رواية عندما يعشق الظابط الحلقة الرابعة عشر 14 بقلم حسناء السيد

رواية عندما يعشق الظابط الحلقة الرابعة عشر 14 بقلم حسناء السيد

رواية عندما يعشق الظابط الحلقة الرابعة عشر 14 بقلم حسناء السيد

رواية عندما يعشق الظابط الحلقة الرابعة عشر 14 بقلم حسناء السيد

أمان: تتجوزيني يا أماني

أماني كانت مبسوطه جدا وكانت هتوافق بس فجأه قالت في نفسها: أنا مش هقدر أوافق يا أمان للأسف كنت أتمني اني أكمل معاك باقي العمر بس مش هقدر أتعبك معايا أكتر من كده ،انت اتحملت كتير علشاني وأكيد تستاهل مني اني أضحي بسعادتي علشانك وبعدين كل العائلة لاحظت سكوت أماني وبعدين أمان قال: ما تردي يا أماني انتي ساكته لي بتفكري في اي

أماني: أنا أسفه يا أمان أنا مش موافقه

أمان: بس مش موافقه لي مش انتي بتحبيني

أماني فضلت تعيط ومش بترد

وبعدين أمان قال : أنا عارف انك بتحبيني ومش هتقدري تخبي عليا اكتر من كده

أماني : لأ مش بحبك

أمان: لأ بتحبيني ولو مش مصدقه هجيبلك الدليل

أماني: مفيش دليل أكبر من اعترافي اني مش بحبك

أمان: مش انتي سألتيني أنا عرفت تاريخ ميلادك ازاي

أماني: ايوه

أمان: عرفت تاريخ ميلادك بنفس الطريقة اللي عرفت بيها انك بتحبيني

أماني: لو سمحت يا أمان بلاش تتكلم بالألغاز وقول عرفت ازاي

أمان: عرفت من دفتر مذكراتك

أماني: بس انت لقيته فين اصلا وقرأته امتي ده انا مخبياه

أمان: كنت بطلع هدومي من الدولاب ودفتر مذكراتك وقع وانا شوفت فيه كل حاجة

أماني: طيب أحب أقولك بقا ان اللي شوفته فيه كانت مشاعر قديمه انا دلوقتي مش بحبك

أمان: احلفي انك مش بتحبيني

أماني وعيونها مليئه بالدموع: قلتلك مش بحبك خلاص بقا

أمان: لأ انتي بتحبيني بس انتي مش عايزه تعترفي علشان فاكره نفسك عبء عليا

أماني: ومين قال كده

أمان: انتي اللي قلتي كده في دفتر مذكراتك وانا هجيبه

أماني: استني يا أمان مفيش داعي انك تجيبه انا بعترف ان كل حاجة انت قرأتها صحيحه وانا كتبتها بخط ايدي بس أنا اسفه مقدرش أكمل معاك ،أنا مقدرش أتعبك أكتر من كده انت ساعدتني كتير وعملت حاجات كتيرة علشان تحميني بس كفايه عليك كده بقا كفايه أعرض حياتك للخطر علشاني أكتر ماهي معرضه للخطر علشان البلد ،سلامتك عندي أهم من أي حب ومن أي حاجة أسمحلي اروح أنام بقا

أمان مسكها من ايديها وقالها: وانتي فاكره نفسك عبء عليا اوووي كده ،فاكره نفسك هتتعبيني ،تعرفي بقا انك لو بعدتي عني هتتعبيني بجد ،انتي لو عايزه راحتي هتفضلي معايا أرجوكي يا أماني بلاش تسيبيني

أماني : خلاص علشان خاطري كفايه عياط بقا

أمان: ما انتي كمان بتعيطي أرجوكي بقا ارحميني وارحمي نفسك وخلينا نكمل حياتنا في سلام ،صدقيني انتي مش هتكوني عبء عليا ،يا أماني انتي مراتي ازاي تفكري نفسك عبء عليا وبعدين أماني حضنته وقالت: وأنا عمري ما هلاقي زوج أحسن منك أبدا ،أنا بحبك جدا والله انت أغلي حاجة في حياتي كلها ،انا كنت رافضه اعترفلك علشان خايفه عليك بس انا شوفت الخوف في عيونك لما قلتلك اني هبعد عنك بس انا مقدرش اشوفك خايف او مش مرتاح ،لأنك أهم حاجة في حياتي بجد انا بحبك اووي يا صديقي لا لا قصدي يا زوجي

أمان قبلها من جبهتها وقال: وأنا بحبك اكتر ياروحي ،ياااااه بعد التعب ده كله وأخيرا اعترفتي

أماني: بس بقا متكسفنيش

وبعدين العيلة كلها وقفت تصفق ليهم واتمنولهم حياة سعيده وبعدين والد أمان قال: تعرفي يا أماني يا بنتي انتي من يوم ما دخلتي البيت ده وأنا بعتبرك بنتي مش مرات ابني وبس

أماني: ربنا يخليك ليا يابابا

وبعدين رانيا(مرات عم أمان) قالت: الف مبروك يا ولاد ،أنا اسفه يا اماني لأني مكنتش بحبك لما جيتي هنا، بس بجد يا بنتي انا مشفتش منك غير كل خير

أماني: لا يا خالتي متقوليش كده انتي اكبر مني

رانيا: سامحيني يا بنتي

أماني:مسامحاكي يا خالتي والله

وبعدين رانيا راحت وقفت قدام أمان وقالت: عارفه اني زعلتك كتير وجرحتك بكلامي،أنا خالتك قبل ما أكون مرات عمك ،كان المفروض أعاملك وكأني أمك بس للأسف الحقد كان عامي علي قلبي سامحني يابني أرجوك سامحني يا حبيبي

أمان: لا يا خالتي متقوليش كده أنا مسامحك والله

رانيا: الف مبروك يا حبايبي وربنا يهنيكم يارب

أمان وأماني: الله يبارك فيكي يا خالتي

وبعدين مريم وجوزها راحوا باركوا لأماني وأمان ومريم قالت: من يوم ما دخلتي البيت ده وانا بعتبرك اختي مش سلفتي وانتي اكيد عارفه انا بحبك قد اي

أماني: انا بحبك اوي والله ،انا معنديش اخوات يا مريم بس اعتبرتك انتي اختي وبعدين حضنوا بعض وعم أماني باركله وكمان مي أخت أمان قالت: أنا اسفه يا أماني نيابة عن أخويا الأهبل أنا عارفه انه قالك اني مراته ،قاطعتها أماني قائلة: ماهو قالي تاني انك أخته

مي: ايوه عارفه انه قالك اني أخته متزعليش مني بس انا مقصدتش ازعلك

أماني: لأ يا حبيبتي بلاش تعتذري انتي معملتيش حاجة اخوكي اللي عمل ههه

مي: ايوه اخويا اللي عمل بس اخد جزاءه

أماني: ولو يفكر يعملها بجد ويتجوز عليا هقتله

أمان: وانا معنديش مانع ياستي انك تقتليني

وبعدين مي وأماني حضنوا بعض ومي قالت: بما اني اخت اماني يبقي اعتبريني اختك انتي كمان

 اماني: اكيد انتي أختي

وبعدين أشرف ابن عم امان قال: انا اسف يا أماني لأني غلطت معاكي كتير وزعلتك بس سامحيني ارجوكي انتي مرات اخويا ،أمان ده أخويا مش ابن عمي وبس ،أرجوكي سامحيني واعتبريني أخوكي

أماني: انت تعتبر اخويا يا اشرف وانا اكيد مش هزعل من أخويا

أشرف: شكرا بجد مش عارف اقولك اي

اماني: لا متقولش حاجة انا  مسامحاك والله

وبعدين اشرف قال لأمان: سامحني يا أمان انت اخويا سامحني بقا

أمان: خلاص يا أشرف مسامحك وبعدين حضنوا بعض وأمان قال: عايزين نحدد ميعاد بقا نعمل فيه الفرح

اماني: فرح اي

أمان: فرحي التاني

أماني: متقدرش تعملها أصلا

أمان قال: مقدرش أفكر اني أعملها أصلا

أماني: ماشي عايز تعمل الفرح امتي

أمان: خلينا نروح ننام دلوقتي ونفكر في ميعاد للفرح بعدين

أماني: ماشي

أمان: يلا بقا سيبوني أقعد مع مراتي شويه قبل ما انام تصبحوا علي خير

العائلة وهي تضحك: وانتم من اهله تصبحوا علي خير يا ولاد

أماني وأمان: وانتم من أهل الخير ….

وراحوا الاوضه وبعدين امان راح ينام علي الكنبه

أماني: انت نايم هنا لي

أمان: زي كل يوم

أماني: بس الوضع دلوقتي غير كل يوم

أمان: والمطلوب

أماني: تعالي نام هنا جنبي علي السرير انا مراتك مش غريبه يعني

أمان: ماشي يا مراتي موافق  وبعدين راح نام جنبها …وتاني يوم أماني صحت من النوم وكان أمان لسه نايم قامت اتوضت وصلت وطلعت تحضر الفطار وراحت الاوضه وقعدت جنب أمان علي السرير وقالت: أمان،يا أمان ،يا حبيبي قوم بقا ،أمان انت نومك تقيل ،يا عم قوم بقا ،خلاص انت حر انا قايمه وفجأة كانت بتقوم امان مسك ايديها وقال: استني بس استني تعالي هنا

 أماني: ما انت صاحي أهو اومال عامل نفسك نايم لي بقا رد

أمان: بسم الله الرحمن الرحيم راديو شغال يا ناس

أمان: أنا مش بهزر يا ظريف قوم بقا ومتعملش نفسك نايم تاني

أمان: خلاص انا اسف بعد كده هقوم علي طول يا جميل

أماني: ما انا عارفه اني جميلة مش جميل

أمان: اله مش مراتي وبدلعك

أماني: ماشي يا حبيبي قوم افطر بقا

أمان: حاضر  وبعدين قام فطر وراح الشغل وفضلوا عايشين كويسين  ومبسوطين ومر اسبوع وكانت اماني وامان مستقرين في حياتهم ولكن في يوم…

امان: يلا يا أماني

أماني: يلا فين

أمان: ال٦ شهور خلصوا بقا وده موعد طلاقنا

أماني: بلاش الهزار الوحش ده يا أمان اي اللي بتقوله ده

أمان: أنا مش بهزر ده موعد طلاقنا اتفضلي ادخلي غيري هدومك وتعالي علشان نمشي

أماني: بس فهمني انت لي بتعمل كده مش احنا كنا كويسين اي اللي حصلك فجأه

أمان: بعد ما نتطلق وأرميكي زي الكلبه هتعرفي ساعتها السبب

أماني: يا أمان اهدي بس وفهمني في اي

أمان: قلتلك ادخلي غيري وتعالي

أماني: ماشي بما انك مش عايزني يا أمان فأنا مش هغصبك عليا بقا وهدخل اغير هدومي زي ما طلبت

…ودخلت لبست فستان اوڤ وايت وطلعت و…..

يتبع..

لقراءة الحلقة الخامسة عشر : اضغط هنا

لقراءة باقي حلقات الرواية : اضغط هنا