رواية الجريمة الغامضة الفصل السادس 6 بقلم عادل عبدالله

رواية الجريمة الغامضة الجزء السادس

رواية الجريمة الغامضة البارت السادس

رواية الجريمة الغامضة الحلقة السادسة

هيما : خميس بعد شغل المحل كان بيخرج لوحده كتير وسمعت انه عنده شغل بعيد عن الجزارة بس معرفش عنه حاجة .اما سيد كان بعد المحل بيروح البيت علطول ومش بيحب السهر بره وبردو سمعت انه عنده شغل بعيد عن المحل ومعرفش عنه حاجة .
: سيد وخميس بيشتغلوا في المخدرات مثلا يا هيما ؟
: لا يا بيه كنت عرفت طبعا .
: اومال مين في العيلة دي اللي كان شغال في المخدرات ؟
: عوكل بس يا بيه هو اللي كان شغال في المخدرات .
: و كان بيعمل ايه تاني في حياته ؟
: كان بيعمل اي حاجة شمال وبتجيب فلوس .
: اي حاجة زي ايه يا هيما ؟
: معرفش بالظبط بس هو كان معندوش قلب وممكن يعمل اي حاجة .
: كان بيعمل كده ولسه عمره ٢٢ سنة ؟
: ايوه يا بيه ده كان رهيب .
: عوكل كان له اعداء ؟
: عوكل ده كان انسان غريب وسامته وحلاوته خلو بنات كتير تحبه اوي ده غير لسانه وحركاته بيقدر يغش ويضحك علي اي حد في دقايق ده غير قسوته وجبروته وعنفه علشان كده صعب انك تلاقي له اعداء .
: ليلة الحادث لما روحت بيت المعلم قابلت مين هناك وحصل ايه بالظبط؟
: لما روحت هناك قابلت زيزي بنت المعلم واخدت مني اللحمة بتاعت امها و مرات ابوها .
: وبعدين حصل ايه ؟
: مشيت علطول .
: شوفت مين تاني هناك ؟
: مفيش انا لما دخلت طلعت رنيت الجرس علي الست سعدية فتحتلي زيزي واخدت الحاجة اللي كانت معايا وقالتلي انها هطلع لمديحة اللحمة بتاعتها وادتني عشرة جنية ومشيت علطول .
: مشفتش حد تاني هناك ؟
: لأ يا بيه .
: ولما مشيت من هناك روحت فين ؟
: قعدت علي القهوة شوية وبعدها روحت علشان انام .
: قعدت علي القهوة من المعلم عطية ؟
: لأ يا بيه قعدت علي قهوة تانية مع اصحابي .
: وروحت بيتك الساعة كام ؟
: حوالي الساعة عشرة .
: يعني بعد الساعة عشرة كنت في بيتك ومش خرجت منه تاني الا الصبح ؟
: ايوه با بيه ؟
: معني كلامك ان وقت الجريمة كنت في بيتك ؟
: ايوه يا بيه .
: عندك شهود علي كده ؟
: ايوه مراتي وعيالي .
: لأ دول شهادتهم لا يعتد بها ، انا عاوز شهود اغراب عنك .
: صعب يا بيه هجيب شهود منين اني كنت في بيتي في الوقت ده ؟
: طيب بالنسبة لزينة بنت المعلم تعرف مين العريس اللي كان متقدملها ؟
: ايوه ده اخو صاحبتها لكن المعلم رفض علشان كان طمعان في فلوسه و بعدها منعها انها تروح لصحبتها دي تاني .
: تعرف عن العريس ده ايه تاني ؟
: معرفش عنه الا ان اسمه كريم ومهندس لسه متخرج وظروفه تعبانه وساكن بعدنا بشارعين بس كده .
: طيب يا هيما انت هتفضل معانا لحد ما نشوف تفريغ كاميرات الشارع ونعرف انت مشيت من بيت المعلم امتي .
خرج هيما صبب المعلم عطية ثم جلس الضباط سليمان وهشام يتناقشان .
الضابط سليمان : رأيك ايه يا هشام ؟
: والله يا فندم واضح ان الواد هيما ده مش هو اللي قام بالجريمة .
: ليه بتقول كده ؟
: من كلامه واضح المرة دي انه بيقول الحقيقة ومش بيكدب زي المرة اللي فاتت ، وكمان بنيته الجسمانية صعب يكون قام بقتل العدد الكبير ده ومتنساش سيادتك ان جثث اربعة من الضحايا كان عليها اثار مقاومة وعنف ، ده غير ان مفيش عنده الدافع انه يقتل العيلة بالكامل بالشكل ده .
: الي حد ما كلامك صح ولكن كاميرات مراقبة الشارع هي اللي هتثبت اذا كان موجود في مكان الجريمة وقت حدوثها ولا لأ .
: هناخد اقوال المهندس اللي كان متقدم لخطبة بنت المعلم عطية يا سليمان بيه ؟
: تقرير تفريغ كاميرات المراقبة في الشارع علي وشك انه يوصل ، بعد ما نشوفه ونطلع عليه هنحدد هنكمل تحقيق مع مين .
وبعد حوالي نصف الساعة وصلت كاميرات المراقبة وتبين انه لم يدخل البيت اي شخص غريب ليلة الحادث ماعدا هيما صبي المعلم دخل البيت حوالي الساعة ٨ ونصف وخرج بعد ٥ دقائق ولم يعود مرة اخري .
الضابط هشام : شوفت يا فندم الواد هيما فعلا طلع برئ .
: ايوه لكن مين اللي قام بالجريمة ؟
: ممكن يا فندم يكون حصلت مشاجرة والعيلة كلها خلصت علي بعض ؟
: ده احتمال وفي احتمال تاني ان يكون المعلم عطية قتل كل عيلته وانتحر لكن الاحتمال الاقوي ان الجاني او الجناة هبطوا علي المنزل من السطح وقاموا بجريمتهم .
: يبقي كده هنحتاج نعيد استجواب حمدان ومراته تاني .
: ابوه وكمان جاره التاني اللي اسمه عبد الوهاب وعياله .
: يبقي كده القاتل اما من عيلة حمدان او من عيلة عبد الوهاب او المعلم نفسه او تكون مشاجرة قتلوا بعض كلهم فيها .
: احتمالية انها تكون مشاجرة بينهم دي مرفوضة لأن لو كانت مشاجرة