Uncategorized

رواية ليل الفصل الرابع عشر 14 بقلم ياسمين خالد

 رواية ليل الفصل الرابع عشر 14 بقلم ياسمين خالد

رواية ليل الفصل الرابع عشر 14 بقلم ياسمين خالد

رواية ليل الفصل الرابع عشر 14 بقلم ياسمين خالد

فـ بيت سهيله 
الحديث إللي دار مابين سهيله وحسام أخوها..
_ماشي المهم مالك متغير ليه!
=مش عارف،من ساعه ماخفيت وأنا مش عايز اعمل حاجه تغضب ربنا تاني
سهيله ب صدمه:رجعت تشرب تاني ياحسام!!!!
-لا لا والله،بس عملت حاجه تانيه..
= عملت ايه قلقتني
-فاكره ندي صاحبه ساره
_ اه مالها!
=فاكره لما قولتلك فـ دكتوره نَفسيه بتيجي المصحه عشان تعالج المرضىٰ
_ ايوه
= هي طلعت ندى صاحبه ساره
_ طب ايه المشكله
= المشكله إن فـ يوم..
_________________
فلاش باك.
______________
“بتخبط علي الأوضه”
_ صبـاح الخير يابَطل.
= “رد بكُل خمول وكسل” صباح النور 
_ ده ليه الكسل ده! وبعدين مش قولتلك لازم كل يوم تفتح شباك أوضتك!”بتروح تفتح شباك الأوضه”
= بتأفف” لا بلاش النور بلاش 
_ “بترفع حاجبها” امال عاوز تعيش فِ مستنقع الظلام ده علي طول!
“بيحاول يقوم ويسند ضَهروا وهو بيتٱلم من وجع جسدهُ” 
_ أديني قومت.. ها إسطوانه النصايح هتبتدي من دلوقتي لحد إمتي! 
= بقولك إيه تاكل بونبوني “بتطلع من جيب البالطو”أنا عامله حسابك معايا..
_ حسام بتأفف وعصبيه: مش هتبطلي تعامليني علي إني صغير ومحتاج يسمع نصايحك كل يوم أنا مش هتعالج ولا عاوز اتعالج ريحي نفسك..أنا هعالج نفسي ف الوقت اللي انا عايزوا..هو انتي فاكره إني وانا هنا ف المصحّه مباخدش الجُرعه اليوميه بتاعتي!”بيضحك بـ إستهزاء” أما إنتو الدكاتره ياعيني غلابه بصحيح..
= “ندى بينها وبين نفسها حَسيت نفسي  ولأول مره بفشل ف علاج مريض بسبب العِند بتاعهُ..لأول مره بحس بالهزيمه وإن كُل شغلي ومجهودي بيترمي علي الأرض كنت بحاول بقدر الإمكّان إنه يتكلم واسمعه لكن بيفضل ساكت ومبينطقش ف كنت بحاول أكلموا كـ نوع من أنواع إني فاهماه..أنا هديلوا فرصه أخيره قبل م امشي يمكن انا فعلًا مش فاهمه دماغه ومحتاج طبيبه غيري
_ فاقت من شرودها علي صوته وهو بيقول: هتفضلي سرحانه فيا كده كتير
_ لأ أبداً.. طيب بص ياأستاذ حسام،أنا يمكن ف سن صغير ربنا انعم عليا الحمدلله بـ نعمه كبيره أوي اني بفهم دماغ كل شخص قدامي وأحلل شخصيته وعلي نصايحي إللي كانت تقيله بشكل كبير علي قلبك ف ده الكلام اللي جواك ومش عارف تطلعهُ..قبل ماأمشي ياحسام وتجيلك طبيبه غيري عاوز حاجه تحكيها!
=”ملامح وشه بان عليها الإرتباك” تمشي!
_ اه همشي..مفيش حد فينا يستاهل يخلص بطاريه الطاقه إللي عندوا عشان شخص مش حاسس بقيمته أو مقدر وجودهُ إنت مبتتحسنش وكمان حسستني بفشلي وأنا مش مستعده نفاذ صبري وطاقتي يرحوا عليك ياحسام.
_ “بكل غرور” انتي متقدريش تمشي إنتي مُلزمه بيا لحد م أخف..ولو مشيتي أنا هأذيكي ف شغلك وهخليكي تتجازي
= “بتضحك بسخريه” إنت قولت الدكاتره غلابه..بس نسيت تقول بـ إستثناء ندى! بس ليه مش عاوزني أمشي! ماأنا كنت قدامك! وكل يوم الغرور والعند بيكبروا معاك ليه كل يوم بتفضل ساكت ليه لسه بتشرب وعاوز تضيع نفسك! يمكن كل الاساله دي تجاوب عليها لما تيجي طبيبه غيري..ومفيش بشر يعرف يأذيني ولو إتأذيت يبقي قضاء ربنا عز وجّل وأنا راضيه بيه..سلام ياحسام
________________
“خرجت ندي وهي جواها أسأله كتير..طب لما هو بيخاف يحكي ليه قالي إنه لسه بياخد جرعته اليوميه..ليه حسسني بالفشل رغم كل الدكاتره قاله إنه بيستجيب علي العلاج وكمان حالته النفسيه بتتحسن ليه دايما بيحاول يبينلي إنه شخص مش محتاجني وليه لما جيت امشي قالي هأذيكي لو مشيتي..طب أقول للمدير يشددوا الرقابه علي اوضته وعلي الناس إللي بتيجي وأخلي مسؤليتي وضميري ولا حسام هيكرهني أكتر لما يلاقي التغير  والتشدد إللي هيحصل..مش مهم إيه يعني يكرهني بس ده واجبي لازم أروح وألحقه انا بعمل كده عشان مصلحته وعشان يخف..
“ف غرفه المدير..التردد والتوتر كان مالي قلبها..كانت كل م تحاول تقرب تخبط علي الباب تتراجع لحد م قاطع حيرتها الباب وهو بيتفتح..
_بفزع وتوتر ..أ أ أستاذ معتصم
= خير ياندى مالك ف إيه!
