسر. بضحكه شريره. مالى يعنى مستنى مراتى فيها حاجة دى
بريق. مراااتك 
جاسر. أه طبعا مراتى وحبيبتى كمان 
تنظر له بريق بإستغراب جاسر انت تعبان ولا حاجة
جاسر. بصراحة كنت تعبان بس دلوقتى خلاص انت
 جيتى وبقيت كويس ويالا تعالا فوق عشان تغيريلى هدومى
بريق. انت اتجننت ياجاسر
يقترب جاسر منها  لا ياحلوة مسمحلكيش تغلطى فيا
 عيب تهينى جوزك عشان بيطلب منك حقه الشرعى
بريق. لا دا ف احلامك ياجاسر ملكش عندى أي حقوق
جاسر  يعنى بترفضى 
بريق اااه طبعاً
جاسر. بما ان كدا خلاص براحتك مش هجبرك على
 حاجة بس كمان أنا أعرف اجيب ال يبسطنى
بريق.  قصدك ايه
جاسر.  دلوقتى تفهمى ياشاطرة وينادى بأعلى صوته على فتحى  انت يازفت يافتحى 
يخرج فتحى من الداخل ومعه فتاة ليل ايوه يافندم تحت امرك البنت اهى وصلت
جاسر يقرب من البنت. تصدقى فعلا شكرى عنده حق لما قالى هبعتلك ملكة جمال يالا تعالى
بريق. بغضب. جاااااسر انت بتعمل ايه ازاي يعنى تجيب
 الأشكال دى هنا وكمان بعد ما اتجوزنا
جاسر. انت مجنونه يابنتى هو انتى مش لسه قايله ان
 مليش عليكى حقوق خلاص فكك منى بقا وكمان
 عشان عارف ردة فعلك اتصلت بشكرى يبعتهالى 
بريق. بترجى جاسر ارجوك بلاش تعمل كدا 
جاسر بضحكة انتصار. يالا يازوزو تعالى ورايا قوضتى 
باى بريق هانم تصبحى على خير
ويطلع جاسر بالبنت أمام أنظار بريق الباكيه 
على حبيبها وزوجها الذى سيقضى ليلته 
فى أحضان غيرها ولا تقدر على منعه بسبب عندها وغروره
“لست أبكى. أنما افرغ مياة حزنى من بئر
قلبى الملئ بالشوق والحنين لمن لايشتاق ولايحن “
فى غرفة جاسر … انتى يا …
الفتاة بدلع إسمى لولو ياباشا
جاسر. طيب اتعدلى احسلك بدل ما اعدلك
الفتاة. انت ايه بس مزعلك فى دلعى
جاسر بغضب  ويقرب عليها ويضغط على ايديها اسمعى
 يابت انتى جايه ساعتين هنا تقضيهم وتخفى من وشى
الفتاة.  طيب ما أنا عارفة وكفايه ان هنام على السرير الملوكى دا
جاسر. لا ياشاطرة ما انت متعرفيش الجديد انت مش
 هتنامى على سريرى 
الفتاة. اومال هننام فين
جاسر. قصدك هتنامى فين. … انتى هتنامى فى الحمام
الفتاه. بإستغراب. الحمام ازاى يعنى
جاسر. زي الناس ياشاطرة أنا سريرى ميدخلوش واحدة
 زيك احمدى ربك أنك هتنامى فى حمام قوضتى 
الفتاة. اومال جايه هنا أعمل ايه 
جاسر    أنا هديكى ضعف المبلغ ال اتفقت مع شكرى
 عليه  بس بشرط
الفتاة. ايه هو 
جاسر. تنامى فى الحمام وهقفلوا عليكى من برا للصبح
 ولو شخص عرف بالحصل مش عايز اقولك هعمل
 فيكى ايه واياكى مراتى تعرف بحاجة
الفتاة. اااه أنا كدا فهمت انت عايز تفهم مراتك انك كنت
 معايا طول الليل وف نفس الوقت مش عايز تخونها 
طيب وانت معذب نفسك ليه وبعدين ما كدا او كدا
 عرفت ملوش لزوم أنام فى الحمام
جاسر. ميخصكيش أنا بعمل كدا ليه انت هتنفذى ال
 قولت عليه وهتاخدى مبلغ وتخفى مشفش وشك تانى
الفتاه. ماشى أنا موافقه بس هنام ازاى فى الحمام
جاسر  ميخصنيش أتصرفى. نامى فى البانيو
الفتاة دا ايه الحب دا كله.. المهم اخد المبلغ كله ودلوقتي
جاسر. ماشى  ويالا اخفى فى الحمام عايز انام
الفتاة  طيب طيب بس متزوقش
يخبط فتحى على غرفة جاسر… ادخل
فتحى التلج ياباشا. اومال فين البنت 
جاسر. فى الحمام وبعدين انت مالك  .. فين بريق وبتعمل ايه
فتحى. بريق هانم دخلت قوضتة الضيوف ال انت مجهزها ومخرجتش تقريبا هتنام فيها
جاسر. تمام. يالا امشى انت دلوقتى ومن بدرى تكون هنا
يستلقى جاسر على سريره ويتذكر أحداث يومه 
  بقا  جاسر الشهاوى يعيش تحت رحمه ست
 وميقدرش يطلقها انت ليه ياجدى عملت كدا أنا يمكن
 معشتش معاك كتير انا كان عندى 12سنه لما فارقت
 الحياة
 فاكر اليوم دا كويس  لما كان ابويا وعمى
 ناجى كانوا دايما على خلاف وكانوا عايزين ينفصلوا
 وكل واحد ياخد حقه  فاكر لما قولتهلم يستحيل
 سلسال ولاد الشهاوى ينفصل  ولكن عِند ابويا وعمى
 وصلهم انهم يهددوا بعض بالقتل
 انت مستحملتش ال ولادك بيعملوه وطبعا كان عِندهم
 سبب فى موتك وبعدها بأيام عمى قتل ابويا
 وامى وحرمنى منهم وسيطر على الشركة وخسر فى
 البورصة لما حاول ياخد فلوس من البنوك جاله رفض عليها 
فاكر كلامك  مع بريق 
Flashback
الجد. بريق أنت ايه مصحيكى لدوقتى ياحبيبتى
بريق. مش عارفة انام لوحدى ياجدو
الجد.  معقول يابريق اومال بتنامى كل ليلة ازاي
بريق. اقولك ومتقولش لحد
الجد.  قولى ياستى
بريق. بنام فى حضن جاسر بعد مايحكيلى عمل ايه
 النهاردة فى المدرسة مع اصحابه
الجد.  أاااه قولتيلى وما بتنميش ليه مع هيام 
بريق. لا ياجدو هيام بتنام ومبتحكيليش حاجة أنا بحب انام ف جمب جاسر
الجد. بس مينفعش يابريق  تعالى نامى فى اوضتى
بريق.  ليه مينفعش ياجدو أنا بحب انام جمب جاسر
 وكمان محدش بيهتم ببريق غير جاسر ولا بيجبلى شيكولاته غيره
الجد  وانا يابريق مش بهتم بيكى 
بريق لا ياجدو انت بس مهتم  بابا وعمو وبس
الجد سامحينى ياحبيبتى أنا عارف ان مقصر معاكى
 بس خلاص من دلوقتى كل حاجة هتتغير بس حاولى
 تتعودى تنامى لوحدك بعد كدا 
بريق لاياجدو أنا هفضل أنام فى حضن جاسر على حتى لما أكبر
الجد  وانا كمان يابنتى يتمنى تفضلى انت وجاسر مع
 بعض دايما  وبسببكم تفضل عيلتى مترابطة
بريق.   مش فاهمه حاجة من كلامك ياجدو
الجد  بكرة تكبرى وتفهمى ياقلب جدك …طيب يابريق روحى دلوقتى عندى مكالمه 
back
كنت واقف وسامع كل كلام جدى وبريق ال مفهمتوش وقتها بس حبيت كلام بريق عليا 
فاكر وقتها لما جدى مشى وراح يتكلم مع شخص وقاله
 أنا عايز اعدل وصيتى تانى يوم بابا وعمى اتخانقوا
 وبسببهم جدى تعب واتوفى  ومن بعدها عمى كمان 
 وكل حاجة من وقتها اتغيرت دلوقت فهمت ليه جدو
 عمل الوصيه دى عشان كان متأكد ان الشخص الوحيد
 ال هيخاف على بريق هو أنا 
والنهاردة عرفت سبب الرفض وهو ان مفيش فلوس
 بإسم ابويا ولا عمى وكل الفلوس والأملاك بإسمى أنا
 وبريق ال طبعا مش هنحصل عليها غير لما نتم 21 سنه وكمان اتجوز أنا وبريق وكان الحل الوحيد ان ناجى يهرب ببريق بدل ما تتسجن
بس مش قادر افهم مين عرف البنك ان بريق عايشه
 ولازم تاخد ورثها إذا كان بريق نفسها متعرفش ان ليها
 ورث وازاى حصلوا على اوراق ال تثبت انها بريق ناجى
 الشهاوى ومش بريق رضوان   أنا مبقتش فاهم حاجة
 مين الشخص ال يقدر يعمل كدا وايه مصلحته
ااااه دماغى هتنفجر 
أنا أفضل حاجة اعملها ان انام عشان اقدر استحمل
 صداع ست بريق بكرة ما هيا بقت قدرى. 
عندى بريق. تبكى فى غرفتها … لأ أنا ازاى هستحمل
 كل دا ازاي يعنى جاسر حبيبى وزوجى يكون فى
 أحضان واحدة غيرى ليه كدا ياجاسر تكسرنى 
أكيد جدو كان واثق ان جاسر الوحيد ال هيخاف عليا 
وعشان كدا عمل الوصيه دى
بس للأسف ياجدى القدر ليه رأى آخر وانا اتحرمت من جاسر كل السنين دى وعيلتك اتفرقت وجاسر تقريبا كرهنى بعد ما عرف بوصيتك وسابنى لوحدى بعد مالقيته
  يخبط فتحى على غرفة بريق
بريق تمسح دموعها. اتفضل
فتحى  أنا حضرتلك العشا ياهانم 
بريق. شكرا يا فتحى تقدر تروح أنا مش هقدر اتعشى 
فتحى  بريق هانم أنا عايز أقولك حاجة بس خايف ان
 جاسر بيه يعرف ان حكيتلك ال سمعته
بريق. عايز تقول ايه يافتحى قول ومتخافش
فتحى. أنا سمعت جاسر بيه بيتكلم مع البنت بإنهم يمثلوا ان كان معاه وكدا قدامك 
بريق.  يمثلوا ما هما مع بعض فعلا وف اوضه واحدة
فتحى. أه بس هو قالها تنام فى الحمام وهيقفله عليها
 للصبح ولما تخرج هتمثل انها كانت مبسوطه وهيا مع
 جاسر بيه  طول الليل ف مقابل يضاعف ليها المبلغ
بريق بفرحة. انت بتتكلم بجد يافتحى
فتحى. أه والله لو مش مصدقه ممكن تروحى تفتحى
 اوضة جاسر بيه وهتلاقيه نايم لوحده بس المشكله ان
 ممكن يحس بيكى
بريق. لا أنا مش هروح أنا مصدقاك  .. شكراً يافتحى 
فتحى. على ايه انا لولا ان بحب جاسر بيه وعارف قد
 ايه ان شخص طيب وبيحبك مكنتش اتكلمت
بريق. انت بتحبه قوى كدا يافتحى 
فتحى. لو تعرفى عمل ايه عشانى كنتى عرفتى ليه
 بحبه .. جاسر بيه لما عرف ان أمى بتموت ومحتاجة
 عمليه وتكلفتها كانت كبيرة جدا عليا وكانت حياة أمى
 فى خطر فورا دفعلها تكلفة العملية وكمان مخصمش
 من مرتبى حاجة وقالى مرتبك من حق ولادك  
 هو كان اكرم الناس واحنهم عليا وبسبب كرمه وفضل
 ربى أمى لسه عايشة وبتدعيله قبل ما تتدعيلى 
بريق.  بقا جاسر عمل كل دا لسه جواه جاسر الطيب والحنين بتاع زمان 
فتحى جاسر بيه ورا عصبيته طيبه وحنيه تملى الكون
 متسبهوش ياهانم وحافظى عليه ومع الوقت هينسى ويرجع زي ما كان
بريق. حاضر يافتحى أنا هرجع جاسر زي ماكان زمان 
فتحى ربنا يسعدكم. أنا همشى دلوقتى  
بريق  ماشى يافتحى … 
بقا كدا يا جاسر بقا بتلعب عليا وتمثل كمان تمام ان ما عرفتك مين هيا 
مرات جاسر الشهاوى مبقاش أنا ????????
ف. مكان آخر  
_هاااا جاسر مضى على اوراق استلام بريق الأملاك 
=هيمضى بكرة الصبح فى الإجتماع 
_ تمام. أول مايمضى تكلمنى 
=. ماشى 
_ يضحك الشخص بشر????.   وأخيرا. ياجاسر نهايتك هتكون  على ايدى نام يا جاسر وارتاح عشان دى آخر ليله ليك ف الدنيا ????????
سنعتاد.   الألم … الفراق … الإشتياق … الخزلان 
        ثم ننسى …

يتبع..

لقراءة الحلقة الرابعة عشر : اضغط هنا

لقراءة باقي حلقات الرواية : اضغط هنا

نرشح لك أيضاً رواية أحببت ظابطة للكاتبة شروق عبدالقوي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى