Uncategorized

رواية أحبني متمرد الحلقة الخامسة عشر 15 بقلم رنا

 رواية أحبني متمرد الحلقة الخامسة عشر 15 بقلم رنا 

رواية أحبني متمرد الحلقة الخامسة عشر 15 بقلم رنا 

رواية أحبني متمرد الحلقة الخامسة عشر 15 بقلم رنا 

*ساره كانت بتغير هدومها وداخله الحمام تاخد شاور ومكنتش تعرف ان مراد جوه *

ساره كانت حاطه فوطه علي جسمها ولسه بتشد الستاره لقته واقف *

ساره صوتت: ااااااه… بتعمل ايه هناااااا…. الحقونييببيي 

مراد قرب منها وحط ايده علي بوقها: امنيه اهدي هتفضيحنا…

ساره عضته من ايده ورجعت توصت: اطلع برااااا 

مراد حط ايده علي بوقها تاني: يبنتي اسمعيني..اولآ انا اسف اني دخلت بس كنت حابب اعتذر منك واجبلك ورد مكنتي اعرف انك هتيجي وكمان دخلتي عليا…اهدي لو حد سمعك هتبقي فضيحه قدام جدك وعمك ارجوكي اهدي 

* شال ايده من علي بوقها براحه ومكنش واخد باله انها مش لابسه غير الفوطه بس *

ساره بتحسبه بيبص عليها وعلي جسمها ف عيطت: انت حيوااان…اطلع برااا 

مراد قرب منها بيحاول يهديها: امنيه انا…..

ساره: انت حيوان..اخرج براا عايزه اغير هدومي 

مراد خرج بسرعه: طيب اهدي…انا نازل 

ساره اول ماخرج قعدت علي الارض تعيط: مستحيل ازاي يشوفني كده!! حيوان انتهز الفرصه وفضل متنح.. حررام عليك 

*قامت بسرعه غيرت هدومها وفضلت قاعده ف الاوضه مش قادره تشوف وشه تاني *

________________________

نور: عملت ايه 

مراد بعصبيه: منك لله يانور علي افكارك الزفت 

نور ضحكت: فيه ايه!!

مراد حكالها كل حاجه: وبس يختي ومش عارف اعمل ايه 

نور بصدمه: انتي غبي يامراد تتدخل الحمام!!

مراد: وانا هعرف منين انها هتتدخل هي كمان وكمان…

نور: بس ده غلط امنيه محجبه وده حرام…ده لو جدي عرف مش هيسكت 

مراد: اعمل اي يانور غصب عني 

نور: المفروض اول مادخلت كنت تلف وشك ومتبصلهاش خالص 

مراد: صدقيني مخدتش بالي هي كانت بتصوت وقربت منها عشان اهديها ومتعملش فضيحه 

نور: طيب انا هروح اشوفها..زمانها قالبه الدنيا 

مراد: روحي وقوليلها اني مش قصدي 

نور: ماشي 

______________________

امنيه: مين!!

نور: انا نور ياامنيه 

امنيه راحت تفتح:.اتفضلي 

نور: في ايه!! انتي كويسه…مرااد 

امنيه بعصبيه وبتحاول تتداري دموعها: متجبليش سيره الحيوان ده…..ده غبي متخلف هو فاكر انه ف اميركا يدخل ويخرج عليا براحته 

نور: اهدي يا امنيه انا كنت لسه عنده وهو قالي كل حاجه..صدقيني مراد مكنش يقصد..

امنيه: مكنش يقصد يدخل الاوضه من ورايا ويدخل الحمام ويستخبي فيه ويشوفني وانا كده ويفضل متنح حتي ميغضش بصره

نور: بصراحه انا ال قولتله يدخل ويحطلك الورد عشان يصالحك علي كلامه معاكي ف المستشفي..وهو دخل ومحلقش يخرج وانتي دخلتي عليه ومن توتره دخل الحمام كان هيخرج لما تمشي علي طول مكنش يعرف انك داخله الحمام 

امنيه: انتي يانور ال قولتيله يعمل كده.!!

نور: يا امنيه كانت هيحطلك ورد ويخرج علي طول 

امنيه: خلاص يانور انا كلمت طارق وقالي اننا هنرجع البلد انهارده بليل 

نور: متزعليش مني ياامنيه ولا من مراد صدقيني مكنش قصده 

امنيه: مش زعلانه منك بس هو لأ.. انا هقوم اجهز الشنط 

نور: اوك..هسيبك دلوقتي 

____________________&

* نور كانت معديه ولقت حد بيشدها *

نور: ايييه 

سليم شدها ودخلها اوضته وقفل الباب وسندها عليه وهو قرب منها: وحشتيني 

نور بتحاول تهرب منه: سليم!!

سليم: انتي مراتي يعني عادي 

نور بهمس: سليم سيبني 

سليم قرب منها وباسها من رقبتها وقرب من ودنها وهمس: قولتلك قبل كده مش هسيبك ابداا 

نور بتاخد نفسها بسرعه: سليم…

سليم: ششش 

نور: سليم احنا لازم نتكلم 

سليم وهو لسه مقرب منها: ماحنا بنتكلم…هو في احلي من الكلام ده 

نور بعدته: جدو وطارق وزينه وامنيه مسافرين انهارده 

سليم ابتسم: ايوه 

نور: وانت!!

سليم: انا ايه!!

نور: ركز معايا شويه… انت هتسافر!!

سليم: اكيد لازم اروح معاهم 

نور بزعل طفولي: وهتسبني!!

سليم ابتسم وباسها من جبينها برقه: متزعليش بس لازم اسافر عشان شغلي وبعدين كلها كام يوم وتجيلي 

نور: اجيلك ليه!!

سليم ضحك: ايه مالك… هتيجي ف بيتك 

نور: يعني ايه!! احنا هنعيش ف الصعيد!!

سليم بعد عنها: اومال هنعيش فين!!

نور: انت عارف ان شغل بابا كله هنا وهو مش هيعرف يسافر وانا مقدرش اعيش من غيرو 

سليم: مانا شغلي كله هناك..ومقدرش اسيبه 

نور: بس ياسليم انا حياتي كلها هنا… انا جربت العيشه هناك ومقدرتش عليها… احنا ممكن نقعد هنا مع بابا 

سليم بجديه: لا يانور انتي لازم تقعدي ف بيتي انا مش بيت باباكي..بيتي حاجه وبيت عمي حاجه وقولتلك شغلي كله هناك مقدرش اعيش هنا..انتي هتيجي وهتعيشي معايا هناك 

نور بعصبيه: لا ياسليم انت كل حاجه بتعملها بعند وتمرد عليا بس مش لدرجه اعيش ف مكان مش مرتاحه فيه 

سليم: ليه هو انا هاخدك اعذبك انتي هتيعشي هناك معايا..هنعيش سوا 

نور: ياسليم افهمني مش عايزه اعيش هناك..مش عايزه 

سليم بحده: نور انا قولت ال عندي..عن اذنك

______________________

مدحت دخل علي نور: نور!!

نور مسحت دموعها بسرعه: تعالي يابابا 

مدحت: ايه ياحببتي.. جدك هيمشي كمان شويه مش هتيجي تسلمي عليه 

نور: جايه اهو يابابا 

مدحت: نور مالك!! انتي كنتي بتعيطي 

نور: لا لا 

مدحت: نوور في ايه 

نور: سليم عايزني اعيش معاه هناك ف الصعيد بعد مانتجوز 

مدحت: وايه ال مزعلك.كده

نور: ايه ال مزعلني!!. بابا انت عارف كويس اني مش هقدر اعيش هناك..وغير كده مش هقدر اسيبك لوحدك 

مدحت: يابنتي سليم جوزك ولازم تعيشي معاه في اي مكان…ولو عليا انا كويس متخافيش 

نور: لا يابابا هو كمان لازم يفهم ان دي مش حاجه سهله عشان يفرض سيطرته عليا فيها… لازم يفهم 

مدحت: طيب اهدي ان شاءالله هتكلم معاه واقوله…

نور: ماشي يابابا روح انت وانا جايه وراك 

______________________________

* نور كانت قايمه بس لقت مسدج جاتلها وفتحتها *

_ الانسه نور الصواف يسعدنا ابلاغك بالموافقه علي العمل معنا.. سيبدأ العمل بعد يومان مع تحيات شركه المجد ورئيس مجلس الاداره المهندس معتز الخولي…

نور بفرحه: واااو مش مصدقه.

مراد دخل عليها: في ايه!!

نور: مراد الشركه ال كنت مقدمه علي شغل فيها قبلتني اخيرا انت عارف انها تقريبا من اكبر شركات الاستيراد والتصدير في الشرق الاوسط

مراد: اووه مبروك يانور.. كويس بدأتي تحققي حلمك اهو 

نور: اكيد.. انت عارف من ساعه مااتخرجت وانا كنت رافضه الشغل بس الحمدلله انهم قبلوني

مراد بابتسامه: المهم تثبتلهم انك قد اختيارهم ده 

نور: اكيد… اه صح انا كلمت امنيه بس رفضت تسمعني 

مراد: كل مااجي اصلحها اعكها اكتر 

نور: علي فكره هي ماشيه دلوقتي 

مراد قام بفزع: ماشيه فين!!

نور بابتسامه: طيب انت مضايق دلوقتي عشان هتمشي وهي زعلانه ولا عشان مش عايزها تمشي اصلا!!

مراد: نور مش وقت استجوابك ده..عن اذنك 

نور ضحكت: شكلك وقعت يامارو ههه

_______________________

مراد خبط بهدوء: امنيه!!

امنيه لما سمعت صوته راحت تفتح بعصبيه: يا بجاحتك!! وكمان جاي بنفسك 

مراد دخل وقفل الباب وهي بعدت عنه: امنيه اسمعيني 

امنيه صوتت: مراااد…اطلع براااا 

* مراد راح حط ايده علي بوقها *

مراد: يبنتي ايه صوتك ده!! اهدي شويه 

امنيه حاولت تبعده: ابعد عنيييي 

مراد: اسمعيني الاول 

امنيه: مش سامعه حاجه..ولو مخرجتش برا دلوقتي هصوت وهلمهم عليك وهقول بيتحرش بيا 

مراد بعصبيه: اسمعييني بقااا 

امنيه خافت وسكتت وهو كمل: لازم تعرفي اني مكنش قصدي… وبعدين انا مكنتش متنح ولا حاجه انا بس مكنتش واخد بالي واول ماشوفتك كده بعدت عنك…محصلش حاجه ل ده كله 

امنيه: عشان حضرتك متعود علي كده بس لازم تفهم ان احنا هنا مش ف امريكا مش بنمشي ملط عشان لما تشوفني كده تقول عادي 

مراد: طيب انا يستي شوفتك كده.. حصل حاجه!! محصلش يبقي خلاص 

امنيه: المفروض يا دكتور اننا بنلبس عشان نحافظ علي نفسنا نستر نفسنا من عيون الناس مش اي حد يشوفنا لازم نحافظ علي نفسنا لحد ماييجي ال يستاهلنا ال يحقله يشوف هو وبس..بس طبعا انت مش عارف كده..عن اذنك 

* امنيه خدت شنطتها ونزلت وهو قعد يفكر ف كلامها كتير ووصل لنتيجه *

_ مراد نزل وراها وكانو خارجين *

مراد نزل بسرعه: جدو استني لو سمحت 

كلهم وقفو ومحمد اتكلم: خير يابني 

مراد بتردد: انا كنت… كنت طالب ايد الانسه امنيه 

امنيه بصدمه: ايه.!!

يتبع..

لقراءة الحلقة السادسة عشر : اضغط هنا

لقراءة باقي حلقات الرواية : اضغط هنا

نرشح لك أيضاً رواية عريس من ديزني للكاتبة ندى حمدي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى