Uncategorized

رواية إنسان سافل بس محترم الفصل السادس عشر 16 بقلم رانيا محمود

 رواية إنسان سافل بس محترم الفصل السادس عشر 16 بقلم رانيا محمود
رواية إنسان سافل بس محترم الفصل السادس عشر 16 بقلم رانيا محمود

رواية إنسان سافل بس محترم الفصل السادس عشر 16 بقلم رانيا محمود

   في السعودية……..
أحمد فكر جديا في كلام الجد و أنه يتصل تاني بندي لأنه عارف انها بتحاول تكلمه بس هو صدها وفكر أنه الأول يرتب أفكاره ويكلمها على طول 
في الوقت ده مروان قرر انه يفتح شركته الخاصه بيه ويكون مقرها لندن و يكون نشاطها سياحي وطبعا بمساعدة جده وبنت عم والده ((ميسون الترك))
مروان :_شوفي بقى ياصديقي العزيز انت عارف ان جدي هيكون الممول الرئيسي لشركتنا… وانا لما عرضت الفكره في اجتماع مجلس اداره مجموعه الترك  بنت عمي والدي ميسون الترك قررت هي كمان تدخل معنا شريك في شركتنا كده راس مال الشركه  هيكبر و هنحقق  ارباح سريعه وانتشر اسرع في وقت قصيره انت ما تعرفش ميسون الترك دي ايه دي  إمبراطورية مشيه على الأرض  وخصوصا هنا في بريطانيا احنا كثير جدا بنخلص شغلنا بسبب علاقتها  المتشعبه واللي ملهاش اخر حاجه كده عامله ذي زراع الاخطبوط 
احمد :_وده بقى حاجه من وجهه نظرك تخوف ولا تشجع
مروان:_ لا ما اعتقدش ان في حاجه تخوف ميسون على قد ما هي الجبروت وقويه لكن في الاول وفي الاخر تخضع لقرارات مجموعه الترك و ما تنساش ان جدي هو الكبير هو الاساس ما تقدر ميسون ولا غيرها  يعمل اي حاجه من غير موافقته أو من  غير رضاه… بس من الاخر ميسون  بعلاقتها المتشعبه الكثيره جدا واللي اكيد اكيد هتنفعنا كمان  ست ذكيه جدا وعندها كاريزما شخصيتها جذابه و تقدر تفدنا  كثير قوي وان وجودها في مجلس ادراه شركتنا هيكون داعم قوي لينا لما نطرح أسهم الشركه في البورصه العالميه 
أحمد :_ تمام على خيرت الله انا هاجهز نفسي علشان اسافر لندن، وكمان اقابل ميسون هانم ونبتدي في اجراءات تاسيس الشركه بشكل قانوني
 احمد سافر لندن اتفاجاء انه هينزل في بيت ميسون الترك لأنها قريبه مروان وكمان شريكه معاهم
لما نزل احمد المطار كانت منتظره سياره فيها موظف من مواظفين ميسون علشان يخلصله إجراءاته ويروح معاها لبيت ميسون 
وأول ما دخل البيت هي في الحقيقه فيلا رائعه الجمال على الطراز الإنجليزي التقليدى
أقل ما يقال عنها قطعه من الجنه بحديقتها و جمال الورود المزروعه فيها 
انبهر احمد فعلا. مما رائه لكن الانبهار الحقيقي كان بميسون 
        (( ميسون الترك ))
تعالوا نحكي  عنها شويه بس قبل ما أقول عنها و نتعقد كلنا منها و انا اولكم عاوزه اقول بلاش يا جماعه الانطباعات الأولى يعني مش لازم لما نشوف أو نسمع عن حد أنه كويس أو وحش يبقى الانطباع الاول هو سيد الموقف لا نفهم نستخدم عقولنا و الأهم نسمع أكثر ما نتكلم
نرجع بقى لميسون هانم الترك ????????
سيده أعمال سعوديه الأصل ثريه جدا عمرها في الأوراق الرسمية 43 سنه لكن لما تشوفها عمرها بيكون 23. سنه أيوه لا يمكن تتوقع أنها تزوجت 3 مرات بل لازالت عذراء 
فاتنه قويه الشخصيه لأقصى حد  و ذكيه جدا تنال ما تريده لكن بدهاء شديد 
سيده اقتصاد من الدرجه الاولى تعيش في لندن من 30 سنه كبرت وتعلمت وتزوجت في هذه البلد 
???? بصراحه كده يا جماعه علشان كتر الوصف فيها هيجبلي اكتئاااب هي من الاخر كده قنبله حاجه كده عمله زي البنت اللي بتطلع في كليبات عمرو دياب :-واترك لكم الخيااااااال براحتكم جدا
نرجع بقى للوقت الحاضر 
دخل احمد الفيلا وانبهر بيها وكان فيه تعليمات للخدم ان يجهزوا غرفه لأحمد وفعلا دخل شنطه وغير هدومه و خبط على باب غرفته كبير الخدم وأخبره أن ميسون هانم هتكون على موجوده. على العشا الساعه 7 مساءاً
جاء ميعاد العشا و احمد نزل و السفره مجهزه لفردين جلس وقالت له مديره المنزل باللغه الانجليزيه :_ ان سيده المنزل سوف تأتي لتناول العشاء بعد قليل
احمد اكتفي بهز دماغه بالموافقه…. كان متشوق يعرف مين اللي ساكنه البيت الرائع ده 
بعد قليل ..نزلت الملكه من على السلم وقف احمد من هول صدمته فهو كان يعلم أنه سيقابل سيده أعمال سعوديه ذات 43عام لكنه وجد كما قولت فتاه كليبات عمرو دياب ????????????حتى أنه فضل واقف بعد ما هي قعدت فضحكت من منظره
ميسون .:_.خير هتفضل واقف وباصص لي كتير 
أحمد انتبه .:_..لا ابدا انا اسف 
ميسون شورت له بايديها :_…اتفضل ارتاح 
قعد احمد و أكلوا لكن احمد ما رفعش عينه من عليها طول السهره وهي كاخبيره في علم الرجال وتعلم مدى تأثيرها عليهم عرفت ان احمد اللي حد بعيد مشغول بيها وهذا ما ارادته تماما …..و كان الحوار كله عن العمل فقط استأذنت وطلعت أوضتها لتنام وكذلك احمد
تاني يوم الصبح نزلوا وفطروا مع بعض و ذهبوا لمقر الشركه سوا وابتدوا في العمل وكانت ميسون مثل الأسد تتحدث بثقه تعطي الأوامر …لها شخصيه جباره في اداره شغلها بذكاء و سهوله …في فتره الغدا عزمت احمد على افخم مطعم و طبعا هو وافق لأنه كان حابب جدا وجوده معاها …ميسون خطفت عقل احمد .. أول مره في حياته يتعرف على نوعيه ذي دي من الستات قويه واثقه من نفسها بشكل مستفز و جميله بشكل أكثر استفزازاً
فضل احمد و لمده شهر مرافق لميسون يخرجوا وياكلوا و يسهروا مع بعض بس لحد اوضه النوم و stop لحد كده لأن احمد فعلا اتغير و ميسون مش رخيصه و مش هتعمل في نفسها كده 
____””__”_______________________________
في مكان ما في ريف مصر ..كانت أم سعيد في بيت عم أمينه الصغيره أم سعيد اجتمعت مع عم امينه وعمتها و حكتلهم كل شي بخصوص أمينه الصغيره وبعد ما سمعوا 
سكتوا لحظات 
أم سعيد قطعت الصمت .-:..ست أمينه دي ست محترمه جدا وهي اللي هتقدر تربي بنتكم بما يرضى الله صدقوني 
عم أمينه -:.خلاص يا أم سعيد سيبينا نفكر وبعدين نرد عليكي 
أم سعيد -:امشي واسيبكم لحد امتى انا لازم اسافر بكره 
عمه أمينه ..-:يبقى خلاص سفري و احنا هنرد عليكي الموضوع مش سلق بيض 
أم سعيد -:ماشي انا هاروح عند خالتي أسلم عليها وأبات عندها 
عم أمينه -“…ماشي بس سيبي أمينه هنا معانا 
(أم سعيد بصتله باستغراب)
عم أمينه-:..احنا بقالنا شهر  ما شوفنهاش 
أم سعيد -:.على فكره انا لو كنت عاوزه ابيع لحمي كنت عملت كده من أول ما ست أمينه طلبت البنت مني بس انا لا يمكن ابيع بنت اختي  انا اللي كنت عاوزاه مكان كويس يضمن لبنت اختي تربيه كويسه تلاقي فيه لقمه وهدمه نضيفه والاهم تلاقي أم تحبها وتعوضها حنان الأم اللي اتحرمت منه وهي حته لحمه حمرا وتعيشها اميره 
(و سكتت و اخدت نفس طويل و قالت و الدموع في عنيها )انا مش ببيع لحمي ومشيت بسرعه
العم..-:ايه رأيك يا اختي ?????
العمه -:.احنا لازم نسافر ونشوف مين الست اللي أم سعيد عاوزه تديها. بنتنا و لو فعلا كلمها صح فايه المانع 
العم .-:.ايه الجنان ده عوزاني ابيع بنت اخويا ده الست مارضيتش تبيع بنت أختها وهي ست اقوم انا الراجل والعمل كده ..لأ …تيجي تتربي معانا مع ولادنا و تعيش زينا علشان لما تكبر متكفرش بعيشتنا
العمه -:.و هو انت فاكر لو احنا وفقنا تتربي مع الست الغنيه دي هترجع لنا تاني 
العم -:.ماهو ده اللي انا خايف منه أنها تكبر و مانعرفش عنها حاجه وهي ماتعرفش عن أهلها حاجه
العمه -: طيب  هنعمل ايه 
العم  -:سيبيها على الله العب. في التفكير و الرب في التدبير. 
__________
ميسون و احمد بياخدوا شاي الساعه 5 وهو تقليد إنجليزي  five tea clock
 و مره واحده راحت سأله ‘_هو انت لسه بتفكر في مي؟! 
أحمد من خضته وقع الشاي من ايده و مبقاش فاهم هو فيه ايه وليه السؤال ده وازاي ميسون عرفت بموضوع مي 
طبعا كل ده و ميسون هاديه جدا لدرجه البرود و بتشرب الشاي وعلى وشها ابتسامه مش مفهوم الغرض منها و قالت:_ 
ايه اتخضيت ليه على العموم هريحك شوف يا احمد انا مافيش حد أتعامل معاه إلا لازم اعرف كل حاجه تخص ماضيه لأني مش بسهوله بتعامل مع حد لمجرد أن مروان أو حتي جدي واثقين فيه ولأني سيده أعمال لازم اعرف فلوسي هحطها فين و مع مين و لما قالي عليك طبعا حكالي عنك بس انا طبعا لازم أتأكد من كلامه و جمعت عنك معلومات من يوم ميلادك وجدتك اللي ربتك لحد ما ماتت واهل والدك اللي طردوك في الشارع والشركه اللي اشتغلت فيها لحد ما جيت هنا لندن و طبعا صفحه الفيس بوك اللي اتقفلت و انت في الحج وعلاقاتك والستات اللي بتنام معاهم وكل شي يخص احمد ذيدان
أحمد ابتدى يهدي و يستوعب ويستعيد توازنه فضل يسمعها و لم يعلق و لاحظ من كلمها أنها ماتعرفش حاجه عن ندى لأنها لم تذكر اسمها وبعد ما خلصت كلامها
 احمد ابتسم وقالها :_ايه رأيك في اللي عرفتيه 
ميسون :_..رأي انك راجل ما تتسبش مامرش عليا حد زيك بصراحه انت كنز يا احمد وأنا بقدر الكنوز (كانت بتتكلم بصوت انثوي ناعم جدا )
احم. بهدوؤ.:_.شكرا ميسون هانم
ميسون :_..قولي ميسون بس من غير هانم و كمان أصحابي بيقولولي ميس يا ريت انت كمان تقولي كده 
أحمد ولازالت ابتسمته الهادئه علي وشه :_اوك ميس عن اذنك دلوقتي اخلص الإيميلات اللي هنبعتها للعملاء بكره 
أحمد قام من قدامها و مش بيفكر غير في حاجه واحده  
يا تري يا ميسون عاوزه اللي في دماغي ولا انا غلطان؟؟
وبسرعه اتصل بمروان
أحمد :_الو اذيك يا مروان
مروان :_تمام يا احمد فينك انت
احمد :_انا في الكتب في بيت ميسون هانم فيه ايميلات كنت ببعتها للعملاء…. مروان انت فاضي محتاج اتكلم معاك
مروان :_اوك وانا كمان عاوزك فيه كام حاجه المفروض نعملهم اليومين الجايين علشان الشركه تبتدي بدايه قويه و كمان…..
أحمد :_تمام يا مروان المهم  نتقابل امتى وفين انا محتاج اشوفك النهارده
مروان :_اتفقنا ساعه بالضبط ونتقابل في  مطعم  الاوتيل اللي انا  نازل فيه
بعد ساعه تقريبا
احمد:_ مروان دلوقت في حاجه حصلت وانا عايز اسالك فيها
مروان:_ بالراحه يا احمد احنا لسه ما قعدنا  استني لما نشرب حاجه وعلى العموم يا سيدي اسال براحتك
احمد:_ يا سيدي انا مش عايز اطلب حاجه انا بس في حاجه عايزه اسالك عليها هو انت كنت قلت عني ايه لميسون
مروان باستغراب:_ ايه اللي اقوله لميسون عنك وانت عندك ايه غير شغل كويس وانت احسن واحد تمسك الشغل معنا وانت كمان عندك كاريزما عندك علاقات كويسه جدا في مصر  او هتقدر تفيدني بشكل كبير جدا وتستحق تكون معانا
احمد:_ يعني ما تكلمتش معها حياتي الشخصيه اللي انت عارفها كويس
مروان :_مش بالشكل ده انت متخيل انا قلت لها الحاجات اللي بتتقال ان انت يتيم اب وام و عشت مع جدتك  لحد ما ما هي توفت وانت عاشت فتره طويله جدا من حياتك وحيد مش متجوز وازاي عرفنا بعض واتطورت العلاقه بينك وبين جدي
احمد:_ يا مروان ميسون عارفه عني كل حاجه دي حتي  عارفه علاقتي بمي تخيل انا ما قولتش  الموضوع ده خالص غير لك انت وجدي وندى ما حدش ثاني يعرف الموضوع ده
مروان :_انا مش مستغرب انها تعرف  الحاجات دي كلها يا ابني باقولك دي امبراطوريه ماشيه على الارض بس السؤال الاهم دلوقت هي ليه بتسال بالشكل ده عن حياتك الشخصيه بشكل مفسر قوي كده كمان هي عارفه علاقتك ندى
أحمد :_لا معتقدش لان هي اساسا ما جبتش اسم ندى في الحوار اللي كان بيني وبينها كان  كل كلامها على مي وعلاقاتي بالستات اللي قبل كده
مروان :_يعني هي ما جبتش اسم ندى يبقى اكيد ما تعرفش حاجه عن ندي.. ارجع بقى السؤال الاولاني هي ليه بتسال عنك بالشكل ده
احمد:_اذا كان انت قريبها واللي المفروض عارف عنها كل حاجه اكثر مني بكثير امش  عارف تجاوب على السؤال ده انا اللي اعرف اجاوب عليه
مروان:_ ما تقلقش ما فيش حاجه تستدعي القلق ميسون ست ذكيه وعاقله معتقدش انها هتعمل شي يضر اسمها او سمعتها.. اهم حاجه عندها شكلها قدام الناس وده شي مش ممكن تغامر بيه هتلاقيها بس من النوع اللي  بتحب تعرف تفاصيل التفاصيل على الناس بتشتغل معها يمكن بتدور على نقطه ضعف علشان لو حاولت تعمل اي حاجه هي مش عايزاها  تعرف اذاي تتعامل معاك.. فهي هتحتاج تجمع عنك معلومات  بس غريب قوي اللي يعرف حاجه عن حد ما بيقولوش هي قالت لك على الكلام ده؟؟! 
احمد:- يا دي النيله انت بتطمني ولا بتقلقيني انا مش عارف اتصلت بك ليه.؟
مروان ????:_ايه يا ابني  الرعب اللي انت عامله ده اتصلت بيها علشان  في عندنا شغل على فكره ان ما كنتش كلمتيني انا كنت انا اللي هاكلمك باقول لك ايه سيبك من موضوع ميسون ده خالص يلا نركز في الحاجات اللي انا عايزاك تعملها لي الفتره الجايه
انتهى الحوار على ميسون لكن احمد فضل يفكر في الموضوع ده لحد ما روح البيت ما اقدرش ابدا يطلع ميسون من دماغه ولا كلامها ولا حتي شكلها…. 
احمد في غرفته بيفكر في ندي لانه حس ان مجرد تفكيره في ميسون خيانه لندي :- ايه يا احمد انت بتفكر كده ليه اذا  ندي  رفضتك انت لسه  لحد دلوقتي عامل لها اعتبار في حياتك وبتشوف يا ترى لو فكرت في واحده غيرها تكون خيانه ليها انت  اتغيرت قوي يا احمد انا نفسي ما بقتش عارفك–…. اه يا دماغي هتنفجر من كتر التفكير مش عارف افكر في حاجه.. بس الأهم عندي دلوقتي ان ميسون ماتعرفش عن ندي حاجه (( فحس براحه لأن ندى بالنسبه له بنته الصغيره اللي مش عاوز حد يقرب منها أو ياذيها
وحس ان ميسون مش شخصيه سهله ابدا و أنه لازم يفهم هي عاوزه ايه لأن اللي قالته النهارده مش برئ ابدا))) 
يا تري  امينه هتحقق امنيتها وتكون أم لميمي ..
أحمد كده خلاص نسي ندى
 و ميسون عاوزه ايه وأحمد هيوافق على اللي هي عاوزاه 
يا تري فيه حاجه اساسا اسمها حب ولا هو احتياج وبس واحنا اللي بنديله اسم تاني 
يتبع ……
لقراءة الفصل السابع عشر : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى