رواية زين الجزء الثانى الفصل السادس عشر 16 بقلم سحر فرج
 |
| رواية زين الجزء الثانى الفصل السادس عشر 16 بقلم سحر فرج |
رواية زين الجزء الثانى الفصل السادس عشر 16 بقلم سحر فرج
سارة : انت مجرم .. مجرم
وبتوسل قالت : حرام عليك سيبنى ارجع لأهلى سيبنى ارجع لبلدى سيبنى أمشى من هنا واوعدك مش هاقول اى حاجه لاى حد عن الشبكه بتاعتك .
وسيب زين كمان، هو مالوش أى ذنب فى كل اللى حصل ده .
جون ضحك بصوت عالى وقال : انتى الظاهر عليكى اتجننتى يا سارة ودى اخر حاجه ممكن افكر فيها .. وقت ما ازهق منك مش هاسيبك ترجعى لاهلك زى ما انتى متخيله .
وقت ما هازهق منك هاموتك بأيدى دى انتى فاهمه يا قطه .
وبالنسبه لزين اللى انتى خايفه عليه اوى كده هايموت دلوقتى اودام عيونك بعد ما ناخد اعضاءه ونستفيد منها .
و……………..
لسه جون هايرفع مسدسه ويصوبه ناحيه زين ويضربه بالنار .
سارة بكل خوف ورعب على زين صرخت بأعلى صوتها وقالت لااااااااااااا
وفى اللحظه دى بالذات الشرطه دخلت المخزن وملت المكان كله وجون اتصدم وبدأ تبادل ضرب نار من الجانبين .
بين جون ورجالته وبين الشرطه ورجالتها الكتير اللى كانوا موجودين وملوا المكان كله فى المخزن.
زين أول حاجه عملها فى وسط ضرب النار ده كله اللى كان حواليهم فى كل مكان انه يشد أيد سارة بمنتهى السرعه والمهارة وكأنه فيلم أكشن بيخرجه زين.
ودخل بيها الاوضه اللى كان محبوس فيها محاوله منه انه يسيبها فى أمان بعيد عن ضرب النار اللى كان شغال فى كل ركن من اركان المخزن .
ولسه زين هايسيب ساره ويخرج برة ويحاول يساعد الشرطه .
هى كانت اسرع منه وشدته وأترجته انه مايخرجش ويسيبها لوحدها وخوفا عليه هو كمان.
زين بصلها وقال : ارجوكى يا سارة خليكى هنا فى أمان.
سارة بكل خوف قالت : ارجوك انت متسبنيش لوحدى ارجوك يا زين .
ولسه زين هايرد عليها ويقنعها انها تفضل فى الاوضه دى، انتبه ان الصوت وقف وفى هدوء وأتاكدوا ان ضرب النار كمان وقف.
وخلال ثوانى معدوده الشرطه كانت داخله عليهم الاوضه هما الاتنين.
والمفاجأة الاحلى اللى اتفاجأه بيها زين ومكنش يتوقعها أبدا ان حسام دخل مع الشرطه وبص لزين بكل فرحه وقال : اخيرااااااااا
تعبتنا معاك يا عم زين وجرى وخدوا بعض بالحضن بكل حب .
زين : انت بتعمل ايه هنا؟ وعرفت ازاى انى هنا يا صاحبى ؟
حسام رد وقال : اصل انا بمثل فيلم اكشن هنا يا عم المخرج ودى بعض المشاهد اللى فى الفيلم .
زين ضحك وقال : فين ليل وعمر طمنى عليهم ؟
حسام : اطمن يا صاحبى ليل مستنياك بره هى وأيه فى امان بعيد عن المجزرة اللى حصلت هنا من شويه.
زين خرج جرى من المكان كله وخرج برة وعيونه كانت بتدور على ليل فى كل مكان لحد ما شافها على بعدكام متر،
فاجرى عليها وهى كمان أول لما شافته جريت عليه واترمت فى حضنه وبدأت تعيط بكل حرقه.
ليل : كنت خايفه عليك اوى اوى يا حبيبى وكنت بدعى ربنا انه يحفظك ويرجعك ليا بالسلامه فى اقرب وقت.
زين : وحشتينى اوى اوى يا روح قلبى ووحشنى صوتك وضحكتك وكل حاجه فيك يا روحى .
ليل : انا كان عندى امل كبير انك هاترجع يا حبيبى لانك عارف انى استحاله اعيش لحظه من غيرك .
زين : عارف طبعا يا روح قلبى وربنا يخليكى ليا دايما.
واخيرا زين خد باله من أيه مرات حسام وسلم عليها وكانت واقفه هى وجاسر مع بعض فسلم عليها .
وجه حسام وعرفه بجاسر وانه السبب الرئيسى اللى من خلاله قدروا يوصلوله فى المكان ده وزين مد ايده ليه وشكره جدا جدا على مساعدته لحسام والشرطه .
وجت سارة البنت الجميله اللى كانت سبب فى كل اللى حصل لزين واللى كانت عاوزة تساعد زين وتهربه من هنا ووقفت جنبه لاخر لحظه
وده اللى خلى ليل تستغرب جدا وبدأت تبصلها بنظرات كلها غيرة .
زين لاحظ نظرات ليل لسارة فمسك أيد ليل وقرب من سارة وقال : أحب اعرفكم بالانسانه اللى كانت هاتضحى بحياتها علشان تساعدنى وتخرجنى من هنا “سارة”
حسام : اهلا بيكى يا سارة وشكرا على مساعدتك لزين .
ليل : اهلا بيكى يا سارة .
جاسر اول لما شاف سارة اتفاجأه بوجودها ووشه جاب ميت لون واستأذن ومشى وساب المكان كله فورا .
حسام باستغراب : ماله ده فى ايه ؟!
سارة مقدرتش تنطق ولا كلمه وأستاذنت هى كمان انها تمشى وتهرب من نظراتهم واستغرابهم من اللى جاسر عمله .
زين بص لسارة وقال : ياريت اقدر اقدملك اى مساعده انتى محتجاها علشان ترجعى لاهلك فى سوريا، وانا تحت امرك فى اى شىء تحتاجيه يا ساره.
سارة : متشكرة جدا يا زين وسامحنى انى كنت السبب فى كل اللى حصلك، هاسيبك تستريح دلوقتى وترجع مع اهلك على الفندق ولو انا احتجت لاى شىء هابلغك بيه على طول .
وادتله رقم تليفونها .. وهو ملاها كمان رقم موبيله .
وشكرها زين مرة تانيه وخد ليل وحسام وأيه وركبوا عربيه كانت مع حسام ورجعوا بيها على الفندق .
وأول لما وصلوا الفندق بص لحسام بأستغراب
وقال : انا مش شايف عمر وشاهندا معاكم ليه يا ابنى انت؟
حسام بص لأيه وليل وقال : اصل ………..
زين بأستغراب بصله وقال: اصل ايه يا حسام اوعى يكون فى حاجه حصلت ومخبينها عليا او عمر تعبان؟!
حسام : ابداً ابداً يا زين اطمن وكل الحكايه إن عمر وشاهندا نزلوا على مصر من كام يوم
كده.
زين بأستغراب رد وقال: نزلوا مصر!! طيب ليه حصل ايه فهمنى يا حسام انطق ؟
ليل مسكت أيده وبصتله وقالت : الصراحه يا حبيبى خالتوا سميحه تعبت شويه واتحجزت فى المستشفى وعمر مقدرش يستنى هنا لحظه واحده أول لما عرف الخبر ده.
زين بكل خوف بصلها وقال : أمى!! أمى مالها يا ليل قولى ؟
ليل بصت لحسام وحسام قال : اهدى يا ابنى انت والدتك بخير وبقت كويسه اطمن وانا الصبح كلمت معتز وطمنى عليها بنفسه وصحتها فى تحسن الحمد لله متقلقش .
زين بكل خوف وقلق قال: انا لازم انزل على مصر دلوقتى حالا يا حسام .
حسام : اهدى يا زين واطمن انا هاطلب من السفاره تخلص موضوع السفر ده بسرعه ونحجز التزاكر باذن الله ونرجع على اول طيارة نازله على مصر .
زين : طيب هات موبيلك اطمن بنفسى من معتز وعمر واسمع صوت أمى .
وفعلا حسام ناول لزين موبيله على طول وزين اتصل الاول على معتز واطمن على والدته وحمد ربنا انها بصحه كويسه ومرت الذبحه اللى جاتلها على خير.
وبعد كده اتصل على عمر واول ما عمر سمع صوت موبيله بيرن وعرف ان حسام اللى بيتصل رد وقال : ايوا يا حسام طمنى فى أى اخبار عن زين وصلتوا ليها ؟
زين بضحك رد وقال: للدرجه دى انت كنت خايف عليا يا عيل يا واطى انت .
عمر اتفاجأه بصوت زين وقال : زين الجبالى
معقوووول حمد الله على سلامتك يا حبيبى ظهرت امتى .
زين : يادوبك من نصف ساعه بس وقولت اطمنك بنفسى انى رجعت وبالمرة اطمن على ماما .
عمر : اطمن يا زين ماما بخير وكويسه الحمد لله، المهم قولى انت كنت فين وايه اللى حصلك بالضبط؟
زين : بعدين يا عمر المهم ادينى ماما اكلمها واسمع صوتها وحشانى اوى .
عمر : هاسمعك صوتها اول لما ننقلها لاوضتها بعد شويه متقلقش وهى كمان اكيد انت واحشها وهاتفرح اوى لما تسمع صوتك انت وليل .
زين اطمن على والدته وطمن عمر عليه وخد ليل وطلع لأوضته بعد ما استأذن من حسام وشكره على تعبه معاه طول الفترة اللى فاتت دى كلها.
وحسام بلغه اول لما يعرف مواعيد السفر هايقوله على طول .
وكل واحد فيهم خد مراته وطلع على اوضته يستريح من الايام الرهيبه اللى الكل مر بيها وخصوصا زين .
_____________________
يوسف كان وصل المستشفى هو وعبير وشاهى وقابلوا عمر وسماح وشاهندا فى اوضه سميحه اللى اتنقلت فيها بعد ما خرجت من الرعايه .
وباركلهم على سلامه سميحه هانم وتحسن صحتها وخروجها من الرعايه .
وعمر بلغه انهم اخيرا وصلوا لزين وعلى بكرة بالكتير هايكون معاهم .
وشويه ومعتز دخل ليهم وسلم على يوسف وعبير وشاهى اللى اتفاجأت انه مبتسم ليها ونظراته رجعت ليها زى الاول .. نظرات كلها اعجاب وحب .
يوسف حب يفاجأه الجميع فقال : بما اننا كلنا موجودين وفرحانين بسلامه سميحه هانم احب ابلغكم ان انا وعبير هانتجوز قريب جدا وهاروح اطلب ايديها من عم حسن .
الكل فرح بيهم وليهم وبدؤا يهنوهم ويباركوا ليهم هما الاتنين .
معتز استغل الفرصه الحلوة دى وبص ليوسف وقال : بالمناسبه الحلوة دى انا كمان لقيت بنت الحلال وهاتجوز قريب وأحصلك.
شاهى ابتسامتها اختفت على طول والدموع ملت عيونها .
يوسف فهم معتز يقصد مين فقرب من معتز وحط ايده على كتفه وقال : الف مبروك يا صاحبى ويبقى الفرح جماعى زي ما حسام وزين وعمر عملوا .
ياترى مين هى سعيده الحظ دى ؟
معتز قرب من شاهى اللى اتفاجأت بقربه ليها ومسك ايديها وسط الكل وقال : تقبلى تتجوزينى يا شاهى؟
شاهى اتفاجأت بطلبه ده وفرحت جدا من جواها وغصب عنها دموعها نزلت بس المرة دى دموع الفرح .
معتز بكل حب بص فى عيونها وقال : قولتى ايه يا عروسه ؟
شاهى بكل احراج بصت ليوسف اللى كان فرحان ليها جدا وبصت لمعتز بكل حب
وقالت : انا موافقه .
الكل بارك ليهم وهناهم وفرح ليهم كلهم وسميحه كانت فرحانه جدا ان زين وليل هايرجعوا لها من السفر، وانها اخيرا هاتتجمع بأولادها وعيليتها تانى .
عدى الوقت عليهم كلهم فى سعاده وفرحه كبيرة، وزين اتصل بوالدته وكلمها وسمع صوتها بنفسه واطمن عليها.
وليل برضه كلمتها واطمنت عليها وعلى صحتها .
زين كان جاله تليفون من حسام وبلغه انه حجز تذاكر الطيران .
واتفقوا انهم هايتقبلوا فى المطعم ويتعشوا كلهم مع بعضهم .
وبلغه كمان ان جاسر هايحضر معاهم العشاء علشان يقدروا يشكروه تانى على وقفته ومساعدته ليهم فى موضوع زين .
وزين قال فرصه انه يعزم هو كمان على سارة ويشكرها على مساعدتها ليه وتيجى تتعشى معاهم.
واول لما قفل مع حسام شاف ليل واقفه مكشرة فى وسط الاوضه وحاطه ايديها فى وسطها ????????????
زين استغرب وقرب منها وشدها لحضنه
وقال : القمر مكشر كده ليه ؟
ليل بعدت عنه وبصتله بكل غيظ
وقالت : مفيش .
زين رجع شدها تانى ومد ايده على مناخيرها بهزار وقال : لا بجد مالك زعلتى كده ليه فجأه وانا بتكلم مع حسام ؟
ليل : كان لازم يعنى تقوله انك هاتكلم ست سارة دى وتعزمها على العشاء .
زين ضحك بصوت عالى وفهم ليل تقصد ايه وبصلها وقال : ايه ده ليل مراتى بتغير عليا ولا ايه يا ناس!؟
ليل بنرفزة : لا ابدا مش بغير عليك .
زين : اومال اللى انتى فيه ده تسميه ايه يا روح قلبى ؟؟
ليل : ابدأ كل الحكايه انى مستغربه انك تعزم واحده معانا على العشاء منعرفهاش .
وفى الاساس هى اللى كانت السبب فى كل اللى حصل معاك ومعانا ده .
زين : يا روح قلبى دى بنت مسكينه وكانوا ضغطين عليها انها تشتغل معاهم بالعافيه واجبروها على كده .
وساعه لما سمعناها بتصرخ على الجزيره كانوا بيضربوها علشان كانت رافضه انها تشتغل معاهم فى الشبكه الكبيرة الخطيرة دى .
دى بنت سوريه وبعدت عن اهلها غصب عنها علشان تشتغل فى ايطاليا وتساعدهم ، وبظروفها قابلت الناس دى وشغلوها معاهم .
ولما عرفت اللى هما بيعملوه ده حاولت اكتر من مرة انها تهرب منهم وترجع لاهلها بس مقدرتش .
وبعدين يا روح قلبى انا عمرى ما هاقدر احب حد تانى ابدأ غيرك انت يا قمر .
وقرب منها وباسها من شفافيها بمنتهى الرومانسيه .
ليل بدأت تفهم ظروف البنت دى وصعبت عليها وقالت : ماشى يا حبيبى وانا معنديش اى مانع انها تيجى تتعشى معانا واتعرف عليها وكفايه انها ساعدتك علشان ترجع ليا من تانى وكمان علشان بحب جدا الشعب السوري .
زين شدها لحضنه بمنتهى الرقه والرومانسيه
وقال : ما تيجى نكنسل العشاء ده كله ،
ونقعد مع بعض احكيلك كل اللى حصل معايا طول ما انا كنت بعيد عنك ????
ليل : وبعدين معاك ما انت حاكتلى كل اللى حصل معاك اول ما اتقفل علينا باب الاوضه وبعدين زمان حسام وأيه نزلوا للمطعم وفى انتظارنا .
زين برومانسيه : طيب احكيلك حدوته صغيورة اااااد كده طيب.
ليل : يالا يا زين بطل دلع وكمل لبسك عقبال ما اكمل لبسى انا كمان .
زين عمل نفسه زعلان ومكشر وحط ايده فى وسطه وقال : مش مكمل وادى قاعده .
ليل قربت منه وباسته فى خده وقالت : وكده لسه زعلان برضه .
زين كان اسرع منها وباسها فى شفايفها برومانسيه وقال : كده هافضل زعلان نص نص .
ليل فضلت تضحك وراحت وكملت لبسها وزين كمان كمل لبسه وبعد ما خلصوا نزلوا على المطعم على طول .
____________________
حسام وأيه كانوا قاعدين فى المطعم على التربيزه اللى كان حاجزها وشويه ونزلت ليل وزين ليهم وفضلوا يتكلموا شويه لحد ما جاسر جالهم .
وزين رحب بيه هو وحسام وشكروه على مساعدته ليهم وحاولوا يقدموا ليه اى مساعده هو محتاجها .
وجاسر كان بيتمنى انه يرجع على بلده سوريا علشان يطمن على اهله .
وزين وعده انه هايعمل كل اللى يقدر عليه علشان يرجع لسوريا ويشوف اهله وكمان عرض عليه انه يروح لهم مصر وهايخليه يشتغل معاهم فى الشركه بتاعته هو وعمر بمرتب كبير جدا افضل من شغله هنا فى
ايطاليا .
جاسر فرح جدا جدا وشكر زين وفجأه اتصدم واتفاجأه بوصول سارة واتحولت الفرحه والابتسامه لتكشيرة وغضب .
سارة : مساء الخير .
الكل رحب بيها وسلموا عليها الا جاسر اللى وشه اتغير اول لما شافها .
زين وليل وحتى حسام خدوا بالهم من كده ومن نظرات جاسر ليها .
زين : انتم تعرفوا بعض ولا ايه يا جاسر انا ملاحظ كده ؟
جاسر سكت شويه وبص لسارة وقال : انا اتعرفت على سارة اول لما وصلت روما وكنا اصدقاء بس للاسف هى بعدت عنى وبدون اى اسباب .
سارة : لا فى اسباب كتير يا جاسر بس انت اللى محاولتش تعرف ايه هى الاسباب دى وليه بعدت عنك .
ليل : انا اسفه انى بتدخل ما بينكم بس الظاهر كده فى سوء تفاهم حصل بينكم ولازم توضحوه لبعض، انتم مهما كان ولاد بلد واحده والمفروض قلبكم يكون على قلب بعض ولا ايه رايكم يا جماعه .
سارة : ده المفروض اللى كان يحصل يا ليل واسمحيلى اقولك ليل ، بس للاسف هو مدنيش فرصه لاى حاجه .
جاسر لسه هايقوم وياخد بعضه ويمشى ويسيب المكان كله .. حسام طلب منه انه يقعد ويحاولوا يحلوا الموضوع .
زين : الصراحه كده ومن غير ما تزعل منى يا جاسر انت راجل والمفروض تسمع لها وتعرف ايه هى الاسباب اللى خلتها تبعد عنك .
سارة : قوله يا زين قوله.
جاسر : وانا اهو قاعد هاسمع وانتم معايا وتحكموا بنفسكم .
وبص لسارة وقال : اتفضلى احكى يا ست سارة .
سارة بصتله بكل حزن وبصت لزين اللى اعتبرته زى اخوها بالضبط وهو كمان اعتبرها اخت ليه وفى الاخر قالت : يعلم ربنا يا جاسر انى بادلتك نفس شعورك واحساسك وحلمت باليوم اللى ربنا يجمعنا فيه على خير انا وانت ونتجوز واكون ليك الزوجه اللى بتتمناها طول عمرك .
ورغم كل الظروف اللى مرت عليا وانا بعيده عنك لكن عمرى ما قدرت انساك لحظه وطول الوقت كنت معايا وفى قلبى .
بس غصب عنى اضطريت أبعد عنك علشان مكنتش عاوزة اخسرك وعلشان جون هددنى انى لو ما بعدتش عنك ممكن يقتلك .
جاسر : وليه اصلا علشان تبقى ليه هو زى ما انا شوفتك معاه بعدين ؟
سارة : جاسر انا عملت كل ده وبعدت عنك علشان كنت خايفه عليك منه وكنت خايفه لا هو يأذيك افهم بقى .
ويعلم ربنا ان جون ده عمره ما لمسنى ولا قدر يقرب منى زى ما كان مفكر علشان انا عمرى ما هاسلم نفسى وروحى وقلبى غير للانسان اللى انا بحبه وبس وفى حلال ربنا ، واياك تفهم بقى .
وغصب عنها دموعها خانتها وعيطت وقامت من مكانها وخدت بعضها وراحت على التراس اللى كان فى المطعم .
جاسر اتأثر جدا بكلام سارة واتاكد انها لسه فعلا بتحبه .
فقام من مكانه واستأذن من حسام وزين ودخل لها التراس وقرب منها وحاول يهديها .
سارة بكل دموع بصتله وقالت : انا بحبك يا جاسر وعمرى ما حبيت حد غيرك انت وبس، ازاى قدرت تتخيل انى ابعد عنك واسيبك علشان خاطر الفلوس زى ما انت تصورت .
جاسر بكل حب وحنيه مسك ايديها وشدها لحضنه وباسها وقال : انا اسف انى فهمتك غلط وياريت تسامحينى وعاوزك تنسى كل اللى فات ده ونبدأ صفحه جديده انا وانتى وبس .
وبص لعيونها وقال: سارة انا بحبك وعمرى ما قدرت انساكى وعمرى ما حبيت حد غيرك انت وبس .
انتى حبى الاول والاخير .
واول حاجه ناوى اعملها اننا ننزل سوريا مع بعض واروح اتقدم لاهلك واطلب ايدك منهم ونتجوز هناك .. موافقه يا حبيبتى ؟
سارة مسحت دموعها وابتسمت
وقالت : اكيد موافقه .
زين كان رايح يطمن عليهم وسمع كلامهم وفرح جدا ليهم وقال : مش هانتعشى بقى با حلوين بمناسبه الاخبار الحلوة اللى سمعتها دى .
جاسر وسارة ضحكوا من قلبهم لاول مرة من فترة طويله وقالوا : يالا بينا .
ورجعوا كلهم على المطعم والاكل كان بدأ يجهز ليهم وجاسر بلغهم بالاخبار الحلوة اللى اتفقوا عليها هو وسارة والكل هناهم وبارك ليهم ولسعادتهم وفرحتهم .
و…………….
