Uncategorized

رواية من وحي الخيال الحلقة الخامسة عشر 15 بقلم هايدي يسري

 رواية من وحي الخيال الحلقة الخامسة عشر 15 بقلم هايدي يسري

رواية من وحي الخيال الحلقة الخامسة عشر 15 بقلم هايدي يسري

رواية من وحي الخيال الحلقة الخامسة عشر 15 بقلم هايدي يسري

مراد بيكلم فادي 
مراد : الف مبروك ياصاحبي بجد فرحلتلك جدا 
فادي : الله يبارك فيك ياصحابي وعقبالك 
مراد : نفسي يا فادي وانت عارف
فادي : رقيه صح 
مراد بحب : اكيد انا محدش دخل قلبي غيرها ولا هيدخل يا فادي انا فعلا بحبها  
فادي : وايه منعك يعني 
مراد : الدنيا دلوقتي مش مظبطه هعمل كده ازاي 
فادي : شغلك وبقي عال العال ومسيرك تتصالح مع ابوك يبقي ايه يمنعك خد الخطوه انت ومتقلقش 
مراد : ربنا يقدم اللي فيه الخير 
فادي بضحك : انت بقيت عاقل كده ازاي يامراد 
مراد : اتعلمت الدرس يافادي حياتنا اللي احنا كنا عايشنها دي متنفعش بس عارف الغلط من اول كان غلطي علشان اشتغلت في شركه ابويا اهملت الشغل ومهمنيش كنت عارف ان الفلوس معايا حتي لو مش هشتغل بس دلوقتي انا بشتغل علشان اخد فلوس واعمل لنفسي كرير كده وابقي حاجه 
فادي : فخور بيك ياصاحبي 
مراد : سيبك انت قولي ناقص ايه علشان نظبط الدنيا قبل الخطوبة 
فادي : فضي نفسك بكره علشان نروح نشتري البدله واشوف الواد جاسر يجي معانا 
مراد : خلاص تمام هخلص شغل واكلمك يلا روح شوف اللي وراك وسبني اريح شويه علشان اذاكر المحاضرات اللي فوق دماغي دي 
فادي : اشطا يلا سلام 
ما ان قفل مراد مع فادي حتي سمع خبط علي باب بيته يفتح بصدمه ليري والده امامه 
مراد بتعجب : امجد بيه بنفسه عندي 
امجد : ايه امجد بيه دي يامراد انت نسيت اني ابوك 
مراد : لا بس انت نسيت اني ابنك ولا نسيت كلامك ليا 
امجد : مش هتقولي ادخل 
مراد وهو يفتح الباب باتساع : اتفضل 
امجد دخل وظل ينظر للشقه كانت هادئه مثل تعامل ابنه معه 
امجد : وحشتني يامراد 
مراد بصدمه : نعم 
امجد : متنساش انك غلطان بردو وانا كنت عايزك راجل يعتمد عليه انت عارف ان الدنيا مش باقيه وممكن بكره متلاقينيش كنت عايز اتعتمد عليك في كل حاجه اموت وانا مطمن يامراد علي بيتي ومراتي وبنتي وشغلي وكل حاجه 
مراد مقاطع حديثه : بعد الشر عنك يا بابا 
امجد : الموت مش شر يامراد وكلنا هنموت بس بيفرق لما تموت وانت مطمن انك سايب وراك راجل وانا دلوقتي شايف قدامي راجل اهو … علي فكره عرفت انت شغال فين وعرفت الإنجاز اللي انت عملته كمان 
مراد : هو حضرتك عرفت مكاني ازاي 
امجد : مش مهم ازاي المهم اني جيت … عايز اقولك حاجه كمان اوعي تشيل سيلين ذنب اللي حصل ده هي كل يوم بتعيط علشان فاكره اننا متخانقين بسببها 
مراد : ماما وسيلين كانو بيكلموني كل يوم تقريبا وانا وهي متصالحين من زمان وانا اعتذرتلها كمان 
امجد : اه ياولاد امجد بتتكلمو من ورايا ماشي ماشي 
مراد : متزعلش مني يا بابا انا عارف اني كنت غلط وانت صح وانك عملت كده علشان خايف عليا وانا مش زعلان بالعكس كده احسن يمكن لو مكانش حصل كده كان زماني لسه تحت بردو 
امجد وهو يحتضنه : ده انا ماليش غيرك انت ووالدتك واختك يامراد متزعلش مني … مش يلا ترجع بيتك بقي
يتبع..
لقراءة الحلقة السادسة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية عروسة ديسمبر للكاتبة هند حمدي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى