رواية كانسر الفصل الرابع عشر 14 بقلم آية السيد
 |
| رواية كانسر الفصل الرابع عشر 14 بقلم آية السيد |
رواية كانسر الفصل الرابع عشر 14 بقلم آية السيد
في الشركه
مالك وأسر كانوا في اجتماع مهم ومالك مش مركز خالص وبيفكر في نتيجه تحليل حور
أسر /مالك يا مالك
مالك بانتباه /ها
أسر /مالك سرحان في ايه بقالي ساعه بكلمك
مالك /ها لا ابدا فيه ايه
أسر /البشمهندس زين بيسالك عن الموعد بتاع مضي العقود
مالك /اي وقت احنا هنبقى جاهزين فيه ان شاء الله
زين /احنا سمعنا كتير عن التعامل معاك يا بشمهندس مالك ودي هتبقا اول صفقه بينا اتمني نكون عند حسن ظنك
مالك بابتسامه /ان شاء الله و..
قطع كلام مالك صوت موبايله… الكل بصله باستغراب لان مالك في العاده مش بيسيب الموبايل مفتوح في الاجتماع
مالك بص علي الشاشه ولقاها انجي
مالك فتح الفون بسرعه ورد عليها
مالك بلهفه /الو يا انجي ها
انجي بفرحه /خفت يا مالك حور خفت
مالك بضحك ومش مصدق اللي بيسمعه /بجد يا انجي
انجي بضحك وبفرحه /اه والله خفت انا مبسوطه اوي انا هقولها
مالك بنفي /لا انا اللي هقولها
انجي بابتسامه /ماشي يا معلم الله يسهلوا… سلام
مالك /سلام
انجي بسرعه /بقولك صحيح
مالك /ها
انجي /اقول لبابا وماما
مالك /لا انا عارف هقولهم ازاي اوعي انتي تقولي لحد
انجي /ماشي يا باشا سلام
مالك /سلام
مالك قفل معاها وفضل يضحك وبص حواليه لقا الكل بيبصله باستغراب
أسر باستغراب /فيه ايه يا مالك
مالك /هقولك بس مش دلوقتي… وبص لزين وكمل كلامه /انا اسف جدا بس انا مضطر امشي دلوقتي وأسر هيكمل معاك الاجتماع
زين بتفهم /تمام يا بشمهندس مالك
مالك ل أسر /لو حور سألت عليا قولها معرفش مكانه
أسر باستغراب /بس
مالك /اعمل كده بس يا أسر سلام
مالك خرج وأسر مش فاهم حاجه بس كمل الاجتماع عادي
_____________________________
زين خرج من الشركه وركب عربيته وكلم حد في التليفون
مالك /الو
الشخص /ايوة يا مالك باشا
مالك /انا عاوزك تسمع كل اللي هقوله وتنفذه بالحرف الواحد
الشخص /تحت امرك يا مالك بيه
مالك /…………
مالك /فهمت هتعمل ايه
الشخص /ايوة يا مالك باشا ومتقلقش كل حاجه هتبقي زي ما حضرتك أمرت بالظبط
مالك /اتمني كده واللي انا طلبته دا يخلص النهارده علي الساعه 5 وقت الغروب
الشخص /اوامرك يا باشا وان شاء الله قبل الوقت دا هتكون كل حاجه جاهزة
مالك /تمام هستناك تبلغني ان كل حاجه جهزت
الشخص /اطمن يا مالك باشا مع السلامه
مالك /سلام
مالك قفل مع الشخص وابتسم بسعاده علي الخبر اللي عرفه وفضل يفكر في خطته اللي ناوي ينفذها النهارده وكان بيحط الموبايل جنبه ومخدش باله من العربيه اللي جايه في اتجاهه وو…….
______________________________
في منزل عائله الصواف
حور كانت قاعده في اوضتها متوتره وخايفه من نتيجه التحاليل والاشعه وسمعت صوت خبط علي الباب
حور /اتفضل
أحمد وإيمان دخلوا الاوضه وقعدوا جنبها
أحمد بحنيه/مالك يا بنتي
حور حضنته /خايفه اوي يا بابا النهارده المفروض النتيجه هتطلع
ايمان بحب /ان شاء الله خير يا حبيبتي وتبقي خفيتي
أحمد /اطمني يا بنتي وخلي عندك ثقه في ربك واتعشمي فيه خير
حور /والله يا بابا واثقه في ربنا بس غظبا عني الخوف مسيطر عليا
أحمد /انا فاهمك يا بنتي ومتقلقش انا قلبي مطمن ان كل حاجه هتكون بخير ان شاء الله
حور /يا رب يا بابا يا رب
ايمان /طب انتي كلمتي مالك
حور /بحاول ارن عليه بس مش بيرد
ايمان /طب رني علي أسر هو معاه في الشركه
حور /حاضر
حور رنت علي أسر ورد عليها
أسر بحب /ازيك يا قمري
حور بابتسامه /الحمد لله يا حبيبي انت عامل ايه
أسر /الحمد لله تمام ها يا جميل
حور /كنت عاوزه أسألك علي مالك
أسر افتكر كلام مالك ومقالش لحور /مش عارف يا حور هو نزل من الشركه ومقالش رايح فين
حور /طيب يا أسر مش عاوز حاجه
أسر /سلامتك يا حبيبتي
حور قفلت مع أسر وبصت لاهلها
حور /أسر بيقول انه نزل من الشركه بس هو ميعرفش طريقه
أحمد /طيب جربي رني عليه بعد شويه ممكن يرد
حور /حاضر يا حبيبي
_________________________________
في مكتب ياسين
ياسين كان قاعد في مكتبه وشارد في نورهان وهو مستغرب نفسه ليه بقا دايما بيفكر فيها وبقت شاغله تفكيره وحاسس انه متضايق من ساعه ما بقت بتتجنبه رغم ان هو اللي كان عاوز كده وقطع شروده لما سمع صوت محمود
محمود /ايه يا بني بقالي ساعه بكلمك
ياسين بانتباه /ها
محمود /ها ايه بس دا انا داخل بقالي شويه وانت ولا انت هنا…… انت لسه بتفكر في حور؟؟
ياسين بنفي /لا
محمود /امال ايه بقا اللي شاغل بالك اوي كده ومخليك دايما سرحان كده
ياسين /عاوز أسألك علي حاجه يا محمود
محمود باستغراب /اسأل
ياسين بحرج /هو يعني… يعني اقصد
محمود /متقول علطول يا ياسين فيه ايه وبعدين انا اول مره اشوفك متوتر كده
ياسين /يعني اقصد أمته الواحد يعرف انه بيحب
محمود اتصدم من السؤال وبعدين فضل يضحك جامد علي صاحيه وتوتره
ياسين بضيق /انا غلطان اني اتكلمت مع واحد زيك اصلا يلا روح مكتبك
محمود بيحاول يسيطر علي ضحكه
محمود /هههههه خلاص خلاص بس ايه لازمه السؤال دا
ياسين بتوتر /سؤال عادي يعني
محمود برفعه حاجب /يا جدع؟!!!
ياسين /يوة يا محمود مش عاوز اعرف
محمود /خلاص يا عم هقولك بما اني خبره يعني وكده
ياسين /اه يا اخويا انت هتقولي
محمود بثقه مصطنعه /عشان بس تعرفوا قيمتي وتقدروني بعد كده وتقدروا علاقاتي
ياسين /ماشي يا اخويا انجز بقا
محمود /بص يا سيدي دايما هتلاقي انك بتفكر في الشخص دا ودايما بتبقا عاوز تشوفه وتتكلم معاه بيبقا واحشك حتي وهو معاك…. بتضايق لمجرد ان هو زعلان منك… بتحس ان يومك ناقص من غيره
ياسين بدون وعي /يعني انا ممكن اكون بحبها
محمود بصدمه /مين دي
ياسين /ها ولا حاجه انا لازم اروح ليها
محمود /والله ما انت متحرك غير ما اعرف هي مين
ياسين /يا محمود بقا سبني بس قبل ما تمشي
محمود /لا أعرف الأول
ياسين /نورهان يا محمود عرفت مين.
محمود بصدمه /بتحبها بجد؟!!
ياسين /ايوة الكام شهر اللي فاتوا اثبتولي اني بحبها وبحبها اوي كمان
محمود /بس
ياسين باستغراب /بس ايه يا محمود
محمود /انت قولت انك مش بتحبها وشايفها زي اختك
ياسين /كنت مغفل والشهور اللي هي بعدت عني اتأكدت من دا واتاكدت اني بحبها انا لازم اروح ليها الوقتي ادعيلي
محمود /ربنا معاك… اخيرا الجبل حس
_________________________________
في مكتب الدكتوره نورهان
نورهان كانت بتجهز حاجتها عشان تمشي وفجأه سمعت صوت الباب.
نورهان /ادخل
الباب اتفتح وياسين دخل وقفله تاني
نورهان بصت واتصدمت لما لقيته ياسين وتجاهلته ورجعت بصت لحاجتها تاني
ياسين /عاوز اتكلم معاكي يا نورهان
نورهان /بعد اذنك يا دكتور انا لازم امشي ومعتقدش ان فيه بيني وبين حضرتك اي كلام
ياسين راح وقف قدامها وهي اتوترت
ياسين /لا فيه يا نورهان
نورهان بتوتر /ل.. لا
ياسين /نورهان انا بحبك
نورهان بصدمه /ايه؟؟؟!!!!
ياسين بتنهيده /ايوة بحبك
نورهان بدموع /ايوة بتحبني زي اختك مش كده
ياسين /لا يا نورهان مش زي اختي كنت الأول غبي مفكر ان حبي ليكي حب اخوات بس لا طلعت غلطان انا بحبك بجد كمراتي وامي وصحبتي وكل حاجه في الدنيا الشهور اللي بعدتي فيها عني اكدتلي دا انا مش بس بحبك لا انا بعشقك.
نورهان بدموع ولفت وشها بعيد عنه /وانا مش بحبك
ياسين اتصدم من ردها بس فهم هي بتقول كده ليه
ياسين لفها واتكلم بخبث /مش مهم المهم اني بحبك
نورهان وهي تتجنب النظر ليه /وانا مش بحبك هو بالعافيه
ياسين لف وشها وخلاها تبص في عينه /بصي في عيني وقولي انك مش بتحبيني وانا اوعدك انك مش هتشوفيني تاني
نورهان عيطت اكتر ومقدرتش تتكلم لأنها رغم كل حاجه بتحبه
ياسين مسح دموعها /نورهان انا عارف اني جرحتك قبل كده بس والله كنت غبي عشان شوفت حبي ليكي زي حب الأخوات مع انه عمره ما كان كده… صدقيني والله بحبك
نورهان بعياط /و… وانا…. ب… ب.. بحبك
ياسين ضمها ليه وهي حضنته وعيطت
ياسين /سامحيني والله هعوضك عن كل لحظه بعد بينا…. بحبك
نورهان /ب… بحبك
ياسين بعدها عنه ومسح دموعها
ياسين /مش عاوز اشوف عيونك الحلوة دي بتعيط تاني
نورهان بخجل /ي… ياسين
ياسين بحب /قلب ياسين وعقله وعمره كله
نورهان اتكسفت من كلامها بس كانت مبسوطه اوي
ياسين /بكره الساعه 7 هكون عندكم في البيت
نورهان بغباء /ليه
ياسين بضحك /هههههههه عشان فيه بنوته قمر كده هاجي اخطفها لبيتي
نورهان بصت فس الارض بكسوف ومتكلمتش
ياسين بضحك /هههههههه مالك قلبتي فراوله كده
نورهان بتوتر /ا… انا همشي
ياسين بابتسامه /هوصلك
نورهان /بس
ياسين /من غير بس يلا
ياسين ونورهان خرجوا من المستشفى وياسين راح يوصلها
____________________________________
في منزل عائله الصواف
حور قررت انها ترن علي مالك
وفضلت ترن واخيرا رد
حور /الو ايوة يا مالك انت فين بتصل عليك مش بترد
الشخص /الو يا مدام الاستاذ دا كان عامل حادثه علي الطريق وهو دلوقتي في المستشفى
حور بصراخ /مالككككككككككك
يتبع…..
لقراءة الفصل الخامس عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد
