Uncategorized

رواية المؤامرة الحلقة الخامسة عشر 15 بقلم منة محسن

 رواية المؤامرة الحلقة الخامسة عشر 15 بقلم منة محسن

رواية المؤامرة الحلقة الخامسة عشر 15 بقلم منة محسن

رواية المؤامرة الحلقة الخامسة عشر 15 بقلم منة محسن

فى المستشفى وبالتحديد فى الحجره الموجود فيها هانى 
الشرطى:هو فاق؟؟
الدكتور:ايوه يا فندم هو بقى احسن بس لازمله راحه اسبوع على الاقل والافضل يكون هنا عشان ناخد بالنا منه.
الشرطى بص للقوات اللى معاه:خليكوا انتوا هنا وأنا هدخله اخد منه معلومات عن باقى رجاله العصابه.
دخل وهانى كان محطوط تحت جهاز التنفس.
بص للشرطى اللى قرب قعد جانبه على الكرسى:انا عايزك تقولى كل حاجه عن باقى افراد العصابه ده هيساعدنا نقبض عليهم وهيخفف عليك العقوبه.
هانى باصصله بتردد وتفكير كان قلقان يقوله وده لانه خاف من مرتضى ورجالته لايأزوه تانى زى ماعملوا.
الشرطى عارف هو بيفكر فى ايه:انت لو فضلت متحفظ على المعلومات اللى عندك بالطريقه دى انت بتساعدهم ياخدوا حريتهم وفى كل عمليه خطيره هيعملوها هتكون انت المسئول قدامنا.
هانى بعد جهاز التنفس عن بؤه وبصله:انا هقولك…اللى عارفه…بس…لو حصلى حاجه..ذنبى فى رقبتك انت..
للكاتبه/منه محسن[Milly]
الصحافه راحت اتلمت حواليهم وبيسئلوهم كلهم نفس السؤال:عزام بيه تواجدك هنا مع روسندا هانم وبعد الاشاعه اللى طلعت وانها مش بنت حضرتك تسمح تقولنا الحقيقه..
………:روسندا هانم ايه السبب اللى خلاكى تتجوزى كريم بيه وبالذات بعد الاشاعه اللى ظهرت عنك انتى وعزام بيه!؟؟
الحراس بيحجزوا عليهم وهما مشيوا وروسندا بالها شارد.
كريم راح مسك ايد روسندا وبصلها بأبتسامه: مبروك يا روح قلبى. 
قرب باس جبينها. 
عزام شدها وبصله وكأنه بيحاول يأخر الفرح بأى طريقه: اا… ايه مستعجل على ايه.. دقايق وهتكون ليك سيبهالى بقى النهارده الحق اودعها.. يمكن مشوفهاش تانى… 
روسندا بصتله بقلق:انت تعبان؟؟ 
كريم نفخ بضيق وعزام هز راسه بنفى: وده هيفرق فى ايه!!
شمس وشاهيناز بصوا لبعض وفهموا ان عزام بيعمل كده عشان مايسمحش لكريم يلمسها وبالذات قدامه لان دى اكتر حاجه بتضايقه وبتعصبه. 
شمس وشاهيناز راحوا رفعوا لروسندا الفستان وشاهيناز اتكلمت بتهرب: اا… يلا ندخل للناس اكيد هما مستنيين دخولك. 
كريم جى يمسك ايد روسندا من الجهه التانيه عزام شد ايدها وبصله بأبتسامه غل: اصبر بس دقايق اصبر. 
مشيوا وروسندا بتكتم ضحكتها بالعافيه على غيره عزام المفرطه واللى باينه اوى ده ابوها نفسه ماعملهاش عايز يخلص منها وخلاص.. دى الحاجه الوحيده اللى كانت شاغله تفكيرها.. دخلوا الفرح وكريم وراهم وقرب ينفجر من الغضب. 
كرم ماشى جانب عزام.. 
عادل ومصطفى راحولهم لما شافوهم وسوسن وسمر ماتحركوش من مكانهم. 
روسندا بصت لمصطفى ولعادل ودورت وشها للجهه التانيه. 
عادل اتنهد بعمق وقرب حضنها غصب عنها: اتعدلى بقى انتى قدام ناس وتصرفاتك دى عيب.. 
روسندا بغل: وهو انت تعرف العيب يا سيد يا محترم!! 
عادل بعد وبصلها بغضب: تعرفى.. انتى بعدك هيكون احسن حاجه حصلتلى فى حياتى. 
روسندا بصتله والدموع اتجمعت فى عيونها بتحاول تبان قويه بس المشاعر الحاجه الوحيده اللى الانسان مابيقدرش يتحكم فيها.. عادل مشى ومصطفى بصلها برسميه ومدلها ايده: مبروك.. 
روسندا بصتله وسلمت عليه وبعدت نظرها عنه. 
عزام بصلها وشد ايدها عشان تمشى معاه: يلا تعالى هوصلك للكوش. 
روسندا بصتله وهزت راسها بإيجاب. 
وصلوا للكوشه وكريم راح قعد جنبها.
كارم واقف برا القاعه وبيتكلم مع محمود فى التليفون: انا عايز افهم ايه السبب اللى مخليك مش عايز تيجى الفرح؟؟ 
محمود بضيق: مخنوق ومليش مزاج لحاجه.. وكمان امى راجعه من الصعيد النهارده. 
كارم نفخ بضيق: يعنى خلاص كده لاهتخرج معانا تانى ولا هنسهر؟؟ 
محمود: انا مليش مزاج لأى حاجه الايام دى حتى الشرب مبقاش ليا مزاج ليه.. 
كارم: لاا ده انت عايزلك قاعده لوحدك هجيلك بعد الفرح امم…(اتصدم لما شاف فريد وامينه نازلين من العربيه والصحافيين اتلموا حواليهم بس الحراس بعدوهم) يانهار اصفر. 
محمود بأستغراب ومزاجه مش رايق: ايه يله مالك؟؟! 
كارم: امينه جايه مع فريد… ازاى ده!!… يانهار مش فايت عشان كده كانت بتسئلنى عليه. 
محمود بأستغراب: امينه جات الفرح!!…اا…طيب انا جاى. 
كارم جى يتكلم بأستغراب لكنه سمع صوت قفل الخط وده اللى خلاه سكت وبص للتليفون بأستغراب اتنهد بعمق وبص لامينه وراحلم: اا… اهلا فريد… فاكرنى؟؟ 
فريد بصله بأبتسامه خبيثه: طبعآ.. العشره مابتتنسيش يا كارم ولا بالفلوس حتى.. 
كارم ابتسم وبص لامينه: عايزك.. 
امينه بتتجاهل تبصله: انا مش جايه هنا عشان اتكلم… فريد بيه يلا ندخل الفرح. 
فريد بص لكارم ودخلوا 
كارم بأستغرابة: الكل بقى يتصرف بطريقه غريبه… حقيقى مجانين. 
ويدخل القاعه هو كمان. 
امينه بقلق: انت واثق من اللى بتعمله؟؟ 
فريد: ايه اللى واثق انتى تنفزى اللى بقولك عليه وبس..
امينه بصت لكريم اللى قاعد جانب روسندا وبيكلمها.. الغضب والغل بيزيدو اتجاهه يوم بعد التانى.. كان فى بالها انها قاعده بتعانى بسببه وهو هنا عايش حياته وبيرسم لنفسه مستقبل جديد. 
قعدوا على تربيزه وامينه عيونها متشالتش من عليه.
كارم راح لصاحب الديجيه:فى ايه ياجدع ايه الموسيقى اللى هتنيم الناس على روحهم دى 
..امسك الفلاشه دى شغلها.
صاحب الديجيه:ماينفعش مصطفى بيه هو اللى قايلى اشغل الاغانى دى.
كارم بيقنعه بأصرار:يا جدع خود بس الفلاشه دى وعلى ضمنتى محدش هيكلمك انا من قرايب العريس.
صاحب الديجيه بصله بتفكير:طيب لو حد كلمنى هقوله انك اللى قولتلى اشغل الاغانى دى.
كارم هز راسه بإيجاب:على ضمانتى يا معلم يلا شغل اللى فى الفلاشه.
كارم راح قوم روسندا وكريم عشان يرقصوا.
شاهيناز بصالهم وبرقت لما خدت بالها من كارم:هو البنى ادم ده طالعلى فى البخت؟!
شمس بصت لكارم وضحكت:لايكون من نصيبك يا جميل..
شاهيناز بصتلها بضيق وقرصت كتفها:اسكتى..
روسندا بترقص هى وكريم وكل واحد خاد كابلز وقاموا يرقصوا.
كرم بص لعزام اللى باصص لروسندا وباين عليه التعب والحزن.
كرم قرب وقف جانبه وبصله:عزام بيه شكل حضرتك تعبان ممكن تتفضل ترتاح.
عزام هز راسه بنفى:انا كويس…
روسندا بترقص سلوه مع كريم وعيونها على كرم.
كارم راح وقف قدام شاهيناز وبصلها بأبتسامه لئيمه:اا..ايه مش ناويه ترقصى؟؟!
شاهيناز بصتله بغل:ملكش دعوه وماتتكلمش معايا فاهم؟؟
جات تمشى مسك ايدها وشاهيناز بصت لايده وبصتله وخدودها احمرت حست بحراره غريبه خارجه من جسمها.
شمس بصالهم وكتمت ضحكتها على شكل شاهيناز المصدوم .
كارما كتم ضحكته وبعد نظره عنها وساب ايدها :احم..اا..عن اذنكوا.
مشى وشاهيناز لسه بنفس وضعها وبصاله وهو ماشى.
شمس ضحكت:شاهى…شاهى لا ركزى معايا مش كده.
شاهيناز بصتلها بأنتباه وبتحاول ترجع لطبيعتها.
شمس:يا سلام على الخدود الحمر…ماهى وكستى مش وكسه طبيعيه ابدا..اقول ايه بس..لا وكمان الحلو مجاش تلاقيه بيصلح فى الكيمبيوتر اللى ماورهوش غيره ده.
فى الوقت ده صدم شاهيناز وشمس دخول ماذن الحفله..
شمس وشاهيناز فى نفس واحد:يا نهار مش فايت..
راحولو بسرعه وهو باصص لروسندا والغضب باين فى عيونه اتجاها.
شمس بغضب:انت ايه اللى جابك هنا؟
ماذن بصلهم:ايه جاى اخلص حق سجنى اللى لولا ضمان عمى النقيب ليا انا مكنتش خرجت..
شمس:وجاى تبوظلها فرحها مش كده!
ماذن:بقولك ايه هى لو مابقتش ليا انا هقتلها وده قرار نهائى ومش هقعد فى السجن كمان انا هنتحر وهقتل نفسى وراها وهبقى معاها غصب عنها.
شمس بغضب:انت مجنون…
ماذن:طب ابعدوا من قدامى بقى احسنلكوا.
شاهيناز حطت ايدها على كتفه وبتحاول تمنعه يروحلها لان الوضع هيسوء ومش عارفين ايه اللى ممكن يحصل:ماذن اعقل انت ماينفعش تتصرف بالطريقه دى خلى الكلام بينك وبينها وبلاش فضايح.
ماءن:بينى وبينها امتى انشاء الله لما تتجوز وتخلفلها عيلين!
شمس:انت بجح اوى انت الغلطان وجاى عايز تاخد حقك منها انت فعلا مجنون.
ماذن بصلها بغضب جى يتكلم شاهيناز سبقته:شممممس خلاص بقى ماذن انت عارف بص انا بقول استنى بعد الفرح وبعدين كلمها على بكره كده..مش انت بتقول انها لو مابقتش ليك هتقتلها؟…طيب وانت هيفرق معاك فى ايه وهى اصلا اتكتب كتابها يعنى مش هينوبك غير البهدله..
ماذن بصلها وغضبه زاد:اتكتب كتابها!؟؟
شاهيناز بكدب:ااااه…اسمع بس كلامى وخلى كلامكوا مع بعض وانت مش هتندم.
ماذن بص لروسندا بغضب ومشى.
شاهيناز اتنهدت بأرتياح:يا بن المجنونه.
شمس:انتى بتقوليلو اتكلم بينك وبينها!..يعنى هو عايز يقتلها هيتكلم بينه وبينها ازاى ده بقى مجرم.
شاهيناز:يا ستى اهو اى حاجه نعطله بيها عقبال مانحذر روسندا منه ونشوفلنا صرفه فى المصيبه دى.
للكاتبه/منه محسن[Milly]
خديجه عند نبيهه جده مؤمن.
نبيهه بلهجه صعيديه:مؤمن بقالى اسبوع ماعرفش عنه حاجه حتى اتصالاتى مابيعبرهاش.
خديجه بصتلها وبالها شرد فى اللى ممكن يكون حاصله:هو بردو بقاله كام يوم مابيكلمنيش وماعرفش عنه حاجه.
نبيهه:اخر مره وقبل مايسيب البيت قالى انه رايح يستلم شغل جديد بس مقاليش هيقعد فيه اد ايه ولا ايه هو هو ماعرفنيش حاجه غير انه رايح يشوف شغل جديد فى القاهره..وماكلمنيش فى التفاصيل.
خديجه بصالها وبعدت نظرها عنها وبتحاول تكون طبيعيه وتخفى قلقها وتوترها من كلام نبيهه اللى فسرته ببعده عنها ودى كانت اول خطوه بالنسبالها فى انتهاء علاقتهم…كل اللى فى بالها انه هيدور على واحده غنيه او على الاقل هيجهز نفسه ويشوف بنت من بنات القاهره اللى بيسحروا الشباب بطريقتهم المخادعه…طبعآ دى كانت وجهه نظر خديجه وطريقه تفكيرها وده طبعآ على حسب اللى شافته من روسندا..
للكاتبه/منه محسن[Milly]
فريد قام وقف وبيعدل بدلته.
امينه بصتله بأستغراب:انت رايح فين!!؟
فريد بصلها بأبتسامه لئيمه:هروح ابارك لحبيبى..
امينه بصتله بنوع من الصدمه:نعم!!
فريد سابها ومشى وهى لسه مصدومه.
فى الوقت ده محمود دخل القاعه وبيبص حواليه مبيدورش غير على امينه.
فريد مسك المايك:كيمووو مبروووك يا حبيب قلبى ومش قلبى انا بس..حبيب قلوبنا كلنا…
محمود بصله بأستغراب ولانه بيشكر فى كريم.
فريد:انا مش عارف اقول ايه ولا ايه بس..انت اشرف واحد عرفته فى حياتى منتظم وبتموت بتموت موت كده فى الصلاه طبعآ.
مصطفى بصله وكان مستغرب ايه علاقه كريم بفريد؟!
كريم بضيق وبهمس:يا بن ال..
فريد:ولا ايه ياعروسه؟
روسندا ضحكت بسخريه وبعدت نظرها عنه وبهمس كريم سمعه:احنا هنكدب على بعض ماكلنا عارفين اللى فيها.
كريم بصلها ورفع حاجب واحد
فريد بص لمحمود وابتسم بخبث:حوده شرفت..تعالى.
امينه بصتله اتتبعت نظره بنظرها فى الوقت ده شافت محمود.
محمود بصله بضيق ولانه شاف العيون كلها عليه.
فريد ابتسم:دى الشله كلها هنا..
شمس بأستغراب:هو ايه اللى بيحصل بالظبط!..مش ده رجل الاعمال القذر فريد نصر الدين؟
شاهيناز باصه لفريد وهزت راسها بإيجاب:ايوه هو..
فريد بيشاور لكريم يجى:يلا يا كيمو مالك كده مكسوف ولا ايه؟
الكل ضحك وكريم راحله.
فريد ابتسم وحضنه:مزه..لا دى جامده.
كريم بغضب:فرييييد.
فريد ضحك وبعد بصله:بتغير؟..بتغيرى يا قطه؟…هههههه…احم…احنا جايبينك هنا عشان كلنا بنحبك وناويين نصحى الفرح اللى نام..
محمود بص لكريم بغل ورفع حواجبه:مبروك..
كريم بصله وملاحظ الغل اللى فى عيونه اتجاهه:عقبالك.
فى الوقت ده اشتغلت اغنيه(احنا واحد) هاصوا وبيغنوا مع الاغنيه والكل هاص معاهم..
فريد وكارم ومحمود وهما حاطين ايدهم على كتف بعض وبما فيهم كريم اللى قلقان من تصرف فريد ومحمود و فى نفس واحد:احنا واحد اتنين على قلب واحد جدعان والقلب جاحد.. لا متقفش قصادنا الله يهديك..احنا التقايل.. لا لا ملناش بدايل.. اخوات لا مش زمايل.. اداروا يا فراخ فى عششكوا ان ظهر الديك..
كارم:اتنين بس احنا واحد كتف فى كتف وقلب واحد حاصل ضرب اتنين فى واحد يطلعلك فى الضلمه عو..طول ماحنا فى كتف بعض هتلمح برق هتسمع رعد هتتاكل واعتبره وعد اياك تقابل يوم فى سو.
محمود بيبص لكريم وبيغنى عكس اللى جواه تماما وعكس اللى بيوصف شخصيه كريم:واد مجدع واد واد صاحب واد واد مرجل واد يتصاحب واد واد وقت الشده فى ضهرى صاحبى وعمرى ماقولو لا.. 
فريد: واد جامد واد رجوله صاحب ايام الطفوله من وقت ماكنا فى كافولا عمره عليا فى يوم ماضياق. 
بيرقصوا مع بعض وفى الوقت ده محمود شاف امينه وده اللى خلاه انسحب بهدوء وراحلها وشاهيناز مركذه مع كارم ومبتسمه بتلقائيه وشمس ملحظاها
فريد حط المايك قدام كريم اللى ساكت وهو كمل بضيق: قرص الطعميه على الطبليه مابينا مأسمينو.. بعمله اللالى وهو تملى شايلنى فى نن عينه  .. تعدينا براحتك مش من مصلحتك… علم الاسوه يا ناس ولا تسوى احنا اللى مأسيسينو. 
وكلهم فى نفس واحد: واجهين لعمله واحده غلابه بس قلوبنا جاحده اهدى بس وواحده واحده عروقك من وشك تفوط. 
فريد: احنا اجدع ناس فى شعبك جنب بعض وده اللى تاعبك لو عايز تلعب نلعبك ونقضيها فار وقط.. 
كارم: واد مجدع واد واد صاحب واد واد مرجل واد يتصاحب واد واد وقت الشده فى ضهرى صاحبى وعمرى ماقولو لا.. 
كريم: واد جامد واد رجوله صاحب ايام الطفوله من وقت ماكنا فى كافولا عمره عليا فى يوم ماضياق.. 
كلهم وفى نفس واحد: اصل احنا واحد اتنين على قلب واحد جدعان والقلب جاحد لا متقفش قصادنا الله يهديك..احنا التقايل.. لا لا ملناش بدايل.. اخوات لا مش زمايل.. اداروا يا فراخ فى عششكوا ان ظهر الديك..
محمود قعد على تربيزه امينه وبصلها وشكله باين عليه الضيق وهى بتتجاهل تبصله وباصه لفريد وكريم: ممكن افهم ايه سبب تهربك منى؟؟ 
امينه بسخريه:وهو احنا بنا ايه عشان اتهرب منك!! 
محمود باصصلها: امينه… انتى عارفه الشخص اللى انتى متواجده معاه هنا اصله ايه؟ 
امينه: زيك وزى كريم وزى اى واحد زباله وقذر… بس الفرق بينه وبينكوا انه بيقف مع الحق.. وبيسيب ميت صاحب ليه. 
محمود بغضب: انتى بجد لسه مقطنعه انى مع كريم وخايف عليه؟؟!
امينه بسخريه: لا كنت بتغنيله عداوه بقولك ايه انا مش عايزه اعرف حد فيكوا حقى هجيبه بأيدى وكفايه لحد كده. 
قامت وجات تمشى بس هو مسك ايدها ووقف: امينه.. 
امينه فلتت ايده بعنف وراحت لفريد. 
محمود باصصلها وهى ماشيه بغضب وضيق ومشى من القاعه.
امينه راحت وقفت مع فريد وكريم وكارم وبصت لكريم بأبتسامه غل: مبروك يا عريس.. 
كريم بصلها وبص لفريد وكأنه بيثبتله انه كان على حق وأنها كانت عنده: يعنيييي… 
فريد بخبث وأبتسامه لئيمه: اعرفك شريكتى الجديده… ولا اقول شريفتى الجديده! 
ويضحك وكارم بصله وبص لامينه شدها معاه وهى كانت مستغربه اللى بيعمله وبتحاول تزاء ايده: كارم انت اتجننت!! 
فلتت ايدها بعنف بعدما بعدوا عنهم وهو بصلها بغضب: امينه انا عايز افهم انتى عارفه مين اللى انتى معاه ده!! 
امينه بضيق: وانت مالك! 
كرم مسك دراعها بعنف: يعنى ايه مالك!.. انتى اختى.. 
امينه ضحكت بكل صوتها: نعم؟.. عيدها تانى كده… اختك!!…وكنت فين لما الحقير اللى اسمه كريم رمانى فى النار وبأيده!.. كنت فين لما… لما بعت اللى باقى من شرفى واللى باقى من كرامتى لفريد وبس عشان انتقم… وياخدلى حقى اللى ماحدش شافه.. 
كارم باصصلها ومستغرب كلامها: انتى بتقولى ايه!.. انا مش فاهم ايه اللى كريم عمله!! 
امينه: طيب… انا هقولك الخلاصه.. انا حامل من كريم يا كارم.. 
كارم بصلها بصدمه وبرق مكنش قادر يتكلم ولا ينطق بحرف بعد الصاعقه اللى نزلت عليه واخرسته. 
امينه بدموع بتنزل غصب عنها وبتمسحها: عرفت بقى كريم عمل ايه؟ انا مسلمتلوش لنفسى زى مانت فاكر هو كتبلى ورقه عرفى يا كارم… ومش كده وبس.. عشان ماعرش الباشا و… وافضحه قدام اهله اللى واخدينه قدوه… هو بعت ناس تقتلنى وتخلص منى.. 
كارم لسه مصدوم ومش قادر يتكلم. 
امينه مسحت دموعها وهزت راسها بإيجاب: انا هاخد حقى بأيدى ومش طالبه مساعده من حد.. انا هساعد نفسى بس يا ريت تنسوا امينه وكفايه اوى لحد كده.. 
سابته ومشيت وهو لسه فى صدمته 
شاهيناز وشمس واقفين مع روسندا اللى قاعده فى الكوشه وكريم راح قعد جانبها 
شاهيناز وشمس سكتوا لما شافوه: اا.. مبروك يا كريم. 
كريم بصلهم بأبتسامه: الله يبارك فيكوا.. عقبالكوا.
قرب من ودن روسندا وهمس: ايه مش يلا بقى نكتب الكتاب؟؟ المأذون وصل.. 
روسندا بصتله بقلق وبتحاول تلاقى اى حجه تأخر بيها كتب الكتاب: اا.. لا خلينا شويه كده.. 
كريم بضيق: وليه بقى! 
روسندا بتهرب: عشان…. عشان انا… 
سكتت لما سمعت صوت امينه والكل بصلها وانتبهولها. 
امينه: احم… انا صديقه كريم و.. بالمناسبه السعيده دى هغنيله اغنيه بتعبر عن.. كل حاجه حاسه بيها اتجاهه وكل لحظه عشتها معاه.. 
كريم بصلها بضيق وغضب وكارم باصصلها والحزن متملكه غير الصدمه اللى خادها فى كريم.. 
امينه غمضت عيونها وبدأت تغنى والموسيقى شغاله: موج بيسحابنى.. موج يشتتنى… زى بيت مبنى.. من الرمله موج يفتتنيي.. موج بيحدفنيييي موج بيرمينى.. موج بيخطفنى وانا شطى مين يعدينييي…فى مبين سطور حكايتى ذكريات كتار.. يأس جبن هروب مواجهه ضعف وانتصار صبر عند كفاح تحدى واحساس بالمرار.. يوم فى انهزام ويوم فى انتصار…
روسندا بصالها وحست من صوتها كميه الوجع اللى جواها وده لان صوتها صحى الاوجاع اللى فى قلب روسندا.. 
امينه كملت وهى مغمضه عيونها: فى مبين سطور حكايتى ٣٠٠ صراع.. موج ودومات عافرتهم من غير شراع.. حيره وياتوهه حلم جاى حلم ضاع فرحه فى اللؤه صرخه فى الوداع.. 
روسندا بصالها وعيونها مدمعه اثرت فى روسندا لكن كريم ماتهزش فيه اى مشاعر.. 
امينه: موج بيسبقنى… موج بيسرقنييي… ايد وانااااا بغرق تغرقنى ايد بتلحقنييي… موج يوقعنييي… موج يعليييينييي.. صدمه توجعنى… وتنهينيي صدمه تحيينى.. فى مبين سطور حكايتى ذكريات كتاار.. يأس جبن هروب مواجهه ضعف وانكسار.. صبر عند كفاح تحدى احساس بالمرار يوم فيه انهزام.. يوم فى انتصار..فى مبين سطور حكايتى ٣٠٠ صراع.. موج ودومات عافرتهم من غير شراع.. حيره وياتوهه حلم جاى وحلم ضاع فرحه فى اللؤه.. صرخه فى الودااااع.. 
الكل صقف وروسندا مسحت دموعها وكريم بصلها وحس اد ايه هى اثرت فيها وعشان كده حس ان ممكن يكون فى مجال للكلام بينهم وده اللى قلقه: اا.. حبيبتى ثوانى وراجع.. 
قام بسرعه راح لامينه وروسندا بصت لشمس وشاهيناز: اا.. انا هروح الحمام وراجعه.. 
شمس هزت راسها بإيجاب: اجى معاكى طيب؟ 
روسندا هزت راسها بنفى: لا انا مش هأخر.. 
وتمشى. 
كريم جى يشد امينه من ايدها بعنف فريد شدها وبصله بلؤم: مكااانك… 
كريم بصله بغضب وبص لامينه. 
امينه بصتله بتحدى وغضب: تعرف انت جبان… تخيل كده يا كريم لو فضحتك وكل اهلك وحبايبك موجودين؟… هتعمل ايه؟! 
كريم بصلها مينكرش ان احساسه فى الوقت ده كان عباره عن كتله من الخوف بس هى ضحكت وبصت لفريد بثقه: مش بقولك جبان.. 
يلا نروح لحسن الفرح رخم اوى.. 
مصطفى راح لكريم وهو باصص لامينه وفريد وهما ماشيين. 
مصطفى: كريم فين روسندا عشان تكتبوا كتابكوا؟ 
كريم بصله وبص عند الكوشه مالقهاش:مش عارف انا كنت لسه سايبها هنا..
راح لشاهيناز ولشمس:هى روسندا فين؟
شاهيناز بصتله:فى الحمام..
كريم بصلهم وراحلها.
بعد دقايق والكل بيتكلم عن سبب عدم وجود روسندا فى الحفله.
عزام:لا كده الوضع زاد عن حده..
كرم بصله:اروح ادور عليها؟
عزام بصله وهز راسه بإيجاب:يا ريت انا بحاول اتصل بيها بس هى مابتردش.
كرم:انا هروح اشوفها ولو لقيتها هبلغ حضرتك.
مشى وعزام اتنهد بعمق وقلق.
كريم بيتصل بيها لكنها مابتردش.
مصطفى بغضب:هى اتجننت ولا ايه!…ده اللى كان ناقص تسيب الفرح كمان زى ماسابت الخطوبه ومشيت.
سوسن:هتعرك زى مابتعر عزام بيه كده…واللهى انا بتمنى الجوازه دى ماتكملش.
مصطفى بضيق:ممكن تسكتى بقى احنا دلوقت فى ورطه..
راح وقف مع عزام:انت اكيد اللى مقويها على كده واكيد انت عارف مكانها.
عزام بغضب:بقولك ايه انا بتصل بيها زيى زيك ومابتردش ف ملوش لازمه الكلام ده ونلاقيها الاول لاتكون مخطوفه ولا ف ورطه.
شمس وشاهيناز راحولو واتكلموا بأسف:مالقنهاش فى الحمام..
عزام بصلهم بقلق وبأنزعاج وضيق:امال فيين!!
عده عشر دقايق وعزام اتصل بكرم:ايه يا بنى لقيتها؟؟
كرم بأسف:للاسف لا ياعزام بيه.
فى الوقت ده كريم شد التليفون من على ودن عزام واتكلم بعصبيه:انا متأكد انك انت اللى ورا كل ده بس ودينى لو طلع شكى فى محله انا مش هرحمك.
كرم بضيق وغضب:انت بتقول ايه انا مستحيل ا…
سكت لما شاف روسندا جياله وده بسبب الصدمه اللى اتملكته.
عزام خاد التليفون من كريم:الو يا بنى.
كرم:عزام بيه انا لقيتها..
عزام بص لكريم ومصطفى:طيب الحمدالله هاتها وتعالوا على الحفله.
كرم:امم..حاضر.
وقفل الخط 
كترم راح وقف مع كريم وبصله:عايزك ثوانى..
كريم بصله وراح معاه.
كارم بصله:كريم انا هسئلك سؤال وتجاوبنى عليه بمنتهى الصراحه…انت عملت علاقه مع امينه وهى حامل منك؟
كريم بصله والتوتر انتابه حس ان كل ماده الحكايه بتوسع وكل ماده شخص جديد بيعرف.
كارم:انا هسمعك وهصدق اى حاجه هتقولها…بس تقولى الحقيقه لانى لو اكتشفت بعد كده انك كذبت عليا صدقنى انا مش هسكت..
كريم بعد نظره عنه:هى تستاهل اللى حصل فيها…واكتر من كده…
كارم قاطعه بعصبيه:انا مليش دعوه تستاهل ولا لا انا عايز اعرف وبسئلك سؤال فى منتهى الوضوع ف يا ريت تجاوبنى بصراحه..
كريم بصله وهز راسه بإيجاب:طيب انا فعلا اقمت علاقه معاها وكان بمزاجها.
كارم باصصله وحس بخيبه امل فى الشخص اللى كان اقرب شخص ليه:مع امينه!…اللى كنا بنعتبرها اكتر من اخت لينا؟؟
كريم:انا بقولك كان بمزاجها انت مابتفهمش!
كارم:المشكله انى فاهم…تعرف هى اول مقالتلى الكلام ده انا مصدقتش عارف ليه؟…مش عشان انا واثق فيك…عشان انت كنت اقرب حد لقلبى واكتر شخص حبيته كأخ وكاصديق كمان..
كريم بصله وبعد نظره عنه.
كارم هز راسه بنفى وبخيبه امل اتنهد بعمق وسابه ومشى وهو ساكت تماما..وكأن لسانه عجز عن وصف اللى حصل بأى تعبير.
عند روسندا وكرم
روسندا وقفت قدام كرم
كرم:روسندا هانم انتى روحتى فين الكل قلب الدنيا عليكى..
روسندا:كرم انا مابحبش كريم ومش هتجوزه…مش انت قولتلى اى حاجه مضيقاكى وعايزه تحكيها لحد..انت هتكون اول واحد يسمعنى؟…فى حاجه انا عايزه اقولهالك.
كرم لسه باصصلها.
روسندا:كرم انا..بحبك..
كرم برق ولسه مصدوم مكنش قادر يتحكم فى نفسه:اا..انتى..بتقولى ايه!..روسندا هانم..
روسندا قاطعته بمسكه ايدها ليه:متقوليش روسندا هانم انا اسمى روسندا روسندا حبيبه كرم وبس..
كرم مصدوم من كلامها وبعد ايدها عنه وهز راسه بنفى.
كرم: روسندا انتى لازم ترجعى لفرحك ده غلط محدش من عيلتك هيتقبل اللى عملتيه ده ..انا متجوز دلوقت و..
روسندا قاطعته بدموع :ممكن تطلقها انت مش هتلاقى حد يحبك زيى يا كرم انا سيبت فرحى وكل حاجه عشانك..انت..انت كمان بتحبنى انا عارفه.
كرم باصصلها ومصدوم من كلامها :انتى بتقولى ايه انا لو حتى بحبك ماينفعش ارجع ف كلمتى بعد كل الصبر ده..
روسندا بصراخ :يعنى ايه يعنى هتسيبنى عشان واحده متجيبش ضفرى انت نسيت نفسك ولا ايه انت تربيه شوارع ..انت بترفض تبقى معايا بعد كل اللى عملته !…صح ماهو مقامك مقام شحاتين..
كرم باصصلها ومصدوم الغضب اتملك ملامحه وبعد نظره عنها:انا فعلا من الشارع ونسيت مقامى لانى عاملتك على انك بنى ادمه وعندك  قلب…انا فعلا شحات..
روسندا بصاله وهو جى يمشى مسكت ايده وهزت راسها بنفى وبدموع:ل لا..انا مكنش قصدى اقول كده..كرم انا بحبك..
كرم بعد ايدها عنه وبرسميه:روسندا هانم يا ريت تتفضلى ترجعى على الحفله معايا زى ماعزام بيه طلب منى  .
روسندا بصاله وبتمسح دموعها:يعنى هترفض مشاعرى اتجاهك؟؟؟…كرم انا عيزاك جانبى وبوعدك انى هتغير عشانك واللهى هتغير بس انت خليك معايا وماتسيبنيش..
كرم بضيق وبيتجاهل يبصلها:روسندا هانم ممكن تتفضلى تيجى معايا على الحفله.
روسندا حطت ايدها على بؤها بعياط:طيب..زى مانت عايز..انا مش هروح على الحفله انا هروح على القصر..
كرم بصلها وبعد نظره عنها:زى ماتحبى..
بعد ماوصلوا للقصر وكرم كلم عزام قاله انهم فى القصر مصطفى وعادل وكريم صبقوا عزام على هناك وده لانهم كانوا مغلولين ومستحلفين لروسندا.
مصطفى ضرب روسندا بالالم بعنف وكرم بصله بضيق وكان بيمنع نفسه يتدخل بكل الطرق..
مصطفى بصراغ وغضب:انتى مصره تعرينا بتصرفاتك المتخلفه انا مش فاهم انتى مجنونه!!…انتى لو واحده معندهاش عقل مش هتتصرف كده…
روسندا بتعيط وساكته.
مصطفى مسك شعرها بعنف:ردى عليا مشيتى ليه من الفرح؟
روسندا بصت لكرم وكأنها مستنياه يدافع عنها فى غياب عزام.
مصطفى: ردى..عليا..
روسندا:مابحبوش..
كريم بصلها ومصطفى جى يضربها تانى بغل كرم مسك ايده وهو بصله.
كرم:انا اسف بس عزام بيه مطالبنى بحمايتها فى غيابه…اتصرف زى مانت عايز فى وجوده.
مصطفى فلت ايده بعنف ومسك ياقه قميصه بعنف:انت ماتدخلش فاهم؟
كرم فلت ايده وشد روسندا وراه:انا مش هرد على حضرتك لان فى بلدنا علمونا لما الكبير يغلط نستحمله…
مصطفى:امم وانت بقى جاى من الزرايب هناك عشان تعلمنا الادب؟
كرم بصله ببرود:بردو مش هرد عليك..ف الاقوه هو من يمتلك نفسه عند الغضب…واظن انك عارف كده.
روسندا بصتله وفهمت انه بيستفزه وبالفعل نجح .
مصطفى بغل وغضب من بروده:يبقى تبعد من قدامى حالا والا انا مش هرحمك.
روسندا ماسكه فى كرم بخوف ومستخبيه وراه.
مصطفى جى يشد روسندا كرم بعدها عنه:روسندا هانم اتفضلى اطلعى على اوضه حضرتك لحد ماعزام بيه يجى.
عزام فى الوقت ده دخل القصر.
كرم بصله وعزام راحلهم وباين على وشه علامات السعاده اللى بيحاول يخفيها:روسندا ممكن افهم ليه سيبتى الفرح؟
روسندا بصتله وبتمسح دموعها:انا…مابحبوش ومش عايزه اتجوزه.
مصطفى بغضب وصراخ:وهو انتى تقولى اه وقت ماتبقى عايزه وترفضى وقت ماتعوزى!…لو انتى مابتتنيليش بتحبيه ليه وافقتى على الجواز من الاول؟
روسندا بصت لعزام وبعدت نظرها عنهم.
مصطفى جى يشدها من ورا كرم :ردى.
عزام مسك ايده وزأه بعنف:خلاص بقى انت مابتصدق تضربها!..قالتلك مابتحبوش كانت غلطانه فى اختيارها وصلحت غلطها.
كريم بغضب من كلام عزام:واللهى!…وهو الكلام ده فيه هزار!..يعنى ايه كانت غلطانه انت اصلا مكنتش عايزها توافق على الجوازه من الاول..
عزام بصله بتأكيد:انا فعلا مكنتش عايزها توافق على الجوازه ولحد دلوقت بس زى منا ماضربتهاش على ايدها عشان توافق انا بردو مضربتهاش على ايدها عشان تسيب الفرح.
عادل باصصلهم وساكت تماما..دفاع عزام عن روسندا بالشكل ده حسسه بأحساس الاستحقار من نفسه احساس هو اول مره يحسه وهو بيضربها ويهينها لو ماعملتلهوش اللى هو عايزه وعزام بيهاودها وبتعمله الف حساب وبس بيقولها انه زعلان منها.
كريم بص لعادل بغل:عمى اتكلم…قول حاجه ماهو مش معقول الموضوع ينتهى بالبساطه دى..
روسندا بصت لعادل وهو بصلها ولدموعها اللى مش مبطله نزول وخدودها الحمر من ضرب مصطفى ليها.
عادل بعد نظره عنها بضيق:هى حره…دى حياتها.
روسندا بصتله وبرقت وعزام استغرب وكان كلامه صدمه على مصطفى وكريم.
مصطفى بغضب:حره!!!…حره ازاى؟…انت ايه اللى جرالك؟
عادل بصله وبصلهم:عن اذنكوا انا تعبان وهروح ارتاح…مصطفى كريم يلا..
مشى والكل مصدوم من اللى حصل.
مصطفى بص لروسندا بغل وغضب:من دلوقت انتى مالكيش عم اسمه مصطفى وانا متبرى من معرفتك القذره وربنا ينتقم من اللى بتعمليه فينا وتسويئك لصمعتنا قدام الناس كلها..حسبى الله ونعم الوكيل فيكى.
مشى وكريم بصلها وراح وراه.
روسندا بصاله وهو ماشى وراحت قعدت على الكنبه.
مصطفى بغضب:ممكن تفهمنى سبب كلامك المتخلف ده.
عادل بصله:مصطفى انا ماعيشتش روسندا معايا طول الخمسه وعشرين سنه دول..وعند جوازها هاجى اغصبها كمان تتجوز مين وماتتجوزش مين!.بانهى حق؟!!
كريم:بحق انك المفروض ابوها.
عادل:وهو انا ادتها كل حقوقها اتجاهى كأب!…ولا فى اللى احنا عايزينه وبس ببقى ابوها!!
عزام رايح جاى قدام روسندا ووقف فجاه بصلها:انا مش عارف اعمل فيكى ايه..
روسندا بصتله وهو ضم شفايفو بقله حيله:اعمل ايه معاكى تانى هاا!!…انا خلاص سلمت امرى الى الله وربنا عارف انى حاولت حسبى الله ونعم الوكيل.
سابها ودخل اوضته وهى بصت لكرم وعيونها مليانه دموع وأسف.
كرم بعد نظره عنها وطلع على اوضته هو كمان.
روسندا بصت لئوضه عزام وراحتله..خبطت على باب الاوضه ودخلت وهو نايم على السرير بأرهاق ماغيرش حتى هدومه ولا قلع الجزمه اللى فى رجله.
روسنداقربت قعدت جانبه على السرير وهو فتح عيونه وبصلها وبسخريه:ايه جايه تكملى عليا قبل منام؟
روسندا عيطت وبتتجاهل تبصله:انا اسفه…
عزام بصلها بصدمه وبص لدموعها قعد على السرير وملك وشها بين ايده وبيمسحلها دموعها بلهفه:بس بس حبيبتى اهدى خلاص انا مش مضايق ابدا امم اهدى يا روسندا..
روسندا انهارت فى العياط اكتر:انا..انا وافقت على الجواز من كريم وبس عشان اسيبك تعيش براحتك وتتمتع بالاملاك اللى فاكرنى طمعانه فيها…بس..بس انا ماقدرتش اضحك على نفسى اكتر من كده واكمل فى الجوازه دى..
عزام حضنها جامد وبيحاول يهديها:عمرى انا مستحيل افكر انك طمعانه فى املاكى لان املاكى هى املاكك انا اللى كان مضايقنى منك ومضايق عشانه هو مشيك الغلط انا واللهى مابتمناش حاجه من الدنيا غير ان حالك يتصلح وربنا يهديكى انا نفسى اموت وانا مرتاح ومتطمن عليكى وبردو مكنتش عايزك تتحوزى كريم لانى عارف مشيوه البطال وانا عايز ادى زهرتى لواحد يحافظ عليها.
روسندا بتعيط وهزت راسها بنفى:لا متموتش وتسيبنى..
عزام ابتسم وهز راسه بإيجاب:طيب ممكن تهدى بقى وتبطلى عياط والا انا كده هموت.
روسندا بعدت عن حضنه وهزت راسها بنفى وبتمسح دموعها:لا لا انا هسكت.
عزام ابتسم ومد ايده مسحلها دموعها وقرب باس خدها:عزام بيموووت فيكى انتى بس حققيله اللى بيتمناه وهو هيطير بيكى لسابع سما.
روسندا بصتله وهزت راسها بإيجاب:انامش عزل عزام و…هسمع كلامه.
عزام ابتسم ومكنش عارف سبب التغير المفاجئ بس اللى يعرفه انه كان فى غايه ابساطه ده كان اسعد يوم بالنسبالو..حضنها وهى حضنته وغمضت عيونها براحه:نيم روسندا جانبك بقى.
عزام باس جبينها بأبتسامه وهز راسه بإيجاب:من عيونى.
عايده بتخبط على باب اوضه كرم وهو عامل نفسه نايم عارف هى هتفاتحه فى ايه لكن كلام روسندا ليه مفارقش تفكيره ولا لاحظه…اللى كان بيتهرب منه وبيحاول ينفيه لنفسه هى نفسها اعترفت بيه وكأنها بتقوله مفيش مجال للهروب اكتر من كده…
للكاتبه/منه محسن[Milly]
فى بيت محمود..
مامته حضنته بأبتسامه:وحشتنى يا نور عين ماما.
محمود ابتسم بخفه وبيحاول يدارى الزن الىى متملكه:انتى كمان وحشتينى.
مامته بعدت وبصت للبيت بأبتسامه:البيت بالظبط زى ماسيبته..
محمود:طبعآ وهو ايه اللى هيتغير!
مامت محمود ملكت وشها بين ايده بأبتسامه:صح يا حبيبى انا عملالك مفاجئه ويا رب تعجبك.
محمود باصصلها وبيسمعها.
مامت محمود:تصور مين اللى حى معايا هنا؟
محمود بأستغراب:مين؟!
مامت محمود:ماجده بنت عمك شوكت فاكره؟
محمود لسه باصصلها وزاد استغرابه:وايه اللى جابها معاكى؟
مامت محمود:بص ياحبيبى انا قولت بدل مانت مالقتش بنت الحلال ف انا هجيبهالك والحقيقه بقى مالقيتش بنت فى ادب واحترام ماجده هى قاعده هنا عند خالتها قريب مننا وانت متجهز وعندك الشقه اللى حيبتهالك تتجوز فيها قبل ماروح الصعيد.
محمود باصصلها بتفكير ومتردد يرد عليها بأيه..فقد الامل فى علاقته هو وامينه وكمان تحربتها علمته حاجات كتيره منها انك ماتحبش…دى حقيقه هو اتعقد من الحب واللى بيحصل بسببه عشان واحده حبت واحد ووثقت فيه ضاعت حياتها كلها..
محمود هز راسه بإيجاب:اللى تشوفيه انا هعمله.
مامت محمود ابتسمت وباست خده وحضنته:ربنا يحرسك ويحفظك يا حبيبى.
فى اليوم التالى ولما انجى كانت بتقلب فى التليفزيون اتصدمت لما شافت خبر القبض على هانى وجار البحث عن باقى افراد العصابه.
انجى قفلت التليفزيوم وراحت لعايده بسرعه.
عايده قاعده بتفطر فى الجنينه.
انجى قعدت قدامها بصدمه:بابا…اتقبض عليه.
عايده كانت بتشرب فنجان الشاى اتوقفت عن شربه اول ماسمعت الخبر.
عايده بصتلها ومكانتش عايزه تبين نفسها مهتمه:ااا..اتقبض عليه!..وبتهمه ايه انشاء الله!
انجى:تهريب…اسلحه ومخدرات..
عايده بصتلها بصدمه اكبر:تهريب ايه!!…شوفتى كان عندى حق لما قولتلك تبعدى عنه ادى اخرتها كان هياخدك معاه للحبس.
انجى بصتلها بحزن ودموع:هو عمل كده عشان يعيشنا معاه وبس…وبعدين انتى بتقولى هياخدنى معاه الحبس!…احنا اللى بنعمله ده يتحمل علينا بيه مؤبد.
عايده سكتتها بتحذير:انتى اتحنمتى ولا ايه!…تعرفى ايه اللى هيحصل فينا لو حد سمعك؟..ماتتكلميش فى الموضوع ده تانى فاهمه؟
روسندا خرجت من اوضتها بعد ماخدت شاور وغيرت هدومها.
فاطمه:احضرلك الاكل يا روسندا هانم؟
روسندا بصتلها وهزت راسها بإيجاب:امم..
فاطمه:شاى ساده بردو؟
روسندا بصتلها وهزت راسها بإيجاب.
فاطمه:زى مانتى عايزه.
راحت على المطبخ وروسندا قعدت على السفره مسكت تليفونها واتصلت بعزام لما شافت اتصاله.
عزام رد بأبتسامه:صباح الخير يا روح قلبى.
روسندا ابتسمت:صباح النور…لقيتط متصل بيا كذه مره انا كنت باخد شاور وشوفت اتصالاتك دلوقت.
عزام:صح انا فعلا اتصلت بيكى بس كنت عايز اطمن عليكى واشوفك صحيتى ولا لسه.
روسندا:لا انا صاحيه من بادرى..
عزام بأبتسامه:طيب يا روسندا هخلص شغل وهرجع على البيت..عايزه حاجه اجبهالك معايا؟؟
روسندا بأبتسامه:شكرا..يلا باى..
قفلت الخط وعزام نزل التليفون من على ودنه وهو مبتسم.
رحيم بصله ورفع حواجبه:ايه الحلوه دى!
عزام بصله ولسه الابتسامه على وشه:شكل مفعول اخوك ابتدا يظهر على روسندا…من امبارح وهى اتغيرت ١٨٠ درجه بقت حد تانى.
رحيم:لا ده انت هتشوف العجب مع اخويا..ادعيلى بقى كل ماتلاقى نتيجه ادعيلى.
للكاتبه/منه محسن [Milly]
كريم قاعد فى مكتبه ساند ذقنه على ايده وسرحان.
فريد خبط على باب مكتبه ودخل.
كريمبصله بأنتباه واتنهد بضيق.
فريد راح قعد قدامه:مبروووك يا عريسنا ياللى خدت صابونه فى الاخر.
ويضحك.
كريم بصله بغضب:فريد انا مش ناقصك.
فريد:وعلى ايه بس انا جاى اديلك هديه الفرح…وهى وجودى هنا.
كريم باصصله بملل:امم…هزار تانى..
فريد:لا انا مابهزرش الهديه فعلا هى وجودى..هوضحلك اكتر يا بطل..
خرج عقود وحطها قدامه:دول عقدين تم البيع فيهموبكل نجاح.
كريم قراء العقود وبصله بصدمه:اا…انت..بتهزر!؟
فريد هز راسه بنفى وهو ضامم شفايفه بأسف وبأبتسامه بارده:للاسف لا..
للكاتبه/منه محسن[Milly]
فاطمه:روسندا هانم شاهيناز وشمس جوم..
روسندا بصتلها وابتسمت وهما دخلوا:يا سيدى يا سيدى على الروقان امال لو مكنتش خربت الدنيا عليك امبارح.
روسندا:اقعدوا كلوا.
شمس:ناكل ايه بس ده احنا جاينلك ومعانا مصيبه اكبر من مصيبه سيبانك للفرح بكتيييبر…
شاهيناز:روسندا ماذن خرج من السجن وناوى يخلص عليك يا جميل.
روسندا بصتلها بصدمه:خرج من السجن ازاى؟!!
شاهيناز:اسكت مش عمه طلع نقيب واحنا نايمين فى العسل…يعنى لا هتاخدى منه لاحق ولا باطل فى بلدنا دى الاقوه هو اللى معاه سلاحه وهو اللى بيفوز دايمآ..يعنى انسى انك تاخدى حقك منه..واللى يخلا عمه يرضى يخرجه ويقبل بنصر الظلم معنى كده ان هو كمان فاسد.
روسندا بصالها بتفكير جى فى بالها انه هو اللى ممكن يكون هو اللى بيحاول يقتلها طول الوقت ده..
كرم بيكلم خديجه فى التليفون وهو فى اوضته. 
خديجه بتردد: ابيه كرم انا هسئلك سؤال بس تجاوب عليا بننتهى الصراحه… ممكن؟
حكيتله كل اللى هبه قالته وكرم كان فى قمه صدمته وأندهاشه: اا.. انتى بتقولى ان روسندا  قالت كده لهبه؟ 
خديجه: ايوه انا وعدتها انى مش هقولك الا لو لقيت الموضوع هيهز علاقتكوا وهى حاليآ بتفكر فى الطلاق منك بسبب اللى انا حكيتهولك ده ابيه كرم انا كمان عايزه اعرف الكلام ده صح ولا زىمنا متوقعه غلط.. 
كرم مصدوم وفهم سبب تغير هبه من ناحيته عيونه احمرت وبتدق شرار وعروقو برزت ولاول مره يظهر الذئب اللى جواه.. 
كرم بهدوء وغضب باين جدا على ملامحه: خديجه هكلمك بعدين… 
قفل الخط وخرج برا الاوضه بغضب وبيتواعد لروسندا اللى كانت سبب رئيسر فى خراب بيته وحياته وهو ولا كان حاسس بأى حاجه.. 
يتبع..
لقراءة الحلقة السادسة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية اختطفني لأكون له سجينة للكاتبة وفاء كامل

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى