رواية المؤامرة الحلقة الرابعة عشر 14 بقلم منة محسن

كرم بصدمه ونفى ممزوج بغضب:انتى بتقولى ايه انا جاى هنا وبأمر من عزام بيه عشان احميها وانتى بتطلبى منى اخلص منها!…انا فهمت دلوقت ازاى السم وصل للخمره بتاعت روسندا هانم وازاى القناص كان موجود فى المؤتمر الكل كان مزعور وبينفدوا بحياتهم معاده انتى وبنتك..بس انا مش هسكت وكل كلمه قولتيها هتتحكى لعزام بيه.

جى يمشى وقفته كلمه عايده.

عايده ببرود:طيب..اعمل كده..وبوعدك انك مش هتسمع صوت حد من عيلتك تانى ولا حتر مراتك ..

كرم لف وبصلها بغضب من كلامها:عيلتى ملهاش دعوه بأى حاجه بتحصل انتى فاهمه؟.. ولو بس فكرتى انك تأزيهم انا ..

عايده قاطعته:انا عرضت عليك عرض وانت رفضت يعنى قدامك خيارين روسندا هانم بتاعتك..ولا اهلك ومراتك ؟…لو هتختار حياه روسندا يبقى هتودع اهلك..ولو هتخطار اهلك تعمل اللى انا هقولك عليه..انا مش هضغط عليك هسيبلك الخيار لحد بكره.

كرم باصصلها بغضب وسابها ومشى تايه وبيفكر ايه اللى المفروض يعمله عشان يخلص من الورطه دى؟..اهله حاليآ فى خطر وده بسببوا بيلوم نفسه انه وافق على الشغلانه دى من الاول..اصعل خيار بين انه يضحى باهله وده المستحيل..وانه يقتل بنت وحيده لراجل نفسه يشوفها كويسه راسيه وعاقله وبيحلم باليوم اللى حالها هيتصلح فيه.

للكاتبه/منه محسن [Milly] 

كريم خبط على باب قصر فريد.

الخدامه راحت جات تفتح فريد منعها:اا..روحى انتى بلغى امينه ان كريم هنا وانا هشوف مين.

الخدامه:امرك يا فريد بيه.

مشيت وفريد بص للباب وابتسم بخبث وكان متأكد من مجيه.. قرب فتح الباب وبصله بأبتسامه ورفع حواجبه: كيموو.. 

كريم بصله وابتسم ابتسامه مصطنعه: ايه اخبارك؟ 

فريد: زيك.. زى الزفت.. 

كريم بصله بغل وبيحاول يمتص غضبه. 

فريد ضحك: اتفضل. 

بعد عن الباب وكريم دخل. 

امينه وقفت فجأه وبصت للخدامه بنوع من الصدمه: كريم هنا؟

الخدامه هزت راسها بإيجاب: فريد بيه اللى قالى كده. 

امينه بصتلها: اا.. طيب روحى انتى. 

الخدامه مشيت وهى قربت ببطئ فتحت الباب وبتبص عليهم. 

كريم بيبص للقصر: اممم.. بس شايف تحشن… قصر.. وعربيه اعلى موديل.. وشاريكات.. 

فريد بضحك: عينك حلوه ولا جاى تحسد؟… بقولك ايه ماتبطل تلف وتدور وتخش فى الموضوع على طول.. ومفيش قهوه ولا حاجه. 

كريم اتنهد بعمق واتعدل فى قعدته : طيب.. انا هتكلم معاك بصراحه.. هتكلم بصفتك صديق واخويا.. احنا ماينفعش نعاند فى بعض واحنا واكلين عيش وملح مع بعض.. مش ده كلامك؟.. ماينفعش تضيع اخوك عشان عاهره. 

امينه بصتله بغضب وبتمنع نفسها من النزول بأى شكل. 

فريد ضحك وهو ماسك الكاس فى ايده وبياكل مكسرات: لا جدع.. دخله حلوه.. انا معاك فعلا هى عاهره.. بس ليلى مكانتش كده.. 

كريم: ومين قال؟.. ليلى قبلت بالعلاقه انا ماغصبتهاش على حاجه.. 

فريد قاطعه بزعيق: تؤتؤتؤ انت اللى خليتها كده انت اللى عيشتها فى العسل وقولتلها جواز وهى كانت زى القطه المغمضه ماتعرفش اى حاجه فى اى حاجه لا كانت بتروح كاباريهات ولا لمؤخذه بتدور على حل شعرها انا بحذرك هتتكلم عنها كلمه زياده هتكون مرمى برا. 

كريم بيحاول يهديه عشان يوصل للى هو عايزه: طيب ممكن تهدى انا اسف.. اهدى…ليلى ماتت بس احنا اللى عايشين انا مش عايزك تاخد على ملام امينه لانها من اكبر الكذابين اللى ممكن تشوفهم فى حياتك غير كده هى صمعتها فى الطين. 

امينه بصاله بغضب وغل بتدوس على قبضه ايدها وكانت هتنزل لولا شافت فريد بيقوم وطالع..

كريم ملك راسه بين ايده بضيق. 

فريد شد امينه للئوضه وهى بتحاول تزاء ايده بعصبيه وبزعيق:الكداب الحقير انا مش هسكتله و هنزل حالا اوريه مين اللى كذاب.. 

فريد بيحاول يسكتها: هششش اسكتى.. 

امينه بعصبيه وصراخ وبتحاول تزاء ايده بعيد عن ايدها: انا مش هسكت عليا النعمه لاكون قتلاه و.. 

فريد سكتها ببوسه وهى غمضت عيونها جامد واعصابها سابت. 

فريد سابها وبعد بصلها وهى بصاله وساكته تماما. 

فريد: لازم ابوسك عشان تسكتى!!! 

امينه بعدت نظرها عنه. 

فريد: كريم حاى وكمتأكد انك هنا هو بيستفزك  عشان يخليكى تنزليله والله اعلم ايه الخطه اللى هو راسمها فى خياله لازم تكونى على علم بكل حاجه هو بيعملها.. فكرك انه جاى هنا عشان يعتذر منى فعلا؟.. ابدا هو جاى بس وعلى امل انى اسامحه وانسى اللى حصل لييييه!.. لانه جبان وخايف افضحه قدام اهله وقدام الناس. 

امينه: طيب بدل ماهو عارف انى هنا.. ايه لازمه انى استخبه؟ 

فريد: هو فعلا عارف انك متعاقده معايا عشان ندمره بس ماعندوش اى دليل واضح.. ومعنى انه مايشوفكيش هنا ف ده بيزيد من تشتيته انتى عندى ولا لا.. فهمتى بقى! 

امينه بصاله وهزت راسها بإيجاب. 

فريد: المهم انك مهما يحصل اوعى اوعى تنزلى حتى لو انا ناديتلك.. اوك؟ 

امينه هزت راسها بإيجاب وتفهم. 

فريد: هاتيلى البدله انا هغير عشان يعرف انى كنت طالع اغير..

للكاتبه/منه محسن [Milly] 

كرم قاعد برا القصر حاطت ايده على بؤه وسرحان بيفكر فى كلام عايده ومش عارف ايه اللى المفروض يعمله حاسس بضغط كبير عليه..قاطع شروده صوت رن تليفونه. 

كرم مسك التليفون بص للاسم واتنهد بعمق بيحاول يكون طبيعى ومايبانش على صوته الضيقة.. 

كرم فتح الاسبيكر و رد وهو حاطت التليفون قريب من بؤه: الو يا خوخه.. 

خديجه ابتسمت وبتبص لهبه اللى قدامها: ازيك يا ابيه كرم انا قولت اشوفك عامل ايه.. 

كرم ابتسم بخفه ورفع راسه لفوق: الحمدالله انتوا عاملين ايه؟ 

خديجه: الحمدالله كلنا بخير.. 

روسندا كانت رايحاله بس وقفت لما سمعته بيسئل عن هبه وقفت وراه والحيطه مخبياها.

كرم: وهبه؟ 

خديجه: اهى قدامى خودها عايزه تكلمك. 

هبه بتهز راسها بنفى وضيق. 

خديجه بتمدلها التليفون بأصرار وهى خادته بأنزعاج وردت: الو.. 

كرم: ازيك يا روحى ايه اخبارك؟ 

هبه بصت لخديجه ووشها باين عليه الضيق: الحمدالله.. هو.. انت قاعد لوحدك؟ 

فى الوقت ده روسندا بصتله بخبث وتواعد وقربت منه.

كرم: اه فى حاجه ولا ايه؟ 

روسندا بصوت عالى عشان هبه تسمعها: كروووووم انت روحت فين معقول سايبنى مستنياك فى الاوضه وتخرج.. 

كرم بصلها وبرق بصدمه كان مستغرب ومش قادر يستوعب اللى بتقوله. 

هبه بصت للتليفون بضيق وغضب ومسكت ايد خديجه حطته فيها وخرجت برا الاوضه. 

خديجهبصت للتليفون بأستغراب وكملت رد:اا..الو يا ابيه كرم..هى هبه مالها اضايقت ليه!!

كرم دور وشه للجهه التانيه بضيق واتنهد بحيره بيتكلم جواه وانه مش ناقص ضغط اكتر عليه:خوخه هكلمك شوبه كمان..يلا سلام.

قفل الخط وخديجه كانت مستغربه تسرعه فى الكلام وانه كمان مسئلهاش عن مامته وبجانب كده زعل هبه منه.

خديجه خرجت برا الاوضه وراحت لهبه:ممكن افهم ايه اللى ضايقك؟

هبه بتلبس شنطتها والدموع فى عيونها وبلهجه صعيديه:قولى لاخوكى انى مش عايزه اتكلم معاه تانى..

وتسيبها وتمشى خديجه حاولت تتكلم وتفهم منها فى ايه بس هبه كانت رافضه تقف وده لان الدموع مش قادره تثبت فى عيونها اكتر.

كرم وقف وبص لروسندا بضيق وغلب:ممكن افهم ليه عملتى كده؟

روسندا حاطه ايدها فى جيب البنطلون وبصاله بأبتسامه لئيمه:عايزه اخرج.

كرم:اممم…امرك بس عايز اعرف ايه سبب الكلام ده انتى خلتيها تضايق منى واكيد فهمت غلط.

روسندا:دى مش مشكلتى هى اللى دماغها شمال ليه ماتفكرش انى مستنياك فى الاوضه عشان تصلحلى حنافيه الحوض مثلا؟..ليه كل الناس بتفكر غلط!

كرم بعد نظره عنها واتنهد بعمق فهم انه لاهياخد منها حق ولا باطل:هروح ابلغ عزام بيه انى هخرج حضرتك و…راجع.

مشى وروسندا ابتسمت بخبث ولؤم:كلى ف نفسك يا روحى روسندا حذرتك وانتى اللى غبيه…وعد منى ليكى يا عيونى مفيش واحده هتتلف ايدها حوالين كرووومى الا روسندا والا هقطعلها ايدها..

ابتسمت بتهكم وثقه:ناس مابتجيش الا بالعين الحمرا.

فى الوقت ده روسندا استغربت لما شافت مصطفى وعادل وسوسن داخلين على القصر.

روسندا بأستغراب وضيق:ايه اللى جابهم دلوقت دول!

راحولها.

مصطفى بصلها بوش عابس باين عليه الزعل:اهلا يا روسندا..

روسندا بصتله وفهمت سبب زعله بس استعبطت:اهلا يا عمى..

عادل:انتى خارجه ولا ايه؟

روسندا مبصتلوش واتجاهلته تمامآ وبصت لمصطفى:اتفضل.

دخلت وهما وراها وعادل كان مضايق منها.

قعدوا وروسندا بصتلهم:ثوانى هنادى ليابة واجى.

عادل اتكلم بعصبيه:بابى مين انشاء الله!..انتى هتستهبلى.

روسندا رفعت صباعها قدامه بتحذير:انت لو جاى عشان ترفع صوتك عليا ف امشى افضل.

عادل وقف قدامها بعصبيه:انا اتكلم زى منا عايز ومش انتى اللى هتعرفينى اعمل ايه انا بحذرك يا روسندالو ماتعدلتيش معايا انا هكسرلك رقبتك اللى رفعاها للسما دى.

روسندا ضحكت بسخريه:لا جدع..اتشطر على مراتك اللى دايره على حل شعرها وانت هههه…مركب قرون فى البيت..

عادل ضربها بالالم بعنف وسوسن ابتسمت بسعاده وبصوت مهموس :احسن 

روسندا حطت ايدها على وشها وبصتله بغضب وعيونها اتملكتها الدموع زأته بعنف ومصطفى وقف ولوالها دراعها وبعصبيه: ايه قله الادب اللى انتى فيها دى انا كنت مطعاطف معاكى وبقول معلش خسرت امها بس بالطريقه الزباله اللى بتتعاملى بيها معانا انتى تستاهلى كسر رقبتك.

روسندا بتحاول تبعد ايدها عنه بألم ودموع وبصراخ: ابعد ايدك حالا والا انا هكسرهالك. 

مصطفى ضربها بالالم بعنف وهى صوتت ودموعها اتحررت فى الوقت ده عزام وكرم خرجوا من الاوضه وهما على استعجال يعرفوا فى ايه. 

مصطفى بصراخ: وقسمآ بالله يا روسندا الكلب انتى لاتشوفى ايام سوده بسبب بجاحتك والقرف اللى انتى فيه ده.. 

عزام قرب شد روسندا وبصلهم: فى ايه!

روسندا بصراخ وعياط: انت بأنهى حق تضربنى اتشطر على ابنك الاول. 

مصطفى جى يضربها تانى عزام بعدها ورا ضهره: روسندا خلاص.. انتوا جايين هنا عشان تضربوها!! 

عادل: انت ملكش دعوه فاهم احنا جينا نتكلم بهدوء بس هى اللى قلت ادبها. 

روسندا بتعيط وبصراخ: برا… اطلعوا برا.. 

سوسن برقت وميلت راسها بدهشه: oh my good.. 

عزام: روسندا خلاص اهدى ممكن اهدى.. كرم خود روسندا من هنا. 

كرم بصله وقرب ياخد روسندا بس وقفه كلام مصطفى: لا هى هتفضل هنا لان الكلام اللى هنقوله ده مش هنعيده تانى وللاسف فرحك انتى وابنى بعد بكره ده كلام نهائى.. 

روسندا بصتله بصدمه وبزعيق: انتوا بتحددوا بمزاجكوا! 

مصطفى بزعيق: انتى يا بت اتعدلى فى كلامك ماهو لو مكنتيش مشيتى يوم كتب الكتاب واختفيتى بعدها كنتى هتعرفى امتى الجواز.. احنا قررنا وابوكى هو اللى قرر كمان والكلام ده مالكيش فيه رأى وبأذن الله بعد الجواز هنلاقى واحده تانيه بأرادتك او من غير. 

ويبص لسوسن وعادل: يلا.. 

مشيوا وروسندا مصدومه انها ماقدرتش تعمل حاجه بسبب قرارهم اللى دهشها وخلاها فى حيرتها. 

عزام بص لروسندا وكأنه بيلومها على قرارها اللى مقدرتش يتكلم فيه. 

سابها ودخل الاوضه وهى بصاله وهو ماشى. 

كرم بصلها وغمض عيونه اتنهد بعمق وكأنه حاسس بالذنب من حاجه هو معملهاش وده اللى بيزود تفكيره وضيقه.. 

للكاتبه/منه محسن [Milly] 

فريد: انا هروح الشركه وقتك خلص.. 

كريم بصله ووقف: طيب.. ااا.. انا كنت عايز بس اشوف امينه.. 

فريد بصله وضحك: هو انت مابتفهمش يابنى!… يعنى هى لو عندى هحوشها عنك ليه؟… حقيقى تفكيرك غريب عايز تفتش البيت انت كمان فتشه ماهى بقت خرابه خلاص.. 

كريم باصصله ومش قادر يصدقه:امم…يعنى هى مش هنا! 

فريد: لا اله الا الله… هو انا بتكلم افغانيستانى!.. واحده زى دى هقعدها عندى ليه!.. اللى عايز يجيب حقه ياخد حقه بأيده.. فهمت يا بطل؟ 

كريم باصصله وساكت مشى ومن غير مايكلمه نص كلمه. 

فريد ابتسمت بلؤم: هى فعلا بتاخد حقها بأيدها وجى دورى يا كيمو.. ان ماخليتك تترجانى اسامحك مبقاش اسمى فريد… اشرب بقى نتيجه اعمالك القذره يا ابو وشين يا بتاع مامى..

بعد ماكريم وصل لبيته.. 

كريم:طمنى ايه اللى حصل كلمتوا روسندا وعرفتوها بمعاد الجواز؟ 

مصطفى بأسف: والله انا حزين يا بنى على حوازك منها هى متستاهلكش. 

كريم بصله وأستغرب تغيره المفاجئ من ناحيه روسندا: ليه يتقول كده هو فى حاجه حصلت هناك؟ 

مصطفى: هى عايزه تربيه من الاول وجديد وعايزه اللى يفضالها ويصحيها بعلقه ويمسيها بعلقه.. تعرف يا كريم لو حصل وعملنا الفرح واتجوزتها بعد الجواز لوماضغطتش على البت دى ومشيتها على الطريق المستقيم انا مش هسكت الا لما تطلقها 

كريم بصله وبيطمنه: متقلقش انا بحبها وحبى ليها هيغيرها وانت هتشوف بنفسك النتيجه بعد الجواز. 

سوسن دخلت الاوضه بتسرع وكانت سامعه حديثهم: لا انا مش موافقه على الحوازه دى البت دى متناسبكش وانا مش هرمى ابنى بأيدى فى التهلكه. 

كريم بضيق: مامى انتى بتقولى ايه هلاص الخطويه تمت وبعد بكره كتب الكتاب والفرح. 

سوسن: مفيش مشكله افسخ الخطوبه احنا فيها اهو. 

كريم بص لمصطفى بضيق ومعندوش مجال يتناقش معاها فى موضوع مرفوض بالنسباله: بابا بالله عليك فهمها انا هدخل انام عشان نروح بكره انا وروسندا نشترى الفستان والبدله.. تصبحوا على خير.. 

ويسيبهم ويدخل اوضته. 

سوسن بصت لمصطفى: فهمنى يلا فهمنى ايه اللى منفعوش انه يفسخ خطوبتو عنها!! 

مصطفى رفع حواجبه ربضيق وهز راسه بإيجاب: هو عنده حق..ماتنسيش يا سوسن انهم قرايب وانهم يفسخوا خطوبتهم قبل الفرح بكام يوم وبعد ماعزمنا الناس يبقى اكيد فى سبب كبير يخليه يسيبها دى صمعه بردو يا سوسن. 

سوسن بسخريه: صمعه!!.. وهى احترمتنا عشان نحترمها ولا نخاف على صمعتها.. 

مصطفى: سوسن خلاص انتى شايفه ابنك متعلق بيها ازاى وبأذن الله بعد مايتجوزوا تتعدل وهو اللى يعدلها.. 

سوسن بضيق وبتسخر من كلامه وخياله الواسع: ابقى قابلنى.. 

فى اليوم التالى وبعد ماروسندا راحت مع كريم عشان يشتروا الفستان والبدله .. وهما راكبين العربيه.. 

روسندا راكبه جانب عزام ورا وكريم راكب جانب كرم اللى بيسوق. 

كريم بيبص لروسندا فى المرايه وهى عيونها مش مركذه عير مع كرم بصاله فى المرايه ومستنيه اى نظره منه وده اللى كريم لاحظه وزود من ضيقه وغضبه من كرم..

بعد ماوصلوا قدام المحل نزلوا من العربيه وكريم راح مسك ايد روسنداجوم يمشوا عزام شد ايدها منهوبص لكريم بتحذير:هى معايا..

كريم بصله بغضب وسابهم ودخل المحل. 

روسندا بصت لعزام وهو ساب ايدها ومشى وده لانه مضايف منها ومن قراراتها اللى دايمآ فاشله. 

روسندا بصت لكرم وهو بصلها وابتسم بخفه ومدلها ايده على المحل: اتفضلى.. 

روسندا ابتسمت بخفه ودخلت وهو وراها. 

الكل مركذ مع الفساتين والبدل وروسندا مركذه مع كرم. 

كريم لف وبص لروسندا بأبتسامه وبيشاورلها على فستان: ايه رأيك فى ده؟ 

روسندا باصه لكرم ومش مركذه معاه هزت راسها بإيجاب: حلو.. 

كريم باصصلها وغضبه كل ماده بيزيد كرم بتلقائيه بص لروسندا استغرب لما لقاها بصاله وده لانها المفروض تركذ فى الفساتين مش فيه هو. 

عزام بصلهم وروسندا بعدت نظرها عنه: اا.. انا هطلع القسم التانى 

طلعت وكرم بص لعزام وهو شاورله يروح وراها. 

كريم جى يطلع عزام وقفه بكلامه: كريم استنى.. 

كريم لف وبصله. 

عزام حط ايده ورا رقبته وبيحاول يلاقى اى موضوع يفاتحه عشان يبعد عن روسندا وكرم.. 

عزام: اا.. الحقيقه انا كنت عايز اقولك ان ابوك امبارح زودها اوى وضرب روسندا اكتر من مره ومن غير وجودى وتصرفاته دى كلها غلط لو انت بتحب روسندا فعلا ماينفعش تخلى ابوك يمد ايده علبها هى مبقتش صغيره. 

كريم باصصله وبيفكر فى كلامه فهم ايه سبب غضب مصطفى من روسندا اكيد حصلت بينهم مشكله امبارح بس ايه سببها!.. مايعرفش. 

روسندا بتتمشى وبتبص للفساتين بملل بتبص حواليها وبتدور عليهم بنظرها: هما راحوا فين! 

جات تنزل للقسم اللى كانوا فيه وقفت لما شافت كرم. 

….. راحت وقفت معاها: اساعد حضرتك بحاجه يا روسندا هانم؟ 

روسندا بصتلها بأنتباه: اا.. لا.. انا هختار فستان.. 

……: المحل كله تحت امر حضرتك. 

كرم راحلها وبيشاورلها بعيونه على الفساتين: عزام بيه محبش كريم بيه يضايقك و… حب انك تختارى اللى عاجبك. 

روسندا ابتسمت ووقفت قدامه: امم.. يبقى انت اللى هتختارلى الفستان.. 

كرم بصلها بأستغراب:بس..

روسندا قاطعته:ايه رأيك فى ده؟

وتشاورله على فستان 

كرم ابتسم بخفه وهز راسه بإيجاب: حلو.. ممكن تقيسيه.. 

روسندا بصت للبنت اللى بتشتغل فى المحل: عايزه اقيس الفستان ده. 

……..: امرك يا روسندا هانم.. 

راحت جابتلها الفستان وروسندا راحت تقيسه. 

كريم بيبص حواليه بأستغراب عزام لهاه بالكلام ومكنش منتبه لغياب روسندا: هى روسندا راحت فين؟ 

عزام بصله بلؤم: هااا… مش عارف. 

كريم بصله واتكلم بترقب: والحارس بتاعها؟ 

عزام ببرود ومكر: الله اعلم. 

كريم بصله بغضب وحس ان دى خطه منه ليه عمل كده مايعرفش لكنه مشى بسرعه وبيدور عليها. 

روسندا لبست الفستان وكرم مستنيها برا البروفه باله شارد فى كلام عايده اللى  شغلتله تفكيره بكلامها وفى نفس الوقت حس بالخوف على عيلته.. 

روسندا خرجت برا البروفه وبتعدل فستانها

كرم بصلها بأنتباه اندهش لما شافها بالفستان كانت مختلفه وكأنه متوقعش يشوفها بيه فى يوم…او يمكن مش لايق عليها الجواز وانها تشيل مسؤليه بيت وزوج.

روسندا رفعت راسها وبصت لكرم:ايه رأيك؟

كرم بصلها وبعد نظره عها وبيحاول يرجع لطبيعته:احم..اا..هنادى عزام بيه يشوفو.

روسندا:انا باخد رأيك انت..

كرم بصلها وأبتسم بخفه:حلو عليكى.

روسندا ابتسمتقربت اتشبست فى دراعه وهو كان باصصلها ومستغرب نوعآ ما هى بتعمل ايه!!

روسندا وقفت قدام المرايه ووقفته جنبها وبصتله بأبتسامه:ايه رأيك؟

كرم بيتجاهل يبصلها:اا..انا قولتلك هو حلو..

روسندا: لا مش على الفستان.. 

كرم بصلها وكشر بأستغراب: امال!

فى الوقت ده كريم شد روسندا من دراعها وباين على ملامحه علامات الغضب: ممكن افهم انتى سرحتى فين مع البنى ادم ده؟ 

روسندا بعدت ايده عنها: هكون روحت فين!.. كنت بشوف فستان. 

كريم: انا جاي معاكى عشان نشوف فستان مش عشان تسيبينى وتروحى تدورى على فساتين لوحدك. 

روسندا بغل:ده مايخصكش. 

كريم بصلها بغضب وتواعد وهز راسه بإيجاب: طيييييب… اوكى يا روسندا.. على راحتك.. ممكن تتفضلى بقى تختارى فستان عشان انا اتخنقت. 

روسندا بصت لكرم: انا خلاص اخترت. 

عزام بصلهم وابتسم 

كريم لاحظ نظراتها لكرم وبصلها بعند: بس ده مش عاجبنى. 

روسندا بصتله بعند: هو عاحبنى انا وبعدين انا ولا انت اللى هتلبسه!؟؟؟ 

كريم بصلها بغل وبيهاودها وكأن اللى مصبره انها هتبقى فى بيته وهيتحكم فيها زى ماهو عايز. 

كريم: طيب ممكن تتفضلى تيجى معايا عشان تحتاريلى انا كمان بدله؟ 

روسندا بصت لكرم: كرم روح اختارله..كرم ذوقه يجنن.

كرم كتم ضحكته وحط ايده على بؤه وبيحاول يكتم ضحكته: احم.. اتفضلى يا كريم بيه. 

كريم بصله بغضب وبصلها سابهم ومشى وروسندا بصت لعزام اللى كان بيضحك ولما لقاها بصاله خفى ضحكته ورجع لطبيعته تانى: احم.. يلا نحاسب على الفستان عشان نمشى. 

روسندا هزت راسها بإيجاب وبعد مارجعوا للقصر. 

فاطمه: عزام بيه رحيم مستنيك جوا فى اوضه الاتنريه. 

كرم بصلها وعزام هز راسه بإيجاب وراح لئوضه الانتريه وكرم جى يروح وراه لقى اللى شدته.. 

كرم لف بصلها ودور وشه للجهه التانيه بضيق. 

عايده: تعالى ثوانى.. 

راحوا لئوضتها وانجى كانت موجوده هناك. 

انجى بصتله وهو بصلها وضحك بسخريه: ده انتوا عصابه بقى.. 

عايده: بطل لماضه وماتسئلش فى حاجه ملكش دعوه بيها… هااا قررت هتختار مين؟؟ 

كرم بصلها للحظات سكت وهز راسه بإيجاب: قررت.. انا هعمل اللى تطلبوه منى… بس بشرط. 

عايده ابتسمت بلؤم وبصتله: امم.. اشرط. 

كرم:هاخد منكوا نص مليون جنيه.

انجى برقت:نص مليون جنيه!

كرم:ايه كتير!..انا واحد عايز يتجوز ومحتاج فلوس…وبعدين ده انتوا هتملكوا ثروه عزام بيه كلها ايه مستخسرين نص مليون جنيه!!

عايده:طيب هنديك نص مليون جنيه بس بعد مالمهمه تتم..

كرم:امم…خلاص اضمن شيك.

عايده:ليه انت مش واثق فينا؟

كرم ضحك:عزام بيه بردو واثق فيكوا…وللاسف.

عايده بضيق:بطل تتكلم كتير قولتلك هديك اللى انت عايزه..وهكتبلك شيك كمان بس مش عايزه الموضوع ياخد اكبر من حجمه يعنى كل حاجه تخلص بسرعه ولو عرف حد بالموضوع انت عارف انا هعمل ايه..

كرم مش مهتم لكلامها:الشيك.

عايده نفخت بضيق كتبتله شيك بنص مليون جنيه وأدتهولو وهو خاده ومشى وانحى راحت وراه:اا…كرم استنى.

كرم وقف مكانه ومالفش حتى.

انجى راحت وقفت قدامه:انا مش عايزاك تاخد عنى فكره وحشه انا مليش اى دخل فى اللى بيحصل..

كرم بصلها وكشر:وحتى لو مان ليكى دخل انا مالى!!؟

انجى بصتله وحسمت امرها تعترفله بمشاعرها اللى مقدرتش تخفيها عنه اكتر من كده قربت مسكت ايده وبصتله:تعالى معايا ثوانى..

كرم بصلها وبعد ايدها عنه وراح وراها.

للكاتبه/منه محسن [Milly]

فى شركه كريم. 

وائل: كريم بيه فى شخصين عايزين يقابلوا حضرتك. 

كريم بصله وكان بالو شارد بسبب روسندا وتصرفاتها اللى بيحاول يلاقيلها حل: امم… طيب دخلهم. 

وائل خرج وبصلهم: اتفضلوا. 

دخلوا سلموا على كريم وقعدوا على المكتب قدامه. 

……..: اعرفك بنفسى انا رأفت صاحب شركه موشير

كريم: اهلا اتشرفت بيك. 

……..: وانا ماجد صاحب شركه فيلور للاستسمار

كريم: اهلا بحضرتك بس.. هى مش شركه فيلور لفريد بيه؟؟ 

……..:انا اشتريتها منه.

كريم:اهااا..تمام.ايه طلب حضراتكوا؟

رأفت:انا كنت حابب اعقد معاك صفقه هشترى منك ٢٥٪ من اسهم شركتك.

كريم بصله وماجد هز راسه بإيجاب:انا كمان عايزا اشترى منك٣٠٪ من اسهم شركتك.

كريم بصلهم بتفكير وبيشاور عقله وفى باله:لو واحد هيشترى٣٠٪ من الاسهم والتانى٢٥؛٪ اكيد محدش هيبقى ليه تحكم فى الشركه غيرى.

للكاتبه/منه محسن[Milly]

فى مكان التسليم.

هانى:انا معايا البضاعه تسلمنى الفلوس اسلمك البضاعه.

……..:اوكى.

قرب منه اداله الفلوس وخاد منه البضاعه

البوليس بيراقبهم من بعيد:يلا ده انسب وقت للهجوم وقبل مايهربوا.

هانى راح للرجاله اللى معاه حطوا الفلوس فى العربيه جى يركب معاهم بس سمعوا صوت ضرب نار وده اللى خلا رجاله مرتضى تجرى بالعربيه وهانى بيجرى ورا العربيه وبيحاول يوقفهم:هااااى استنوا..

الشرطى وبعد ماقبض على اللى لحقوهم من العصابه التانيه:اقف مكانك والا هتضرب بالنار.

هانىوقف مكانه رفع ايده ولف بصله والخوف اتملكه:اا..انامليش ذنب فى حاجه انا كنت تحت تهديد و..

فى الوقت ده جاله رصاصه فى ضهره والشرطى ضربنار من مكان اطلاق ضرب النار بس مكنس فى اى اثر لاى شخص.

بعد مارجاله مرتضى وصلوا لعنده بالفلوس:هو كان ناوى يعترف علينا بس على مين هو يعتبر ميت.

مرتضى ابتسم بخبث:خاد جزأئه قال ايه كان عايز ياخد نص الفلوس..فاكرنى اهبل هيضحك عليه بكلام..يستاهل اللى حصله.

للكاتبه /منه محسن [Milly] 

انجى واقفه هى وكرم قدام البيسين وده لان كرم مارضيش يدخل اوضتها: نعم!!.. ايه عندم مصيبه جديده تهددينى بيها؟ 

انجى بصتله بتفكير وتردد قربت منه وحطت ايدها على كتفه وهزت راسها بنفى: انا بحبك.. 

كرم بصلها كان كفيل يكتفى بالصدمات اللى طلع بيها من اول مادخل القصر ده واللى ماتتعدش كشر وبعد ايدها عنه : نعم!!.. هو انا جوازىمش معترف بيه فى القصر ده ولا انتوا ليكوا ديانه تانيه ولا ايه فهمينى. 

انحى: كرم انا بتكلم جد ايه يعنى متجوز انت الشرع محللك اربعه يعنى لو هتمشيها بالدين ف دى حاجه مسموحه. 

كرم ضحك بسخريه على حلمها الواسع وانها فكرت للحظات انه ممكن فى يوم يتجوزها.. 

كرم قرب منها واتكلم بنبره هاديه وبيحاول يتمالك اعصابه اللى شويه ومش هيقدر يتحكم فى اى تصرف عنيف ممكن يطلع منه. 

كرم بنبره هاديه: بصى يااا انجى هانم… صحيح الشرع محللى اربعه زى مابتقولى بس ياخساره انتى جيتى متأخر لانى فعلا اتجوت الاربعه. 

انجى بصتله بأستغراب: اتجوزت اربعه؟!! 

كرم هز راسه بإيجاب وبنفس نبرته الهاديه والبارده: امم… اتجوزت هبه البنت الخجوله.. وهبه البنت اللطيفه.. وهبه بنت بلدى… وهبه الغيوره اللى بتغير على جوزها وللاسف.. هو عمره مدالها حقها كزوجه.. بس عارف انها عذرانى.. وربنا يطلعنى من المهزله دى على خير. 

سابها ومشى وانجى واقفه مكانها كلامه صعقها ولانها مكانتش متوقعه رده وكأنه كان محضرهولها من زمن.. 

فى الصعيد فى محافظه المنيا بالتحديد. 

خديجه قاعده فى بيت هبه وقاعده معاها فى الاوضه. 

هبه بتعيط وخديجه بتحاول تفهم منها فى ايه بس كل اللى كانت بتعمله هو انها بتعيط حرقه ومش ساكته. 

خديجه بضيق من عياطها الشديد ولانها مش قادره تحدد سببه: انا مش فاهمه بس ايه اللى حصلك هبه ابوس ايدك بطلى عياط وكلمينى.. طب ده بسبب كرم؟؟ 

هبه بعياط: انا.. انا عايزه اطلق منه.. 

خد يجه بصتلها وبرقت بصدمه: انتى بتقولى ايه هو فرحكوا اتعمل لسه ومن اولها عايزه تطلقى منه!!؟.. هبه طيب احكيلى اللى مضايقك يمكن فى سوء تفاهم ولا حاجه. 

هبه بعياط: لا… انا متأكده ان مفيش سوء تفاهم.. كرم مابيحبنيش و.. و… خديجه انا عايزه انام. 

خديجه: طيب اهدى بس كده وقوليلى فى ايه وانا هسيبك تنامى  ولا اطلع انادى لخالتى فريده تعرف منك ايه اللى مضايقك؟ 

هبه بصتلها بتفكير وبعدت نظرها عنها بتمسح دموعها وبدأت تحكيلها وهى بتفتكر اللى حصل واللى روسندا قالتهولها.. 

Flash back 

روسنداباصه قدامها وبتقطع الخضار:حلو مش كده؟

هبهبصتلها بأستغراب وبلهجه صعيديه:قصدك مين؟؟

روسندا من غير ماتبصلها:كرم..

هبه بصالها ومستغربه من بجاحتها وانها تقول على جوزها كده وقصادها.

روسندا بصتلها بأبتسامه:ايه اضايقتى؟

هبه لسه بصالها وهى بصت قدامها وأتكلمت:بصى يا هبه احنا بنات زى بعض و..انا مش هتكسف منك يعنى انا بحب كرم..ومش ناويه اسيبه ابدا..

هبه بصتلها اوى وصدمتها زادت لا بجاحه بجاحه يعنى

روسندا:انا عارفه انها صدمه بالنسبالك بس انا بقولك على مصلحتك كرم مابيحبكيش يا هبه..كرم بيحبنى انا..عارفه ليه؟..لانى اتحب ولانى بحبه.

هبهلسه بصالها بصدمه:اا..انتى بتقولى ايه..

روسندا قاطعتها:انا لسه ماخلصتش كلامى..من وانا صغيره وانا كل اللى بحبهم بيبعدوا عنى..بس كرم هو الشخص الوحيد اللى حبيته بعد مامتى و..مش هسيبه هو كمان يضيع من ايدى  ..انتى هتساعدينى وتبعدى عنه صح؟

هبهلسه بصالها بصدمه.

روسندا:طيب انا هسيبك تفكرى بس انا قولتلك اللى هيناسبك يعنى لو كرم بيحبك هو ليه باسنى يوم كتب كتابه!؟

هبه اتصدمت فوق صدمتها وكانت بصالها ومبرقه ونفت كل كلامها:انتى كذابه كرم مستحيل يعمل كده انا عارفه.

روسندا:الحب يخلى الواحد يتغيى ١٨٠ درجه ومع روسندا بالذات عايزه تصدقى صدقى انتى حره..وكمان الكلام اللى قولتهولك ده ياريت تخليه سر بينا ده لمصلحتك.

Back 

خديجه بصدمه وغضب من روسندا:وانتى ليه صدقتيها هى اكيد بتكذب عشان عيزاكى تسيبيلها كرم سبحان الله انا اول ماشوفتها مارتحتلهاش.

هبه هزت راسهابنفى:هى مش هتألف كءبه زى دى و..وكمان تصرفات كرم معاها كان مشكوك فيها..

خديجه بصالها بتفكير ومش قادره تصدق كلامها:طيب انا هطاوعك وهقول ان ده صح مع ان ده مستحيل بس حتى لو هو كده يبقى انتى لازم تفضلى متمسكه بيه مش تعمليلها اللى فى دماغها وتسيبهولها..وانا ليه كلام تانى مع كرم بخصوص الارشانه دى.

هبه هزت راسها بنفى وترجى:لااا خديجهبالله عليكى اوعى تعملى كده انا مش عايزاه يعرف حاجه.

خديجه:ماهى دى مش طريقه هو لازم يعرف عشان نعرف اذا كان الكلام ده صح ولا غلط.

هبه هزت راسها بنفى وبلهجه صعيديه:لا اوعدينى انك مش هتقوليلو حاجه ومش هتعرفى حد بأى حاحه قولتهالك.

خديجه بصالها بتفكير وتردد وهزت راسها بإيجاب:طيب..انا بوعدك انى مش،هتكلم غير لو الوضع ساء ووصل فعلا للطلاق…وفى الاول وفى الاخر دى حياتك وانتى حره فيها.

للكاتبه/منه محسن[Milly]

عزام خبط على باب اوضه روسندا وهى ردت:ادخل.

عزام دخل الاوضه وبصلها وهى قاعده على السرير وماسكه صوره مامتها باصالها.

عزامبص للصوره وبصلها ابتسم بحزن وقرب قعد قدامها.

روسندا بحزن ودموع وهى باصه للصوره:وانا صغيره مكنتش شايفه تأثير المرض عليها..مكنتش عارفه انه بيقتلها بالبطيئ ومكنتش عارفه هى اد ايه بتعانى..بس دلوقت ولما كبرت لما ببص لصورتها بشوف كميه الالم اللى ف عيونها والابتسامه مرسومه على وشها عشان بس تثبتلى انها بخير..

عزام باصصلها والحزن متملكه قرب مسح دموعها وابتسم بخفه:الله يرحمها هى ارتاحت والموت بالنسبه للمرض ده علاج.

روسندا بصتله وهزت راسها بحزن ودموع:الله يرحمها..

عزام اتنهد بعمق وكشر وبيحاول يخرجها من حزنها وبيتهرب من بين دموعو اللى على تكه وتنزل:اااا..نستينى كنت جاى اقولك ايه..صح يا روسندا انا كنت عايز اسئلك..انتى قولتى حاجه لهبه خطيبه كرم؟

روسندا بصتله وكشرت بأستغراب وبترقب:اا..حاجه زى ايه!

عزام: يعنى ضايقتيها مثلا بكلامك…اى حاجه زى كده؟؟!

روسندا: وليه هضايقها؟… كل كلامنا كان صادق.. بس انت ليه بتسئل!.. هو كرم قالك حاجه؟ 

عزام هز راسه بنفى: لا انا بس اللى كنت عايز اعرف.. طيب هسيبك تنامى دلوقت.. يلا تصبحى على خير.. بكره وراكى فرح وموال لازم تنامى بادرى تصبحى على خير. 

روسندا بصتله وكل مابتفتكر السيره دى بتتعكنك اكتر: وانت من اهل الخير. 

عزام خرج برا اوضتها وهى ملكت راسها بين ايدها وغمضت عيونها بتفكير.. 

فى اليوم التالى.. 

سميره اتكلمت بأستغراب: الا قوليلى يابنتى غريبه يعمدنى مؤمن مبقاش ينطلنا زى عادته ايه هاجر!

خديجه بصتلها بتفكير وأنتباه عرفت ايه اللى ناقصها: انا كمان ماعرفش عنه حاحه الايام دى.. 

سميره: لايكون تعبان ولا حاصله حاجه يا بنتى واجب بردو نسئل عليه. 

خديجه بصتلها بتفكير وهزت راسها بإيجاب: امم نبقى نروح اخر النهار نسئل عليه جدته نبيهه.

فى القاهره. 

محمود بيكلم عيلته فى التليفون: انتوا راجعين امتى من الصعي؟؟ 

مامت محمود: النهارده يا حبيبى وياريت ماتقولش لابوك لانى مش عايزه اشوف خلقته وكمان عملالك مفاجئه مش هقولك عليها دلوقت لما ارجع بقى 

محمود حط ايده على جبينه:طيب يا ماما مستنيكى. 

مامت محمود: سلام ياحبيبى. 

وتقفل الخط. 

محمود بص لتليفونه بتدد وتفكير جى يتصل بأمينه افتكر الكلام اللى قالتهولو وده اللى خلاه يتراجع عن تفكيره. 

محمود ساب تليفونه وغمض عيونه بضيق: ياترى انتى روحتى فين!!

للكاتبه /منه محسن [Milly] 

روسندا لبست فستان الفرح ونزلت من اوضتها وعزام كان قاعد تحت سرحان بصلها حس بحزن اكتر وحس انه هيبقى وحيد من النهارده وده اللى راعبه عدم وجودها معاه : امم…انا كنت عايزك تيجى معايا مشوار صغير .

روسندا بصتله وهزت راسها بإيجاب. 

كرم: انا هروح احضر لحضرتك العربيه 

عزام بصله وهز راسه بإيجاب وراح يجهز العربيه بعد ماركبوا ووصلوا للمقابر. 

روسندا بصت للمقابر وبصت لعزام وبسخريه: ايه ناوى تدفنى هنا عشان ماروحش الفرح؟؟ 

عزام بصلها واتنهد بعمق: لو كنت هقدر ادفنك وانتى حيه ف انا كنت عملت كده من اول يوم عصيتى كلامى فيه وحسيت انك هتخرجى عن كلام ربنا…تعالى. 

دخل المقابر وهى وراه فضلوا ماشيين لحد ماوصلوا لئوضه خاصه وفيها مقبره واحده بس محطوط عليها كميه انوار رهيبه وعليه صوره سهى واسمها بالكامل. 

روسندا بصت لصورتها وفهمت ان دى المقبره بتاعتها..

عزام بحزن: دى مقبره مامتك الله يرحمها..هى كانت حلمها الاخير تشوفك بفستان فرحك.. وعشان كده جيبتك النهارده هنا. 

روسندا قدام المقبره وغمضت عيونها بحزن كلام كتير بيتحكى جواها ومش عارفه تتصرف ازاى ولاول مره تحس انها لو ركبت دماغها هتندم بقيه عمرها. 

فى الوقت ده كريم اتصل بيها وهى قامت مسكت التليفون وبصت للاسم وبصت لعزام:ده كريم.. اكيد هو بيتصل عشان الفرح. 

عزام هز راسه بإيجاب والحزن باين فى عيونه: يلا نروح. 

بعد ماوصلوا للفرح. 

شمس بتبص حواليها بأستغراب: هى ماوصلتش ليه لحد دلوقت!! 

شاهيناز: واللهى انا بقيت مستغربه فعلا البنى ادمه دى هى مش قالت بتحب كرم وحصلت بينهم مقطتفات رومانسيه؟… يبقى هتتجوز قريبها ده ليه؟! 

شمس: بقولك ايه انتى ماتسئليش عن اى حاجه بتعملها روسندا لانها اكيد هتبقى غريبه زيها. 

بعد ماوصلوا لفرح. 

شاهيناز: اهى جات. 

دخلوا القاعه وعايده وقفت حانب كرم وهمستله: انا عيزاك تعمل اى حاجه تخلصنى منها وقبل الفرح لانها لو اتجوزت عزام مش هيبقى ليه سلطه عليها وبالتالى هيبقى صعب عليك تعمل حاجه.. امم

كرم بصلها بتفكير وهز راسه بإيجاب. 

يتبع..