رواية ليل الفصل التاسع عشر 19 بقلم ياسمين خالد

بيوصلوا عند بيتها فضلوا يخبطوا كتير محدش بيفتح ليل قلبها اتقبض..وقالت بخوف:مؤمن اكسر الباب من فضلك.

“مؤمن حاول يكسر الباب لحد م فتح..كانت وقتها تيتا فاطمه واقعه علي الارض ونضارتها واقعه جمبها والمصحف علي ايديها..

جريوا عليها بلهفه..تيتا فاطمه.

” عائشه خافت ومسكت ف تيشرت مؤمن “

_ليل: مؤمن من فضلك خد عائشه واخرج برا البنت خايفه. 

=مؤمن بعصبيه: أسيبك إزاي ف الوقت ده إنتي اتجننتي!”بيوجهه كلامه لـ عائشه متخافيش ياحبيبتي دي تيتا نايمه بس.

“مازالت عائشه ماسكه ف تيشرت مؤمن..مؤمن مسك ايديها بمعني إطمني

“ليل.. مؤمن ف نبض الحمدلله. 

_ مؤمن بنظره أمل بجد!

=أه والله بجد، اطلب بس اوبر بسرعه وانا هحاول أفوقها ربنا يسترها 

=حاضر 

” بيطلب اوبر.. “. 

” ليل بتحاول تفوقها.. بتطبطب علي إيديها ودموعها بتنزل والله قومي وعمري ماهسيبك تاني أبدًا أنا اسفه حقك علي راسي.. 

“مؤمن بيقرب علي ليل.. بيميل راسها في حضنه..”. 

ممكن تبطلي عياط.. 

_خايفه عليها اوي اوي، انا استحاله اسيبها تاني. 

=خلاص اهدي وهناخدها تعيش معانا امسحي دموعك بقي. 

” سواق اوبر بيبعت لمؤمن علي الواتساب.. حضرتك انا ف المكان اللي بعتهولي. 

_ليل سواق اوبر جيه. 

= بجد، طب م تطلب منه يجي يساعدك ولا اساعدك انا طيب انك تشيلها ! 

_لا طبعا مينفعش تعملي مجهود انا هطلع اجيبوا واجيب اي حد برا من جيرانها رغم ان المكان هادي بس هحاول المهم نلحقها، الحمدلله اننا جينا ف الوقت المناسب.

_الحمدلله..”ليل بتبص لـ تيتا فاطمه وهي مُستسلمه ونايمه علي دراعها بصالها بحزن وندم إنها سابتها فتره كبيره وإنشغلت عنها دموع ليل بتنزل علي خد تيتا فاطمه بتمسحهالها بلطف وتميل عليها وتبوسها،هتكوني كويسه أنا واثقه من كده والله 

_مامي هي تيتا فيها ايه ؟

=ملهاش ياحبيبتي تيتا هتكون كويسه 

“مؤمن بيخرج برا لـ سائق الأوبر  ..

”ليل بحُزن بتبص لملامح تيتا فاطمه إللي إتحولت للون الأصفر شفايفها الجافه من قِله المايه ..بتزيد دموعها ،نضارتها والمصحف إللي متبته فيه رغم إنها مش ف وعيها ..

مؤمن بيجي هو وسائق الأوبر..

مؤمن ب شُكر : شكرًا لحضرتك بس إنت شوفت إن مفيش حد برا ف معلش هنشيلها أنا وإنت يا ..هو إنت إسمك إيه؟

= أولا مفيش شُكر دي زي جدتي ،ثانيًا إسمي إبراهيم ويلا انا هشيلها من طرف وإنت من طرف  ..

“قبل مايشيلوها ليل إستوقفتهم “..

_مؤمن بقلق ف إيه ياليل!

= “ليل كانت بتدور بعينيها علي حاجه “

“مؤمن بيزيد التوتر عندهُ” ليل فِ إيه !

-بدور علي حاجه أغطيها بيها ياحبيبي .

= لابسه خمار متقلقيش 

-عارفه بس لابساه علي جلابيه بيتي لو صحيت لاقيت نفسها كده هتضايق ..

_حبيبتي هنحطها ف العربيه ومحدش هيشوفها وعند المستشفي هيغطوها.

_ “تجاهلت كلامه ودخلت اوضتها جابت بطانيه خفيفه “..انا لاقيت دي يلا شيلوها وانا هغطيها وانتو شايلينها لحد العربيه .

= ماشي ياحبيبتي .

“بيشيلوها وبتحط البطانيه عليها ..”..

“مؤمن وهو بيتنهد هنروح بسرعه عند العربيه هي قدام الباب عشان منتعبش الراجل معانا وانتي اقفلي الباب بسرعه واهي المفاتيح عند التلفزيون .

_ حاضر جايه بسرعه ..

= وشيلي المصحف اللي تيتا فاطمه مسكاه لحسن يقع منها واحنا شايلينها كده حرام .

_ليل بثقه:لا متقلقش مش هيُقع سيبوا كده ف حضنها ..

=ماشي  .

“بيمشوا”..

“ليل بتشغل التسجيل علي القُرآن ..وبتاخد المفاتيح وقبل م تقفل الباب قاطعتها عائشه :مامي إحنا هنسيب البسبوسه اللي جايبينها لِ تيتا هنا!

=ردت ليل بعصبيه:ياحبيبتي مش وقته بقي .

“ملامح عائشه إتحولت لزعل”..

_ليل بلُطف: خلاص ياحبيبتي تيتا هتخف وهنيجي ناخد الحاجه الحلوه ناكلها سوا إتفقنا !

-اتفقنا يامامي  ..

“بتقفل الباب وبتخرج عند العربيه  ..السواق كان راكب ف العربيه ومؤمن كان فاتح باب العربيه ومستنيها قال ب استعجال : ليل يلا بسرعه ..

-ليل حست ان الدنيا بتلف بيها من كتر العياط اللي عيطتهُ لكن حاولت تتماسك ..

-حاضر انا جايه اهو..

بتقرب علي العربيه ..بتركب هي وعائشه العربيه مؤمن بيقفل باب العربيه وبيركب هو جمب السواق ،بتسند راس تيتا فاطمه علي كتفها،طول الطريق كانت متوتره سألت السواق بقلق ممزوج بدموع :لو سمحت هو قربنا علي اي مستشفي ..

“مؤمن لف وشوا ورد بنظرات غيره ورفع حاجبيه ورد قبل ماالسواق يرد ..اه قربنا.

“ليل احترمت كلمتهُ رغم انه مش عارف اي مكان هنا وفهمت انه غيران ف مكررتش سؤالها رغم خوفها علي تيتا فاطمه “،

“بعد مرور ٥ د من الوقت سمعت صوت يكاد يكون مسموع ..بَصِت علي عائشه يمكن هي اللي بتتكلم وخايفه اني ازعقلها عشان انا متوتره،شافت عائشه سرحانه ف الطريق 

“بصت بعدم إستيعاب ل تيتا فاطمه “..

قالت والخوف متملكها :مؤمن تيتا فاطمه بتهمس بكلام مش مسموع ..

“مؤمن بَص بتوتر”: طب قربي منها وإسمعيها بتقول إيه 

“قربت عليها والدموع مغرقه وشها”تيتا إنتي سمعاني!!طب فوقتي طيب!!

“دموعها مغمضه وكإنها ف عالم موازي  قربت أكتر وسمعتها بتقول بهمس لا إله إلا إنت سبحانك إني كنت من الظالمين ..

“ليل قالت بصدمه دي بتردد لا إله إلا انت سبحانك إني كنت من الظالمين يامؤمن.

_سبحان الله ياربي حتي وهي مش ف وعيها ذكر الله علي لسانها .

=أيوه يامؤمن، وكإن ربنا وضع ف قلبي القبضه بتاعت امبارح وخلاني أشتاق إني أشوفها وأصمم أجي عشان نيجي ننقذها ف الوقت المناسب.

ف الخلفيه ..”ألا بذكر الله تطمئن القُلوب “

“بيوصلوا عن المستشفي “

“مؤمن بينزل هو وسائق الأوبر ينادوا الممرضين .”

“ليل بتغطيها كويس قبل م يجوا ياخدوها “

“مؤمن بعد دقيقتين من نزوله من العربيه جيه هو وإحدي الممرضين ب السرير المتحرك وشالوا تيتا فاطمه عليه ودخلوها ل إحدي الغرف ..

“راحوا وراها ومنتظرينها ف الاستراحه “..

_مؤمن طلب من سائق الاوبر : شكرا جدا ياابراهيم تقدر تمشي تعبناك معانا 

=رد بكل لطف: مش عارف ليه حسيتكم من اهلي ،هطمن عليها وهمشي .

_”مؤمن ب ابتسامه”شكرا يارجوله ..بيوجهه كلامه ل ليل ..

تعالي معايا .

_ليل بتوتر :ليه ف حاجه!

=بصوت خافت: لا مفيش بس هنجيب حاجه للراجل يشربها عيب مينفعش .

_طب هقعد استناك.

=”رفع حاجبيه” قولتلك يلا .

“بتقوم”..

_خليك ياابراهيم هنا واحنا جايين علي طول.

= طب ماشي روح متشغلش بالك.

“بيمشي هو وعائشه وليل ” ..

_ليل بفضول: ليه خليتني امشي معاك وليه رديت انت ف العربيه مع اني كنت بسال السواق! 

_تتكلمي ليه مع راجل غريب ،واسيبك ازاي معاه !.

= بس ده كان سؤال،وانت مش هتسيبني معاه ولا حاجه احنا قاعدين ف استراحه وف مستشفي .

_ لا برضو ،متساليش ولا تنطقي حرف حتي مع حد دي اول حاجه تاني حاجه الولد كويس وكتر خيروا بس افرض سيبتك معاه هو وجهلك سؤال وانتي رديتي عليه؟

_ يالهوي ليه الغيره دي كلها يعني م هو شايفني متجوزه واكيد فهم من ردك عليا ف العربيه بداله ف مش هيسالني اي حاجه.

=”بيحط ايدو علي كتفها” اعتبريني ياستي قفل انا بغير عليكي من أي حد ،واقفي علي جمب هجيب حاجه نشربها من الكافيتريا وهنمشي علي طول 

_طب يلا ياعم القفل.

“بيجيب العصاير وبسكوت عشان عائشه وليل وبيمشوا”

_مؤمن بيوجهه كلامه ل إبراهيم :ها يابطل إتأخرنا عليك.!

=  لا والله مكملتوش حاجه  .

“مؤمن بيقعد جمبه ..وبيديلوا العصير ..رفض ف البدايه لكن مؤمن أصر عليه..

_يلا ياحبيبتي اشربي عصير وكلي بسكوت يلا.

_مش قادره يامؤمن ،ماليش نفس.

= ايه ده وده من امتي فاكره يوم جوازنا.

“بتضحك “..بس مش وقته طيب .

_ لا لا والله لأفكرك.

_____________

“فلاش باك”

_____________

الله يامؤمن علي وليمه المحشي ،بص يالهوي صابع الورق العنب ده تدوق  

“مؤمن مصدوم”

شكلك مش عاوز .

“بتدوق هي ” اممم ياالله ..نزل ف قلبي مش معدتي .

_ مفروض انك عروسه وكده ،والعروسه بتكون مكسوفه وملهاش نفس .

=يرضيك اجوع ،وبعدين ليه العروسه ميكنش ليها نفس مش بني ادمه ..يامؤمن الاكل ده اهم حاجه ف الكون ..زعلان كل ..فرحان كل..عندك امتحان كل..تعبان كل ..كل حاجه بتتعالج بالأكل.

_الاكل اهم مني .

“قربت عليه بدلال وهي ماسكه ورق عنب ” ازاي تقول كده ازاي تسال السؤال ده.

“مؤمن ابتسم  ب نظره امل انه مينفعش يتقارن بحد..”.

_طبعا ياحبيبي ورق العنب اهم .”بتكمل اكلها” “ضحكته اختفت “

“تجاهلت نظراته ،فضلت تتمخطر وهي بتاكل كإنها مالكه الدنيا كلها “..افتح بؤك ..بنظرات تحذير ها افتح بؤك يلا .

“كل من ايديها ..ها ارتاحتي كده”!

_ طب بذمتك مش مبسوط !

= مبسوط عشان بقيتي معايا .

“بتتكسف “.

_ياااه اخيرا شوفتك مكسوفه .

“باك”

____________

_ها افتكرتي ،يلا كلي بقي.

= طب حاضر هطمن علي تيتا فاطمه وهاكل .

_ ماشي ياحبيبتي

“بعد مرور نص ساعه”

= مؤمن مش الدكتور طول جوا انا قلقت اكتر.

“بيقاطع كلامها صوت الدكتور”

‘بيقربوا عليه وبقلق مؤمن بيقول: ها يادكتور اتحسنت 

_ الحمدلله فاقت بعد وقت طويل 

=طب ايه اللي عندها.

_غيبوبه سكر المريضه كلت حاجه علت السكر عندها وده أدي إلي غيبوبه وفاقت واديناها علاج عن طريق المحاليل.

_نقدر نشوفها!

= اه اتفضلوا،بس حاولوا متتاخروش جوا .

_هي هتفضل ف المستشفي!

=لا تقدروا تاخدوها بليل بس لازم المحلول ده يخلص ،وهو هينزلها نقطه نقطه ف هياخد وقت..ف انتو تقدروا تطمنوا عليها وتستنوها ف الاستراحه.

= سائق الأوبر:طب أنا هستناكوا هنا وانتو ادخلوا اطمنوا عليها وطمنوني.

_ مؤمن ب ابتسامه :تعالي معانا اطمن عليها وامشي ،انت زي ابنها واكيد هتفرح ان لسه ف الزمن ده رجاله وبالشهامه دِ

“ابتسم ..ليل فتحت باب الاوضه وف ايديها عائشه مؤمن وراها وإبراهيم دخلوا ب هدوء ..كانت وقتها تيتا فاطمه بتغمض عينيها وتفتح ب هدوء عيونها كانت بتستكشف المكان ..قالت بصوت هادي :انا فين !

_ليل ب اطمئنان :متخافيش إحنا جمبك انتي كويسه ياتيتا..

“ابتسمت ..ليل!!!.

_ اه ياتيتا ومؤمن معايا اهو جمبك الناحيه التانيه ..بصت ب اشتياق لمؤمن وبصوت مرهق:حبيبي يابني 

طب طب انا ايه جابني هنا ..و ..”لفت انتباهه ابراهيم بصت عليه وبصب استغراب رجعت وجهت نظرها لمؤمن وكإنها بتسالوا مين ده!..مؤمن فهم نظراتها.

_احب اعرفك ياتيتا ده راجل مجدعه شالك معايا وجابك لحد هنا معانا ومرضيش يمشي غير لما يطمن عليكي 

_ابراهيم ب ابتسامه وخجل :حمدلله علي سلامتك الحمدلله اننا إطمنا عليكي.

= إبتسمت وهي تبتلع ريقها:الله يسلمك يابني كتر خيرك ،ربنا يباركلك يابني فِ حياتك 

_يارب ياجدتي،وجهه كلامه لمؤمن   ..ده رقمي الشخصي إحتاجتني ف أي وقت كلمني انا مش طول الوقت شغال علي اوبر ف الرقم اللي كلمتني عليه ممكن يكون مع اي حد من زمايلي ..ف ده رقمي ف اي وقت رن عليا وانا هستأذنكم .

_حبيبي ياإبراهيم ..طب ياليل هوصل الراجل لحد برا وهاجي.

_ماشي ياحبيبي .

“بيخرجوا برا “.

=مش عارف اشكرك ازاي حقيقي والله.

_ متشكرنيش لإن ده خير عملتوا لوجهه الله وده اللي المفروض اي حد يعملوا..ايه ده انت بتعمل ايه !

=خلي الفلوس دي معاك .

_بقشيش يعني! انت ليه مصمم تزعلني عيب كده علي فكره..انت بتديني مقابل ياجدع بقولك ده خير ف ايه مستخسر فيا الحسنات 

=والله مقصدش حاجه.

“بيقاطعه”..

_مستوره الحمدلله ،بكررهالك تاني أي وقت تحتاجني كلمني .

=كتر خيرك ياإبراهيم “بيرن عليه”ده رقمي سجلني .

_ ألا صحيح إسمك إيه!

=مؤمن ب إبتسامه:شوفت نسيت حتي أقولك إسمي ،إسمي مؤمن محمد 

_تشرفنا يامؤمن،يلا خليك مع الجماعه وهطمن عليها منك بليل.

_ماشي ياباشا ف رعايه الله ..”بيسلم عليه وبيبوسهُ”

“بيمشي وبيدخل الاوضه علي صوت ليل وهي بتنكش تيتا فاطمه”

_”بتضيق عينيها “ها قوليلي ياست إنتي كلتي إيه مسكر؟مش كفايه إنتي مسكره أصلًا

_”بتضحك” وإنتي عرفتي إزاي إني كلت حاجه مسكره.

=مؤمن قال بمشاكسه: لاقيناكي مدلوقه علي الارض .

_ بتتريق عليا ياجزمه قوموني طيب ياولاد.

“بيسندوها وليل بتظبطلها المخده ورا ضهرها”..ايه ده مين السكر دي! .

_انا عائشه ياتيتا .

=ماانا عارفه ياقلب تيتا بس بهزر معاكي فين حضن تيتا.

_ماانا خايفه 

=ليه خايفه .

_عشان السلك اللي ف ايدك ده ممكن يتقطع

“بيضحكوا”.

_ياحبيبتي طظ ف السلك ،يلا هاتي حضن..

“بتطلع علي السرير ب هدوء وتنيمها علي كتفها”..وحشتوني والله ياولاد كده متسالوش عني كل ده!

_  ليل:انا عارفه اني مقصره معاكي ياتيتا والله حقك عليا مش هسيبك تاني..المهم كلتي ايه يضُرك كده

_والله عملت كنافه نفسي راحتلها كلت حته بس الشربات كان مسكر شويه واتوضيت وصليت القيام ومسكت المصحف قرأت فيه مش عارفه بقي ايه اللي حصل بعدها.

_يعني انتي تعبانه من امبارح ياتيتا صح!

= انا كلتها امبارح ،وبعدين وانا بقرأ حسيت بزغلله كده.

“ليل بصت لمؤمن بمعني انها لما حست بقبضه قلبها بليل ف فعلا ف الوقت ده تيتا كانت تعبانه  ..قاطع شرودها .

_انتو جيتو صدفه ياولاد !

=مؤمن :اه جينا صدفه ليل قالتلي تيتا وحشتني وعاوزه اشوفها.

=”بتضربهُ علي كتفه ضربه خفيفه”..وانا موحشتكش ياجزمه!

_طب احترميني طيب قدام بنتي ..والله ماحد وحشني قدك يابطه ياقمر .

=مباخدش منك غير الكلام يابكاش ..والله حسيت اني احسن اول ماشوفتكم ..بس انا هشيل امتي السلك ده علي رأي عائشه.

_ليل :بصي هو المفروض نخرج بسرعه قبل م الدكتور يجي ينفُخنا وهو قال نطمن عليكي ونخرج لحد ماالمحلول كله يخلص وهنروح بيكي .

_هتروحوا بيا فين.!

“ليل ومؤمن ف نفس واحد”علي بيتنا.

= بيت مين عاوزين اسيب بيتي بعد العمر ده كله عشان تعبت شويه لا انا لسه حديد .

_ليل ب إصرار:بقولك إيه يابطوط حديد بقي نحاس انا مش هسيبك تاني لوحدك وهتعيشي معانا ف البيت واوضه عائشه ليكي لوحدك وهخلي مؤمن يجيبلك كل هدومك وكتبك وكل حاجه 

_لا طبعا يابنتي مينفعش ده البيت ده فيه كل الذكريات مقدرش لا .

=لا هتقدري ،يعني انتي مش عايزه تقعدي مع بنتك حبيبتك وتساعديها ف شغل البيت عشان النونو اللي جاي ف السكه.

_والله مش هقدر.. “استوعبت الكلام وبصت بضحكه وفرحه شديده” ايه بتقولي إيه إنتي حامل.

_أه حامل،يرضيكي تسيبيني!

=انزلي كده ياعائشه روحي عند بابا معلش ..

“عائشه بتسمع الكلام وبتقف جمب مؤمن “.

“بتقول ل ليل:هاتي حضن كبير بقي ،مش قادره اقولك الفرحه مش سيعاني إزاي بجد “.

_”ليل بتتكلم وهي ف حضنها” افهم من كده هتعيشي معانا صح!

_بتمسكيني من إيدي اللي بتوجعني ها..بس والله انتي عارفه صعب امشي من البيت انتي عارفه

=والله البيت هيفضل زي ماهو وكل شويه هنوديكي نقعد شويه هناك وترجعي تاني ،بس ياتيتا مينفعش ابدا نسيبك لوحدك تاني ،وصورك انتي وجدو الله يرحمه وكتبك وكل مستلزماتك هنجيبهالك وافقي بالله.

“سكتت.”

“ليل غمزت ل عائشه “.

_تيتا لو انا قولتلك تيجي تعيشي معانا هتيجي صح !

=قالت ب استسلام: ياروح قلب تيتا ..”اتنهدت وقالت” حاضر هاجي .

“ليل وعائشه ف نفس واحد” هييييه ..كفك ياعائشه برافو عليكي .

_كفك يامامي ..بس متنسيش تجيبي البسبوسه اللي سيبناها في بيت تيتا

_ ايه ده جبتولي بسبوسه.!

_اه ياتيتا جابولك ومامي سابتها ف التلاجه .

= هتأكليني معاكي ياعائشه!

_ اه طبعا ياتيتا ،وهنام جمبك وبابي ومامي ورحيم يناموا سوا.

_انا موافقه جدا ،بس مين رحيم!

=اللي ف بطن مامي .

“ابتسمت” ان شاء الله ياحبيبتي .

_مؤمن: يلا هنسيبك لحد ماالمحلول يخلص وهنستناكي برا.

= ماشي ياحبايبي.

“بيخرجوا ” ..

تيتا فاطمه كانت مبسوطه انها حست ب ان حواليها عزوه وانهم ولادها فعلا رغم انهم مش من لحمها ودمها ..اتنهدت وقالت:طول عمري كنت بتمني يكون عندي اولاد واحفاد وربنا كريم عوضني بيهم وجُم أنقذوا حياتي وهيخلوني ف وسطهم رغم ان هيكون صعب عليا اسيب بيتي إلا إن الحاجه إللي طول عمري بتمناها إتحققت ربنا مسبب الأسباب والصُدف أخيرا هحس بالونس ربنا كريم .

سندت راسها علي المخده ..فضلت تردد :اللهم صل وسلم وبارك علي سيدنا محمد .

___________

ف الخلفيه 

____________

_ليل بما إن لسه حوالي ساعه او ساعه ونص علي المحلول لما يخلص ف انا هستغل الوقت وهروح اجهزلها الكتب وحاجتها كلها ف أوضه عائشه عشان بردو متحسش بفرق وعاوزين دايما نكون جمبها ومنحسسهاش انها غريبه.

_هي فعلا مش غريبه،عمري ماحسيت انها مجرد ست ساعدتنا بحس فعلا انها مننا ،طيب مين هيساعدك!

=هتصل ب معتز او يوسف يجوا معايا .

_طيب العيله مش هيقلقوا من وجود تيتا فاطمه صح!

=لأ طبعا ،كلهم حبوها من كلامنا عليها طول الوقت ،ده غير ان عما عارفين انها ساعدتنا كتير ،النهارده يعتبر يوم حلو جدا جدا ..لان عيلتي وعيلتك هيتجمعوا واحنا هنقعدها ف وسطنا هنخليها تحس بالونس وجو لمه العيله نفسيتها هتتحسن ،احنا من البدايه كنا مفروض نسيطر عليها ونخليها تعيش معانا.

_عندك حق فعلا،خلاص يابابا إنت روح وانا هستناها هنا ولو ف اي جديد أنا هتصل عليك.

_ماشي ياحبيبتي ولو حبوا يطلعوها قبل مااجي خليهم يستنوا وانا مش هتأخر عليكي وخلي ال ٥٠٠جنيه دي معاكي لو احتاجت دوا ولا حاجه ومتتحركيش من هنا ومتعمليش مجهود فاهمه.

_حاضر.

=عائشه خلي بالك من مامي

_حاضر يابابي .

“بيبوس راس ليل وإيد عائشه ،انا همشي “.

_ماشي ياحبيبي خلي بالك من نفسك.

_حاضر..

____________

“بيقعدوا ليل بتفتح أبلكيشن أذكاري ..هتبدأ تقرأ الأذكار.

جيه قصادها نتوفكيشن ب دعاء ..كان بيقول.

يا رَبْ إذا أعطيتني مَالاً فلا تأخذ سَعادتي، وإذا أعَطيتني قوّة فلا تأخذ عقليْ، وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي، يا رَبْ عَلمّنْي أنْ أحبّ النَاسْ كَما أحبّ نَفسْي، وَعَلّمني أنْ أحَاسِبْ نَفسْي كَما أحَاسِبْ النَاسْ، وَعَلّمنْي أنْ التسَامح هَو أكْبَر مَراتب القوّة وَأنّ حبّ الانتقام هَو أولْ مَظاهِر الضعْفَ.

..

فضلت تقرأ ف الأذكار..

____________

بعد مرور ١٠ دقايق

________________

ليل كانت مركزه ف قراءه الأذكار..

عائشه بفرحه:مامي بابي جيه.

_ليل ب استغراب :إيه ده جيت ليه ياحبيبي.

=جيبتلكم ساندوتشات كلوها لحد مانروح.

_تعبت نفسك ليه طيب ياحبيبي!

=ولا تعب ولا اي حاجه ،كلي ياعائشه ولو مامي مكلتش قوليلي.

_حاضر يابابي ،يلا ناكل يامامي ريحه الكفته حلوه.

“مؤمن جاي يمشي ،ليل مسكت ايدو وطلعت ساندوتش من الشنطه “ممكن تاكل ده عشان خاطري إنت جايب كتير.

_والله شربت العصير ومش قادر.

=عشان خاطري.

_حاضر “بيبوس كَف إيديها”.

=كلمت يوسف!

_اه وبعتله اللوكيشن وكان مع معتز علي القهوه ف زمانهم هما الاتنين ف الطريق متقلقيش..همشي ها.

_ماشي ياحبيبي علي مهلك..وصح خد المفتاح كنت هنسي اديهولك كويس انك رجعت

=حاضر..اه والله وانا كنت ناسي بردو ..يلا باي..

“ليل فضلت باصه عليه لحد مااختفي من الطُرقه إبتسمت وفرحت من جواها بموقفهُ انه مش ناسيها رغم إستعجاله و رغم انها مكنتش جعانه بس إهتم بيها وانه دايما فاكرها وقت انشغاله ومر علي جوازهم 15 سنه ولسه زي ماهو إهتمامه مقلش بيها سواء قبل ماتخلف عائشه او بعدها ..رغم غلاوه عائشه ف قلب مؤمن إلا عُمر ده ماقصر علي علاقته ب ليل ،قاطع شرودها عائشه وهي بتقول:يلا يامامي طلعيلي ساندوتش جعانه .

_حاضر ياحبيبتي ،ابتدت تاكل هي وعائشه “. 

______________

علي الجانب الأخر

مؤمن بيوقف تاكسي وبيكلم يوسف

____________

_ها يايوسف بقيت فين!.

=لسه ياعم الطريق زحمه.

_زحمه ولا لسه متحركتوش !

=لا والله عيب عليك.

_يوسف!!

=بصراحه لسه متحركين من علي القهوه بس الطريق قريب مش بعيد،هركب عربيتي وهنيجي علي طول متقلقش 

_ياض هتفضل عديم المسؤليه كده مش قولتلك عاوزك بسرعه.

=خلاص ياباشا جايلك والله،ده معتز هو اللي أخرني اصلا .

_معتز:كل حاجه تلبسوها لمعتز ،زهقت منكو عيله اعوذ بالله

=قول لمعتز مؤمن لما يشوفك بس ومتزعلش من اللي هيحصلك

_هتتنفخ من مؤمن يامعتز.

“بيفتح الإسبيكر”

=ياعم مؤمن مش كفايه اختك واللي عاملاه فيا.

_أُختي تعمل اللي يعجبها ان كان عاجبك.

=كل حاجه عندكم عافيه ايه ياربي اللي دخلني العيله دي!

_مؤمن بمشاكسه:خد بالك انا مسجل المكالمه وهسمعها لِ لميس ها!

=دي لميس دي اجمل واحده ف عيلتكم كلها وف كل العائلات..انت عاوز توقع بيني وبين مراتي عارفكم انتو ياخرابين البيوت 

_ايوه ايوه جيب ورا ف ثواني كانت هتنيمك علي السلم.

_حتي السلم مكنتش هتنيمني عليه .

_”مؤمن بيضحك” أحسن لازم تعمل فيك كده عشان متلعبش بديلك تاني.

=والله حَرمت.

=يوسف:ألا صحيح يامؤمن المصاريف كده هتزيد عليك دي ست كبيره وهتحتاج علاج كتير وانت متجوز وفاتح بيت وعندك بنت والتاني ف الطريق..يعني مفكرتش شويه ف المسؤليه دي!

_إيه المشكله!يابني دي بركه كده والله، دي جمايلها مغرقاني  ووقفت جمبي انا وليل م انا حكيتلكُم 

= ياعم فاهم والله بس اقصد مسؤليه بس

_ وايه يعني اخوك قدها.

=قدها يااخويا ربنا يكرمك يارب 

_يارب،يلا تعالوا بسرعه.

=ماشي علي طول أهو .

__________________

بعد مرور نص ساعه 

______________

“مؤمن بيوصل المكان ..بيحاسب التاكسي ،بيدور بعينه علي عربيه يوسف ملقهوش جيه ..قرر انه يدخل البيت ويحاول يلم أي كتب لحد ماهما يجوا فتح الباب تليفونه رن.

_إيه يايوسف انت فين.

=انا وصلت المكان.

_خلاص طالعلك أهو ،خليك واقف مكانك ..بس واقف عند البيت اللي قولتلك عليه !

_ايوه هو البيت الوحيد من وسط فيلل كتير.

=طب ثواني خليك معايا..

“طلع ولاقهم يوسف رَكن العربيه ،وابتدوا يدخلوا الشقه “.

_ معتز بيوجهه كلامه لمؤمن:إيه يابني الكُتب دي كلها دي عايزالها عربيه اللي هي التريله عشان تقضيها .

_يابني مش هناخد كل دول بس بردو ناخد عدد حلو عشان نملى بيه الاوضه عشان متحسش بفرق فاهم.

_يوسف:طب بصوا ياجماعه مؤمن انت اكيد عارف ايه اكتر كتب بتحبها انت خلس معتز يلم معاك وانا عشان اكسب وقت هدخل ألم هدومها .

=طب خلاص ماشي

“يوسف بيدخل الاوضه وبيلاقي شنطه سفر كبيره جمب الدولاب وبيحاول يلم هدومها ويطبقها ويرُصها بطريقه حلوه عشان الشنطه تقضي ..مؤمن ومعتز ويوسف خلصوا ف وقت واحد.

_ها خلصت يايوسف كده كله تمام.

=اه كله تمام وحطيتلها صورها كلها اللي كانت علي التسريحه ف الشنطه من علي الوش عشان تخلي بالكم ماشي.

_ماانت ذكي اهو يايوسف والله كنت فاكرك غبي ومش هتعرف تساعدني.

_يُوضع سِروا ف أضعف خلقهُ،ياسطى أنا تافهه أه لكن ف الشده هتلاقيني جدع .

_عارف والله.

=معتز:طب مفيش كلمه للي واقف ف النص بينكم ده.

_مؤمن بمشاكسه:لا انت مش عاوز كلام انت عاوز اكل اكيد.

=اه والله عندك حق.

_طب ف كبابجي قدام ..هجيبلك وجبه تاكلها وتنقطنا بسكاتك ويلا عشان سايب ليل لوحدها ف المستشفي.

_لا ياعم انا حماتي عزماني ،وبعدين ميرضنيش تسيب مراتك بردو.

=أصيل ياابو رحاب.

_يوسف بيوجهه كلامه لمؤمن:هو انت رايح فين!

=رايح معاكم عشان أرُص أي حاجه عشان تيتا فاطمه اما تيجي تلاقي الحاجه محطوطه مكانها ومتحسش بفرق فاهم.

_طب ياعم سهله ده الجماعه كلهم هناك النهارده انت روح ل ليل وساره وحور ولميس وليلي هيخلصوا الليله دي كلها.

_طب حلو اوي والله كنت شايل الهم ومفكرتش ف كده خالص ..خلاص خد اهي مفاتيح البيت ورصوا الحاجه دي ف اوضه عائشه .

_خلاص ماشي متشيلش هم روح لمراتك وتعالوا عند ابويا متطلعوش شقتكم غير علي النوم عشان يكونوا الجماعه خلصوا كمان .

_خلاص ماشي ،والمكتبه بتاعه عائشه هي حاطه فيها كام كشكول خليهم يشولوا الكتب ويحطوها ف الدرج ويرصوا الكتب ف المكتبه.

_خلاص ماشي سهله ياعم لو كلهم ساعدوا بعض مش هيكملوا نص ساعه يعني.

=خلاص _ماشي ،هكلم ليل اطمنها اني جاي.

_ ماشي بس اركب برضو اطلعك علي الطريق عشان تلاقي تاكسي ..

=خلاص ماشي..

“بيركبوا سوا وبينزل عشان ياخد تاكسي ..ويوسف ومعتز مشيوا ..

تليفون مؤمن بيرن وهو ف انتظار تاكسي.

_____________

_ألو ..”بيكرر الكلمه” ألو..مين طيب !

=…..

_ألو !

= ألو .

_أيوه مين!

=أنا ماجد.

_ إذيك ياماجد عامل إيه!.

=كويس

_إيه يابني مال صوتك بتتكلم تحت تهديد السلاح ولا إيه!

_لأ .

=طب إيه أخبار الدنيا عندكو 

_عايزك تجيلي بكره.

=أجي فين!

_عندنا ف البلد .

=ليه،فيكو حاجه!

_لأ بس عشان نكمل بس باقي خطتنا 

=انتو وصلتوا لحد فين ف الخطه اعترف علي نفسه ولا ايه!.

_اه 

=طب خلاص _مستني إيه إرجعوا .

=لا مش هينفع لما تيجي هفهمك

_طب خلاص ماشي مع إن مرات…”بيقاطع كلامه” 

=وكويس ان مراتك مسافره عشان متفضلش تسالك وبتاع ،لازم تيجي بكره ضروري.

مؤمن وهو مش فاهم حاجه لكن حاسس بحاجه غريبه وان دي مش طريقه ماجد وليه بيقول ان مراتي مسافره وليه حاسس ان حد مهددوا انه يتكلم !..

“لَمح تاكسي ركب وقفوا وقاله علي عنوان المستشفي “..

ركب التاكسي وكان طول الطريق بيفكر ..معقول ممدوح كشفوا!!..معقول هو اللي يكون طلب منهُ اني أجي ..قاطع حيرته وحديثهُ مع نفسهُ إلهام جاله إنه يشوف المسدجات ..

_طب صح هشوف المسدجات أنا انشغلت عنهم ومكنتش متابع اخبارهم يمكن بعتوا مسدج افهم بيها كل حاجه ..

“بيفتح المسدجات ولقى مسدجات كتير من رقم غريب….

_بَص بحمس علي الطريق تمام..توكلنا علي الله.

______________

بعد مرور نص ساعه بيوصل مؤمن للمستشفي ..وبيطلع عند ليل ..فضل يدور عليها بعيونه ف المكان ملقهاش رن عليها وكان التوتر مالِك قلبهُ: ردي بقي “بتأفف” ..جرس ومبتردش ليييه

“بيحاول يرن تاني”..

ردت: الو ياحبيبي.

_بقلق انتي فين!!

=ليه ف حاجه!

_انا جيت وملقتكيش انتي فين!!.

=خضتني يامؤمن بجسب تيتا فاطمه حصلها حاجه متقلقش انا ف الحمام مع عائشه.

“اتنهد وحَس انه ارتاح” .

_طب تيتا طلعت ولا ايه.

=انا جيت لاقيت نفسي جسمي سايب اول ماملقتكيش قعدت ادور عليكي الاول 

_لا متخافش انا جايه اهو روح بس اطمن عليها.

=حاضر..

“مؤمن بيروح الغرفه اللي فيها تيتا فاطمه بيخبط ،صوت الدكتور بيقول اتفضل ،مؤمن بيدخل وبيبص علي المحلول بيلاقيه خلص بص علي تيتا فاطمه لقاها بتبتسم “..

_ايه ياست الكل خلصتي!

=اه اهو الحمدلله.

_هي بقت احسن يادكتور !

=اه الحمدلله كويسه اهي تقدروا تاخدوها بس انا كتبتلها روشته لازم الادويه دي تمشي عليها بنظام.

_ حاضر يادكتور..

“ليل بتفتح باب الاوضه “..

_ها خلصتي ياتيتا !

=اه ياحبيبتي ،يلا نمشي زهقت .

_ يلا ياحبيبتي “بتحاول تظبطلها هدومها وبتسندها 

_هنستناك ف الاستراحه عقبال ماتجيب الدوا ولا هنجيبوا من عندنا!

=لا هنجيبوا من هناك عشان تيتا متنتظرش اكتر من كده 

_طب خلاص ياحبيبي يلا ..

“مؤمن بيشكر الدكتور وبيركبوا الاسانسير عائشه ماسكه ف ليل وخايفه..

_مؤمن:والله بتفكرني بيكي ياليل كنتي بتخافي وإنتي راكبه الأسانسير بتقولي بحس ان روحي بتتسحب كده وتمسكي ف هدوم خالتي..متخافيش ياعائشه خلاص ياحبيبتي قربنا ننزل ..اعتبريها مرجيحه .

_بس انا بخاف اركب مُرجيحه يابابي .

=لا ياروح بابي متخافيش.

_حاضر.

“باب الاسانسير بيتفتح ..”..

بيخرجوا علي باب المستشفي ..

“بيلاقوا ابراهيم بيقابلهم بعربيه اوبر ب ابتسامه ..”

_مؤمن بذهول:ايه ده يابني جيت هنا تاني ليه!.

= انا اتصلت بيك ورديت قولت يايوسف انا طالع عند ليل اهو عشان نروح تيتا فاطمه هكلمك اما اخلص وقفلت.

_ايه ده هو كنت انت ،انا والله مركزتش ف الاسم فعلا.

= انا كنت بتصل عشان اطمن عليها وكنت قريب هنا من المستشفي لما عرفت انكو لسه مروحتوش جيت عشان اروحكم.

=تيتا فاطمه:كتر خيرك يابني ربنا يباركلك.

_يارب ،تعالوا اتفضلوا.

“بيركبوا نفس العربيه ..بس سبحان ماغير الاحوال كانت الصبح رايحه مش حاسه ب أي شئ ودلوقتي هي بخير ومبتسمه وبتبص علي الطريق وهي فرحانه”..

“ابراهيم بيشغل سوره يس”..

_______________

علي الجانب الآخر..

يوسف دخل بيت العيله وهو بينهج هو معتز ..

_ يوسف:ساره معلش انتي وحور عايزكم ف حاجه.

_هما الاتنين بقلق:ايه خير مالك انت ومعتز بتنهج ليه وايه الحاجه دي .

= مفيش بننهج من السلم ..اتحرك يالؤي وانزل هات باقي الحاجه تحت من العربيه.

_طب ماتفهمنا يابني عزال مين ده.

=لميس بتضيق عينيها:اتجوزت عليا يامعتز وده عزالها صح.

_ياريت

=ايه!

_ياستي والله ابدا دي الست الكبيره اللي اسمها فاطمه ليل ومؤمن راحوا يزوروها لاقوها ف غيبوبه ودوها مستشفي وهيخلوها تعيش معاهم.

_أبو مؤمن : طب يابني مش كانوا ياخدوا رأينا الاول.

=يابابا ياخدوا رأيك ف ايه ده عمل خيري والست وقفت معاهم كتير مفهاش حاجه 

=ام مؤمن:بس ده يابني مسؤليه افرض تعبت ولا بعد الشر جرالها حاجه.

_يبقي قضاء وقدر ونصيب بس يعملوا اللي عليهم مكنوش هيعرفوا يعيشوا وبالهم مشغول عليها كانوا مش هيبقوا مرتاحين طول م عارفين ان ممكن ف اي وقت تتعب ولو كانت ماتت كانوا هيحسوا بالذنب طول عمرهم..هما جايين ف الطريق قابلوا الست كويس وكإنها مننا عشان حتي خاطر ليل ومؤمن.

_ابو مؤمن:واحنا من امتي مش بنستقبل حد كويس يلا .

= لا يابركه مقصدش،يعني اقصد متبينوش زعلكم من ليل ومؤمن هما مكنوش عاملين حساب حاجه هما راحوا صدفه .

_ماشي يابني .

_يوسف بيوجهه كلامه لِ ساره وحور وليلي ولميس ..هترصوا الحاجه دي ف اوضه عائشه كل واحد لو مسك حاجه هيخلص الدنيا دي كلها ف عشر دقايق.

_لميس:عشر دقايق ايه يابني دي عايزالها ١٠ قرون هي ايه الكتب دي كلها هي مربيه اجيال!

_يابت لمي لسانك واسمعي الكلام .

= ياعم حاضر.

“لميس كإنها القائد بتاعهم :ورايا يابنات.

معتز:طب مش هتشيلوا حاجه وانتو طالعين !

_لميس بصت ب استحقار:اخييه علي الرجاله احنا علينا نظبط الحاجه وانتو عليكم تطلعولنا لحاجه لحد عندنا.

=يوسف:ايه يابت التناكه اللي انتي فيها دي ماتفوقي ياماال

_معتز:والله يابني قولت الكلام اللي محشور ف زوري

=خلصت ياروش انت وهو !خلصت ياتامر جيلك !!..ورايا يابنات قولتلكم ..

“تجاهلوا كلام يوسف ومعتز وطلعوا فوق مُنتظرينهم”

طَلعوا هما التلاته الحاجه ف شقه ليل ،ابتدت حور وليلي يرصوا الهدوم ف الدولاب ولميس وساره يرصوا الكتب ف المكتبه ..

_لميس:تيتا دي والله جايبه كتب اكتر من اللي كنت جايباها ف الثانويه العامه هي قرأت كل ده ولسه فيها طاقه ..ده انا محمد وعيل واحد خلقي بيضيق لما بسمعلهُ النشيد 

_ساره:يابت قولي الله اكبر الثقافه ملهاش دعوه بالسن،هي هوايتها القرآه وبتستكشف دينها اكتر وده الصح اللي كلنا مفروض نعملهٌ

_والله عندك حق،بس معتز ومحمد خلصوا طاقتي كلها والله 

=  معلش ربنا يخليهوملك .

_يارب ..

=حور بتوجهه كلامها ل لميس:بصي لاقينا صور نحطها فين .

_ هاتيها حطيها علي التسريحه ..بس وريني كده صورتها ..والله كانت قمر وهي شباب .

_ليلي:هي ملامحها حلوه زي ماهي بس هي التجاعيد بس بحكم السن.

=ساره:شوفتيها فين! 

_كنا مره بنتكلم واحنا عند ماما وجت سيريتها صدفه ..وليل ومؤمن كانوا متصورين معاها وهي حضناهم .

_لميس:طب خلصي يارغايه احنا خلاص قربنا نخلص رَص الكُتب 

=واحنا خلاص هانت اهو .

_______________

بعد مرور 10 دقايق 

______________.

بيخلصوا الاوضه وكل حاجه بيرصوها بينزلوا ف الوقت اللي تيتا فاطمه جت فيه وليل ومؤمن ..

“لميس بتشاور لمؤمن بمعني ان كله تمام “..بيبصلها وبيبتسم .

______________

“بيدخلوا وبيرحبوا بيها ..وحسسوها انها منهم..ضحكه تيتا فاطمه مفارقتش ملامحها وكانت بتتكلم بتلقائيه وشها كان بيحمر من كتر ضحكها قَفله عيونها وهي بتضحك ..احساس فرحتها بجو اللمه معرفتش تداريه..بيقعدوا ياكلوا سوا..

_ام مؤمن بحب بتوجهه كلامها ل تيتا فاطمه:كلي ياحبيبتي انتي مكسوفه!

_لا والله بعد كل ده ومكسوفه ،بس قعدتي معاكم شبعتني والله ربنا يديم الود والمحبه 

=امين يارب..

_انس:كلي ياتيتا ولا عائشه خلصت أكلك .

_عائشه بغضب :وانت مالك انت.

=يوسف بنظرات تهديد ل أنس:هتكست ومتزعلش البت ولا هااا السلاح انت عارفوا.

=خلاص خلاص.

_تيتا فاطمه: شكلك بتحب تنكشها صح.

= لا هي رخمه فعلا يعني مش بنكشها ولا حاجه.

_ عائشه:وانت كمان رخم علي فكره.

=تيتا فاطمه:خلاص خلاص ..حرام نتكلم علي الاكل ناكل واحنا ساكتين الادب ليه إحترامه .

_”ف نفس واحد”حاضر ياتيتا

_______________

“بعد مرور 3 ساعات “.

ليل وقفت ف النص.

_ تس تس المايك معايا ..هدوء لو سمحتم .

“الكل انتبه ليها”..

_ جماعه مش عارفه اجيبهالكم ازاي.

= امها بخوف:ف ايه يابنتي قلقتيني..الكل بانت علي ملامحه الخوف م عدا مؤمن عشان عارف هي هتقول ايه.

_جماعه انا..

=ساره بعصبيه:انتي ايه انجزي قلقتيني.

_لميس:ماتخلصي ياختي وجعتي بطننا.

=انا حامل ياجماعه ف اول شهر .

“الكل بفرحه بيتلم حواليها وبيحضنوها..الزغاريط بتعُم البيت والمكان”.

“مؤمن كان باصصلها ب انتصار وفرحه علي فرحتها شرد ف ضحتكتها والكل فرحان بيها،عيونهم اتلاقت رغم تزاحم اهلهم حواليها  ..”سرحوا ف عيون بعض وإبتسموا “

بعد مرور نص ساعه من الاحتفالات ..

_____________

_ها ياتيتا تحبي نطلع عشان تنامي!

= اه يلا يابني .

_ خلاص ياجماعه هنطلع احنا بقي عشان تيتا ترتاح..تصبحوا علي خير.

_ وانتو من اهله ..

ليل بتبوس مامتها وباباها وليلي ..ابقو تعالوا بقي متغيبوش كده عشان انا مش هقدر انزل كتير ماشي؟

=والدتها: ماشي انا هجيلك متقلقيش ،يلا اطلعي مع جوزك ومتعمليش مجهود.

_ حاضر ياماما تصبحوا علي خير ياجماعه.

= وانتي من اهل الخير.

______________

“بيطلعوا شقتهم “..

_ ليل:تيتا تحبي اوريكي اوضتك ولا هتقعدي شويه .

= لا احنا هنتوضى ونصلي قيام الليل وبعد كده ننام اتفقنا .

_ اتفقنا 

“بيدخلوا يتوضوا ويصلوا ..عائشه بتنام مؤمن بيدخلها علي السرير..”.

مؤمن كان الإمام بيهم ..

خلصوا صلاه ..

ومؤمن جاي يقوم ..

“تيتا بتحذير” اقعد مكانك.

_ مؤمن بتوتر: ليه عملت ايه !

= هي الصلاه دي تقضيه واجب وخلاص انا عملت اللي عليا !

_ لا ياتيتا بس ليه!

= لما بتروح تشتري حاجه من السوبر ماركت ومعاك 100 جنيه والحاجه ب 50 جنيه اللي اشتريتها هتقف تستني تاخد الباقي ولا هتمشي!

= لا هقف استني اخد الباقي .

_ بالظبط كده ..بعد الصلاه لازم تقول اذكار الصلاه وهي سهله وبسيطه خالص ..

_________

بعد اذان الفجر والمغرب هتقول اللهم اجرني من النار 7 مرات ..

وقراءه سوره الاخلاص،والفلق،والناس 3 مرات ..ف الفجر والمغرب و باقي الفروض مره

وسوره الكرسي مره بعد كل صلاه.

بعد صلاه الغجر هتقول:اللهم اني اسالك علما نافعا ورزقا طيبا وعملا متقبلا

وتسبح علي ايدك

الله اكبر 33 مره

الحمدلله 33 مره

سبحان الله 33 مره

اللهم انت السلام ومنك السلام تباركت ياذا الجلال والإكرام “مره”

لا إله إلا الله وحده لا شريك له ،له الملك وله الحمد وهو علي كل شئ قدير،اللهم لا مانع لما اعطيت ولا معطي لما منعت ولا ينفع ذا الجَد مِنكَ الجَد

لا اله الا الله وحده لا شريك له،له الملك وله الحمد وهو علي كل شئ قدير،لا حول ولا قوه الا بالله،لا اله الا الله،ولا نعبد إلا إياه،له النعمه وله الفضل وله الثناء الحسن،لا اله الا الله مخلصين له الدين ولو كرِهَ الكافرون

اللهم أعني علي ذكرك وشكرك وحسن عبادتك

أستغفر الله ،أستغفر الله،أستغفر الله.

كده انت بقي خدت باقي حسناتك فهمت يامؤمن.!

= فهمت ياتيتا ..

“بيقول الأذكار وبيقوموا “.

“بيدخلوها اوضه عائشه “

_ الله ياولاد بجد جميله أوي .

= ليل:حبيبتي ياتيتا انتي اللي جميله.

_ طب فين عائشه!

= خلاص مؤمن خلاها تنام جوا استريحي انتي النهارده ومن بكره تنام جمبك  

_ ماشي ياحبيبتي ،تصبحي علي خير.

= وانتي من اهل الخير يارب.

“بتشغلها التلفزيون اللي ف الاوضه علي القران وبتقفل الاوضه وبتخرج”.

تيتا فاطمه بتقرأ قران وبتستغفر ربنا لحد ماراحت ف النوم.

_____________

علي الجانب الأخر ف غرفه ليل ومؤمن

____________

“ليل كانت نايمه ف حضن مؤمن” ..

_شوفتهم كانوا فرحانين إزاي!

= أه ..كان يوم حلو اوي بجد ،رغم خضتنا علي تيتا الصبح إلا إنه ف الأخر مَر بخير وسلام.

_ اه الحمدلله ..مَشي إيدك علي شعري عشان انام.

= حاضر ،ليل.

_نعم ياحبيبي !

=بحبك ..

“ضربات قلبها بتزيد ..لسه قلبها بيدق زي أول مره قالهالها فيها “ردت بخجل :وانا كمان.

= وانتي كمان ايه!

_خلاص بقي .

= بعد 15 سنه جواز ولسه بتتكسفي اما بقولهالك.

_لا مش مكسوفه بس قولتها علي غفله يعني وانا اتفاجأت .

= ياسلام،برضو متوهيش وإنتي كمان إيه!

_ وانا كمان بحبك

_طب انا هسافر بكره .

=ليه!

_ هفهمك.

……..

=لا يامؤمن بلاش .

_ ليه ياحبيبتي!

= لا قلقانه بردو

_ مش إنتي بتثقي فيا!

= اه يامؤمن.

_ طب مقموصه ليه!

= خايفه عليك مش مقموصه ..

_ متخافيش والله،عيب عليكي خلي عندك ثقه فيا.

_ الخوف ف كده..ف الثقه 

=بقي كده والله لنفخك

_ يامؤمن بلاش.

= يابت متخافيش بقي الله.

_ طب هطمني عليك طول الوقت!

=  اه والله.

_ هتشتري الحاجه دي إمتي!

_ الصبح وبعدها هسافر.

= اوعدني تخلي بالك من نفسك.

_ وعد ياحبيبتي،يلا اقرأي قران ونامي.

= حاضر.

______________

تاني يوم مؤمن

___________

 بيصحي بدري بينزل يجيب الحاجه ..بيرجع البيت بيتسحب عشان ليل متصحاش بيبوس راسها  ..

وبينزل عشان يسافر..

“بعد مرور ٤ ساعات “.

مؤمن بينزل القريه ..وبيروح البيت علي اللوكيشن اللي إتبعتله..

بيدخل البيت وبيقابل ممدوح وبيبصوا لبعض نظرات تحدي .

____________

علي الجانب الاخر .. ليل بتصحي من نومها بتحاول تفوق ،بتدور علي مؤمن مش بتلاقيه بتعرف انه مشي ..

بتقوم بتبص علي الكوميدينو بتلاقي ..ليل بذهول ..هاااا.