رواية كنت لا أبالي الفصل السادس عشر 16 بقلم رحمة عصام
 |
| رواية كنت لا أبالي الفصل السادس عشر 16 بقلم رحمة عصام |
رواية كنت لا أبالي الفصل السادس عشر 16 بقلم رحمة عصام
لساني اتعقد ومش قادره أصدق الـ بيحصل ده……ازاي أعز أصدقائه وخطفني؟؟! ازاي ظابط وخطفني؟؟! ازاي قالي ان عدي هو الـ بعته عشان يقتلني وهو صاحبه؟؟! مفوقتش غير على ايد عدي الـ بتتحرك قدام وشي وباصصلي بأستغراب وبيقول……”
_عدي بأستغراب: اي يـ ملك مش هتسلمِ ولا ايه؟؟!
جسمي اترعش وحسيت بخوف ودموعي نزلت لقيته قرب عليا وماسك وشي وبيمسح دموعي وبتكلم بقلق…..”
_عدي بقلق: ملك!! في ايه مالك اهدي، اهدي بتترعشِ كده ليه حصل ايه
=ملك بخوف وتهتهه: د…..ا…… ده ده الـ الـ خط….. خطفني و… و…. وقالي انك عايز تقتلني
بصلي بصدمه ومش مستوعب انا بقول ايه، بعد عني ولف لـ صاحبه وملامح الهدوء المخيف اترسمت على وشه واتكلم بهدوء……”
_اي الـ سمعته ده يـ كاظم؟!
=كاظم بهدوء: ده الموضوع الـ انا جايلك فيه
بصّلي وقال……”
_عدي ببرود: اطلعي انتِ على اوضتك
=كاظم بمقاطعه: لا خليها معانا انا عايزها تسمع
شدني من أيدي وقعدني جمبه واتكلم ببرود…..”
_عدي ببرود: اتفضل سامعك
=كاظم بهدوء: زي مانت عارف يـ عدي اني يتيم من وأنا صغير ومليش أهل زي مانا حكيتلك، بس الحقيقه ابو ملك هو الـ رباني
_ملك بصدمه: انت بتقول ايه؟؟؟!
=كاظم بهدوء: متقاطعنيش لو سمحتِ، كان عندي 10 سنين وبنام في الشارع وابوكِ ساعتها شافني وخدني قعدني في بيت جدتك الله يرحمها وبقا يأكلني ويشربني ويصرف على تعليمي وحياتي عامًة، كنتِ ساعتها صغيره خالص وابوكِ عمل حساب اننا هنكبر ومينفعش نعيش مع بعض وخصوصًا اننا مش اخوات فـ خدني اتربي بعيد عنك حفاظًا علينا احنا الاتنين، كبرت ودخلت كليه الشرطه واتخرجت وبقيت اكفئ ظابط في الداخليه وعشان شطارتي خلوني امسك مهمه صعبه جدًا وهي اني اتزرع في عصابه المافيا الـ في مصر ونقبض على الراس الكبيره ونخلص البلد منهم، ومن سوء الحظ أن الراس الكبيره ده طلع ابو جني….. حماك يـ عدي
_عدي بصدمه: انت بتقول ايه؟!!
=كاظم بهدوء: انا عارف ان الموضوع صعب عليكوا انتوا الاتنين بس لازم تسمعوني للأخر، دخلت وسطهم وعرفت اثبت ليهم اني أحسنهم لحد مـ اخترتني جني اكون الراجل بتاعها الـ يخلصلها مصالحها أو أي حاجه تؤمر بيها ومن ضمن الحاجات دي صورك انتِ وعدي وحريق الورشه والبيت
_ملك بعياط: انت حيوان ازاي تعمل كده، بابا مقدرش يتحمل المنظر ومات بسببك، ربنا ينتقم منك يـ شيخ
=كاظم بحُزن: انا عارف اني غلطت بس صدقيني كان لازم اعمل كده، انا عارفك من زمان يـ ملك، وابوكِ الله يرحمه كان موصيني عليكِ وانا كانت عيني عليكِ في كل مكان، كان لازم اعمل كده وانتِ قُدام عنيا احسن مـ حد تاني يعمل كده ويأذيكِ
_ملك بعياط: وابويا الـ راح؟؟ وحياتي الـ اتدمرت؟؟! هرجعهم ازاي رد عليا
=كاظم بحُزن: انتِ في خطر يـ ملك انا كده بحميكِ
_عدي بأستغراب: خطر ايه؟؟
=كاظم بهدوء: جني مقرره انها تعاقبك على طلاقك ليها وتقتل ملك في أسرع فرصه، وانا الـ عليا المهمه دي عشان كده خطفتك
_ملك بهدوء: طيب لي خطفتني وقولتلها اي لما خطفتني، ولي قولتلي أن عدي الـ بعتني
=كاظم بهدوء: خطفتك عشان شوفت مازن وهو خطر عليكوا واتفقت معاه اني هخطفك وهو ياخدك بدل عدي، وقولتلك أن عدي الـ بعتني اقتلك عشان تكرهيه وابعد عنك الأذى ده لحد مـ نقبض على جني
_ملك بصدمه: مازن!!! مازن خطر عليا! ازاي!
=كاظم بأرتباك: اا ا أن انا كده قولت الـ عندي، ولازم عشان تحافظ على ملك يـ عدي تنفذ شروط جني
_عدي بأستغراب: شروط ايه؟؟
=انك تردها وتشغل ملك لمؤاخذه خدامه عندها
_عدي بغضب: لا طبعًا مستحيل
=كاظم بهدوء: يـ عدي لازم تثبت لـ جني انك بتحبها ومبتحبش ملك، جني بتشتغل مع ابوها والقتل عندهم حاجه سهله، لو عايز تحافظ عليها نفذ الشروط
_ملك بعياط: لا برضوا مستحيل هو بيحبني انا وهيتجوزني انا
عدي قرب عليا ومسح دموعي واتكلم بحنيه ……”
_اهدي يـ حبيبي كل ده هيتحل والله
=ملك بعياط: انت هترجعلها وهتسيبني
_عدي بأبتسامه: فتره وهتعدي……فتره وهتعدي والله، بس لازم اعمل كده عشان احافظ على وجودك معايا
=كاظم بضحك: احم احم….. نحن هنا
_عدي بضيق: اسكت انت، انا حسابي معاك بعدين
=كاظم بهدوء: صدقني يـ صاحبي انا عندي أن أعمل كده وتفضل تحت عيني ولا أن حد تاني يعمل كده ويأذيها، حقك عليا يـ ملك انا مستحيل اعمل حاجه تأذيكِ وتأذي الراجل الـ رباني بس حكم القوى، انا لازم امشي دلوقتي
_عدي بأستغراب: استنى يـ عم، لما خطفت ملك قولت ايه لـ جني، أظن انت الراجل الـ كلمناك وقالنا انك خدتها
=قولتلها انك بلغت البوليس وانا عرفت وعملت كده عشان متتهناش بيها واحرمك يـ باشا، انا مستعجل ولازم امشي، خلوا بالكوا من نفسك ا، وانت تروح تصالح جني بكره وانتِ يـ ملك تعالى على نفسك شويه واشتغلي هنا في الفيلا واتعاملوا مع بعض على انك بتكرهوا بعض، وأهم حاجه لو حد فيكوا شافني ميكلمنيش اعتبروني اول مره تشوفوني، سلام
مشي وانا واقفه مصدومه، معقوله هشتغل خدامتها؟ معقوله عدي هيردها؟؟ طب وانا!! خلاص مش هنتجوز؟! عيني دمعت وزعلانه على نفسي وعلى الـ بيحصلي وانا لسه طفله في السن ده، قرب مني ومسك ايدي وفضل يهديني بس انا مش عارفه اهدي، مش مقتنعه بـ فكره انه هيرجعلها دي، عيطت وشهقاتي عليت وهو حضني وفضل يطبطب عليا يهديني لحد مـ نمت وهربت من الواقع المؤذي ده”
صحيت تاني يوم لقيت نفسي في اوضتي ومتغطيه وعدي نايم على الكرسي قُدامي، لسه بتحرك لقيته صحي وكلمني بقلق ولهفه……”
_عدي بقلق: ملك في ايه مالك انتِ كويسه؟؟؟
=ملك بهدوء: انا تمام، انت ايه الـ نيمك هنا؟؟
_طول الليل وانتِ بتحلمِ بـ كوابيس وتصحى تعيطِ وتنامِ تاني، فـ قولت هفضل جمبك لحد مـ تهدي ونمت غصب عني
=ملك بأستغراب: انا؟؟ انا مش فاكره حاجه
_عدي بهدوء: خلاص يـ حبيبي حصل خير، قومِ يلا عشان نفطر وانا هروح اجيب جني وانتِ تجهزي نفسك
=ملك بتردد: استني
_عدي بأستغراب: في ايه
=ملك بتوتر: انا هروح اعيش مع كاظم
_عدي بغضب: نعم يااااختي؟؟!
يتبع…..
لقراءة الفصل السابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية اغتصبت خطيبة أخي للكاتبة مهرائيل ماجد
