Uncategorized

رواية عشقت معاق الفصل الخامس عشر 15 بقلم نادين محمد

 رواية عشقت معاق الفصل الخامس عشر 15 بقلم نادين محمد

رواية عشقت معاق الفصل الخامس عشر 15 بقلم نادين محمد

رواية عشقت معاق الفصل الخامس عشر 15 بقلم نادين محمد

عمر بغضب:مين سمحلك تتكلمي معايا فالموضوع ده
ماسه ببرود:انا..
عمر:والله….انتي مفكره نفسك مراتي بجد..انا متجوزك اه بس عالورق..انتي فاهمه ولا لا
ماسه ببرود:لا مش فاهمه… حضرتك لازم تعمل العمليه..دي مفيده ليك ياعمر
عمر:لا 
ماسه:انا عايزاك تخف… تمشي من اول وجديد
عمر ببرود: متحطيش حاجه فدماغك مش هتحقق
ماسه بصتله: عشان خاطري 
عمر سرح فعيونها(مش بالشكل اللي بتتخيلوه لسه ملامح وشه بارده برضو) مردش عليها
ماسه لحظت كده واستغلت الوضع:بقولك عشان خاطري انا… طب عشان خاطر نادين وعلياء…عشان خاطرهم… انا عايزاك تمشي تاني زي الاول…اذا كان مش عشاني عشان اهلك اللي املهم فيك كبير… العمليه مش صعبه خالص..ودكتوري اللي هيعملك العمليه وانا هاخد بالي منك..عشان خاطري
عمر:ماشي..
ماسه بصدمه:بتهرز صح؟؟
عمر: عشان خاطر علياء ونادين
ماسه حضنته وهي مبسوطه لأنه وافق يعمل العمليه حتي لو مش عشان خاطرها…ف هي…حبته..
ماسه:طب امتي
عمر: بعد اسبوع
ماسه بتكشيره: اسبوع بحالهه
عمر:ايوه علي ما اجهز نفسي
ماسه بابتسامه:م…مش مهم… المهم انك وافقت تعمل العمليه ونامت وهو نام برضو
عدي الاسبوع بخير عليهم كلهم وكل يوم ماسه كانت بتطمن عمر علي العمليه وتهديه انه هيبقي بخير.. وسليم مقفول عليه القصر وعليه حراسه مشدده جدا يعني محبوس… ادم ورنا علاقتهم تطورت وبقو صحاب نوعاً ما بعد الاسبوع ده عمر وادم وكلهم فالمستشفي عشان العمليه
عمر قاعد عالسرير مش قلقان خالص وملامحه كلها برود عادي يعني انا ذات نفسي اتعصبت
ماسه بهدوء: عمر…متقلقش
عمر ببرود:مش قلقان
ماسه بصتله وهزت راسها ببطئ لتحت وبعدين دخل العمليه 
علياء بدموع:م…ماسه ه…هو هيقوم كويس صح
ماسه بهدوء: متخافيش يا علياء هيقوم ويبقي زي الفل..متخافيش وقعدت عادي…هي متضايقه من تعامله معاها..وهو مش طايقها..
(بعد ساعتين)
الدكتور خرج من الاوضه وهو بيقول..
الدكتور:محتاجين دم ف اسرع وقت
ماسه:خد مني يا دكتور
الدكتور:تعالي يابنتي
دخلت معاه وبالفعل اتبرعتله بكيس دم وراحت قعدت مكانها تاني بكل برود…وادوها عصير تشربه عشان تعوض الدم اللي خسرته..
“بعد شويه”
الدكتور بابتسامه:المريض بخير…تقدرو تدخلولوه 
كلهم دخلو جري وماسه اتنهدت وقامت وراهم 
علياء: عمر..ان…انت كويس صح…انت كويس
عمر:ايوه كويس يا علياء… اقعدي
ادم: حمدالله علي سلامتك ياعمر
عمر: الله يسلمك 
نادين:حمدلله علي سلامتك ياعمر
عمر:الله يسلمك يانادين
ماسه جت من برا وسندت عالحيطه وربعت ايديها وقالت
ماسه:حمدلله عالسلامه يا….يا استاذ عمر
عمر ببرود:الله يسلمك
فضلت بصاله باستغراب وصدمه وحزن فنفس الوقت..ف هو كان عادي طول الفتره الي فاتت…لي اتحول كده
يعني نزلت راسها لتحت وابتسمت بحزن وقالت:عن اذنكم…هروح البس واسبقكم علي البيت ومشيت 
(احم احم عمر خف اها فرجله…يارب يخف فمشاعره بقا)
مشيت هي وراحت البيت ولبست واسنتهم لحد ما ييجو 
جم ولأول مره..ماسه تشوف عمر بيمشي…كان بيمشي يعرج شويتين…علي ما يتعود يعني…هي فرحت اوي انها شافته بيمشي…لانها زي ما قولتلكو حبته(والله ما اعرف حبته علي اي)ابتسمت ابتسامه وبعدين قالت:انا عايزه اروح عند ماما القبر…ممكن تقولولي فين
علياء:طب استني هاجي معاكي
ماسه:لا لا… خليكي انا عايزه اروح معاها لوحدي شويه
علياء: براحتك ياحبيبتي.. المكان*****…اتمني متعيطيش
ماسه بابتسامه:مش عارفه.. المهم انا هروح..وحمدلله علي سلامتك يا استاذ عمر مره تانيه
مشيت وعمر مستغرب ان هي ليه بتقوله استاذ عمر..
ماسه لما وصلت قعدت قدام القبر وقعدت تكلمها
ماسه:ماما….وحشتيني اوي..انتي وبابا يعني انتو الاتنين متختلفوش عن بعض كتير…كان نفسي اشوفك اخر مره والله….كتبتلك مذكره ياماما…كتبت فيها اني نفسي اشوفك واحضنك اوي…بس محصلش نصيب…يمكن شويه واجيلك…. مين عالم يا ماما انا هموت امتي…بس انا نفسي اموت اوي… نفسي اموت واجيلك واريح نفسي….عارفه لي…اولا نفسي اشوفك انتي وبابا…ثانيا عشان زهقت من الحياه…يعني هي شويه وهتمشي صح…ليه بقي ممشيش قبلها…ماما اناا…انا حبيت عمر…مش عارفه لي والله تصدقي….بس انا حبيته اوي… مع انه بارد اوي بجد بارد اوي… بس حبيته اعمل اي..لما كان بياخدني فحضنه والله ياماما كنت بترعش من جوايا ومش ببين عشان عارفه انه عمره يا هيحبني…عشان كده لما اروح هطلب الطلاق وامشي… عارفه انها حاجه صعبه بس لو قعدت معاه اكتر من كده…هتعلق بيه اكتر فاهماني… المهم احكيلك عن حياتي…انا عايشه كويسه من بعد ما روحت القصر عشان انقذوني من سليم…بس بعد ما حبيت عمر مبقتش كويسه… لأنه بقي يعاملني ببرود اكتر ياماما م..مش عارفه لي..بس يمكن زهق مني تفتكري صح..بصي ياماما…عشان لو قعدت معاكي هعيط اكتر من كده…انا همشي دلوقتي وهبقي اجيلك بكره… هجيلك كل يوم احكيلك عن حياتي…بس اتمني تسمعيني…بحبك اوي وقامت مشيت ودموعها علي خدها
روحت البيت ولاقتهم كلهم نايمين ف طلعت هي الاوضه كمان عشان تغير هدومها وتنام… لسه داخله تغير هدومها فالحمام لقت عمر طالع عاري الصدر بينشف وشه
ماسه وهي مدوره وشها الناحيه التانيه:ييييي في اي ياعم يعني تطلع كده انت استغليت انك بقيت تمشي عشان تطلع كده براحتك قول بيب بيب طيب في اييه
عمر دير وشها ليه الناحيه التانيه وخلاها تبص لوشه
هي سرحت طبعا مهي بتحبه(مهي جموسه اساسا كل اختيراتها غلط.. يارب تتعلم بقا)
وعمر قرب وشه من وشها وباس طرف مناخيرها برقه وهي اترعشت بسرعه
قام بعد عنها وراح قدام التسريحه وهي بصتله بغضب ودخلت الحمام ورزعت الباب وراها 
بعد ما لبست طلعت لقته لسه واقف قدام المرايه بيحط بيرفيوم مش عارفه لي يعني بس هو كده…مهتمتش ونامت عالسرير بعدين هو نام وراها..(يعني بصراحه مليش نفس اكتب محن دلوقتي)
بعد ما صحي ماسه كانت لسه نايمه…قام لبس هدومه وحط بيرفيوم تاني ونزل تحت راح الشركه
عمر بانشغال فورق:ليلي انتي قولتيلي مين جاي يقدم علي شغل
ليلي:بنت مقالتش اسمها
عمر:دخليها
ليلي:تحت امرك
(نسيت اقولكم انا غيرت اسم تسنيم خليته ليلي)
البنت دخلت وعمر باصص فالاوراق اللي قدامه
عمر:اهلا وس….ماسه!!!!
يتبع….
لقراءة الفصل السادس عشر : اضغط هنا
لقراءة جميع فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى