رواية ولي العهد الفصل السادس عشر 16 بقلم آلاء فرج

ساره بتوتر : اا.. عايز اتكلم مع حضرتك شويه يا سي حسن 

حسن بهدوء : تمام تعالي ورايا علي المكتب

دخل حسن المكتب وهي دخلت وراه والتوتر واضح جداً عليها

دعاء : مين دي حد يعرفها؟

مصطفى : لأ ما اعرفهاش ممكن تكون صاحبه وعد مثلاً او صاحبه حسن

أدهم : البت دي فيها حاجة غريبه قلقانه اوي وشكلها مرعوبه

مصطفى بعدم اهتمام : وإحنا مالنا… !

____________بقلمي الاء فرج 

في مكتب حسن 

حسن بهدوء : اتفضلي اقعدي… ها بقا عايزه تقولي اي؟ 

حاولت ساره تمنع توترها وتتكلم بنبره صوت عاديه 

ساره : احم احم يعني انا اسمي ساره فتحي ابويا مات من كام شهر وامي ماتت وهي بتولدني

بعد موت بابا….. دورت علي شغل عشان اعرف أعيش بس مالقيتش أنا خريجه ثانويه عامه وقولت يعني اشتغل عندكم في القصر خدامه او طباخه او عامله نظافه اي حاجة عشان اصرف على نفس وأكل بالحلال لحد ما اخلص جامعه واشتغل في مهتني، قولت اي يا سي حسن؟ 

حسن بهدوء : تمام…. بس انتِ عرفتي القصر منين انا مش حاطط اعلان ان عايز مساعده او عامله نظافه وعرفت اسمي بردو منين

ساره بتوتر : اصل يعني….. اه ايوه صح أنا كنت ماشيه في الشارع وشوفت قصر حضرتك روحت سألت الحراس في خدامه هنا ولا لأ قالوا ما فيش روحت دخلت أسألكم محتاجين خدامه يعني وعرفت اسمك من الحراس…! 

بصلها حسن بتركيز وهي اتوترت وخافت ليكون عرف انها بتكذب 

حسن بهدوء : تمام يا انسه…..؟ 

ساره : ساره اسمي ساره 

حسن : تمام يا انسه ساره ابدأي شغل من دلوقتي وروحي يلا اعملي ليا كوبايه قهوه عايز اجرب قهوتك 

قامت ساره من علي الكرسي بسعاده : شكراً شكراً يا سي حسن ربنا يفرحك يارب، ثواني هعمل القهوه وهجيبها لحضرتك 

____________بقلمي الاء فرج 

في صالون القصر 

كان أدهم ومصطفى قاعدين بيأكلوا ودعاء ماسكه التليفون وشيماء بتتفرج على التليفزيون هي وندى 

خرجت ساره من المكتب وهي مبتسمه بسعاده ودخلت على المطبخ 

شيماء : اي ده مين دي؟ 

دعاء : دي بنت جات من شويه لما كنتِ نايمه وطلبت حسن بالاسم ودخلوا المكتب 

أدهم : أنا هروح افهم في اي 

مصطفى : وانا كمان 

شيماء : انا هاجي معاكم 

أدهم : لأ خليكي هنا وراقبي البت بتعمل اي في المطبخ  من غير ما تاخد بالها وانا هفهم كل حاجة من حسن وهقولكم 

____________بقلمي الاء فرج 

في مكتب حسن 

قاعد حسن علي الكرسي وماسك قلم جاف وبيخبط بيه على الترابيزه بهدوء وبيبص على الفراغ

طق طق طق

حسن : ادخل

دخل أدهم ومعاه مصطفى وقعدوا على الكرسي

مصطفى بغمزه : مين الفتاه القمر اللي كانت معاك في المكتب من شويه

أدهم : مين دي يا حسن؟

حسن بهدوء : هقولكم

After 5 Mintes 

بعد ٥ دقايق

مصطفى : هوبااااااا اي الكلام الأهبل ده يا اسطا دي شكلها نصابيه اوعي تكون صدقت 

حسن ببرود : اكيد طبعاً ما صدقتش كلامها ما يدخلش العقل اصلاً ده غير توترها والقلق اللي كانت فيه أنا متأكد انها جايه من ناحيه توفيق لان توفيق لما لقا خالد والجد بقالهم ٣ او ٤ ايام ما اتكلموش ومش بيردو على التليفون اكيد قلق وبعت البنت دي عشان تبقى جاسوسه هنا وتقوله كل الأخبار بس على مين مش عليا الكلام ده 

بصله مصطفى بصدمه وصفر : معلم  واحنا منك نتعلم يا معلم 

أدهم بهدوء : طب بما انك عارف كل حاجة هتعمل اي؟ 

ابتسم حسن بشر وقال: هعمل كل خير….! 

____________بقلمي الاء فرج 

في اوضه وعد 

فضلت قاعده علي السرير بزهق وهي سامعه صوت التلفزيون تحت وصوتهم العالي وهما بيضحكوا 

قامت من على السرير وفضلت تسند على الحيطه عشان تنزل تحت وماسكه بطنها بوجع مطرح الجرح 

فضلت تنزل على السلم براحه ولقيت نور المطبخ منور راحت عشان تدخل لقيت بنت غريبه في المطبخ وبتتكلم في التليفون 

استخبت وراء باب المطبخ وبدأت تسمع 

____________بقلمي الاء فرج 

في المطبخ 

ساره بسعاده : سي حسن وافق يا بابا يشغلني عنده في القصر وما شكش فيا خالص حتى قالي روحي اعمليلي قهوه…….. اييييه لا يا بابا احنا ما اتفقناش على كده مش هقتل انا… ……..خلاص خلاص انا اسفه هعمل كده حاضر بس بالله عليك ما تضربني لما ارجع….. حاضر….. َحاضر… سلام

قفلت ساره المكالمه وشالت كوبايه القهوه وحطتها في الصنيه وخرجت من المطبخ 

اول لما مشيت ساره، خرجت وعد من المكان الصغير اللي كانت مستخبيه فيه وهي حاطه ايدها على بوقها بصدمه ومش فاهمه مين البت دي ومين اللي هتقتله ……. ؟ 

في مكتب حسن 

خبطت ساره ودخلت وهي ماسكه كوبايه القهوه 

ساره : اتفضل يا سي حسن 

مصطفى بغمزه : الله الكلمه منك زي السكر، طب ما ينفعش سي مصطفى 

اتكسفت ساره وما ردتش عليه وخرجت 

أدهم : ما تتلم بقا 

انتِ اي بنت تشوف خلقتها تعاكس 

مصطفى : مين بيتكلم أدهم الشيخ اللي مش بيبص على بنت ده انتَ بتحب ند

حط أدهم ايده على بوقه بسرعه 

حسن بتركيز : كمل يا مصطفى بيحب مين عشان لو اللي في بالي صح هتبقى عاركه 

أدهم بتوتر : لأ لأ انتَ فهمت اي ده كان قصده يقول على واحده حبتها زمان بس هي اتجوزت وانا مش حابب اجيب في سيرتها 

شال أدهم ايده من على بوق مصطفى وبرقله عشان يسكت 

مصطفى بهمس : يا واد يا مؤمن يخربيت كذبك هتدخل جهنم بصاروخ 

____________بقلمي الاء فرج 

الساعه ١٢ بليل 

كل واحد طلع اوضته ينام بعد ما حسن وادهم ومصطفى اتفقوا على الانتقام من فاروق وعملوا خطه كبيره 

وحسن قال لكل اهل القصر ان ساره خدامه جديده  وما قالش انها جاسوسه ووعد كانت هتقوله لحسن انها جاسوسه وسمعتها في التليفون بس سكتت 

وحسن قال لساره انها تنام في الاوضه اللي جمب اوضه حسن ووعد 

____________بقلمي الاء فرج 

الساعه ٤ الفجر 

في اوضه حسن 

كانت وعد بتحلم انها ماشيه في ممر ضلمه جداً 

فضلت وعد تجري وتجري وهي مش شايفه حاجة ومره واحده النور فتح وبعدين لقيت في الأرض شوك ودبابيس كتير ودم في كل مكان فضلت تصرخ في الحلم ورجليها اتعورت 

وفجأه ظهر حسن في الحلم وهو لابس ابيض وشالها علي إيده وفضل يمشي لحد ما طلع من الممر وطلع في جنينه جميله اوي كأنها قطعه من الجنه نزل وعد من على ايده وعالج الجرح اللي في رجليها وابتسم بهدوء 

وبعدين ظهر راجل كبير وضرب نار على جسن ووقع على الأرض وبدلته كلها اتملت دم 

وعد بصريخ : حسننننننننننننننن

صحيت وعد من الحلم وهي بتاخد نفسها بالعافيه وعينها دمعت من الكابوس اللي شافته ومش فاهمه معنى الحلم 

* ملحوظه صغيره أنا ما حطتش الحلم ده من فراغ لأ ركزوا وخلوا بالكم اوي من الحلم ده بالتفصيل لان الحلم ده ممكن أحداث تحصل منه بعدين في الروايه + الحلم معناه كبير اوي وغامض في نفس الوقت هتهموا قصدي بعدين *

بصيت وعد حوليها ما لقيتش حسن معاها على السرير قامت من على السرير بسرعه وهي بتبص يمين وشمال لقيت حسن واقف في الشباك وبيشرب سجاره 

حطت وعد ايدها على كتفه وهي بتكح من ريحه السجاير 

لف حسن لقاها صاحيه راح طفي السجاير بسرعه 

حسن : اهدي استنى هفتح الشباك خذي نفسك….. مالك؟ 

وعد بدموع : حلمت بحلم وحش اوي يا حسن أنا خايفه عليك أوي من فاروق ده 

حسن : ما تقلقيش إن شاء الله خير اهدي خدي اشربي مياه وارتاحي وما تفكريش في الكابوس انسيه

مسكت وعد كوبايه المياه وبدأت تشرب وهي عينها مدمعه 

حسن :بطنك عامله اي دلوقتي الجرح لسه بيوجعك؟ 

حطت وعد الكوبايه على الترابيزه واتكلمت وهي بتقعد على طرف السرير : الحمد لله بقيت أحسن 

الله أكبر.. الله أكبر… الله اكبر….. 

اشهد ان لا اله الا الله 

وعد بهدوء : هقوم اصلي الفجر تعالي صلى معايا 

حسن : احم لا صلى انتِ وانا هصلي بعدين 

سكتت وعد ودخلت تتوضي وبدأت تصلى وهي قاعده على الكرسي لأنها مش هتقدر توطي بسبب الجرح اللي في بطنها 

* ملحوظه بس

ينفع حد يصلي من غير ما يكون واقف طالما هو مريض أوي ومش هيقدر يقف او يوطي، ربنا اللي قال كده 

حبيت أوضح النقطه دي عشان ما حدش يقول ازاي *

خلصت وعد صلاه وبدأت تدعي ان ربنا يعدي الآيام الجايه على خير وخلعت الاسدال وشالت المصليه وقعدت على السرير وبدأت تنام 

بص حسن عليها لقاها نامت راح دخل الحمام يتوضأ وفرش المصليه وأيده بترتعش وبدأ يصلي مع أول ركعه بدأت دموعه تنزل وهو ساجد لربنا 

بقاله فتره كبيره مش بيصلي ولا بيقرأ قرآن الجاجة الوحيده اللي بين الرب وعبده ما كانش بيعملها

لما بتكون بتصلي ربنا بيبقا شايفك ومع كل حرف من القرآن بتقوله بتاخد عليه حسنات كتيره، طب ليه اغلب الناس ما بقتش تصلي ولا تقرأ قرآن ليه؟،

اي بينك وبين ربنا عشان ترفض تقابله…؛! 

انتَ عارف لما بتكون بتصلي بتكون واقف قدام ربنا وبين إيده، مهما كنت مهموم او مضايق روح صلي هتحس براحه كبيره وكأن ربنا بيطبطب علي قلبك وبيقولك انا سامعك 

ربنا عارف اي اللي جواك ده عارف اي اللي في ثقب الأرض لا يعجزه شئ في الأرض ولا في السماء وهو السميع العليم، اوعي توقف صلاه اوعي دي حاجة جميله اوى وهتلاقي حياتك بتتغير لأحسن طول ما انتَ بتصلي…. ????

الصلاه خير من النوم 

الصلاه خير من الحب 

الصلاه خير من الناس 

الصلاه خير من كل شئ فلا تتركها ????

____________بقلمي الاء فرج 

خلص حسن الصلاه ومسك المصحف وبدأ يقرأ قرآن وهو بيرتعش ودموعه نازله مش راضيه توقف 

عمال يعيط هو غلط كتيير اوي في حياته بس ربنا هيسامحه لان حسن عايز يتوب بجد 

خلص حسن قرأه قرآن  وطلع على السرير ونام ولأول مره يحس براحه كبيره 

* لو اي حد فيكم غلط ولو غلطه صغيره يحاول يصلحها ويقرب من ربنا يمكن ما فيش بكره…! 

____________بقلمي الاء فرج 

في صباح اليوم التالي 

صحيت وعد من النوم لقيت حسن بيلبس الكوتش 

وعد بتعب : صباح الخير، رايح فين كده على الصبح؟ 

حسن : رايح لشركه فاروق. ومعايا أدهم ومصطفى هيقعد يخلي باله منكم هنا 

وعد بخوف: لأ لأ يا حسن ما تروحش ارجوك ده ممكن يأذيك 

حسن بهدوء : ما تخافيش سبيها على ربنا

راح حسن ناحيه وعد وباس رأسها وقال : سلام يا وعد وخلي بالك من نفسك وافطري كويس وانا مش هتأخر 

خرج حسن من الاوضه ووعد حطت ايدها على رأسها بصدمه 

وعد بصدمه : ده باسني من رأسي 

في صالون القصر 

نزل حسن من على السلم لقاهم كلهم نايمين وادهم صاحي زيه ولابس بطنلون وقميص أسود وبيلبس في الكوتش 

حسن بشر : جاهز؟ 

أدهم ببرود : جاهز! 

بعد ساعتين 

قامت وعد من على السرير بعد ما فطرت وصليت وبدأت تلم في كل ازايز الخمره وترميها في الزباله 

وبعدين مسكت الحزام وجاتلها فكره راحت ابتسمت بخبث وخرجت من الاوضه 

في أوضه ساره 

فتحت وعد الباب براحه لقيتها نايمه وشكلها هادي وطيب 

وعد بهمس : اللي يشوفك وانتِ نايمه ما يشوفش وانتِ صاحيه وعايزه تقتلي يا جاسوسه انا هوريكي 

ابتسمت وعد بخبث وقعدت على الكرسي وهي لابسه إسدال اسود وخمار أسود وقفلت كل الستاير اللي في الاوضه وقفلت الابجاوره والاوضه كلها بقيت ضالمه 

راحت وعد ناحيه ساره وضربتها بالقلم جامد على وشها 

فتحت ساره عينها وهي مرعوبه وفضلت ترتعش لقيت حد لابس اسود في اسود وبعدين صرخت اول لما لقيت الحزام بيضرب على الأرض 

وعد بشر : هيهيع أنا هوريكي 

في شركه توفيق 

كان قاعد في مكتبه وعمال يتصل على ساره ومش بترد وفجأه…. 

يا ترى أدهم وحسن هينتقموا من توفيق ازاي؟ 

وعد هتعمل اي في ساره الغلبانه ????؟ 

ساره هتقتل مين في القصر؟ 

حسن فعلاً هيتغير ولا مش هيتوب؟ 

خالد ممكن يهرب تاني ويا ترى حسن هيعمل اي فيه هو والجد؟ 

اي معنى الحلم اللي حلمته وعد؟