رواية توأم من الظلام الفصل الثامن 8 بقلم سهيلة سعيد

رواية توأم من الظلام الجزء الثامن

رواية توأم من الظلام البارت الثامن

رواية توأم من الظلام الحلقة الثامنة

رامي وهو بيبص ل احمد : ازاي وانا متخانق مع اخوها ي فالح 🙄
احمد : روح اعتذرله واعزمهم
( يسكت رامي دقيقة بيفكر )
رامي : ماشي
( يقرب رامي عليهم ، يلمحوا اسر ، يفضل باصصله ب ترقب )
رامي : ازيكوا ؟
ليلى وهبة : الحمدلله
( ميردش اسر وسارة )
رامي ب توتر : احم ااا انا عارف انكم متضايقين مني من وقت الي حصل بس انا اسف يعني 😬
سارة : محصلش حاجة
رامي ل اسر : لسة زعلان ؟
اسر : لأ
رامي : اوك .. انا عيد ميلادي بكرة ياريت لو تحضروا
اسر : اوكاي
رامي : هبة ابقي عرفيهم العنوان
هبة : ماشي
رامي : باي ✋
الكل : باي ✋
( يمشي رامي )
هبة : هتيجوا ؟؟
( يبصوا لبعض ، ييجي الليل )
*( ف المملكة )*
( فيرو واقف وحواليه الدخان الاسود )
*( ف العالم بتاعنا )*
( ف بيت يمان ، جوة مكان مقفول وجواه بُول كبيرة وغويطة ، سارة جواه بتعوم ، تلمح الدخان الاسود تحت الماية ، تستغرب وتغطس لتحت تقرب عليه ، وفجأة ، يلف الدخان حوالين رقبتها بسرعة ، تتخض سارة وتخرج كل النفس م الصدمة وتحاول تفكه من ع رقبتها مش عارفة عمال يسحبها لتحت ، تصرخ سارة بس تحت الماية طبعاً محدش سامع ، وفجأة ، تلاقي الي سحبها ل فوق والدخان اختفى )
سارة وهي بتاخد نفسها : هييييييي اااه هموت 😨
يمان : متخافيش اهدي !!
سارة وهي بتمسك ف يمان ب خوف : يمان طلعني طلعني 😧
( يطلعها م الماية ويسندها للكرسي تقعد تاخد نفسها ب صعوبة ، يمسك يمان الفوطة ويحطها عليها ، تفتكر انها لابسة مايوه ، تغطي نفسها بالفوطة ب احراج )
يمان وهو بيقعد قصادها : انتي كويسة ؟؟
( تشاورله ب اه )
يمان : ايه الي حصلك ؟!
سارة ب تعب : كنت هموت 😔
يمان ب استغراب : هو انتي مبتعرفيش تعومي ؟!!!
سارة : لا بعرف
يمان : اومال حصل ايه ؟!!!
*( ف المملكة )*
( واقف فيرو وباين ع وشه الغيظ )
*( ف العالم بتاعنا )*
( بعد شوية ، قاعدين الكل مع يمان )
سينا : تفتكروا عرفوا مكانا ؟!
يمان : مظنش .. هما بس تابعوا روح سارة
سارة ب خوف : لو دة اتكرر تاني انا بجد هموت 😟
( يمسك اسر ايدها ك نوع من الاطمئنان )
اسر : متخافيش 👋
( يعدي الوقت ، قاعدة سارة ف البلكونة باصة ل البُول تحت ب خوف ، يخبط باب اوضتها ، تبصله )
سارة : ادخل !
( يدخل يمان )
يمان : ازعجتك ؟
سارة ب ابتسامة : لأ تعالى 🙂
( يدخل يمان ويقرب يقعد قصادها ف البلكونة )
يمان : انتي كويسة ؟
سارة وهي بتبص ل البُول : اة .. بس خايفة 😒
يمان : انا عارف الي حصلك وترك
سارة وهي بتبص ل يمان : رعبني يمان .. رعبني موترنيش 😕
يمان : بس انا عاوزك تعرفي اني جنبك واني هنا ل حمايتك
( يمسك ايدها )
يمان ب ابتسامة : ف مش عاوزك تخافي 🙂
( تبتسم وتشاورله ب اة )
يمان : لو احتاجتي حاجة انا صاحي ولو خفتي كلميني م التليفون الي ع الترابيزة دة اضغطي رقم صفر هجيلك
سارة : تسلم يمان 🙂
( يقوم يمان يروح اوضته ، تبص ع ايدها تلاقي مكان م مسك ايدها معلم ايده زي كسر الماس يشبه اشعة الشمس ، تبتسم سارة وتحط ايدها عليها ، تاني يوم ، يوم العيد ميلاد ، ف عمارة فخمة جداً وكبيرة ، ع الروف بتاعها ، شباب وبنات واغاني وشرب ورقص ف عيد ميلاد رامي ، هبة واقفة مع واحدة صاحبتها )
هبة : اوعي يكون الي لفت نظرك شكل رامي ي چنى لان الشكل مش كل حاجة 🤷🏻‍♀️
جنى : لا ي بنتى بقولك بكلمه ويخربيت كلامه اصلاً من اول مرة شوفته ف الشركة اما جتلك قبل كدة وهو وقعني كفاية عيونه تسحر اي بنت ولا سماره ينهاري 😍
هبة ب فهم : امممم كل دة ومش شكله الي لفت نظرك 🤔
جنى : يوووو بقا اياً كان 🙄
هبة : مش اياً كان افرضي مطلعش انسان كويس وبعدين رامي باين انه بتاع بنات دة مافيش بنت عدت من جنبه دلوقتي الا وكالها ب عنيه
جنى ب خضة : بتهزري !!
هبة : لا مبهزرش م انا عشان اقولك رأيي الي يفرحك يبقا لازم اكون شيفاه انسان كويس 💁🏻‍♀
جنى : وانتى شيفاه مش كويس ؟؟
هبة : متزعليش مني بصراحة ﻷ .. دة حتى بصاته ليا انا شخصياً بتخوفني !!!
جنى ب انفعال : انتي عاوزة تفشكلي الموضوع وبتطلعي ف رامي عيوب ليه ي هبة 😠
هبة ب تريقة : اصلوا حلو وعايزة اتجوزه ايه الي بتقوليه دة وبتزعقي ليه 🤷
جنى : انتى مش شايفة نفسك بتتكلمي عليه ازاي مش عاوزة تقولي رأيك خلاص متقوليش بس متطلعيش فيه عيوب وتكرهيني فيه لان ارتاحي مش هكرهوا 😡
( تمشي چنى )
هبة : ايه بنت الهبلة دي 🤨
( تقرب عليها ليلى )
ليلى : كانت بتزعق ليه دي ؟!!
( تحكيلها )
*( ف المملكة )*
( جوة القصر ، جوة نفس الاوضة الي فيرو بيعمل فيها طقوسه ، واقف فيرو وفارد ايديه ومغمض عيونه ، وفجأة ، يفتح عيونه ويبتسم )
فيرو : لقيتك ي برنس 🙂
( ف جناح الملك ، نايمة راسلين ع السرير وماليك بيقوم من جنبها )
راسلين : ماليك
( يلف يبصلها )
راسلين : انا كان في حاجة مهمة عاوزة اقولهالك .. حتى مش عارفة ينفع اصلاً اقولهالك ولا لأ 😐
ماليك ب استغراب : حاجة ايه ؟؟
( وفجأة ، يتفتح باب الجناح )
الحرس : فيرو محتاجكم حالاً وضروري
ماليك : جايين
( يمشي الحرس )
ماليك : قومي البسي
راسلين : اوكاااي 😒
*( ف الحفلة )*
( يوصل اسر وسارة ، طبعاً الكل يراقبهم واولهم عيون رامي ، يقرب عليهم )
رامي : كنت هزعل جداً لو مجتوش 🤷🏻‍♂
سارة : منقدرش نرفض دعوة 🙂
رامي : تعالوا اتفضلوا 👋
( يدخلوا يقعدوا ، تشوفهم هبة )
هبة : تعالي نسلم ع سارة واسر وصلوا
ليلى : اشطاا
( يقربوا يسلموا عليهم ويقعدوا معاهم ، تشتغل اغاني )
ليلى : الله بحب الاغنية دي قومي ارقصي معانا ي سارة 😃
هبة : اه يلا قومي
( يشدوها ترقص معاهم ع اغنية *ادرنالين* بس هي مش عارفة ترقص )
سارة ب توتر : انتوا بترقصوا ازاي انا مش عارفة الرقصة دي 😕
هبة : سيبي نفسك للمزيكا ي بيبي 💃🏻
( تحاول سارة بس مش عارفة كويس بس ع اد عدم معرفتها ع اد م حركتها مغرية ل عيون شيطان بيراقبها ودخلت دماغه 👌 )
ليلى : ايوة كدة ي سووووو 😂
سارة : هههههه 😅
( يقرب رامي عليهم يرقص معاهم ، يقرب احمد يقعد مع اسر )
احمد : اخبارك ي برنس ؟
( يبصله اسر )
اسر : مالها اخباري ؟!
احمد : لا ملهاش انا بسألك عامل ايه 🤷🏻‍♂️
اسر ب فهم : ااه انا كويس !
احمد : امممم دايماً يارب !!
اسر : شكراً ي احمد
( يبص احمد ع البنات ، يلاحظ اسر نظرته الي كلها حب ل ليلى )
اسر : بتحبها ؟
احمد ب حب : جداً .. ايه مين !!!!!
اسر : الي عينك متشالتش من عليها 🙂
احمد : بصراحة اه 😕
اسر : هي عارفة ؟
احمد : اكيد لأ
اسر : ودة ليه ؟!
احمد : الموضوع مش سهل اوي كدة بس لمحت كتير .. وكمان ليلى مش اي حد بيلفت نظرها بسهولة وف نفس الوقت ساعات بحسها بتغير !!
اسر : طب وانت جربت تلفت نظرها ؟
احمد : بصراحة لأ .. محاولتش
اسر : طب م تحاول
احمد : مبقولك مش بسهولة 🤷🏻‍♂️
( يبدأ رامي يقرب ع سارة وهو بيرقص معاها ، يلاحظ اسر )
احمد : بس انت تقدر تساعدني صح ؟
( يقوم اسر يقف )
احمد ب استغراب : رايح فين ؟!!