Uncategorized

رواية شيزوفرنيا الفصل الخامس عشر 15 بقلم الشيماء عبيد

 رواية شيزوفرنيا الفصل الخامس عشر 15 بقلم الشيماء عبيد

رواية شيزوفرنيا الفصل الخامس عشر 15 بقلم الشيماء عبيد

رواية شيزوفرنيا الفصل الخامس عشر 15 بقلم الشيماء عبيد

هل تشعر بالتخبط الذي يدور في عقلي اعتقد انه من الافضل أن لا يترك الانسان لعقله العنان في التفكير مرة أخري فأنه لاينتج الا الضيق وهذه الافكار السوادء التي تجعل عالمه يظلم من جديد ????
#بقلمي
*غرام معرفتش تقول حاجة فحضنته وفضلت تعيط يونس أتفجأ من حالتها دي جدا مكنش يتمني أبدا أن حبها له يوصلها لحالة الضعف دي فاضل يطبطب عليها وهو مش عارف يقول ايه او يعمل ايه هديت هي شوية وبصتله وفجاة رجعت لطبيعتها المرحة لدرجة هو أستغربها……
غرام بمرح وهي بتمسح دموعها:ها ياسيدي أيه بقي المشكلة العظمي اللي لازم تتحل
يونس بصدمة:عرفتي منين انها مشكلة
غرام بسخرية:أكيد مكنتش جاي تقعد معايا لسواد عيوني يعني 
يونس:غرام تعالي دلوقتي اروحك انتي محتاجة تنامي شوية وترتاحي وبكره نبقي نتكلم 
*نزلوا ويونس ركب عربية غرام وساقها هو ومتعجب من حالة غرام كانت هادية وساكتة جدا وبصها من شباك العربية وشعرها بيتطاير مع الهواء وكل نفس بتاخده بتنهيدة فضل مراقبها من حين لاخر وهي حالتها علي نفس السكون اللي هي فيه لحد ماوصلوا قريب من بيتها يونس قطع الصمت اللي مابينهم ده….. وهو بيقول:غرام انزلي أنتي كملي سواقة بقي وروحي لاني مش هقدر اوصلك اكتر من كده 
غرام بهدوء:انزل 
*يونس نزل وبيبص علي غرام اللي مستنيها تغير مكانها وتمشي تروح لقي غرام طلعت موبايل وهي بتقول:الو انا قريبة من الفيلا جدا ممكن تيجي تاخدني بالعربية عشان مش قادرة أسوق 
يونس:بتكلمي مين يا غرام وبعدين ليه مش قادرة تسوقي 
غرام بضيق:بكلم مين ميخصكش …ثم اردفت بسخرية ومش قادرة اسوق ليه اناحرة بتدلع ليك فيه 
يونس خبط كف علي كف:مجنونة والله كل شوية بحال
غرام سكتت وغمضت عنيها يونس دخل تاني العربية قرب منها ومسك أيدها وغمض عنيه وقال:سبق وقولتلك أني مش صالح للحب ولا للصداقة أنا شخص فقد المعاير دي من زمان مش هقدر أحبك ياغرام ولا هقدر حتي صديق كويس مشاعري كلها اُستهلكت وأنتي تستحقي الحب ياغرام تستحقي اللي يديكي مشاعر أكتر ما يأخد منك عشان كده قولتلك أبعدي بس للاسف جت متاخرة انتي لسه جميلة ونقية منبهرة بيا شوية بلاش تقعي في الحب اللي مش متبادل ياغرام ده ضعف وانتي مش ضعيفة انا عارف انك حاولتي تبعدي بس انا اللي مش عارف ابعد القدر بيرجعني ليكي بشكل غريب رغم اني شوفت بنات كتير جدا بس كل مرة بشوفك بنبهر بيكي….ثم تنهد بأسف أنا أسف على أي حاجة ياغرام ……
يونس ساب أيدها وخرج من العربية وهي كل ده مغمضة عنيها وحابسه دموعها قطع هدوئها حارس من حراس فيلتهم اللي جه وهو بيقول :أنسة غرام   أتحرك بالعربية علي الفيلا
غرام وهي بتفتح عنيها ببطء:اه اتحرك يلا
_____________
*يونس مروح بيته لقي هدي نازلة من سلم العمارة بتاعتهم وهي بتضحك وجايه عليه*
هدي بفرحة:يونس انا خلاص فشكلت خطوبتي أخيرا تعال يايونس اخطبني من بابا وهو ان شاء الله مش هيرفضك تاني هو خلاص اقتنع أن أحنا بنحب بعض ومنقدرش نستغني عن بعض
بصلها يونس بصدمة وحيرة:هدي مينفعش الوقفة دي لو حد نزل هيقول علينا ايه اطلعي أنتي ونتكلم بكره الصبح 
هدي بضيق:مالك يايونس حساك مفرحتش؟!معقول مبقتش تحبني؟!
يونس بعصبية:هدي قولتلك مش وقته انا جاي مخنوق وتعبان بجد مش ناقصك والمواضيع دي نتكلم فيها يفضل لما اكون رايق ووقفتنا دي غلط ونزولك من بيتكم في وقت زي ده غلط 
*هدي بصتله بزعل وطلعت وهو أتنهد وطلع بيته مش عارف ليه فعلا مفرحش زي ماكان متوقع يمكن عشان كان حاسس ان ده مستحيل يحصل او أنه لغي ترتيبات هدي من دماغه يمكن موضوع أمه اللي محيره كلام مذاكرتها اللي بيناقض الواقع ولا موضوع غرام اللي مكنش ابدا عاوز يأذيها وفي نفس الوقت كان نفسه يتاخذها كصديق مبقاش عارف حاجة فأتنهد بضيق وحاول ينام أفضل* 
_____________
*تاني يوم الصبح يونس لبس وراح شغله فأبوه طلبه انه يجيله المكتب راحله وخبط عليه ودخل*
منير ببتسامة:صباح الخير 
يونس:صباح النور 
منير بجدية:طبعا انا عارف انك نفسيا مش أفضل حاجة الفترة دي بس الشغل مش هيمشي من غيرك فيه مشروع منتجع سياحي في شرم بنعمله أنا وحسين العدلي وأنت وغرام بنته هتكونوا مسؤلين عن الحسابات لتكاليف المشروع والأرباح اللي ناتجة عنه وأهي فكرة تغيير جو برضو 
يونس:ولا وأني مش قادر أغير جو ولا اعمل حاجة بس تمام الشغل شغل فعلا المشروع هيبدأ من امته 
منير وهو بيمدله أيده بالملف: ملف المشروع أهو تقدر تدرسه وتاخد فكرة عنه بسرعة لان السفر بكره 
*يونس خد الملف وهو بيقوله تمام ولسه هيمشي 
منير:يونس استني 
التفتله يونس بتساؤل :فيه حاجة؟!
منير:خد ده مفتاح عربيتك وكنت عاوز اطلب منك طلب 
يونس مخدش مفتاح العربية منه وقاله:أؤمر 
منير بتردد :أنت هتسافر وكل وقتك هيبقي شغل كنت عاوز مذكرات نسرين عالاقل لحد ماأنت تيجي 
يونس بتنهيدة:حاضر بس ياريت تحافظ عليهم لاني هحتاج أخدهم تاني المهم خلي العربية دي انا هروح مواصلات عادي
منير بنبرة صوت عالية:أنا مش بناقشك في موضوع العربية ده انا بقولك أنت هتاخد العربية وهتسافر بيها ودي عربيتك أصلا زي آسر ماعنده عربية وأحمد عنده عربية بسواق وياريت متنساش أنك أبن منير الصفتي وانا اتعودت أمر وبس 
يونس بسخرية:وانا متعودتش اني ابن منير الصفتي 
منير بضيق:هتتعود اكيد زي ماانا بتعود انا عارف انك مش هتتقبلني ولا هتتقبل الحقيقة بسرعة بس انا يايونس بحب اتاقلم مع الواقع بتاعي بسرعة والواقع انك ابني وبس 
يونس بتهكم:كنت بترفض الواقع ده من كام يوم بس 
منير بعصبية وهو بيقوم من عالكرسي وبيديله ضهره:خلاص يايونس انت بتعاقبني ببعدك عني ولا سخريتك ان طلع كلامك صح حط نفسك مكاني واحد ظهرله ابن فجاة وابن من مراته الخيانة والتحاليل زمان أثبتت انه مش ابنه كنت عاوزه ياخدك بالحضن أيوه حسيت بحاجة غريبة لما شوفتك بس خفت يكون ده حنين ليها ولسيرتها للون عنيها اللي أنت واخده
 
*يونس حس بالشفقة عليه وخاف لا يتعب تاني قرب منه وحط ايده علي كتفه بحب وقاله:بلاش تقرأ المذكرات بتاعتها بلاش تفتح في القديم خليك في الحاضر أنت دلوقتي عندك زوجة تانية وعيلة القديم مات واندفن 
منير بصله بحزن:أنا عمري ماصدقت أن نسرين حبيبتي ماتت أنا ديما كنت بقول أن أنا قتلت نسرين الخاينة لاكانت حبيبتي لا حبيبتي هترجع أنا عمري لا حبيت ولاهحب غيرها ….قعد علي كرسيه ودموعه نزلت:أنا مريض بيها ومفيش علاج لمرضي ده 
يونس اتنهد بضيق وسكت خد مفاتيح العربية من عالمكتب وهو بيقول: المذكرات بكره هتبقي عندك قبل ماأسافر
*يونس راح مكتبه وهو مضايق من كل حاجة من حوار غرام وهدي ولغز قصة حب أبوه وأمه كلام أمه اللي في المذكرات ميقولش أبدا أنها خاينة لو حد شاف حزن أبوه وعشقه لنسرين مش هيكتشف أبدا أن ده نفسه الراجل اللي قتلها*
____________
*تاني يوم يونس لبس وراح لابوه الشركة يديله المذكرات قبل ما يسافر وراح وقف بعربيته بعد بيت غرام بشوية نزلت غرام وهي ساحبة شنطة سفرها ولما شافت يونس راحتله فنزلها يتكلم معاه*
يونس بأستغراب:غرام اومال فين عربيتك 
غرام وهي بتخلع النضارة الشمس من علي عيونها:مش قادرة أسوق صراحة فكنت هركب مواصلات اصلا بلص مبروك العربية الجديدة 
يونس ببتسامة:تعالي معايا احنا كده كده رايحين نفس الحتة 
غرام بتبصله بنظرة غريبة:متاكد؟!
يونس بمرح تغيير لمجري الحوار: يلا ياغرام هنتاخر انجزي
غرام قعدت في العربية جمبه وهو دخل شنطتها في شنطة العربية وساق غرام حطت وصلة auxفي العربية وهي بتقوله تحب تسمع ايه 
يونس ببتسامة :اي حاجة
شغلت غرام أغنية (لو أقولك)وهي بتغمض عنيها وبتبص للجهة التانية
لو أقولك في واحدة معاك رهن أشارتك مستنياك… 
تقولها علي اللي بيك …تلاقي روحها في ايديك تبقي الوحيد اللي خد قلبها…????
*يونس اتنهد وبصلها وسكت وكمل سواقة 
____________
*في شركة منير الصفتي*
*كان قاعد في مكتبه وقرر يجيب صفحة عشوائية في أواخر  المذكرات لقها كاتبة
العنوان:الاهمال 
أنت لا تعلم كم أن الاهمال بعد الحب هو الاصعب علي الاطلق كمن اعتاد على شخص ليتركه هو وخذلانه وحيدين أنا أنتظرك كل ليلة أمام الشرفة وأنا أُحدث الاوراق عن أهمالك لحبي فلا أنت أتيت ولا الاوراق جاوبت ولا حبي قل كنت تقول لي دائما عندما رأيتك وأنا إلي الآن أتتبع تلك العيون بينما اليوم تلك العيون تراقبك وتتبعك هي أمامك بينما أنت لا تراها كانوا يقولون أن الحب أعمي ولكني أري أن  عيون المحب المهملة هي العمياء ياعزيزي فقد رأت عيناي بك الكثير ولكنها جلست تحبك وتعاتبك وأنت أعمي عنها????????
يتبع …..
لقراءة الفصل السادس عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عروسة جدي للكاتبة بنت الجنوب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى