رواية حور الفهد الجزء الثاني الفصل الخامس عشر 15 بقلم ميسون عبدالمجيد

فهد بصدمة:انتو بتعملو ايه

الاتنين بصو لبعض بصدمة وخوف

ولان عاصم كان قاعد قدام كرما فا كان مداريها لا فهد شايفها ولا هي شيفاه

عاصم بهمس وبيجز علي سنانه:غمضي عينك موتي اغمي عليكي أي حاجة

كرما بهمس:انت بتتنيل تقول ايه

عاصم بهمس:هينفخنا اقسم بالله

كرما بهمس وغيظ:منتا كنت عامل سبع رجالة في بعض من شوية

فهد بصوت عالي:في ايه

عاصم بهمس وعصبية:غمضي بقلك

كرما رجعت راسها لورا وغمضت عنيها علي اساس انها فقدة الوعي

عاصم بيبص لفهد

عاصم بتمثيل القهر:مش عارف ي فهد بيه مش عارف كنت جاي اديها الورق دا فجأة اغمي عليها

فهد بصدمة وخوف:بتقول ايه

عاصم عمال يدي كرما بالاقلام بس براحة

عاصم بيمثل الخوف:كرما كرماا كرمااا

فهد قرب منهم وبردو عمال يفوقو فيها وكرما مسكا نفسها من الضحك بالعافية

عاصم جاب ازازة ميا وبدء يبلل بأيده علي وش كرما

كرما بتمثل انها بتفوق:هاا اااه ي رأسي

فهد بقلق:مالك ي حبيبتي حثا بأيه وحصلك ايه

كرما بتمثيل:لا بس دخت شوية منمتش كتير امبارح

فهد:طب تعالي نروح المستشفي نطمن

كرما:لالا أنا تمام

فهد بشك:ماشي

فهد مشي خطوتين

عاصم:هو حضرتك كنت جاي ليه

فهد افتكر:اه صحيح نسيت كنت جاي ادي الملفات دي لكرما ترتبها

كرما بضيق وغيظ:هو مش حضرتك عندك سكرتيره ودا شغلها

فهد بصلها ببرود:عادي أنتي مكنها

كرما بصتله بغيظ

فهد مشي وصل لغاية الباب

فهد لعاصم:وانت قاعد عندك بتعمل ايه

عاصم بلا مبلاه: قاعد

فهد بحدة:اتفضل علي مكتبك

عاصم قام بخوف وماشي بيبرطم

كرما بصوت واطي شبه مسموع:احسن

عاصم كان خرج بصلها بغيظ ومشي وفهد كمان

وكرما كملت شغل

::::::::::::::::::::::::::::::::::::::::::::::::::::::::::::::::: عند ميرا

ميرا راحت الدرس بس لاحظت عدم وجود خديجة بدأت تقلق

خرجت من السنتر بس وقفها صوت شخص

:احم لو سمحت ي انسة

ميرا اللتفتت للصوت

ميرا بحدة:نعم

زياد:انا مستر زياد عندي ٢٣سنة متخرج من اداب لغة فرنسية بقالي سنة وبقالي شهر بشتغل في السنتر هنا 

ميرا بجد وضيق:ايوا أنا مالي بكل دا هطلع لحضرتك بطاقة ولا ايه

زياد ضحك:هه دمك خفيف

ميرا بغضب خفيف:ايه الجنان دا عن اذنك ي استاذ

زياد بسرعة:استني استني أنا بقلك كل دا عشان  بقالي شهر من يوم ما جيت وانا بشوفك وبصراحه اعجبت بيكي وعايز اتقدملك

ميرا بحدة: وأنا مليش في كل دا ووقفتنا في الشارع دي متنفعش قدام اصحابي

قطع كلامها عربيه عمر عدة من قدمها

اكملت ميرا وإللي بيتقدم لحد بيدخل البيت من بابه مش بيوقفه في نص الشارع كدة عن اذنك

في عربية عمر كان قاعد هو ويزن مستنين ميرا وعمر جاي مخصوص عشان يعرف خديجه جت ولا لأ

يزن بغيرة وغضب:ايه دا مين إللي واقف معاها دا

عمر:مش عارف

يزن بغضب وغيرة:ايه ياد البرود دا ياد دي اختك

عمر بنرفزة:ايوا انت شفته واخدها في حضنه يعني اكيد المستر بتاعها

يزن بصله بضيق وغيرة وعمر نزل من العربية عشان يشوف ميرا وقفه مع مين

بص لقاها جيا

ميرا بأبتسامة:لالالالالالا

عمر:في ايه ي مجنونة

ميرا:متقولش انك بقيت اخ جدع بقي وهتوصلني

عمر ضحك:اه يختي عشان تعرفي أنا بحبك واخ اصيل ازاي

واكمل بأمل:ها قابلتي خديجه

ميرا بحزن:للاسف لأ

عمر بقلق شديد:لا كدة في حاجة لازم نصرف

ميرا بحزن علي عمر:خلاص أنا نرجع نشوف حل إحنا وقفين في الشارع

وبصت كدة لقيت يزن

عمر ركب وميرا ركبت ورا من غير ما تبص ليزن حتي

ويزن قرب يتجنن وبزات لما شفها وقفة مع راجل غريب

بدؤ يتحركو بالعربيه

عمر لميرا:مين إللي كان واقف معاكي دا دا المستر بتاعك

ميرا حبت تضايق يزن لانه كان باين من نظراته الغضب

ميرا بصت لعمر في مرايا العربية

ميرا ببرود:اما نروح هقلك ي عمر

عمر:تمام

يزن بصلها في مرايا العربية بكل غيرة وغضب

وهي بصت من الشباك ببرود

مشيو شوية

يزن بضيق:نزلني علي جنبك

عمر بضيق:منتا بيتك لسة عليه

يزن بضيق: أنا عايز انزل هنا

عمر وقف بيبرطم:احسن

يزن بصله بغضب ونزل

ميرا بأستغراب:مالكم انتو متخنقين ولا ايه

عمر:مش عارف بقاله كذا يوم متغير كدة وغريب

ميرا بزعل:ميصحش بردو انت ضايقته

عمر بصلها بحزن ومشي

كملو الطريق عادي

:::::::::::::::::::::::::::::::::::::::::::::::::::::::::::::عند عاصم وكرما

خلصو شغل

ونزلو سوا ركبو العربية ومشيو

مرة سعات حتي عم الظلام

:::::::::::::::::::::::::::::::::::::::::::::::::::::::::: عند ميرا

ميرا قعدة في اوضتها علي مكتبها بتذاكر

الباب خبط

ميرا:اتفضل

عمر دخل قعد قدام ميرا

عمر:ايه

ميرا بعدم فهم:ايه

عمر:حوار خديجه لازم نعرف حصل ايه

ميرا بصتله بحيرة:مش عرفة دي اول مرة متتصلش وتقولي انها مش راحة درس وكمان متصلتش بقلها يومين

عمر بقلق:والحل

ميرا بحيرة:مش عارفه

هو أنا اعرف عنوان بيتها

عمر بفرحة:بجد طب كويس تعالي نرحلها نشوف في ايه

ميرا:يا بني نرحلها فين دلوقت بكرة معندناش دروس نرحلها بكرة

عمر بقلة حيلة:تمام

واكمل بتحزير:هجيلك بكرة الساعة عشرة هخبط عليكي مرة وحدة الاقيكي خرجة سمعه

ميرا بضيق:ليه عشرة أن شاء الله هنروح نبيع للناس لبن

عمر وهو بيخرج:عادي

______________________________اشرقت شمس يوم جديد

عند خديجة

خديجه وقفه في المطبخ بتعمل الفطار ووشها بهتان وعنيها ورمه من كتر العياط

رامي دخلها

رامي بجمود وحدة: أنا رايح البنك

خديجه بحزن:مش هتاكل

رامي بصلها بضيق:مش محتاج اقلها كل شوية كل إللي بيني وبينك اتقطع خلاص

رامي سبها ومشي وهي حزينة جدا وبتلعن نفسها كل لحظة علي إللي عملته

:::::::::::::::::::::::::::::::::::::::::::::::::عند ميرا

كانت الساعة اتناشر

عمر واقف قدام اوضة ميرا و وبيخبط علي الباب بصوت عالي

عمر بصوت عالي:وربي ي ميرا لو دخلت هعمل فيكي عمايل

ميرا بنوم وهي حطا مخدة علي رأسها:حاضر حاضر اديني بلبس الكوتش وجايه

عمر بغيظ وصوت عالي:والله العظيم لو دخلت ي ميرا هجيبك من شعرك 

ميرا نفخت بضيق لانها عرفاه ممكن يعمل كدة

بعد وقت كبير 

خرجت ميرا لقيت عمر واقف قدام اوضتها وساند علي الحيطة ووشه ميدلش بالخير ابدا

ميرا بأبتسامة خوف:احم ايه يسطا بقالي ساعة مستنياك اتأخرت ليه

عمر بعنين حادة:ميرا امشي قدامي ومسمعش نفس كدة نفس

ميرا بصتله وضحكت ومشيت قدامه

نزلو هما الاتنين وركبو العربية واتجهو لبيت خديجه

::::::::::::::::::::::::::::::::::::::::::::::::::::::::::::: عند كرما

كرما قعدة في الجنينة لوحدها وسرحانه

حور من وراها:الجميل سرحان في ايه

كرما بأبتسامة مصطنعه:ولا حاجة

حور وهي بتقعد جنبها:عليا بردو

كرما ابتسمت وبصتلها بحيرة

حور:احكي صدقيني مش هتلاقي حد يفيدك زي

كرما:مش عرفة حثا إني اتسرعت في موضوع الجواز وكمان كتب كتاب علي طول كدة وسعات كتير بفكر ان ممكن اسيب عاصم

حور بأبتسامة:عادي جدا تعرفي أنتي الاحساس دا هيفضل يجيلك يمكن بعد ما تجوزو وتخلفو

كرما:بجد يعني أنتي كمان كنتي كدة

حور بأبتسامة حب:طبعا بس يمكن الاحساس دا جالي بعد ما حبيت فهد واتعلقت بيه اكتر كانت بيجيلي سعات احس إني مربوطة معاه وإني نش اخدة حريتي وعليا مسؤليات بس هو كان بيمحي كل الاحساس دا من نظرة منه

وكمان كل ما معاد الفرح يقرب قلقك دا هيزيد اكتر بس الفرق بقي بين جوزك إللي هيقدر يطمنك

كرما بأبتسامة:هو أنتي بتحبي بابا للدرجة

حور بأبتسامة:بحبه الحب دا بتاعكم انتو كلام فاضي انما إحنا عدينا مرحلة الحب دي من زمان اوي فهد دا مفيش كلمة تقدر توصف حبي ليه حبيبي وعشيقي وكل دنيتي

فهد جه من وراها حضنها من ضهرها

فهد بحب: وأنتي هتفضلي طول عمرك حبيبتي وبنتي وصحبتي وامي واختي ومراتي

حور تبت في ايده وبصتله بحب

كرما قعدة بتبصلهم بكل حب

::::::::::::::::::::::::::::::::::::::::::::::::::::::اما عند ميرا وعمر

ميرا طلعت لخديجة وعمر قاعد مستنيها في الشارع

وساند علي عربيته وفاتح الفون

عمر واقف قلقان بس شاغل باله بالفون

رامي من وراه وخبط علي ضهره

رامي بحدة:انت مين

عمر بصله بعدها بص لمكان ما خبط بضيق:نعم

رامي بضيق:انت مين وواقف عندك بتعمل ايه

عمر بضيق:ليه هو حضرتك ظابط ولا ايه وماشي تتعرف علي خلق الله

رامي بضيق وحدة:لا ي خفيف بس حضرتك واقف قدام بيتي واظن من حقي اعرف واقف ليه

عمر نفخ بضيق:اختي جيا تسأل علي صحبتها وانا مستنيها

رامي بصله بضيق من فوق لتحت وسابه وطلع

وكانت ميرا نزلة بس مأخدش باله منها

ميرا ركبت مع عمر

عمر بلهفه:ها في ايه

ميرا:اتحرك طب من قدام بيت الناس وتعالي نقعد في اي كافيه

عمر بصلها بقلق ومشي

بعد وقت وصلو كافيه

عمر قعد هو وميرا

عمر بتوتر:ها يبنتي احكي

ميرا بحزن:لما كنت بتكلمها اخوها…..وحكلته كل إللي حصل

عمر بصدمة:ايييه معقول

ميرا بحزن:وهو مش بيكلمها وهي ي روحي زعلانه خالص وكسرت الفون ولا بتروح دروس ولا أي حاجة

عمر بغضب:وليه كل دا حد قله إني بتسلا بيها أنا هرحله واطلب اديها

ميرا بهدوء: عمر الناس بتبص علينا اهدي وبعدين مش هينفع تقابله نهائي دلوقت

عمر بضيق:ليه

ميرا:عشان هو دلوقت مش طايقك وحالف انك لو اخر راجل في الدنيا مش هيجوزهالك

عمر بغضب:ايه الغباء دا هو فاكر نفسه ايه وربي هتجوزها غصبا عنه

ميرا بهدوء:عمر اهدي واعقلها كدة لو انت اكتشفت إني بكلم شاب من وراك انت وبابا هترضي إني اتجوزه

عمر بصلها بضيق بضيق

ميرا مسكت ايده بحنان:صدقني اهدي واستني أما هما كمان يهدو انت مش كدة كدة كنت مش هتكلمها تاني لغاية ما الامتحانات تخلص اصبر

عمر قاعد متعصب ومضايق جدا من نفسه

عمر بغضب وعنين حمرا:ميرا اتصرفي وهتيلي رقم اخوها دا واسمه أي وقت تقابلك في هاتيه منها بأي حجه

ميرا بحزن:عمر متتسرعش عشان متندمش

عمر بحدة:ميرا اعملي إللي قلتلك عليه

ميرا بصتله بحزن

عدي بقيت اليوم بدون احداث تذكر

____________________________________________

عدي كام يوم علي نفس الحال كرما وعاصم بيتعلقو ببعض اكتر وحبهم بيكبر وكمان حسام وديما بيحبو بعض اكتر وجنانهم مع بعض ورامي وخديجة علي نفس حالهم مش بيكلمو بعض وخديجة بقيت شبه الهيكل العظمي ورامي مضايق عليها بس لازم يعاقبها وكمان عمر اتغير جدا وخس ووشه بقي دبلان ودقنه كبرت (بس طبعا دا زاده جمال ????????????)

وكمان ميرا بتذاكر عشان امتحانتها ومش بتقابل يزن خالص

———_——————––——————_———

وفي يوم

عمر اتصل بأخو خديجة ومقلوش هو مين بس قابله بحجت انو عايز يتقدم لاخته ووصفله هو قاعد فين ولابس ايه

عمر قاعد في الكافيه متوتر وقلقان جدا

وفجاه دخل رامي واول حاجه بص لعمر

ورامي مش مصدق انو ممكن يكون هو وجاله برجله

وعمر بيتمني ميكنش هو عشان مش بيطيقه 

عمر اضطر يقوم يشوفه

رامي بضيق:انت اسمك ايه

عمر بضيق: أنا بشمهندس عمر فهد العمري

رامي بغضب:هو انت

عمر بهدوء رغم الغضب إللي جواه:ممكن تهدي ونقعد نتكلم

عمر مشي ورامي وراه ورامي نفسه يمسكه يقتله

قعدو وكل واحد جواه كره للتاني

رامي بعنين حادة وغضب:تعرف إني نفسي امسك اقتلك

عمر بنرفزة:بقلك ايه احترم نفسك واتكلم عدل

رامي بصوت عالي: أنا محترم غصب عنك

عمر بيضغط علي شفايفه بغضب

عمر بهدوء: أنا طالب ايد اختك علي سنه الله ورسوله

رامي ضحك بسخرية:لا والله وعلي كدة هتجيب دهب كام والمهر اه والمؤخر اهم حاجة المؤخر

عمر بضيق: أنا مبهزرش

رامي بغضب: وأنت لو اخر راجل في الدنيا مش هجوزك اختي بقي ي راجل ي محترم قاعد تكلم بنت في نص الليل طب خاف علي اختك

عمر بغضب:لاخر مرة هقلك اتكلم عدل مش عشان محترمك هتزيط لو اختي عملت كدة في يوم من الايام هصاحبها ابقي حنين عليها واعرف ليه تعمل كدة مش اقعد اعزب فيها من غير تفكير

رامي بغضب:وانت مش هتعملني ازاي اتعامل مع اختي زي منتا ليك طريقتك في تعاملك مع اختك أنا كمان ليا طريقتي مع اختي

عمر اخد نفسه بتعب:والحل أنا اهو ومستعد نكتب الكتاب دلوقت

رامي بحدة:وانا سبق وقلتلك لو انت اخر راجل في الدنيا مش هتجوز اختي

رامي سابه ومشي

وعمر قرب يطق من كتر الغضب

اخد مفاتيح عربيته ومشي

:::::::::::::::::::::::::::::::::::::::::::::::::::عند خديجة

خديجه قعدة بتزاكر وحزينه سمعت الباب اتقفل جريت علي رامي

خديجه بلهفه:احضرلك الاكل

رامي بحدة:لا

واه صحيح الاستاذ قابلني وطلب ايدك وأنا قلتله لو اخر راجل في الدنيا مش هجوزك اختي

رامي سابها ودخل وهي دموعها نزلت دخلت المطبخ وفضلت تفكر

بعد وقت كثير

حور بقلق:اتصلي علي اخوكي تاني

كرما بقلق:ي ماما مش بيرد

حور بقلق شديد:وبعدين دا من الصبح خارج ومش بيرد

ميرا بقلق بداريه:اهدي ي ماما انت عارفة عمر لما بيبقي مضايق بيحب يقعد لوحده

حور راحة جيا وقلقانه وفهد كذلك

اما رامي سمع حاجة دبت طلع يجري

فضل يدور في البيت كله علي خديجه ملقهاش دخل المطبخ

رامي بصدمة:خديجااااااا

اما عند فهد

حور:لالا ابني في حاجة

فهد:اهدي ي حور اهو بيرن

فهد بقلق: اللو ي عمر فينك من الصبح قلقتنا

متصل:حضرتك ي فندم صاحب التليفون دا خبط في ترله وهو دلوقت نقلناه عالمستشفي

فهد بصدمة:اييييييه