رواية غرام العاشق الفصل الخامس عشر 15 بقلم ميرو أحمد

انا ????????: ايهاب بعد ماتنساش انه بكرا فاتحتك خلاص ساد عذبتني امعاك طلقني الله ايخليك خلاص معاش نقدر نتحمل اكثر من هكي معاش عندي طاقه

ايهاب حط صبعه علي فهمي وسكتني: اسسس قلنا طلاق انسيه من قبل مانبي انطلقك وتوا ولدي في بطنك ماتحلميش في الطلاق  

انا قعدت انبكي ونضرب فيه علي صدره ???????? ليش الانانيه انت واحد اناني ???????? حسيت بعيوني ايغبشو معاش شفت شي

ايهاب انخلغ كيف فجاه ارتخت بين ايدينه مسك وجها يمسح بي يده الي ترجف من الخوف

ايهاب ???? :غرام حبيبي تسمعي فيا

مافيش اي اجابه دخل في قلبه الخوف ???? رفعها علي الصالون وخش يجري لي المطبخ عبا كاس اميه وايده ترجف نص الكاس انكب في الطريق  

حاول ايهاب ايفيقها فاقت بس دايخه

ايهاب تنهد براحه ومسك وجهي من الميه: حبيبي كنك شن صارلك

انا كنت مش قادره نفتح اعيوني و راسي تقيل والم في اقربتي

ايهاب:غرام تسمعي فيا

انا ????:امم

ايهاب بخوف: انشيلك للمستشفى

انا،،،بصوت مرخي ااه

ايهاب: لالا مايصيرش هكي ،، وقف بسرعه وخش لي الدار  فتح الدولاب ايقلب لين طلع عبايه وشاح،،، ورد لي الصاله

مزال غرام في نفس الوضعيه صوت انينن بس ساعدها ولبسها العبايه وطلع بيها بسرعه للمستشفى والخوف مالي قلبه مش عارف كيف يتصرف مايبي يخسر غرام ولا بي اي شكل من الاشكال كان يجري بسرعه رهيبه في 8 دقائق وصل المستشفى ونزل بيها يجري وخدوها منه الدكاتره قعد واقف في الممر ايراجي فيهم يطلع اي حد ايطمنه عليها

.

.

.

.

.

.

.

.

.

عند مصطفى كان امقعمز في دار الضيوف في شقة ايهاب بعد لم حوسته وحاجاته ايراجي في ايهاب ايجي لانه امكلمه قاله توا انجيك

“”كل القصه انه مصطفى طلب من ايهاب مبلغ عشان حصل شقه بي ايجارها وصاحب الشقه قال تدفع عربون سنه لقدام لو نبي تسكن فيها لو تدكرو مكالمة مصطفى نهاية حلقه السابقه المهم مصطفى كان ايجمع في افلوسه عند ايهاب من قبل وطلبهن منه وهدا سبب الي روح ايهاب وقت كانت الي غرام تحكي علي التليفون “”

رن تلفونه جي بيفتح يحسابه ايهاب بعدها ركز في الاسم ريهام استغرب لانه من قبل ما ايدير الحادث ما اتصلت بيهبس تفكيره طول رفعه لي هيتم خاف ايكون صاير شي رد بسرعه  

مصطفى: ايوا

ريهام: سامحني ع الازعاج في الليل 

مصطفى:لا عادي في اي وقت اتصلي  كنك صاير شي

ريهام: لالا غير المكلوب هذا قال بيك انت واعده تطلعو

مصطفى ضحك: حي عليك نسوه وربي انشغلت في كم موضوع

ريهام: هههه حي عليك هدا عاقدها وزعلان منك ماينسا شي ره من المغرب لبس ويرجا فيك

مصطفى: قاعد جنبك هوا

ريهام: لالا خليته امع باتي ايراضي فيه

مصطفى ضحك: شكلها زعله كبير ???????? الفرخ هذا ما ينسا حاجه

ريهام: وانت ليش توعد فيه لو مشغول

مصطفى: موضوع صارلي بسرعه لهيت فيه مشيت شفت الشقه وانشغلت امع ايهاب خدانا الوقت

ريهام: اها  

مصطفى: عطيني انكلمه هل الفرخ بالك يرضا 

ريهام: تمام خليك ع الخط انجيبه وانجي  

مصطفي: به

ريهام خلت تليفونها ع السرير وطلعت لي امها وبوها في الصاله

بابا: تعالي ارفعيه اولدك هذا كان احرج شن ايرضيه

هيثم رفع راسه ايشوف لي بابا واعيونه ملينات ادموع

بابا ضحك: شن تبي نديرلك قتلك نطلعو انا وياك قلت ماتبي

هيثم ????: ماحب الشياب اكبار ما حلو جوهم 

بابا: اشي اشي يافرخ الحق في الي يرفعك نوض يا امعفن

ماما ضحكت: ماهو حق شياب اكبار اصدق العيل

ريهام: تعال ياماما  

هيثم نزل من جنب بابا ومشالها

بابا: الفرخ هذا ادلع واجد تي معاش يرضيه شي

ماما: هكي الصغار 

ريهام رفعت هيثم وخشت بيه وخلت ماما وبابا ايهدرزو علي تربايته الصغار ???? عاد لقيو في شنو ايهدرزو

ريهام اتبوس فيه ع خده: تعال ماما في حد يبي ايكلمك ع الفون

هيثم ????:من ماما

ريهام قعمزات ع السرير و رفعت التليفون فتحت السبيكر: حد ايحبك وااااجد

هيثم بزعل: عمو ثح

مصطفى: ياشين قتلك قول بابا مش عمو

هيثم سمع الصوت زاد كشر ????: مش شين انا

مصطفى: شين ونص اكيد توا تبكي زي البيبي وامكشر  

هيثم خنقاته العبره ????: ماما قوليله

ريهام ضحكت: كنك يامصطفى امع اوليدي ???? 

مصطفى: ولدك واحد زعال وشين ويبكي زي البيبي

هيثم قعد يبكي ????

ريهام:  حرام عليك زدت بكيته

مصطفى ضحك: خلاص يا بكاي سامحني حبيبي كنت مشغول ماقدرت انجيك

هيثم يبكي: انت وعددتني

مصطفى: ماهي ماتبي تعرف المفاجاه الحلوه شفتها اليوم

هيثم: ما نبي اصلا انا زعلان منك ????

مصطفى ضحك: تؤتؤ اتفوتك حاجه حلوه بكل

هيثم يمسح في دموعه: سن به

مصطفى: اول شي قولي سامحتك ومش زعلان ومانبكي وانحبك بابا

هيثم: باهي اتقولي بعدها سنو المفاجاه

مصطفى ضحك: اي 

هيثم: سامحتك مس زعلان انحبك بابا

ريهام ضحكت: عليك مصلحه

مصطفى:ههههههه بكل الفرخ

هيثم: به سنو المفاجاه

مصطفى: مافيش مفاجاه 

هيثم دمعو عيونه ????????

ريهام: حي كان اتشوف شكله

مصطفى ضحك: انبصر عليك ههه صح مره قتلي تبي بيت انعيشو فيه امع بعضنا

هيثم مزال خنقته العبره ????:اي

مصطفى: خلاص اليوم انا مشيت شفت البيت الي نسكنو فيه امع بعضنا

هيثم بفرحه ????:حتي ماما

مصطفى:اي حتي ماما

هيثم ????: الله

مصطفى ضحك: ههههه اي

هيثم ????:هيييييي بنسكنو مع بعضنا، ،،، انحبك بابا انا مش زعلان بكل ???????? 

مصطفى ابتسم: وحتي انا ياعيوني بكرا نمشو نحجزو دارك باهي

هيثم بفرحه ????: نبيها كلها سيارات زي الصوره الي عندك

مصطفى:حاضر ادلل كم عندي هيثم نا

هيثم: واتكون زرقا

مصطفى:حاضر

هيثم ????: ماما سمعتي بابا شن قال

ريهام طبست باست راس ولدها وعيونها امدمعات واتشوف في ولدها كيف يفرح بي ابسط شي كان فاقده هوا الاب في حياته فعلا عرفت قرار جدها كان صح هيثم محتاج لي اب  في حياتها موافقتها علي مصطفى كان الخيار النسب والصحيح لانه مصطفى الوحيد الي يقدر ايقدم حنان الاب لي هيثم ???? برغم الاب ما يتعوضش بس هيثم من جاء ع الدنيا ماشاف بوه ولا لقي الشخص الي ايقوله بابا اول ما ايطيح ايشد يده ???? 

ريهام: اها اسمعت شفت انت زعلان ع الفاضي البابا كان ايفكر فيك توا قوله اسف بابا

هيثم: بس هوا وعدني

ريهام: شن قلت انا

هيثم:اسف بابا بس ترفعني انت وعددتني نمشو 

مصطفى: حاضر لمه نفضه نمشو الملاهي باهي نمشو حتي ناخدو دارك تمام بس مش بكرا

هيثم: به  

مصطفى: خلاص انت ارقد توا 

هيثم : به نزلت طلع يجري فرحان 

ريهام: هرب الفرخ توا ايبث الخبر كامل لباتي

مصطفى: عادي شن المشكله ???? عارفه ما تنبل في فمه فوله

ريهام : باهي تصبح ع خير نمشي انشوفه شن بيلبز من الكلام

مصطفى :وانتي من اهله بكرا بنبعتلك امانه امع امي

ريهام استغربت: شن

مصطفى ضحك: وانا انقول هيثم طلع فضولي لمن هههه مافيش بكرا تعرفي

ريهام: مش فضوليه بس استغربت شن امانه

مصطفى:بكرا تعرفي

ريهام: تمام

مصطفى: سلام

  صكر مصطفى

ريهام بعد سكر مصطفى طلعت وراء هيثم ???????????? لقياته قايل كل شي لبابا وماما يضحكو عليه ????????

تحشمت رجعت لدارها

.

.

.

.

.

.

.

.

.

عند ايهاب كان ايراجي برا  طلع الدكتور وامعا الممرضه

ايهاب قدم بخطوات سرعه اتجاه الدكتور

ايهاب: طمني يادكتور عليها

الدكتور: انت زوج المدام

ايهاب: اي طمني يادكتور 

الدكتور: المدام حالتها تعبانه عندها نقص في التغديه وهبوط حاد 5 وضغطها نازل وهدا خطر علي الطفلين  

ايهاب مش مستوعب: طفلين

الدكتور: اها المدام حامل بثوأم ماعندكش خبر

ايهاب قلبه يرجف من الخبر خوف وفرح في نفس الوقت احساس حلو ❤️ هز راسه ب لا 

الدكتور: الف مبروك  

ايهاب بفرحه:الله ايبارك فيك بس شنو وضع زوجتي توا  

الدكتور: المدام صحتها تعبانه دمها 5 لو ما لحقتهاش كان وضعها تازم اكثر وايصيرلها انيميا في الدم والضغط نازل قلة تغديه شكله ليها فتره مش واكله اكويس هذا ليه ثاثير سلبي ع الحمل خاصة المدام حامل بثوأم طبيعي الجنين بيتغدا من جسم امه والام ماتاكلش من وين بياكل الجنين هدا خطر علي حياتهم لازم تنتبه لصحتها واتكون حريصه اكثر واتابع دكتوره  

ايهاب تنهد بحزن من الحاله الي وصلتها غرام من وراه لعن روحه وفي الساعه الي فكر يتزوج فيها في اليوم الي تعرف ع رهف  قعد يتكلم امع الدكتور علي حالة غرام

ايهاب:يعني مانقدرش انروح بيها اليوم

الدكتور: لالا حتقعد عندنا لين يتحسن وضعها  

ايهاب:  تمام نقدر انشوفها   

الدكتور: اي والف سلامه عليه ورد بالك عليها اكثر

ايهاب: تسلم ان شاءالله  

خش ايهاب والدكتور مشا

ايهاب وقف ايشوف لوجه غرام كيف اصفر ودابل وعلي الابره الي في يدها ((كنوله)) مسك يدها وقعمز جنبها ويمسح بطرف صبعه علي كف يدها ايحرك فيه ببطئ  

ايهاب ????:معقوله غرامي كنتي بتحرميني من اصغاري ليش بس عارف روحي نذل وحقير ومانستحق ذرة حب من قلبك بس تحرميني من خبر حلو زي هذا شن كنتي متوقعه نعزق اصغاري وامهم ره ماتعرفيش مكانتك عندي انتي اهم من كل شي صح كنت انكدب في روحي في البدايه بس طلع فعلا انا انحبك انا مانسوا ولا شي بلاك انا كنت انوهم في روحي انه انحب رهف بس طلع حبي ليها مش قوي الي انتي بساطه كسرتي الحب هذا وملكتي قلبي وحبيتك كل شي فيك ايهبل فيا بعد انشوف اعيونك انضيع معاش نعرف شن ايصيرلي ،،،،، تنهد بحزن وباس يدها،،،، مانقدرش انشوفك ضعيفه ولا مضايقه ادموعك يحرقو فيا وربي نتعذب بعد انشوفهن ولا لمه تبكي في حضني ???? عارف انا سبب في كل شي صار

لكن ورب الي خلق الروح فيا انا انحبك ماعمري حسيت بالحساس هذا الا امعاك ❤️ يعني هنت عليك لدرجة ماتبيش نعرف انك حامل لو ما بالصدفه سمعتك كلامك امعا صاحبتك ره ماحكيتلي ولا تكلمتي ،،، رجع باس يدها،،،، شن كنتي متخيله انا انقارنك بحد ولا انخيرك اكيد بنختارك انتي ليش مش واتقه في روحك عارفه العيون هذين مانقدر نستغا عنهن لو بعيون الدنيا كلها انا مستحيل في يوم انخليك انا اصبحت في غرامك عاشق ❤️ ابتسم ايشوفلها ويتامل فيها  

قطع انسجامه رن تليفونه كان مطصفى  

ايهاب: اييي عليك نسوه رد عليه  

مصطفى ????: وينك ياراجل هذي اشويا وراجع شكلك سكنت غادي  

ايهاب وقف مشاء اتجاه الروشن : قاعد في المستشفى انا انسيتك بكل

مصطفى انخلع: كنك فيك شي

ايهاب:  لالا انا تمام غير غرام تعبت اشويا 

مصطفى: لانك حقير مش امفكر فيها تي لو انا مكانها راه قتلتك وحق ربي وفعلا اناني

ايهاب:كملت كلامك

مصطفى: تي لو نقعد ندوي سنه مش حتفهم ادماغك ميت فيه احمار شكله والله انت الخاسر باهي

ايهاب: من قالك انا الخاسر انا غرام مستحيل انتخلا عنها

وبالخص توا حامل

مصطفى: لو فعلا راجل دير موفق بس عشانك ولدك والف مبروك يا الاب الاناني برغم ما تستحقها بكل

ايهاب ضحك: ههههههه اقسم بالله كنت بندير حاجه فيها فايده ليك بس بلاش منها ما تتساهل

مصطفى: فايده وتطلع منك

ايهاب: باهي ماتستاهلش اصلا

مصطفى: باهي شن الحل شن بدير توا

ايهاب ابتسم ولف ايشوف في غرام كيف راقده:  الحل قاعد عندي وعارف المره هذي مش حندم نهائي

مصطفى: شن رد بالك تظلم البنت امعاك ايهاب ماتنساه هذي قبل ما اتكون مرتك هذي بنت عمك عظم ارقبتك رد بالك تغلط لو بتكمل بزواج انا بيدي ناخدها منك انرجعها لبيت عمي امعززه امكرمه مش كان ماعندها خوت تستقوه عليها صح انا خوك بس بعد انشوف خوي الي اكبر مني يغلط مش مجبرو نسكت علي الغلط الي انشوف فيه البنت ماليها ذنب تتعذب امعاك الي ما نرضا لخواتي ما نرضا لبنت الناس وبنت عمي حتي لو كان خويا هوا الغلطان  

ايهاب :من قالك انا مستقوي عليها عشان ماعندها خوت  انت افهم بعدها تكلم 

مصطفى: تفضل احكي خليني نفهم

ايهاب بدا يحكيله

.

.

.

.

.

.

.

.

.

.

.

تاني يوم في الصبح

ايهاب: عادي يادكتوره لو عطيتها نسبه منوم ازياده مش اثاتر فيها

الدكتوره: لالا اصلا دواها في نسبة منوم والابره الي تاخد فيها فيها نسبة منوم

ايهاب: تمام 

الدكتوره :ليش ماتبيها اتنوض توا

ايهاب:  لالا نبي انديرلها مفاجاه زي ماحكيتلك ماتعرفش بالحمل

الدكتوره ابتسمت: ربي يحفظكم لبعض واينوضها ليك سالمه ❤️ واضح فرحتك بالحمل

ايهاب:  ان شاءالله ويحفظك مافيش حد ما يفرح لو قالوله بتكون اب ❤️???? 

الدكتوره: ربي ايدوم فرحتك عقبال انشوفهم في يدك

ايهاب ابتسم وخياله رفعه تخيل روحه رافع الاصغار ❤️???? 

الدكتوره: تمام انا توا عطيتها دواها كل ساعتين انمر عليها وعندها تحاليل وفحوصات لازم اديرهم بعد اتنوض

ايهاب: تمام

طلعت الدكتوره

ايهاب طلع تليفون ورن علي مصطفى

ايهاب: ها شن صار امعاك

مصطفى:صبح يافتاح كيف فتحت عيني

ايهاب: الساعه قريب 9 وانت مزال راقد تي نوض انا عابي عليك حتي تميت الموضوع

مصطفى:ياعليك قصه باهي نايض خلاص

ايهاب: مر ع البيت خود الفلوس مكان الي قلته ليك توكل انا نص ساعه بالكتير نزرق ع البيت وانرد لمستشفى مانبيش انخلي غرام ابروحها

مصطفى: ربي يهديك لو خبرت العليه احسن راه امعاها امي وعمتي والبنات

ايهاب:قتلك مانبيش حد يعرف بالموضوع لين انهدي غرام اما الباقي ساهل والموضوع هذا مانبيش حد يعرف بيه

مصطفى:تمام فاهم عليك هيا طير من وجهي طيرت النوم من عيوني طيرت النوم من اعيوني  

ايهاب: مصلحه ياقلبي

مصطفى ضحك: مصلحه جدك هذاك وربي انكمل نومي

ايهاب ضحك: عيب تغلط في الحاج

مصطفى: لو كان سمعت كلامه الحاج ما هذا حالك  

ايهاب: توا نسمعوه الكلام عندك انت انا عرفت غلطي وين وقاعد انصلح فيه اما انت توا انشوفك

مصطفى: تحسابني زيك هههههه لا ياحبيبي انا مش كده ???? 

ايهاب: كلام بس توا نشبوحك بعد تتزوجها

مصطفى: ???????? خطاني ياراجل امشي لمرتك

ايهاب: بري ياكلب يا، ،، وسكر مصطفى في وجه  

ايهاب ضحك ورد قعمز جنب غرم هو عارف اكويس شن ادير  

.

.

.

.

.

.

.

إيلاف كانت طالعه من بيت جدي منسجمه تسمع في الاغاني

فجاء طلعلها انس بالطوبو الميه رشها بيه 

إيلاف ????????????:عنشلك شن ادير 

أنس يضحك:???????????? ثمن ضربتك ليا

إيلاف تنفض في دبشها من الميه بعصبيه:  وحق ربي حقير باهي

انس رش عليها الميه مره تانيه:  والله تعلمتها الحقاره من وحده اسمها إيلاف مغروره بكل

إيلاف ????????:تي وقف يامصييه تليفوني تعبه اميه

انس ضحك:ياخد سوك

إيلاف اتولع في تليفونها مايبي يولع

إيلاف بعصبيه وحدفت تليفون عليه: توا اتصلحه ليا ما نفهمكش ياحقير وربي ماتهنيت بيه جديد

انس مسك التليفون:  بلاش كذب الميه ماوصلت فيه 

إيلاف: صح انا كذابه شوفه ابروحك  

أنس قعد ايوع فيه فعلا الشاشه محروقه   

انس بخبث: وانا شن انديرلك اعزقيه في الكناسه خلاص  من قلك نبشي علي روحك امعايا

إيلاف بصوت عالي ????: مادخلنيش فيك انت الي خربته وانت اتصلحه

انس يضحك عليها

الحاج خليفه طلع وسافي عليه جرده وفي يده عكوزه

الحاج خليفه:شن في كنكم

أيلاف: جدي هوا رشني بالميه شوف شكلي وتليفوني جت عليه الميه اخرب

الحاج خليفه شاف أنس: كنك ماتشوفش انت

أنس: بالغلط ياجدي

إيلاف: كداب ياجدي هوا رشني بالميه قصدا 

الحاج خليفه:  حق يا انس

انس: واللهي ياجدي هي الي بدت في الاول وامس فتحتلي راسي بالحيطه شوف الشاش الي علي راسي  

إيلاف: لانك تدخل في حاجه مش ليك

انس: شن تبيني نشبح الغلط ونسكت

إيلاف:  ومن انت لين تتحكم فيا

انس: اهو درت الي نبيه وبوك اموافق

الحاج خليفه:  انت هي شن هردميسه هذي وحركات جديده هذي احترموني قدامكم واقف

إيلاف : اسفه ياجدي بس هوا يدخل في حياتي ماليه دخل في مدرستي   

انس ????: دخلني ونص بعد انشوفك تقري امع افروخ اكبر مني يمكن ???? 

إيلاف: من انت اصلا جدي قوله يخطا طريقي  

الحاج خليفه: نقصي صوتك واحترمي ولد عمك وانتلفي البيتكم ماعندناش صبايا ايعلو اصواتهم ع الرجاله واخرلك مره نسمع صوتك عالي علي ولد عمك

إيلاف خنقتها العبره ومشت تجري لبيتهم

الحاج خليفه:  وانت يا افندي دايرك كبير وعاقل واخرتها حاط راسك من راسها تي هيا انقولو اصغيره مزال انت الي بطولك هذا ادير في حركات مرهقين وافروخ

انس: تي ياجدي انت مش فاهم الموضوع

الحاج خليفه: لا فاهم انا عندي مشور توا طالع ماتفكر انً نسيتك وحركات هذي معاش تتكرر فاهم

انس نزل راسه متحشم من جده:حاضر جدي

الحاج خليفه طلع وانس هز راسه مش فاهم جده دخل تليفون إيلاف في جيبه وصكر الميه وطلع

.

.

.

.

.

.

.

.

رهف امقعمزه وجنبها اختها وبنات خالتها وجيرانهم وصاحباتها ولبسه البودري رن تليفونها  كان ايهاب فرحت عرفت انه قروها الفاتحه 

ردت عليه

ايهاب:رهف سامحيني

رهف مش فاهمه شي: كنك حبيبي

ايهاب: عارف بنسكر قلبك بس نكسره توا احسن من ينسكر بعدين ونظلمك لانه قلبي مش ملكي ولا في ايدي سامحيني يا بنت الناس عارف روحي نذل بس سامحيني مانقدرش نتزوجك لانه انا انحب مرتي وانا عارف بنظلمك امعايا لو تم الزواج هذا هوا من البدايه غلط نتمنه انك اتسامحيني بس هدا القرار الانسب يا رهف وان شاءالله تلقي نصيبك الي اينسيك فيا لانه انا انحب مرتي ونبيها وانا بنكون اب اقريب مانبيش نكسر قلبك انتي تستحقي احسن مني وسامحيني مره تانيه

رهف مصدوم: حبيبي شن قاعد اتقول اتبصر صح

ايهاب: لا ما انبصر نحنا مش لبعض عارفه مصدومه توا بس نصدمك توا احسن من نضحك عليك ولا انوهمك ونظلمك امعايا وانا عارف روحي مافيش اي مشاعر اتجاهك سامحيني يارهف بس مش قادر انكمل في هل الزواج لانه انا انحب مرتي مانبيش نسكرها وهي بتكون ام اصغاري

رهف نزلو ادموعها بغزاره: وانا عادي تكسرني عادي تكسر فرحتي في زي هدا مستنيته بالدقيقه والساعه

ايهاب بحزن: توا تلقي ولد حلال الي يجبرك يارهف يشهد ربي اني ماريت منك ولا عيب العيب طلع مني انا اسف وان شاء الله معرفة خير  ربي ايوفقك في حياتك

وسكر

رهف انهارت تبكي وصاحبتها وريان ايحاولو ايهدو فيها

ويفهمو منها ???????? 

 وعرا البنت تنكسر في يوم زي هذا من الشخص الي اتحبه ????????

صح قرار ايهاب كان صح بس في الوقت الغلط 

.

.

.

.

.

.

.

.

ايهاب بعد سكر من رهف تنهد بحزن وعارف كسر رهف بقراره هذا وهدم نص احلام بنوها امع بعض بس احلامه يبي ايحققهن امع غرام ❤️ 

رفع تليفونه اتصل بجده

ايهاب: وين ياجدي

الحاج خليفه:  امع انساباتك وينك انت انرجو فيك اتجي بنقرو الفاتحه وقت الشيخ بيمشي عنده عقد تاني

ايهاب: ياجدي انا مش جاي الغي كل شي وخليه الشيخ يمشي  مافيش داعي

الحاج خليفه: شن اتقول انت انجنيت

ايهاب: انقول في الصح ياجدي عرفت روحي غلطان الزواج هدا بيخرب حياتي وانا هكي متريح

الحاج خليفه: وشن انقول لناس توا حفيدي مش قد كلمته وبيلغي الزواج  

ايهاب: قولهم مش قد كلمته عيل ماينفعش الي تبيه قوله المهم انا هذا قراري الزواج هذا مش حيتم

الحاج خليفه: شن غير كلامك

ايهاب: انا رايد مرتي ونبيها ومتريح امعاها وقراري نتزوج تانيه كان طيش وتسرع مني لانه القيت في مرتي كل شي نبيه ومانبي انخرب علاقة العيله بعد راجعت روحي عرفت الكوارت الي بيصيرو بعد الزواج هذا

الحاج خليفه:  باهي الي عرفتك روحك قتلك سيورك تندم

ايهاب ضحك: خلاص توا ندمت رقع الموضوع من عندك حتي لو تبي قوللهم مات ايهاب ماعندكش مشكله  

الحاج خليفه: لا حوله ولا قوة الا بالله بعيد السو عنك ليش اتوصل في روحك لي المواصيل هذي

ايهاب: الله غالب اهلب مانعرفش مصلحتي  

الحاج خليفه:  حشم حالك وقت تسهويك توا شن انقول لي الناس

ايهاب: قوللهم الله غالب مافيش نصيب 

الحاج خليفه:  تحسابها ساهله انت

ايهاب: عارف لكن انت تقدرها

الحاج خليفه :ديرو الكارثه وانا انحل وراكم لي امتى دايملكم انا

ايهاب: بطولت عمرك يا حاج ماتبي اتشوف اصغاري ولا كيف

الحاج خليفه: شكلي بننجلط قبل ما ايجو ع الدنيا بسبب باتهم

ايهاب:  بعيد السو ان شاء الله في الي يكرهوك  بعدين اقريب بتشوف اصغاري ان شاءالله بيجوك ثوأم ايصدعولك راسك  

الحاج خليفه: قاعد تسهوك عليا ولا صح

ايهاب ابتسم: واللهي العظيم بتبدا جد لعشرين مره قصدي المهم بتبدا جد وخلاص

الحاج خليفه افرح: مبروك مبروك  

ايهاب: الله ايبارك فيك  

الحاج خليفه:هدا عليش تراجعت

ايهاب: لا كان في سبب تاني المهم جدي دبر الموضوع من عندك اهم شي باتي وعمي مايعرفو

الحاج خليفه: سيروهم يعرفو

ايهاب: المهم مش توا

الحاج خليفه: سكر اينادو فيا  

ايهاب: اعتذرلي منهم

الحاج خليه: مصح وجهك سكر  

الحاج خليفه سكر تليفونه وحطه في جيبه يبتسم ????  وقف دقيقه ايشوق قدامه  وكمل طريقه هوا عارف الكلام الي بيقوله

.

.

.

.

.

.

.

.

.

.

انا فتحت عيوني علي غرفه غريبه انحاول نعرف انا وين

كانت دار لونها ابيض في اضاء خفيفه زرقه مش دراي هدي التفت علي جنب كانت في شنطه جنب السرير  وجيت بنوقف حسيت براسي تقيل رجعت قعمزت وشفت الابره الي راكبه في يدي شن صارلي انا وين  وقفت بصعوبه نمشي وماسه في الساس فتحت الباب قابلني ايهاب واقف في مطبخ زي البار اصغير

ايهاب اول ما رفع راسه نشف ايديده وجاني يجري مسكني من خصري

ايهاب: ليش وقفتي  

انا مسكت فيه بقوه لانه حسيت راسي لف: وين نحنا

ايهاب طبس رفعني: معاش توفقي علي رجلك صحتك مزال تعبانه

انا ????; وانا هذي مش دارنا وين جايبني هنا بتحبسني

ايهاب رقدني ع السرير: احني في مكان بعيد عن الناس كلها انا وانتي بس  انا وياك محبوسين هنا لين انحلو كل شي   

انا دمعو عيوني: مافيش شي انحلوه انت اليوم فاتحتك

ايهاب ضحك: اما فاتحه

انا ????????????: فاتحتك علي رهف  

ايهاب ابتسم وخر خصلات شعري لوراء:  اممم انا فاتحتي وحده وقريتها عليك  وبعدك يحرم عليا

انا  بعدت يده???????? : بعد عني انت واحد كذاب واناني  

اكيد جايبني هنا عشان يحلالك الجو غادي

ايهاب رفع يدي باسها بحب ❤️: راس اعيوناتك لسماح لا قريت فاتحه ولا حنقرها لانه عندي الي ماليه عيني معاش نبي غيرها  

انا قعدت نبكي ????????: كذاب وخاين مستحيل انصدقك

ايهاب ????: وحق من خلق الروحين في بطنك انا ما ازوجت ولا قريتها الفاتحه كل شي لغيته انا حياتي نبي انكملها امعاك انتي بس  

انا ????????????: يعني عشان انا حامل لغيته  

ايهاب ضغط علي يدي وحطها علي قلبه: لا مش عشان انتي حامل عشان انتي ملكتي هدا وخليته مجنون في بنت اسمها غرام خليته يعرف شن معنى الحب غرام انا انحبك عمري ماكذبت عليك

انا قعدت نبكي: عمرك ماحبيتني انت درت هكي بس عشان انا حامل بس نكرهك ????????????

ايهاب حط يده علي فمي: اسسسس معاش نبي نسمعها الكلمه هذي  رد بالك اتعوديها انقصلك السانك

انا ????????:طلقني مانبيش نقعد امعاك شنو هي بلغصب

ايهاب: عارفه حامقه وامعصبه ومني حقك اديري كل شي فيا وانا قدامك اضربي عيطي اقتلني الي تبيه ديريه الا انه نبعد عنك هدي مستحيلا اتصير  وماتحلميش بيها الا وقت ايحطو عليا الثراب يوصلك خبر وفاتي وقتها انتي حره بس توا فكرة انك تبعدي عني وانطلقك انسيها 

انا ???????? : اناني وحقير ياريتك اتموت

ايهاب ????:مش من قلبك عارف بعدين تبي اتيتمي اصغاري وانا مزال ماشفتهم  

انا ????????: اصغارك

ايهاب ابتسم ومسك يدي  :اها اصغارنا عشان حبيبت قلبي حامل بثوأم

انا فتحت عيوني علي كبرهن: احلف

ايهاب ابتسم: والله يا ام اصغاري ❤️ 

انا قعدت نبكي ???????? 

ايهاب ضمني لحضنه: عشان الي في بطنك خلينا نفتحو صفحة جديده مافيها غير غرام وايهاب واصغارهم بس الماضي ننسوه نبدو حياتنا من اليوم امع بعضنا  ❤️

انا بعدت عنه: ……………….

.

.

.

.

.

.

.

.

.

انس اسلل وخش زي الخانب علي روس اصباعه لين وصل في الدار وفتحها وخش بسرعه وسكر الباب  هو خايف  ايشوف وراه

إيلاف رفعت راسها انصدمت ????????????.

.

.

.

.

.

.

.

.

.

ايهاب خش وفي يده سفرة الفطور وقعمز جنب غرام انوض فيها ????????

.

.

.

.

.

.

.

.

.

.

ايهاب واقف قدام الكوخ وتيلفونه ايرن ويده ترجف المتصل عمي عبد القادر  اب غرام ???? 

.

.

.

.

.

.

.

.

الحاج خليفه: ……………

انس ????:………….