رواية غيرة زوجتي الفصل الثاني 2 بقلم ماء البحر
رواية غيرة زوجتي الجزء الثاني
رواية غيرة زوجتي البارت الثاني
رواية غيرة زوجتي الحلقة الثانية
دخل البيت لقى مراته واقفة في الصالة وجنبها شنطة هدومها فقال باستغراب: رايحة فين بشنطة هدومك دي؟
زوجته: رايحة بيت أهلي يا رجب ولما تبقى تجبلي اللي عايزاه هبقى أرجع
افتكر رجب اللي حصل الصبح وطلبها اللي صعب يجيبه دلوقتي ويدوب مرتبه يكفي مصروف البيت
ماردش عليها وسابها ودخل يغير
خدت شنطتها بعصبية وطلعت وهي متضايقة من تصرفاته
بعد ساعة بعتتله عالواتس بتقوله: في فرخة طلعتها من الفريزر يبقى يطبخها لنفسه بقى أو يرجعها الفريزر لو مافكتش أوي
شاف الرسالة وراح دخل المطبخ يشوفها لقاها فكت وماينفعش يحطها في الفريزر تاني عشان التسمم
شمر كمامه وقرر يغسلها ويعملها زي ما كان بيشوفها بتطبخ ويقف يساعدها لو عنده أجازة
جاب لمون وراح يدور على دقيق عشان يغسلها بيه بص تحت الحوض لقى كيس فتحه وقال: أخيرا لقيت الدقيق بس هي حطته تحت الحوض ليه؟ اها تلاقيها خبته مني عشان ماعرفش أغسل الفرخة
خد شوية وحطهم عالفرخة وغسلها وبعدين نقعها في ماية بملح خمس دقايق وعمل تتبيلة وحطها عليها ودخلها الفرن
راح يجيب شوية رز عشان يطبخهم وغسلهم كويس وسابهم شوية، وراح يجيب أي فاكهة أو خضار ياكلهم لغاية ما الرز يتنقع وبعده يطبخه
بعد ساعة كان خلص طبخ وعمل سلطة وحطهم عالسفرة اللي في المطبخ، كان لسه هياكل لقى مراته قدامه
اتخض وقام وقف وقال: جيتي امتى وليه؟
بقلم ماء البحر
زوجته: لسه واصلة حالا وشامة ريحة أكل جميلة، بعدين مالقتش ماما راحت عند أختي عشان تعبانة شوية، فقعدت شوية مع بابا ورجعت تاني مهما إيه اللي حصل بس بردوا ماينفعش أسيب بيتي وأمشي
المهم هدخل الشنطة وهغسل بسرعة وأجي ناكل مع بعض دا أنت أول مرة تطبخ لوحدك خلينا ندوق الأكل من إيدك
رفع رأسه بثقة وقعد يستناها، جت قعدت وخدت نص الفرخة وجت تاكل فقالت: حلوة بس حاسة إن في طعم غريب فيها
داق هو كمان وأكد كلامها فقال: يمكن زودت حاجة في الخلطة المهم إن طعمها حلو
رجب: صح، كنتي مفكرة إني مش هلاقي الدقيق وأحتار صح؟
زوجته باستغراب: دقيق إيه؟
رجب: اللي حطتيه تحت الحوض وشاور عليه
بصتله زوجته بصدمة وقالت: دا مش دقيق
رجب بعدم فهم: اومال دا إيه دا أنا غسلت بيه الفرخة
انصدمت زوجته أكتر وقالت: دا بودرة صراصير… يعني أنت غسلت الفرخة ببودرة صراصير يا رجب؟
بصلها رجب بصدمة وبص للفرخة كمان ومش قادر يستوعب اللي عمله
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية غيرة زوجتي)
