Uncategorized

رواية عذبني ولكن أحبني الفصل الرابع عشر 14 بقلم منة محمد

 رواية عذبني ولكن أحبني الفصل الرابع عشر 14 بقلم منة محمد
رواية عذبني ولكن أحبني الفصل الرابع عشر 14 بقلم منة محمد

رواية عذبني ولكن أحبني الفصل الرابع عشر 14 بقلم منة محمد

لبست بنطلون جينز أزرق استرتش وبلوزه فوشي لنص فخدها أنيقه
ممسوكه من تحت وفضفاضه شوي لبست صندل فوشي فكت شعرها ولبست طوق فوشي ونزلت خصل ع وشها
حطت كحل ازرق وروج فوشيه عادي وكانت جميله بكل معني الكلمه
شافت شكلها في المرايا وإبتسمت
أخدت الموبيل بتعليقاته الفوشيه ورفعت محفظتها بتحطها في درجها وقعت من ايدها وإنفتحت وقعت نظرتها ع صورته غمضت عيونهابقوه لماحست بقلبها ارتجف منعت دموعها تنزل
رفعت المحفظه وإبتسمت بحزن لماشافت إبتسامته إشتاقت له كثير كتمت شهقتها
ومسحت دموعها اللي نزلت غصب عنها باست الصوره وضمتها بقوه وهي بتاخد نفس تهدي نفسها منه
رجعت المحفظه لدرجها ونزلت
شافت ريم داخله ومعاها الخدامين شايلين أكياس
ريم بتكلم الخدم:دخلوها المطبخ وعايزة كل شئ جاهز
لميس إبتسمت: جايبه ايه ياحلوه
ريم وهي مقربه ناحيتها بابتسامه:مشكل وحلويات …الله بس ايه الشياكه والرقه دي كلها
إبتسمت لميس:تسلمي
طلعت ريم السلم بسرعه :ياللا معطلكيش رايحه ألبس
ابتسمت لميس ودخلت غرفه الليفنج وقعدت تتابع التلفزيون
سمعت صوت التلفون وقامت ترد:هالو
جالها صوت رجالي :الو
لميس:ايوة
………..:مين معاي
لميس باستغراب(ايه الغبي ده مش هو الي متصل):إنت اللي مين
ضحك:أوووو إنتي لموس علشان كدا ماعرفتينيش أنا رودي
مسكت ضحكتها:أهلا رائد
رائد:ازيك انتي مش تمام
لميس:تمام وإنت
رائد:تمام ..ممكن لو سمحتي بعد اذنك تنادي لي مروان بتصل بس مش بيرد ع موبيله
لميس:أوك
طلعت فوق وخبطت علي باب غرفته
ماجالهاش رد خبطت مره تانيه وتالته واخيرآآآ فتح لها الباب
كان حاطط منشفه ع راسه ينشفه لسه خارج من الحمام بس كان لابس بنطلون جينز زيتي غامق وتيشرت أبيض برسمه خريطه زيتي عليها كتابات بالأسود
إبتسم:اهلا لميس
متعرفش ليه حست بحرج ونزلت راسها: رائد طالبك ع التلفون
مروان:أوووه شكله رن ع موبيلي الله يعيني ع لسانه
ضحكت لميس :طيب روح رد عليه
خرج مروان وهو بيضحك
إلاامير خارج من غرفته شاف لميس ومروان اللي نازال ع السلم بيضحك
وإنتبه إنها واقفه عند باب اوضته
شافته لميس بصصلها بعصبيه وحقد (أففف ربنا يعيني مين الي يفكني من لسانه)
بصت له ببرود ومشت لغرفة ريم
وقفها صوته الخشن:انتي ليه واقفه عند اوضه مروان ولا…..
قاطعته مقهوره من نبرة صوته:متدخلش في الي ميخصكش وخليك في حالك
ودخلت الغرفة ورزعت الباب
ريم:سامعه صوت امير كان عايز ايه
لميس قعدت: بيكلم الخدامه
امير واقف بره ده بيغلي لماطنشته ورزعت الباب وهو بيتكلم
*********
وصلوا البنات وقعدوا في الجنينه قدام حمام السباحة لأن الجو كان حلو
أمل:رهف جايه يابنات
رنابوقاحه:ماشاءالله تعرف تعزم نفسها
إنصدموا البنات وريم اتعصبت:والله بيت عمها وتيجي وقت ماتعوز
رنا بكبر وغرور:بيت عمها مش بيتها ماحدش كلمها وقال لها تيجي
ريم جات تتكلم بس أمل ردت عليها وهي مقهوره من غرورها كانت عارفه إن رنا مش بتحب رهف و وأسلوبها وقح مع الناس ومش بتحترم حد:والله لما يبقي ليكي كلمه في البيت مين يدخل ومين يخرج ابقي اتحفينا برايك
رنا بحده :ده بيتي
أمل بنفس الحده :بيت عمي مش بيتك…. بيتك لما تتجوزي ده لو رضي بيك عيل اهطل ومغرور شبهك
رنا بعصبيه ووقفت:ليه إن شاءالله شايفتني وحده فاجره ولاكافره شبه اللي جنبك

الكل إنصدم من كلامها وبصواا للميس المقصوده
طلعت رنا بعد ما شفت غليلها في لميس وردت لها القلم اللي جالها من مروان (فكرينو طبعا)
بعد مارمت كام كلمه جارحه وشككت في شرف لميس قدام الكل
لميس مصدومه ودموعها متحجره في عيونها لسانها إنشل ماقدرتش تقول كلمه من هول الصدمه ماكانتش عارفه أومتوقعه إن رنا توصل فيها الدناءه إنها تشكك فيها وبجرحها قصاد البنات اللي متعرفش صدقوا كلامها ولا لأ
دلال قامت بغروروهي مبسوطه وبترقص جواها من الفرحه رمت لميس بنظرات شماته : رنا صادقه في كل كلمه قالتها هي دي حقيقتك ياطاهره يا بريئه ربنا فضحك يا حقيره وسابتها ومشت بكل جبروت و
نسوا ( إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَ الآخِرَةِ وَ لَهُمْ عَذَابٌ عَظِيمٌ )
لميس قامت بسرعه حابسه دموعها مش متحمله نظرات البنات ولا قدرت تفسرها غير إنهم صدقوا الكلام
دخلت للبيت تجري خبطت بجسم بقوه وكانت هتقع بس مسكها بإيديه مستغرب من جريها إنصدم لمارفعت لميس دماغها وشافته واتفجرت دموعها غصب عنها قدامه
جريت بسرعه بس مسكها من إيدها وهو مصدوم وقال بصوت لو هي عارفه إنه مش بيكرهها كانت قالت كله خوف عليها :لميس مالك
شهقت وحاولت تسحب إيدها من إيده وهي حاسه ان كرها بيزيد ناحيته وقالت بصوت مخنوق: سـ–بـ–بني
امير بعصبيه :مش هسيبك اتكلمي مالك
صرخت فيه بكره وقهر وألم وشدت إيدها: سبني ومالكش دعوه بيا بكرهك بكرهكم كلكم
جريت فوق وامير واقف مصدوم
دخلت ريم تجري وشافت امير تعدته طالعه فوق بس امير مسكها:لميس مالها
فكت ريم إيدها بدموع وقهر ووجع:إسأل الحقيره خطيبتك وإختك
وراحت تجري فوق
**********
أمل كانت داخله وراي لميس وريم بس لفت ترجع لماسمعت صوت امير وشافت مروان قدامها
مروان إنبسط وخفق قلبه لماشافها كانت لابسه جيب سودا قصيره ماسكه من الخصر وواسعه بتكسير من تحت وبلوزه حمرا
أنيقه وبوت أحمر طويل مفتوح وشعرها البني مفكوك
إنصدم لماشاف وشها اتغير
امل اتفزعت وبعدت عن مروان بس مروان بكل جراه مسكها ولفها بخوف من رده فعلها
إنصدمت من إيده اللي ماسكها
خد باله من نفسه وساب إيدها:آسف…
أمل طلعت تجري بعيد عنه و قلبها طلع من مكانه
************
ريم حاولت تخلي لميس تفتح الباب لأنها قافله ع نفسها الغرفه ومش هتسمع صوتها خافت يكون حصل لها حاجة خبطت علي الباب بعنف:لميس كفايه ارجوكي افتحي خلينا نتكلم ارجوكي
سمعت همهمات صوتها ولافهمت حاجة بس اتأكدت إنهابخير
راحت لغرفة رنا بعصبيه وفتحت الباب بعنف
شافت دلال قاعدة ع كرسي المكتب ورنا قاعدة ع السرير
رنا بنظرات كره:خير هاتي الي عندك
مسكت ريم نفسها لاتقوم تضربها وصرخت فيها:عملتي ايه حـــرام عليكي إنتي مجنونــــــه تتهمي بنت عمك بالطريقه دي وتفتري عليها البنت ماعملتلكيش حاجة انتي مش بتخافي من ربنا
رنا باحتقار:والله أنا قلت الحقيقه وماجبتش كلام من عندي ،الكل عارف إلا إذا إنتوا بتناموا ع ودانكم
ريم بعصبيه:أي حقيقــــــه أي حقيقه اللي بتتكلمي عنها إنتي لحد امتي هتفضلي كدا تبصي للناس من فوق وغرورك ده في يوم هيضيعك ليـــ…
قاطعتها دلال بعصبيه: إنتي ماتتكلميش مع اختك بالطريقه، دي عشان واحدة عامله نفسها بريئه وهي شغاله من تحت لتحت الكل عارف بحكايتها الوسخة الا انتي مش راضيه تسمعي وتصدقي …اكيد سحرتلك وانخدعتي فيها
ريم لفت لها وشاورت عليها بعصبيه وإحتقار:إنتـــي تخرسي ولا كلمــــــه مش عايزة أسمع صوتك سامعه
لميس أشرررف منك واياكي اياكي أسمعك تتكلمي عنها والا ….
قاطعتها رنا بعصبيه:لا ليها دخل دي خطيبة امير ومراته قريب اوي وأكيد بتخاف ع سمعته لو بنت عمه واحده زي دي شمال
ريم باستهزاء:أي سمعه اللي بتتكلمي عنها إنتي خليتي فيها سمعه.وبعدين أشك إنها هتبقي مرات امير في يوم من الأيام وابقي قولي ريم قالت
طلعت ورزعت الباب بكل غضبها
*********
في الجنينه
أمل بصوت مخنوق:ربنا ياخدهم إن شاءالله ده برضه كلام يقولهولها
نسرين بدم محروق:خلاص أمل ربك يجازيهم ع فعلتهم
داليا:رنا ودلال مش بيحترموا حد في حد يقول عن بنت عمه كلام زي ده
سميه:ياعيني والله لميس ماتستاهل ..قوموا نروح لها
أمل:لا مروان وامير موجودين
سميه شهقت:عرفــوا
أمل بحزن:معرفش
قعدت ريم ساك
ته ومتضايقه
أمل لريم :فينها دلوقت
ريم بضيق:في اوضتها مش راضيه أشوفها
نسرين:خلوها براحتها اللي حصل بصراحة مش شوي
البنات نسوا إن مني موجوده ومني ماحبتش تدخل في مشاكلهم وقعدت ساكته ومصدومه”معقوله كلامهم صحيح …لا لا أكيد بيتبلوا عليها لميس مستحيل يطلع منها كدا”
بس ليه قالوا كدا عنها معقوله يكون الكلام حقيقي…”
ريم افتكرت وجود مني وإنحرجت منها وفي نفس الوقت خافت تصدق اللكلام المهين الي اتقال
************
عند الشبـــــاب في الجلسه
دخل عندهم وهو شارد فكره مع أمل واللي فيها
بسام رمى عليه كرتونه المناديل بعد ماكلمه ولا سمعه:مـــــــرمـــــر
مروان التفت له: ها
بسام:سلامات مالك
مروان:لا مفيش حاجة بس سرحت شوي
رائد بغمزه:اللي واخده عقلك تتهنى بيه
مروان:ههههه لااطمن مفيش حد واخد عقلي
رائد بعدم تصديق:إيـيـيـيـيـيــيـيه عليا أنا مسيري هعرف
………….:لا ااااااا
لفوا بفجعه وراهم وزعق مروان لخالد وعبد الله الي بيلعبوا بلاستيشن: اغبيه وطوا صوتكم
ماجد وعيونه ع الشاشه:هههههه
ليه قطعنا عليك سرحانك العاطفي
رائد مثل الصدمه:اسم الله رادار
ماجد: قول لاإله إلاالله
بسام:هههههه عيونهم ع الشاشه وودانهم معنا
دخل امير عليهم:السلام عليكم
امير كلم ماجد وعبدالله: انتوا لسه الحرب قائمه
ماجد بحماس:غلبتوه بتلاته
عبدالله باستنكار:وأنا غلبتك باتنين يعني فرق واحد
قعد امير ع الكنبه والشباب قاعدين ع الأرض
مروان صب له كوبايه شاي وعطاهالو
بسام قرب كوبايته: خد كوبايتي زودها بردت
مروان يصب له:ياويلك مني إن سبتها وبردت وقلت لي زودها
بسام:هو هيضرك في ايه يعني ها
مروان: الشاي هيخلص ياحلو وانت فالح تصب وتكب
رن موبيله وقعد يحكي مع صاحبه
ضحك لدرجه كوبايه الشاي وقع منها ولمست طرف رجلين بسام وإنكبت
بسام بعد رجله:آآآ
مروان بعد الفون من ع ودنه:هههههه سوري بس كويس غسلتلك رجلك
بسام رجله تآلمه:آآآه والله اتحرقت وإنت قاعد تضحك
قام وطلع للمغسله الخارجيه يغسلها بالميه البارده
*************
وسط هدؤهم ع الرغم من محاولاتهم تغيير الموضوع وتوقيف تفكيرهم في اللي حصل
صدح صوت موبيل أمل وردت بسرعه:الو…….أوك
قفلت الموبيل :رهف عندالباب وبتقول إفتحوه
ريم باستغراب:البوابه مفتوحه
أمل: قالت مقفوله يمكن الشباب قفلوها
قامت ريم:رايحة أفتحه
فتحوا الخدم البوابه ودخلت رهف وإستقبلتها ريم وسلمت عليها ومشوا
لمحته واقف عند الحوض ومحني ع رجله لابس بنطلون جينز أسود وقميص ابيض
خفق قلبها بقوه لماسمعت صوته :آآآآه.ربنا يهدك يا مروان حرقت رجلي الله يحرق شيطانك…
إبتسمت ومشت بسرعه قبل ما ينتبه لها
دخل بسام وقعد جنب مروان ورجله فيها احمرار ضرب مروان:قوم جيب لي تلج احطه ع رجلي…
مروان بجديه:بجد بسام بتوجعك.
بسام:لا بستهبل.. ايهة رايك انت قوووم ياللاااااا
قام مروان واتصل ع الخدم وطلب تلج بسرعه وعينه مافارقتش رجل بسام
حطه ع رجله وغمض عيونه شوي وفتحها وهو عاقد حواجبه
امير:بجد بتوجعك جامد
بسام بعصبيه:ايه رايكم يعني شاي سخن عايزني اضحك ايه العيله الفصيله دي
مروان قعد جنبه وهو حاس بالذنب :سوري بسام والله مانتبهت..قوم آخدك للمستشفى
لف عليه بسام وهو عارف إن مروان حاس بالذنب ورفع ايده:قوم ابعد عني لا اهبدك بكف أطيرك وأخليك تندم بجد…مالك عارف إنك مانتبهتش وإلا كنت كبيت الشاي عليك تحسبني بسكت…
ضحك مروان وحس بالراحه
*************
صحت وراسها مصدع قامت من سريرها قعدت وبصت للساعه لقتها12 الظهر
إستغربت إنها نامت الوقت ده كله
وفجأه إندفع كل شئ حصل لعقلها وإرتجف جسمها والدموع اتحجرت في عيونها
لما افتكرت الي حصل
نفخت بقوه وقامت غسلت وبدلت هدومها وقعدت علي باب البلكونه
رافضه تنزل مش عايزة تشوف حد خافت البنات يصدقوا الكلام اللي قالوه عنها إرتعبت من الفكره خايفه تخسرهم مش عايزة ياخدوا عنها فكره سيئ
ه مش ناقصه كره وحقد كفايه اللي عندها
بس بسرعة اتبدد الخوف وحل محله الثقه لازم تكون واثقه من نفسها ومايهزها كلامهم المهين لازم توضح لهم إنه ماأثرش عليها وإنها واثقه من نفسها ومش هممها اللي انقال عنها لازم تخلي رنا تعرف إن مهما قالت مش هتكسرها أو تجرحها أو يأثر عليها
قامت بإصرار وثقه وغروربصت علي شكلها في المرايه
شعرها الكستنائي المربوط بشريطه خضراء وبلوزتها الخضرا الملفوفه ع خصرها وچيبتهاالسودا الميدي وصندلها الأخضر
حطت روج وردي وإبتسمت بغرور
وطلعت من الغرفه ونزلت تحت في بهو القصر
إبتسمت بفرحه لماشافته قاعد مع زوجته راحت له وسلمت عليه واتفاجأت لماحضنها بحنان
قعدها جنبه وسالها عن أحوالها وردت عليه بفرحه
كانت مبسوطه لأنه موجود بتحبه اوي ع الرغم من قلة وجوده في البيت إلا إن حنانه وحبه لها وحرصه ع راحتها يكفيها
سمعوا صوته العالي بيسلم ودخل للصاله لابس بنطلون ابيض وقميص كموني وكان وسيم جدا
إبتسمت لميس لماشافته
اتفاجأ لماشاف أبوه:أبــو عــادل موجــود يااهــلا وسهلا ب القمر يختفي بطلته وحشني ياجدع
ضم أبوه اللي إبتسم ع حركات ابنه
دخل امير :كأني سمعت حد هنا بيقول أبو عادل
سلم ع أبوه وعادل كشر وهو بيقول:هادم اللذات …وبعدين مش كفايه الناس بينادوه أبو امير خلاص في البيت أبوعادل خلي إسمي ينبسط ويفرح
امير:حقوق النسخ محفوظه
عادل :ليه شريط فيديو..
ضحكوا كلهم حتى امير إبتسم
دخلت ريم وسلمت وعيونها مافارقتش لميس تتفحص وشها كانت خايفه إن لميس ماتخرجش من غرفتها بعد اللي حصل
بس حست بالراحه لماشافتها إبتسمت وردت لها لميس الإبتسامه
في وسط حكايتهم لمحت لميس نظرات تخترقها حولت نظراتها تشوف شافته يبصلها ولماانتبهت له بسرعه بعد نظراته لأبوه وامه
دخل مروان ورنا اللي إنصدمت لماشافت لميس تحكي وتضحك ولا أثر فيها اللي عملته حست بقهر لأن افترها ما اثرش فيها
رمتها بنظرات حقد وتكبر حاده
تلقتها لميس ببرود لأنها عارفه إنها خيبت آمالها
قطع الجوهري نظراتهم المتبادله
كلم مروان: مروان
مروان:آمرك بابا
الجوهري:عايزك تداوم مع امير من بكره عايزك تتعلم كل شئ عايزك تكون مع أخوك في الشركه
مروان:إن شاءالله
عادل بغمز:مش تروح مع الشباب للشاليه
مروان:أيوه مش هنبات هناك هنرجع
الجوهري:إرجع بدري علشان تصحى بدري مش تروح متأخر
مروان:إن شاءالله
ريم باعتراض:لا بقي مش دايما تاخدوا الشاليه إحنا كمان عايزين نروح
مروان بعند: انا رايح المره دي
عادل:هي عندها حق المره دي خلنيا نطلع كلنا علشان لميس كمان
رنا باحتقار:وليه علشانها.. إحنا الشاليه لينا إحنا
الجوهري بصلها بحده:أوك روحوا الخميس
مروان لريم:الخميس ها
ريم بلامبالاه:أهم شئ نروح
بعد الغداء طلعت لميس لغرفتها
وسابتهم قاعدين مع عمها
قعدت في غرفتها حاسه بضيقه كاتمتها غمضت عيونها تاخد نفاسها
سمعت فونها يرن طنشته ولما رن بالحاح ردت
كانت هند حكت معها شوي وهي برضه حاسه بخنقه
قالت لها هند تيجي عندها بعد ماحست بضيقتها
وافقت بسرعه لأنها عايزه تتطلع من البيت ترتاح
**********
في الليل الساعه الواحده
معاها موبيلها وعينها ترتفع للساعه كل دقيقه
هند:خلاص لميس لسه اقعدي
لميس بتوتر وهي بتعيد الإتصال:لا أتأخرت الساعه واحده دلوقت وأنا من الساعه 12اتصل ولايرد أو يديني مشغول
هند:طيب رني ع السواق التاني
لميس:معرفش رقمه
هند:طيب خلاص أنا هخلي بدر يوصلك
لميس باحراج:أوك
راحت هند لبدر وقالت له وصلها للبيت مع هند وهي محروجه من بدر ومرتبكه
شكرتهم بصوت واطي ونزلت
لفت تدخل شافته واقف عند الباب شكله لسه واصل وعيونه علي العربيه بصدمه
نشفت عروقها من نظراته الحاده اللي حست بغضبه منها
قربت بخوف ودخلت بسرعه
غمضت عيونها بقوه لماحست بإيده شدتها وسحبها بقوه وزقها علي الحيطه
جز علي اسنانه وصوته فزعها:كنتـــــي فـــــين
جمعت قوتها وحاولت تخلص  إيدها من إيده:انت مالك بيا
ضغط ع
إيدها بقوه وحست إنها بتتهشم بين ايده: ردي وإلا والله ادفنــك مكانـــك
خافت من صوته وتبددت شجاعتها :كـ كنت عند صاحبتي
امير بشك :عند صاحبتك ..وليه ما رجعتيش مع السواق ومين ده الي راجعه معاه
قالت بألم من إيده ومقهوره من إستجوابه: السواق ماردش ورجعت مع أخو صاحبتي
شتمت نفسها ع غبائها لأنها ماقالتش مع السواق وخلصت منه ومن استجوابه اترعشت لما شافت عيونه طلع منها نار وصرخ فيها:راجعــه مع واحد غريـب لوحدك يا…
قاطعته بسرعه:مش لوحدي صاحبتي معاي
امير:وأنا ايه يضمن لي إنك روحتي لصاحبتك أو رجعتي معاها مش مع غيرها مش إنتي ماشاءالله علاقاتك كتيره مش بعيده تكوني مع حبايبك
إنصدمت من كلامه وماقدرتش تمسك نفسها كل اللي كتمته جواها من إهاناتها ونظرات الإحتقار والتقزز انفجر جواها براكين غضب قهر ظلم هي سكتت له كتير وهو اتمادى معها كثير
طـــــر رررررررااااخ
ضربته قلم بكل قوتها بكل الالم بكل الظلم بكل القهر:حقيــــــــــر
تخيلوا مع نفسكم القلم ده عامل ازاي صعب جدا
فتح عيونه علي اخرهم بصدمه من جرأتها وانها ضربته بالقلم و……..
لميس لماحست بدموعها بتخونها قدامه زقته بكل قوتها بعيد عنها وسحبت إيدها ودخلت تجري
أما امير كان واقف مصدوم وفي نفس الوقت جز ع سنانه بغضب اسود لأن ماحدش مد إيده عليه ولايتجرأ يعملها ويوم ماحد يعملها بنت تمد ايدها عليه بجرأه ونظراتها كانت له سهام قاتله
فار دمه وحرارته وصلت للمليون هيحرق كل شئ قدامه وتوعد لها وحلف ليربيها بأيده من جديد
#########
يتبع ……
لقراءة الفصل الخامس عشر : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى