رواية مهمة عاشق الفصل الخامس عشر 15 بقلم خلود وائل

علي:كلهم شبه بعض كلهم خاينين

مر الليل بسرعه وابطالنا منهم الفرحان والمحتار وطلعت شمس النهار معلنه يوم جديد قام علي من النوم واخد شاور ولبس بنطلون جينس وعليه سويت شيرت وركب عربيته وراح شغله اما ليلي والاء كانو في المستشفي مع بعض من بدري :::.

الاء:فهميني بقي ياستي ايه موضوع المطعم والخطوبه دة

ليلي:ببساطه ياست الاء احنا هنعمل الخطوبه في اي مطعم يعجبك من بتوع بباكي كلهم مشاء الله مطاعم فخمه وعلي مستوي عالي هتخلي بباكي يقفله يومها طول النهار وهنجيب فريق تجهيز حفلات ونعمل شويه ديكورات بالبلالين وهيليوم وشويه فروع نور وكوشه ونظبط طرابيزات للمعازيم ونعملها كأنها قاعه بالظبط والميزة بقي اننا مش هنطبخ العشا للضيوف هنخلي الاستاف بتاع المطعم هما ال يجهزو البوفيه ها ايه رايك

الاء بفرحه:اماانتي دماغك دي الماظ بجد يالي لي الفكرة جامدة موت طب هنلحق نحجز فريق تنظيم حفلات اذاي دي الخطوبه بكرا والكلام دة بيحتاج تخطيط من بدري وكمان مقلتش لبابا ولا عملت حساب اي حاجه

ليلي:ايه يابنتي متتوتريش كدة الموضوع سهل خالص انتي الوقتي ذي الشاطرة تكلمي بباكي وتقوليلو وتشوفي ردة ايه لو موافق تختاري المطعم ال يعجبك وتخليه يكلم الكاست كله ويفهمهم المطلوب تمام

الاء: تمام وبعدين

ليلي:وبعدين ياستي تخليه يكلم ابو يوسف عشان يلحق يعرف الناس ال هيعزمهم من بدري وانتي كمان تكلمي يوسف تفهميه اوك

الاء:اوك مقلتليش بردو تنظيم المكان هنعمل فيه ايه

ليلي:نطول بالنا بقي بلاش توتريني اصلا الوقت ضيق انتي تقومي بس تعملي المكالمات ال قلتلك عليها وكلمي مامتك عرفيها عشان تعرف الضيوف وبعدين نخلص الشغل وننزل اي محل بتاع ديكورات والحاجات دي ونجيب كل ال هنحتاجه وبليل هدورلك علي فريق من الفيسبوك لو ملقتش فريق جاهز لبكرة امري لله هاخدك انتي وماهر اخويا وميار صحبتك وننزل من الصبح بدري نجهز المكان وعلي العصر نكون خلصنا ويادوب نلحق الميكب ارتيست ال هتجيلك البيت ومن هناك نطلع ع مكان الحفله بليل بقي ها قلتي ايه

الاء:انا بجد مش عارفه اققلك ايه غير اني بحبك وانك نعمه في حياتي ياليلي ربنا يفرحك ذي مابتفرحيني كدة يارب

قامت ليلي حضنت الاء وقالتلها:انتي اختي ياهبله وفرحتك هي فرحتي♥️

الاء:وانا بقي ياستي محضرالك مفاجئه بكرة انما ايه هتقلب كيانك

ليلي:مفاجئه ايه دى بقي

الاء:ولو عرفتيها هتبقي مفاجئه اذاي يلا هقوم انا اعمل المكالمات الكتير ال ورايا

مسكت الاء تلفونها وبدأت تكلم بباها ومامتها ويوسف ال كلهم عجبتهم الفكرة جدا وفرحو بيها وشويه ورجعت لليلي ال كانت ماسكه تلفونها وبتدور علي حاجه فيه

الاء:سعاد بتدعيلك دعا ربنا يجعله من نصيبك دي مظقطته انها مش هتطبخ ولا هتعمل حاجه ….ها لقيتي حاجه

ليلي:للاسف مفيش ولا صفحه فاضيين لبكرة شكلنا كدة احنا ال هنعمل

الاء:طب وفستاني انا لسه مجبتوش من عند الديزاينر

ليلي:اممممم قوليلي ياالاء هو ايه ال انتي كنتي مجزاه لخطوبتك ها داحتي الميكب ارتيست انا ال حجزتهالك

الاء:مش انتي وصيفه العروسه يبقي دة شغلك ولا ايه وبعدين انا صحبي بطل المهمات الصعبه

ليلي:ماشي ياستي اما اشوف انا لمااجي اتجوز هعتمد عليكي ولا ايه

الاء:عييييييب

بعد فترة طويله ليلي والاء خلصو شغلهم ونزلو اشترو كل الديكورات ال هيحتاجوها وقضو وقت جميل مع بعض

ليلي: كدة كل الليله تمام فاضل اهم حاجه

الاء:ايه هيا

ليلي:التصوير

الاء:ابقي خدي تلفوني صورى بيه

ليلي:انا قلت انك غبيه قلتيلي لا يابنتي تلفون ايه ال اصورك بيه مسمعتيش عن حاجه اسمها فوتوجرافر

الاء:لا والنبي متقولي دة بيتحجز قبلها بشهر هنعمل ايه الوقتي

ليلي:هو خطيبك فين مسمعتش منه اقتراح حتي

الاء:لا منا قلتله يشيل ايدة عشان هبهرة

ليلي:تصدقي انا ال انبهرت اة والله غوري من وشي ياالاء

الاء:الله ….خلاص لقيتها البت داليا صلاح صحبتنا فكراها

ليلي؛ايوة صح كنت لسه مكلماها قريب كانت بتعزمني علي خطوبتها

الاء:اشطا طب ايه بقي متكلميها

ليلي:اخيرا ياربي شغلتي دماغك العطلان دة انا عارفه انتي بقيتي دكتورة اذاي

الاء بثقه:بدعوة امي وابويا????????

ضحكت هي وليلي وبعدها كل واحدة روحت بيتها وعدي الليل والفجر اذن قامت ليلي كعادتها صلت الفجر ودعت ربنا وهي بتصلي انها تشوف علي تاني ولو لمرة واحدة وبعدها طلعت قعدت مع عيلتها شويه وسلمت عليهم واستأذنت منهم وخلت ماهر يوصلها لبيت الاء

ماهر:يلا ياستي انزلي والساعه ٨انشاء الله هجيلكم تكونو جهزتو ونطلع علي المكان نظبطه وسلميلي علي الاء عما ابقي اشوفها

ليلي:ماشي ياميمو متتأخرش ورانا يوم طويل

نزلت ليلي ودخلت بيت الاء وخبطت علي البوابه فتحتلها الاء ال كانت صاحيه من بدري ومستنيه ليلي بفارغ الصبر

الاء:اتأخرتي ليه كدة

ليلي:صلي علي النبي يابنتي الساعه ٥الصبح داانا اقنعت عمك صاصا بالعافيه????????????

الاء :والنبي ابوكي دة عسل …ايه ال في ايدك دة

ليلي:الفستان بتاع حضرتك روحت بليل جبته قبل مااروح البيت قلت قبل الزحمه وكدة وكلمتلك داليا هتيجي تعملك سيشن هنا في البيت مع الميكب ارتيست وهتظبطلك الدنيا في المطعم وكلمت المطعم وعرفتهم المنيو بتاع البوفيه عشان ميعملوش حاجه ملهاش لزمه وكلمت الميكب ارتيست اكدت عليها تيجي في معادها وكفايه عليا بقي كدة انا جعانه لسه مفطرتش عندكو اكل ولا هتسبيني واقفه كتير علي الباب وشايله كل الحجات دي

الاء وعنيها مليانه دموع الفرحه حضنت ليلي جامد وقعدت تعيط:ربنا يخليكي ليا ياليلي انا لو عندي اخت مش هتعمل معايا كدة انا بحبك اووووي????????

ليلي:ياعالم جعانه

الاء:انتي طفسه ومبتفكريش غير في الاكل ادخلي يااختي

بعد فترة جه ماهر واخد البنات الاء وليلي وميار وطلعو علي المطعم وبدأو يحضرو المكان ومعاهم الموظفين بتوع المطعم

ليلي:لا انا عاوزة نظام قاعه افهم يابني كل طربيزة عليها ست كراسي وهنا كدة هنسيبها فاضيه كأنها استيدج عشان يرقصو سلو وبالمناسبه تيجي ترقص معايا بدل مااجيبك من قفاك

ماهر:حاضر يامفتريه هانم

ليلي: وهناك كدة هتحط البلالين ال بأساميهم وهناك كدة عاوزة ستارة نور ماشي يلا اعمل ال قلت عليه عما اشوف الاكل وصل لفين

ميار:انا هبط اوووي هو انتو ياناس مبترحموش ليه ها في الاول العريس يخبطني بالعربيه والوقتي العروسه تمرمطني شغل امال لما تخلفو عيال هتعملو معايا ايه????

الاء:انتي حبيبتي يامارو مش كفايه انك السبب في الخطوبه القمر دي

ميار:اممممم ماشي ياستي علي الله بقي يوسف يكون عندة عريس حلو ليا

الاء:داانتي تؤمري تعالي كدة نريح شويه اصل تعبت والله

طلعت ليلي من المطبخ لقتهم قاعدين مبيعملوش حاجه فزعقت فيهم:انتو ياحلوين بتعملو ايه العصر قرب يأذن قومو يلا

ماهر:متهدي يامازنجر مش كدة احنا اتفحتنا شغل ارحمي

ليلي:لسه ورانا حجات كتير اوووي مخلصتش

الاء:تقريبا كل حاجه هنا خلصت مفيش غير الطرابيزات يلا ياشباب نرصهم خلينا نروح بقي

شويه وخلصو كلهم وروحو بيت الاء

ليلي:ماهر استني

ماهر:ايه عاوزة ايه

ليلي:متنساش المشوار ال قلتلك عليه حاول متتأخرش عليا عشان خاطري

ماهر:عنيا حاضر ????

شويه وجت الميكب ارتيست والفوتوجرافر والاء لبست وعملت ميكب وكانت تجنن كانت لابسه فستان كشمير متطرز من الصدر ونازل بنفشه تل بسيطه واكمام شفافه واسعه تحتها كاش مايو مع اساور ديقه علي معصم ايدها وطرحه اوف وايت عليها هيد بيس رقيقه وميكب بينك ناعم

ليلي:بسم الله مشاء الله طالعه تجنني يالولو

الاء:بجد يالي لي انا حلوة

ليلي:حلوة بس يابنتي قولي قمر حوريه كدة يعني بصي كلها دقايق وهننزل نروح المطعم انا هستأذنك نصايه بس هلبس في بيتنا وهحصلك جري علي هناك

الاء:ايه دة هو انتي مجبتيش لبسك هنا انتي بتهزري

ليلي:نسيته غصب عني متقلقيش انتي عرفاني مش هتأخر بس اياكي تلبسي الشبكه من غيري وربنا اصورلكو قتيل انتي حرة

ضحكت الاء:ماشي ياستي بس انتي متتأخريش يلا بسرعه

ليلي:سلام ياقمري

سابتها ليلي وروحت بيتها ولبست بسرعه ونزلت مع اهلها ركبت عربيه بباها ووصلو المطعم

ليلي:انزلو انتو بقي ياحبايبي وانا هجيب طلب ل الاء وهحصلكم في ثواني انا وماهر ماشي

الحاجه كوثر:طلب ايه دة ياحبيبتي الوقتي الناس كلها جوة معقول ياليلي

ماهر:عشر دقايق بالكتير ياماما مش هنتأخر

الحاج مصطفي:طب براحتك وانت سايق ياماهر متتأخروش يلا

نزلو اهل ليلي ودخلو المطعم واهل الاء استقبلوهم استقبال حافل وليلي وماهر سابوهم ومشيو يروحو المشوار

عند علي::::…

نهي:ويكااااااا ويكااااااا انت ياابني هنتأخر كدة دي مش طريقه يلا

قالتها نهي وهي داخله اوضه علي واول ماشافته صفرت بصوت عالي:ايه ياباشا العظمه ال انت فيها دي داانت ولا العريس ياراجل لاااا كدة يوسف هيزعل انت هتخطف منه الانظار

(كان علي لابس بدله توكسيدو سودا وجذمه جلد سودا بتلمع وقميص أبيض وبيفيونه سودا وشعرة العالي الكثيف في غايه الاناقه ودقنه متحددة وكان ملفت للنظر بطريقه رهيبه بس هو كان متعمد دة عشان هو رايح يشوف ليلي مش عشان خطوبه ابن عمه)

علي بأبتسامه:لا دي حاجه بسيطه انما ايه القمر دة تصدقي انتي شبه نهي اختي اووي

نهي:لا ياشيخ بس علي فكرة انا احلي

علي بمرح:هنقعد نعلي علي بعض وهما تحت هيمشو ويسبونا يلا بينا

نهي بضحك:يلا

نزلو كلهم وركبو عربياتهم الفخمه علي ونهي وبباه ومامته في عربيه وعماد وسارة في عربيه تانيه وشويه ووصلو المطعم ال كان متحاوط بنور كتير من برة من اول الباركينج لحد المدخل نزل علي واهله من العربيات ودخلو المطعم واهل الاء قامو يرحبو بيهم ودخلو قعدو وكانو مبهورين ذي كل الموجودين بتنظيم المكان وديكوراته كانهم في قاعه فعلا وبعد شويه جت الاء ويوسف والكل استقبلهم وقعدو في الكوشه وكل دة وعلي بيدور علي ليلي بعيونه في وسط الموجودين بس مش لاقيها

الاء ندهت لميار:ليلي فين ياميار

ميار:مش عارفه لسه مجتش

الاء بصوت عالي مسموع للكل بفعل هدوء المكان:ليلي فين ياطنط كوثر

كوثر:مش عارفه والله ياالاء

يتبع ……