_ بص هو مش حضرتك بتعتبرني أختك الصغيره!
= أه طبعا..طب تعالي ادخلي المكتب ونتكلم أنا كنت رايح اطلب قهوه عشان السكرتيره مبتردش..ادخلي اطلبك ايه معايا..
_ ممكن لو مش هتعب حضرتك نسكافيه 
= حاضر..ادخلي وانا جايلك 
“بتدخل وتقعد علي الكرسي..بتفرك ف ايديها من التوتر لمده عشر دقايق لحد م قطع صمتها دكتور معتصم..
_ إتفضلي ياستي النسكافيه..ها بقي مالك!
= كنت عاوزه أسال حضرتك حاجه وتجاوبني بصراحه 
= انتي عارفاني صريح حتي لو الشخص هيزعل مني
_ تمام..هو عُمر حَد إشتكالك مني أو شكك حضرتك علي قدرتي المهنيه بحكم إني لسه صفيره وتحت تدريب ولسه متمكنتش يعني
=”ضَيق حاجبيه وبص بـ إستغراب”..جابلها كشف بـ أسامي الاشخاص إللي ساهمت ف علاجهم نفسياً بعد ربنا..
شايفه كام إسم ف القائمه!..انتي ازاي تقولي كده!
= لأول مره أحس إني فاشله 
_ مين حسسك بالهزيمه دي!
= بص يادكتور هو ممكن يكون غصب عنهُ يعني ممكن انا مقدرتش افهمهُ..لازم أتقبل فكره إن ممكن شخص يختلف مع تفكيري واني مفهمتهوش عشان كده مقدرتش أساهم ف علاجه بس كل اللي مستغرباه حاجه واحده ان المريض ده الدكاتره المشرفين عليا قالوا إن حالتهُ ميٱوس منها وبعد مرور ٦ شهور من محاولاتي معاه قالولي اني عملت إنجاز وحالته إتحسنت لكن هو مش معترف ب ده..ف ممكن الشخص ده يكون بيبين قصادهم انه مبسوط وكويس وخَف عشان بس يخرج وقدامي بيكشفلي وش الحقيقه انه لسه تعبان ولسه واقع ف المستنقع المُظلم إللي هو فيه
_ طب ممكن تقولي إسم المريض وأشوف انا اعرفه واتكلمت معاه ولا لا 
= إسمه حسام عبدالله 
_ حسام! اللي ف غرفه ٢٠٣
= اه يادكتور هو 
_ معقوله هو إللي حسسك بـ انك معملتيش ٱثر إيجابي ف حياته!
= أه.
_ مممم”بيشرب قهوته ويكمل كلامه”..وليه متقوليش إنه إتعلق بوجودك ف مضطر يبينلك إنه مخفش عشان تفضلي جمبهُ!
=…….
_ اه والله مصدومه ليه!!..
= بس..بس ازاي ده قالي انه لسه بياخد جرعته اليوميه انا جيت هنا ع اخلي حضرتك تخلي بالك من أوضته والناس اللي بيزوروه سواء صحاب او اهل ممكن يكونوا بيديلوا فعلا حاجه وكنت طالبه اني امشي وتيجي طبيبه غيري.
_”بيضحك” إنتي فعلا غلبانه اوي ياندى وساذجه..إحنا مش ف سجن احنا ف مستشفي وبنعالج مرضى الإدمان معقول مفكرناش ان ممكن شخص يعمل كده ويجيب مثلا مخدر عشان يوجب مع زميله..تعالي قومي معايا 
“بتقوم وبيقربوا علي شباك الغرفه”..اكيد بتشوفي كل يوم الكلاب دي وانتي جايه مش كده!
=اه وبترعب منهم دول مش كلاب دول أسود م شاء الله 
_ بيضحك” طب تعالي اقعدي..الكلاب دول بقي ياستي مهمتهم الحاجات دي يعني لو صاحب جايب زياره وفي حاجه الكلاب دي بتشم وبتعرف..ف تفتيش ذاتي لأي زائر تحت قبل دخول المستشفي وكمان قدام كل غرفه ف سيكيورتي بيفتش وده اللي بيميز المصحه بتاعتنا عن غيرها..المريض قدام دخل ف بأمر الله وبمشيئه الرحمن هيخف وميقدرش ياخد أي حاجه عن طريق اي وسيله..يبقي مفكرتيش بقي إنه بيعمل كده عشان تفضلي موجوده قصادوا!
= لا مفكرتش كده خالص بس هو عارف اصلا اني كنت مخطوبه 
_ اديكي قولتي كنتي..
= هو لسه واخد الدهب اول امبارح يعني حتي لو متعلق بيا طول الفتره دي ف متعلق ب حبال دايبه 
_ يمكن هو ده اللي السبب اللي بيخليه يعاملك بالجفـاء ده ويحسسك انك معملتيش حاجه عشان انتي مع شخص تاني..ك نوع من انواع الغيره يعني 
_ بس هو عمروا م حسسني ب ده يادكتور وانا حتي متجاوزتش ف التعامل معاه عشان يحبني
= ممكن محسسكيش بحاجه عشان ف شخص ف حياتك وهو ده الحاجز اللي كان بينك وبينهُ فهمتي!تاني حاجه ممكن شخص يقع ف حب شخص لمجرد ان الشخص ده فهم دماغه..مش هيتعب بقي ف التفكير معاه وان كل موقف وكل مشكله هيقعد يبررله هو حس انك قراتي دماغه اتعلق بوجودك
= اتعلق بوجودي حاجه وانه حَبني حاجه انا ممكن الحق الموقف ده من الاول وانسحب من حياته عشان ميتعلقش بيا اكتر من كده وانا واحده لسه خارجه من علاقه مُرهقه مش هقدر اني اديله حتي فرصه
“بيقاطع كلامهم صوت تكسير ف اوضه ما ..ممرضه فتحت الباب من غير م تخبط وكانت بتنهج..دكتور معتصم المريض اللي ف الغرفه ٢٠٣ عمال يكسر ف كل حاجه ف الاوضه وحتي مش عارفين نديله مهدئات..
_ندي بخوف: ده..ده حسام يادكتور..
“بيجروا ع اوضته..كانت كل حاجه متكسره الادويه وزُهريه الورد كان قاعد علي ركن ف الغرفه وضامم نفسه وبياخد نَفسه بصوت مسموع كإنه بياخد هدنه بعد م طلع الطاقه السلبيه اللي جواه..
_ ندي بتقرب عليه..ليه ياحسام كده!
=”رفع وشه وبصلها بحده” ايه جابك تاني مش قولتي هتمشي..امشي 
_ممكن يادكتور معتصم بعد إذنك تخرجوا برا وانا هنادي حضرتك بنفسي كمان شويه.
“بيبتدي ينسحبوا كلهم مبيفضلش غيرهم ف الاوضه” 
_ قوم ياحسام..قوم وواجهني واتكلم ولو لمره واحده
= “بيقوم وبيتكلم بعصبيه” مش انتي بتدعي إنك فهماني صح..انتي عمرك م فهمتيني لو فهمتيني مش هتهدديني انك هتمشي وفعلا تمشي انتي زيك زيها بالظبط 
_ زي مين ياحسام!
= زي اللي وصلتني للي انا فيه ده،زي للي وصلتني اني بعد م كنت شخص مُتدين بقيت بشرب وبلجأ للخمور واني بتعالج ف مصحه وصلتني اني اقابلك واتعلق بحاجه مش ليا اتعلق بواحده مخطوبه اصلا انتي لو فاهماني هتعرفي اني خفيت اصلا من ٤ شهور من وجودك جمبك ومعايا..لو فهماني هتعرفي اني بعمل كل ده عشان تفضلي قصاد عيني متمشيش عشان انا لو مشيت مش عارف هشوفك تاني ولا لا..وزاد الامل جوايا وحاولت ابين اني فعلا تعبان عشان تفضلي جمبي لما عرفت انك فشكلتي الخطوبه 
_ وانت عرفت ازاي 
“بيبص علي ايديها”..دبلتك مش موجوده 
_ لا مش ده السبب اللي عرفت منه انا طول الوقت بقلعها عشان عندي حساسيه..ف حاجه تانيه ياحسام مش كده 
_ اه ياندي..عرفت من يومين لما جيتي وكان باين علي عينك انها منفوخه من العياط ووقتها كنتي مرتبكه وحتي مسمعتنيش ولا ادتيني نصايح فاكره وقتها قولتي ايه ولا مكنتيش ف وعيك 
_”ندي بتحاول تفتكر لكن كانت حاسه ان اليوم ده فقدت قدرتها عن استيعاب الموقف”..لا فكرني انا مش فاكره
_ وقتها دخلتي الاوضه وقعدتي ع الكرسي ب استسلام وابتديتي تقولي 
_______________
“فلاش باك”
_ليه انا يتعمل فيها كده ليه اتخان ليه اشوفه مع واحده تانيه ليه ادخل كافيه صدفه اشوفه بيبوس واحده تانيه وقالع الدبله ليه رغم ان جت عينه ف عيني مسابش ايديها ولا خاف.. لا عمل نفسه مش عارفني وتجاهلني ليه وجعني بالشكل المقرف ده ليه كدب عليا انا كنت نزوه ولا سد خانه ولا عيله هبله بتصدقوا انا محبتهوش بس اتعلقت بيه ليه ياحسام 
_ عشان هو محبكيش..هو كان حابب يوصلك وبس ولما وصلك زهق وحب انه يكسر بنفسك ومش بعيد صاحبتك اللي اتصلت بيكي تيجي تقابليها دي تكون متفقه معاه عشان تيجي تشوفيه وتفوقك من اللي انتي فيه
_ هه..دي صاحبتي اللي اتصلت بيا هي اللي كانت قاعده معاه شوفت كسره النفس..شوفت ان خنجر السِم مبيجيش غير من القريب..الاقرب لقلبك يمكن وقتها كان بيحاول يثبتلها انه بيحبها هي مش انا وانه مستعد يسيبني عشانها ويثبتلها قد ايه هو مخلص وانا الدميه..الدميه اللي لعبوا بيها هما الاتنين ورموها..
انا تعبانه اوي ياحسام..ونفسي مكسوره مش عارفه مش عارفه ليه بعيط انا اول مره اعيط انا دايما متماسكه حتي مش عارفه ليه جيتلك انت اول واحد وفضفضت معاك انا بحلم صح..بحلم “بتروح ف النوم ع الكرسي”..
______________
вacĸ
_وقتها شيلتك وحطيتك علي السرير التاني اللي ف الاوضه
= يعني ده كله مكنش حلم ياحسام! يعني انا فعلا جيتلك وحكيت معاك..انا اليوم ده لما صحيت من النوم لاقيت نفسي فعلا ع السرير التاني وانت نايم ع السرير بتاعك..بس كنت فاكره اني بحلم واني دخلت اشوف مالك وبس وبعدين انت ليه شيلتني ياحسام انت عارف انك حرام تلمسني اصلا 
_ والله حاولت انادي اي ممرضه بس مكنش ف حد ف الطُرقه خالص والله انا مأذيتكيش انا بس شيلتك عشان صعبتي عليا وانتي نايمه معيطه ع الكرسي..هتبعدي عني!
_ اه هبعد..انا مش هقرب من حد تاني انا ثقتي ف الناس إتعدمت خلاص 
= لا مش هتبعدي ياندى..
_ لا هبعد..اظن الدكاتره كلهم عرفوا إنك خفيت ف لازم تمشي 
“بيقربها من حضنه وبيحضنها” 
..
_ابعد عني ياحسام..ابعد حرام عليك
= قولي انك مش هتسيبيني 
_ سيبني ياحسام قولتلك حرام عليك انا مش مُحلله ليك عشان تحضني،سيبني ياحسام متخلنيش أكرهك زيهم..
“بيسيبها وبتطلع تجري وهي منهاره من العياط”
_______________
“вacĸ”..
وبقالي اسبوع خارج من المستشفى وانا معرفش عنها حاجه.. حضنتها الشيطان وقتها صورلي اني لازم اخدها ف حضني واعرفها قد ايه انا بحبها واني محتاجها جمبي بس يمكن ف الوقت ده مش عارف انه حرام بس ف الاسبوع اللي بعدت عني فيه وخرجت من المستشغي وانا بجاهد مع نفسي وعرفت ان فعلا حرام اللي كانت بتقولها وهي ف حضني مش مجرد كلمه عشان افك بيها قيودها وهي ف حضني..انا عاوز اوصلها واقولها انا اسف..اسف اني عملت كده..اسف اني مكنتش عارف وحتي لو كنت عارف بس الشيطان وقتها قالي انت محتاجلها اترمي ف حضنها ايه يعني الذنب مش كبير..لكنه كبير وهتحاسب عليه وشيلتها كمان ذنب معايا انا خايف عليها من جهنم وخايف علي نفسي معاها انا عايزها ياسهيله والله بستغفر ربنا طول الوقت وعايزوا يسامحني وميضيعهاش مني
_”بتقرب عليه بـ إطمئنان” إهدي ربنا شايف تغيرك وعارف قد ايه انت عاوزها..هحاول اوصلها عن طريق ساره واتكلم معاها انا ونروح نطلبها كمان 
_ بجد ياسهيله هتقفي جمبي!
= اه طبعا..ياعبيط احنا لينا غير بعض..
_ لا طبعا 
_ بس متاكد انك بتحبها ولا مجرد متعلق بيها وبوجودها وكلامها معاك وبس
= لا والله بحبها اوي..والله قوليلها لو عاوزه كتب كتاب ع طول انا موافق والله عمري ما هأذيها..قوليلها ان الشخص اللي سابته ده ميستاهلهاش..قوليلها ربنا جمعكم صدفه وكل حاجه اترتبت من عند ربنا قوليلها اني شخص كويس ومبقتش مدمن خلاص..قوليلها بلاش تخليه يضيع تاني 
_ قوم صلي ركعتين قيام الليل وادعي وسيب الموضوع ده عليا 
= حاضر،انتي صليتي
_ اه الحمدلله
= لسه بردو مبتفكريش ف موضوع الجواز
_ لا..انا ولادي كبروا م شاء الله انس بقي شاب وعندو ١٤ سنه ورودينا ١٠ سنين شكلي ايه قدامهم..خليني كبيره ف نظرهم 
_ بس ده جواز علي سنه الله ورسوله
= عارفه طبعا بس انا مش حابه احسس عيالي ان حد جيه خد مكان ابوكم
_حتي لو هو عمل كده!
= اه ياحسام حتي لو هو عمل كده..لازم امهم تفضل ف نظرهم ان مفيش راجل غير ابوهم دخل بيتها من بعدو دي وجهه نظري.
_ ربنا يجازيكي خير يارب
= المهم بقي هتجيبلي اكل ايه لو خليت ندى تصالحك
_يالهوي اللي انتي عايزاه كله هجيبهولك والله..بيتزا وماك وبيبسي وحلويات كتير كتير 
= خلاص هشوف يابكاش 
“بيبتسم”
______________
علي الجانب الأخر 
_________________
مؤمن بيقرب من الاوضه بتاعت فرغلي سعيد.. الجو كان مُرعب.. الفيلا كانت هوس هوس الجو كان ملئ ب أصوات الاشباح اصوات انفاس مؤمن بتتسارع.. بيتلفت حواليه بيلاقي شخص واقف جمب الخزنه ولابس إسود وماسك شمعه.. مؤمن كان بيحاول يبعد لورا عند الباب إللي هيخرج منهُ.. الباب إتقفل والراجل اللي ماسك الشمعه خطواته بتقرب علي مؤمن.. 
مؤمن حاول يتمالك اعصابه وبكل صرامه وقوه.. انت مين وعاوز ايه.. وليه النور مقفول وماسك شمعه ووشك مش باين.. 
_”بيتكلم بمصاحبه ضحكه شريره” انا المجهول اللي بتدور عليه..”بيقرب من ودنه ” اللي قتل فرغلي سعيد
_مؤمن بصدمه.. انت.. انت مين!! 
“بيطفي الشمعه”  
“بصوت شرير”  بيحاوط رقبه مؤمن بإيديه وبيدوس عليها بعنف.. هبعتك لفرغلي سعيد وهو يقولك.. 
_ ارجوك سيبني ” بعدم القدره علي نطق الكلمه ” ا ر جـ و ك… 
– مؤمن.. مؤمن قوم ياحبيبي مالك ف ايه 
= بيقوم مفزوع وبيبص حواليه كإنه مش مصدق إنه كان بيحلم “بيتنفس بصوت مسموع.. اصوات انفاسه بتتسارع”  كان كابوس ياليل.. كابوس 
“بتجري تجيب مايه” 
_ طب اشرب.. اشرب بس وصلي علي النبي 
= عليه افضل الصلاة والسلام 
_ششش.. إهدي خالص تعالي.. تعالي إهدي 
“بتخليه ينام ف حضنها”.. ممكن متفكرش ف اي حاجه.. انا عارفه اكيد انك حلمت بحاجه تخص موضوع فرغلي سعيد وده مش كابوس ولا حاجه ده عقلك وتفكيرك شغال عشان كده حلمت بحاجات تخص الموضوع.. وقولتلك الموضوع ده هيبذل من جهدك ووقتك وتفكيرك إذا كان إبنه وإخواته مدوروش وراه إحنا مالنا بقي 
_ مش عارف.. مش عارف ليه الإصرار إللي جوايا ده دايما بسمع لنصيحتك بس لأول مره عارف ان كلامك صح بس انا رغبتي جوايا أكبر من إني اسمع نصيحتك 
= مؤمن انت ليه عنيد كده 
_ والله مش بعنِد معاكي.. خلاص هحاول 
= هتحاول بجد
_ اه.. 
” عائشه بتقوم من النوم”
_انت نايم جمب مامي ليه!
“بيضحك” عشان دي مراتي.. وبعدين انتي ايه اللي صحاكي دلوقتي! 
= عشان انت ومامي عمالين تتكلموا،يلا احكيلي حدوته عشان انام
_بكره 
= لا النهارده. 
“بتقوم تنام مابينهم.. يلا يابابي احكيلي” 
_حبيبتي بابي تعبان وعندو شغل لما يجي بكره ان شاء الله 
=خلاص يامامي احكيلي انا وبابي عشان ننام 
_مؤمن انا جيت اخلعك انت دبست نفسي 
= ف رعايه الله ياحبيبتي، يلا احكي 
_ ماشي ماشي هحكي وامري لله..كان ياما كان يا ساده ياكرام ومايحلىٰ الكلام إلا بذكر النبي عليه الصلاة والسلام
_هما التلاته ف نفس واحد “عليه افضل الصلاة والسلام”
_ ف مره كان ف بنت إسمها سِت الحُسن والجمال البنت دي كان شعرها طويل جدا جدا ونص من فضه والنص التاني من دهب وكان عندها أخ وف كل مره امه تتحايل عليه يتجوز كان بيرفض لان مفيش ولا واحده فيهم بالمواصفات اللي كان عاوزها.. كان عاوز بنت جميله وبيضا وعيونها ملونه وشعرها لونين زي اخته.. ف مكنش ف ف القريه غير اخته.. المهم بعد محاولات كتير الولد كان شديد وصعب قال لامه خلاص انا هتجوز اختي.. طبعا امه قالتله ازاي يابني حرام ايه تتجوز اختك دي ازاي اصلا.. قالها هو كده هتجوزها يعني هتجوزها طبعا كانت مغلوبه علي امرها وابتدت ف تجهيزات الفرح وكانت ست الحسن ف الاوضه فوق محبوسه متعرفش اي حاجه غير انها هتتجوز بس متعرفش هتتجوز مين.. ابتدوا ف تحضيرات الفرح وجيه معاد الفرح القطه بتاعت ست الحسن والجمال طلعت وقالتلها عاوزه تعرفي هتتجوزي مين قالتلها انتي تعرفي قالتلها اه طبعا اعرف بس اديني اللحمه اللي ف الطبق بتاعك وافقت طبعاً وقالتلها هيجوزوكي اخوكي اتصدمت وضربت ب ايديها علي قلبها اخويا.. ازاي اتجوز اخويا قالتلها انا ههربك من باب المطبخ واول م اقولك تعالي تيجي علي طول قالتلها حاضر القطه ابتدت تطلع وهربت ست الحسن والجمال وفضلت تجري تجري.. ناس شافتها وهي بتجري راحوا قالوا لأخوها وابوها وامها.. فضلوا يجروا وهي تجري لحد م وقفت علي قمه جبل.. اخوها قالها انزلي ياست الحسن قالتله بعد م كنت اخويا هتبقي جوزي! إعلي ياجبل بيا إعلي الجبل بيعلىٰ بيها.. امها بتقولها انزلي ياست الحسن.. قالتلها بعد م كنتي امي هتبقي حماتي!  إعليٰ ياجبل بيا إعليٰ الجبل بيعلىٰ بيها.. 
ابوها بيقولها انزلي ياست الحسن متخافيش.. قالتله بعد م كنت ابويا هتبقي حمايا إعلىٰ ياجبل بيا إعلىٰ فضل الجبل يعلىٰ بيها لحد م هما إختفوا وبعدين نزلت وفضلت تجري ف صحراء لحد م لاقيت ٣ شباب جايين طبعا مفيش مكان تستخبي فيه فضلت تدعي لربنا وتتوسل اليه إنه يبعتلها اي حاجه تتنكر فيها خوفا علي نفسها من الشباب ليطمعوا فيها ربنا بعتلها زيي كلب لبسته بسرعه وبعدها قربوا الـ ٣ ولاد دول واحد منهم إبن راعي غنم غلبان والتاني إبن وزير والتالت إبن رئيس كانت هما التلاته عندهم كلبه وضاعت منهم ونفس الشكل اللي متنكره فيه ست الحُسن..المهم قربوا منها وكانوا التلاته بيتخانقوا مين هياخد الكلبه دي عندو البيت اتفقوا علي انهم يحطوا لقمه عيش قصاد كل شخص واللي هتاكل اللقمه من قصادوا يبقي هتروح معاه.. كلت اللقمه اللي قصاد ابن راعي الغنم عشان عارفه انه غلبان ومش هيهملها لكن خافت من الاتنين الاغنياء.. الاتنين التانين قالوا.. لا مش هينفع طب هنحط الكوفيه بتاعتنا احنا التلاته واللي تختاروا تروح معاه بردو اختارت بتاعت ابن راعي الغنم.. ف قال خلاص كده انا هاخدها.. وفعلا خدها تمشي جمب الغنم بتوعه وروح بيها البيت وقال لامه انا لاقيت الكلبه دي وخلاص هربيها.. قالتله ماشي يابني حطيتلها الاكل وخليتها ف مكان ف اوضه مفتوحه كده يعني سايباها براحتها مش حبساها.. الابن ده طلب من امه تعمله فطير قالتله ماشي ونسيت ونامت والابن نام ست الحسن كانت شاطره جدا قلعت زيي الكلب وقامت وعملت الفطير تاني يوم الام استغربت لما شافت الفطير قالت انا معملتش الفطير راحت وسالت الجيران يمكن حد جابلها الفطير ده الكل قال لا راحت لابنها وقالتله راح قالها خلاص هنأكل الكلبه لو كلتو او شمتوا وملقناش ف حاجه خلاص ناكله وخير وجيه من عند ربنا.. راحوا وحطوا للكلبه اللي هي اصلا ست الحسن بس متنكره بـ الزيي ده.. كلت عشان تأكدلهم ان مفهوش حاجه وفعلا كلوا الفطير وعجبهم جدا جدا ابتدا الولد يطلب كل يوم اكل وامه تنسي وست الحسن تعمل الاكل لحد م ف مره الابن قالها انا شاكك ف حاجه وخدها وطلع برا وقالها لازم تنامي النهارده وانا هطلع فوق النخله وهبص اشوف مين اللي بيعمل الاكل ده كل يوم فعلا دخلوا والولد طلب اكل والام دخلت تنام وهو كان فوق النخله وشاف ست الحسن وهي بتقلع زيي الكّلب ده وشاف شعرها الطويل اللي نصه فضه ونص دهب اتصدم ومن الخضه وقع من علي النخله فضل يتٱلم لحد م راح ف النوم وتاني يوم قالتله ها يابني عرفت! 
قالها اه ياما انا عاوز اتجوز الكلبه.. فضلت تضحك عليه وتقوله ااه هو انا عشان دايما كنت بقولك مفيش كلبه هتعبرك ف عاوز تعرفني ان ف كلبه عبرت.. رد بكل جديه وقالها قولتلك هتجوز الكلبه اللي جبتها فضلت تصوت قالها مهما عملتي هتجوزها الام فضلت تعيط.. قالتله يابني الناس هتقول علينا ايه جوز الكلبه راح جوز الكلبه جيه.. قالها حضري بس تجهيزات الفرح.. قالتله انا هعجن حنه وهعجن طين لو الكلبه مموتكش هعجن البيت حنه ولو موتتك هعجن البيت طين ضحك عليها ومشي وجيه يوم الفرح.. دخلوا الاوضه ومسكلها السكينه.. قالها انتي إنسيه ولا جِنيه!! لو بشر زيي إقلعي اللي انتي لابساه ده ولو جن لا أأذيكي ولا تإذيني مردتش عليه وقرب السكينه من علي رقبتها ها مش هتنطقي بردو خلعت الزيي ده والاوضه بقت بتشع نور وشعرها بقي مرمي حواليها قالتله انا إنسيه وحكيتله حكايتها كلها.. وبعدها امه كانت قلقانه اوي عليه فتحت الباب بشويش لاقيتها نايمه ف حضنه وشعرها مفرود علي السرير كانت هتصوت من الخضه هو سكتها وطلع وحكالها القصه كلها قالتله طب والناس يابني قالها انا عندي فكره تاني يوم الصبح سيب الحصان بتاعه.. قالتلها الحصان بتاع محمد هرب اطلعي هاتيه بسرعه ياست الحسن قالتلها طب ثواني طلعت تجري وشعرها كان مدلدل وراها الكل كان مصدوم من جمالها وفضلت تجري ورا الحصان لحد م لاقيت محمد واقف بالحصان وبيضحكلها.. وركبها فوق الحصان ومشي بيها وغطي شعرها بالشال بتاعه كان عاوز يثبت للكل انه متجوز من بني ادمه جميله عشان يقطع الشك باليقين وبس وبعدين راحت القريه عند اهلها وهي كان ف بينها وبين ربنا دعوه مستجابه دايما كانوا اهلها كلهم تعبانين دعيت ربنا ب ان ربنا يشفيهم وربنا تم شفاهم علي خير وعاشوا ف تبات وبنات وخلفوا صبيان ونبات ايه رايكم حلوه.! 
=……. 
_ يعني بعد مابؤي وجعني تناموا واتلاقيكم مسمعتوش نصها.. تمام تمام.. 
“ابتدت تطفي النور وتقرأ قرٱن”  
________________
تاني يوم 
___________________
_ليل بدلال:  مؤمن.. قوم ياحبيبي الساعه ٨ ونص 
_”بصوت غالبه النعاس “صباح الخير ياحبيبتي 
= صباح النور علي البانور يجعل يومنا هنا وسرور لما يزقزق العصفور سو سو سو سو 
_ متجوز طفله ياربي 
= طب قوم يلا 
_ عائشه فين!
= ف الحمام بتغسل اسنانها 
_ هوديها الحضانه ف طريقي!
= اه لو مش هتعبك معايا 
_ لا ياحبيبتي مفيش تعب ولا حاجه 
“بيروح الحمام كانت عائشه بتنشف وشها”  .. ها ايه يابابي خضتني 
_ نينيني شوفتي عفريت! 
= لا يابابي العفريت احلي طبعا 
_ انتي بكاشه انتي والله هاتي سكر
=”مواااه”.. يلا اغسل اسنانك واغسل وشك وانا هلبس وناكل مع بعض اوكبيييه! 
– اوكي
_ لا لا قول اوكييييييه
= اوكيييييه
_ شاطر يابابي 
“الباب بيخبط، عائشه بتفتح الباب”  .. 
= صباح الخير ياعائشه 
_ صباح النور ياانس 
= هتروحي الحضانه 
_ ايوه 
= طب انا عملتلك الساندوتشات 
_ ليه هو انت مامي 
“ليل وهي بتضحك”:  ادخل ياانس تعالي، يابت بطلي لماضه شويه
= أنس بمشاكسه:  لا بعملك انا ومامي ساندوتشات عشان رامي مش بيخليكي تاكلي 
_” عائشه وعلامات الصدمه علي وشها”: انت رخم والله وبارد “بتضربه علي كتفه”  والله انا مش هقولك حاجه تاني 
_ عارفه ياخالتو ليل الواد رامي بياكل اكلها كله 
= كده ياعائشه، يعني مش بتاكلي الاكل عشان كده بتبقي هتموتي من الجوع! 
_ يامامي لا انا بضربوا اصلا وبقول للميس عليه
_ عائشه اللي بيكذب بيروح النار
= ماشي يامامي مش هخليه ياخد اكلي تاني وهقول لميس جنه عليه.. وانت ياانس انا مخصماك 
_” بنبره انتصار”.. خالتو مش اللي بيخاصم حد بردو بيروح النار
= ايوه ياانس مينفعش مسلم يخاصم اخوه المسلم اصلا
_ بس هو مش اخويا يامامي.. انس وحش وبيروح يقولك سر انا قولتهوله
= انت وحش ياانس اياك تقولي حاجه تاني فاهم
_ حاضر ياخالتو، خلاص صالحيني.. بصي عاملك ساندوتشات الجبنه الرومي اللي بتحبيها وكمان بانيه 
= اخدهم يامامي
_ اه خديهم وقوليله شكرا ياانس 
= شكرا ياانس ياوحش 
_ خلاص هاتي السندوتشات دي 
_ لا مش هديهالك دي بتاعت عائشه 
_”مؤمن بيقاطع مشاكستهم” بتفكروني ب ايام الشقاوه صح ياليل.. 
= اه والله ياحبيبي كنا زيهم بالظبط 
_ شوفتي ياعائشه.. وهنتجوز كده زي باباكي ومامتك
= “بتبص ب استحقار”  انا مش هتجوزك انت اصلا انا هتجوز واحد حلو 
_ يعني انا وحش ياام شعر شايط انتي 
= شعر عائشه جميل ياحبيبي انت اللي شعرك عامل زي المكرونه سبكتي اللي ماما بتعملها
_”بيضحكوا”
“انس بيداري ضحكته”: اسمها إسباجتي ياجاهله 
_ نينيني انت اللي جاهل اصلا ومش بتذاكر 
= ماشي ياستي انا هذاكرلك النهارده لما تيجي من الحضانه وهشوفك شاطره ولا لا 
_ اوكييييه.. 
” بيفطروا “
_مؤمن خلي بالك من نفسك، وإقرا قران ها 
= حاضر ياحبيبتي 
“بيبوس راسها”  .. 
خلي بالك من نغسك هتنزلي مكان النهارده؟ 
= لا ليلي هتروح لماما النهارده وهتبات معاها،هقعد ف البيت مش هعمل حاجه غير الاكل وهروح اجيب عائشه واذاكرلها لحد م تيجي 
_ ماشي ياحبيبتي 
“بينزل وبتنام شويه.. بتصحي تروق الشقه وتفتح الشبابيك وبتطلع الغسيل بتنشروا.. الضهر بياذن بتصليه وتقرا وِرد القران..
بعد مرور وقت 
 بتبتدي تحضر فِ المحشي وتجهزوا..
ممم والله يابت ياليل انتي شاطوره خلصتي كل ده قبل اذان العصر 
” اذان العصر بيإذن ” 
طب الحمدلله هصلي بقي وانزل لعائشه عشان اجيبها 
هبعت مسدج لمؤمن اقوله طمني عليك..
_ إذيك ياحبيبي،اتمني يكون اليوم عدا بسلام وتكون بخير..طمني عليك وحشتني،علي فكره عاملالك اكله بتحبها جدا مستنياك.????
__________________
علي الجانب الاخر 
__________________
مؤمن بيطلع الموبايل من جيبوا 
“بيبتسم اول م شاف المسدج بتاعتها” 
_انا كويس ياحبيبتي الحمدلله، انتي كمان وحشتيني جدا رغم اني مشغول ف فيلا فرغلي سعيد إلا إن بالي مشغول فيكي انتي، ممم اكله بحبها يبقي اكيد محشي وفراخ مشويه.. انا متجوز احلي ست ف العالم.. قربت اجي استنيني. 
_____________
ليل بتقرا المسدج 
وبتبتسم..بينها وبين نفسها.. ربنا يرجعك ليا بالسلامه 
_________________
علي الجانب الاخر مؤمن كان مشغول ف ديزاين وديكور الفيلا.. رغم ان الحلم كان بيراود تفكيروا وان مازال اللغز ف باله لكن كان خايف يدخل نفسه ف متاهات.. بس كان عنده يقين ان ربنا هيبعتله اي دليل 
بيقاطع شروده بشمهندس عمرو:  ها يابطل استاذ ماجد هينزل مصر بكره عاوزين نخلص ب اسرع وقت 
_ حاضر.. احنا بنبذل اقصى جهدنا 
= الله ينور يارجاله
 مؤمن بيدخل الاوضه اللي مفروض مقفوله ابتدا يقرب علي المكتب.. وبيبص حواليه تقريبا هي دي الاوضه اللي حلمت بيها.. بيقرا الجوابات المترصصه.. بيفتح اول جواب.. كانت رساله تهديد.. ” ابعد يافرغلي ياسعيد.. المنصب ده عمروا ماهيكون ليك انت فاهم ” 
“الجواب التاني”  .. عارف انك جبان ومش هتعرف ترد بس كل الانذارات دي بنبهك بيها قبل م تتأذي “
الجواب التالت ” ” بتعرف تقول الشهاده”!
الجواب الجواب الرابع “حاولتُ ان أتجاهل تلك التفاهات والتنبيهات الفارغه.. ولكن سُرعان ماجذب إنتباهي وهي كَلمه الشهاده!  .. انا لستُ عمر وبعدل عمر ونقاء عمر.. لكني كنت بحاول ب أقصي جهدي أن أضع العدل والمساواه بين سائر قريتي..كنتُ أود أن أزرع المحبه والود بين الغني والفقير ولكن يبدو إنني زرعت الحقد والغل ف قلوب بعض عَقيمي الرحمه والموده الذين يشعرون بحقد تجاهه السعاده السائره علي أهل القريه.. نعم أستطيع قول الشهاده” أشهد ان لا إله إلا الله وان محمد رسول الله “.. لستُ خائف من لقاء الله.. من يحب لقاء الله يحب الله لقاءهُ.. كُلنا إليه راچعون.. أما عنك أخي المجهول فـ هل تستطيع الوقوف أمام الله وأنت قتلت نفس عند الله أكبر من هدم الكعبه! 
” مؤمن قفل الجواب ” الظاهر ان المرسال ده ملحقش يقراه القاتل.. بس ازاي كل الجوابات دي أولاده مقرأوهاش.. ولا يمكن منزلوش مصر من وقتها.. وده من الواضح علي الفيلا ان مفيش بشر سكن فيها من فتره.. ولا يمكن نزلوا دفنوا والدهم ومشيوا مش عارف.. المهم اني هسيب الجوابات دي هنا.. واكيد ابنه لما ينزل هيشوفها وانا هحاول اتكلم معاه و.. “بيقاطع شروده فلاشه”  
فلاشه كانت مرميه علي سطح المكتب.. 
غريبه الفلاشه دي انا جيت كذا مره وملقتهاش!!.. 
“فضل يبص يمين وشمال يشوف ف حد شايفوا ولا لا ولما ملقاش حد خدها ف جيبه”.. 
” بعد مرور وقت طويل “.. 
مؤمن ف طريقه للبيت 
_ الو ياحبيبتي..انا جاي جهزي الاكل 
= حاضر ياحبيبي
_______________
علي الجانب الاخر.. 
ليل بعد م جابت عائشه من الحضانه هي وانس..ابتدا انس يذاكرلها زي م قالها 
_ عائشه اسمعي كلام انس وبطلي لماضه بابي جاي ف الطريق عاوزاكي تخلصي عشان ناكل سوا 
= حاضر يامامي 
_ ها خدتي ايه النهارده! 
– خدت الطرح 
_طيب ده سهل جدا 
= بس الميس مفهمتنيش حلو 
_طب بصي هفهمك بطريقه حلوه.. 
” بيطلع الكشكول ” بصي المساله دي بتقول ايه 
٥_
٣
—–
هيساوي كام.. بصي انتي اعتبري الرقم اللي فوق ده برتقال او تفاح يعني مثلا الرقم اللي فوق ده كام! 
_ ٥ 
= يبقي هتقولي انا معايا ٥ تفاحات.. والرقم اللي تحت كام.! 
_ ٣
= شاطره.. هتقولي انا معايا٥ تفاحات هطلعيهم علي إيدك✋???? تمام ايوه..والرقم اللي تحت هتقولي وأنس خد مني ٣ 
هتروحي شايله ٣ ???????? ايوه كده برافو عليكي هيتبقي كام كده 
_ ١ ٢ 
هيتبقي اتنين.. صح ياانس.! 
= برافو عليكي ياروح انس شاطوره.. يبقي هنكتب تحت المساله ٢
_”بتسقف لنفسها ” عائشه شاطره 
= كده فهمتي! 
= اه انا فهمت انت شاطر احسن من الميس بتاعتي 
_ هتتجوزيني بقي.. 
_ بدلع بتقول:  لما اكبر بقي هبقي افكر 
“الجرس بيرن”  
_ عائشه بتجري علي الباب بابي جيه بابي جيه 
= ياروح بابي انتي.. 
_ هبيييه جبتلي حاجه حلوه! 
= اه جبتلك انتي وانس ورودينا ومروان ومازن بعد الاكل تروحي توزعي عليهم الحاجه الحلوه اتفقنا! 
= اوكييييه
“بيروح ل ليل المطبخ ” 
_ وحشتيني 
=” بتبتسم” وحشتني اوي.. دخلتك عليا بالدنيا والله ، ها بقي عملت ايه حساك مبسوط
_ اه حاسس اني لاقيت دليل 
_ برفعه حاجب تاني يامؤمن لسه بردو اللي ف دماغك! 
= طب اغير وناكل وبعدين نتكلم انا وانتي 
_ خلاص ماشي يلا وانا هحط الاكل علي السفره 
=حاضر 
“مؤمن بيروح يغير وياكلوا..”
خد عائشه ياانس والعبوا تحت عند تيتا شويه واوعوا تبصوا من البلكونه ووزعوا الحاجه الحلوه دي علي بعض 
_ حاضر ياعمو مؤمن 
= حضرلك الخير ياحبيبي
“بياخد عائشه وبينزلوا”
________________
علي الجانب الاخر 
____________
سهيله وحسام قاعدين قصاد اللاب توب 
______________
بص يااحسام انا جبت الاكونت بتاع ندي من الفريندز بتاعت ساره وهحاول الاول اكلمها واخد منها معاد اقابلها بكره 
_ “حسام بتوتر “خلاص ماشي.. كلميها 
_ بتكتب مسدج.. سلام عليكم.. انا سهيله مرات يوسف سابقا واللي هو زوج ساره صاحبتك حاليا اكيد فاكراني.. او الاقرب اخت حسام اكيد هتفتكريني لانك عالجتيني قبل كده وشوفتيني ف زيارات لـ حسام.. ارجوكي ردي عاوزاكي ف حاجه مهمه. 
” ندي قرات المسدج بسرعه كانها كانت قاعده ف الشات”
_ غريبه ياحسام دي كانها فاتحه الشات.. او كانت هتبعت مسدج ليا ومتردده 
حسام بتوتر “:  عندك حق، دي بتكتب 
_ندي بتبعت مسدج”:  اه فاكراكي.. وبصراحه انا كنت ف الشات ومتردده اكلمك وعاوزه اتكلم معاكي..بس قولي الاول انتي الموضوع
– شوفت فعلا كانت فاتحه الشات.. 
خلاص قدام احنا الاتنين محتاجين نتكلم مع بعض ف مش هينفع شات.. نتقابل بكره ف النادي اللي جمب المستشفي 
_ خلاص اتفقنا.. 
_ اتفقنا ياحبيبتي 
_خلاص ياحبيبي بلاش توتر.. هقابلها بكره واكلمها اهدي
= عشان خاطري.. تحاولي تقنعيها بيا 
_ انت مش وحش عشان اقنعها بيك.. انت جميل وبعدين هحاول افهمها انك مكنش قصدك وانك ندمت واتغيرت 
= ربنا يخليكي ليا، هقوم اصلي قيام الليل وادعي
_ ماشي ياحبيبي وانا هقوم اشوف ماما
_________________
علي الجانب الاخر عند ليل ومؤمن
_ هاتي اللاب توب من جوا ياليل لو سمحت 
= طب فهمني 
_ هاتي وهتفهمي 
” بتجيب اللاب توب “.. وبيحط الفلاشه.. 
” ليل ومؤمن بيبصوا نظرات صارمه وحاده.. وبصدمه وتلعثم ف الكلام مؤمن بيقول ده ده… 
يتبع..
لقراءة الفصل الخامس عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى