رواية ايلين وسليم الفصل السابع 7 بقلم هدير محمد
 |
| رواية ايلين وسليم الفصل السابع 7 بقلم هدير محمد |
رواية ايلين وسليم الفصل السابع 7 بقلم هدير محمد
=و ليه تستني لبكره و تضغطي على أعصابك نخليها النهاردة عادي
فتح باب الشقة و مشي
_اهو يلا الباب يفوت كذا جاموسة يا سليم
_ هو اللي يقول الحق الأيام دي ليه يتقمص ؟!!!!
_بس ايه ده عنده مستوى الكرامة عالي جدا
مهتمتش و روحت عملت أكل لنفسي و اتفرجت على التلفزيون عادي جدا
ما يزعل يعني هو لما كان بيسىء ل شرفي كان بعدها بيحس بالذنب يعني ????
سليم نزل وقعد عند باب العمارة
=الصراحة عندها حق في كل كلمة قالتها
= بس أي واحد مكاني كان هيعمل كده او أكتر
= يعني انا ملستهاش و في الآخر تطلع حامل بتحاليل بتثبت كده كنت هعرف من فين أنها مجرد مؤمراة عشان يخلوني اطلقها ؟؟؟
=طب اعمل ايه دلوقتي انا مش همشي بس نزلت عشان لقيتها متعصبة مني جدا فقولت انزل
=كان لازم اقول ل قاسم اقعد مع مراتك ما كنت اخدته معايا و خلاص كان هينفعني و ينصحني دلوقتي
=ايه الحيرة دي ياربي
وهو قاعد بيفكر جه واحد عطاه فلوس في أيده و كمل مشي ف سليم قعد يضحك و قاله
= يا باشا خد هنا لو سمحت
* نعم ؟
=ايه الفلوس دي ؟
* مش كتير صح ؟
=أنت الظاهر فهمت الموضوع غلطت انا لسه صاحي و مراتي طرداني لكن انا مش شحات والله انا معايا فلوس على فكرة
*اه عشان كده قاعد على السلم طب تعالى اقعد عندي بيتي قريب من هنا
=والله انا مش شحات
*يسطا ما انا عارف
=اومال بتديني فلوس ليه ؟
*قولت اخليك تفك عن جو النكد ده و تضحك و نجحت في كده
= والله انت عسل فعلا ضحكت
*فُكك من النكد ده هي كده الستات قادرة
= يا رايق ????
*استأذن بقا
=استنى خد فلوسك دول
*أيوة صح هاتهم انا مش معايا أكمل فلوس المواصلات اصلا
=سلام ????
=مينفعش اقعد كده انا هتصل ب قاسم و خلاص
طلع تليفونه ولسه هيتصل على قاسم لقي أبوه بيرن عليه
= نعم يا بابا
*ايه الأدب ده ؟
=ما انا مؤدب طول عمري
*هو انا المفروض ابقى مخاصمك بس عايز اسألك سؤال و تجاوبني و بعدها هخاصمك تاني
=اتفضل
* بقولك يالا لقيت أيلين ؟
=اه لقيتها هي في القاهرة وانا قاعد اهو في الشارع تحت العمارة اللي هي فيها
*جدع طب هترجع إمتى انت و هي؟
=فيه مشكلة صغيرة هحلها و أرجع قصدي نرجع
* تمام لو عايز حاجة ابقى قولي
=حاضر
قفل معاه وبعدها إتصل ب قاسم
^ ها يا سليم أنت كويس ؟
=انا تمام بص افتح وادنك و أسمع هقول ايه
^ها فاجئني !!
=انا عايز اعمل أي حاجة عشان أيلين ترجع معايا لفيت إسكندرية أسأل واحد واحد عليها و قولت عشان أيلين ، روحت القاهرة زي ما أنت عارف استحملت حر القطر و قولت عشان أيلين ، سيبت الجرح يفتح و نزفت دم كتير و قولت عشان أيلين ، لفيت القاهرة كلها لوحدي و قولت عشان أيلين ، و الحمد لله لقيت العنوان مع وحدة ست طيبة برضو عشان أيلين ، لكن لما أروح لأيلين نفسها و تطردني وحاليا قاعد على سلم العمارة و فيه واحد عطاني فلوس على أساس انا شحات مش حرام ده و لا لا ؟!!!
قاسم فضل ضحك
^بقيت مطرود يا عيني
= هي أحزاني تضحك للدرجة دي أقولك ايه شوفلي حل و حياة أبوك
^حاضر بس كده
=ها ابهرني ؟
^طالما انت مُصر للدرجة دي عشان أيلين ترجعلك هساعدك بس يالا انت طلعت بتحبها اهو
= لا مش بحبها
^لا بتحبها و بطل تكابر وانا هقولك عرفت ازاي
^أول حاجة لما كنت فاكر أن أيلين بتخونك زعلت جدا لو انت مش بتحبها كنت هتفرح لأن ده هيبقى سبب مقنع أنك تطلقها من غير ما حد يوقف ضدك ، تاني حاجة انت زعلان لأنك قاعد من غيرها و الدليل أنك مصبرتش تقعد يومين على بعض من غيرها و روحت وراها على القاهرة على طول ، و ثالث حاجة بالرغم أنك بقيت مطرود قاعد اهو تحت العمارة عشانها ، شوفت انا قفشتك ازاي ؟
=على فكرة انت بارد انا بقولك شوفلي حل و أنت قاعد تراقب في تصرفاتي
=خد هنا صح أنت مالك أصلا إذا كنت بحبها او مش بحبها في الحالتين ميخصكش
^حبيت بس أقولك أن انا أكتر واحد فاهمك كويس يا حبيب أخوك
=استنى بس اطلع من اللي انا فيه و أنت لوحدك ليك روقة ، هتساعدني ولا لا ؟
^هساعدك طبعا ، انت دلوقتي تروح تخبط على باب شقتها و تدخل عادي حتى لو هي ما وافقتش اقعد برضو و قولها أنك جوزها و تقعد في أي مكان هي قاعدة فيه و لو اتعصبت عليك انت تفضل هادي جدا معاها لأنها في ساعتها لها الحق انها تتعصب عليك و تخليها تطلع كل حاجة جواها المهم أنك تفضل هادي جدا
=اعتقد ان ده اسمه برود صح ؟
^ايوة اسمه برود أعصاب خلي أعصابك باردة جدا البرود بيحل المواقف اللي زي دي سألني انا لما اتخانق مع مراتي ببقى بارد جدا و أنا بصالحها فأنت اعمل زيي كده
=طب لو جابت مسدس و ضربتني بيه هنا بقا هعمل ايه ؟
^ تستشهد طبعا و انا هدعيلك تدخل الجنة و كل يوم هاجي عندك ازورك و احطلك وردة من ام 2 جنيه على قبرك
=أنت بتتريق عليا يا قاسم !!!!
^لا طبعا ما انت بذكائك ده بتقولي لو جابت المسدس و ضربتني بيه هتموت ساعتها يا ناصح
=بص هجرب الحل ده لكن لو قتلتني هموت و انا غضبان عليك
^تمام يا أخويا يلا استعد و انا هدعيلك دعوة أحسن من دعوة الأم
=أما نشوف
قفل سليم معاه و قال يعمل زي ما قاله
=توكلنا على الله
راح عند شقتها و قبل ما يخبط قال في سره
= أعصاب باردة أهم حاجة الأعصاب الباردة
و خبط على الباب و قومت فتحت و لقيته هو تاني
_نعم
=اتعتي كده دخليني
سليم دخل بكل برود و كمان قعد على الكنبة و حط رجل على رجل و بياكل من طبق الفيشار بتاعي !!!
=مش تزودي حته ملح في الطبق
_ بجد انت بعمل ايه هنا ؟
=مش ملاحظة أن انا ابقى جوزك ، في كل مكان هتروحي عنده هاجي وراكي اوماال ايه يعني اسيب مراتي تقعد لوحدها ليه انا مش راجل !!!
_والله ؟!!!!! انت بتهزر صح ؟ و مين قالك أني هواقف اقعد معاك في مكان واحد ده في المشمش
=بس المشمش بدأ يطلع
_ يعني ؟؟؟
=قاعد و مش همشي تواقفي او متواقفيش مش موضوعي
_ انت مش ملاحظ أن انا اللي بدفع الإيجار ؟!!!
=و ماله ندفع بالنص بعد كده
_انا هكون هادية و هقولك بكل هدوء تخرج عشان مش عايزة اتعصب
=اتعصبي و ماله حقك طبعا
اتعصبت فعلا و زعقت فيه
_سليم اطلع بره حالاً
قام و بصلي في عنيا و قالي
=اتعصبي براحتك و زعقي براحتك اعملي فيا أي حاجة إنتي عيزاها حتى لو عايزة تضربيني اضربي انا اهو قدامك و مش هتكلم مهما عملتي مش هتكلم ابدا
=اعملي أي حاجة فيا مهما كانت ايه المهم تطفي النار اللي في قلبك اللي انا سببها المهم متقعديش ساكتة و شايلة مني كل ده طلعي كله فيا
=لكن يكون في علمك انا مش همشي يعني مش همشي و لو مشيت من هنا أنتي هتبقى جاية معايا لكن غير كده لا
=صح فكرة الطلاق دي تشليها من دماغك لأني مش هعمل كده و هتفضلي مراتي لغاية ما أموت
قولتله بتحدي
_ طيب كده تمام انا اللي همشي
و روحت افتح البيت فهو قفله بالفتاح و قالي
=لا مش هسيبك فاهمة ؟
_لا مش فاهمة يا تفتح الباب أو أصرخ و ألم عليك أهل العمارة كلهم و اقولهم أنك جاي تتعدى عليا
= طب لما يعرفوا أن انا جوزك هيكون موقفك ايه ؟
_ انت مش جوزي و عمرك ما كنت جوزي و بطل تحلم أني هرجعلك
=لا ده مش حلم ده حقيقة هترجعي
=أيلين اديني فرصة أصلح كل حاجة وحشة عملتها فيكي ثقي فيا بس
بص على أيدي و مسكها و قالي
= فين الخاتم ؟
اتعصبت منه و سحبت ايدي
_ اياك تحاول تقرب مني تاني انت فاهم !!!
_بعدين ايه اثق فيك ده طب هل أنت وثقت فيا الأول عشان انا أثق فيك ؟!!!!
_ الإجابة واضحة طبعا لاااااا يبقى متقولش أثق فيك دي تاني انا مستحيل أثق فيك تاني
_ كنت فكراك إنسان كويس و أنك فيوم هتعتبر أني مراتك بجد و تحبني لكن طلعت تصدق أي حد ما عدا أنا
_افتكر انا كام مرة دافعت عن نفسي و أنت لا حياةً لمن تنادي ده لو فأر قالك أن أيلين بتخونك هتصدق طبعا
_ سليم متحاولش تقلب الواقع انا مجرد بنت انت كنت مجبور عليا ف متفكرش أننا في يوم نبقى ناس طبيعية مثلا
_ و تطلقني غصب عنك بدل ما أرفع عليك قضية خلع
_ يلا هات المفتاح افتح الباب كده يا أنا امشي او أنت لكن نقعد في نفس المكان لا
=آخر كلام عندك ؟
_اه آخر كلام عندي ممكن تمشي و تسيبني لوحدي ؟
عينيه دمعت و قالي
=اسمعي اللي هقوله ده كويس
= مكنتش فاكر أن هيجي يوم هنقف ضد بعض كده
=إنتي عندك حق فعلا أبويا اجبرني أني اتجوزك بس في نفس الوقت انا فكرت و قولت اشمعنا إنتي دي اللي مصمم أنها تبقى مراتي ف رضيت اتجوزك عشان أعرف السبب
=و بعد ما اتجوزنا كنت بحاول على قد ما أقدر اجمعلك غلطة وحدة بس عشان أقول لأبويا شوف اختياره عملت ايه
=بس تعرفي لغاية دلوقتي مش لاقي فيكي ولا غلطة
=كان كل اللي في بالي ساعتها أني اطلقك بس بعد ما الاقي سبب مقنع عشان اوريه لأبويا و يعرف أني مش عايزك من الأول
=كنت زي أي شاب عادي خلصت دراستي و بتمنى أحب و اتحب و أتجوز و أكون أسرة خاصة بيا و يكون عندي زوجة بحبها جدا
=بعد ما اتجوزتك حسيت كل اللي حلمته اختفى نهائي لأني كنت فاكر أني هختار بنفسي لكن طلع العكس
= أثناء فترة جوازنا كنت لما أرجع من الشغل و لاقيكي قاعدة بعيد عني كنت بضايق و مع ذلك مكنتش بحب اتعامل معاكي ابدا
=بس من جوايا كنت عايز ان علاقتنا دي تتصلح و كنت بحاول اعمل كده بس إنتي مكنتيش بتديني أي فرصة
=و بعد ظهر موضوع الحمل الكاذب ده زعلت و اتقهرت لأني كنت عايزك تفضلي ليا مهما كل واحد في مكان بعيد عن التاني
=عشان كده قعدت اجرح فيكي عشان اللي كنت حاسه ساعتها
=و لما عملت حادث العربية و بقيتي طول الوقت قاعدة معايا و بتتكلمي معايا كنت ببص لوشك برتاح جدا و بسرح فيكي لكن لما كنت أفتكر موضوع الحمل ده اللي هو اصلا سبب اللي إحنا فيه دلوقت كنت بتنرفز و مش قادر اتخيل أنك بتحبي حد تاني
=مجرد ما كنت بفكر أنك مش ليا و مراتي على الورق بس كل العصبية و كل الوجع اللي كنت بحسه بطلعه فيكي إنتي و في نفس الوقت كنت مش عايز اطلقك ساعتها لأن كان عندي إحساس ان فيه حاجة غلط بس الغلط خلاني ابقى اعمى عن الحقيقة
=و إنتي استحملتي كتير بسببي مش يمكن عشان انا أناني شوية كل اللي بحسه مفروض يبقى ليا و مبقاش ليا بنفجر غضب حرفيا
=معاكي حق في كل اللي بتعمليه بس برضو انا عندي حق فإن عايزك تفضلي معايا
=بحمد ربنا أني عرفتك و انا حاليا بفتخر أنك مراتي و بحب أقول الكلمة دي كتير
=أيلين
_ نعم
= أيلين انا بحبك أنتي و بس
اتصدمت جدا من الي قاله بصلته بتفاجىء وهو كان مبتسم
معرفتش أقول ايه و من الصدمة لقيت نفسي تلقائيا جريت على الأوضة و قفلت الباب ورايا و قولت
_ اللهم إن كان هذا سحراً فأبطله
