رواية عشقت ميمونة الفصل السادس عشر 16 بقلم هاجر محمد

كانت ميمونه واقفه علي باب المطبخ تتابع بخوف علي عكس همسه التي تقف متكأه علي باب غرفتها وهي تتابع بترقب لما سيحدث

صرخت ميمونه بصوت مرتفع :- مامااا لا اوعي تعمليها.. وركضت ناحيتهم :- مامااا لا ليه كده

التفت مالك وامينه علي صوتها بعدم فهم

أمينه :- إيه اللي حصل ياميمونه.

وقفت ميمونه بينهم وهي تحمل بيدها ملعقه كبيره أشارت في وجه امينه بعبث :- ماما ليه ضربتي مالك أنا مش حكيت لك كل حاجه ليه تض

قاطعتها امينه بدهشه و:- أنا اضرب مالك امتى ده

نظرت ميمونه إلى الاثنين ببلاهه و:- ه هي هو انتى مش ضربتيه بالقلم دلوقتي .. ولا ده ده كان بيتهيألي ولا إيه

أمينه بحده إلى مالك :- جننت البت وقعدت تعالي قدامي على اوضتكم إنت وهي

تقدمت أمينه أمامهم فجذب مالك ميمونه من ذراعها و:- إيه اللي جاب ماما هنا أكيد إنتي صح

عشقت ميمونه. هاجر محمد. حبيبه

ميمونه بصوت منخفض :- والله ابدا صهيب هو اللي جابها علشان هيجي بعد شويه ونروح عند سجود علشان كتب الكتاب ولا انت ناسي

مالك :- وصهيب جابها ليه ما انا قايله إننا هنتقابل عند بيت البش مهندس عثمان

ميمونه :- وأنا مالي أنا ابقى اسأله

التفتت إليهم أمينه و:- اخلص إنت وهي شويه

*دخلت همسه غرفتها واغلفت الباب بشده وهي في قمة غضبها و:- يعني كمان أمينه جت وشكله مش هيحصل جديد بس برده مش هسكت ????????

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

جلست امينه وظلت تتابع مالك وميمونه بصمت وهم كذلك حتي انفجرت فيهم بصوت عالي و:- حد فيكم ينطق مش هنفضل نتفرج على بعض كتير كده

ابتسم مالك بلطف و:- حضرتك عايزه تعرفي إيه.. أكيد إني اتجوزت همسه بنت عمي متولي وما فيش غير كده

وقفت أمينه بغضب و:- وهي دي حاجه بسيطه إنت اتجننت انت عارف انت متجوز انت وميمونه بقالكم قد إيه انتم ما كملتوش تلات شهور عارف الناس بتتكلم عليكم إزاي

عشقت ميمونه. هاجر محمد. حبيبه

مالك :- وعلشان كلام الناس ده ياماما أنا اتجوزت همسه علشان عمي متولي كان هيروح فيها عارفه مين عمي متولي ياماما عارفه عمل معانا إيه زمان لما بابا الله يرحمه مات أنسي كل ده وأقوله اسف سمعت بنتك اللي أنا من ضمن أسباب تشويها ماليش دعوه بيها علشان حتت ورقه مش هتغير حاجه في حياتي أنا وميمونه وهي عارفه كده كويس لأني عمري ما هبص لواحده غيرها وأنا اتفقت علي كده مع ميمونه اللي هي صاحبة الشأن علي كده

أمينه :- اتفقت إنت وهي علي كده… يعني قصدك أطلع منها أنا ماشي يامالك ما انت كبرت يابن بطني وأمك ما بقاش ليها الحق حتي انها تقولك إنت غلط كبرت لدرجة إنك تتجوز من غير ما تعرفها أنا مابقاش ليا لازمه في حياتك ودوري كده انتهي معاك

تحركت امينه لتغادر ولكن أمسك مالك بيدها وجلس امها علي الارض وقبل يدها و:- إيه الكلام اللي بتقوليه ده يأمي ده انت النور اللي منور دنيتي ومش مسنود غير علي دعواتك ورضاكي عليه.. رفع راسه اليه وقد لمعت الدموع في عينيه و :- ما أقدرش علي زعلك مني أنا أسف

أمسكته امينه من كتفه وأوقفته أمامها وقبلت جبينه و:- وأنا زعلي منك خوف عليك وانت معاك حق إنت كبرت وبقيت عارف مصلحتك وأنا كده خلصت رسالتي

ضمها مالك و:- بلاش الكلام ده علشان خاطري والله عمري ما هعمل أي حاجه من وراكي تاني

ابتسمت أمينه بحنان و:- ماشي يامالك .. بس لو زعلت ميمونه هتلاقيني أنا اللي واقفه لك

نظر مالك إلى ميمونه و:- ميمونه … الحمايه ومرات إبنها هيتفقوا عليه ولا إيه

تقدمت ميمونه منهم و:- أيوه هنتفق عليك ولو زعلتني في يوم هقلب الدنيا عليك

امسكها مالك من وجنتها و:- وهو إنتي حد بيقدر يزعلك ده انتى مفتريه درجه أولي

ابتسمت أمينه بسعاده لهم و:- ربنا يسعدكم ويهدي سركم ويبعد عنكم كل شر

مالك وميمونه و:- ويخليكي لينا ياست الحبايب

أمينه :- اجهزوا يلا بسرعه علشان مانتاخرش زمان صهيب وأصحابه أخدوا المأذون وراحوا عند همسه

ميمونه :- هوا وهنكون جاهزين

خرجت أمينه بينما اتجه مالك الي المرحاض ليتجهز وبعده ميمونه

بعد فتره تجهز الاثنين وقفت ميمونه أمام المرأه تضع بعض مساحيق التجميل وما إن رأها مالك حتي وقف خلفها بحاجب مرفوع و:- إيه اللي بتعمليه ده

عشقت ميمونه. هاجر محمد. حبيبه

التفت اليه ميمونه وبيدها قلم ???? و:- بعمل زي ما انت شايف حجات بنات مالكش فيها

هز مالك رأسه و:- أيوه ما انا عارف انها حاجات بنات ماليش فيها وأنا اللي جايبهالك بس دي ليا أنا هنا وبس وما حدش يشوفك بيها غيري

ميمونه :- ياحبيبي ما أنا لابسه النقاب لو ناسي يعني

مالك :- لا ياروحي مش ناسي بس إنتي عيونك بتبان ومش بتحبي تنزلي البيشه ودلوقتي دي زينه في عينيك ولا لأ

ميمونه بضيق :- إيه يامالك ده فرح وكل البنات بتكون كده

امسك مالك بوجهها و:- وأنا ملاكي ست البنات بس عيونك بالأصل بتجنني لما بتخرجي بيها كده فما بالك بقي وانتي عامله فيها كده هتجنني الشعب كله وأنا هرتكب جرايم كتير

ضحكت ميمونه و:- لا ما تخافش مش هيحصل كده يعني مش هيسيبوا كل البنات اللي لابسه حاجات ويجوا عليه أأنا منتقبه ويبصوا في عيني

مالك :- إنت لابسه النقاب علشان انا اصريت عليه ولا طاعه لربنا

ميمونه :- الاتنين الأول ما كنتش حباه بس دلوقتي بحبه جدا

مالك :- يبقي إنتي كده ما بتاخديش أجر لبسه.. النقاب مشقه وعلشان ما تضيعهاش لازم يكون لوجه الله ولازم تلتزمي بأداب النقاب يعني ما ينفعش تبقي منتقبه ومبينه عينك بزينه تفتن اكتر ما تعصمك من الفتنه

ميمونه :- معاك حق بس أنا برده هحط اللي أنا عاوزاه ومش هخلي حاجه ظاهره مني ولا حتي رمش من عيني تمام كده

مالك بتفكير :- اممممم اشوف في الآخر وأقرر

ارتدت ميمونه ثيابها وبالفعل كانت غمامه سوداء لا يظهر منها شيئ

نظرت إلى مالك و:- إيه رأيك كده حلو

اقترب مالك منها وانزل النقاب من علي وجهها و:- هو حلو بعقل أنا كل ما ببص في وشك بقول سبحان من ابدع وجمل في هذا الوجه

ابتسمت ميمونه بخجل و:- مشطت لحيتك

هز مالك رأسه بنفي و:- إنتي ناسيه إن دي مهمتك

ميمونه :- استني اجيب المشط علشان اظبطها

امسكها مالك وقربها منه و:- بصوابعك زي كل مره.

ميمونه :- المشط هيساويها اكتر

رفع مالك يدها و:- تؤ مش عايز غير بدي

خللت ميمونه أصباعها بين لحيته وظلت لفتره ومالك في تلك اللحظات يكون في غاية سعادته ولكن كالعاده لا يخلو الأمر من جنان ميمونه التي شدت منبت شعرايه فتأوه هو :- اااه مش هتبطلي الرخامه بتاعتكم دي

ابتعدت ميمونه وهي تخرج لسانها و:- لااا مش هبطل وخرجت من الغرفه

لحقها مالك و:- يخربيت جنانك

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

بعد فتره في بيت عثمان والد سجود تلفظ الماذون بآخر كلماته و:- بارك الله لكما وبارك عليكما وجمع بينكما في خير.. الف مبروك للعرسان

وقف صهيب اولهم وهتف بسعاده :- فين بنتك ياعم عثمان ودوني عندها بسرعه2

ضحك الجميع ووقف مالك :- بطل جنان واهدي كده علشان العروسه ما تخافش منك

ازاحه صهيب بخفه و:- وسع ياعم كده فين مراتي أنا عايز مراتي

عثمان :- تعالي معايا قبل ما تتجنن أكتر من كده .. دخل صهيب مع عثمان إلى غرفه أخرى

عثمان :- دقيقتين وهجيبلك العروسه بس قبل ما اجيبها لك عايز اقولك كلمتين

صهيب بجديه :- اتفضل ياعمي.

عثمان :- أنا ما ليش في الدنيا غير ساجد وسجود هم اللي طلعت بيهم ولولا اني شايف في عينك حب لسجود ما كنتش امنتك عليها صحيح انت لاسع حبتين بس راجل حافظ علي بنتي

صهيب :- سجود في قلبي من أول يوم شوفتها فيه وكنت بدعي ربنا يحفظها مني ليا كنت بدعي ربنا يحفظها من النظره حتي وعلشان كده رفضت أشوفها في الرؤيه الشرعيه لأن عيني مش هتشبع منها ولا ترتوي بحر حبها هكون فياض دايما وأوعدك إن هتسيب حضن أب هتروح لأب وأخ وزوج وحبيب وعمري ما هزعلها أبدا

مسد عثمان علي كتفه براحه و:- ربنا يسعدكم يابني

صهيب :- اللهم امين يارب… وهي فييين بقي

عثمان بضحك :- يابني اصبر شويه أخوها بيجيبها

صهيب بنفاذ صبر :- ياجماعه حسوا بيا يحس بيكم ربنا هاتولي البت

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في غرفة سجود كانت تجلس بتوتر ومعها والدتها وميمونه

سجود بخوف :- مش قادره أخرج ياماما مش قادره

والدة سجود :- ياحبيبتي ده خلاص بقي جوزك يعني ما فيش داعي لخوفك ده

ميمونه :- وصدقيني هتكون أحلي لحظات حياتك وصهيب بيحبك جدا وما فيش داعي لكل التوتر ده

طرقات علي باب الغرفه قاطعتهم مع صوت ساجد اخو سجود و:- يلا ياسجود صهيب مستنيكي

ضبطت ميمونه حجابها ونقابها وبعدها فتحت والدة سجود الباب له و:- ادخل شوف أختك مش عايزه تخرج

دلف ساجد إلى الداخل :- مش عايزه تخرجي ده كلام ده صهيب عقله طار بره هاتوا مراتي هاتوا مراتي

ترقرقت الدموع في عين سجود و:- أنا مش عايزه أخرج

ضمها ساجد بحنان و:- طب بس بس بلاش عياط وبلاش تخرجي أجيبهولك إنتي لحد أوضتك هنا

عشقت ميمونه. هاجر محمد. حبيبه

سجود بسرعه :- لالا لا خلاص أنا هخرج معاك

امسك ساجد بكف يدها و:- ما تخافيش أنا معاكي

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في الخارج عند مالك كان يجلس مع خالد صديقه وعمر وحازم أصدقاء صهيب يتسامرون مع بعضهم.. حتي قاطعهم صوت هاتف حازم الذي رد في الحال و:- السلام عليكم….. اييييه حصل إزاي أنا جاي حالا

وقف الجميع بقلق

مالك :- خير ياحازم في حاجه حصلت

حازم بقلق :- الجيران عندنا بيقولوا في دخان كتير خارج من الشقه عندنا واختي جوه وما فيش حد معاها

مالك :- طب اهدي وان شاء الله خير يلا بسرعه خلينا نروح نطمن

ركض حازم وخلفه خالد وعمر ومالك متجهين الي بيت حازم

*وصل الاربعه بعد فتره قياسية أمام شقة حازم الذي فتح الباب وركض سريعا وهو ينادي علي أخته و:- رييييييم رييييييم إنتي فييين

صدح صوت باكي من المطبخ و:- أ أ أنا هنا ياحازم الحقني

أسرع حازم إليها بلهفه ليجدها متكوره في ركن والنار مشتغله في بعض أركانه.. حملها حازم سريعا وخرج بها بينما حاول مالك وخالد وعمر إطفاء النيران

*وضع حازم ريم في غرفتها وهي ما زالت متشبسه به بخوف

حازم :- خلاص ياحبيبتي اتطمني أنا معاكي ما فيش حاجه حصلت

ريم :- أ أ أنا مش عارفه ولعت إزاي أنا أنا بس ك كنت بحاول أعمل

حازم :- إيه اللي وصلك للولعه ياريم أنا مش قايلك ما تعمليش حاجه وأنا ساعه واحده وراجع

ريم ببكاء :- ا أنا ب بس ك كنت عايزه أسخن لبن لناني بس بدل ما أولع عين البوتجاز تقريبا ولعت في حاجه تانيه وما كانش قصدي

حازم بعصبيه :- بعني تودي نفسك في داهيه علشان خاطر قطه ليه كده ياريم حرام عليكي

ريم باسف :- أنا اسفه أنا عارفه إني حمل عليك و

قاطعها حازم بحده و:- بطلي الكلام الأهبل بتاعك ده هو أنا لما اتعصب علشان علشان خايف عليكي ابقي كده بقولك انك حمل عليه

قاطعهم نداء باسم حازم من الخارج فسمح لهم بالدخول

مالك بصوت مرتفع نسبيا :- تعالي عايزك دقيقتين بره ياحازم

عشقت ميمونه. هاجر محمد. حبيبه

خرج حازم لهم و:- أنا متشكر لوقفتكم معايا جدا واسف يادكتور مالك خليتك تسيب فرح اخوك

مالك :- سيبك من الكلام ده انا عايزك في موضوع تاني… ده عنوان المستشفي بتاعتي تجيب أختك بكره وتيجي لي

حازم :- اجيب ريم… ليه

مالك :- علشان بتعملها فحص علي عنيها وإن شاء الله ترجع زي الاول واحسن

حازم بياس :- حاولت كتير يادكتور بعد الحادثه المشؤومه والكل قال ما فيش أمل إنها ترجع تشوف تاني

مالك :- ياعم سيبها على الله وعليه وإن شاء الله الخير يجي علي ايد العبد لله بس انت تيجي لي بكره وان شاء تسمع اخبار تسرك1

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

عند سجود وصهيب… دخلت إلى الغرفه التي بها صهيب وهي تفرك في يدها بشده خاصة بعد خروج أخيها ظلت واقفه وراء الباب تلتقط في أنفاسها بصعوبه وصهيب يراقبها من بعيد بحاجب مرفوع.. تحرك ناحيتها بخطوات بطيئه ومع كل خطوه يزداد قلبها في الارتجاف ظل يقترب منها وهي تعود حتى التصقت في الباب وهو يقترب رفعت يدها لتمنعه و:- لو سمحت خليك بعيد شويه

امسك صهيب بيدها وقبلها و:- ليه الخوف ده كله أنا مش باكل العيال الصغيره علي فكره

ازداد خوف وتوتر سجود و:- وأنا مش عيله ب بس بس الموقف هو اللي صعب وأنا وأنا عمري ما فضلت م مع حد ل لوحدي قبل كده

صهيب :- بس انا مش حد دلوقتي أنا بقيت جوزك يعني النقاب ده يتشال قدامي … بصي ياسجود أنا يمكن تصرفاتي مجنونه حبتين بس مش في كل حاجه أنا مقدر موقفك جدا وعلشان كده رفضت اشوفك قبل كتب الكتاب علشان لما الاقيكي خايفه كده أقدر اطمنك بجد واقدر أملي عيني منك بس لو إنتي مش جاهزه أنا ما عنديش مشكله مش عايز ابقي طماع كفايا عليه ربط إسمك باسمي النهارده

ارتخت أعصاب سجود قليلاً من كلامه وابتسمت .. لاحظ صهيب حركة انكماش عينيها و:- أيوه كده اضحكي ضحكتك حلوه أوي علي فكره

اتسعت ابتسامة سجود و:- وانت إيه اللي عرفك إنها حلوه أوي

غمز صهيب لها ووضع يده على قلبه و:- قلب العاشق دليله…. هااا بقي هترفعي ولا نأجلها

صمتت سجود قليلا و:- ط ط طب لف الناحيه التانيه

التف صهيب واعطاها ظهره و :- ياسلام بس كده إنتي تؤمري….. هااا الف

سجود بصوت منخفض ومرتجف :- ل ل لف ب ب بس

استدار صهيب باتراً أي لفظ آخر بنظراته البلهاء وهو يفتح عينيه ويغلقها اكثر من مره بعدم تصديق و:- إنتي سجود.. قصدي نفس البنت اللي شوفتها يوم فرح ميمونه

سجود :- يعني إيه الكلام ده؟؟؟

صهيب بهيام :- إنتي أجمل مما توقعت أجمل حاجه شافتها عيني بعد أمي

ابتسمت سجود واخفضت نظرها بخجل فرفعه صهيب بسبابته و:- حرام عليكي تحرميني تاني أنا كنت قربت اتجنن أنا عمري ما صدقت الحب اللي من اول نظره بس إنتي قلبي عشقك من غير نظرات ومن غير أي حاجه

أمسكت سجود باصبعه و:- صهيب كفايا كده النهارده لو سمحت أنا مش واخده علي الكلام ده فبراحه عليه شويه

صهيب :- ودول كفايا عليه… . بس علي فكره انا أول مره اقول الكلام ده لبنت كنت بمشي حالي مع أمي بكلمتين ادرب بيهم نفسي لحد ما تيجي بنت الحلال اللي ربنا رزقني بيها

ضحكت همسه ورفعت النقاب و:- طب نخرج بقي علشان مش قادره تاني

قبل صهيب جبينها و:- يلا بينا نخرج…

خرج صهيب مع سجود وجلسوا فتره مع الجميع وبعدها رحل بأمه وميمونه………..

وصل صهيب بسيارته أمام بيت مالك و:- مالك قالي نص ساعه وجاي خلاص

خرجت ميمونه من السياره :- وما قالكش هو فين

صهيب :- قالي انه مع حازم وعمر بس

صافحت ميمونه أمينه والقت السلام عليهم و:- سلام عليكم ودخلت إلى البيت

عشقت ميمونه. هاجر محمد. حبيبه

دلفت ميمونه إلى الداخل فوجدت همسه جالسه تشاهد أحد الأفلام فاتجهت إلى ريموت الكنترول وغيرت إلى قناة المجد و:- مالك مانع تشغيل القرف ده عندنا

وقفت همسه بغضب و:- إنتي قليلت الذوق علي فكره وبعدين من امتى المشيخه دي الله يرحم أيام ما كنتي كل تسيبي واحد وتمشي مع التاني

ميمونه بحده :- إنتي متخلفه إيه الكلام اللي بتقوليه ده

همسه بصوت عالي :- اوعي تفتكري إني مصدقه الغلاف اللي إنتي حطاه ده وانك بقيتي ملتزمه وتعرفي ربنا لا إنتي بس واحده انانيه عايزه تاخد كل حاجه

ضربتها ميمونه بخفه علي وجهها و:- إنتي عبيطه يابت إنتي ولا إيه ولا إنتي مفكره علشان مخبيه وساختك تحت النقاب يبقي الكل زيك

ضغطت همسه علي أسنانها بغل و:- مين دي اللي وسخه أنا وإنتي لا ليكي أهل ولا حد يلمك

جذبت ميمونه نقابها علي الارض والقته أرضاً و:- لا بقي إنتي كده جبتي اخرك وانا أصلا علي أخرى ونفسي تقعي تحت ايدي وجذبتها من شعرها علي الأرض تنهل وتشفي غليلها منها بكل ما أوتيت من قوه2

فتح مالك الباب سريعا علي صوت الصراخ وما ان دخل حتي اندهش من منظر ميمونه التي تجلس فوق همسه وتجذبها من شعرها بقوه و:- ميمونه سيبي شعرها هيتقلع في إيدك

. ازاحته ميمونه بغضب وامسكت بخصلات شعرها مره اخري و:- سيبني يامالك خليني اربي البت دي… صفقت علي يدها و:- لاااا ياحبيبتي لو مفكره إني الضره الهاديه اللي هتستحمل قلت أدبك تبقى غلطانه وانخفصت باسنانها علي رقبتها وعضت عليها بكل غل وسط صراخ همسه وهي تستجير بمالك الذي فقد صوابه من كثرة الضحك

رأت همسه ضحكات مالك عليها فغلت الدماء في عروقها وضربت ميمونه ضربه مقصوده بدون أن يلاحظها مالك في بطنها صرخت علي أثرها صرخه مدويه و:- آآآآآآ آآآآآآآآآآآآ آآآآآآه

يتبع…..