رواية مالك قلبي الفصل الحادي عشر 11 بقلم بنت الصعيد

في حديقة فيلا والد مي 

يجلس حمزة وبجواره مايا وهي ترتدي ذاك الفستان القصير العاري زيادة عن اللزوم

مايا بدلع ……ايه رأيك فيا  بالفستان دا

حمزة …..صارووخ جامد ودي عايزة كلام يا قمر

مايا ….أنا احلي ولا سها

حمزة …..هه اه انتوا الاتنين

اقتربت منه أكثر .وقالت بدلع….بجد احنا الاتنين يعني أنا مش حلوة 

حمزة بتوتر ….اهد يا وحش ولا اعمل حاجة انا هموت واعملها 

مايا ضحكت ضحكة بدلع …طب ماتعملها

حمزة ..رفع حاجبيه..دا بجد…..هزت رأسها بالموافقة وبالفعل اندفع حمزة وقام  بتقبيلها ..وفجأة خرجت سها لتجد حمزة 

يقبل مايا …وقفت وتصنمت تفكر ماذا تفعل واخيرا قررت أن ترحل دون أن يعرفوا أنها رأتهم ولكنها أحدثت صوتا بدون قصد فانتبهوا لوجودها..

حمزة ….سها ؟؟؟؟…انتفض سريعا وقال…… سها 

سها سحبت الدبلة من اصبعها ورمتها في وجهه

حمزة مزهول نظر إلي مايا وجدها تبتسم ابتسامة انتصار…ركدت سها لخارج الحديقة …أراد حمزة اللحاق بها ولكن مايا كانت تمسك يده

مايا ….رايح فين انت متخيل أنها هتسامحك انسي مستحيل

حمزة دفعها …اوعي كده انتي شيطانة

مايا ضحكت وقالت ….وانت خاين علي  اساس انك بتحبها وأنه اللي يحب مش بيخون كله كلام فارغ كدب أنا هثبتلهم أنه مافيش راجل وفي 

حمزة …مجنونة ومريضة نفسية

ركد حمزة الي الخارج ولكنه لم يري اي اثر ل سها  مسح وجهه بيده وركل سيارته برجله  وركبها وانطلق

____________________________________

في الحفلة

مالك يرقص مع مي سلو وكريم ومليكة أيضا

مالك…بجد انتي كبرتي ف نظري جدا لما لبستي الفستان اللي انا اخترته وكمان اتحجبتي 

مي …بس انا لبستهم عشان ارضيك…بس الفستان الاول كان عاجبني اكتر

مالك …انتي مش محتاجة تلبسي فستان عريان أو تكوني بشعرك عشان تباني جميلة انتي دلوقتي اجمل واحدة ف نظري

مي ابتسمت …هتزعل لو قلتلك مش هلبس حجاب بعد الفرح

مالك …..أنا قلتلك قبل كده مش هجبرك علي حاجة بس هقنعك واحدة واحدة 

_________________

كريم ….انتي بجد شريرة ما ملكتي 

مليكة …أنا شريرة ليه بس

كريم ….كان نفسي نكتب كتابنا انهاردة 

مليكة….ما تستعجلش لتندم

كريم …هضربك والله

________________

كانت أمل تنظر للعرسان وتفكيرها مع يوسف

وفجأة رن هاتفها كان يوسف

أمل بضيق…..نعم بتتصل ليه 

يوسف …اخرجي يلا كفاية أنا مستني برا عشان اوصلك

أمل سلمت علي العرسان واستاذنت وخرجت

في الخارج

أمل ….اكيد ماما بعتتك ..أنا أعرف اروح لوحدي علي فكرة

يوسف…اركبي الاول.. وبعدين تراوحي لوحدك ازاي وانا موجود …ومامتك من حقها تخاف عليكي …مش انتي مسؤوليتها طول ما محمد اخوكي ف الجيش 

اتنهدت أمل وركبت السيارة وانطلقوا 

______________________________

اخيرا وصلت سيارة العرسان سلموا علي الجميع وانطلقوا لعش الزوجية….وتابع الباقي الحفلة

______________

في شقة مالك ومي 

مالك شعر بخجل مي وتوترها مسك يدها 

مالك….ادخلي أوضة النوم غيري هدومك واتوضي وانا هادخل الحمام دا هغير واتوضا

مي …بس انا مش بصلي

مالك….مسك وشها بين ايديه..بصي بقا يا حبيبي انتي زمان كان اسمك مي كامل عزمي ..ودلوقتي باقيتي مي مالك السيوفي…يعني انسي حياتك زمان وابدأي معايا من جديد انا هعلمك كل يوم دروس جديدة ومش هجبرك علي حاجة الدرس اللي تتعلميه لو نفذتيه تاني تبقي اقتنعتي بيه ولو ما نفذتيهوش  تاني هحاول معاكي لغاية ما تقتنعي موافقة

مي هزت رأسها بالموافقة 

مالك..مسك خدها برفق …شاطرة

توضأوا وصلوا سويا وبعد ذلك أحس مالك بتوترها فأراد أن  يهدئها 

مالك….تاكلي 

مي ..اممم

انهوا طعامهم سريعا وفجأة قرب مالك وجهه منها كثيرا وقال

مالك …تعالي بقا اعلمك الدرس التاني 

مي ببراءة…اوك تعالي نقعد علي الكنبة 

مالك ..فجأة حملها …لا تعالي اشرح لك جوه احسن

وقبلها برقة شديدة

????وسكتت شهرزاد عن الكلام غير المباح????   

___________________________________

في منزل والد مي 

الحفلة انتهت والجميع غادر إلا شخص 

حسام بضيق….اتمني تكون الخدمة عجبت سيادتك يا فندم

كريم….مش عارف ليه حاسس انك مش طايقني..وعايزني امشي

حسام …حاسس مش متأكد يعني….مليكة قومي نامي معاكي محاضرات الصبح

مليكة بعفوية….محاضرات ايه يا ابيه احنا ف الاجازة

حسام …يووووه..اطلعي أوضتك كفاية كده الساعة داخلة علي واحدة..وانت يا ابني ماعندكش اهل يسألوا عليك

كريم …ببرود..لا مانا طنط عزمت عليا ابات هنا وانا وافقت 

حسام ..بحدة..امشي. يلا اطلع برا ..برا

كريم بضحك…طب يا عم ماشي متزوقش وانتي يا مليكة إلا ما وريتك عشان رافضتي كتب كتابنا وسايبة اخوكي يشوط فيا   براحته ..سلام يا حسام باشا

حسام …يتمتم   ..سلام يا ثقيل

__________________________________

 امام منزل سها حمزة راكن سيارته وجالس فيها يتأمل دبلة 

سها ويتذكر ما حدث 

حمزة …يا تري هترضي تسامحني …اكيد لا انا خنتها ومع مين مع صاحبتها..انا ايه اللي هببته دا ..

قلبه بس مايا الزفتة دي هي اللي كانت بتحوم وراك لغاية ما وقعتك

عقله …يا سلام وهي سها هتقتنع بالكلام دا بقا بطل هبل

قلبه …لو بتحبك هتسامحك ما تقلقش

عقله ….وانت لو بتحبها ماكنتش خنتها

وفجأة اتكلم بصوت عالي ….والله بحبها…ومش متخيل حياتي مع حد غيرها بس هي بتضايقني بتصرفاتها عاملة زي الراجل ف ردود أفعالها….يارب تسامحني 

ظل في سيارته حتي غلبه النعاس ونام حتي الصباح 

______________________________________

في الصباح …عند مي ومالك

استيقظت مي وجدت نفسها في حضن مالك خجلت كثيرا واغمضت عينيها وبعدها بدقائق استيقظ مالك نظر إليها و ابتسم لأنه أدرك أنها مستيقظة 

مالك طبع قبلة هادئة علي جبينها وابتسم بمكر

مالك ….يالهوووي داحنا لو ف الصعيد كانت امي فاطمة قاتلت مي لأنها مصحيتش قبلي تحضرلي الفطار.

مي سمعت كلامه وفتحت عيونها سريعا وقالت …أنا صاحية من بدري بس كنت مكس…وسكتت

مالك انفجر في الضحك ….طفلة والله

مي …ضربته ف كتفه بقبضتها ..انت بتضحك عليا كنت عارف اني صاحية

مالك ضمها الي صدره وقبلها ..صباحية مباركة يا عروستي

مي اتكسفت وخبأت وجهها في صدره 

مالك .بمكر…..ايه رأيك في درس امبارح 

مي بعفوية …الصلاة تصدق يا مالك أنا ارتحت نفسيا بعد ما صليت من زمان ونفسي اصلي بس كنت محتاجة حد يشجعني

مالك….اممم.اكبد طبعا الصلاة بتريح  النفس والرسول عليه افضل الصلاة والسلام..كان بيقول علي الصلاة أرحنا بها يا بلال 

مي ..عليه افضل الصلاة والسلام

مالك ….امممم ..بس انا قصدي ع الدرس التاني 

مي شهقت …انت قليل الادب وركدت سريعا أنا هاخد شاور واتوضا

مالك بابتسامة …والله انتي شكلك هتتعبيني ببرأتك اللي مافيش زيها دي

_______________________________

في الصعيد

العمدة محمود السيوفي وصل الدوار وقال ….ياسمين 

ياسمين …. حمدالله على السلامه يا جدي ..وهمت لتذهب

العمدة …تعالي يا بتي عاوز اتحدت معاكي

ياسمين…اتفضل يا جدي

العمدة …انتي زعلانة يا ياسمين كمنه مالك اجوز

ياسمين …اني خايفة يبعد عن زين ..زين متعلج بيه ومفكره أبوه ..بس هو بكرة وبعده يخلف وينسي زين

العمدة …وانتي

ياسمين …اني اتعودت يا جدي اني اعيش وحيدة خلاص ما بجتش تفرج كتير 

العمدة…كلامك ده محسسني اني ظلمتك يا بتي لما رفضت علي وجوزتك مالك غصب عنك 

ياسمين تحاول أن تمسك دموعها. ..معدش ليه لزوم الكلام دا يا جدي 

العمدة يحاول أن يغير الموضوع …اومال فين زين 

ياسمين …بعته مع حسنين وامي فاطمة الإعادة بتاعته 

العمدة …هو كويس دلوجتي بيتحسن يعني 

ياسمين …الحمدلله يا جدي

_____________

في مكان آخر في الصعيد وتحديدا عند الدكتور علي 

علي منتظر علي احر من الجمر اللقاء الذي ينتظره كل اسبوع ..ولكنه تفاجأ

الحجة فاطمة …كيفك يا علي يا ولدي

علي بصدمة…بخير يا حجة خطوة عزيزة 

الحجة فاطمة….الله يعزك يا ولدي

علي …معجول انتي جايبة زين بنفسك طب كنتي كلمتيني كنت جيت لغاية عندكم والله أنا زعلت خلاص ..انت مش بتجولي أني زي مالك ..وآمال ليه عاملة فرج(فرق)

الحجة فاطمة…اني مش عايزة اتعبك يا ولدي ام زين بعافية شوية وجلت اجيبه أنا وحسين 

علي قلق علي ياسمين لكن لم يستطع السؤال عنها فقال……….من اهنيه ورايح اتصلي عليا وانا اللي هاجي لغاية عندكم

فحص زين وجلس كتب  الروشتة وكتب معها ورقة وطلب من الحجة فاطمة تعطيها ل ياسمين وقال لها 

علي …الورجة دي اديها لام زين  وجولي لها دا الاكل اللي ممنوع منه زين 

الحجة ..تسلم يا ولدي ربنا ما يحرمنا منك ابدا

____________

وصلت الحجة الدوار واعطت الورقة ل ياسمين التي انصدمت من الذي كان  مكتوب بها

((امنعي نفسك براحتك وابعدي  علي قد ما تقدري قريب جدا هاعرف ارجع اللي خسرته زمان وهفكرك اني وعدتك زمان تكوني ليا وبقيتي))

ياسمين عيونها دمعت ومتلخبطة مش عارفة تفرح ولا تحزن

___________________________________

امام منزل سها 

قرابة الظهر 

عمرو اخو سها نظر فوجد سيارة حمزة اقترب منها وخبط علي الزجاج

حمزة فتح عينيه ببطء وفتح باب السيارة

عمرو ..انت ايه موقفك هنا يا حمزة واضح انك هنا من امبارح

حمزة ….اممم..فعلا أنا هنا من بالليل أنا هاطلع معاك عايز اشوف سها احنا اتخانقنا امبارح وعايز اصالحها

عمرو …اتخنقتوا عشان كده أصرت عليا اوديها عند خالتها ف اسكندرية وانا وصلتها بعربيتي ولسة راجع اطلع معايا تعالي نتغدي واحكيلي ايه اللي حصل

حمزة …..لا خليها مرة تانية أنا ماشي  ..وانطلق بسيارته كالمجنون 

____________________________

عند أمل 

يوسف ….أمل عايزك ف موضوع مهم ممكن نخرج شوية نروح اي حتة

أمل ..ما تقول هنا عادي موضوع ايه خير 

يوسف …لا مهو مش هينفع هنا اسمعي الكلام بقا من غير نقاش ويلا نخرج

أمل ….ماشي استني برا اغير هدومي ونخرج

بدلت أمل ملابسها وذهبوا الي نادي رياضي 

يوسف ….أمل أنا حكيتلك أسبابي اللي خلتني اتجوز ..وقولتلك اد ايه أنا بحبك ومش هحب حد تاني 

أمل انتي موافقة تتجوزيني …..

أمل ……..