روايات

رواية هل نلتقي الفصل التاسع 9 بقلم هاجر عصام

رواية هل نلتقي الفصل التاسع 9 بقلم هاجر عصام

رواية هل نلتقي الجزء التاسع

رواية هل نلتقي البارت التاسع

رواية هل نلتقي الحلقة التاسعة

خلص اسبوع اسوان بين تساؤلات يوسف عن عصبية نيللي الغير مبرره، وموافقة جميله بمراد وبعد لبنى عن يوسف وتقرب نوح من نور واستعداد كريم لمقابلة نيللي اللي متعرفش عنها حاجه لسه
يوسف: الكل موجود خلاص الاتوبيس هيتحرك
الطلبه: كله موجود يا هندسه
يوسف: متأكدين
الطلبه: ايوه متقلقش
يوسف: طب على بركة الله
كريم: ماما متأكده ان يومين ونقابل طنط نسرين
امل: قالتلي موافقين وهى هتيجي القاهره النهارده
كريم: ما ينفعش نقابلهم النهارده
امل: ما تنشف كده واجمد فيه ايه
كريم: حاسس اني هقابل روحي يا امي حاسس إن هتنفس تاني
امل: ربنا يهدي سرك يا حبيبي ويريح بالك يارب
نور: أنتِ قالبه على يوسف ليه
نيللي: هو فيه بينا كلام عشان اقلب عليه
نور: من ساعة ما اتكلمتوا اخر مره وانتِ مش طايقاه وبتتعصبي لما تشوفيه
نيللي: خلاص بقى الرحله اللي جمعتنا خلصت وهنرجع معيد وطالبه عنده مفيش بينا كلام
نور: كان بيحاول يتكلم معاكي بردو لما كنتي طالبه وهو معيد
نيللي: بتلمحي لأيه يا نور عايزه ايه
نور: مش يمكن بيحبك
نيللي: لا مش بتاع حب
نور: متسمعيش للبنى
نيللي: مليش عقل انا اعرف اميز به مش كان بيلطف معاكي بردو
نور: انا وانتِ عارفين إنه مبيحبنيش اصلا انا اللي كنت غبيه وفسرت كلامه انه اعجاب
نيللي: يبقى نعرف من كده أنه sweet talker مش بيحب
نور: بس نظراته ليكي تقول إنه بيحب وعايز وشاري
نيللي: ربنا يوفقه بقى
نور: اسمعي كلام جميله صدقيني معلقه نفسك بقشايه
نيللي: اللي مصدق حاجه بيوصلها يا نور
نور: اللي يريحك يا صاحبي المهم متندميش
نيللي: مقلتليش فتح معاكي كلام ازاي
نور: مين ده
نيللي: ايوه ايوه اعملي مش فهماني
نور: اتلمي
نيللي: خلصي
نور: انا كنت فاكره إنه بيحب جميله عشان نكشهم المستمر في بعض وقلت خلاص بقى هيعترفلها هنا لقيته جاي وبيقولي الواد مراد ده معندوش تلميحات أو حتى ياخد وقت يتأكد من مشاعره لا ده دوغري طلب ايدها وانا فهمت انه متضايق عشان هو بيحبها لقيته بيطلع خاتم وبيقولي فضلت اداري واتأكد من مشاعري وده كله تضييع وقت انا عايز أقابل عمي واطلب ايدك
نيللي: يا جامد
نور: لا ما انا موافقتش قلتله تصرفك غلط والخاتم ده انا مقدرش اخده منك غير لما بابا يوافق هكلمه واقوله وأرد عليك بعدين
نيللي: تربيتي
نور: عقبال اما تفوقي وترجعي للواقع
نيللي: انا في الواقع يا صاحبي
نور: مش باين
نيللي وهي بتغير الموضوع: كده عندنا خطوبتين بعد الرحله دي
نور: هيبقوا تلاته انا واثقه
نيللي وصلت البيت وسلمت على أهلها
نسرين: عايزاكي
نيللي للأب: انا عملت حاجه وانا مش موجوده ولا ايه لمحلي بأي حاجه طيب
الاب: هي هتقولك متقلقيش
نيللي: انا كده قلقت اكتر استر يارب
نسرين: يلا يا نيللي
نيللي: بتدور عليا بتدور عليا، ايوه يا روح قلبي
نسرين: فاكره طنط امل جارتنا زمان
نيللي بتصنع: مين دي يا ماما
نسرين: اوعي تفتكري اني كأم مش عارفه اللي بيدور في بالك أو مش عارفه البوكس ده فيه ايه او مش عارفه حماسك لأسوان ليه
نيللي بتوتر: ايه يا ماما الكلام ده انا هخبي عليكي ايه بس
نسرين: خبيتي حبك عني
نيللي: حب ايه بس
نسرين: طنط امل عايزه نتقابل وانا قلتلها بعد بكره عشان تكوني رجعتي بس انا عايزه اقولك حب الطفوله ده مش دايما بيصيب ومش لازم تعلقك بشخص يخلي قلبك وعينك معميين انا عارفه انك لسه بتدوري على كريم وان لقائكم ده معناه رجوعكم لا، انا كنت رافضه اننا نتقابل بس قلت ادي قلبك فرصه يمكن تعرفي تحكمي دلوقتي
نيللي: عايزه احكيلك حوار تاني
نسرين: قولي
نيللي: فاكره يوسف اللي كنت بحكيلك عنه
نسرين: مين ده
نيللي: دكتور يوسف يا ماما الرخم ده
نسرين: ايوه افتكرته ماله
نيللي: كان بيلمحلي من فتره وقالي في الرحله أنه بيحبني
نسرين: أنتِ بعد بكره هتقابلي كريم انا مش هقولك تعملي ايه ومتعمليش ايه أنتِ اللي تقرري بس هديكي نصايح بردو عشان تعرفي تختاري صح
نيللي: شكرا يا ماما، بس انا حاسه ان يوسف لعبي
نسرين: بمعنى
نيللي: كان بيحب واحده ايام الجامعه وبعدين عملتله مشاكل كتير وبعدين بقى شديد في المحاضرات ويلطف معايا بعدين في محاضره كنا متأخرين انا ونور وطردنا منها وبعد ما خلص جالنا الكافتيريا وقالي لو عايزه اشرحلك المحاضره معنديش مشكله واغير اسلوبي وقوانيني وبتاع بس انا صديته
نسرين: ده لعب عيال اللي عايز ييجي البيت العنوان ميتوهش يعني
نيللي: ايوه يا ماما
نسرين: حسيتي بحاجه ناحيته
نيللي: مش عارفه
نسرين: أنتِ تعلقك بكريم عامي عيونك
نيللي: شكله حلو شبه الاتراك
نسرين: ربنا ينور بصيرتك يا بنتي المهم إن يومين ونشوفهم
مش عارفه الاوضه لم تسع سعادتي ولا ايه بس كنت بطير من الفرحه هقابل اخيرا صاحبي كريم احكيله اد ايه كنت محتاجاه وكل ما بلاقي نفسي سرحت ارسمه اد ايه كان محفور جوايا
على الواتساب
نيللي: نووووور
نور: ايوه في ايه بتزعقي ليه
نيللي: العالم مش سايعني من الفرحه البعيد عن العين هقابله خلاص
نور: بتهزري
نيللي: ماما قالتلي هنقابلهم بعد بكره وانا نفسي اغمض وافتح ونبقى في بعض بكره
نور: اتقل يا نجم مالك خفيف كده ليه
نيللي: باين اوي يعني
نور: ده اللي ميعرفش الموضوع هيعرف من فرحتك
نيللي: تفتكري هو كمان فرحان كده
نور: طالما عايزين يقابلوكم يبقى زيك يا ست
نيللي: ياريت ، اه شكله اكيد عسول عيونه العسلي اللي بحبها ولمعتها ناقص كتير على بعد بكره ليه مش دلوقتي، البس ايه أقابله بفستان روز ولا… لا لا هاي كول ابيض وچيبه كافيه وچاكت كافيه ولا البس ايه
نور: حيلك حيلك ايه كل ده خليكي هاديه متبينيش حبك بسرعه اصبري عليه
نيللي: مش عارفه اسيطر على نفسي من الفرحه قلبي بيدق جامد اوي
نور: هنعرف نسيطر على نفسنا اجمدي بكره هجيلك ونشوف الحوار ده
نيللي: تمام هستناكي
رساله من يوسف
يوسف: عملتيلي بلوك وسكت بس المرادي هنتكلم
نيللي: بلوك ايه حضرتك بتتكلم عن ايه
يوسف: حضرتك! ما علينا هعديها دلوقتي انا كنت اللي ببعتلك في الرحله انا اسف طبعا بس حقيقي كنت عايز اتواصل معاكي بأي طريقه وخفت اكلمك من رقمي تعملي مشاكل وفي ناس وكده
نيللي: ده ايه التدخل وقلة الادب دي مين سمحلك اصلا تكلمني قبل كده ودلوقتي
يوسف: معلش تهدي وتسمعيني انا بحبك وعايز اتقدملك انا مش بلعب عليكي ولا ليا في كل ده اسف على تطفلي وقت الرسمه واسف على تطفلي وقلة ادبي لما كلمتك ده انا حتى حكيت لجدتي عنك
نيللي: بأي حق تكلم حد عني
يوسف: الحب مفيهوش حدود وانا قلبي سايقني
نيللي: انا اسفه يا بشمهندس يوسف عشان مصدمكش أو ابقى وحشه بس بقول لحضرتك انا مش بحبك ولا بكن اي مشاعر تجاهك مترهقش نفسك ولو سمحت متبعتليش تاني
يوسف: طب بس افهميني ممكن اجي اقعد مع والدك
نيللي: هو حضرتك مبتفهمش ليه قلنا لا
يوسف قلبه اتكسر من الكلام كإن الحوار بيتعاد تاني ونفس كسرة القلب قال إنه مش هيقع في الحب تاني ويهتم بدراسته وكاريره ويوصل لاحلامه الحب ده وجع قلب مش اكتر
نيللي قدام المرايه بتحاول تتخيل كريم وتتكلم على أساس انه قدامها فجأه حست بنغزه في قلبها وصوت جواها بيقولها
الصوت:غبيه بتعملي ايه ده تعلق انا محبتش حد
نيللي: بس انا حبيته ده مش تعلق
الصوت: تفتكري لما تشوفيه هيبقى عندك نفس الحماس
نيللي: اكيد طبعا ده حب طفولتي
الصوت: مش شايفه انك انانيه طب يوسف ذنبه ايه
نيللي: انا مالي بيوسف انا مبحبهوش هو اعترفلي وانا قلتله لا خلصنا
الصوت: عيونه كانت بتلمع لينا بس
نيللي: وكريم بردو
الصوت: ولو لسه عايزك ليلى
نيللي: لا مستحيل هو خلاص كبر
الصوت: متأكده
وساد الصمت هي مش عارفه ترد هو فعلا لو لسه متعلق بجدته وعايزها ليلى هتعمل ايه
فات اليومين وجينا ليوم اللقاء
نور: انا قلقانه
نيللي: مين اللي المفروض يقول للتاني كده
نور: خايفه عليكي خايفه فرحتك دي تتهد
نيللي: لا بالله عليكي طمنيني
نور: مش مطمنه كلامك امبارح عن جدته وتعلقه بيها راعبني ممكن يكون مهووس بيها وشايفها فيكي
نيللي: ما دي حاجه حلوه
نور: خالص
نيللي: مش عارفه بقى متوترينيش قوليلي ان كله هيبقى تمام واني هبقى مبسوطه
نور: اتمنى يا صاحبي
نسرين فتحت الباب: ها يا بنات خلصتوا
نيللي: ايوه يا ماما خلاص جاهزه
نسرين تمام
قامت نور جري ورا نسرين
نور: طنط هو انا ليه مش حساكي مبسوطه
نسرين: لا يا حبيبتي مش مبسوطه ازاي
نور: مش عارفه ملامحك مش زي ما انا متعوده عليها
نسرين: هو يوسف ده عامل ازاي
نور: ايه!!
نسرين: متاخديش في بالك انا كويسه يلا قولي لصاحبتك اني نزلت العربيه جت
نور: تمام، هي مالها تحس انها مجبوره على المشوار ليه ربنا يستر
نور: نيللي طنط بتقولك يلا هي نزلت عشان العربيه جت
نيللي: تمام ، شكلي حلو
نور: شكلك يهبل
نيللي: كان بيحب اللون البني وهو لايق عليا
نور: أنتِ كده كده زي القمر في كل الأحوال
نيللي: يلا ننزل عشان ماما
نور: حساها غريبه النهارده مالها
نيللي: مخدتش بالي الصراحه
نور: المهم خفي حماس ومتبينيش انك مستنيه اليوم ده بفارغ الصبر ولما تيجي كلميني
نيللي: موافقه
وصلوا المكان نيللي خدت نفس وحاولت تهدى وتخبي حماسها كإنه مش فارق معاها
امل: اهلا يا نسرين اتأخرتوا كده ليه ،نيللي كبرتي وبقيتي احلى ما شاء الله
نسرين: ولا اتأخرنا ولا حاجه أنتِ بس اللي مواعيدك بالشعره مبتتغيريش
امل: اهم حاجه المواعيد معلش
نسرين: أنتِ جايه لوحدك
امل: لا كريم معايا بس قالي هيجيب حاجه وجاي
نسرين : ييجي بالسلامه
امل: ايه يا نولا مالك مخضوضه كده ليه
مكدبش عليكم حماسي اتبدل لتوتر وقبصة قلب
نيللي: لا يا طنط خضة ايه بس انا بسمعكم
امل: نيللي اللي اعرفها مبتبطلش كلام
نسرين: كبرنا بقى
كريم: السلام عليكم
امل: وعليكم السلام يحبيبي ايوه بقى ورد وحركات
معرفش ليه قلبي وجعني لما سمعت صوته وافتكرت الحلم نفس الصوت ايدي بدأت تترعش وتوتري بان اكتر وشي جاب الوان
كريم: ازيك يا طنط وحشاني كتير
نسرين: وانا لو كنت وحشاك كنت كلمتني بس لا خلاص اتنسيت
كريم: عيب عليكي انا اقدر انسى احسن واحده تعملي مكرونه بالبشاميل
نسرين: اه يبتاع مصلحتك انت اه
كريم: ازيك يا نيللي شكلك متغيرش
نيللي: لا خالص اتغير كتير
كريم: بقيتي طنط على صغير
نسرين: يعني انا كبيره
كريم: لا بقت حلوه بس لسه مبقتش زيك قمر
نسرين: شوفي البكاش
امل: عايزاكي يا نسرين شويه
نيللي: ما خليكوا قاعدين
امل: مش هنتأخر
نسرين: متقلقيش
نيللي: تمام
كريم: عامله ايه عارفه منستكيش لحظه
نيللي: عشان كده وقفت كلام معانا
كريم: تغيير مكاننا كل شويه خلاني انسى الورقه اللي فيها الرقم بتاعكم
نيللي: طنط كانت بتكلم ماما ازاي
كريم: مش عارف ليه كلمتها من ورايا ولما كنت بطلب منها تقولي مش عارفه الرقم تحسيهم كانوا بيبعدونا عن بعض
نيللي: انا فضلت ارسمك طول السنين دي ملامحك مغابتش عني لحظه لسه عيونك بتلمع
كريم: عشان مبسوط اوي يا ليلى
نيللي بإستغراب: انا نيللي مش ليلى يا كريم
كريم: انا عارف بس ليه استغربتي انا بقول عليكي ليلى على طول حتى لما كنتي بتيجي في بالي
نيللي: كنت بعديلك الاسم عشان طفل متعلق بجدته لكن انت لسه متعلق بيها
كريم: وشايفها فيكي
نيللي: بس انا عايزاك تشوفني نيللي زي ما انا شايفاك كريم حبيبي وصاحب طفولتي
كريم: مالك اتعصبتي ليه ما انا شايفك نيللي حبيبتي اللي بدور عليها
نيللي: انا اسفه ممكن متوتره شويه
كريم: ولا يهمك المهم اني مبسوط اوي
نيللي: وانا كمان اخيرا شفت كريم اخيرا قلبي ارتاح عارف لما كنت ببقى عايزه اشوفك كنت اكل فراوله
كريم: لا دي شكلها وحش اوي انت مش شايف النقط السودا دي
نيللي بصحك: متتريقش عليا لو سمحت
كريم: خلاص مش هتريق ،دخلتي كلية ايه
نيللي: المفروض متسألش انت المفروض عارف زي ما انا عارفه انك بقيت معماري قد الدنيا
كريم: شاطره يعني حققتي حلمك
نيللي: ده كده كده
كريم: انا هتقدملك في الاجازه الجايه
نيللي: وانا موافقه

يتبع…

لقراءة الرواية كاملة اضغط على : (رواية هل نلتقي)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى