رواية رقية الحلقة الرابعة عشر 14 بقلم هاجر محمود
 |
| رواية رقية الحلقة الرابعة عشر 14 بقلم هاجر محمود |
رواية رقية الحلقة الرابعة عشر 14 بقلم هاجر محمود
بعد مرور شهر على انتهاء الامتحانات وفي منزل رقية حيث جلست رقية في غرفتها تراسل سليم بينما اتصلت بها ساره لاخبارها بظهور النتيجه
رقية: يعني انت محبتش خالص خالص؟؟
سليم: لا حبيت بس مكانش من قلبي
رقية بغيره: وكانوا كام واحده
سليم وهو يروق له غيرتها: متعدش يا چيمي
رقية: ده انت نفسك حلوه
سليم بضحك: طبعا
رقية: ماشي ياعم الحلو
سليم: ياعم؟!
رقية: متقفش عالوحده انا كلامي كده دبش
سليم: دبش بس بحبك
رقية: وانا كمان بحبك… نكمل؟
سليم: ليييه؟ ما كنا ماشيين كويس
رقية: لا نكمل
سليم: اتفضلي كملي تحقيق
رقية بتردد: طيب وليلي؟؟
سليم: رقية! متفتحيش السيره دي بس كل اللي هقولهولك انها حكايه وخلصت
رقية: يعني خلاص ملهاش مكان في حياتك؟؟
سليم: مفيش غيرك في قلبي يا رقية، انتي اللي بتمناها من ربنا تكون زوجه وحبيبه وام واخت ليا، انا بحبك يا رقية ومش هسيبك مهما يحصل
رقية: وانا بحبك يا سليم
( يرن هاتف رقية )
رقية: دقيقه معايا مكالمه
سليم: تمام
ردت رقية على الهاتف لتخبرها سارة بأن النتيجه قد ظهرت وعليهم الذهاب لرؤيتها وبعد انتهاء المكالمه عادت لمراسله سليم مرة اخرى
رقية: كنا بنقول ايه؟
سليم: كل دي دقيقة ؟؟!
رقية: معلش اتأخرت
سليم: ولا يهمك بس كنتي بتكلمي مين ؟
رقية: ليه؟
سليم: عادي بسأل
رقية: لا اعرف السبب
سليم: لا
رقية: سليم!! انت بتغير؟
سليم: بصراحه ايوه بغير، لان اللي بيحب بيغير على الشخص اللي معاه لانه بيحس انه ملكه لوحده محدش له الحق ف انه يقربله بمعنى انه ملكيه خاصه وانا بحبك وبغير عليكي
رقية: طيب انا كنت بكلم ساره
سليم:ليه؟
رقية: ابدا النتيجه ظهرت وهنروح نشوفها سوا
سليم: ماشي
رقية: ممكن اسألك سؤال؟
سليم: طبعا
رقية: ليه حساك متغير اليومين دول
سليم: متغير ازاي مش فاهم
رقية: يعني ساعات بتكون فاتح مثلا مش بتكلمني او لما اتصل بيك يا مشغول او مش بترد
سليم: لا مش متغير كل الحكايه ان عندي شويه مشاكل وحوارات ومش عايز اشغلك بيها
رقية بعدم اقتناع: طيب ربنا معاك
سليم: يارب
رقية: يارب
رن هاتف سليم وفجأه تغيرت تعابير وجهه وقرر ان ينهي محادثته مع رقية ليجيب على المتصل
سليم: طيب مش هتروحي تشوفي النتيجه
رقية: انت لحقت زهقت مني
سليم: مش قصدي والله بس عاوز اطمن انا كمان
يلا روحي شوفيها وطمنيني
رقية بقلة حيله: حاضر يا حبيبي
سليم: باي يا حبيبتي
رقية: باي
****************
اغلقت رقية المحادثه وبدلت ملابسها وذهبت لرؤية النتيجه مع سارة، وبعد خروجهم من الجامعه كانوا يتحدثون معا بسعاده عارمه لنجاح كلٍ منهما بتفوق
رقية: انا مش مصدقه احنا نجحنا
سارة: الحمدلله يابنتي
رقية: طيب يلا اتصلي بمصطفى فرحيه وانا كمان هتصل بسليم
سارة: تمام يا باشا
(ضربتها رقية بمرح واتصلت بسليم ولكن دون رد فحاولت مره اخرى ولكن لا رد فقالت لنفسها: غريبه يمكن مشغول اما اجرب تاني كده
سارة: ايه مردش ؟
رقية: ها؟! اااا لا مردش
سارة: يمكن مشغول ولما يشوف مكالماتك هيكلمك
رقية بحزن: يمكن…..، يلا بينا بقا عشان منتأخرش
سارة: يلا
****************
على الجانب الاخر بعد ان انهى سليم مراسلته مع رُقَيّة ورد على الهاتف فإذا بالمتصل ليلي فرد سليم عليها بعصبيه: انا مش قولتلك متتصليش تاني
ليلي: ليه بس يا حبيبي
سليم: انا مش حبيبك انا بكرهك
ليلي: وانا بحبك وبموت فيك كمان
سليم: انتي ايه يا شيخه معندكيش دم مش بتحسي اني بكرهك وبحتقرك كمان
ليلي: عارفه وده اللي مدوبني فيك زياده
سليم: ايه القرف ده انتي واحده مريضه بنت***** ولازم تتعالج
ليلي: انت كده بتغلط وانا هزعل منك
سليم بغضب: ما تزعلي ولا تولعي انا مالي بيكي انا بكرهك بقوللك وان طولتك هتبقا نهايتك على ايدي
ليلي بغضب: طب اسمع بقا يا سليم انت ليا انا وبس واذا كان عالبت دي
قاطعها سليم بغضب: اخرسي اوعي تجيبي سيرتها انتي فكراها زيك ولا ايه ؟
ليلي بعصبيه: انت فاكر انها هتاخدك مني ده بعيد عنها ده انا امحيها من على وش الدنيا
سليم: قربيلها بس وانا اللي همحيكي من على وش الدنيا انتي فلتي مني مرة لكن يوم ما تقربي لها هيبقا اخر يوم ف عمرك ده انا مش هخليهم يعرفولك طريق ولا يلموا جثتك على بعضها
ليلي بلهجه تهديدية: طيب انا هوريك انا هعمل ايه فيها وان مخليتك ترجعلي راكع مبقاش انا ليلي يا سليم
****************
اغلق سليم الهاتف في وجهها بعصبيه قبل ان يسمع بقية التهديد ونظر لهاتفه فوجد رقية اتصلت به كثيرا فلام نفسه على عدم الرد عليها واتصل بها ليعتذر لها
سليم: الو
رقية بعتاب: يااااااه لسه فاكر
سليم بإعتذار: انا اسف يا حبيبتي بس كان عندي شغل واول ما شوفت المكالمات اتصلت
رقية: ربنا يعينك ويقويك
سليم: يارب……. المهم عملتي ايه ؟؟
رقية: الحمدلله نجحت وبتقدير امتياز كمان
سليم بفرحه: بجد؟! انا فرحان اوي الف مبروك يا حبيبي يارب دايما من نجاح لنجاح
رقية بأبتسامه: يارب…… والله يبارك فيك
( واستمروا ف الحديث معا وصالحها سليم )
“ومر بعض الوقت”
رقية بحب: اقولك على حاجه بحبها فيك اوي
سليم: ايه يا حبيبي؟!
رقية: بحب اوي لما تناديني بحبيبي بحب اسمعها منك اوي بحسها زي المزيكا كده
سليم: اقولك انا بقا على سر
رقية: ايه ؟
سليم بصوت عالي: بحبييييييييييييك
رقية بخجل: بس الناس يقولوا ايه؟
سليم: انتي الناس بالنسبالي
رقية: وانت كل حاجه ليا
****************
اثناء ذلك دخل عليه صديقه عامر ليخبره بالنزول للعمل فاعتذر سليم لرقية لانشغاله ببعض الاعمال
سليم: معلش يا حبيبتي عندي شويه شغل ولما اخلص نتكلم
رقية: طيب يا حبيبي ربنا معاك
سليم: باي
رقية: باي
********************************************
بعد ان انهت ليلي مكالمتها مع سليم اتصلت ب….
يتبع..
لقراءة الحلقة الخامسة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية فوزية القوية للكاتبة اسراء ابراهيم.
